Close
Duke shfaqur rezultatin -19 deri 0 prej 3
  1. #1
    i/e regjistruar Maska e Mexhi
    Anëtarësuar
    10-03-2009
    Vendndodhja
    Aty ku bukës i thonë bukë, e ujit - ujë
    Postime
    838

    “Shtet i poshtër!!! Ti Gruevski dhe ti Ivanov, a keni të paktën 2 gramë mend?..”

    - Një shtet që ngre kriminelë dhe vrasës në piedestalet e heronjve nuk është asgjë tjetër përveçse një shtet i poshtër. Liderët e saj, si presidenti Ivanov ashtu edhe kryeministri Gruevski të cilët në çdo shtet normal duhet të përfaqësojnë të gjithë qytetarët e vendit, rreshtohen në anën e krimit; në anën e atyre që vranë e masakruan fëmijë, gra e pleq - në këtë rast, shqiptarë të Lubotenit në vitin 2001; qytetarë të këtij vendi të quajtur Maqedoni. U rreshtuan kështu vetëm e vetëm se vrasësi i quajtur Tarçullovski paska vrarë shqiptarë e jo qytetarë të këtij shteti.

    - Të paktën, a keni 2 gramë mend, ti Ivanov e ti Gruevski?... Çfarë mendoni se jeni duke bërë? Me cilën të drejtë vendosët të shpenzoni të mirat e këtij shteti, qindra mijëra euro për të sjellë dhe pritur në festë kthimin e një krimineli dhe vrasësi në vend. Harroni se, pikërisht edhe me paratë e familjarëve që humbën të dashurit e tyre në Luboten, ju paguat shpenzimet e kthimit në Maqedoni të këtij gjakpirësi, Traçullovski …

    - Është i madh mllefi i shqiptarëve në Maqedoni por edhe një pjesë të bashkëqytetarëve maqedonas, për këtë veprim të ulët tuajin, ti Gruevski e ti Ivanov. Kërkoni që shqiptarët të jenë qytetarë luajalë ndaj këtij shteti i cili po aq sa është i juaji është edhe i atyre! Kështu mendoni të bashkëjetohet në këtë shtet të poshtër ku vrasësit e bashkëqytetarëve tuaj shqiptarë i shpallni heronj e i pritni të gjitha nderimet shtetërore?

    Do të citoj kolegun Sashe Ivanovski (“Politiko”) i cili në një reagim të tij, duke ndjekur çmendurinë e Gruevskit shkruante: “VMRO DPMNE-ja sot i hapi varrin Maqedonisë, tani është çështje kohe kur do ta varrosë! TURP dhe tmerr që kreu shtetëror bashkë me hordhitë nacionaliste, i organizoi festë dhe pritje një vrasësi civilësh të përkatësisë etnike shqiptare... kishte feste fishekzjarrësh, kishte festë o njerëz…” -shkruante Sashe Ivanovski. “A e pyetni vetën se si e shohin këtë gjë, mbi gjysmë milioni shqiptarë, qytetarë të këtij vendi? Cila ka qenë ndjenja sot, të jesh shqiptar apo mos dhëntë Zoti, të jesh nip, vëlla, bashkëshort apo bashkëshorte e ndonjë nga të vrarëve të Lubotenit? A keni të paktën një gram sensi njerëzor dhe politik, o ju Talibanë të cilët padrejtësisht po udhëhiqni këtë shtet. Johan Tarçullovski është njeriu që vrau civilë shqiptarë… ata që festojnë kthimin e tij dhe në të njëjtën kohë kërkojnë që të përgjigjet edhe një pjesë e UÇK-së për krime ndaj civilëve, në fakt janë fashistë të llojit më të prishur, pasi për ta, vrasja e maqedonasve është e palejueshme, ndërsa vrasja e shqiptarëve është aktivitet i madhërishëm sipas devizës “vetëm shqiptari i vdekur është shqiptar i mirë” … Të LUMTË PËR GUXIMIN i nderuari Shashe Ivanovski.

    Ju partner të Gruevskit në pushtet, JU që përfaqësoni shqiptarët në ekzekutiv, nuk mund të amnistoheni nga një veprim i tillë TURPI të Gruevskit dhe Ivanovit.

    Këtu nuk do të kisha dashur të them as më tepër e as më pak, nga ajo që shkruante një koleg i imi, një bashkëqytetar i imi, një lubotenas.

    Të LUMTË edhe TY koleg Zeqirja Ibrahimi që dje shkrove po atë që mendoi thuajse çdo shqiptar.

    “Nëse para 12 vitesh na vrau Johani, sot drejtësinë tonë të fituar nga Haga po e vrisni edhe ju, përfaqësues të shqiptarëve në pushtet, po e vrasin ministrat tuaj, po e vret partneri juaj Gruevski por edhe të gjithë politikanët e tjerë shqiptarë, pra edhe ata të PDSH-së e të tjerët që kurrë nuk thanë asnjë fjalë për Lubotenin” – shkruante mes të tjerash Zeqirjai.

    Nesër, Ju politikanë shqiptarë mos u habitni kur, i njëjti Gruevsk që ngriti në piedestalet e heroit, vrasësin dhe kriminelin Tarçullovski, ta emërojë atë edhe për ministër.

    Zeqirjain do ta citoj edhe në fund të këtij vështrimi timin;

    “Duke kujtuar me lavdi emrat e të vrarëve dhe të masakruarve të Lubotenit, dhe duke u lutur që shpirti i tyre të prehet në bukuritë e asaj bote siç meritojnë dëshmorët, dëshiroj t’u kërkoj falje që sot, pas 12 vitesh, ne po e nderojmë si hero vrasësin e tyre. Na falni, o dëshmorë, na falni!”.


    MUHAMED ZEQIRI, kryeredaktor i TV ALSAT M


    "SHQIPËRIA është GJAKU im që nuk falet!"

  2. #2
    i/e regjistruar Maska e Mexhi
    Anëtarësuar
    10-03-2009
    Vendndodhja
    Aty ku bukës i thonë bukë, e ujit - ujë
    Postime
    838

    Për: “Shtet i poshtër!!! Ti Gruevski dhe ti Ivanov, a keni të paktën 2 gramë mend?..”


    Gruevski dhe Jankullovska, krenar për veprën e Tarçullovskit



    Presidenti Ivanov pas kryeministrit Gruevski priti sot Johan Tarçullovskin në kabinetin e tij, ndërsa Ministrja e Punëve të Brendshme, Gordana Jankullovska në pyetjen e Televizionit ALSAT-M, si ndjehet pas pritjes dhe festës për lirimin e vrasësit të civilëve shqiptar, Johan Tarçullovski, thotë se ajo ndjehet krenare për këtë që ka bërë. Sipas saj, Johan Tarçullovski pas lirimit të tij para kohe nga Tribunali i Hagës ku dhe u dënua për vrasje të civilëve, gjegjësisht fëmijëve, grave dhe personave të moshuar shqiptarë në fshatin Luboten të Shkupit gjatë konfliktit të vitit 2001është hero dhe meriton një pritje të tillë.

    "A keni ndjerë dje përgjegjësi kur pritët njeriun që ka vrarë civilë të Republikës së Maqedonisë dhe është i dënuar dhe gjykuar nga Tribunali i Hagës?"

    "Jo vetëm që nuk mbajë asnjë përgjegjësi por është krenari që të pritet një njeri i cili ka bërë gjithçka që ka mundur në interes të Republikës së Maqedonisë. Johan Tarçullovski u prit si një hero kombëtar. Republika e Maqedonisë 8 vite e ka pritur këtë ditë, ai tani është njeri i lirë dhe ka të drejtë ti gëzojë të gjitha të nderimet për angazhimin e tij me qëllim mbrojtjen e integritetit dhe sovranitetit territorial të Maqedonisë atëherë kur ajo ka qenë e nevojshme" Gordana Jankullovska, Ministre e Brendshme.

    Ndërkohë, kryeministri Nikolla Gruevski me një dozë ironie u përgjigjë shumë shkurtë në pyetjen po të TV ALSAT M rreth pritjes së Tarçullovskit në aeroportin e Shkupit dhe kabinetin e tij në Qeveri.

    "Zotëri Gruevski vallë për ju është në rregull pritja e organizuar nga Qeveria për njeriun i cili ishte i dënuar për vrasjen e civilëve, gjegjësisht qytetarëve të Maqedonisë, qofshin ata edhe shqiptarë?"

    "Në rregull është, po...!", tha Nikolla Gruevski, kryeministër.

    Johan Tarçullovski i dënuari i Tribunalit të Hagës për vrasje të civilëve shqiptarë në Maqedoni sot u pritë edhe nga presidenti i shtetit Gjorge Ivanov. Ky i fundit i gjatë takimit me Traçullovskin kishte theksuar se nuk dëshiron askujt ti ndodhë ajo që kishte përjetuar Johan Tarçullovski gjatë 8 viteve të kaluara. Ivanov gjithashtu tha se lirimi i Tarçullovskit dhe kthimi i tij në Maqedoni duhet të përfaqësojë hap përpara drejt pajtimit të mëtejshëm dhe ndërtimit të bashkëjetesës në Maqedoni ashtu edhe siç është praktikuar çdoherë në këto treva duke harruar faktin se ai u dënua për krime lufte dhe vrasjes së civiëve shqiptarë të Lubotenit të cilët duhet ti përfaqësoj edhe vetë presidenti i këtij shteti.


    "SHQIPËRIA është GJAKU im që nuk falet!"

  3. #3
    i/e regjistruar Maska e cool_shqype
    Anëtarësuar
    30-05-2007
    Vendndodhja
    jetoj me lemoshat e nanes natyre
    Postime
    1,024

    Për: “Shtet i poshtër!!! Ti Gruevski dhe ti Ivanov, a keni të paktën 2 gramë mend?..”

    He pra kalljani nanen.....bajeni me hanger dhe Tarcullin....a ka ndonji buure ne Iliride??????
    each second is eternity as eternity is now,
    and now, now is forever

Regullat e Postimit

  • Ju nuk mund të hapni tema të reja.
  • Ju nuk mund të postoni në tema.
  • Ju nuk mund të bashkëngjitni skedarë.
  • Ju nuk mund të ndryshoni postimet tuaja.
  •