Gjendet trupi i pajetë i poetit Ali Podrimja

[Lumo]

http://www.panorama.com.al/wp-conten...a1-300x200.jpg


Poeti, Ali Podrimja




Francë,zhduket poeti Ali Podrimja.Nisin kërkimet
Panorama Lajmi i Fundit e Premte, Korrik 20th, 2012



Ka dy ditë që nuk dihet asgjë për vendndodhjen e poetit të njohur, Ali Padrimja, i cili kishte shkuar në Francë në një festival të poezisë.
“Ministri i Punëve të Jashtme të Kosovës Enver Hoxhaj me autoritetet e shtetit francez po bëjnë gjithçka që është e mundur për të gjetur vendndodhjen e tij”, njofton Zeri.

Sipas KosovaTimes kanë thënë se familja e poeti Ali Podrimja ka kontaktuar më 18 korrik me ambasadën e Kosovës në Paris dhe e kanë njoftuar atë se nuk dinë gjë për fatin e tij.

Poeti, Ali Podrimja kishte shkuar në festivalin e poezisë “Vox de la Mediterranii” në qytetin Lodeve në Francë.

Artan Behrami, këshilltar i ministrit te Enver Hoxhaj thotë se ambasada e Kosovës në Paris ka kërkuar menjëherë nga autoritetet franceze që të ndërmerret gjithçka është e mundur për të identifikuar vendndodhjen e poetit.

“Ministri i punëve të jashtme Enver Hoxhaj i tronditur për humbjen e poetit Podrimja ka kontaktuar MPJ të Francës dhe ambasadorin francez në Kosovë, Jean Fraçois Fitou dhe ka këqrkuar që të bëhet gjithçka për vendndodhjen e poetit Podrimja”, ka sqaruar Behrami

“Ju bëjmë thirrje të gjithë qytetarëve kosovarë që gjenden në Francë që e që e kanë ndonjë informatë për vendndodhjen e poetit, Ali Podrimja të njoftojnë ambasaden e Kosovës, autoritetet franceze apo MPJ te Kosovës”, ka thënë Behrami.

[JacobGold]

Kundra kuje paska folur ky i shkrete para se te shkonte atje?

Mund te sjelle kush ndonje shkrim te tijen te fundit?

Shpresoj te jete shendosh e mire.

[Ziti]

me ke ka shkuar ne france ai? vetem!

[☆Angie☆]

Uroj të ketë humbur për motive të dobta e të njoftohet shpejt. Shpresojmë mos t'i ketë ndodhur gjë.

[Nete]

Shpresoj te jete shendosh e mire,dhe sa me shpejt ndonje info rreth tij!

[illyrian rex]

Ajo qe nuk thuhet ne kete lajm eshte se poeti ka probleme me kujtesen (Alzheimer).

Shpresoj qe te kthehet sa me shpejte, shendosh e mire ne familje.

[Prudence]

cjane shpifur ca lloj semundjesh se fundmi,s'kishim degjuar me pare.

[illyrian rex]

cjane shpifur ca lloj semundjesh se fundmi,s'kishim degjuar me pare.

Per cilen semundje nuk ke degjuar me pare?

[Prudence]

po me pare nuk degjonim per kesi lloj semundjesh kaq te perhapura sa sot

[illyrian rex]

po me pare nuk degjonim per kesi lloj semundjesh kaq te perhapura sa sot

E vertete.

[Etna Etna]

Gjendet trupi i pajetë i poetit Ali Podrimja

Prishtinë, 21 korrik – Autoritetet shtetërore franceze i kanë përcjellë ministrit të Punëve të Jashtme të Republikës së Kosovës, Enver Hoxhaj, lajmin e hidhur për gjetjen e trupit të pajetë të poetit të njohur kosovar Ali Podrimja në Francë. I tronditur nga kjo humbje e madhe, ministri Hoxhaj i shpreh ngushëllimet më të sinqerta familjes së poetit Podrimja, komunitetit të poetëve, shkrimtarëve e artistëve, si dhe mbarë popullit të Kosovës.

“Humbja e poetit me renome ndërkombëtare, Ali Podrimja, është një humbje e madhe jo vetëm për familjen dhe miqtë e panumërt të tij, por një humbje e jashtëzakonshme edhe për kulturën dhe artin kosovar, shqiptar e më gjerë. Kujtimi i poetit Ali Podrimja do të jetë gjithnjë i gjallë në mesin tonë dhe do të shërbejë si figurë motivimi për brezat e ardhshëm të Kosovës”, thuhet në telegramin e ngushëllimit të ministrit Hoxhaj.

Poeti Ali Podrimja ka humbur kontaktet me kolegët dhe miqtë e familjarët e tij nga data 18 korrik, në kohën kur po qëndronte në Francë, në kuadër të festivalit të poezisë “Voix de la Méditerranée”, në qytetin e Lodève.

Autoritet franceze po punojnë në zbardhjen e plotë të rrethanave të humbjes së jetës së Ali Podrimjës.

Ministria e Punëve të Jashtme e Kosovës falënderon autoritetet e Ministrisë së Jashtme dhe asaj të Brendshme Franceze, si dhe të gjitha institucionet e tjera lokale e qendrore në Francë për angazhimin maksimal të tyre në ndriçimin e këtij rasti.


Ju prehte shpirti ne paqe

[Etna Etna]

Unë, biri yt, Kosovë

Unë, biri yt, Kosovë t’i njoh dëshirat e heshtura,
t’i njoh ëndrrat, erërat e fjetura me shekuj,
t’i njoh vuatjet, gëzimet, vdekjet,
t’i njoh lindjet e bardha, caqet e tuka të kulluara;
ta di gjakun që të vlon në gji,
dallgën kur të rrahë netëve t’pagjumta
e të shpërthej do si vullkan:-
më mirë se kushdo tjetër të njoh, Kosovë.
Unë biri yt.

A.Podrimja

[☆Angie☆]

Një humbje e madhe për botën për letërsinë shqiptare bashkëkohore Ngushëllimet e mia familjes së poetit.


RENKIMI

Qaj, rrafshi im i dashur, qaj!
Diellin tënd verbuar e kanë tytat
e vatrat shkimbur deri në një,

Zogun në qiell vrarë ta kanë.
Me duar të mia të çara
me rrashtat tona t'shpura mbuluar të kanë.

Pragje thyer e konaqe mbyllur...
Për gjithkë e për askë vrarëjemi...
Qaj, rrafshi im i dashur, qaj!

Plepi im qiellin do ta shpojë,
plepi im i kallur -
qiellin e humbur majë një shpate.

[hot_prinz]

Ju prehte shpirti ne paqe.

[illyrian rex]

Ngushllime familjes dhe miqve.

Një humbje e madhe për Gjakovën, një humbje e madhe për të gjithë shqiptarët.

Të qoftë i lehtë dheu i Kosovës!

[loneeagle]

Vertet humbje e madhe, RIP! Ngushellime familjes! Nje gje nuk kuptova nese ky vuante nga skleroza perse udhetonte vetem???

[illyrian rex]

Vertet humbje e madhe, RIP! Ngushellime familjes! Nje gje nuk kuptova nese ky vuante nga skleroza perse udhetonte vetem???

Mendoj se do te ishte mire qe kjo teme te sherbej vetem per ngushllime dhe per veprimtarine e tij jetesore.

Ekziston nje faqe tjeter diku dhe ndoshta eshte mire qe aty te diskutohet per shkaqet e vdekjes se tij.

Mendimi im.

[illyrian rex]

loneeagle - Nje gje nuk kuptova nese ky vuante nga skleroza perse udhetonte vetem???

Si duket nuk ka qene vetem, por vet i dyti.

Se si kane rrjedhur gjerat pastaj me siguri se do te sqarohet me vone.

[D&G Feminine]

Poeti me i madh i Kosoves (te pakten per mua) Ali Podrimja, fitoi Penden e Argjendte ne poezi ne 2006 nga Ministria e Kultures e Shqiperise, me vellimin poetik "Pike e zeze ne blu"!

U prehte ne paqe!

[Foleja_]

Ngushellimet e mija per familjen dhe adhuruesit e shumte te poetit te madh Ali Podrimja . U prehte ne paqe afer Lumit (Lumi djali i poetit qe para shume vitesh u nda nga jeta nga je semundje e pasherueshme dhe te cilit ia kushtoi nje vellim poezishe teper te arrira ne cdo aspekt )