Del foto me Bluzen E UCK-se Reagime ne Greqi

[Noellag]

Gjithe ky terbim i Grekeve vjen si shkak i Albanofobise. Dicka shqiptare qe ata kane frike fobi reagojne keq. Per Greket nuk eshte ceshtja e UCK-se qe e shqeteson kaq shum por te fobia ndaj shqiptareve. Greket e quajne provokim kur shqiptari shpreh krenarine e tij duke demostruar me bluze apo me flamur qofte si futbollist apo si qyetetar ne shtepi ne jeten private ne nje kohe qe Greket ne token shqiptare ne menyre publike benin thirrje per Vorio Epir kunder shqiptareve . Pra kur keta provokojne ne menyre me te keqe te mundshme, cfar duhet te presim tjeter vec urrejtje e terbim . Sa me shume e shprehin aq me shume dobesi tregojne. Le ti lejme te terbohen, sepse problemin e kane me veten .

[IllyrianPatriot]

Ore une jam rritur qe 3 vjec , deri 23 ne greqi , kurre jam kthyher me deshire ne Shqiperi ( pra vajta pa deshire , ose me sakte me cuan , edhe u ktheva me deshire ) .

Si ka mundesi , qe une shtetin grek , nuk e dua , edhe nuk do ta dua kurre ?!

2 jan ceshtjet :

Ose une jam tmeresisht sociopath edhe pa ndjenja , pra nuk respektoj as gje .

Ose shteti grek , ne te vertet eshte nje shtet barbaresh , qe urrejne cdokend pervec vetes , edhe sidomos shqiptaret ?! ...

Mbase ne te ardhmen relacionet tona do normalizohen . Po mos harroni asnjehere , qe greku gjithmone e ka ne mendje , berjes keq se Shqiperise . Vetem kurre e shikojne qe shqiperia eshte e forte edhe e afte , te mbroj interesat e saj , atehere si dinak qe jane , futen ne strucat e tyre .

Fytyra e vertet e grekerve eshte anti-shqiptare . Kurre mos i besoni shteti grek . Thjesht le te shikojme punet tona , te prosperojme , edhe te fuqizohemi ekonomikisht , intelektualisht , edhe ushtarakisht .

Po u be kjo , shqiperia shpetoj !

[BLEDI_SH]

Kaçe, UÇK dhe absurditeti në një vend të BE-së!

Nga Arben Manaj



I shtrënguar nga presioni psikologjik dhe pasioni për futbollin, por edhe një jetë më të mirë përmes të ardhurave nga sporti, futbollisti i PAOK-ut dhe kombëtares, Ergys Kaçe, pranoi fajësinë për foton me bluzën e UÇK-së.

E mirëkuptoj diplomacinë e Kaçes, edhe pse do doja që ai të mbronte opinionin e tij, që personalisht nuk besoj është aq naiv dhe e dinte se çfarë po bënte kur ai veshi atë bluzë.

Do të doja që me një gjest t’i jepte një mësim mentalitetit të ndryshkur që fatkeqësisht mbizotëron në një vend të Bashkimit Evropian dhe NATO-s. Por Kaçe i di më mirë punët e tij sesa çdo grek, qofshin këta edhe drejtues të futbollit grek.

Pezullimi i Kaçes më shumë flet, jo për të, sesa për psikologjinë dhe absurdin që ekziston në një vend të Bashkimit Evropian.

Ai madje shkon deri në institucionalizim të racizmit, madje edhe në shkelje të të drejtave të njeriut.

Kaçe bëri jo në fushën e lojës, por jashtë saj atë që bën çdo njeri i lirë që përzgjedh të vishet siç ai ose ajo e sheh të arsyeshme.

Talebanizmi grek ndaj një futbollisti që mban një bluzë të një organizate, që në fund të fundit u mbështet në luftën e saj çlirimtare të një kombi nga fuqia më e madhe ushtarake si NATO, ku bën pjesë edhe Greqia, e jo kundër po them Qipros, por në Kosovë, e bën akoma më absurd si fenomen.

Kam frikë dhe bindje se gjesti i Kaçes nuk do shkaktonte një reagim të këtillë, në rast se ndonjë futbollist serb do kishte mbrojtur Arkanin apo Millosheviçin, edhe pse s’ka paralelizëm mes pushtuesit dhe çlirimtarit.

Nëse vendosen standarde të tilla në futbollin evropian, ku futbollisti do duhet të paramendojë dhe të kërkojë leje se çfarë duhet të veshë dhe çfarë nuk duhet, lind nevoja e krijimit në Greqi të “Policisë së Virtytit” si në Afganistanin e para pushtimit amerikan.

Që një linçim i tillë ndodh në një vend që është pjesë e BE-së dhe NATO-s, është më poshtëruese dhe vetëdemaskuese për grekët, ose atë pjesë të shoqërisë greke që mbështet gestapoizim të tillë.

Habitem sesi instanca më të sofistikuara të shtetit grek dhe shoqërisë civile greke nuk reagojnë dhe i vënë kapak ndaj një fyerje të mendjeve të errëta dhe ndryshkura, që e kanë njollosur dhe errësuar emrin dhe dinjitetin grek në botë, po aq sa edhe “agim-artët” e neonazizmit grek.

Evropian nuk të bën as monedha, as pasaporta, as të mosqënit në krizë ekonomike. Por padyshim antievropian të bën kriza në subkoshiencën qytetare dhe mentaliteti që të zbulon edhe kur historia të ofron mbulesë qytetërimin e vjetër, i shndërruar praktikisht në mentalitet të ndryshkur dhe vjetëruar oriental.

Ndjesa formale dhe e detyruar nga motive pasioni dhe kontrate, që mbetet realisht e pasinqertë, e Kaçes, mund t’i sigurojë atij vazhdimësinë në karrierë dhe për këtë nuk duhet paragjykuar.

Fatkeqësisht kjo ndjesë nuk i vjen në ndihmë një shansi për një korrigjim të një sjellje mesa duket të institucionalizuar racizmi, dhe një ndërhyrje nga organizmat e specializuara evropiane apo ndërkombëtare të këtij sporti, që do duhej të vinin duart në kokë me ndëshkime dhe pezullime të tilla, që janë reminishencë e kohërave të errëta të historisë evropiane, me të cilat kontinenti u nda një gjysëm shekulli më parë.
tema