Skuadrat shqiptare ne Europe 2013

[freeopen]

Ne baze te shortit te organizuar nga Uefa ekipi i vetem shqiptar pjesemares ne Champions Ligue Skenderbeu do te ndeshet me ekipin azerbaixhanas Neftci.Ndeshja e vajtjes do te zhvillohet ne Azerbaixhan me 16-17 Korrik dhe ajo e kthimit me 23-24 Korrik.



Europa Ligue Kukesi do ndeshet me estonezet e Flora Tallin, Laci kunder Differdange 03 (Luxemburg), Teuta kunder Dacia Chisinau (Moldavi)

Suksese ekipeve shqiptare ne Kupat e Europes

[Qyfyre]

Skenderbeu gjen Neftchi Baku ne Champions

Skënderbeu do të ndeshet me Neftchi Baku të Azerbajxhanit në raundin paraeliminator të Ligës së kampioneve. Goglat e shortit të hedhur mesditën e së hënës në Nion të Zvicrës kanë zbuluar edhe emrin e kundërshtarit të kampionëve të Shqipërisë, i cili kësaj here është më i lehtë në letër se në dy sezonet e mëparshme, ku korcarët nuk ia dolën mbanë. Neftchi Baku u shpall kampion në vendin e tij në sezonin që shkoi, ku regjistroi këto statistika: në 32 ndeshje mori 19 fitore, 5 barazime dhe 8 humbje, me nje golaverazh 59:32.

Neftchi Baku PFK, i njohur gjithashtu Neftchi, është një klub futbolli i Azerbajxhanit, me bazë në kryeqytetin e këtij vendi, Baku, që aktualisht luan në Premier Ligën e azerëve. Trajner i skuadrës në fjalë është Boyukagha Hajiyev, ndërsa president Sadyg Sadygov. Ata janë më të famshmit dhe më të suksesshmit si klub, me tetë tituj kampioni në Azerbajxhan dhe pesë Kupa të Azerbajxhanit. Neftchi është një nga dy ekipeve në Azerbajxhan, së bashku me Qarabağ, i cili ka marrë pjesë në të gjitha kampionatet e “Premier League” të këtij vendi deri më tani.

Në vitin 2012, Neftchi Baku u bë ekipi i parë që përparon në fazën e grupeve të një konkurrimi evropian, duke mposhtur APOEL të Qipros 4-2 në total, në raundin e” play-off”-it të Ligës së Europës për sezonin 2012-2013.

Ekipi i epokës sovjetike (1937-1991)

Neftchi është themeluar si klub në vitin 1937. Gjatë viteve 1937-1967, ai ishte i njohur si Neftyanik dhe u riemërua Neftchi në vitin 1968. Neftchi ka luajtur tre kampionate në Top Ligën Sovjetike, më 1949-1950, 1960-1972 dhe 1977-1988, prej një totali 28 vjetësh në rangun e lartë të futbollit Sovjetik. Klubi luajti në Ligën e Parë Sovjetike, nga 1946-1948, 1951-1959, 1973-1976, dhe 1989-1991. Golashënuesi më i mirë i Neftchi në këtë epokë të hershme ishte legjenda e futbollit në Azerbajxhan, Alakbar Mammadov, i cili gjithashtu ka luajtur për Dinamon e Moskës. Mamedov ka grumbulluar 51 gola në ligë gjatë viteve 1950-1960 për klubin. Ndoshta, arritja më e madhe e klubit ishte një finish në 3 vendet e para në Top Ligën Sovjetike në vitin 1966.

Dominimi në 1991-2012

Neftchi vazhdoi të dominojë futbollin e Azerbajxhanit gjatë viteve 1990. Në kontrast të fortë me stilin mbrojtës dhe të kritikuar shpesh të ekipit kombëtar të Azerbajxhanit në atë kohë, Neftchi arriti sukses përmes zbatimit të rreptë taktik. Klubi në fjalë u bë i pari ndonjëherë në këtë vend që fiton shtatë tituj dhe katër kupa në vend radhazi. Në vitin 2006, Neftchi arriti të fitojë Kupën “CIS Kaunas”. Në garat evropiane, klubi azer ka përparuar dy herë edhe në raundin e dytë kualifikues të Ligës së Kampionëve, pasi mundi kampionët boshnjakë të Shiroki dhe kampionët islandezë të FH Hafnarfjarðar, në vitin 2004 dhe 2005. Në vitin 2008, kundërshtari i Skënderbeut avancoi në raundin e tretë të Kupës Intertoto, pasi mundi sllovakët e Nitra dhe belgët e Berschot. Neftchi pati një periudhë të gjatë rënieje të suksesit pas vitit 2005 deri në fund të dekadës. Pavarësisht nga emërimi i emrave të famshëm të tilla si Gurban Gurbanov, Vlastimil Petržela Anatolij Demyanenko dhe Hans-Jürgen Gede në rolin e trajnerëve, klubi nuk ka arritur ndonjë sukses dhe ka shpërdoruar shuma të mëdha parash për blerje të pasuksesshme. Gjërat ndryshuan pozitivisht në dhjetor 2009, kur kontrolli i klubit është lënë në dorë të Sadyg Sadygov. Ardhja e tij u pasua menjëherë me një stuhi ofertash për lojtarë të profilit të lartë ndërkombëtar, të tillë si Bahodir Nasimov, Nicolás Canales, Flavinho, Bruno Bertucci, Eric Ramos, Igor Mitreski dhe Julius Wobay. Në maj 2010, nën sezonin e parë si trajner, Arif Asadov fitoi titullin e gjashtë në kampionat. Asadov bëhet gjithashtu personi i parë në Azerbajxhan që fiton titullin e ligës si trajner dhe lojtar futbolli.

Stadiumi dhe tifozët

Në sezonin 2011-2012, Boyukagha Hajiyev e udhëheq Neftchi drejt një suksesi tjetër në familje, si klubi që bëhet kampion për herë të shtatë në historinë e vet. Në nëntor 2011, Neftchi festoi fitoren e tij të 1000-të në lojëra zyrtare. Vitet e fundit ka pasur edhe përparim në garat evropiane. Në vitin 2012, Neftchi është kualifikuar për në fazën e grupeve të Ligës së Europës, duke qenë ekipi i parë azerbajxhanas që përparon në këtë fazë në një kompeticion europian. Ky klub vjen përballë Skënderbeut si fitues i titullit të kampionit në vendin e vet për sezonin 2012-2013 dhe fitues i Kupës së Azerbajxhanit më 28 maj 2013, duke siguruar një sukses të dyfishtë në vendin e vet.

Neftchi luan në një stadium me kapacitet prej 11 mijë vendesh, i cili u ndërtua nga të burgosurit gjermanë të luftës në vitin 1951 dhe ka formën e germësa C për të nderuar Stalinin. Stadiumi shërben gjithashtu si terren për të luajtur ndeshjet e veta në shtëpi kombëtarja azerbajxhanase. Neftchi Baku është një nga klubet që përkrahet më shumë nga tifozët në Azerbajxhan, me mbështetës të organizuar në grupe dhe që funksionojnë në vende të ndryshme të botës, përfshirë Shtetet e Bashkuara, Turqi, Rusi, Gjermani, Holandë dhe çdo vend tjetër me komunitet të konsiderueshëm azerbajxhanas.

Neftchi favorit ndaj Skenderbeut

Neftchi eshte sigurisht skuadra favorite per tu kualifikuar nga kjo perballje. Eksperienca eshte ne favor te tyre por edhe rekordi i azerbajxhanasve ne Europe eshte dicka e paarritur nga skuadrat shqiptare. Ata kane marre pjese ne fazen e grupeve te Europa League dhe madje kane marre tre pike sezonin e kaluar, ku pervec dy barazimeve me Partizanin e Beogradid arriten dhe nje barazim ne San Siro kunder Interit.

Ne fazat eleminatore te Europa League ata kane luajtur 16 ndeshje, duke fituar 5, barazuar 4 dhe humbur 7. Skenderbeu nga ana tjeter ka marre pjese vetem dy here duke luajtur 4 ndeshje, me 1 fitore dhe 3 humbje. Neftchi ka arritur dy here ne raundin e trete, ndersa Skenderbeu asnjehere.

SKEDA

Emri i plotë: Neftçi Peşə*** Futbol Klubu
Themeluar: 18 mars 1937
Stadiumi: Bakcell Arena, Tofiq Bahramov Stadium

Palmaresi i Neftchi
8 tituj kombëtarë: 1992, 1995–96, 1996–97, 2003–04, 2004–05, 2010–11, 2011–12, 2012–13
3 herë nënkampion: 2000-01, 2001-02, 2006-07
5 Kupa të Azerbajxhanit: 1994–95, 1995–96, 1998–99, 2003–04, 2012–2013
2 finale të humbura të kupës: 2000-2001, 2011-2012
2 Superkupa: 1993, 1995 (http://futbollishqiptar.net/)

[Qyfyre]

Teuta luan perballe Dacia nga Moldavia

Skuadra e Teutes eshte vene perballe FC Dacia Kishinau nga Moldavia ne shortin e sotshem. Kundershtari nuk eshte i pakalueshem por sigurisht qe jane treguar me te afte se sa durrsaket ne kompeticionet Europiane.

FC Dacia Kishinau është një klub futbolli moldav, që i përket kryeqytetit të Moldavisë. Ata luajnë në “Nationala Divizia”, liga kryesore e këtij vendi. Emri i klubit vjen nga Dakia, një qytetërim i lashtë, i cili ka mbuluar pjesët e Moldavisë moderne. Eshtë themeluar në vitin 1999, ndërsa u promovua në Ligën Kombëtare dy vjet më vonë. Dacia ka mbetur aty qysh atëhere, ndërsa fitoi titullin e parë në ligë në sezonin 2010-2011, duke u kualifikuar për eliminatoret e Ligës së Kampionëve. Ekipi ka marrë pjesë edhe në “Europa League” në pesë raste, por kurrë nuk e ka kaluar fazën e grupeve.

Historia e hershme (1999-2002)

FC Dacia u themelua në vitin 1999 nga Roger Levadaru, Igor Ursachi, Valeriu Plujnic dhe Alexandru Şcaruba. Qëllimi fillestar i klubit ishte për të konkurruar në Moldavi një “ndarje shtresore” (e dytë). Dacia ka debutuar në këtë kampionat gjatë sezonit 2000-2001, ndërsa Gabriel Stati e mori përsipër si president në vjeshtën e vitit 2000. Klubi u promovua shpejt në top-divizionin e futbollit moldav, pikërisht sezonin e ardhshëm.

“National Division” (2002-10)

Dacia fitoi ndeshjen e parë në “National Division” me rezultatin 1-0 kundër Nistru Otaci dhe e përfundoi sezonin 2002-2003 në 4 vendet e para, me kualifikimin për në Kupën Intertoto. Këtu ata mundën klubin e GI Gota dhe pastaj shqiptarët e Partizanit, ndaj të cilëve shënuan pesë gola pa pësuar asnjë (2-0 dhe 3-0). Më pas Dacia u eliminua nga gjermanët e Shalke 04, duke i humbur të dyja ndeshjet (1-0 dhe 2-1).

Në sezonin 2004-2005, Dacia kualifikohet në Kupën UEFA për herë të parë pas një finishi për vendin e tretë në kampionat. “Ujqërit”, gjithashtu, përfunduan si finalistë të mundur të Kupës së Moldavisë pas një humbjeje dramatike ndaj Nistru. Dacia u eliminua nga Kupa UEFA në sezonin 2005-2006 në raundin e parë kundër FC Vaduz, që luante në “Challenge League” të Zvicrës. Pasi e mbylli kampionatin në vendin e katërt në sezonin 2006-2007, Dacia u kualifikua për Kupën Intertoto, ku avancoi ndaj azerbajxhanasve të Bakut në raundin e parë. Në raundin e dytë moldavët mposhtën klubin zviceran të “St Gallen”. Kundërshtarët e tretë të Dacia ishin gjermanët e Hamburgut, ekipi që rrotullohej rreth mesfushorit holandez Rafael van der Vaart. Barazoi 1-1 në Moldavi, por humbi 4-0 në ndeshjen e kthimit.

Dacia luajti në “Europa League” në sezonin 2009-2010, në raundin e dytë kualifikues, ku u mund 3-0 në total nga ana MSK Zilina e Sllovakisë. Sezonin 2010-2011, klubi në fjalë mori pjesë në kualifikueset e “Europa League”, duke luajtur dhe kualifikuar kundër FK Zeta të Malit të Zi. Më pas u rrëzua me rezultatin 2-0 në total nga ekipi suedez i Kalmarit.

Para sezonit 2011-2012, Dacia fitoi Super Kupën e Moldavisë kundër Iskra-Stal Rîbniţa. Në korrik 2011, Dacia bëri debutimin në Ligën e Kampioneve në raundin e dytë kualifikues, kundër kampionëve të Gjeorgjisë, Zestafoni. Pavarësisht fitores 2-0 në shtëpi, Dacia humbi 3-0 në ndeshjen e kthimit dhe u eliminua. Dacia mori pjesë në sezonin 2012-2013 në Ligën e Europës, duke luajtur në raundin e parë kualifikues, ku fituan nga 1-0 ndaj sllovenëve të Celjes në secilën ndeshje. Në raundin e dytë kualifikues luajtën kundër Elfsborg të Suedisë, Dacia fitoi ndeshjen e parë 1-0, para se të humbte 2-0 në transfertë dhe të eliminohej.

Moldavet favorite, Teuta rekord te dobet ne Europa League

Paraqitjet ne Europe dhe sidomos ne Europa League kane qene me te mira per skuadren moldave. Ne Europa League ata kane luajtur 14 ndeshje duke arritur 4 fitore, 4 barazime dhe 6 humbje. Teuta ne kete kompeticion ka arritur te fitoje vetem nje here ne 12 ndeshje, ndersa ka arritur edhe nje barazim te vetem si dhe 10 humbje.

Ne te gjitha kompeticionet ne Europe, Dacia ka 28 ndeshje, prej ketyre 10 fitore, 7 barazime dhe 11 humbje. Teuta ka ne total 24 ndeshje, 5 fitore 3 barazime dhe 16 humbje.

Raundi 2 i Europa League

Teuta ka nje short shume te veshtire ne raundin e dyte. Nese ata kalojne FC Dacia Kishinau do te kene perballe disa fytyra te njohura si Kristi Vangjeli dhe Elis Bakaj dhe skuadren e tyre FC Chornomorets Odesa nga Ukraina.

[Qyfyre]

Laci me fat, gjen kundershtar nga Luksemburgu

Laci ka qene skuadra me me fat ne shortin e sotem pasi kane gjetur ne raundin e par ete Europa League nje kundershtar nga Luksemburgu. Ne fakt kundershtaret kane me shume eksperience ne Europe, dhe kane arritur madje te kalojne edhe nje here raundin, por mbajne edhe rekordin per humbjen me te thelle, 14-0.

Differdange 03 u formua në vitin 2003 si një amalgamë e dy klubeve të të njëjtit qytet me të njëjtin emër: “FA Red Boys Differdange” dhe “AS Differdange”. Kur klubet u shkrinë në kohë për sezonin 2003-2004, të kuqtë lënguan në gjysmën e poshtme të Divizionit Kombëtar, ndërsa ishin në pozicion mesi të tabelës në grupin e tretë të futbollit Luksemburgas. Klubi u promovua përsëri në Divizionin Kombëtar në sezonin 2005-2006, kur kampionati u zgjerua nga 12 klube për 14 të tilla. “Red Boys Differdange” më parë kishin qenë një nga ekipet më të mëdha dhe më të suksesshme në futbollin luksemburgas, duke fituar Kupën e Luksemburgut më shumë herë se çdo ekip tjetër. Gjatë viteve 1920 dhe 1930, “Red Boys” konkuruan me “Spora Luksemburg” për dominimin e futbollit në Luksemburg. “Red Boys” ishin më të suksesshëm fituan 13 trofe në mes të viteve 1923 dhe 1936. Pavarësisht nga konkurrenca e patundur (Spora kishte fituar 8 trofe në të njëjtën periudhë), ky rekord nuk ka qenë kurrë i krahasueshëm. Në sezonin 2011-2012, kundërshtari i Lacit mori pjesë në “Europa League” dhe përparoi në raundin e tretë kualifikues, pasi eliminoi Levadia Tallinn me rezultatin 1-0 në total, një nga fitoret më të famshme evropiane dhe një nga fitoret më historike për një klub nga Luksemburgu, që ka pasur ndonjëherë në garat evropiane. Në raundin e 3-të kualifikues ata u takuan me Olympiakos Volou dhe humbën nga 3-0 në të dyja ndeshjet (6-0 në total). Megjithatë, Olympiakos Volou me sa duket ishte i përfshirë në një rast korrupsioni, ndaj UEFA vendosi më 11 gusht 2011 që Differdange të përparojë në raundin e “play off”-it dhe të takohet me PSG. Më 5 dhe 12 korrik 2012, luksemburgasit fituan kundër NSI për raundin e parë kualifikues të Ligës së Evropës, me një rezultat total prej 6 golash në dy ndeshje, pas pësuar asnjë. Në raundin e dytë, FC Differdange 03 do të takohej me klubin belg “KAA Gent”.

Arritjet

6 tituj në “National Division”: 1922–23, 1925–26, 1930–31, 1931–32, 1932–33, 1978–79
11 herë nënkampion: 1910–11, 1926–27, 1933–34, 1934–35, 1957–58, 1973–74, 1975–76, 1979–80, 1980–81, 1983–84, 1984–85
16 herë fitues i Kupës së Luksemburgut:1924–25, 1925–26, 1926–27, 1928–29, 1929–30, 1930–31, 1933–34, 1935–36, 1951–52, 1952–53, 1971–72, 1978–79, 1981–82, 1984–85, 2009–10, 2010–2011

Laci favorit, por nuk do te jete e lehte

Differdange 03 ka marre pjese shume here ne Europe, ndersa Laci nje here te vetme kur ka arritur nje barazim dhe nje humbje. Humbja ka qene turperuese per lacianet, 7-1 kunder bjelloruseve te Dnepr Mogilev.

Differdange 03 ka 26 ndeshje ne Europa League dhe 36 ndeshje europiane ne total. Ne Europa League ata kane 4 fitore, 3 barazime dhe 19 humbje. Nje rezultat i tyre historik eshte barazimi 0-0 me Ajax ne 1984, por qe u pasua nga nje humbje rekord qe qendron edhe sot, 14-0 ne Hollande.

Raundi 2, kundershtare hollandeze

Lacianet kane qene me fat ne shortin e raundit te pare, por jo ne ate te raundin pasardhes. Nese kalojne skuadren nga Luksemburgu Laci do te kete perballe FC Utrecht te Hollandes qe do te thote se vazhdimi per me tej eshte mese i pamundur.

[Qyfyre]

FC Flora Tallin, kundërshtari i Kukësit

Kukesi merr pjese per here te pare ne historine e vete ne nje kompeticion europian. Risia e futbollit shqiptar ne sezonin qe sapo u mbyll, do te kete perballe estonezet e FC Flora Tallinn. Kundershtari ka sigurisht eksperiencen ne Europa ne avantazh me plot 40 ndeshje, por eshte veshtire te zgjedhesh favorite ne kete sfide. Ne Europa League ata kane 3 fitore, 7 barazime dhe 16 humbje nga 26 ndeshje.

FC Flora është një klub futbolli në Estoni, që u themelua në vitin 1990. FC Flora e ka fituar shumë herë titullin në “Meistriliiga” dhe Kupën e Estonisë. Ata kanë për vite të tëra me pjesëmarrjen e numrit më të madh të lojtarëve në ekipin kombëtar, ndërsa kanë rritur lojtarë të suksesshëm nga sistemi i të rinjve, që kanë pasur një karrierë të mirë edhe jashtë vendit. Në këta lojtarë përfshijmë, për shembullm Mart Poom, Andres Oper, RAiO Piiroja, Ragnar Klavan.

Historia

Klubi u themelua në vitin 1990. FC Flora ka luajtur sezonin e saj të parë në ligën e dytë të kampionatit të Estonisë e mbushur kryesisht me ish-lojtarë të Tallinna Lõvid. Në vitin 1994, Flora fitoi titullin e parë në “Meistriliiga”, nën rrethana tepër të diskutueshme, kur Federata Estoneze e Futbollit vendosi të skualifikojë kryesuesit e Tevalte Talin për fiksim të ndeshjeve, akuzat që kurrë nuk u provuan. Flora e fitoi titullin tjetër në “Meistriliiga” në 2010, pas 7 vjet pritjeje. Në verën e vitit 1998, Flora, e sapokurorëzuar kampione, luajti me Milanin një miqësore në Sicilia. Si ekipi i vetëm që përkrahet nga qeveria në Estoni, Flora posedon disa ekipe rezervë dhe “klube fermë” në divizione të ndryshme. Lojtarët që nuk kanë bërë një ndikim të mjaftueshëm në klub janë dërguar shpesh për të luajtur jashtë, në Tulevik. Rivalët kryesorë të FC Flora janë FC Levadia, JK Sillamäe Kalev dhe FC Trans Narva. Stadiumi i Florës është ndërtuar kohët e fundit dhe ka një kapacitet prej 9300 vendesh, me një sistem nënngrohjeje të tokës.

Arritjet

9 tituj kampioni në “Meistriliiga”: 1993–94, 1994–95, 1997–98, 1998, 2001, 2002, 2003, 2010, 2011
6 Kupa të Estonisë: 1994–95, 1997–98, 2007–08, 2008–09, 2010–11, 2012–13
7 Superkupa të Estonisë: 1998, 2002, 2003, 2004, 2009, 2011, 2012

Kundershtari ne Raundin 2

Kuksianet kane nje short te favorshem ne raundin e dyte te Europa League pasi nese arrijne te kalojne FC Flora, atehere do te ndeshen me fituesin mes AC Libertas (San Marino) dhe FK Sarajevo (Bosnje).

[Gzim_Cool]

Pershendetje!

A e transferojne lojrat e liges kampionatit ose ligen e evropes ne kanalin SuperSport

[Qyfyre]

Kukesi vazhdon te shkruaje historine, kualifikohet

Kukësi është e vetmja skuadër shqiptare, nga tri të tilla pjesëmarrëse, që kalon në turin e dytë të Ligës së Europës. Vazhdon të habisë skuadra e Armando Cungut, e cila debutoi në Superiore në sezonin që shkoi dhe zuri vendin e dytë. Ky pozicion i mundësoi asaj marrjen pjesë për herë të parë edhe në Kupat e Europës, ku e ka “hedhur vallen” me sukses në “nusërimin” debutues.

Verilindorët i janë falur golit në fushë kundërshtare për të përparuar më tej, sepse në kthim, në stadiumin “Qemal Stafa”, nuk kanë shkuar dot më tej se barazimi i bardhë 0-0, pavarësisht rasteve të krijuara. E ka vendosur gjithcka barazimi 1-1 në Talin, ku goli i Gerhard Prognit vlen jashtëzakonisht shumë, kualifikimin. Në turin e dytë të Ligës së Europës, Kukësi do të përballet me një prej dy ekipeve të çiftit Sarajevo-Libertas. Boshnjakët e kanë fituar ndeshjen e parë në fushën e tyre ndaj skuadrës nga San Marino dhe shihen si favoritë kryesorë për të kaluar në turin e dytë, duke parë edhe kundërshtarin që kanë përballë. Ata po luajnë në këto momente në San Marino dhe sipas të gjitha gjasave do të jenë sfiduesit e kuksianëve në raundin pasues. Sfida e parë e turit të dytë luhet më 18 korrik, sfida e kthimit një javë më pas.

Kukesi nuk ka bere asnje ndryshim ne formacion, krahasuar me sfiden e pare te luajtur ne kryeqytetin estonez. Trajneri Cungu u ka besuar 11 lojtareve qe i siguruan barazimin ne fushen e Flora Talin, duke e vendosur skuadren e tij sipas modulit 4-4-2, me mesfushoret e krahut qe do te asistojne gjithnje sulmuesit Hoxha dhe Popovic. Ndertimi i lojes i besohet fantazise se Alikajt, ndersa ne krah te tij do te jete Progni, i gatshem per te goditur nga distanca dhe sulmuar kundershtarin nga pas kraheve. Flora Talin kunderpergjigjet me te njejten skeme, duke i dhene edhe ajo perparesi shenimit te golit, ngaqe ka pesuar ne fushen e vet dhe duhet ta beje kete ne “Qemal Stafa”, ne menyre qe te ekuilibroje “golin ne fushe kundershtare”.

Ndeshja nis me nje aksion te rrezikshem te miqve, ku sulmuesi Frolov sjell peshtjellim te prapavija kuksiane. Nuk kane kaluar 60 sekondat e pare dhe Flora fiton goditjen e pare nga kendi, si per te paralajmeruar se do t’i luaje te gjitha kartat. Nga ana e vet, kuksianet shfaqen te ekuilibruar mes reparteve, pa krijuar hapesira mes tyre dhe me nje shpirt te larte gare arrijne te hedhin veshtrimin nga gjysmefusha e kundershtarit dhe te krijojne mundesite reale per finalizim. Kjo duket edhe ne goditjet nga kendi te njepasnjeshme qe skuadra e Cungut fiton, por estonezet nuk lejojne qe t’i afrohen portes se tyre. Beteja zhvillohet me se shumti ne mesfushe, ku te dyja palet mundohen te shkaterrojne lojen e kundershtarit dhe te nisen vete ne kundersulm. Allmuca, Popovic dhe Alikaj jane me te levizshmit te vendesit, madje arrijne ta shenjestrojne edhe porten e Flora Talin, por portieri estonez i zgjidh me qetesi momentet e rrezikshme. 30 minutat e para te lojes kalojne me perpjekje te te dyja skuadrave, por rast ideal per shenim nuk eshte paraqitur ne asnjeren porte, cka deshmon se luhet ne menyre mjaft te kujdesshme. Me pas kane dale ne drite raste te shumta, por te shperdoruara nga Kukesi, te cilit vetem goli i ka munguar. 45 minutat e para mbyllen pa asnje gol, me porta ta parekura, ndaj rezultati i bardhe kenaq kuksianet, qe jane te kualifikuar, edhe pse duhet pritur konsumimi i fraksionit te dyte te lojes, ku Flora Talin detyrimisht do te kerkoje te shenoje, pasi nuk ka asgje per te humbur. Verilindoret e Cungut, me barazimin 1-1 e shohin veten ne turin tjeter, ndaj duhet “te presin 100 here e te masin 1 here” ne pjesen e mbetur te ndeshjes se kthimit.

Pjesa e dyte nis pa zevendesime per te dyja skuadrat, me Kukesin ne sulm, ku Popovic sjell peshtjellim te madh ne prapavijen estoneze. Shtatlarti serb, i ndihmuar edhe nga mesfushoret Allmuca dhe Progni, mbetet pika e referimit per tanet. Serish me ngulmues jane te besuarit e Cungut, qe i afrohen rrezikshem portes estoneze, nderkohe qe kundershtari nis e kryen zevendesime per te ndryshuar dicka ne lojen e vet. Nuk qendron duarkryq as stafi teknik i Kukesit, qe shtimit te forcave ofensive te Flora Talin i pergjigjet me nje “peshe te rende” ne mbrojtje, sikurse eshte lezhjani Malota. Ai ze vendin e Alikajt, qe ka shpenzuar shume, edhe per faktin se tashme theksi kryesor duhet vene te mospesimi i golit dhe ruajtja e kualifikimit te fiksuar qe ne ndeshjen e pare. Veshtiresohen dhjete minutat e fundit per verilindoret, sepse kosovari Musolli ndeshkohet me karton te kuq, duke i lene te tijte ne inferioritet numerik.

Trajneri Cungu vendos te hedhe ne fushe edhe Malindin per Popovic, duke dashur te shfrytezoje freskine fizike te sulmuesit, qe i bashkohet ne detyra difensive skuadres se tij, e mobilizuar me shpirt nder dhembe per ta mbrojtur rezultatin deri ne fund te pese minutave shtese. Kuksianet, ndryshe nga kurbinasit dhe durrsaket, vijojne me tej ne turin e dyte te Liges se Europes. Nje sukses mbreselenes per debutuesit ne kesi kompeticionesh dhe nje mundesi mese reale per te arritur edhe nje rekord historik per Shqiperine, pasi kundershtari i rradhes me shume mundesi do te jete Sarajevo e Bosnjes.

KUKESI-FLORA TALIN 0-0

KUKESI: Halili, Brahja, Hallaçi, Malakarne, Peqini, Progni, Allmuça, Alikaj (Malota 66′), Musolli, Popović (Malindi 83′), Hoxha (Manuka 90+4′). Trajner: Armando Cungu
FLORA: Meerits, Mets, Jürgenson, Palatu, Mikadze (Adou 86′), Van De Streek, Laabus (Post 64′), Frolov, Luigend, Alliku, Prosa (Logua 64′). Trajner: Marko Lelov
Gjyqtarë: M.Whitby, G.Jones, L.Edwards (Uells)
Kartonë të verdhë: Progni 64′, Malota 79′ / Jürgenson 23′, Palatu 85′
Karton i kuq: Musolli 79′

Kukësi, 240 milionë lekë përfitime për 1 ndeshje

Kukësi mbush arkën që në turin e parë të Ligës së Europës. Me një llogari të thjeshtë, veriorët kanë përfituar minimalisht 240 milionë lekë të vjetra nga dy sfidat e zhvilluara me Flora Talin. Kështu, vetëm nga shitja e biletave në përballjen e mbrëmjes së djeshme, klubi ka arkëtuar një shifër diku te 100 milionë lekë, kjo duke marrë parasysh jo vetëm çmimin (30 mijë lekë bileta më e shtrenjtë dhe 5 qind lekë më e lira), por edhe faktin se në “Qemal Stafa” ishin më shumë se 7 mijë tifozë. Përveç kësaj, Kukësi do të përfitojë edhe 100 mijë euro, të ardhura këto që vijnë nga UEFA për çdo skuadër që merr pjesë në turin e parë të Ligës së Europës. Kështu, në total vetëm për dy ndeshjet me Flora Talin shuma që ka përfituar skuadra e drejtuar nga Cungu është minimalisht 240 milionë lekë. Kujtojmë se Kukësi nuk mundi të përfitojë në këtë rast nga e drejta televizive, kjo edhe për faktin se kundërshtari nuk është një klub me emër dhe me një buxhet të madh, dhe natyrisht nuk e bleu takimin e djeshëm, sikundër ka bërë pak sezone më parë për shembull Olimpiakosi kur luajti me Besën e Kavajës, ose Napoli apo Rapidi i Vjenës kur luajti me Vllazninë. Ndërkohë, referuar të ardhurave, por jo vetëm, presidenti Safet Gjici ka premtuar se do të japë një shpërblim të majmë për të gjithë skuadrën. “Djersa dhe mundi i lojtarëve nuk do të mbetet pa u shpërblyer. Unë tani nuk dua të jap premio, pasi do ma konsiderojnë edhe si emocionale, por ju siguroj se do t’i kënaq të gjithë lojtarët dhe stafin për këtë kualifikim historik. Ne jemi krenaria e shqiptarëve, pasi jemi e vetmja nga tri skuadrat që u kualifikua nga turi i parë në Ligën e Europës sa u përket skuadrave shqiptare. Jam krenar për Kukësin tim dhe të tillë duhen të ndihen sot (dje) të gjithë shqiptarët. Bëmë një lojë shumë të mirë, edhe pse barazuam pa gol duhet thënë se ishte një kualifikim heroik, duke qenë se e mbyllëm ndeshjen me një lojtar më pak”, ka theksuar dje pas takimit Gjici.

Hallaçi: S’ka kohë për festë, java kalon shpejt

Ka shpenzuar shumë energji gjatë takimit të djeshëm ndaj Flora Talin, megjithatë kapiteni i Kukësit, Rrahman Hallaçi, është mjaft i lumtur për suksesin e arritur. “E menduam një ndeshje më të lehtë, duke pasur parasysh edhe rezultatin që arritëm ne Estoni, por mund të them se në fushë ka dalë më e vështirë. Ekipet e huaja kanë një karakteristikë, që në fushën e tyre nuk luajnë shumë, ndërsa në transfertë janë gjakftohtë. Edhe Flora Talin tregoi një forcë mjaft të madhe në kualifikime, pasi erdhi me shumë vuajtje. Ne mund të kishim arritur të shënonim, sepse krijuam mjaft raste, por nuk arritëm t’i realizonim ato. Gjithsesi barazimi pa gola na favorizonte ne dhe morëm atë që deshëm”, – pohoi kapiteni, i cili foli edhe për ndeshjen e radhës: “Objektivin e parë e realizuam dhe tashmë jemi të përqendruar te ndeshja e radhës ndaj Sarajevës, e cila vjen shumë shpejt, kështu që nuk kemi shumë kohë për të festuar. Java do të jetë intensive në lidhje me përgatitjet”. http://futbollishqiptar.net/

[MaDaBeR]

Rezultat fantastik i Skenderbeut ne transferten e azerbajxhanit. Neftçi 0-0 Skenderbeu. Shpresojme ne nje rezultat pozitiv ne ndeshjen e kthimit. Do ishte historike kalimi i nje turi dhe do ngrinte si nivelin e Skenderbeut ashtu dhe renditjen e Kampionatit tone ne renditjen e pergjithshme europiane.

Kukesi luan sot ndaj Sarajevos ne kuader te turit te dyte te Europa League.

[Qyfyre]

veshtire do e kene. dominuan komplet ata azerbajxhanasit. megjithate rezultat i mire 0-0 jashte.

historike po kaloi Kukesi. vetem Flamurtari ka arritur te kaloj 2 raunde

[MaDaBeR]

Kukesi po fiton me rezultatin 3-2 dhe mbi te gjitha po zhvillon loje mjaft te bukur, perjashto 10 minuta vetekenaqesie ku beri nje autogol ne porten e vet e pesoi nje gol tjeter nga Sarajevasit. Le te shpresojme qe te shenoje edhe nje gol tjeter Kukesi per t'ja lehtesuar gjerat vetes sa me shume per ndeshjen e kthimit.

Duhet theksuar se ne Sarajeve do jene rreth 5-6 mije tifoze pro Kukesit nga ekipi kundershtar i Sarajevos, Zeleznjicar.

[Qyfyre]

fituan hallall. mbaroi 3-2

[semiku]

Bravo Kukesi...

Kukesi - Sarajevo 3-2

1-0 Hoxha 24 `
1-1 Popovic 32` a.g
1-2 Haurdic 33`
2-2 Popovic 45`
3-2 Alimucaj 58`



A do te jete ky rrezultat i mjaftueshem per Kukesin te kaloje ?... Mendoj qe jo,Boshnjaket ishin shume me te mire dhe dominuan Kukesin.

[goldian]

dhe bastet mos i harroni po se patet bezdi

[Gzim_Cool]

a e transmeton super sport lojen e kthimit?

[EXODUS]

Skënderbeu hoping 'third time's a charm'

Published: Monday 22 July 2013, 11.00CET

President Ardian Takaj is hoping "third time's a charm" for KS Skënderbeu as they look to progress from the second qualifying round at the expense of Neftçi PFK.
by Fatjon Pandovski

http://www.uefa.com/MultimediaFiles/...1974736_w2.jpg


Albanian champions KS Skënderbeu have been UEFA Champions League second qualifying round regulars in recent years, but on Tuesday they will look to make the next step for the first time.

Skënderbeu and Neftçi PFK drew 0-0 in Azerbaijan in last week's first leg, leaving the tie evenly poised for the second instalment in Korca. "The upcoming match will be different," said Skënderbeu goalkeeper Orges Shehi. "It is true we didn't let Neftçi score, but they have a good team with dangerous attackers and it will not be easy to eliminate them. We have to score more than them and defend better than them. We started well [last week] but we need to learn to keep doing the same things and not give our opponents easy shots. We have to focus the entire match because they have a good side with strong, fast players. But as the home team we will have the support of our fans – the best in Albania."

Skënderbeu's bright opening in Baku last Wednesday prefigured a more conservative approach to the contest, with the priority very much on stifling their hosts. "We had a strategy and the task was completed," coach Mirel Joca told UEFA.com. "The first result is promising but we need to win the next game to advance." Affected by the recent departure of Sebino Plaku to WKS Śląsk Wrocław, Skënderbeu found the net just once in five friendly fixtures at their pre-season camp in Austria. Joca has now brought in Gilman Lika and Mario Morina from KF Tirana, as well as Jetmir Sefa from KS Bylis. "We have the players and we have created chances, we just have to do a better job of finishing," added Joca.

Joca should have defender Ditmar Bicaj available again after he missed out through injury last week. "It was tough to watch from the stands, but I will be ready for the next match," said Bicaj. "I have been working hard to be 100%, but it will be the coach's decision if I start. Our fans will be ready and it's our job to deliver."

Even without Bicaj, Skënderbeu managed to keep a clean sheet in testing circumstances. "[Bici] is our leader at the back, but we have a great group of players," said fellow defender Renato Arapi. "Everyone stepped up their game and we were able to escape from Baku with a clean sheet."

Skënderbeu have been here before. Albanian champions in 2011, 2012 and 2013, they have entered the second qualifying round for three seasons in a row but have yet to progress. They came closest to doing so last term, winning 1-0 against Hungary's Debreceni VSC before losing 3-0 in the return. "In the past two seasons, results have gone against us, but we still hope – third time's a charm," said president Ardian Takaj.

©UEFA.com 1998-2013. All rights reserved.

[Qyfyre]

ishalla kalojne

[semiku]

Skenderbeu - Neftci Baku 0:0,1:0 ET

1:0 Orelesi 116`



Bravo Skenderbeu !

Faza tjeter :

30/7 Shakhtar (Kazastan) - Skenderbeu
06/8 Skenderbeu - Shakhtar

[murik]

Urime Skenderbeut per kualifikimin historik dhe suksese kundra kazakeve javen qe vjen.

[AlbaneZ]

Urime Skenderbeut zhvilloi nje ndeshje te mire mbreme.

[Qyfyre]

Fantastike. Do bejn lek te madh nga Europa kete sezon. Edhe po u eleminuan tani ne raund te trete te Champions do kalojn ene playoff te Europa League dhe kan dhe dy ndeshje te tjera. Me gjith keto te ardhura sigurojne pa problem buxhetin e sezonin te ardhshem.