“Ne nuk duam që gjuhën greke ta mësojnë vetëm nxënësit e shkollave greke. Ne duam që këtë gjuhë të mund ta mësojnë të gjithë ata që dëshirojnë dhe japin mundësinë që ta vënë si gjuhë të dytë edhe në shkollat shqiptare”, ka deklaruar kryetari i Bashkisë së Himarës, Jorgo Goro, gjatë një takimi të mbajtur pak ditë më parë në Amerikë.
Jorgo Goro ka vijuar më tej duke thënë s: “Siç e dimë 80 përqind e himariotëve kanë karta identiteti greke dhe shqiptare dhe ata mund të marrin pjesë në zgjedhje edhe në Greqi, edhe në Shqipëri kjo është një gjë e mirë”, citohet në GSH kryebashkiaku i Himarës.
Sipas tij, himariotët duhet t’i mësojnë shkëlqyeshëm të dyja gjuhët, në mënyrë që të jenë në nivele të larta me qeverinë shqiptare dhe atë greke.
“Qëllimi ynë është që ne të jemi në krye duke ditur gjithçka. Me mënyrën tonë përpiqemi ta arrijmë këtë gjë”, është shprehur Goro.
Ndërsa këto deklarata të tij janë konsideruar si kontradiktore nga blogjet vorio-epiriote, pasi ato thonë se Goro nuk e ka përmendur asnjëherë këtë çështje duke i lënë pas dore përfaqësuesit e këtij minoriteti./tema
Krijoni Kontakt