Licens Si person juridik/fizik ?

[billiondollar]

Pershendetje miq te dashur

Kerkoj nga ju perseri disa mendime , dhe tani me teper behet fjale per nje shpjegim rreth licenses se Juridik/Fizik.

U informova pak dhe jo shum qart nga nje punonjese e QKR ne bashkin e qytetit, sepse kam vendosur qe te provoj nje biznes, dua te importoj disa produkte nga europa ketu ne shqiperi dhe shum shkurt mora vesh vetem qe me duhej nje numer NIPT dhe licensa per Import/Export + edhe disa dokumentacione shtese.

Une si fillim nuk do sjell qe sasi shum te madhe te produktit por si te themi nje kamion te vogel qe keshtu edhe mos te rrezikoj shum por edhe te kem mundsi magazimi me te kollajshme si ne fillim duke mos e ditur sesa shitje do ket produkti.

Prandaj nuk e di edhe sesi do ishte me mir qe te aplikoja per licensen , si person juridik apo fizik ? cilat do te ishin avantazhet e ketyre, dhe disavantazhet? biznes i vogel apo i madh? cilat do ishit te mirat e njera tjetres?


Ju falenderoj shum ]

[baaroar]

Duke vlerësuar natyrën dhe përmasën e biznesit tënd, unë të sugjeroj të regjistrohesh në QKR si person fizik, ndërsa deklarimin e xhiros ta bësh nga 5 deri në 8 milionë lekë (le të themi 5) në mënyrë që në tatime të regjistrohesh si subjekt i TVSh-së. Pra do të jesh Person Fizik me TVSh, subjekt jo i Tatimit mbi Fitimin duke e parapaguar atë, por i tatimit të thjeshtuar mbi fitimit duke e paguar atë në mars të vitit pasardhës të biznesit. Diferenca këtu është te vlera në kohë e parasë. Pra më mirë ta paguash tatimin mbi fitimin cdo muaj paradhënie apo të gjithin pas 1 viti?
Meqë do të kesh importe është shumë e rëndësishme ta përfitosh TVSh e zbritshme nga importi por edhe nga blerjet e tjera brenda vendit me TVSh. Forma ligjore e subjektit më tepër lidhet shumë më tepër me mënyrën se si pronari apo bashkëpronarët krijojnë raportet me subjektin e biznesit sesa me anën fiskale të biznesit. Nëse e kalon kufirin e shitjeve mbi 8 milionë lekë të reja, je i detyruar me ligj ta deklarosh në tatime këtë fakt, dhe automatikisht kalon në tatime si biznes i madh, por kjo nuk të detyron të ndryshosh formën ligjore të biznesit (psh të kalosh në sh.p.k.) mund të vazhdosh biznesin si Person Fizik, subjekt i TVSh-së, thjeshtë vlera e xhiros të kategorizon si biznes i madh. Sigurisht kalimi në Person Juridik t'i rrit kostot e biznesit.