MODENA- Rekrutonin vajza të reja nga Rumania dhe Filipinet në Facebook dhe i detyronin të ushtronin prostitucion. Për të qenë më të sigurtë, ata i shoqëronin vetë vajzat, të cilat nuk ishin më shumë se 18/19 vjeç.
Për këtë janë vënë sot në pranga tre shtetas shqiptarë në Itali. S.V, 31 vjeç, U.A, 24 vjeç dhe B.E, 24 vjeç, të tre banues në Itali. Mbi të tre rëndon akuza e nxitjes dhe shfrytëzimit të prostitucionit.
Policia italianë tha se kishte kohë që e ndiqte veprimtarinë e shqiptarëve. Gjatë operacionit njëri prej tyre ka tentuar të largohet, por pa mundur ta çojë deri në fund, pasi është bllokuar në Bari, në tentativë për të hipur në një traget që vinte për Shqipëri.
Panorama
Krijoni Kontakt