Arratisen 7 të burgosur nga burgu i Drenovës, Policia: Janë të armatosur. Tahiri mbledhje urgjente
KORCE-Janë arratisur 7 të dënuar nga burgu i sigurisë së lartë në Drenovë të Korçës. Në rrethana ende të paqarta, 7 të dënuarit që dyshohet se janë të gjithë të dënuar me brugim të përjetshëm, u kanë marrë rojeve të sigurisë armët dhe më pas nëpërmjet kërcënimit kanë arritur të arratisen, të ndihmuar edhe nga errësira.
Të arratisurit janë Admir Tafili, Frank Marashi, Gëzim Guri, Gëzim Toma, Reiz Haxhiraj, Eduard Lulo dhe Artur Gora.
Të dënuarit Frank Marashi dhe Admir Tafili kanë tentuar edhe më herët arrtisjen nga burgu i Burrelit, ndërkohë që Admir Tafili ishte i dënuar për vrasjen dy vëllezërve Pjetruishi si dhe i akuzuar për vrasjen e policit Arben Zylyftari, ndërsa Frank Marashi është autori i masakrës në “Urën Vajgurore”.
Zyrtarët e policisë pohojnë se të burgosurit që kanë mundur të arratisen mund të jenë ndihmuar edhe nga persona që prisnin jashtë burgut. Ndërkohë që mister është edhe futja e armëve në qeli, duke qenë se konsiderohet si burgu më i fortë përsa i përket kushteve të sigurisë.
Të arratisurit kanë kanosur me armë patrullën e policisë në Pogradec, si dhe kanë vazhduar arratisjen drejt qytetit të Librazhdit.
Prokurori i Përgjithshëm Adriartik Lllalla, Ministri i Drejtësisë Nasip Naço po zhvillojnë një takim më Ministrin e Brendshëm Saimir Tahiri në ambientet e Ministrisë së Brendshme.
Ndërkohë që forcat RENEA janë nisur drejt Korçës, Pogradecit e Elbasanit, patrulla policie dhe postblloqe janë ngritur në të gjitha akset nacionale dhe në pikat kufitare.
MB-QYTETAREVE: BENI KUJDES PERSONAT JANE TE RREZIKSHEM
Ministria e Brendshme u bën thirrje të gjithë qytetarëve që të kenë kujdes pasi personat e arratisur janë të armatosur dhe të rrezikshëm. Në të njëjtën kohë MPB u kërkon të gjithë atyre që mund të kenë informacione lidhur me këta persona dhe vendndodhjen e tyre që të njoftojnë menjëherë komisariatet e policisë në numrin 129.
Forca të shumta të Ndërhyrjes së Shpejtë dhe RENEAS janë nisur në zonën ku mendohet se ndodhen të arratisurit, ndërsa janë informuar dhe vënë në lëvizje edhe policitë e vendeve fqinje, Greqisë dhe Maqedonisë.
Në Ministrinë e Punëve të Brendshme është ngritur një shtab pune me drejtuesit më të lartë të institucioneve ligjzbatuese në vend, që po koordinon të gjitha veprimet e policisë dhe agjencive të tjera shtetërore, për kapjen e këtyre personave.
Vetëm një jave më partë një grup pune i Drejtorisë së së Përgjithshme të burgjeve gjastë një kontrolli të detajuar u gjetën në qelitë e burgut mbi 8 telefona celularë.
vijon
balkanweb
Krijoni Kontakt