KE rekomandon që Këshilli i BE t’i japë Shqipërisë statusin e vendit kandidat

[Albo]

Progres raporti, KE: Shqipërisë t’i jepet statusi. Fule: 5 prioritetet për hapjen e negociatave

UPDATE- “Shqipëria të marrë Statusin e vendit kandidat duke rënë dakort që ajo të vazhdojë të ndërmarrë aksione në luftën kundër krimit të organizuar dhe korrupsionit”. Ky eshte rekomandimi i Komisionit Europian, formuluar pas shqyrtimit te progres raportit për Shqipërinë, lexuar nga eurokomisioneri Stefan Fule.

“KE rekomandon që Këshilli i BE t’i japë Shqipërisë statusin e vendit kandidat, duke kuptuar se ajo do të vazhdojë të luftojë krimin dhe korrupsionin. Në mënyrë që komisioni të rekomandojë hapjen e negociatave vendi duhet të forcojë përpjekjet që kanë nisur dhe të ndërmarrë veprime për 5 prioritete”- ka thene Fyle, duke shtuar se progresi tregon se cfare eshte ne gjendje te ndodhe kur qeveria dhe opozita bashkepunojne.

5 Prioritetet

1. Vazhdimi për zbatimin e reformës në administratën publike

2. Veprime për pavarësinë efikasitetin e gjyqësorit,

3. Vendosmëri në luftën kundër korrupsionit

4. Të bëjë më shumë përpjekje në luftën kundër krimit të organizuar

5. Masa për të forcuar të drejtave të njeriut, komunitetit romë dhe zbatimin e të drejtave të pronave

Sipas Fyles, Komisioni është i gatshëm për të plotësuar përmbushjen e prioriteteve kyce, angazhim në dialog të nivelit të lartë me këtë vend.


Progres Raporti

Sipas progres raportit, voluminoz rreth 60 faqe behet analize per Shqiperine, duke u ndalur ne sektore te vecante, qe nga zgjedhjet, pjesemarrja e shoqerise civile. Sipas progres raportit zgjedhjet e qershorit kane shenuar progres te prekshem, duke permbushur te gjitha pikat kyce.

Raporti nenvizon se votimi dhe procesi i numerimit ka qene i mire, nderkohe qe incidentet e shenuara kane qene te izoluara.

Pikat kyce te raportit

Raporti i Progresit për Shqipërinë është pjesë e Paketës së Zgjerimit 2013 të miratuar nga Komisioni Evropian më 16 tetor. Komisioni Europian arriti në përfundimin se Shqipëria ka bërë progres të mirë në rrugën e saj drejt integrimit në BE , veçanërisht duke adoptuar masa të identifikuara si thelbësore për dhënien e statusit të vendit kandidat dhe duke vazhduar për të ofruar reformat kundër prioriteteve kyçe të Opinionit të 2010 të Komisionit. Shqipëria mori hapat e parë drejt përmirësimit të efikasitetit të hetimeve dhe ndjekjeve penale në luftën kundër krimit të organizuar dhe korrupsionit . Zgjedhjet parlamentare u zhvilluan në mënyrë të qetë dhe të rregullt në përgjithësi.

Në funksion të kësaj, Komisioni Evropian rekomandon që Shqipërisë t’i jepet statusi i kandidatit të BE në kuptimin që Shqipëria te vazhdoje të ndërmarrë veprime në luftën kundër krimit të organizuar dhe korrupsionit . Në mënyrë që të jetë në gjendje për të lëvizur në fazën e ardhshme dhe të hapë negociatat për anëtarësim, Shqipëria ka nevojë për të përmbushur më tej prioritetet kyçe , me fokus të veçantë në reformën e administratës, sundimi i ligjit dhe të drejtat themelore. Dialogu konstruktiv dhe të qëndrueshëm politik do të mbetet thelbësor për një proces të suksesshëm të reformës.

Kriteret politike
Shqipëria ka bërë përparim të mëtejshëm drejt përmbushjes së kriterit politik të Kopenhagenit për anëtarësim në BE . Qeveria dhe opozita bashkëpunuan për të miratuar një sërë aktesh ligjore të rëndësishme në parlament , duke përfshirë Ligjin për Shërbimin Civil , Ligji i amandamentuar mbi Gjykatën e Lartë , dhe rregullat e procedurës së Kuvendit . Sa i përket lirisë së shprehjes ,korniza legjislative përmirësuar me miratimin e Ligjit Audio – Visual.

Misioni ndërkombëtar i vëzhgimit të zgjedhjeve parlamentare të qershorit ka vleresuar se ato jane zhvilluar në një mënyrë të përgjithshme të qetë dhe të rregullt .

Progres i rëndësishëm është bërë përmirësimin e trajtimit të të burgosurve dhe hapat e mëtejshëm të marra në reformën e administratës publike. Hapa të rëndësishëm janë bërë për të reformuar gjyqësorin , për të përmirësuar luftën kundër korrupsionit , per të rritur konfiskimet e narkotikëve dhe aseteve kriminale , dhe zbatimin e rekomandimeve për të luftuar pastrimin e parave . Masat për antidiskriminim janë marrë për të përmirësuar mbrojtjen e të drejtave të njeriut. Nderkohe, angazhimi konstruktiv i Shqipërisë në bashkëpunimin rajonal mbetet thelbësor.


Raporti identifikon më pas fushat ku nevojiten përpjekje të mëtejshme për përmbushjen e plotë të kritereve politik. “Përsa i përket demokracisë dhe Shtetit të së drejtës, është thelbësore që të ndërtohet mbi përparimet e bëra dhe të sigurohet dialogu politik e që përpjekjet e përbashkëta për reforma të jenë të qëndrueshme”, vlerëson komisioni duke shtuar se “janë të nevojshme masa konkrete për të forcuar përgjegjshmërinë, pavarësinë dhe efikasitetin e sistemit gjyqësor”.

Brukseli nënvizon se “rezultatet konkrete në hetimin ndjekjen dhe ndëshkimin e rasteve të korrupsionit në të gjitha nivelet duhet të përforcohen, duke ndërtuar mbi rezultatet e para të arritura”, ndërsa kërkohet të “përmirësohet më tej lufta kundër krimit të organizuar”. Po ashtu përmirësime kërkohen për cështjen e pronave, administratës publike apo dhe të drejtave të njeriut.

Linku ku mund te lexoni progres raportin e plote

http://ec.europa.eu/enlargement/pdf/...rt_2013_en.pdf



***

Po ashtu, Komisioni Europian do të miratojë sot strategjinë e re të zgjerimit. Agjencia italiane “Ansa” raporton se Brukseli do t’i thotë po kërkesës së Shqipërisë për të marrë statusin e vendit kandidat. “Ansa” u referohet burimeve të agjencisë pranë Bashkimit Europian, të cilët shprehen se: “Është e mundur që Komisioni Europian do t’i japë rrugën e lirë kandidaturës së Shqipërisë në BE”.

Ndërkohë që Komisioneri për Zgjerimin dhe Politiken Europiane të Fqinjësisë, Stefan Fyle, në një video-mesazh ka paraqitur katër pikat që do të miratojë Komisioni Europian. Fyle theksoi se një prej pikave është pranimi i Kroacisë si anëtare me të drejta të plota në BE. Po ashtu, Fyle ka bërë të ditur se Brukseli do të vazhdojë politikën e zgjerimit, pavarësisht krizës ekonomike.

“Më lejoni të flas fare shkurt mbi raportin e progresit që do të miratojë Komisioni këtë vit. Këtë vit, raporti do të përqendrohet në 4 pika: E para, do të jetë mbi faktin që Kroacia bëhet shteti anëtar i njëzetetetë; do të jetë mbi pushtetin transformues të zgjerimit, jo më kot e kemi marrë Çmimin Nobel për Paqen. E dyta, do të jetë mbi faktin se zgjerimi vazhdon, pavarësisht krizës financiare, por vazhdon jo pse është me autopilot, por sepse është një politikë e besueshme, një politikë që shoqëron një politikë tjetër të rëndësishme të Bashkimit Europian – thellimin e integrimit”, theksoi Fyle.

PARIMET
Komisioneri i Zgjerimit, Stefan Fyle, theksoi se shtyllat e progres-raportit do të kenë disa parime kryesore, që janë shteti ligjor, lufta kundër korrupsionit, çështjet ekonomike dhe konkurrenca. Po ashtu, Fyle ka thënë se KE kërkon që vendet

Panorama

[Albo]

Fule: Dialog integrimi. Qeveria ta bëjë opozitën pjesë të procesit

Komisioneri për zgjerimin Stefan Fule duke ritheksuar gjatë një konference për mediat progresin e bërë nga Shqipëria dhe rekomandimin për dhënien e statusit për vendin kandidat në BE, është ndalur në prioritetet për hapjen e negociatave.
“Mund të bëhet një ofertë për dialog integrimi, një mënyrë për t’i ofruar Shqipërisë instrumentet nxitës për të adresuar 5 prioritetet kyce dhe shpresoj që qeveria do të bëjë gjithçka që opozita të jetë pjesë e procesit, ata kanë shumë eksperiencë dhe kjo duhet shfrytëzuar”- tha Fule.
Ai kujtoi se gjatë takimit të fundit me kryeministrin Rama, ai konfirmoi se kupton sfidat për autoritetet shqiptare.

Panorama

[Albo]

Sekui dorëzon raport progresin, Rama: Inkurajues për ne e shqiptarët. Angazhim për gjithëpërfshirje

Kryeministri Edi Rama ka marrë sot në dorëzim progres raportin nga ambasadori i Bashkimit Evropian, Etore Sekui. Gjatë konferencës së përbashkët për shtyp, Rama tha se qeveria ndjehet e inkurajuar sot nga propozimi i KE-së, duke shtuar se i tillë duhet të ndihet çdo shqiptar. Rama foli për gjithëpërfshirje dhe njohje meritash, kur tha se, “Ky proces shumëvjeçar ka qenë për çdo vend më i gjatë se jetëgjatësia e një qeverie të vetme, në çdo vend, kush më shumë e kush më pak ka pasur meritat e veta.”
Kryeministri u tha gazetarëve se shumica është zgjedhur për të udhëhequr, ndaj tha ai, duke iu referuar dialogut me opozitën, “Ne do të dëgjojmë me shumë vëmendje, por ne do të udhëheqim.”
“Më vjen sinqerisht mirë që raporti e nënvizon frymën gjithëpërfshirëse në vijën e sjelljes së shumicës sonë, dhe me bindjen se kjo është e vetmja vijë sjelljeje europiane, ne do të vazhdojmë të jemi të angazhuar në Kuvend dhe qeveri që ta forcojmë këtë vijë të re. Më vjen mirë po ashtu që raporti flet qartë edhe për aktin normativ që nesër i paraqitet Kuvendit. Dhe besoj se çfarë shkruhet në raport për këtë, mund të jetë një pikë që opozita të reflektoje që të marrë pjesë në votimin e akti.”- tha Rama.
Për Ramën risia e madhe kësaj here është se për herë të parë raporti i progresit flet për mundësinë reale të hapjes së bisedimeve për anëtarësim vitin e ardhshëm, nëse përmbushen disa kushte themelore, me të cilat ne jemi 100% dakord.

Nga ana e tij, ambasadori Sekui vlerësoj Ramën për përdorimin e fjalës “gjithëpërfshirje” pasi sipas tij për Bashkimin Evropian kjo është shumë e rëndësishme. I pyetur nëse ky është një akt dashamirës për qeverinë Rama, siç është shprehur ish kryeministri Berisha, Sekui dha këtë përgjigje: “Ne besojmë se progres raporti dhe ato që dalin nga ai janë dy aspekte. Nga njëra anë kemi një sakanim të situatës në vend, dhe në të njëjtën kohë është edhe një program për të ardhmen, pasi tregon rrugën se si do të ecet përpara. Si i tillë, si skanim ai është një skanim objektiv, dhe në rastin e këtij rekomandimi, ky rekomandim është bazuar në fakte.”
Menjehere me pas ambasadori Sekui i ka dorezuar nje kopje te progres raportit Presidentit te Republikes, Bujar Nishani, dhe pas tij kreut te Kuvendit, Ilir Meta.

Panorama

[Albo]

“Progres-Raporti”, Nishani: Çertifikim i arritjeve të të gjitha institucioneve

TIRANE-Ambasadori i BE, Ettore Sequi pas dorëzoi sot pasdite Presidentit Nishani progres-raportin e Komisionit Evropian për Shqipërinë, për vitin 2013.

Zyra e presidencës njofton se, Presidenti Nishani e ka vlerësuar Progres Raportin një çertifikim të arritjeve të realizuara në sajë të përpjekjeve nga të gjithë institucionet dhe aktorët shoqërorë shqiptarë dhe falë ndihmës dhe mbështetjes së të gjitha institucioneve të Bashkimit Evropian dhe shteteve anëtare, duke veçuar kontributin e delegacionit të Bashkimit Evropian në Shqipëri dhe shtoi se ky raport përbën gjithashtu një skanim të çfarë është bërë dhe një orientim për atë që duhet të bëjmë në të ardhmen.

Sipas të njëjtat burimeve, Presidenti Nishani i ka shprehur bindjen ambasadorit Sequi se Shqipëria i ka të gjitha kapacitetet njerëzore dhe institucionale dhe vullnet të palëkundur për të çuar përpara procesin e integrimit, duke u bazuar, së pari, në përgjegjësitë tona dhe vullnetin e institucioneve evropiane dhe vendeve anëtare.

Gjithashtu, Presidenti Nishani ka garantuar ambasadorin Sequi se do të vazhdojë të mbështesë të gjitha institucionet dhe nismat që përshpejtojnë integrimin, duke filluar nga dialogu dhe konsensusi politik, konsolidimi i pavarësisë së institucioneve kushtetuese dhe reforma në drejtësi, lufta kundër korrupsionit dhe krimit të organizuar, të cilat sjellin gjithashtu cilësi dhe standarde evropiane shërbimi për qytetarët shqiptarë.

Nga ana e tij, Ambasadori Ettore Sequi ka shprehur si gjithnjë gatishmërinë e Bashkimit Evropian dhe të institucioneve evropiane për mbështetjen e Shqipërisë në përpjekjet për përshpejtimin e procesit të integrimit evropian – përfundon njoftimi i presidencës.

(m.s/BalkanWeb)

[Albo]

Berisha: Rekomandimi i KE plotësisht i merituar

TIRANE-Plotësisht të merituar e ka cilësuar Ish kryeministri, Sali Berisha rekomandimin e KE-së për dhënien e statusit kandidat për Shqipërinë. Berisha reagoi me një status të gjatë në rrjetin social facebook.

Ai akuzoi kryeministrin aktual Edi Rama se bllokoi rekomandimin në vitin 2012. Ish Kryeministri shprehet se Rama po bën një përpjekje të re antishqiptare për të shtyrë statusin. Sipas tij kjo përpjekje bëhet që të mos i njihen meritat Partisë Demokratike.

Mesazhi i Berishës

Sot, për herë të dytë, Komisioni Europian rekomandon Shqiperinë për statusin e vendit kandidat për vend anëtar të BE. Ky është një rekomandim plotësisht i merituar. Me reformat e realizuara në këto vite nga mazhoranca e PD, demokracia dhe ekonomia e tregut në Shqipëri janë bërë me funksionale.

Stausi i vendit kandidat që u rekomandua nga Komisioni Europian në tetor të vitit 2012, me kushtin e vetëm që të votoheshin tre ligjet në parlament, për të cilat ishte arritur konsensusi që në fillim të vitit 2012, u morr peng nga Edi Rama. Ai refuzoi votimin e këtyre ligjeve vetëm e vetëm që statusi të bllokohej. Natyrisht në suksesin e bllokimit të statusit, Rama u ndihmua dhe nga albanofobë jo shqiptarë në Bruksel dhe në ndonjë vend Europian. Ligjet u votuan me konsensus më datë 30 maj dhe përsëri nesër Rama me votimin e aktit normativ asgjeson konsensusin e datës 30 maj, në një përpjekje të re antishqiptare për ta shtyrë statusin për më vonë, me qëllim që kjo të mos njihet si meritë e PD.

Integrimi është jetik për Shqipërinë. Ai nuk është proçes pa vështirësi, por vështiresia e parë dhe më e rëndesishme për shqiptarët në këtë rrugë është Rama, të cilit për integrimin nuk i beson njeri në Bruksel dhe Europë. Ramën nuk e besojnë jo se e paragjykojnë por sepse në memorjen europiane ai është politikani i vetëm në kontinent që beri gjithçka për të penguar Marrëveshjen e Stabilizim Asociimit (futi daullet dhe bilbilat në parlament), hapjen e proçesit për vendimin e statusit (bojkotoi parlamentin), heqjen e vizave (organizoi grevën e urisë) dhe rekomandimin për statusin e vendit kandidat (refuzoi votimin e tre ligjeve që kërkoi si kusht të vetëm Komisioni Europian).

Shqipëria e ka merituar dhe e meriton plotësisht statusin e vendit kandidat. Ne do bëjmë gjithçka për integrimin! sb

(a.n/BalkanWeb)

[Albo]

Basha: Qeveria e PD i hapi rrugën Shqipërisë për marrjen e statusit

TIRANË -Kryetari i Partisë Demokratike, njëkohësisht kryetari i bashkisë së Tiranës, Lulzim Basha, vlerësoi sot arritjet e qeverisë demokrate, pasi i hapi rrugën Shqipërisë për të marrë statusin e vendit kandidat në Bashkimin Europian.

Gjatë Konventës së Parë Kombëtare të të zgjedhurve vendorë demokratë, Basha tha se, "pavarësisht nga rezultati që morëm në këto zgjedhje, ne duhet të jemi krenarë me arritjet e qeverisë dhe Kryeministrit tonë që organizuan dhe zhvilluan zgjedhjet më të mira në historinë e vendit, zgjedhje që hapën përfundimisht rrugën e Shqipërisë për të marrë statusin e vendit kandidat në Bashkimin Europian, status për të cilin PD plotësoi një nga një të gjitha kriteret e kushtet, status i cili pritet i gatshëm në tavolinë dhe që kjo qeveri nuk ka çfarë të bëjë tjetër përveçse të shkojë në Bruksel e ta marrë në emër të shqiptarëve".

"Natyrisht nuk do të ishim realist të thoshim që me qeverinë socialiste gjërat do të shkojnë njëlloj si me qeverinë e PD-së. Situata e krijuar në vend, kur të majtët kanë shumicën në qeverisjen qendrore është e tillë që dikton nevojën për bashkëjetesë pozitive mes pushtetit qëndror dhe atij vendor të zgjedhur të dy me votë nga qytetarët. Nga ana jonë, ne ofrojmë respekt dhe bashkëpunim të ndërsjelltë të kufijve e komptencave të njohura me ligj. Mbështetje konkrete të çdo reforme dhe akti që shkon në favor të decentralizimit dhe autonomisë të pushtetit vendor", u shpreh Basha.

(d.b/BalkanWeb)

[Albo]

Ja çfarë mund ta afrojnë Shqipërinë më pranë BE

Štefan Füle

Muajin e kaluar mirëprita në zyrën time kryeministrin e ri të Shqipërisë, zotin Rama. Kjo nuk ishte vizita e tij e parë në Bruksel; si zoti Rama ashtu dhe paraardhësi i tij, zoti Berisha, kanë qenë gjithnjë vizitorë të mirëpritur. Në shumë raste kam diskutuar me secilin prej tyre për perspektivën europiane të Shqipërisë dhe sfidat përgjatë kësaj udhe. Të dy ata kanë qenë pjesëmarrës kyç në këto diskutime: progresi i Shqipërisë në axhendën e BE-së nuk do të kishte qenë i mundur – dhe nuk do të jetë i mundur – pa bashkëpunimin konstruktiv të qeverisë dhe opozitës, si dhe pa përfshirjen dhe mbështetjen publike.

Bashkëpunimi dhe konsensusi janë dy fjalë që jehojnë shpesh në korridoret e BE-së dhe për një arsye të fortë; ato janë themelet e një bashkimi tashmë prej njëzet e tetë vendesh. Shtetet anëtare të BE-së janë të gjitha të ndryshme; të mëdha dhe të vogla, me modele sociale, tradita dhe histori të ndryshme. Por të gjitha ato kanë pranuar të bashkohen dhe të gjejnë zgjidhje të përbashkëta për probleme të përbashkëta në frymën e bashkëpunimit. Publiku shpesh e sheh BE-në përmes imazheve të samiteve të saj, me negociata dramatike që zgjasin deri në orët e para të mëngjesit. Puna e përditshme e BE-së është shumë më pak mbresëlënëse: ministrat dhe përfaqësuesit e shteteve anëtare takohen rregullisht në Bruksel për të diskutuar për politika dhe ligje, apo për të vendosur për pozicione të përbashkëta. Kjo është kultura e konsensusit e BE-së. Nuk është gjithnjë emocionuese dhe mund të jetë shumë larg qendrës së vëmendjes, por është efektive. Çdo vend që aspiron të hyjë në BE duhet ta bëjë të vetin këtë model politik bashkëpunimi dhe konsensusi.

Shqipëria ka treguar se mund ta bëjë. Qeveria dhe opozita punuan së bashku për të kaluar tri aktet ligjore që lidhen me axhendën e BE-së. Vendi ka përjetuar një sjellje demokratike shumë më të përmirësuar në zgjedhjet e fundit dhe një kalim paqësor të pushtetit. Këto janë sinjale të forta tashmë të përkushtimit ndaj parimeve demokratike të BE-së. Tani është thelbësore që këto përpjekje të vazhdojnë, rezultatet të mbështeten dhe gjithëpërfshirja të bëhet një tipar i përhershëm i politikës së brendshme të Shqipërisë.

Progresi është real – dhe unë jam i pari që e pranoj – por kjo nuk është koha për vetëkënaqësi. Mbetet ende një punë e madhe për t’u bërë për të trajtuar plotësisht kërkesat e nevojshme për hapjen e negociatave të anëtarësimit. Vrulli i reformave duhet ruajtur dhe intensifikuar, veçanërisht në fushën e shtetit ligjor. Këtu Shqipëria duhet të nxisë pavarësinë, efikasitetin dhe llogaridhënien e gjyqësorit, si dhe të forcojë luftën kundër korrupsionit dhe krimit të organizuar. Kjo jo vetëm që do të krijojë arritje për vendin, por ajo çka është edhe më e rëndësishmja, do të sjellë përmirësime të menjëhershme në jetën e përditshme të qytetarëve. Po ashtu dhe reformat ekonomike që do të kontribuojnë për krijimin e pasurisë përmes mbështetjes së biznesit, investimeve dhe zhvillimit ekonomik të qëndrueshëm.

Muajt dhe vitet e ardhshme mund të sjellin një ndryshim të vërtetë për Shqipërinë. Vendi ka potencialin ta afrojë vendosmërisht integrimin e tij në Evropë. Kyçi për zbulimin e këtij potenciali është fokusimi në axhendën e BE-së me frymë gjithëpërfshirëse dhe me konsensus. BE-ja do të vazhdoja ta mbështesë Shqipërinë drejt këtij synimi. Dhe kryeministri i vendit, ashtu si dhe kryetari i opozitës, secili më vete – por edhe së bashku – do të jenë gjithnjë vizitorë të mirëpritur në zyrën time.

MAPO


*Komisioner për Zgjerimin dhe Politikën Europiane të Fqinjësisë. Ky artikull botohet me rastin e botimit nga Komisioni Europian të Raportit të Progresit për Shqipërinë, më 16 tetor 2013.

[Wordless]

I lumtë Ramës, atë që Berisha nuk arriti t'a bëjë në 8 vjet, Rama e bëri në 8 javë !!

[Albo]

"Është mbyllur koha e daulleve qeveritare me dokumentet e integrimit"

Nga: EDI RAMA


Nuk ka asgjë për të festuar.

E kam thënë këtë kur kam qenë në krye të opozitës e them këtë po njësoj sot, në krye të qeverisë.

S’ka dyshim se lajmi i sotëm është inkurajues, por koha e rrahjeve të gjoksit dhe të daulleve qeveritare me dokumentet e integrimit evropian në vend të shamive të valles, ka mbaruar në 23 qershor.

Dhe besojeni që edhe ditën kur Shqipëria do të marrë vetë statusin e vendit kandidat, qoftë në dimër a qoftë në pranverë, as mua s’do më dëgjoni të flas për fitore as qeverinë s’do ta shihni në ndonjë tribunë mitingu festiv me paratë e taksapaguesve.

Ka mbaruar në 23 qershor edhe koha e mitingjeve qeveritare me këngëtarë të paguar nga shteti për t’i paraprirë daljes të kryeministrit liberator.

S’ka dyshim se në 23 qershor ka mbaruar edhe koha e qeverisë që punon për ta çuar Shqipërinë në Evropë dhe opozitës që saboton integrimin evropian. Për ne as propozimi i sotëm për statusin, as statusi vetë dhe as hapja e bisedimeve për anëtarësim, nuk janë arsye për të treguar asnjë lloj superioriteti moral apo patriotik ndaj opozitës apo, për të mos njohur arritjet e qeverive të mëparshme në legjislacionin e integrimit.

Ky proces shumëvjeçar drejt anëtarësimit ka qenë për çdo vend më i gjatë se jetëgjatësia e një qeverie të vetme dhe në çdo vend, kush më shumë e kush më pak, ka pasur meritat e veta.

Edhe Shqipëria s’ka si të jetë ndryshe dhe sot ka vetëm një ndryshim:

Që ndryshe nga qeveria e mëparshme, ne as gjejmë sot rastin për t’u vetëlëvduar dhe as do të na dëgjoni sot apo mot të shajmë opozitën për ta ndarë popullin në të mirë e në të këqij apo për t’i ndarë palët palët në partizanët e Brukselit dhe në diversantët e SHQUP-it.

Shkurt, ne jemi të inkurajuar sot nga propozimi i Komisionit Evropian dhe çdo shqiptar pa dallim duhet të ndjehet i inkurajuar.

Propozimi për statusin vjen më në fund pa “litar përjashta” dhe tanimë është e qartë se zgjedhjet e 23 qershorit ishin de facto kushti i papërmbushur i dhjetorit të shkuar, sikundër ne e lexojmë qartë atë që nuk donin të lexonin paraardhësit tanë vjet, kur bëhet fjalë për luftën ndaj korrupsionit dhe krimit të organizuar, si diçka e vetëkuptueshme bashkëlidhur me propozimin për statusin.

Risia e madhe e kësaj here, është se për herë të parë Raporti i Progresit flet për mundësinë reale të hapjes së bisedimeve për anëtarësim vitin e ardhshëm nëse përmbushen disa kushte themelore - me të cilat ne jemi 100% dakord. Lufta kundër krimit dhe korrupsionit, forcimi i sistemit gjyqësor, reforma e administratës, liritë dhe të drejtat themelore.

Me vjen sinqerisht mirë që Raporti i Progresit e nënvizon frymën gjithëpërfshirëse në vijën e sjelljes së shumicës sonë qeverisëse dhe me bindjen se kjo është e vetmja vijë evropiane sjelljeje me opozitën dhe me publikun në tërësi, ne do të vazhdojmë të jemi tërësisht të angazhuar qoftë në Kuvend dhe qoftë si qeveri që ta forcojmë këtë vijë të re në politikën shqiptare.

S’ka dyshim se më vjen mirë po ashtu që Raporti i Progresit flet qartë edhe për aktin normativ që nesër i paraqitet Kuvendit dhe besoj se çka shkruhet në raport lidhur me këtë, mund të jetë një pikë shumë e besueshme referimi për opozitën që të reflektojë mbi mundësinë e votimit të aktit normativ.

Në fund, por jo për nga rëndësia, dua të falenderoj shumë përzemërsisht, Ambasadorin Sequi për gjithçka bën, respekti dhe admirimi im për punën dhe për përkushtimin e tij është fakt i njohur botërisht. Por, sot, është dita për ta falenderuar, sepse sot është dita më e shënuar në raportet vjetore mes Shqipërisë dhe Komisionit Evropian.

Falenderoj, gjithashtu, Komisionerin Stefan Fule dhe gjithë skuadrën e zgjerimit që është marrë me hartimin e këtij raporti, ku krahas propozimit për statusin dhe përmendjes së mundësisë për hapjen e bisedimeve për anëtarësim, ne mund të shohim si në një pasqyrë besnike mangësitë, dobësitë, problemet për t’u zgjidhur, që sot e gjithë ditën e mbajnë Shqipërinë ende larg Bashkimit Evropian. Pikërisht, për këto na duhet Raporti i Progresit, jo për të ushqyer propagandën e sukseseve imagjinare. Edhe propaganda e sukseseve imagjinare ka mbaruar në 23 qershor.”

Balkanweb

[Ziti]

sa i pa cipe ky Rama. Eshte i bindur qe nuk arriti ta pengoje Shqiperine drejt Evropes, e di qe qeveria e meparshme ka meriten per kete lajm te mire. Sot po u kerkon shqiptareve te mos buzqeshin.

[shigjeta]

Fyle: Kualifikimi i arritur nga qeveria e mëparshme të përdoret për të mirën e vendit


Politikë
Fyle: Kualifikimi i arritur nga qeveria e mëparshme të përdoret për të mirën e vendit
Komisioneri për Zgjerimin intervistë për ABC News
16 tetor 2013 21:58

Në një intervistë eskluzive për ABC News, komisioneri Stefan Füle shpjegon, se pavarësisht rekomandimit të Komisionit Europian, statusi i kandidatit për Shqipërinë nuk është fituar ende. Shqipëria duhet të tregojë deri në dhjetor seriozitet politik dhe rezultate konkrete të mëtejshme në luftën kundër korrupsionit dhe krimit të organizuar për të fituar zemrat e 28 shteteve anëtare.
“Është një gjë të bësh një propozim dhe është një gjë tjetër që 28 shtete anëtare të BE-së të pranojnë këtë propozim dhe ti akordojnë Shqipërisë statusin e vendit kandidat”.
Komisioneri Füle është ndalur në detaje mbi nevojën e konsensusit politik, pa të cilin Shqipëria s’mund të arrijë hapa përpara. Duke folur edhe për çështjen e shërbimit civil që ndan aktualisht mazhorancën dhe opozitën, Füle ka shtjelluar më tej, se qeveria shqiptare s’duhet të prekë eskpertët e administratës publike:
"Kualifikimi i arritur nga puna e qeverisë së mëparëshme duhet të përdoret nga kjo qeveri për të mirën e vendit. Ka shumë profesionistë me të cilët ne kemi punuar më parë dhe që dëshirojmë ti shohim aty, sepse ata nuk garantojnë thjesht vazhdimësinë e memories institucionale" .
Duke u përgjigjur për shpejtësinë e reformave në Shqipëri, komisioneri Füle ka pranuar gjithashtu, se shqipëtarët janë ekspertë të rasteve të humbura.

Intervistën e plotë do ta ndiqni nesër në ABC News

ABC

[Albo]

"Progres/raporti përgënjeshtron me fakte nihilizmin e kryeministrit"

Nga: LULZIM BASHA

Partia Demokratike vlerëson Progres-raportin e Bashkimit Europian si një fotografim realist të përparimit të Shqipërisë dhe ecurisë së reformave të arritura në qeverisjen e Partisë Demokratike.
Progres-raporti konstaton se gjatë 12 muajve të fundit Shqipëria ka bërë përparim thelbësor, të qenësishëm në reforma që prekin të gjitha fushat; nga gjyqësori, përmirësimi i luftës kundër krimit të organizuar dhe korrupsionit, deri tek prokurimet publike dhe doganat.
Progres Raporti konstaton se Shqipëria përkundër krizës ekonomike globale arriti të ruajë stabilitetin makroekonomik dhe rritjen pozitive ekonomike, duke shënuar edhe uljen e papunësisë, në kontrast me situatën diametralisht të kundërt tek vendet partnere kryesore ekonomike.
Progres-raporti përgënjeshtron kësisoj me fakte nihilizmin e kryeministrit, i cili investon përditë energjitë dhe kohën e tij e të bashkëpunëtorëve të tij për një fushatë nxirëse dhe mohuese, në vend që të qeverisë.
Në mënyre të veçantë përshëndes rekomandimin e Komisionit Europian për dhënien e statusit të vendit kandidat tashmë që tre kushtet themelore, miratimi i tre ligjeve në Kuvend është kryer.
Një vëmendje e posaçme ndaj Shqipërisë për ketë vlerësim pozitiv i është kushtuar zhvillimit të zgjedhjeve të përgjithshme në vend, të cilat Partia Demokratike edhe në kushtet e një bojkoti institucional të opozitës në KQZ, ja doli t’i organizojë me sukses të plotë.
Është ky progres i arritur gjate mazhorancës së Partisë Demokratike, qe bindi Komisionin Europian për të propozuar dhënien e statusit të vendit kandidat.

Sot është një ditë e gëzuar për mbarë qytetarët shqiptarë, që mbështesin prej vitesh, në mënyrë konstante dhe pothuajse unanime integrimin e vendit në Europë. Ne ketë ngjarje është e ftuar të gëzojë edhe qeveria aktuale, pavarësisht se nuk i bëri detyrat e saj kur ishte koha. Nuk ka sens që Kryeministri të bëje sot modestin qe nuk gezon, kur nuk ka akoma punë për të treguar. Nuk ka sens të mburret se nuk po shan opozitën e tij, kur sot është dita për t’i drejtuar një falënderim publik kësaj opozite që përgatiti kur ishte në qeveri marrjen e statusit.
Por ky nuk është moment për të rënë në vetkënaqësi. Kjo është koha për të parë drejt së ardhmes që na pret për të hapur sa me shpejt negociatat e anëtarësimit në Bashkimin Europian. Partia Demokratike zotohet për të bërë gjithçka për hapjen e negociatave për anëtarësim. Shqipëria e meriton. Shqiptarët e meritojnë.
Tashmë kryeministri Rama ka një sfidë madhore përpara që të dalë nga sindroma e vitit zero, e të ndalë panikndjelljen, alarmpërhapjen se Shqipërinë e paska marrë në gjendje katastrofike e alarmante, siç pëlqen ta cilësojë.
Dhe me pas të bindë edhe vendet anëtare të Bashkimit Europian se ai është seriozisht i angazhuar për të ecur përpara në procesin e integrimit europian të vendit.
Qeveria dhe Kryeministri Rama duhet të bëjnë të tyren. Për këtë arsye duhet te përmbushin kërkesat e BE-s për hapjen e negociatave ku spikasin dy parime të pakapërcyeshme të Europës siç janë, shteti i së drejtës dhe gjithpërfshirja nëpërmjet dialogut te politik.
Partia Demokratike përshëndet fillimin e negociatave për Marrëveshjen e Stabilizim Asociimit për Kosovën, duke shpresuar që ato të mbyllen sa më shpejt.

Balkanweb

[Albo]

Eh majmuni i varfer!

- Sa ishte ne krye te opozites, beri te pamunduren per te penguar integrimin e vendit pasi nuk donte qe "Berisha te bente fushate me kete arritje historike".

- Gjate fushates elektorale te 2013 zgjodhi parrullen "Shqiperia e rrenuar qe duhet te rilinde!" Me pak fjale, Shqiperia nuk ka bere asnje hap perpara, asnje arritje dhe duhet ta filloje cdo gje nga e para. Dhe jo vetem kaq po se bashku me ustallaret e tij ne media perhapnin idene e mbrapshte: "Shqiperia nuk ka shtet".

- Sapo fitoi zgjedhjet, shkon si kryeminister i vendit ne Bruksel e thote ne nje interviste me Euro News: "Shqiperia do te anetaresohet ne BE brenda nje 10 vjecare!" Me pak fjale, mesazhi per zyrtaret e BE dhe shqiptaret, "ne nuk jemi gati ne BE, duhet ta vonojme procesin."

- Zyrtaret e KE nxjerrin sot kete raport ku thone se Shqiperia ka bere hapa te medha perpara ne rrugen e reformave ne keto 8 vjet, dhe rruga e nisur duhet te vazhdoje me tej edhe nga qeveria e ne, dhe per kete arsye, ne i rekomandojme keshillit te Evropes te filloje negociatat e anetaresimit me Shqiperine. Cfare ben majmuni? Ne vend te thote faleminderit KE per besimin, faleminderit dhe qeverise pasardhese per punen e bere, e ju jap fjalen si kryeminister i vendit se kjo qeveri e re do te punoje me vetemohim per ta pare Shqiperine ne BE nje ore e me pare, majmuni thote: "Nuk duhet te gezohemi, nuk duhet as te mburremi, ky eshte vetem nje inkurajim."

Nese kur BE te thote qe do pranojme Shqiperine ne BE, ky majmuni yne do t'i pergjigjet: "Jo, nuk do te hyjme ne BE se nuk jemi akoma gati!"

Bej shtet me nje majmun per kryeminister!

Sa kohe do ta durojne shqiptaret majmunin ne krye? Ngelet per te pare.

Albo

[Qyfyre]

Kundershtime nga Anglia, per Shqiperine ne BE. I frikesohen fluksit te shqiptareve qe do te kerkojne pune atje.

http://www.express.co.uk/news/uk/437333/Anger-at-Albania-s-European-Union-plan-as-millions-closer-to-getting-right-to-work-in-UK

[Wordless]

Asnjëherë s'e kam kuptuar se përse gjithnjë kundra nesh kjo Anglia ?!! Dëmshpërblimn e ngushticës së Korfuzit e mori.. Ç'dreqin ka me ne ?

[Albo]

Kundershtime nga Anglia, per Shqiperine ne BE. I frikesohen fluksit te shqiptareve qe do te kerkojne pune atje.

http://www.express.co.uk/news/uk/437333/Anger-at-Albania-s-European-Union-plan-as-millions-closer-to-getting-right-to-work-in-UK

Ku eshte Tony Blair qe ta zgjidhi problemin me qeverine britanike? Apo eshte vete Tony qe e le Shqiperine jashte BE per llogari te majmunit ne Tirane?

Albo

[Xinxerfilli]

Ku eshte Tony Blair qe ta zgjidhi problemin me qeverine britanike? Apo eshte vete Tony qe e le Shqiperine jashte BE per llogari te majmunit ne Tirane?

Albo

Se ti kupton edhe Anglisht, ku eshte permendur qeveria aty. Qeveria ska bere asnje koment per Shqiperine!!

Te kane zene syte lesh e te eshte bllokuar truri, vetem Ramen djall e Berishen zot shikon

---------------------------------

Ore ci keni keto shkrime te grupimeve rraciste te botuara nga gazeta rraciste qe na sillni ketu ne forum.

Gazeta te tilla jo vetem ne emigrantet por edhe Anglezet ne shumice nuk i perdorin as per te fshire b*then!!

Bllokimin e statusit t'ia dini per nder Sali Berishes se ai e firmosi marreveshjen antikushtetuese me Greqine, dhe tani ata thone ose zbatojeni ose rrini pa status!!

[mesuesi_1]

Po thonte njeri ne sutobuz mbreme tek po kthehesha ne shtepi, "po ne nuk e duam per nje aresye te madhe te mos jemi ne Evrope, sepse gjithmone kemi thene Evropi k*rve dhe nuk duam te jemi pjese e puneve te turpit" ........