Gazeta 55 gazete e popullit.

[erzeni]

Kohet e fundit po lexoj ne Internet gazeten 55.

Eshte gazete e rregullt, ka informacion dhe godet Mafien me guxim.
Kurse RD rri nga 10 dite pa nderruar lajmet.



Gaz 55 njofton se :

....................

Hoselino shqiptar që po çudit Greqinë

Nikolas Floqi, fëmija që krahasohet me tenorin e madh italian Pavaroti

13-vjeçari që cilësohet fenomen nga mësuesit e Akademisë së Artit në Greqi

Shumë shqipatrë kanë bërë emër, jo vetëm në Shqipëri, por edhe jashtë saj. Kushtet e vështira ekonomike i kanë detyruar artistët shqiptarë të kërkojnë suksesin jashtë atdheut. Shumë prej tyre kanë çuditur botën me talentin dhe dëshirën e mirë për të arritur majat e karrierës. Disa prej tyre shesin zërin për të ushqyer familjen. Njëri prej tyre është edhe 13-vjeçari, i cili shiste zërin e tij për të ushqyer familjen e tij, prindërit dhe katër motrat e tij. Familja e tij ka emigruar si shumë shqiptarë në Greqi, për një jetesë më të mirë. Meqënëse ata nuk siguronin mjaft të ardhura, e detyruan fëmijën e shkathët të shiste lule nëpër rrugët e metropolit. Por ëndrra e tij ishte muzika dhe këtë dëshirë ai e realizonte në festat e vogla familjare, ku zakonisht këndonte këngë të të madhit Pavaroti. Të gjithë e kuptuan që talenti i fëmijës ishte vërtet fenomenal, kështu që babai i sugjeroi që të këndonte në rrugë, kështu mund të fitonte diçka. Nikola është një fëmijë i bindur dhe i edukuar, kështu që ai pranoi dhe jeta e këtij 13-vjeçari, ka qenë ajo e një udhëtari të apasionuar, që nga metrotë e deri tek autobuset e trenat. Në sheshet e Athinës të zinte veshi zërin e një tenori të vogël, i cili nuk ishte më shumë se 13 vjeç. Por jo të gjithë shqiptarët janë të diskriminuar jashtë kufinjve. Hoselinos së vogël i ka buzëqeshur fati, pikërisht në një ditë shkurti, kur një gazetare e njohur greke e televizionit "ET1", e cila pasi e dëgjoi të këndojë këngën "O sole mio", e emocionuar dhe me lotë në sy i ofroi ndihmë dhe i tha, se do ta ndihmonte të shkollohej. Që prej asaj dite, Nikolas Floqit (emri i tij i pagëzimit) nuk do t'i duhej më të lypte për të fituar diçka me anë zërit të tij, pra jeta e tij prej endacaku do të merrte fund atë ditë të ftohtë dhe të lagësht shkurti. Ai ka filluar të marrë mësime private në Akademinë e Artit dhe sipas opinioneve të mësuesve të tij, ai është një fenomen dhe e pret një e ardhme brilante, sepse ka një zë shumë të ëmbël dhe mjaft të fuqishëm.


--------------------------------------------------------------------------------

Një lëvizje e re e të përndjekurve politik

Aktiv kombëtar i ish- të përndjekurve politikë të Shqipërisë

-Nuk do të njihet asnjë shoqatë e ish- të përndjekurve politikë.

-Instituti i Integrimit të të përndjekurve politikë drejtohet nga nipër të fashistëve dhe ish- bashkëpunëtorë të Sigurimit të Shtetit.

-N/drejtori i Institutit, Hysen Mushketa, nuk është i përndjekur dhe kërkohet zyrtarisht shkarkimi i tij, kërkesë e shoqatës Durrësit.

-Kurt Kola dhe Simon Miraka, dëbuan nga administrata të përndjekurit politikë, ata shpallen përçarës dhe sabotatorë të lëvizjeve të të përndjekurve politikë.



Më 26 mars, salla e madhe e hotel "Dajtit" oshëtiu nga brohoritjet "Bashkim, bashkim", "Poshtë qeveria","Poshtë Kurt Kola dhe drejtuesit e Instituti të blerë nga qeveria".

Ishin thirrjet e më shumë se 200 përfaqësuesve të të burgosurve dhe të përndjekurve politikë, të ardhur nga e gjithë Shqipëria. Aktivi synonte të shpallte bashkimin kombëtar të të përndjekurve politikë, të ardhur nga e gjithë Shqipëria. Aktivi synonte të shpallte bashkimin kombëtar të të përndjekurve politikë dhe luftën e pandërprerë, kundër qeverisë neokomuniste dhe drejtuesve të shoqatave të të përndjekurve, si dhe drejtuesve të Institutit të Integrimit Simon Miraka e Hysen Mushketa si njerëz që kanë tradhtuar interesat e të përndjekuve politikë dhe u janë shitur komunistëve për pesë para !

Të ndodhur para fakteve se të dy shoqatat e të përndjekurve politikë, nuk po realizojnë zgjedhje të lira sipas statutit dhe drejtuesit e tyre nuk kanë më mandat për të drejtuar se drejtuesit e Institutit janë bërë servilë të Qeverisë, se Qeveria nuk po iu përgjigjet kërkesave dhe demonstrimeve të tyre 4-mujore për dëmshpërblimin e viteve të burgjeve, një përfaqësi e të burgosurve politikë thirri aktivin kombëtar të ish- të përndjekurve politikë të Shqipërisë, për t'u dalë zot dhe për të mbrojtur të drejtat e tyre legjitime të garantuara nga kushtetuta dhe dispozitat ligjore që rrjedhin prej saj.

Ata i detyroi të zhvillonin këtë aktiv edhe premtimi i pambajtur i Presidentit të Republikës që brenda muajit shkurt do miratohej ligji për dëmshpërblimin e të burgosurve politikë.

Në aktiv merrnin pjesë përfaqësues nga të gjitha rrethet dhe prefekturat e Shqipërisë, me mandat me shkrim nga mbledhjet e zhvilluara nga të burgosurit dhe të përndjekurit politikë.

Aktivi u drejtua nga komisioni organizator : z.Adem Allçi, Besim Ndregjoni, Vjollca Çermishi, Agim Musta, Argent Grabova, Fatmir Hoxha dhe Pajtim Lamaj.

Në Aktiv merrnin pjesë si të ftuar parti politike si ajo e Ballit Kombëtar, deputetë si z.Azgan Haklaj, z.Hysen Selfo etj, personalitete të ndryshme, gazetarë etj.

Aktivi u hap nga z.Adem Allci me cilësinë e kryetarit të Komisionit të Integrimit, njeriu që kish thyer burgun e Burrelit, tenton tani të thyejë pengesat e komunistëve në pushtet dhe të kapërcejë pengesat e ish- shokëve të tij si Kurt Kola, Simon Miraka, Hysen Mushketa, Eqerem Kavaja, Ylli Konti etj. Ndërmjet të tjerave ai tha:"Ne jemi të bashkuar dhe askush nuk mund të na ndajë as Kurt Kol as Simon Miraka bishti i Qeverisë. Të luftojmë për të drejtat tona, të luftojmë kundër atyre që na vodhën dhe që kanë uzurpuar kryesinë e shoqatave dhe të Institutit për interesat e tyre. Ne do të vendosim sot për të ardhmen tonë, vendosmëri që e kemi treguar me qëndresën tonë me demonstratat e zhvilluara gjatë këtyre katër muajve".

Pas tij e mori fjalën z.Besim Ndregjoni, i cili mbajti referatin:"Integrimi i ish- të përndjekurve politikë domosdoshmëri e kohës". Ai tha :"Këto ditë Edi Rama,hajduti i Bagdatit, ka urdhëruar që të dalin jashtë nga shtëpitë shumë të burgosur politikë. E ç'bëri për këtë Kurt Kola e miket e tij Shane Nuda e Eva Bllaci? Ai e ftoi këtë komunist, nipin e Spiro Kolekës dhe përdhosi kështu selinë tonë. Ai e puthi Edi Ramën dhe më pas botoi në gazetë ditirambe, sipas hartimeve të shkruara nga Shane Muda e Eva Bllaci. Pse e bëri këtë Kurt Kola, duke shkelur mbi vuajtjet dhe mjerimet tona? Sepse Edi Rama i ka premtuar atij 2000 m2 truall pas dy vilave të ndërtuara me gjakun tonë, sepse Edi Ramai i ka premtuar Eqerem Kavajës dhe Ylli Kontit, t'u japë leje ndërtimi të pa merituar! Kurt Kola dhe sejmenët e servilët e shitur që i rrijnë atij pas, bashkë me Fatos Nanon e Edi Ramën që nga 1997, kur ata erdhën në pushtet dëbuan me dhunë nga administrata shtetërore të gjithë të përndjekurit. Instituti i Integrimit sot drejtohet nga ish- bashkëpunëtorët e Sigurimit të Shtetit".

Ai e përfundoi fjalën e tij duke thënë se në Shqipëri asnjëherë nuk do të ketë paqe e qetësi pa drejtësi pa u integruar të përndjekurit politikë, pa dëmshpërblimin e të burgosurve politikë.

Intelektuali, autori i 6 librave të botuar, publicisti dhe luftëtari i pamposhtur antikomunist, i burgosuri politik z.Agim Musta, me fjalën e tij e ngriti peshë sallën që e duartrokiti gjatë e me ovacione. Ai foli për fatin e intelektualit në diktaturë dhe ndihmesa e tyre në demokraci. Ai përmendi shumë të burgosur politikë që kanë shkruar libra si Pjetër Arbnori, Luan Myftiu, Zydi Morava, Bedri Myftari, Pjetër Pepa etj.

Shumë të persekutuar politikë janë në vijën e parë të luftës me libra të botuar, me publicistikë e si qendrestarë si Uran Butka, Enver Lepenica, Artur Shemaj etj.

Z.Agim vlerësoi punën e z.Besim Ndregjoni në krye të Institutit dhe përmendi kontributet e tij për 6 muaj dhe shtroi pastaj pyetjen se ç'po bëjnë sot Simon Miraka dhe Hysen Mysketa gjatë një viti?! Asgjë sepse të dy këta janë shndërruar në vegla qorre të Kurt Kolës dhe Fatos Nanos, ata punojnë vetëm për xhepin e tyre.

Këto vefla qorre të Kurt Kolës dhe të komunistëve në pushtet e kanë mbushur Institutin me sejmenë të Kurt Kolës duke dëbuar, intelektualët e vërtetë.

Studenti dhjetorit 1990, ish -kryetar i PD Vlorës në kohën kur Kurt Kola dhe Skënder Gjinushi po digjnin Vlorën, Argent Grabova, tha se ne nuk mund të identifikohemi me Kurt Kolën e Shane Mudën, me Simon Mirakun dhe Eva Bllacin. Ata që dogjën Vlorën, ata që vranë djemtë e Vlorës, janë më të rrezikshëm se pjellat e kuqe të komunizmit që na grabitën lirinë dhe tani po na grabitin pasurinë. Ne do qëndrojmë dhe do fitojmë.

Z.Fatmir Hoxha tha se ne nuk mund të presim asgjë të mirë nga Fatos Nano dhe shërbëtorët e tij besnikë Kurt Kola e Simon Miraka, Hysen Mysketa e Eqerem Kavaja, Shane Muda e Eva Bllaci. Ata ngritën në Vlorë tre gishta serbe, ata hodhën popullin në gjakderdhje, ata janë përgjegjës për vrasjen e Lekë Qokut dhe Besnik Hidrit në Vlorë. Kurt Kola, pasi e vrau Lekë Qokun i piu atij edhe gjakun. Eshte kjo arsyeja që ai në këshillin me Simon Mirakën shkrun artikuj për Edi Ramën një nga fytyrat më të urryera neokomuniste.

Kurt Kola na ka vjedhur e dhunuar, ai ka marrë më 1997, 12 mijë dhrahmi nga Greqia nëpërmjet nipit të Shefqet Peçit. Ai në bashkëpunim me Qeverinë po e shtyp lëvizjen tonë. Ju bëj thirrje "Bashkim,bashkim,bashkim".

Z.Pajtim Lamaj, përfaqësuesi i Vlorës heroike akuzoi Institutin e Integrimit, se është fasadë demagogjike e Qeverisë dhe foleja ku janë mbledhur ish -bashkëpunëtorët e Sigurimit të Shtetit, për të goditur dhe shuar lëvizjen tonë. Drejtues të këtij Instituti janë 5 ish -bashkëpunëtorë të Sigurimit të Shtetit të njohur nga ana jonë. Këtë celulë e drejton bashkëpunëtori me pseudonimin "I penduari" dhe që më vonë ai ka pasur pseudonimin "Kodi Punës". Kohët e fundit ky njeri është ngritur edhe në përgjegjësi në Institut!

Ky pra nuk është Instituti jonë, por foleja e kriminelëve të Sigurimit të Shtetit.

Pres të më kundërshtojnë Simon Miraka e Hysen Musketa, Seit Prishta Eva Bllaci e ndonjë tjetër!

Më pas e morën fjalën deputetët Azgan Haklaj e Hysen Selfo, ata kritikuan ashpër qeverinë, si dhe drejtuesit e Institutit dhe të shoqatave të cilët i quajtën më të rrezikshëm se vetë neokomunistët në pushtet. Kundrejt uzurpatorëve, thanë ata, duhet të qëndrojmë dhe të luftojmë.

Pas tyre folën me radhë përfaqësuesit e rretheve Lekë Tafa, Asllan Patrioti, Bedri Coku, Caf Jonuzi, Xhemal Alimehmeti, Murat Protoduari etj të cilët propozuan që të formohet një asamble e të përndjekurve duke mos njohur asnjë shoqatë të deritanishme.

Pas shumë diskutimesh e debatesh herë- herë edhe të ashpra me vota unanime u vendos:



1.Të krijohet asambleja e ish- të burgosurve dhe të përndjekurve politikë të Shqipërisë dhe pas datës 26 mars 2003, nuk do të njohim asnjë shoqatë.

2. Deri në një konferencë kombëtare të afërme, asambleja do të drejtohet nga heroi i burgjeve, z.Adem Allçi.

3. T'i bëhet Qeverisë një peticion dhe t'i kërkohet që deri më datën 2 prill 2003 të kthejë përgjigje për dëmshpërblimin e viteve të burgut, në rast të kundërt protestat tona do të përshkallëzohen më shumë.

4.Deri në Konferencën Kombëtare rreth kryetarit z.Adem Allci të ketë një këshill prej 21 vetësh. Në këtë këshill shquanin emrat e z.Luan Myftiu, Dhori Gënjoti, Marie Medicina, Tanush Mulleti, Burhan Kalaja, Agim Musta, Shik Stërmasi, Met Hoxha, Zani Hoti etj.



* * *



Kjo ishte një lëvizje e re e të burgosurve dhe të përndjekurve politikë, për të kërkuar të drejtat e tyre e veçanërisht dëmshpërblimin e viteve të burgut, por edhe për të qëndruar dhe për t'i thënë "ndal", tradhtimit të interesave të tyre prej Institutit të Integrimit dhe Kurt Kolës me shokë si përçarës të shtresës së të përndjekurve dhe si vegla e shërbëtorë të neokomunistëve në pushtet.



****Letër e hapur

Ish- komisarit të Brigadës së tankeve në Poshnje -Berat shokut Androkli Vaso

Për dijeni zotërinjve:

Alfred Moisiu, President i Republikës së Shqipërisë

Servet Pëllumbi, Kryetar i Kuvendit të Republikës së Shqipërisë

Fatos Nano, kryeministër i Republikës së Shqipërisë





Shoku komisar, nuk po të themi ish, sepse dhe sot e gjithë ditën, komisar keni ngelur, komisar i atij regjimi ( siç e etiketoni dhe vetë në palo letrën dërguar zotërinjve të mësipërm). Në palo letrën tuaj, ju po i qani hallin" shtetit sepse ish-të persekutuarit e (Enver Hoxhës, dhe të stanit të tij) në atë stan bën pjesë edhe ti, po na i kërkokan qeverisë 92 miliardë lekë. Ti shoku komisar, nuk saktëson se ç'lekë janë këto, të reja apo të vjetra dhe kjo nuk bëhet pa qëllim. Shoku komisar, ti mbase nuk e di se ku mund t'i gjejë shteti lekët. E lehtë fare, nëse nuk i di, po ta tregojmë ne. Një javë të mos vjedhin bijtë dhe nipërit tuaj në dogana, në ministrira në tendera. Ja kaq, dalin e teprojnë. Shoku komisar, vallë ia qave hallin ti shtetit, kur pagoi jo pak, por 80 milionë lekë për hajdutin e ndihmave të popullit italian, dërguar popullit shqiptar?

Shoku komisar, tani do të sqarojmë se cilët janë ata që duhet të kenë këtë të drejtë për t'u dëmshpërblyer nga shteti, jo vetëm për burgun e tyre por dhe për diskriminimin e tyre që u janë bërë familjeve të tyre, duke i internuar si të ishin ardhacakë të pastrehë në tokën e shtëpitë e tyre. Ti shoku komisar thua që Hamit Matiani nuk duhet të deklarohet dhe të përfitojë statusin e të përndjekurit, dhe të tjerë si ai. Sepse paskan bashkëpunuar me gjermanin dhe paskan vrarë komunistët shqiptarë kudo që i dilnin përpara, ose i ndiqnin. Ju bashkëpunuat me serbin, rusin, kinezin dhe demokracia nuk ju vrau. Ju shoku komisar thoni se ky hero paska luftuar për të përmbysur diktaturën komuniste! Shumë e vërtetë, për të luftoi! Ti harron se kanë luftuar dhe Ilir Meta, dhe Pandeli Majko dhe Monika Kryemadhi dhe Gjergj Koja. Këta bashkë, me në krye Azem Hajdarin dhe Arben Brocin ( që e vrau diktatura që po jepte shpirt) e pra këto djem e vajza, socialiste ( demokratët nuk po zemë me gojë), sepse siç duket ti shoku komisar ke alergji nga demokratët që sot drejtojnë shtetin dhe partinë tënde. Ata pse duhen mburrur që bënë atë që bëri Hamit Matiani me shokët e tij tërë jetën për të përmbysur diktaturën tënde që i ke shërbyer? Ti shoku komisar ke fat se demokracia nuk u hakmor me këlushët e diktaturës, njeri nga të cilët ke qenë dhe ti. Të persekutuarve politikë, i takojnë lekët, kacidhe për kacidhe. Për deri sa i muarën hajdutët tuaj. Ju keni të drejtë, se ata që kanë "vjedhur" në kohën e diktaturës të marrin gjë. E di ti shoku komisar, se kur dënohej një i përndjekur politik, hetuesia bënte kujdes që të gjente që ky i gjori na paska "ndyrë" dorën me ndonjë kalli misri e një kokërr vezë, sepse për këtë kategori nuk kishte punë tjetër veç lopatës. Ti e di shoku komisar se sa hajdutë ish-drejtorë ndërmarrjesh, ish-kryetarë kooperativash, ish- magazinierë, ish-llogaritarë, apo ish -brigadierë,inxhinierë e shoferë të TIR-it anëtarë të PPSH kanë vjedhur dhe ju sot i keni në krye të shoqatës suaj të veteranëve që marrin dhe paga mbi pensionin se gjoja na qenka plagosur në luftë.Ju, keni në organizatën tuaj me qindra nga ata që luftën e kanë parë me dylbi, ose e kanë mësuar në shkollë kur mbaroi lufta. Atë kohë ata i binin maces me lugën e përsheshit. Shoku komisar, këto i vjedhin dhe sot shtetit dhe ti, ke sy e surrat që gjoja na shkruekërke në emër të tyre! Nëse organizata e juaj e luftës do të kishte gjë për të thënë drejtuesve të shtetit, mund dhe duhej të bënte një thirrje a deklaratë me shkrim, e jo të te zgjidhnin ty, që na paskeni llafosur në një lulishte dhe po na bëkërke përsëri historinë, siç bëje dikur orët e mësimit politik. E di shoku komisar se sa anëtarë të shoqatës suaj kanë qenë dëshmitarë të rremë për shumë nga ata që ti thua se kanë qenë në burgje për vjedhje? Mendohu, se do t'i gjesh, ata dhe sot marrin thela mbi bisht. Që të rrish të sqarosh ty dhe tërë sojin tënd nuk dalin fletët e një libri të tërë. Tani kemi për të sqaruar ty, një hall të madh që të paska zënë. Ti na paska kërkuar dhe zbuluar një armik tjetër të partisë dhe të shtetit tonë mafioz, që nuk paska të drejtën që të quhet i persekutuar dhe nuk paska të drejtë që të marrë paratë e vuajtjeve të tija, të familjes dhe të punës së pa paguar. Një hajdut i partisë tënde, bëri pallë në burg sepse hyri 60 kg dhe doli 96 kg dhe i mori lekët kokërr më kokërr aq sa nuk i vlen lëkura e tij me gjithë tënden tok. Shoku komisar, tani po të sqarojmë për merakun, që në krye të shoqatës sonë ne kemi një njeri që sipas teje nuk duhet të quhet i përndjekur!! Që të qetësojmë shpirtin tënd të zi e të trazuar po të bëjmë me ditë se:

1.Murat Tahir Protoduari i dt.1.1937 dënuar me vend; 34/43 në vitin 1981, nga gjykata e Beratit në bazë të nenit 55 të KP me 10 vjet heqje lirie për agjitacion e propagandë!! Lexo shoku komisar.

2.Tahir Ymer Protoduari i dat.l.1.1960 me vendim Nr.150 dt.22.09.1945 gjykata e Beratit në bazë të Ligj. Nr.41, dt.14.01.1946 neni 15 e 18 gërma "G" me 30 vjet burg(vdekur në burg) është babai i kryetarit o shoku komisar.

3. Ali Tahir Protoduari pushkatuar pa gjyq dt.31.04.1944

4.Sako Tahir Protoduari dt.1.1910 dënuar për agjitacion e propagandë në bazë të nenit 55 në vitin 1987 me 10 vjet, vdekur në burg. Eshte vëllai i kryetarit o shoku komisar.

5. Tafil Haxhi Protoduari, pushkatuar më 16.07.1945 për motiv politik.

6.Rexhep Tahir Protoduari dënuar me 10 vjet heqje lirie për agjitacion e propagandë. Eshtë vëllai i kryetarit. O shoku komisar!!!

7.Luftar Sako Protoduari pushkatuar për agjitacion e propagandë neni 55 i KP. Ishte i nipi i kryetarit o shoku komisar!!!

8.Riza Ramadan Protoduari dt.1.1922 dënuar 10 vjet për agjitacion e propagandë.

9. Muharrem Sako Protoduari dat.1.1955 dënuar 10 vjet për agjitacion e propagandë ( vetëm 22 vjec!!)

10.Asqeri Ali Protoduari dat.1.1938 dënuar 15 vjet për agjitacion e propagandë. Të tërë këto janë nga fisi i kryetarit.

Shoku komisar vetëm nga kjo shtëpi ka patur pesë meshkuj të pushkatuar duke llogaritur dhe ata dy të vdekur në burg. Ndërsa pesë të tjerët kanë ndërtuar socializmin. Nëpër veprat e ndritura, kanë punuar pa pagesë 85 vjet!

Shoku komisar i tankeve, për deri sa po marrin "veteranët" tuaj para për dhëmbët e qenit në prapanica, si nuk na takoka neve të marrim atë që na vodhe ti me shefat e tu?! Ule hundën shoku komisar. Koha e Enverit nuk kthehet më sikur dhe "pordha" shkemb të bëhet. Ne do t'i marrim paratë, sepse e kërkon bota, sepse Gjermania po paguan "borxhet" e kohës së Hitlerit. Dhe ju bijve të tij ju ka zënë "belaja" të paguani te Enverit. Mos u sekëlldis shoku komisar, se mos pëson ndonjë infarkt dhe do ti leshë partisë një votë mangut. Megjithëse ju nuk pakësoheni kurrë që nga mbarimi i luftës, veteranët kanë ardhur duke u shtuar. Se një veteran i vërtetë vdes, dhjetë hajdutë të tjerë e zëvendësojnë. Ne nuk kërkojmë shumë ne duam një javë punë të punojë dogana pa vjedhur dhe likuidohemi!

Mbeç me shëndet ti dhe komandantët e tu. Tjetër herë ankesat i dërgoni zyrtare dhe jo letra "dashurie" për qeverinë. Besojmë se dhe merakun e kryetarit tonë e hoqe. Ai jo vetëm se e ka vuajtur vetë në kurriz hurin, drurin, po ka një fis të tërë të vrarë e të burgosur nga ju. Ne presim një tjetër interes nga ju që t'i shkruani qeverisë se sa para paguan qeveria për gjoja veteranët dhe "plagët e marra në luftë".



SHOQATA E ISH TE DENUARVE DHE

TE PERSEKUTUARVE POLITIKE



B E R A T



Për sqarim

Shoku komisar për komisionin që propozon ti, po e lejmë në dorën tuaj të zgjidhni njerëzit, vetëm kemi një dëshirë që kryetar të jetë Bujar Himçi dhe sekretar Veli Myftari. Ti duhet ta dish se ata të dy i ka çuar shteti në shkollën e lartë për specializim, atje ku e bëri njeri nga ata që ti po i qan hallin se ku ti gjejë paratë???!!!

[Henri Anderson]

55 eshte gazeta me e felliqur qe qarkullon ne Tirane. Nuk gjen asnje te vertete ne faqet e saj. Ka tirazhin me te ulet ne shtypin ditor Shqiptar. Ka per drejtues nje nga ish-sigurimsat me te ndyre qe ka pas Shqiperia ne monizem.......etj...etj........

Keto e bejne te mos jete gazete e popullit. Ah pa frike do e quaja gazete e PD dhe e sales. Ashtu do beje mire ta quaje dhe ti erzeni sepse populli nuk eshte PD.

[Henri Anderson]

Sa shkova i hodha nje sy 55
Ne artikullin e pare akuzon nje nder figurat e gazetarise Shqiptare Ad Krasten ndersa titull i dyte e ka titullin "Nano ishte tifoz me Ruset" He thuj ti ca me prit nga kjo gazete. Se shkruan keshtu traplliqesh nuk i shet dot 1000 kopje 55-sa.

[Henri Anderson]

Ne fakt cfare ajo shkruan duket sikur e ka shkruar ndonje gazete e Rusise qe u mund nga Shqiperia. Lexoje:

"Dje, kombëtarja shqiptare nën frymëzimin e një trajnieri gjerman, arriti të gjejë rrugën e fitores. Më shumë se aftësi për të fituar, ekipi ynë ka pasur gjithnjë nevojë për raporte të fuqishme psikologjike përballë kundërshtarit. Gjithsesi, urime, suksese!"

A e shikon si e mbyll, Gjithsesi, urime, suksese. Ca do te thote fjala gjithsesi? A eshte dita e pershtatshme per tu perdorur? Shqiperia mezi po fiton pas kaq kohesh ajo thote gjithsesi. Ku eshte entuziazmi? Ku eshte shqiptarizma?

C'ka me te te thene tjeter une ty erzeno.

[MI CORAZON]

Postuar më parë nga Henri Anderson
Sa shkova i hodha nje sy 55
Ne artikullin e pare akuzon nje nder figurat e gazetarise Shqiptare Ad Krasten ndersa titull i dyte e ka titullin "Nano ishte tifoz me Ruset" He thuj ti ca me prit nga kjo gazete. Se shkruan keshtu traplliqesh nuk i shet dot 1000 kopje 55-sa.

Anderson , bej çudi me ty...Tani e morre vesh ti qe eshte me e shitur rrena se e verteta? Sa vjet u shit rrena ZP ???
45 vjet rresht u shit , edhe me detyrim...
Jo vetem kaq, por dollapet i kishim më plot me ZP se me çarçafë...
se duhet ti bojshim palë...as buken se mshtillshim dot me ato...
Na thoni gjera te reja interesante, se te vjetrat i dime mire.

[ornament]

Pavaresisht se Erzenit i pelqen kjo gazete ngaqe kritikon Nanon e Ramen, dmth thjesht per interes (eksitim) politik, ne s'duhet te kalojme krejt ne te kundert duke e quajtur palo gazete, po per interes. Nje gazete s'eshte me shume se nje gazete, per me teper ne te s'duhet pretenduar te gjesh te vertetat e jetes. Neqofte se nje gazete mundohet ta perqendroje veshtrimin tone nga nje KEND tjeter me te pergjithshin, ajo e ka kryer funksionin e saj.

Edhe ajo menyra e gjykimit te "fitores" mbi "sllavo-mongolet" ne futboll, na SHERBEN mendoj me shume se euforia e shprehur kudo tjeter.
Opinioni i "ftohte"i kesaj gazete, eshte po aq i rendesishem sa opinioni i "nxehte" patriotik i shtypit elektronik (politik e sportiv) kosovar qe dominon internetin shqiptar, sidomos kur puna lidhet me sllavet.
Ne duhet ti mbajme kembet ne toke, e te gjykojme me realizem. Indiferentizmi mendoj eshte dukuria me nobel e njeriut, prandaj kete duhet ta stimulojme me shume.

[Orku]

Indiferentizmi eshte karakteristike e impotenteve...nese e kishe fjalen te racionaliteti atehere jam dakort.

[ornament]

Çin qun ti impotent dhe racional, ka mundesi te shpjegohesh?

Ne fakt do te doja te pergjigjesha tjeter lloj, por thashe ta le per me vone.

[Orku]

lene per kur te kesh qejf se edhe pergjigjen do ta marresh sapo te mbaroj pune....

Me impotence qe vjen nga indiferentizmi nenkuptoj faktin qe indeferenti nuk ndryshon dot asgje dhe ngel impotent perballe iniciativave te te tjereve.....

Ndersa racionali eshte ai qe gjykon me gjak te ftohte por qe di te nderhyje aty ku e mendon te aresyeshme dhe ne momentin qe e gjykon te aresyeshem.....racionali mund te jete pa asnje problem si protagonist ashtu dhe i terhequr por rolin e tij e vendos aresyeja e cila i dikton te beje ate qe duhet atehere kur duhet....ndersa indiferenti e paguan me impotence indiferentizmin e tij....ai nuk eshte i zoti te ndryshoje asgje...jane te tjeret qe vendosin per te dhe atij i ngel vetem te konformohet.

[ornament]

Do te t'shpjegoj nja dy gjona si i vogel qe je.
Ti e man veten per anti-enverist apo jo? Degjo tani; ne kohe te enverit ndermjet shume slloganeve te ndryshme kishte dhe dy parrudha te tilla: "Te luftojme INDIFERENTIZMIN" si dhe "Te luftojme LIBERALIZMIN". Keto qene shkruar me te kuqe neper stande, mure, stadiume, etj.
Pse valle thua? Kur liberali eshte IMPOTENT (xhaxhi dyshohet te kete qene i tille) sipas teje, pse te ishte i RREZIKSHEM per sistemin socialist e partine e punes.

Ndersa sa per ate "RACIONALEN", PPSH nuk la gurre pa na bere te tille, duke fillu nga racionimi ushqimit, i veshjes, i kualifikimit, i punes, i pagimit, si dhe i MENDIMIT. Ti me dukesh shembulli me tipik i Racionalitetit shkencor komunist.

[Orku]

Une veten nuk e perkufizoj me antivlerat e enverit sepse kam individualitetin tim.
Liberalizmi dhe Indiferentizmi jane dy koncepte te ndryshme...i pari synon hapesira sa me te gjera per shoqerine dhe individin dhe si i tille mund te konsiderohet vlere...Indiferentizmi eshte nje forme pasiviteti i cili te kthen nga subjekt ne objekt...dhe ka raste kur indiferenca eshte po aq e keqe sa vete krimi. Indiferencen po ta shohesh te izoluar nga cdo faktor tjeter mund ta perkthesh si pamvaresi dhe force...por kjo eshte utopi sepse te gjithe jetojme brenda nje sistemi rregullash te cilat vendosen nga shoqeria dhe ne nje rast te tille Indiferenca mund te perkthehet vetem si kompromis pasiv sepse indiferenti nuk ka iniciative.....sidoqofte ka nje ndryshim shume te madh midis sistemit qe permend ti dhe mendimit tim. Ideja ime eshte nje koncept sigurisht jo i shpikur nga une te cilin kush deshiron e perqafon kujt nuk i pelqen e injoron pa bartur pasoja ligjore...ne sistemin qe kerkon ti ta krahasosh gjerat shkonin shume me thelle...ndryshimi i dyte eshte se komunizmi urrente indiferncen pasi ajo ishte forma me e rafinuar e oponences si dhe kerkonte nje angazhim ne parimet revolucionare....ndersa ne nje sistem te lire indiferenca te demton per shkak te ekzistences se konkurences ku iniciativa luan nje rol thelbesor.

Racionaliteti i mendimit i imponuar gjate diktatures kishte si qellim ndrydhjen e njerezve.....ndersa racionaliteti ne nje sistem te lire ndihmon njerezit ne sofistikimin e mendimeve te tyre si dhe iu rrit eficencen (gje qe pe mendimin tim ty te mungon) ne veprimet qe ata kryejne te cilat percaktojne edhe vleren e tyre.

Sic e shikon ndryshimi eshte thelbesor.....une nuk te ve faj qe ti nuk e kupton vete sepse mundohesh te peshosh cdo gje me peshoren e atij sistemi qe te ka modifikuar....po nuk te ve faj se askush nuk del dot jashte vetes.

[dimegeni]

.......gazet e bukur.....

[Albo]

Gazeta 55, po te anashkalosh shkrimet politike, ka edhe shume artikuj me vlera per trashegimine kulturore-artistike shqiptare. Eshte mbase e vetmja gazete qe qarkullon ne Tirane qe u hap nje dritare edhe shkrimeve mbi ceshtjen tone kombetare.

Jo gjithcka ne kete bote eshte "politike".

[Henri Anderson]

Aty eshte problemi ata cdo gje e politizojne. arriten deri aty sa te politizonin edhe ndeshjet e futbollit.
Sikur ta dinit se kush eshte Fahti Balliu do flisnit ndryshe.

[manoklla]

Gazeta 55 (do laj gojen tani qe i permenda emrin), eshte nje humbje e kote e lendes drusore.

[Orku]

Nuk ke faj se te futet ne pjese !!!

[Berti]

Nuk quhet Hoselino por Hoselito

[ReBeL]

Po lere more keto njerez te kesaj gazete nuk jane fare te pavarur.
Ato i perdorin lajmet per propaganden e tyre, dhe i thejne ashtu lajmet per te perhapur propaganden e tyre fashiste dhe anti njerezore.
Kjo gazete djathtiste nuk kontribon fare ne informimin e popullit por kontribon ne perçarjen e popujve.

[ermal80]

une jam demokrat dhe jam vlonjat por gazeta 55 eshte nje gazete e cila shtremberon lajmet si dhe po percan shqiperine sipas mendimit tim .........dhe nuk kontribuon fare ne rritjen e nivelit intelektual demokrat

[Honezmi]

Por te pakten qendrone shume me larte se "Zeri i Popullit".