Si në Shqipëri, shqiptarët krim dhe korrupsion në mes të New Jorkut
Gjobvënie bizneseve nga një grup shqiptaresh, qe mbuloheshin në këtë aktivitet kriminal nga një polic, që ishte i vëllai i njerit prej krimineleve. Një ngjarje në mes të New Jorkut në SHBA, ku protagonistët janë të gjithë shqiptarë na shfaq një skenë që ndoshta në Shqipëri është e zakonshme, që krimi të bashkëpunojë me policinë në aktivitetin e tij. Lajmin e freskët e kemi me arrestimin e drejtorit të Policisë Kufitare në Korçë që ishte “mbulimi” i kontrabandës.
Mediat amerikane shkruajnë se një oficer policie në Nju Jork është nën akuzë pasi së bashku me vëllain e një prej kriminelëve më të kërkuar shqiptarë u vinte gjoba bizneseve në zonën e Queens. Bizneset duhej të paguanin ‘mbrojtje mujore’.
Bëhet fjalë për disa biznese, por prokuroria ka cituar një rast të veçantë, atë të një pronari restoranti nga Shqipëria. Ai sapo kishte hapur një restorant në Astoria kur u vizitua nga Redinel Dervishaj, një kriminel shqiptar. Pasi i tha se “duhet të paguash që të veprosh në lagjen tonë”, pronari i restorantit thirri oficerin e policisë, Besnik Llakatura.
Oficeri Llakatura, që punonte bashkë me Dervishajn, i tha pronarit të restorantit që të paguante “pasi këta njerëz e kanë në pronësi Astoria-n”. Sipas prokurorëve, Llakatura i tha pronarit të restorantit që të mos i telefononte policisë. Në një rast të mëvonshëm, një nga pjesëtarët e grupit, sërish shqiptar, Denis Nikolla, e kërcënoi pronarin e restorantit me armë.
E kështu ai nisi të bënte pagesat, në total 24 mijë dollarë, nga të cilat Llakatura mori rreth 6 mijë dollarë.
Por Llakatura nuk e kuptoi se pronari i restorantit kishte shkuar tek FBI, që i kishte dhënë atij paratë për pagesat.
Te gjithe shqiptaret e arrestuar, perfshire dhe policin, hetohen dhe per krime te tjera te meparshme, bejne te ditur mediat njujorkeze.
MAPO
Krijoni Kontakt