Gazeta italiane “Il Giornale di Vicenza” ka botuar dje një histori sa të rrallë aq edhe tragjike për një vajzë shqiptare. Një 15 vjeçare shqiptare është gjetur dje nga karabinierët. E pyetur pse ishte larguar nga familja, adoleshentja u ka treguar atyre: “Nuk mund të kthehen në shtëpi. Nuk më lënë të përdor faqet sociale, dhe as të pi alkool. Është një makth i vërtetë”. Sipas rrefimit të vajzës prindërit nuk i linin të dilte nga shtëpia, me përjashtim kur shkonte në shkollë. Nuk e lejonin të humbiste kohë me televizionin! Nuk e linin të përdorte internetin për të kaluar kohën, kështu që jo Facebook. Celularin duhej ta përdorte vetëm për gjëra urgjente, pra aspak sms, dhe as komunikim me shoqet apo shokët, siç bën çdo adoleshente. Këto ishin urdhrat e babait të saj. Pastaj urdhrat e mamasë: jo minifunde, as këpucë me taka, as pantallona seksi, asgjë prej gjëje. Një dekalog i saktë dhe plot detaje. Po më pas? Ajo ia mbathi. Elena (jo emri i saj i vërtetë) 15 vjeçe, është larguar plotë pesë herë nga shtëpia. Rasti i fundit ndodhi para disa ditësh në provincën e Milanos ku jeton familja.
Krijoni Kontakt