Selia e PSD, Policia e Shtetit dhunon pronarin e godines dhe permbaruesit

[unreal]

cudi sesi nuk po shikojme sot ndonje shkrim per shtetin ligjor,vendimet e gjykatave,"shenjterine" e vendimit te tyre,etj sic degjuam ne rastin kur e njejta polici private nderhyri ne permet kunder kishes ortodokse.

Cudia edhe me e madhe kur nuk ka asnje reagim nga Kisha greke dhe Ministria e puneve te huaja!

[Archon]

Cudia edhe me e madhe kur nuk ka asnje reagim nga Kisha greke dhe Ministria e puneve te huaja!

Po nuk e nxoren Gjinushin me dhune,ndoshta prandaj nuk reaguan te huajt

[tiranasi90]

kapeni per leckash ate maskara qi ka zon pronat e tjeter kujt. te shkoj atje ne Salarine e vet ene t'ja zej pronen tjereve kur ta shofi veten me na i k*qe ne koke.

[Albo]

Selia e PSD, përmbaruesit nisin lirimin e godinës. FNSH i nxjerr jashtë

Selia e PSD, përmbaruesit nisin lirimin e godinës. FNSH i nxjerr jashtëTIRANE – Përmbarimi privat ka hyrë mëngjesin e sotëm në ambientet e selisë së Partisë Social Demokrate, të drejtuar nga Skënder Gjinushi, dhe ka filluar të nxjerrë materialet që ndodheshin brenda objektit. Rreth 1 orë pas nisjes së operacionit, Forcat e Ndërhyrjes së Shpejtë kanë ndërprerë punën e përmbaruesve për lirimin e ambienteve që kanë shërbyer prej vitesh si selia qendrore e PSD-së.

Policia ka nxjerrë jashtë të gjithë përmbaruesit dhe gazetarët, duke thënë se territori do të boshatiset dhe do t’i kthehet pronarit të ligjshëm, pa thënë se cilin njeh si pronar të ligjshëm të godinës. Policia i ka vënë sërish çelësin portës kryesore, duke lejuar policinë private të marrë sërish në ruajtje selinë e PSD-së.

Sipas gazetarit të “News 24”, Erjon Skëndaj, kreu i PSD-së Gjinushi mendohet se është lejuar të qëndrojë në zyrën e tij, në katin e dytë të godinës.
Përmbaruesit janë shprehur të vendosur për të marrë në dorëzim godinën dhe për t’ja kthyer atë pronarit të ligjshëm, zotit Manopulli.


Policia e Shtetit ishte thirrur nga përmbaruesit për të mbështetur operacionin e tyre, por ata nuk kanë marrë asnjë përgjigje zyrtare prej tyre.

Rreth një orë pasi përmbaruesit u futën në godinë, forca të shumta të ndërhyrjes së shpejtë kanë boshatisur godinën, duke nxjerrë jashtë përmbaruesit.

Mësohet se policia ka shoqëruar në polici dy përfaqësues të pronarëve që pretendojnë pronësinë e godinës së PSD-së, për arsye ende të panjohura.

MINISTRIA E DREJTESISE: BAFTJAR NELAJ SHKELI LIGJIN E KODIN E ETIKËS
Ora: 13:43 - Ministria e Drejtësisë ka urdhëruar procedimin disiplinor për përmbaruesin Baftjar Nelaj, me pretendimin se ka shkelur ligjin dhe kodin e etikës gjatë ushtrimit të detyrës, në përpjekje për të liruar ambientet e selisë së PSD-së. Sipas Ministrisë së Drejtësisë, përmbaruesi Nelaj rezulton të jetë i dënuar edhe më parë me vendim të formës së prerë.

Përmbaruesi Baftjar Nela, mbron interesat e shtetasve të cilët janë në konflikt pronësie me Kreun e Partisë Social Demokrate, Skëndër Gjinushi, për objektin ku ndodhet selia e partisë në fjalë, pasi, të dyja palët pretendojnë se objektit i takon me ligji.

Vendimi i Ministrit të Drejtësisë, Nasip Naço, vjen pas konfliktit të mëngjesit të sotëm kur Përmbarimi Privat, i drejtuar nga Baftjar Nela, ka hyrë në ambientet e selisë së Partisë Social Demokrate dhe ka filluar të nxjerrë objektet që ndodheshin brenda saj

TAHIRI: PYESNI POLICINE E SHTETIT
Ora 12:36 - I pyetur në lidhje me ndërhyrjen e policisë në konfliktin për selinë e PSD-së, Ministri i Punëve të Brendshme, Saimir Tahiri tha: “Se kuptoj pse me pyesni mua, duhet të pyesni Policinë e Shtetit.”

GJINUSHI: PRONARI ESHTE I KEQPERDORUR, KA VETEM 1/3 E PRONES, TE VIJE TA MARRE QE NESER
Ora 10:23 - Kryetari i PSD-së Skënder Gjinushi akuzoi qeverinë e kaluar se po keqpërdor pronarin që sipas tij disponon vetëm 1/3 e pronës dhe oborrin ku është ngritur selia e PSD-së. Në një komunikim për mediat, Gjinushi tha se pronari mund të marrë që nesër pjesën që i takon.

“Ka qenë gjithë ish-struktura e shtetit që ra që ka qenë e interesuar. Ky ish-pronar është i keqpërdorur. Ai ka 1/3 e pronës dhe oborrin, por ata i vënë kusht që po s’largove PSD nuk të lëmë të ndërtosh. Është e njëjta skemë që u bë me xhaminë. Pronari, është e gjithë e drejta e tij për ta kërkuar në rrugë zyrtare. Ky vetëm është i kapur, mjafton të bëjë një kompromis më shtetin, të marrë atë që ka vetë dhe ta gëzojë atë që i takon. Përmbaruesi është pa licencë, është i dënuar penalisht dhe e ka licencën të paligjshme.”- u shpreh Gjinushi.

PËRMBARUESIT NISIN LIRIMIN E SELISË SË PSD
Ora: 09:00- Selia e Partisë Social Demokrate, që ndodhet prapa Ministrisë së Drejtësisë në Tiranë, ka përplasur sërish përmbaruesit privatë dhe policinë private që është kontaktuar nga PSD për të mbrojtur objektin. Përmbaruesit kanë përdorur forcën për të hapur portën kryesore të godinës dhe më pas kanë filluar të nxjerrin materialet që ndodheshin brenda objektit

Përmbaruesit janë konfrontuar fizikisht me policinë private e cila ka tentuar deri në momentet e fundit të shmangë hyrjen e përmbaruesve në godinë. Sapo është futur në brendësi të godinës, njëri prej pronarëve është ndjerë keq dhe është transportuar me ambulancë në spital, për të marrë ndihmën e nevojshme mjekësore.

Avokati i pronarëve, Riza Hiçka deklaroi se përmbaruesit i kanë kërkuar ndihmë Policisë së Shtetit por nuk kanë marrë asnjë përgjigje.

“Nuk kishte pse të ndodhte gjithë kjo kundërshti. Nëse do të ishte e pranishme policia e shtetit nuk do të kishim gjithë këtë anomali. Njoftimet për policinë janë bërë por s’mund të them pse nuk erdhi. Nuk na kanë kthyer asnjë përgjigje. Në vijim pronari do marrë në zotërim godinën.”- deklaroi zoti Hiçka.

ANETARE TE PSD TENTOJNE TE FUTEN NE GODINE: DO MARRIM SENDET TONA
Ora 08:45 - Persona që pretendojnë se janë anëtarë të PSD-së, kanë ndërprerë herë pas here punën e përmbaruesve, duke kërkuar të hyjnë në godinë për të tërhequr sendet e tyre. Përmbaruesit i kanë sqaruar se të gjitha sendet do të dorëzohen me procesverbal dhe mund t’i tërheqin sapo të përfundojnë procedurat.
Nipi i njërit prej pronarëve, ka telefonuar policinë, për praninë e një personi të dehur i cili tentoi të futej në godinë.

PERPLASJA MES PERMBARUESVE DHE POLICISE PRIVATE

Ora 08:30 - Përmbaruesit privatë kanë mbërritur rreth orës 08:30 në hyrje të selisë së PSD-së, duke kërkuar lirimin e godinës. Përmbaruesit i bënë thirrje kreut të PSD-së Skënder Gjinushi të dorëzojë çelësat e godinës, në përputhje me vendimet e gjykatave, që siç thonë ata, i kanë dhënë të drejtë pronarit të truallit dhe godinës.

“Presim pincat që të hapim derën. Ky veprim është bërë dhe njëherë dhe në u shoqëruam në komisariat. Shteti shqiptar kërkon pronat çamëve, ja ku është prona e çamëve, ti japin pronën. I bëjmë thirrje zotit Gjinushi të dorëzojë çelësat. Nëse një personalitet si Gjinushi nuk zbaton ligjin çfarë duhet të presim.”- u shprehën përmbaruesit për “News24”.

Situata u tensionua së tepërmi, kur përpara portës kryesore të godinës mbërriti makina e kreut të PSD-së, Gjinushi, i cili tentoi të hynte në zyrat e tij. Përmbaruesit nuk kanë lejuar që Gjinushi të futet në selinë e PSD-së, duke tentuar të hapin portën kryesore, për të liruar godinën. Zoti Gjinushi ka qëndruar për pak çaste në pritje dhe më pas ka dalë nga makina dhe i është drejtuar një lokali pranë godinës.

GJINUSHI: HAJDUTËT PO KËRKOJNË TË RREMBEJNE PRONEN
Në një komunikim telefonik në “News 24”, Gjinushi i cilësoi personat që pretendojnë pronësinë e godinës, si një grup hajdutësh që duan të rrëmbejnë pronën me dokumente false. Sipas kreut të PSD-së, në Gjykatë vijon ende gjyqi për zgjidhjen e këtij konflikti.

(er.nu/BalkanWeb)

[DYDRINAS]

Ne nje shtet normal ngjarje te tilla jane te paimagjinueshme!

Askush Gjinushi e mban veten mbi ligjin. Vetem ne shtete prej kartoni gjallojne figura te tilla!

[Qyfyre]

Turp qe ka vendim gjyqi dhe vonohet dicka qe nuk mund te shmanget. Ata qe zene toka e ndertesa pa te drejte duhen nxjerre per leckash perjasht me vrap.

[drague]

keto pinjollet e ppsh nuk dorzohen pa dhon shpirt

[Mike Oldfield]

Prona te shkoje tek pronari i ligjshem, e jo te duart e pista te nje fshatari si Gjinushi qe po e luan per Julien francezin !

[mesuesi_1]

Prona te shkoje tek pronari i ligjshem, e jo te duart e pista te nje fshatari si Gjinushi qe po e luan per Julien francezin !

majko kush o ky Julieni ???

[DYDRINAS]

Selia e PSD-së, avokati i pronarëve: Po mbahet me forcë

Pretendimi i Roland Përmetit: PSD, e vetmja parti me dy seli. Shteti i ka siguruar godinë të re pranë bulevardit Zogu i Parë, por ende nuk ka një reagim për të liruar ambientin pas vendimit të gjykatës

Publikuar më 27.12.2013 | 14:02

Neritan Gjergo

-Godina e PSD-së në rrugën “Fortuzi” vijon të mbetet e bllokuar edhe pas urdhrit të përmbaruesit për ta kthyer atë te pronari. Avokati i çështjes, Roland Përmeti thotë se pronarët posedojnë vërtetimin e pakontestueshëm të pronësisë. “Godina po mbahet me forcë dhe policia e shtetit nuk po ndërhyn për të zgjidhur çështjen”.

Para dy muajsh ka pasur një konflikt në selinë e PSD-së mes trashëgimtarit të familjes Fortuzi, të cili pretendon marrjen e truallit dhe poseduesve aktualë. Ndërkohë që çështja kaloi në organet gjyqësore, ju si avokat çfarë mund të na thoni për të, nisur edhe nga dokumentacioni që disponojnë palët?

Sipërfaqja ku është ndërtuar trualli me dy godina, në rrugën “Fortuzi” është 1380 m2. Në vitin 1934 janë bërë dy ndërtime, të cilat janë unike në Shqipëri. Pas daljes së Ligjit për Kthimin dhe Kompensimin e Pronave, familja Fortuzi e ka kërkuar sërish godinën. Ajo ka kaluar me trashëgimi ligjore tek Astrit Manopulli, si trashëgimtar i familjes Fortuzi me veprim juridik dhe dokumentacion të rregullt. Prapa godinës janë ndërtuar garazhe. Aty njihej e drejta e truallit, sepse është ndërtim i rrethuar nga një sipërfaqe e madhe. Garazhet janë 57m2. Godina ka tri ndarje, një në mes dhe dy anash dhe qiramarrësit e Partisë Social Demokrate thonë që dy pjesët anësore nuk i përkasin pronarit. Ai është një posedues dhe nuk ka të drejtë të ngrejë padi ndaj pronarit. Në vitin 1990 godina ka kaluar nga Shërbimi Diplomatik, që e kishte Ministria e Punëve të Jashtme, me urdhër të kryeministrit të asaj kohe te PSD-ja. Por, kjo është e vlefshme deri në vitin 1994, më pas doli ligji mbi kthimin e pronave. Kur pronarit i kthehet prona duhet të lidhësh kontratë me të dhe nuk ke punë me shtetin. Atëherë, do kishte detyrim për gjithë kontratën e qirasë. Për partitë politike që nuk janë parlamentare lidhet një kontratë qiraje, e cila duhet paguar, siç ndodh me çdo subjekt. Nëse është partí parlamentare, qiraja kompensohet nga shteti. Ata pretendojnë se janë posedues të ligjshëm, pavarësisht nga vendimi gjyqësor që legjitimon qëndrimin, dhe pronësinë. Pronësia është institucion më vete. Ne kërkojmë të lirojnë objektin, sepse pronarët posedojnë vërtetimin e pronësisë. Një e metë që qe në vendimin e kompensimit, është rregulluar nga Agjencia e Kthimit të Pronave.

Ndërkohë që dokumentacioni që disponon pronari i truallit është i rregullt, me çfarë arsyetimesh dhe bazash ligjore është mbrojtur pala tjetër?

Këtu ngelen 57 m2 që janë garazhe dhe me këtë hallkë duan ta ngatërrojnë këtë proces. Ata kanë pasur një kryeregjistrues të Partisë Social Demokrate, i cili ka ndërhyrë me laps në hartën e objektit. Unë kam marrë harta që nga viti 1934 dhe njolla jep të njëjtën sipërfaqe, që kur është ndërtuar. Ata thonë që është ndërtuar në kohën e komunizmit dhe janë përpjekur të zhdukin gjithë dosjen. Këto janë parë, janë verifikuar, janë bërë sipas ligjit të kohës, vendimi i komisionit të pronave, kalimi i pronësisë, vendimi i agjencisë dhe deri te blerësi i fundit. Astrit Manopulli është pronar i ligjshëm me një veprim juridik dhe akt noterial. Ne i bëmë letër kryeministrit dhe PSDsë i kanë dhënë zyra të tjera. Herën e parë na kërkuan problemin e pronësisë dhe hoqën dorë nga padia. E rihapën sërish këtë proces gjyqësor, ndërkohë që ka dalë urdhri për aktin normativ që e nxori si ish-banesë. Me posedimin ata luajnë që të qëndrojnë sa më gjatë në këtë ambient. Pronësia është e ligjshme, edhe e blerësit dhe e shitësit. Kur nuk legjitimohen le të sjellin Avokatin e Popullit nëse është dëmtuar shteti.

Ai nuk i ka dhënë qiranë as shtetit as poseduesit. Mbi bazën e aktit normativ, a është dhënë një urdhër ekzekutimi për lirimin e objektit?

Kur doli Akti Normativ për Lirimin e Banesave të para viteve ’44, ne i bëmë kërkesë Entit Kombëtar të Banesave dhe na dhanë një përgjigje refuzuese duke thënë se nuk mund t’ju fusim dot në këtë akt normativ, sepse subjekti duhet të ketë kontratë qiraje para vitit 1992 me ish-Ndërmarrjen Komunale të Banesave. Ne nuk mund të kufizohemi sepse nuk ka kontratë qiraje. Gjykata ka përcjellë urdhrin e ekzekutimit për lirimin e menjëhershëm të selisë. Përmbaruesi, me urdhër ekzekutimi i bëri kërkesë PSD-së që të lirojë ambientin, rreth dy muaj më parë. Gjyqi është fituar me vendim të formës së prerë dhe është nxjerrë urdhër ekzekutimi që godina të lirohet, mbi bazën e aktit normativ. Ata godasin pronësinë duke thënë se veprimet nuk janë bërë në rregull dhe sipas tyre, Fortuzët nuk kanë qenë pronarë.

Poseduesit nuk plotësojnë kushtet ligjore

Përfaqësuesi i të paditurit Astrit Manopulli ngre pretendimet në gjykatë. Avokat Roland Përmeti thotë se PSD nuk plotëson kushtet themelore ligjore për të qenë posedues të godinës. I padituri Astrit Manopulli është pronari i ligjshëm i objektit numër 5/152, të shtëpisë dykatëshe dhe objekteve të tjera me sipërfaqe 235 metër katror dhe truallit me sipërfaqe 1380 metër katror në Zonën Kadastrale 8350. Këtë pasuri, Astrit Manopulli e ka fituar mbi bazën e një veprimi juridik të ligjshëm; shitblerje me aktin noterial nr. 4449 të noteres Ariana Mallkuci, nga shtetasi Agim Sula. Kjo pronë nuk ka asnjë barrë dhe për të nuk ka pasur asnjë pretendim nga persona të tretë fizikë apo juridikë dhe nga shteti. Veprimi juridik i shitblerjes midis të paditurit Astrit Manopulli me cilësinë e blerësit dhe shtetasit Agim Sula me cilësinë e shitësit është kryer në përputhje të plotë me kërkesat e ligjit dhe i padituri ka fituat pronësinë në përputhje të plotë me nenet 163, 164 të Kodit Civil. Kontrata e shitblerjes ka forcën e ligjit dhe ka efekt edhe ndaj të tretëve, konkretisht edhe ndaj palës paditëse, e cila ka vetëm tagrin e posedimit. Kjo pronë rrjedh nga pronësia e shtetasit, Omer Fortuzi, i cili ka qenë pronar me regjistrim hipotekor, i një kopshti të ndodhur në lagjen Alibeaj, në Tiranë, i cili kufizohej nga njëra anë me shtëpinë që i mbetej shitësit disponibël, Ismail Visha. Në këtë truall, Omer Fortuzi ka ndërtuar banesën që është edhe sot, por nuk ka qenë e regjistruar në zyrën e hipotekës. Pavarësisht nga ky fakt, ai ishte dhe zotëruesi i këtij objekti, sepse: “Ai që ka zotërimin e tokës ka edhe atë të hapësirës që është mbi të si dhe çka ndodhet mbi anën e sipërme, pos përjashtimeve të caktuara prej ligjit”. Vendimi i Komisionit të Kompensimit dhe Kthimit të Pronave është i bazuar në ligj, pasi vendimi është marrë në përputhje me kërkesat ligjore, formën dhe procedurën e kërkuar nga ligji. Pala paditëse ka abuzuar me të drejtën për ngritjen e padisë duke qenë e ndërgjegjshme për pathemelësinë dhe pazbatueshmërinë e saj në ligj. Kërkesë padia e paraqitur nga PSD është e pabazuar në ligj dhe prova, si e tillë duhet të rrëzohet nga ana e gjykatës. PSD nuk legjitimohet në ngritjen e kësaj padie. Për të qenë e vlefshme, padia duhet të plotësojë dy kushte themelore ligjore: a) interesi i ligjshëm për të ngritur padi dhe b) legjitimiteti për të vepruar.

Si ka vepruar policia e shtetit përballë kësaj situate

Dy herë Përmbarimi ka lëshuar urdhër që godina t’i kalohet pronarit dhe në të dyja herët ka ardhur Policia e Shtetit me Forcat Speciale. Ata po e mbajnë me polici private. Duan ta mbajnë me çdo kusht sepse janë mësuar. I njëjti gjyqtar e ka hapur njëherë çështjen, e ka pushuar dhe tani e ka hapur sërish. Gjyqtarët heqin dorë, sepse nuk kanë fakte që ta bëjnë të tyren. Ata po përpiqen ta ruajnë sa më gjatë. Godinën po e mbajnë ata me dhunë. Policia e Shtetit nuk ndërhyn dhe nuk ndihmon asnjë nga palët sepse do lidhet një akt marrëveshje me shoqërinë përmbarimore. Policia e Shtetit dërgon letra duke thënë se nuk kanë forcë. Në kërkesën që i është bërë Ministrisë së Punëve të Brendshme, në datën 28 nëntor, për të mbështetur përmbaruesin, përgjigja që ka ardhur nga kjo e fundit ka qenë refuzuese. “Ministria nuk mund të sigurojë mbështetje me datën dhe orën e kërkuar për arsye se forcat e Policisë së Shtetit janë të angazhuara me shërbime të tjera të rëndësishme”. Madje kanë kthyer përgjigje për mangësi në dërgimin e dokumentacionit, që policia të ndërhyjë. Ata kanë hapur një çështje, në të cilën thonë se ka falsifikim. Prokuroria ka refuzuar. Kanë ndërhyrë duke thënë se duhet të vazhdojnë hetimet. Në këtë pikë mund të biem dakord, por jo pa liruar objektin më parë. Në qoftë se ka falsifikime, le të vijë ta shohë Avokatura e Shtetit dhe jo poseduesit e deritanishëm.

shekulli