Shqiperi: Lajmi i fundit zyrtar nga zgjedhjet parlamentare

[Albo]

Në dy qarqe: KQZ vendos hapjen e 1330 kutive të votimit

KQZ do të rinumërojë kutitë e Shkodrës dhe Lezhës. PS: Po bëni pis procesin.

Katër anëtarët e KQZ, vendim për thellimin e hetimit administrativ.

KQZ vendos hapjen e 1330 kutive të Shkodrës e Lezhës.

Komisioni Qendror i Zgjedhjeve vendosi me katër pro vota të realizojë një hetim të thelluar administrativ, duke vendosur të hapë dhe të rinumërojë të gjitha kutitë e votave në qarkun e Lezhës dhe të Shkodrës. Kërkesa për hapjen e kutive të Shkodrës erdhi pas kërkesës së Partisë Republikane, të cilët propozuan dje që KQZ-ja të investohet në një hetim dhe për këtë qark dhe të ndiqen të njëjtat procedura si për Lezhën. Kjo kërkesë është pranuar dje nga demokratët, ndërsa është kundërshtuar nga PS dhe LSI në KQZ. Me këtë vendim, KQZ do të nisë sot hapjen e 248 kutive të votave dhe 248 kutive të materialeve zgjedhore të Lezhës, në ambientet e KQZ-së. Pas këtij numërimi do të vijohet me qarkun e Shkodrës, që ka në total 417 kuti votimi. Në total, në ambientet e KQZ do të hapen 1330 kuti, votimi dhe materialesh zgjedhore.

Debati
Anëtari më i vjetër i KQZ-së, Klement Zguri, propozoi dje se hapja e 10 kutive të Lezhës dhe nxjerrja e një rezultati krejt të ndryshëm nga ai që ishte në tabelat përfundimtare dhe në sistemin elektronik të KQZ-së, kërkon një hetim më të gjerë. “Situata që pamë me 10 kutitë e Lezhës ishte dramatike, ishte një zhbalancim i madh ndërmjet dokumentacionit të ardhur dhe realitetit në kuti. Janë dy elemente që kanë funksionuar, financimi dhe paratë, sepse është e pamundur që një grup kaq i madh njerëzish që janë pjesë e administratës zgjedhore të komprometohen”, theksoi Zguri. Propozimi është mbështetur nga 3 tre anëtarët e tjerë, të cilët kanë nisur ndërkohë që socialistët kanë kundërshtuar me ngulm këtë vendim. “O të çmendur, dëgjoni të flasim ne! Dëgjoni more. Do numëroni votat e zgjedhësve rrugëve. I keni mbushur kutitë në Lundër. Na jepni rezultatin të paktën çfarë keni futur në kuti dhe ta dimë”, deklaroi dje juristi i PS, Eridjan Salianji. Juristi tjetër i PS-së, Genci Gjonçaj, tha se vendimi i KQZ-së ishte për të bërë pis procesin zgjedhor. Ai akuzoi katër anëtarë se po përdorin standarde të dyfishta dhe se refuzuan në vitin 2009 hapjen e kutive. “Po turp t’ju vijë që bëheni celulë e PD-së, jeni totalisht jashtë ligjit. Kjo që po bëni është skandal. Dilni kundër asaj që keni thënë para tre vjetësh, jo ti, po tre anëtarët e KQZ-së. Jeni totalisht jashtë vendimeve të Kolegjit. Nuk ka njeri që ju shpëton nga këto vendime dhe ju premtoj, në emër të PS-së, që do hetoheni për çdo vendimmarrje që do të bëni në këtë proces të paravendosur ankimor”, tha Gjonçaj. Ndërkohë që kryetarja e KQZ-së tha se “realitetin e ndryshoi hapja e kutive të Lezhës. Ato të cilat ne mendonim se ishin funksionuese, ndryshuan dhe nuk e dinim çfarë do të nxirrnin ato kuti”. Ndërkohë që përfaqësuesi ligjor i LSI-së, Ilirian Muho, tha se KQZ po përdor standarde të dyfishta, pasi disa ditë më parë rrëzoi kërkesën e LSI-së për qarkun e Kukësit, edhe pse sipas tij kjo forcë kishte prova dhe fakte për manipulime.

Akuzat e PS
Përfaqësuesi ligjor i PS-së, Genci Gjonçaj, tha dje se PS do të jetë pjesë e procesit të rinumërimit, por ai akuzoi KQZ-në se e ka përgatitur që në fillim këtë skemë. “Dy kërkesa ankimore janë shtyrë që prej fillimit. Janë shtyrë Shkodra dhe Lezha me pretekste nga më të ndryshmet. Ka qenë e përgatitur që nga fillimi që Shkodra dhe Lezha të renditeshin në fund të kërkesave ankimore të renditura në procesin zgjedhor, në mënyrë që KQZ t’i hynte kësaj valleje, që nuk ka lidhje fare me ato që kërkohet. Kjo është një sjellje e qëllimshme. Ne në këtë sallë do të jemi dhe në këtë proces, por përgjegjësinë e keni ju për integritetin e kutive”, tha ai.

PD pro PR
Përfaqësuesi ligjor i PD-së, Niazi Kosovrasti, u shpreh dje pro kërkesës së Partisë Republikane. “PR është aleati ynë brenda koalicionit dhe pretendon se është dëmtuar nga PD. Dhe, nëse do të rezultojnë të vërteta këto pretendime, do të dëmtohet PD-ja. Ndaj, ne e vlerësojmë ankimimin dhe, në kuadër të këtij vlerësimi, pa diskutim të asaj që pamë me qarkun e Lezhës, mendojmë se e vërteta dhe drejtësia duhet të shkojnë në vend për mua si përfaqësues i PD-së. Nuk më intereson nëse mandati ikën nga PD dhe shkon nga PR. Vendi ka nevojë për të vërteta dhe drejtësi. Mbështes PR-në që të gjitha qendrat të jenë pjesë e hetimit administrativ”, tha Kosovrasti.

Baza ligjore
KQZ ka përdorur si bazë ligjore për rinumërimin e kutive nenin 124, pika 6 e Kodit Zgjedhor, që është ndryshuar në vitin 2012 dhe që i jep të drejtë këtij institucioni të nisë një hetim të thelluar për një kërkesë ankimore. “Në shqyrtimin e kërkesave ankimore të paraqitura, KQZ-ja shqyrton të gjithë problematikën e tyre, përfshirë edhe pavlefshmërinë e zgjedhjeve në qendra të caktuara votimi, pa u kufizuar në objektin e kërkimit të kërkesës ankimore të paraqitur nga subjekti zgjedhor”, thuhet në Kodin Zgjedhor.

FATION BINJAKU

MAPO

[Antiproanti]

Përfundon rinumërimi për Shkodrën, KQZ: Nuk ka ndryshim rezultati

Komisioni Qëndror i Zgjedhjeve, mbylli sot rreth orës 16:30 rinumërimin e votave të qarkut Shkodër, duke mos sjellë ndryshim rezultati në këtë qark.

Pas katër ditësh, 8 grupet e numërimit të vendosur në ambientet e KQZ-së, mundën të rinumëronin 417 kuti në total të kësaj zone zgjedhore.
Nga rinumërimi, Partia Demokratike mundi të marrë 78 vota më shumë, ndërsa Partisë Republikane i nevojiteshin edhe 158 vota për të fituar mandatin e deputetit.
Në mbyllje të këtij proçesi, përfaqësuesi ligjor i PD-së, Njazi Kosovrasti, tha se rinumërimi solli një përmirësim të rezultatit për Shkodrën në favor të PD-së, edhe pse nuk pati ndryshim mandatesh. Ai tha se i gjithë ky proçes i shërbeu transparencës së plotë të proçesit zgjedhor.

Sipas vendimit të miratuar pak ditë më parë, para se të niste rinumërimi për Lezhën, KQZ vendosi me 4 vota pro të rinumërojë edhe 417 kuti votimi të qarkut të Shkodrës.
Në nisje të proçesit, Partia Socialiste kërkoi shtyrjen e proçedurës së rinumërimit të votave për Qarkun e Shkodrës, deri sa Kolegji Zgjedhor të shprehet për kërkesën ankimore të PS-së, lidhur me vendimmarrjen e KQZ-së për këtë qark.

Partia Socialiste ka depozituar në Kolegjin Zgjedhor ankimin e dytë që synon të shfuqizojë vendimin e Komisionit Qendror të Zgjedhjeve, për rinumërimin e 8 KZAZ-ve të qarkut të Shkodrës. Vendimi pritet të merret nesër.
http://www.botasot.info/shqiperia/23...him-rezultati/

[Albo]

Ndarja e mandateve, Lleshi: S’kemi votat e nevojshme

Komisioni Qendror i Zgjedhjeve nisi mbledhjen e sotme për të shqyrtuar projektvendimin për ndarjen e mandateve të koalicioneve dhe partive që garuan në zgjedhjet e 23 qershorit.

Ne nisje te mbledhjes, kryetarja e KQZ theksoi se komisioni nuk ka kourumin e nevojshem per vendimin.

Në KQZ nuk do të jenë 5 anëtarët e nevojshëm për të marrë vendim. Pas verifikimit të kuorumit pritet që KQZ-ja të mos e shqyrtojë këtë pikë dhe të diskutojë çështjet e tjera të rendit të ditës dhe ndarja e mandateve të diskutohet në Kolegjin Zgjedhor.

Në mbledhjen e sotme KQZ-ja do të diskutojë për zgjedhjet që do të zhvillohen në komunën Dardhas të qarkut të Korçës më 1 shtator si dhe “për shpalljen e rezultatit të shortit për emërimin e ekspertëve kontabël të licencuar, të cilët do të kryejnë auditimin e fondeve të përftuara dhe të shpenzuara nga subjektet zgjedhore, për fushatën zgjedhore, për zgjedhjet e Kuvendit të datës 23 qershor 2013”.

Panorama

[Albo]

PS, 12 padi për shpalljen e mandateve

Përfaqësuesi i PS në Gjykatën e Apelit argumenton pse KQZ nuk mund t’i ndajë mandatet e deputetëve. Kërkesa në Kolegj: KQZ s’ka kuorum për të certifikuar zgjedhjet

Partia Socialiste i kërkon Kolegjit Zgjedhor që të shpërndajë mandatet për zgjedhjet e 23 qershorit për shkak se Komisioni Qendror i Zgjedhjeve nuk e ka kuorumin e nevojshëm për këtë vendimmarrje. Për këtë arsye, përfaqësuesi i PS-së në Gjykatën e Apelit, Koli Bele, ka dorëzuar dje 12 kërkesëpadi, nga një për secilin qark të vendit, të cilave u ka bashkëngjitur edhe tabelat për secilën qendër votimi të certifikuar nga KZAZ-të dhe KQZ-ja.

“Në zbatim të nenit 145/2 të Kodit Zgjedhor, Partia Socialiste e Shqipërisë, duke konstatuar mosmarrjen e vendimit nga Komisioni Qendror i Zgjedhjeve, paraqet kërkesë për shpërndarjen e mandateve në zonën zgjedhore qarku Fier”, thuhet në kërkesë-padinë e PS-së. Duke iu referuar nenit 162, pika 1 e Kodit Zgjedhor, socialistët e vënë theksin te fakti se brenda tri ditëve nga përfundimi i të gjitha ankimimeve në Kolegjin Zgjedhor, Komisioni Qendror i Zgjedhjeve duhet të përllogarisë shpërndarjen e mandateve për çdo zonë zgjedhore, mbi bazën e numrit të votave të vlefshme që subjektet kanë marrë në nivel zone zgjedhore.

“Në kushtet kur KQZ është në pamundësi ligjore për ta marrë këtë vendim, si dhe afatet ligjore janë ezauruar, në mbështetje të neneve 145, 162 dhe 163 të Kodit Zgjedhor, Kolegji Zgjedhor është organi që duhet të bëjë shpërndarjen e mandateve mbi bazën e rezultatit të votimit për zonën zgjedhore përkatëse.
Mbështetur më sipër, në zbatim të nenit 145, pika 2 e Kodit Zgjedhor, kërkojmë përpara Kolegjit Zgjedhor të gjykojnë në themel kërkesë-padinë, duke vendosur: shpërndarjen e mandateve në zonën zgjedhore qarku Fier, të përllogaritur sipas neneve 162 dhe 163 të Kodit Zgjedhor, sipas aneksit bashkëlidhur”, thuhet në padinë e Partisë Socialiste për qarkun e Fierit, e cila është e njëjtë edhe me ato të 11 qarqeve të tjera. Dy ditë më parë, Kolegji Zgjedhor pranoi pjesërisht një kërkesë të Partisë Demokratike për të hapur kutitë e 10 qendrave të votimit në qarkun e Lezhës, për të cilat pretendohet se kishte pasur manipulime në hedhjen e të dhënave në tabelat përfundimtare. Pas hapjes së kutive rezultoi se diferenca e PD-së ndaj koalicionit të majtë u rrit nga 39 vota në 304 vota.

Në të njëjtën kohë, demokratët kërkuan që në tabelën përfundimtare të përfshihen edhe rezultatet e 248 kutive të tjera të Lezhës, ku në katër prej tyre kësaj force politike i janë vjedhur edhe rreth 400 vota të tjera. Por Kolegji e hodhi poshtë këtë kërkesë, duke e mbyllur tabelën e Lezhës me rezultatin e 10 qendrave të rinumëruara në Gjykatë. Pas përfundimit të shqyrtimit të ankimimit të Partisë Demokratike tashmë në Kolegjin Zgjedhor nuk ka asnjë kërkesë ankimore për qarqe të caktuara, çka i hap rrugën Komisionit Qendror të Zgjedhjeve që të mblidhet për ndarjen e mandateve për secilin qark. Më pas do të jetë sërish Kolegji, i cili do të marrë vendim për shkak se në KQZ mungojnë 5 votat e nevojshme për certifikimin e rezultatit.

Adi Shkembi/PANORAMA

[Albo]

Kolegji shpërndan mandatet për Gjirokastrën

TIRANE- Kolegji Zgjedhor shpërndau sot mandatet për zgjedhjet e 23 qershorit, për qarkun Gjirokastër, pas kërkesës së Partisë Socialiste. Ashtu siç pritej, Kolegji u shpreh për 4 mandate në favor të Aleancës për Shqipërinë Europiane, dhe 1 mandat për Aleancën për Punësim, Mirëqenie dhe Integrim. Kolegji pritet të ndjekë të njëjtën procedurë edhe për 11 qarqet e tjera, pasi PS ka depozituar 12 kërkesëpadi, nga një për secilin qark të vendit. Sipas subjekteve politike, PS i takojnë 3 mandate, dhe nga 1 LSI-së dhe PD-së.
Një ditë më parë përfaqësuesi i PS-së në Gjykatën e Apelit, Koli Bele, ka dorëzuar 12 kërkesëpadi, nga një për secilin qark të vendit, të cilave u ka bashkëngjitur edhe tabelat për secilën qendër votimi të certifikuar nga KZAZ-të dhe KQZ-ja.
KQZ nuk mundi të ndante mandatet e deputetëve për shkak të mungesës së votave të nevojshme për ta bërë një gjë të tillë.

Panorama

[Albo]

Ndarja e mandateve, Kolegji Zgjedhor nxjerr rezultatin për 12 qarqet


TIRANË Pas një mbledhjeje që zgjati vetëm 20 minuta lidhur me debatin për ndarjen e mandateve, Komisioni Qendror i Zgjedhjeve ia delegoi dje Kolegjit Zgjedhor mundësinë e përcaktimit të rezultatit për çdo qark, në pamundësi për ta bërë vetë një gjë të tillë për shkak të mungesës së kuorumit. Kryetarja e KQZ-së, Lefterie Lleshi përsëriti dje për çdo qark pamundësinë e marrjes së vendimit për ndarjen e mandateve të deputetëve. Në bazë të Kodit Zgjedhor, KQZ-ja përllogarit shpërndarjen e mandateve për çdo zonë zgjedhore, mbi bazën e numrit të votave të vlefshme që subjektet kanë marrë në nivel zone zgjedhore”. Por në nenin 24, pika 1/ a e Kodit, thuhet gjithashtu se: “Konsiderohen të miratuara kur votojnë pro jo më pak se 5 anëtarë të KQZ-së, vendimet lidhur me: a) shpërndarjen e mandateve për çdo zonë zgjedhore”. Pas konstatimit të pamundësisë për të ndarë mandatet nga KQZ-ja, në një mbledhje po të paralajmëruar Kolegji Zgjedhor vendosi të shqyrtojë kërkesë/padinë e Partisë Socialiste për shpërndarjen e mandateve të deputetëve, kërkesë e cila ishte depozituar dy ditë më parë, para se KQZ-ja të mblidhej dhe të vendoste. Një prej anëtarëve të KQZ-së, Hysen Osmanaj kujtoi dje se Kolegji Zgjedhor nuk mund të konstatojë pamundësinë e marrjes së vendimit për ndarjen e mandateve nga ana e KQZ-së pa e bërë paraprakisht një gjë të tillë vetë institucioni më i lartë zgjedhor. Vetëm pak orë pas mbledhjes së KQZ-së, në një kohë rekord Kolegji shqyrtoi formalisht rast pas rasti 12 kërkesë-paditë e PS-së për ndarjen e mandateve të deputetëve në 12 qarqet e vendit. Kolegji e nisi shqyrtimin me qarkun e Gjirokastrës dhe duke iu referuar tabelës së rezultateve dhe listave shumë emërore të vëna në dispozicion nga KQZ-ja, vendosi ndarjen e mandateve 3 me 1 në favor të Aleancës për Shqipërinë Europiane, kundrejt Aleancës për Punësim, Mirëqenie dhe Integrim. E njëjta procedurë u ndoq nga Kolegji Zgjedhor edhe me shpërndarjen e mandateve në qarkun e Durrësit, Fierit, Korçës, Elbasanit, Vlorës, Beratit, Dibrës, Kukësit, Tiranës etj. Edhe pse kërkoi që të ishte palë e interesuar në proces, Partia Demokratike e konsideroi “presion ilegal” kërkesën e PS-së depozituar pranë Kolegjit Zgjedhor. Sipas përfaqësuesit të PD-së në KQZ, Ivi Kaso, Kolegji ka marrë dy vendime anti-kushtetuese dhe ka shkelur autoritetin e Komisionit Qendror të Zgjedhjeve, nën presionin e PS-së. Në anën tjetër, përfaqësuesi i PS-së, Koli Bele i cilësoi argumentet sa më sipër, joligjore. “Kolegji Zgjedhor në një procedurë ligjore më se normale është në gjykim e sipër të ndarjes së mandateve për 12 qarqe. Është në përputhje me ligjin. Më në fund procesi po gjen përfundimin e tij në një vendimmarrje kolegjiale. Pretendimet e PD-së që në fakt tingëllojnë si presion politik sesa argumente ligjore, duken si kërkesat e një subjekti që kërkon minuta shtesë për një garë që ka mbaruar”, – tha Bele.

QARKU GJIROKASTER

PS – 3 deputetë – Arben Ahmetaj, Erion Veliaj, Anastas Angjeli

LSI – 1 deputet – Vangjel Tavo

PD – 1 deputet – Genc Ruli

QARKU DURRËS

PS – 6 deputetë – Blendi Klosi, Klodiana Spahiu, Ilir Beqja, Namik Dokle, Gentian Bejko, Artur Bushi

LSI – 1 deputet – Lefter Koka

PD – 5 deputetë – Eduart Halimi, Igli Cara, Albana Vokshi, Gent Strazimiri, Oerd Bylykbashi

PR – 1 deputet – Agron Duka

QARKU FIER

PS – 9 deputetë – Gramoz Ruçi, Erjon Braçe, Eglantina Gjermeni, Ilirjan Celibashi, Armando Subashi, Arben Çuko, Piro Lutaj, Majlinda Bufi, Ervin Koçi

LSI – 2 deputetë – Petrit Vasili, Robert Bitri

PD – 4 deputetë – Sokol Olldashi, Mesila Doda, Kozma Dashi, Shpëtim Idrizi

PDIU – 1 deputet – Omer Mamo

QARKU KORÇE

PS – 6 deputetë – Bashkim Fino, Arta Dade, Olta Xhaçka, Ilirian Pendavinji, Ilir Xhakolli, Ylli Ziçishti

LSI – 1 deputet – Piro Kapurani

PD – 5 deputetë – Ridvan Bode, Eleina Qirici, Edmond Spaho, Fatmir Mediu, Gjergji Papa

QARKU ELBASAN

PS – 6 deputetë – Ben Blushi, Damian Gjiknuri, Evis Kushi, Alfred Peza, Taulant Balla, Musa Ulqini

LSI – 2 deputetë – Edmond Haxhinasto, Bujar Kllogjri

PD – 4 deputetë – Arben Imami, Eduard Selami, Ardian Turku, Luçiano Boçi

PR – 1 deputet – Luan Duzha

PDIU – 1 deputet – Aqif Rakipi

QARKU VLORE

PS – 6 deputetë – Edi Rama, Valentina Leskaj, Koço Kokëdhima, Luiza Xhuvani, Fatmir Toçi, Andrea Marto

LSI – 1 deputet – Shkëlqim Selami

PBDNJ – 1 deputet – Vangjel Dule

PD – 3 deputetë – Astrit Patozi, Arben Ristani, Liljana Elmazi

PDIU- 1 deputet – Dashamir Tahiri

QARKU KUKES

PS – 1 deputet – Vexhi Muçmataj

PD: 3 deputetë – Flamur Noka, Besnik Dusha, Alban Zeneli

QARKU BERAT

PS – 4 deputetë – Fidel Ylli, Ermonela Felaj, Eduard Shalsi, Eduart Bejko

LSI – 2 deputetë – Nasip Naço, Gledion Rahovica

PD – 2 deputetë – Genc Pollo, Astrit Veliaj

QARKU DIBER

PS – 2 deputetë – Shkëlqim Cani, Ulsi Manja

LSI – 1 deputet – Përparim Spahiu

PD – 3 deputetë – Sherefedin Shehu, Bedri Hoxha, Roland Keta

QARKU LEZHË

PS – 2 deputetë – Mimi Kodheli, Armando Prenga

LSI – 1 deputet – Monika Kryemadhi

PD – 4 deputetë – Aldo Bumçi, Gjovalin Kadeli, Albina Deda, Vasil Bicaj

QARKU TIRANE

PS – 16 deputetë – Pandeli Majko, Saimir Tahiri, Vasilika Hysi, Ditmir Bushati, Fatmir Xhafaj, Lindita Nikolla, Besnik Baraj, Xhemal Qefalia, Sadri Abazi, Parid Cara, Spartak Braho, Artan Gaçi, Pjerin Ndreu, Rakip Suli, Milena Harito, Dashamir Peza.

LSI- 3 deputetë – Ilir Meta, Klajda Gjosha, Luan Rama

PD – 11 deputetë – Sali Berisha, Myqerem Tafaj, Majlinda Bregu, Halim Kosova, Florion Mima, Gerti Bogdani, Dashamir Shehi, Jorida Tabaku, Edi Paloka, Keltis Kruja, Kastriot Islami.

PR – 1 deputet – Ylli Shehu

PDIU – 1 deputet – Tahir Muhedini

QARKU SHKODER

PS- 4 deputetë – Mimoza Hafizi, Tom Doshi, Paulin Sterkaj, Namik Kopliku.

LSI – 1 deputet – Agron Çela

PDKSH – 1 deputet Mark Frroku

PD – 5 deputetë Jozefina Topalli, Helidon Bushati, Voltana Ademi, Nard Ndoka, Gjovalin Bzhetaj.


MAPO

[Albo]

Rezultatet zyrtare, votat për çdo parti

KQZ miraton sot tabelën përfundimtare të votave të 23 qershorit. LSI, e treta me 180 mijë vota. E majta, 313 mijë vota më tepër se e djathta. PS, parti e parë

Pas ndarjes së mandateve nga Kolegji Zgjedhor, Komisioni Qendror i Zgjedhjeve do të mblidhet sot për të miratuar tabelën me rezultatin përfundimtar të zgjedhjeve të 23 qershorit. Pas gjashtë javësh nga dita e votimit, KQZ-ja ka më në fund gati aktin me shifrat për secilën forcë politike dhe koalicionin që mori pjesë në zgjedhjet parlamentare.

REZULTATET
Pas përfshirjes në tabelat përfundimtare dhe rezultatet e reja që dolën në Kolegjin Zgjedhor për qarqet e Kukësit dhe Lezhës, rezulton se koalicioni Aleanca për Shqipërinë Europiane (ASHE), që kryesohet nga Partia Socialiste, ka marrë 313 227 vota më shumë se Aleanca për Punësim, Mirëqenie dhe Integrim (APMI), e kryesuar nga Partia Demokratike. Në përqindje ASHE ka marrë 57.63%, ndërsa APMI 39.46%. Partia Socialiste edhe në këto zgjedhje ka dalë forca e parë politike në vend. Në 12 qarqe ajo ka grumbulluar 713 407 vota (41.36%) ose 185 035 vota më shumë se Partia Demokratike, e cila ka marrë 528 373 vota (30.63%). Brenda koalicionit të majtë forca e dytë politike është Lëvizja Socialiste për Integrim, e cila me 16 mandate parlamentare të fituara ka marrë 180 470 vota (10.46%) dhe pas saj vijnë PBDNJ-ja me 14 722 vota (0.85%), Partia Demokracia Sociale me 11 891 vota (0.69%) dhe Partia Socialdemokrate me 10 220 vota (0.59%).

Sa i përket renditjes në koalicionin e djathtë, edhe në zgjedhjet e 23 qershorit Partia Republikane është konfirmuar si forca e dytë politike. Në 12 qarqet e vendit, partia e drejtuar nga Fatmir Mediu ka marrë 52 168 vota (3.02%) dhe pas saj vijnë Partia për Drejtësi, Integrim dhe Unitet e Shpëtim Idrizit me 44 957 vota (2.61%) dhe Partia Demokristiane e Nard Ndokës me 13 288 vota (0.77%). Komisioni Qendror i Zgjedhjeve ka përllogaritur në të njëjtën kohë edhe votat që kanë marrë partitë jashtë koalicioneve dhe kandidatët e pavarur që garuan në zgjedhjet e 23 qershorit.

Kështu, Fryma e Re Demokratike, e krijuar një vit më parë, ka marrë 29 310 vota, ose 1.7% të numrit të përgjithshëm të votave të vlefshme. Ndërsa Aleanca Kuq e Zi e Kreshnik Spahiut grumbulloi 10 196 vota (0.59%). Sa u përket kandidatëve të pavarur, Dritan Prifti, i cili garoi në qarkun e Fierit, mori 6164 vota, ndërsa Arben Malaj 3044. Sipas këtyre përllogaritjeve, në zgjedhjet e një muaji më parë morën pjesë më shumë se 1.7 milionë votues.

Adi Shkembi/PANORAMA

[Albo]

REZULTATET E PARTIVE ME 23 QERSHOR

PARTIA VOTA %
1. Lidhja për Drejtësi dhe Progres 1068 0.06
2. Partia Popullore Kristiandemokrate 416 0.02

Aleanca për Shqipërinë Europiane
3. Aleanca Popullore 8927 0.52
4. Partia Mendimi i Djathtë Liberal 1210 0.07
5. Partia e Punës së Shqipërisë 955 0.06
6. Partia Bashkimi për të Drejtat e Njeriut 14.722 0.85
7. Partia Ligj dhe Drejtësi 2489 0.14
8. Partia Unitetit Kombëtar 513 0.03
9. Partia Socialiste e Vërtetë 91 6135 0.36%
10. Partia G 99 2977 0.17
11. Partia Shqiptare Atdheu 555 0.03
12. Partia Pajtimit Kombëtar 545 0.03
13. Partia Komuniste e Shqipërisë 901 0.05
14. Partia e Gjelbër 2084 0.12
15. Partia e Punës e Shqipërisë e Riorganizuar 623 0.04
16. Partia Bashkimi Republikan Shqiptar 489 0.03
17. Partia Rruga e Lirisë 808 0.05
18. Aleanca Arbnore Kombëtare 3575 0.21
19. Partia Demokracia Sociale 11891 0.69
20. Partia Kristian Demokrate e Shqipërisë 7993 0.46
21. Aleanca për Barazi dhe Drejtësi Europiane 728 0.04
22. Partia Ambientaliste 452 0.03
23. Partia e Çështjeve Shqiptare 476 0.03
24. Partia Reformave Demokratike Shqiptare 1371 0.08
25. Partia Komuniste e Shqipërisë 8 Nëntori 1352 0.08
26. Lëvizja Socialiste për Integrim 180470 10.46
27. Partia Socialpunëtore Shqiptare 2174 0.13
28. Partia Demokrate për Integr. Prosperitet 4550 0.26
29. Partia Socialiste e Shqipërisë 713407 41.36
30. Partia për Mbroj.Drejt. të Emigrantëve 2275 0.13
31. Lëvizja për Drejtësi e Shqiptarëve 508 0.03
32. Partia Personat me Aftësi të Kufizuar 459 0.03
33. Partia Aleanca Demokristiane e Shqipërisë 905 0.05
34. Partia Lëvizja Punëtore Shqiptare 316 0.02
35. Partia Socialdemokrate e Shqipërisë 10.220 0.59
36. Partia Ardhmëria Shqiptare 2284 0.13
37. Partia Toleranca e Re e Shqipërisë 287 0.02
38. Partia Socialiste e Moderuar 3119 0.18
39. Partia Lëvizja Demokratike për Ndryshim 1159 0.07

Shuma 993904 57.63


Aleanca për Punësim, Mirëqenie e Integrim
40. Aleanca për Demokraci dhe Solidaritet 1065 0.06
41. Partia Demokracia e Re Europiane 970 0.06
42. Aleanca Demokratike 1384 0.08
43. Partia Emigracioni Shqiptar 2325 0.13
44. Partia Demokratike 528373 30.63
45. Partia Republikane Shqiptare 52168 3.02
46. Partia Minoriteti Etnik Grek për të Ardhmen 3305 0.19
47. Partia e të Drejtave të Mohuara 554 0.03
48. Partia Ora e Shqipërisë 770 0.04
49. Lëvizja për Zhvillim Kombëtar 5429 0.31
50. Partia Drejtësi, Integrim dhe Unitet 44957 2.61
51. Balli Kombëtar Demokrat 2242 0.13
52. Partia e të Drejtave të Mohuara e Re 550 0.03
53. Partia Lëvizja e Legalitetit 6089 0.35
54. Partia Demokristiane e Shqipërisë 13288 0.77
55. Partia Rruga e Vërtetë Shqiptare 635 0.04
56. Partia Lëvizja Shqipëria e Re 2320 0.13
57. Partia Balli Kombëtar 4868 0.28
58. Bashkimi Liberal Demokrat 2681 0.16
59. Partia Bashkimi Pop. Pensionisteve Shqiptar 406 0.02
60. Partia Konservatore 633 0.04
61. Partia Lidhja Demokristiane Shqiptare 1190 0.07
62. Partia Agrare Ambientaliste e Shqipërisë 2640 0.15
63. Aleanca e Maqedonasve Integrimin Europian 1229 0.07
64. Partia Bashkimi Demokrat Shqiptar 606 0.04

Shuma 680677 39.46


65. Aleanca Kuq e Zi 10196 0.59
66. Fryma e Re Demokratike 29310 1.7
67. Arben Qamil Malaj 3044 0.18
68. Dritan Vlash Prifti 6164 0.36

Gjithsej 1724779 100

[Albo]

Mandatet, zhvendoset lista e PS. Deputetët që ikin dhe ata që do t’i zëvendësojnë

Lista e ministrave që lënë mandatin dhe ata që do t’i zëvendësojnë. Gjobat për barazinë gjinore zhvendosin emrat në lista.

Lënia e mandatit të deputetit nga ministrat e rinj të qeverisë, PS dhe LSI, do të sjellë më shumë gra deputete në sallën e Kuvendit të Shqipërisë. Kodi i ri Zgjedhor, në nenin 164 të tij, i detyron partitë politike, që përveç gjobës prej një milion lekësh, të marrë në momentin kur kanë depozituar në KQZ lista shumemërore të kandidatëve për deputetë, pasi nuk është respektuar 30 përqindëshi i përfaqësimit të grave në to, të kenë dhe një sanksion tjetër. Vakanca zëvendësohet me një pjesëtar të listës të së njëjtës gjini, pavarësisht renditjes në listë. Por, në nenin 175, pika 2 të Kodit Zgjedhor, parashikohet se:

“Kur ndaj një subjekti zgjedhor është konstatuar shkelja, KQZ-ja zbaton si sanksion plotësues zëvendësimin e çdo vakance në listën e subjektit, në zonën ku është konstatuar shkelja, me kandidatët vijues në listë nga gjinia më pak e përfaqësuar deri në plotësimin e kuotës gjinore”. Në zbatim të këtyre neneve të Kodit Zgjedhor, pritet që shumica e 16 ministrave meshkuj të PS-së dhe LSI-së do të lënë mandatin pas betimit të saj dhe do të zëvendësohen nga deputete femra, edhe pse këto ndodhen në fund të listës shumemërore të partive, duke rritur ndjeshëm prezencën e tyre në Kuvend.

Më konkretisht, vakancat e krijuara nga deputetët e Partisë Socialiste në qarqet Elbasan, Durrës, Dibër, Gjirokastër e Kukës, qarqe për të cilat PS është gjobitur për mosrespektimin e barazisë gjinore, zëvendësohen detyrimisht me kandidate femra. E njëjta gjë ndodh dhe me Lëvizjen Socialiste për Integrim, vakancat e së cilës të krijuara në qarqet Berat, Durrës, Gjirokastër e Kukës, plotësohen me kandidate femra, pavarësisht renditjes së tyre. Ndryshimet më të mëdha ndodhin në qarkun e Tiranës, ku nga Partia Socialiste 4 deputet bëhen ministra, duke u dhënë kështu mundësinë Enkelejda Shkrelit, Bledar Doracajt, Ervin Bushatit e Blerina Gjylametit që të marrin mandatin e deputetit. Në qarkun e Elbasanit, lënia e mandatit të deputetit Damian Gjiknuri i hap rrugë Luljeta Arapit, dhe jo Arben Kamamit, ndërsa Edmond Haxhinasto i LSI-së zëvendësohet nga Miranda Rira.

Në qarkun e Dibrës, deputetja e re e Partisë Socialiste do të jetë Ezmerina Hoxha. Në qarkun e Lezhës, Mimi Kodheli ia lë vendin Mejreme Delishit, ndërsa në qarkun e Beratit, deputetja e ardhshme e LSI-së do të jetë Silva Caka. Në Durrës, Ilir Beqja do të zëvendësohet nga Esmeralda Shkjau, e cila është e fundit në listën e PS-së në qarkun e Durrësit. Ndryshime ka dhe në listat e Lëvizjes Socialiste për Integrim, ku Lefter Koka do të jetë ministër i Mjedisit, duke ia lënë vendin në Parlament Silvana Maksutit, e renditur e teta në listë dhe jo kandidatit të tretë të listës.

Dy mandate deputeti zëvendësohen dhe në qarkun e Fierit, ku Anduel Xhindi dhe Adelina Rista pritet të jenë deputetët e rinj të Kuvendit të Shqipërisë. Në qarkun e Gjirokastrës, ku Arben Ahmetaj dhe Erjon Veliaj ua lënë vendet e tyre deputetëve të ardhshëm Vladimir Kosta dhe Dashamir Kamberi. Në këtë qark, dhe pse ëshët marrë gjobë nga KQZ-ja për mosplotësimin të kuotës gjinore 30%, zëvendësimi do bëhet po me deputetë meshkuj, pasi lista nuk përmban asnjë femër.


QARKU TIRANË
PS
Ikin
Saimir Tahiri
Ditmir Bushati
Lindita Nikolla
Milena Harito
Vijnë
Enkelejda Shkreli
Bledar Doracaj
Ervin Bushati
Blerina Gjylameti
LSI
Ikën
Klajda Gjosha
Vjen
Kejdi Mehmetaj

QARKU ELBASAN
PS
Ikën
Damian Gjiknuri
Vjen
Luljeta Arapi
LSI
Ikën
Edmond Haxhinasto
Vjen
Miranda Rira

QARKU FIER
PS
Ikin
Eglantina Gjermeni
Ilirian Celibashi
Vijnë
Adelina Rista
Anduel Xhindi

QARKU DURRËS
PS
Ikën
Ilir Beqja
Vjen
Esmeralda Shkjau
LSI
Ikën
Lefter Koka
Vjen
Silvana Maksuti

QARKU BERAT
LSI
Ikën
Nasip Naço
Vjen
Silva Caka

QARKU GJIROKASTËR
PS
Ikën
Arben Ahmetaj
Erion Veliaj
Vjen
Vladimir Kosta
Dashamir Kamberi

QARKU DIBËR
PS
Ikën
Shkëlqim Cani
Vjen
Ezmerina Hoxha


QARKU LEZHË
PS
Ikën
Mimi Kodheli
Vjen
Mejreme Delishi

Panorama