Pele provokon: Nejmar më i mirë se Mesi e Maradona!
Legjenda e futbollit botëror, braziliani Pele, mendon se talenti 20-vjeçar i Santosit, Nejmar, mund të bëhet më i mirë se Lionel Mesi, madje mund të kalojë edhe Diego Armando Maradonën. Pele e lëshoi këtë deklaratë I ftuar në një event në Sao Paolo. Sipas tij, Mesi është një kopje e Maradonës për nga tiparet, por kampioni i botës në vitin 1986 me Argjentinën nuk ka patur aftësitë e duhura në goditjet e topit me kokë. “Maradona ka qenë një futbollist i madh, por ai luante vetëm me këmbën e majtë dhe nuk njihet si një goditës i mirë i topit me kokë. Mund të them se Lionel Mesi është një kopje e tij. Për këtë arsye mendoj se Nejmar mund të bëhet më i mirë se ata”. Pele konsiderohet si futbollisti më i mirë në historinë e futbollit, pasi ka shënuar 1284 gola gjatë karrierës së tij nga viti 1956 deri më 1977. Ndërsa ylli i Santosit, Nejmar, në moshën 20-vjeçare ka arritur shifrën e 133 golave gjatë 3 viteve si profesionist me Santosin. I pyetur nëse Nejmar mund të bëhet edhe më i mirë se ai, Pele u përgjigj: “Nuk është e lehtë ta thuash këtë, sepse do të jetë shumë e vështirë për Nejmar që të arrijë këto shifra. Ai është një futbollist i jashtëzakonshëm, por ndonjëherë ka treguar se nuk është mjaftueshëm i pjekur për të marrë përsipër disa përgjegjësi.” 71-vjeçari Pele ka luajtur 92 ndeshje me Brazilin, duke shënuar 77 gola, ndërsa tri herë radhazi në vitet 1958, 1962 dhe 1966 ka fituar Kupën e Botës me Seleçaon.
http://en.wikipedia.org/wiki/Neymar
Përgjigju Duke Cituar
Postuar më parë nga Brari
Ruaj Lidhjet