Lëndë fetare në shkolla, Tafaj pranon kërkesën e klerikëve

[shigjeta]

Absurditeti i rradhes i Ministrise se Arsimit, nje kerkese qe as nuk duhet te ishte marre ne konsiderate...

****

Lëndë fetare në shkolla, Tafaj pranon kërkesën e klerikëve

Propozimi i bërë njëzëri nga pesë komunitetet fetare në vend për futjen e një lënde religjioze në shkollat e arsimit parauniversitar ka sjellë përplasjet e para në radhët e specialistëve dhe politikanëve. Ndonëse për momentin propozimi është thjesht një ide që kërkon kohë për t’u zbatuar në praktikë, ai është mbështetur nga kreu i Ministrisë së Arsimit, Myqerem Tafaj, i cili ka deklaruar dje se është e rëndësishme që nxënësit të marrin edhe njohuri për fenë. “Është e rëndësishme, mendoj unë, që nxënësit të marrin njohuritë për fenë. Ne kemi edhe mësues që studiojnë për Filozofi dhe Pedagogji. Përvoja e mjaft vendeve të tjera është e tillë, që një lëndë e tillë është në grupin e lëndëve me zgjedhje”, – deklaroi ministri Tafaj. Sipas kreut të Arsimit, gjithçka mbetet për t’u diskutuar gjatë kohës që projekti është në komision. Por, një qëndrim krejt të kundërt me të ka ish-ministri i Arsimit, E’them Ruka, njëherësh edhe kreu i komisionit kuvendor të Shëndetësisë, Punës dhe Çështjeve Sociale, sipas të cilit, kërkesa e klerikëve, por dhe qëndrimi i ministrit janë antikushtetues. “Kushtetuta e Shqipërisë nuk e lejon një gjë të tillë. Shkolla ka karakter laik dhe laik do të thotë që nuk mund të zhvillohen mësime fetare në shkolla. Ka institucione të tjera ku mund ta shprehin identitetin e tyre fetar”, – u shpreh Ruka. Ndërkohë që edhe më i ashpër është mendimi i historianit Pëllumb Xhufi. Duke u bërë apel klerikëve të distancohen nga veprime të tilla, Xhufi deklaron se hyrja e fesë në shkolla do të vinte në rrezik shtetin shqiptar, i cili ndër shekuj ka qenë i ndarë dhe i pavarur nga feja. “Po të mos jetë laik shteti shqiptar, sigurisht do të mund të krijoheshin probleme të cilat na drithërojnë dhe na trembin kur shohim se ç’ndodh sot në Liban. Ta kthesh edhe shkollën në parcelizim shpirtëror, atëherë kjo mua më duket krejtësisht e papranueshme. Është antikushtetuese, antihistorike. Do kisha kërkesë nga ana ime që t’i kthehen vetes në radhë të parë dhe mundësisht të ngatërrohen sa më pak ose hiç fare, siç i mëson Bibla dhe Kurani, me politikë”, – pohon historiani. Nga ana tjetër përfaqësues të Ministrisë së Arsimit shpjegojnë se lënda fetare në shkolla është thjesht një ide e komuniteteve që, nëse pranohet, nga kërkon ndryshimin e kurrikulave shkollore për t’u bërë pjesë e lëndëve që nxënësit do të mësojnë me dëshirë në shkollë. Për këtë, thonë specialistët, duhet shumë punë dhe kohë. Dy ditë më parë, përfaqësues të komuniteteve fetare, të pranishëm në mbledhjen e komisionit të Edukimit ku prej gati dy javësh po diskutohet projektligji i ri “Për arsimin parauniversitar”, kërkuan që në shkollat publike të futet një lëndë për kulturën fetare. Përpos kësaj kërkese, drejtues të Komunitetit Mysliman risollën në vëmendje kërkesën e bërë në mënyrë sistematike që të lejohen në shkolla publike vajzat me shami, si një e drejtë e çdokujt që të mbajë veshjen sipas besimit që predikon.

Qëndrimet

Myqerem Tafaj

“Është e rëndësishme, mendoj unë, që nxënësit të marrin njohuritë për fenë. Ne kemi edhe mësues që studiojnë për Filozofi dhe Pedagogji. Përvoja e mjaft vendeve të tjera është e tillë që një lëndë e tillë është në grupin e lëndëve me zgjedhje”.

E’them Ruka

“Kushtetuta e Shqipërisë nuk e lejon një gjë të tillë. Shkolla ka karakter laik dhe laik do të thotë që nuk mund të zhvillohen mësime fetare në shkolla. Ka institucione të tjera ku mund ta shprehin identitetin e tyre fetar”.

Pëllumb Xhufi

“Po të mos jetë laik shteti shqiptar, sigurisht do të mund të krijoheshin probleme të cilat na drithërojnë dhe na trembin kur shohim se ç’ndodh sot në Liban. Ta kthesh edhe shkollën në parcelizim shpirtëror, atëherë kjo mua më duket krejtësisht e papranueshme. Është antikushtetuese, antihistorike. Do kisha kërkesë nga ana ime që t’i kthehen vetes në radhë të parë dhe mundësisht të ngatërrohen sa më pak ose hiç fare, siç i mëson Bibla dhe Kurani, me politikë.

Jonida Tashi - MAPO

[safinator]

Mos te lutem.
Edhe ne Shqiperi na mungonin gjera te tilla!

[Darius]

Katastrofe. Edhe fene neper shkolla kane mangut tani. Si nuk pushojne ndonjehere paradokset ne ate vend.

[xfiles]

do ti kene bere shantazh se nuk arrij ta besoj te kete ik per lesh ky palla qe e quan veten minister.

Uroj te jete nje nga ato deklaratat pa lidhje per tu bere qefin fetareve e per te fituar ndonje vote.

[Billy Joe]

Bute bute, shqiperise po i vjen fundi, s'do jete kurre sic ka qene. ve bast qe pas ketij hapit te kthimit te shkollave publike ne medrese, pas disa vjetesh do nderrohet alfabeti latin me ato kerrabat arabe.
flamuj palestineze ne shkup.
vellezer me turqit, azeret a ku di tjeter une ca i pjell mendja kryeministrit.

ndoshta jemi brezi i fundit i shqiptareve te paarabizuar.

[Gordon Freeman]

kam menduar qe PD eshte me konzervatore...

[Billy Joe]

do ti kene bere shantazh se nuk arrij ta besoj te kete ik per lesh ky palla qe e quan veten minister.

Uroj te jete nje nga ato deklaratat pa lidhje per tu bere qefin fetareve e per te fituar ndonje vote.

nuk eshte pune votash, dihet qe fetaret jane akoma pakice, per me teper nuk eshte kohe zgjedhjesh.

eshte strategji, qe shkalle shkalle te fetarizohen te gjithe, me hir apo me pahir, nuk eshte e zorshme hic dhe te ndryshosh kushtetuten, ta besh republike islamike, nuk ishte e zorshme fare as kur u antaresuam ne konferencen islamike.

[BlooD_VenoM]

Tani u zgjidh dhe problemi i injorancës dhe analfabetizmit tonë...

[safet h]

Bash ide e mire, ju nevojitet popullit shqipetar nje lende fetare ne shkolla, nuk eshte prapambeturi, lenden fetare e kane shtetet me te forta se ne si Suedia, Norvegjia, Anglia me perjashtim disa rajoneve te Frances e gjihe Evropa ka lend fetare, duke mos radhitur ketu Shqiperine, sepse edhe ne Kosove mesohet lenda fetare neper shkollat publike ku mesojn serbet dhe pagat e prifterinjeve paguhen nga ministria e arsimit te Kosoves , kurse nxensit shqipetar nuk mesojne lende fetare.
Pse eshte e dobishme lenda fetare:
1. Nxenesit fitojne nje etike dhe ndergjegje, psh. neper teste dhe provime te ndryshme nuk kopjojn, fitojn etike profesionale, psh. kur fillojne punen neper institucione te ndryshme e kryjn me nder dhe pergjegjsi, mungesa e lendes fetare na ka kushtu shume, kete jemi duke e pare edhe tani kur Shqiperin edhe Kosoven e udheheqin njerez te cilet kane diploma te mirnjohura mirpo jane shume te mirnjohure edhe per korrupcion, i cili vjen si munges e nje besimi, pavarsisht cili besim.
2. Lenda fetare duhet te jete me planprogram gjitheperfshires edhe per fete tjera jo vetem per Islamin dhe Krishterimin , por edhe per hinduizmin, judaizmin, brahamizmin, budizmin etj. Pse? Sepse kjo do te ndihmonte shqipetaret per pak kohe te pushtojne boten, normalisht me biznes, te jene ne dijeni per kulturat e vendeve te ndryshme sepse eshte shume qesharake te krijosh nje rrjet biznesi psh. te mishit te lopes ne Indi !!?? Kjo do te ndihmonte kur nje i ri shqipetar do te shkonte ne Kine ose vende te tjera te kete njohuri mbi kulturen e atij vendi dhe rrjedhimisht do te krijonte miqesi me te gjitha kulturat.
- Nje qeshtje qesharake eshte kur behet betimi i presideteve ose kryministrave e deputeteve, apo edhe ne gjykata. E dijme se presidenti Barack Obama ose udheheqsit e tjer kur te jepin betimin, betohen ne Bibel ose udhehqsi musliman ne Kuran. Kjo i bene qe te jene me te ndergjegjshem ndaj detyres, e kunderta ndodhe kur nuk betohesh ne asgje , ateher asgjeja nuk te ndalon te besh pune te keqija. Edhe ne Shqiperi e Kosove duhet te behet praktike qe udheheqsit ne varesi te ciles fe jane te betohen ne Zot .

[PINK]

Po mire e zeme se e futen religion si klase neper shkollat publike. Por cilen do mesojne ?? Muslim, catholic, orthodox ? Se nuk mund ti bejne te gjitha . lol

[safet h]

Pse nuk mund t'i mesojne te gjitha?

[Scion]

Bute bute, shqiperise po i vjen fundi, s'do jete kurre sic ka qene. ve bast qe pas ketij hapit te kthimit te shkollave publike ne medrese, pas disa vjetesh do nderrohet alfabeti latin me ato kerrabat arabe.
flamuj palestineze ne shkup.
vellezer me turqit, azeret a ku di tjeter une ca i pjell mendja kryeministrit.

ndoshta jemi brezi i fundit i shqiptareve te paarabizuar.

Ne rastin konkret inciator per kete kerkese ka qene KOASH :P, me mbeshtetjen dhe bekimin e PAPES dhe KALIFIT.

Ndersa per alfabetin, ka shume mundesi te jete GRELATARABISHT

Budalliqe pa fund, kjo qeveri ka marre fund!

[letaa]

Ne Maqedoni filloj te zbatohet kjo gje para 3 viteve por nuk pati sukses per 1 vit e ndalen pasi filluan qe shum shkolla te kerkojn gjuhen shqipe pasi shqipatret ne maqedoni jan musliman edhe disa qe jan musliman ketu tek ne nihen si turbesh apo babush me falni por nuk e di saktesisht emrin e tyre por femijet shkojn ne shkolla maqedone kerkuan gjuhen shqipe

[Fleur Blanche]

Tafaj, s'ka asnjë gjë në dorë rreth këtij problemi, duke qenë se Ministria ka në dorë veç të nxjerrë akte normative, por jo ligje. Për të ndryshuar ligjin e arsimit të lartë, duhet kaluar në Parlament, dhe s'ka shans të miratohet, mgjs vendi ynë është i surprizave dhe dorën në zjarr s'e vë, por gjss s'ma ha mendja që miratohet.

Laiciteti i shtetit hyn tek ajo që quhet bërthama e Kushtetutës, që s'duhet cënuar në asnjë rast, sado ndryshime të tjera të bëhen në Të.

Dihet sesa shumë të ardhura investojnë komunitetet fetare sot për të mbajtur njeriun si "dele", dhe në këtë rast ky Tafaj ose do ketë marrë ndonjë "çek" prej tyre sa për të thënë: "unë e bëra timen tani, dhashë aprovimin publikisht se kaq kam në dorë", ose do jetë ndonjë e re tjetër për të larguar vëmendjen nga problemet dhe skandalet që dalin dita ditës nga fusha e arsimit; ose të dyja rastet bashkë.

Këtu në lajm nuk thuhet mesa po lexoj, që të futen lëndë fetare, por thjesht një lëndë e vetme mbi kulturën e përgjithshme mbi fetë, që s'do jetë me detyrim, por do jetë thjesht me zgjedhje - për ata që duan ta zgjedhin, pjesa tjetër që nuk duan - s'detyrohen në asnjë rast. Por sidoqoftë, është e gabuar!

Legjislacioni shqiptar, është duke shkuar përkrah atij të EU në përshtatje, dhe s'ka kthim pas në këtë çështje, kështu që sado që na revolton ky qëndrim i Tafaj, ai thjesht ka çelsat e kashtës sa i përket profilizimit fetar në shkolla, ku nuk shoh premisa për t'u miratuar si ligj në Parlament.

P.S: Më pëlqeu shumë arsyetimi i Xhufit.

[PINK]

Pse nuk mund t'i mesojne te gjitha?

Per cfare po I hyjne ne Pune te gjitha? E marrin mesazhin fetar nga njera vetem, e zeme catholic. Perse duhet te mesoj per muslims too?! Leqe eshte absurde kjo IDE . Ai/ajo qe eshte I interesuar shkon ne shkolle private ! Pse nuk hapin shkolla private keto kleriket dhe t'u japin edukimin e duhur atyre qe Kane deshire plus te provide nje edukim me te larte akademik se shkollat plera publike. Keshtu fitojne me shume vlera dhe studente ne te ardhmen. Po private AMA .

[dardajan]

Une per vete jam dakort por me disa kushte
1- Te jete vetem nje tekst i hartuar nga ateistet ku te flitet mbi lindjen e feve, dhe besimeve, rolin e tyre negativ ne shoqeri sepse ai pozitiv as qe behet fjale. Pra tju hapim syte femijve tane dhe ti tregojme te verteten mbi fete ne pergjithsi. Ky tekst te aprovohet nga ministria dhe te jete i detyrueshem per te gjith, pra te mos qarkullojne tekste te tjera qe hartohen nga vete bashkesit fetare.
2- Kjo lende te jete e lire, dmth me deshire kush do regjistrohet, kush nuk do te jete i lire, edhe ai qe e frenkuenton te mos jete i detyruar ta kaloje lenden por vetem per njohuri.
3-Te mos hapen klasa fetare dmth qe te kene prioritet lenden e fese dhe te mos pregatise fetare te ardhshem.
4- Krahas kesaj lende te shpjegohet edhe lufta e njerzimit per tu shkeputur nga injoranca fetare, duke dhene shembujt e atyre qe jane djegur ne tufen e druve ne menyr qe ne sot te kemi dije.
Mund te vendosen edhe pika te tjera, por kryesorja eshte qe mendja e femijve tane te mos ngarkohet me injorancen e shekujve te kaluar, por me dijen dhe me jeten e atyre qe luftuan kunder cdo lloj feje dhe injorance. Keto femijet dhe te rriturit duhet ti dine se pastaj ata fetaret neper shoqatat e tyre ja u bejne koken lemsh.
Ndersa ti thuash femijve ne lenden fetare qe ka nje zot dhe quhet muhamet, pastaj gessu, etcc.. dhe ne oren tjeter vjen nje mesues e ju flet per evuluzionin e nje tjeter per dicka tjeter do te thot ti corientosh ne vend qe ti orientosh.

Per mendimin tim truri i cdo njeriu eshte pasuri kombetare, dhe te kesh pasuri kombetare nje tru injorant, eshte kulmi i kulmeve.

[PINK]

Ca ja fut kot ti Dardajan. E pse qenka nje klase religion negative ? Shkollat e sotshme moderne bejne dhe lendet shkencore dhe religion. Dhe nje njeri I zgjuar Ben dallimin.

[Dritë]

Do ta kisha pershendet kete vendim nese e bejne si ne Austri.
- Lende zgjedhore dhe jo obligative- ku prindi vendos a do ta ndjeke femiju kete lende dhe te kete te drejte ta clajmeroje nese nuk eshte dakort.
- Simbas perkatesise fetare te ndjeken lendet dmth muslimanet per islam, katoliket per fene e tyre, ortodokset njejte per fene e tyre etj...
- Materiali mesimor dhe planprogrami te perpilohet nga bashkesite fetare dhe te miratohet nga Ministria Arsimit, e gjate mesimit te perdoren vetem keta materiale dhe mos kete hapesire per infiltrimin e materialeve tjera. Cdogje te kontrollohet rrepte me inspektore nga ministria arsimit qe mos ndodhin abuzime.
- Ministria e arsimit te perkujdeset per kuadrot e duhura dmth hapja e ndonje akademie /universiteti pedagogjik ku do te shkolloheshin kuadrot e ardhshme dhe jo femijeve te ju dergohen psh teolog pa bagazhin e duhur pedagogjik.


Vajza ime ketu e ndjek lenden fetare dhe fillimisht isha shume skeptike, madje deshta edhe ta clajmeroj se thoja me mire edukaten fetare ta merr ne familje dhe jo ne shkolle. Megjithate jam e kenaqur, arsimtarja eshte e mrekullueshme dhe angazhohet shume me femijet, mesojne edhe dije te pergjithshme rreth besimeve fetare ne pergjithsi (histori) po dominon kryesisht etika.
Bashkepunojne dhe bejne projekte te perbashketa me arsimtaren e historise dhe arsimtaret e besimeve tjera, ekskurzione, njohtojne besimet e njeri tjetrit, praktikat fetare etj.
Personalisht e shoh si nje menyre e mire per kultivimin e tolerances nderfetare dhe mirekuptimit te ndersjelle tek femijet.

[dardajan]

Ca ja fut kot ti Dardajan. E pse qenka nje klase religion negative ? Shkollat e sotshme moderne bejne dhe lendet shkencore dhe religion. Dhe nje njeri I zgjuar Ben dallimin.

Sepse shkolla duhet te pregatise njerez qe te cojne perpara shoqerin dhe jo mbrapa. Pastaj nese dikush do te behet fetar le te ndjeke shkollat fetare nese ka por jo ne shkolle shteterore. Te ishte per mua do ti mbyllja te gjitha shkollat fetare pasi jane vatra injorance. Nje njeri i zgjuar nuk shkon ne nje shkolle fetare. Dhe nje prind i zgjuar nuk emeson femijen si te behet hoxhe apo prift.

[user010]

Nuk mjafton qe shkolla eshte nje cirk*, si ai cirku medrano, duhet ta bejme m@t fare shkollen?! Ca dreqin ka secili ne mendje duhet ta han femijet ne kurrize, duhet prinderit te reagojne!

*Prodhon shum njerez pa dituri, prodhon disa te tjere vetem me dituri teknike, vetem nje pjese e vogel e nxensve mundet ti rezistoje sistemit shkollor edhe te shikoj fotografin e plot!