AMC sjell I-Phone 5 në Shqipëri
Prodhimi më i fundit i “Apple”, I-Phone 5, vjen tashmë zyrtarisht edhe në Shqipëri. Është AMC ajo që ka vendosur që së bashku me aparatin e jashtëzakonshëm të ofrojë edhe planet e saj tarifore, të përgatitura posaçërisht për abonentët e I-Phone 5 në Shqipëri. Tashmë ky aparat ndodhet në të gjitha dyqanet AMC dhe mbulohet me garanci zyrtare për 1 vit. Drejtori ekzekutiv i AMC, Dimitris Blatsios, lidhur me këtë zhvillim, u shpreh se AMC, si pjesë e gjigantit botëror të telekomunikacionit, “Deutsche Telekom”, është pararendëse në sjelljen e teknologjive të reja të standardeve ndërkombëtare në vend. “I-Phone 5 është një produkt ikonë, që tashmë vjen zyrtarisht ne Shqipëri dhe ekskluzivisht nga AMC. Kompania jonë do t’u ofrojë gjithmonë abonentëve të saj produktet dhe shërbimet më cilësore, që ndihmojnë në përmirësimin e jetës së tyre”, tha Blatsios.
Burimi: Panorama
Krijoni Kontakt