Kuriozitete Nga Shkenca Dhe Jeta

[ATMAN]

Fuqinë e jashtëzakonshme të Hënës dhe ndikimin e këtij sateliti në vetë Tokën – paraardhësit tanë kaherë e kanë pasur të njohur, andaj, bazuar në këtë realitet, ata gjithmonë përshtatnin dhe orientonin përditshmërinë e tyre sipas këtij ritmi.

Atë që e dinin gjyshërit tanë – tash është dëshmuar edhe shkencërisht: Hëna ndikon dukshëm në ndryshimin e jetës tonë.
Pas disa vite hulumtimi dhe studimi të bëra në këtë drejtim, Jehona Paunger dhe Tomas Pope, të arriturat e tre kërkimore rreth ndikimit të Hënës në përditshmërinë tonë, këto ditë, me sukses i kanë prezantuar në një artikull të gazetës më të lexuar gjermane “Bild”.
Shikimi i këtyre dy studiuesve në lidhje me ndikimet e Hënës, ka ngjallur një interesim të madh tek lexuesit e kësaj reviste prestigjioze me tirazh disa milionësh.
Por, çka do të duhej të dimë fillimisht për Hënën?

KATËR GJENDJET E HËNËS

Hëna në të mbushur shihet dy deri tri herë pas Hënës së re dhe duket si hije e argjendtë në errësirën e natës. Ajo përhap siguri, veçanërisht pas një etape të pesimizmit, me bindje se gjërat, megjithatë, sërish do të ecin para. Hëna e plotë është si një festë. Dielli dhe hëna qëndrojnë përballë njëri-tjetrit dhe e marrin tokën në mes, si prindi fëmijën e tyre. Koha është për veprime të mëdha dhe dashuri.
Hëna në të sosur simbolizon aktin e dhënies dhe dhuratat. Koha është për shërim (operacionet) dhe e përshtatshme për mbjellje dhe vjelje të bimëve.
Hëna e re figurativisht simbolizon babanë. Kush agjëron në këtë ditë, ai e pastron mirë trupin nga helmet. Gjithashtu, edhe fillimi i ndonjë diete, çfarëdo nisme e re, biznes, ose farë kurimi për dobësim, në këtë periodë do të mbështetet nga Hëna.

KALENDARI HYJNOR

Hëna që “është ngrënë” pakëson energjitë tona. Trupi është i dërmuar dhe i rraskapitur, ka nevojë për qetësi. është faza e pjekurisë dhe e gjykimit për spastrimin e keqkuptimeve brenda familjes dhe në profesion. Operacionet gjatë kësaj kohe kanë më shumë gjasa dhe mundësi të jenë të suksesshme, proceset e shërimit përparojnë, gjithashtu, më shpejt. Pastrimi, fshirja, larja dhe heqja e peshës bëhen më lehtë. Pastrimi i gjakut përmes çajit të hithit gjatë kohës sa Hëna “hahet”, është një mjet shërues i famshëm. Të vjetrit tanë e dinin mirë se, trupi pas një dimri rraskapitës është si i rrahur, gjë që ndikon në kolesterinën. Në pastrimin e hershëm – “pastrimi i gjakut”, në këtë periodë, aktivizon kapacitetin e plotë të funksionalitetit të veshkave.
“Të vjelat” e kopshtit (kose të tarracës): bimë, perime dhe fruta të vilen shkurt pas Hënës së plotë. Ato pastaj kanë shije intensive. Edhe patatet dhe kërpudhat gjatë kohës së Hënës së plotë kanë aromë të plotë.

Agjërimi ka sukses në humbjen e kilogramëve të tepërt më së miri tri ditë para Hënës së plotë dhe tri ditë pas Hënës së plotë. Gjatë kësaj kohe sa jeni në dietë, pini së paku dy litra ujë në ditë! Flokët. Ngjyra rri më gjatë, nëse ato përdoren gjatë kohës sa hëna vjen duke u përplotësuar. Larja dhe prerja e tyre preferohet, nëse Hëna është në kuadër të shenjës së Luanit.
Lakrat këputni paradreke vonë, kur vesa tashmë është tharë dhe i magazinoni gjatë kohës kur Hëna “hahet”. Kjo shmang mykun, ndërkaq cilësia dhe fuqia ndikuese e tyre mbetet e lartë. Dashura dhe të qenit të këndshëm (të “ëmbël!”) – Hëna e plotë është romantike e madhe. Jo rastësisht dhe jo pa shkas, ajo është pagëzuar edhe si “planeti erotik”. Gjatë Hënës së plotë ndryshohet fusha magnetike e Tokës. Fuqia e diellit dhe Hënës përshkrojnë trupin tonë dhe i bëjnë hormonet t’ia thonë valles.
Nëse Hëna qëndron në rrethin e shenjës së Peshores në Horoskop – është mirë për stërngopje, për ata që janë fizikisht të dobët si dhe për plehërimin e bimëve. Rekomandimet për ushqim gjatë kësaj periode: Hani më pak, ndërkas pas orës 18:00 mos hani më, nëse agjëroni, atëherë nuk është e mundur ta përballoni. Pini rreth 2 litra lëngje deri në ora 19.00, pastaj vetëm nëse keni etje.

KUR HËNA ËSHTË E RE – KENI MË SHUMË ENERGJI!

Hëna e re, faza e energjisë: Shikuar në rrafshin astronomik rrëshqet në mes Tokës dhe Diellit, fytyra e saj është zhytur tërësisht në errësirë. Lëreni çdo gjë të shkojë rrugës që është nisur. Startoni sërisha nga e para – një fillim i ri i mbarë (dieta, shpërngulja…) Në këtë fazë, madje edhe medikamentet, kanë ndikim më të mirë.
Pemët dhe lëngjet natyrore ju bëjnë posaçërisht mirë në periudhën para Hënës së re dhe para Hënës së plotë.
Këshillë: Në këtë periudhë bioproduktet kanë më shumë materie ushqyese dhe aromë natyrore.
Pelingu po u përdor kur është Hëna në të “sosur”, e mban lëkurën shumë gjatë të lëmuar dhe të shëndoshë, por edhe të këndshme (lezetshme). Kjo këshillë nuk vlen kur është Hëna nën shenjën e Horoskopit-Peshk.
Kositja e barit. Për rritje të shpejtë bëhet, zakonisht, kur Hëna është duke u mbushur dhe qëndron në shenjën e Horoskopit të Gaforres ose të Akrepit.

PAS HËNËS SË PLOTË RRITET DËSHIRA PËR SEKS!

Seksi: Frytshmëria dhe gjallëria më të theksuara janë tetë ditë pas Hënës së plotë (të gushtit), dhe gjatë kohës sa Hëna është në të “sosur”. Kjo periodë është parashenja dhe parakushti më i mirë për pranim të fetusit, ngase dëshira për seks rritet.
Edhe ritmi ditor i organeve gjatë kësaj periode ndryshon. Për shembull, te stomaku vërehet aktivitet i lartë prej orës 7.00 deri në ora 9.00, ndërsa faza e qetësisë, prej orës 9.00 deri në ora 11.00.
Hëna e plotë: Somnambulët (ata që shëtisin natën në gjumë) si dhe ata që flasin në gjumë, do të bëhen më aktiv, sepse në këtë periodë pengesat gjatë të fjeturit janë më të shpeshta. Në rrafshin astronomik, gjatë kësaj periode. Hëna qëndron prapa Tokës dhe është tërësisht e zënë nga Dielli.
Rrobat lahen më së mirë gjatë kohës sa Hëna është duke u mbushur, dhe ato, menjëherë pas larjes duhet nderen (të shtrihen) për t’u tharë.
Hëna që shkon duke u mbushur rezervon energji. Sa më shumë i ofrohet përplotësimit të saj (Hëna e plotë), aq më i fortë bëhet ndikimi i saj. Kjo periodë është koha optimale për biseda të vështira. Por, keni kujdes! Mos merrni kurrë diçka pësipër si obligim!

[Bajraku]

Një mësuese kineze duk abuzuar me nxënësit e saj të vegjël. Mësuesja shfaqet duke rrahur fëmijët, sa herë që ata nuk i përgjigjen saktë pyetjeve të saj.
Regjistrimi është bërë në një klasë parashkollorësh, në Taiyuan, në provincën veriore Shanxi
Videoja 30 minuta, numëron rreth 120 goditje të mësueses ndaj fëmijëve

https://www.youtube.com/watch?v=Hw9R...hannel&list=UL

[EuroStar1]

Një kompani britanike ka zhvilluar mënyrën në të cilën nga uji dhe ajri mund të krijohet lënda djegëse. Ata shpresojnë që kjo teknologji një ditë në masë të madhe do t’i kontribuojë prodhimit të lëndëve djegëse ekologjike.

Inxhinierët e kompanisë Air Fuel Synthesis (AFS), nga Anglia veriore, gjatë tre muajve kanë arritur të prodhojnë pesë litra të kësaj lënde djegëse. Teknika përfshin nxjerrjen e dyoksidit të karbonit nga ajri dhe hidrogjenit nga uji dhe kombinimin e tyre në reaktorin me katalizator, për të fituar metanolin. Metanoli pastaj konvertohet në lëndë djegëse.

Shkencëtarët që qëndrojnë pas projektit thonë që me përdorimin e energjisë së ripërtërishme për të filluar procesin është e mundshme të krijohet karburanti neutral sa i përket karbonit i cili mund të përdoret në mënyrë identike sikurse edhe karburanti standard.

“Ky karburant është shumë më i pastër sepse është sintetik. Në të gjendet vetëm ajo që është e nevojshme për funksionimin e tij. Në të nuk ka ndotës”, ka thënë Peter Harrison, drejtor ekzekutiv i AFS-së.

Hulumtimi i deritashëm është pjesë e projektit dyvjeçar, i cili deri tani ka kushtuar rreth një milionë funte. Megjithatë, ky karburant nuk do të gjendet shumë shpejt në pompat e benzinës, përcjell Reuters. “Nuk mund ta bëjmë me çmim të volitshëm. Megjithatë, shpresojmë që një ditë do ta arrijmë edhe këtë”, ka shtuar Harrison.

AFS për momentin shpreson që do të ndërtojë stabilimentin komercial i cili do të prodhojë rreth 1.200 litra të këtij karburanti në ditë.

[ATMAN]

3 dhjetor 2012

mbas 2737 vjetesh mund te shikoni ne qiell te rrjeshtuara planetet venusit saturnit dhe merkurit me tre piramiadat e gizes

nje eveniment astronomik i rralle

[RaPSouL]

Njerëzit më parë kanë jetuar 900 vjet


Mistere

Shumë të dhëna që tregohen në Bibël, Kuran dhe vepra tjera të lashta religjioze tregojnë se njerëzit në një kohë kanë qenë më shtatlartë nga konstruksioni dhe kanë jetuar edhe deri në 900 vjet, kohët e fundit sikur po gjejnë mbështetjen e vet racionale të dëshmimit mbi ekzistimin e një mundësie të tillë.

Ndikimi i gravitetit

Shekulli XXI, krahasuar me lëmenj të tjerë të shkencës, pa dyshim, do të karakterizohet me zhvillimin e një dege tejet të rëndësishme të mikrobiologjisë e quajtur gjenetika. Në mes tjerash, falë zbulimeve të mëdha teknologjike, e posaçërisht të asaj dixhitale mikroelektronike, është arritur, jo vetëm në përcaktimin e hollësishëm të kodit gjenetik, si qendër e memories në të cilën paraprakisht është gravuar dukja dhe përbërja e konstruksionit tonë fizik, por kjo njohuri ka shkuar aq larg, saqë, ka arritur ta bëjë edhe klonimin (dublimin) e gjallesave tjera, si dhe të vetë njeriut. Bazuar në këto të dhëna të gjenetikës, tashmë fare nuk është i dyshimtë fakti se trupgjatësia si dhe elementet e tjera të konstruksionit tonë fizik janë të definuar në kodin e gjeneve si informatë programore, përmes së cilës trashëgohen tek të gjitha lindjet e tjera. Më konkretisht me këtë nënkuptohet se, ashtu sikur dukemi tani nga pamja, aq jemi të gjatë, ashtu si e kemi ngjyrën e syve, flokëve… së bashku edhe me disa karakteristika tjera fizike-trupore, të gjitha këto më parë kanë qenë të parapërcaktuara në kodin tonë gjenetik si informatë. Kjo teori, edhe pse e dëshmuar saktë, kohën e fundit, nën hijen e disa fakteve të reja, sikur fillon të luhatet duke u pasuruar edhe me një rrethanë të re që ndikon në përcaktimin e shkaktarit të trupgjatësisë dhe jetëgjatësisë te ne. Pas kthimit, tek shumë astronautë që kanë udhëtuar në hapësirën kozmike pa peshë, hapësirë kjo ku nuk vepron forca e gravitetit të tokës, është regjistruar një rritje e tyre trupore për disa centimetra. Fillimisht na duket se këtu nuk ka asgjë të jashtëzakonshme, sikur mosha mesatare e tyre astronautëve të mos ishte ndërmjet të dyzetave dhe të pesëdhjetave, periudhë kjo e jetës së njeriut, e cila nuk konsiderohet si fazë optimale për një rritje natyrore.

Ku mbështetet kjo teori?

Nëse merren si të pakontestueshme zbulimet gjenetike se konstruksioni dhe elementet e tjera të pamjes tonë fizike paraprakisht janë të gravuara në kodin gjenetik si informatë, atëherë kjo informatë e koduar si fuqi e brendshme ekzistenciale, ka tendenca që me çdo kusht të veprojë kah përmbushja. Ndërsa, në anën tjetër, edhe gravitacioni si forcë reale vepron në bazë të principeve të veta të natyrshme. Gërshetimi i këtyre dy forcave shkakton një gjendje të re: të veprimit të vazhdueshëm të të kundërtave dhe reagimin e pashmangshëm të trupit në këto veprime të pandërprera antagoniste. Çfarë ndodh më tej në këtë proces? Si reagim do të kemi “tretjen e trupit” ose amortizimin e tij gradual, që ne e cilësojmë si plakje. Bazuar në këtë konstatim, në hapësira të caktuara gjeografike ku graviteti i tokës është më i vogël, dëshmohet ekzistimi i një kategorie të popullatës më të shprehur trupgjatë ose e kundërta. Një gjë e njëjtë na shfaqet edhe tek plakja dhe jetëgjatësia. Në Kaukaz të Rusisë, ta zëmë, është evidentuar një dukuri e jetëgjatësisë së popullatës edhe mbi 100-150 vite. Nëse përfundimisht pranohet kjo hipotezë si reale, patjetër do të na shpinte kah rikthimi i sërishëm në kohët biblike ku tregohet se atëbotë njerëzit kanë jetuar me qindra vite dhe kanë qenë shumë më trupgjatë se ne sot. Kuptohet! Sipas të gjitha ligjeve natyrore, një jetëgjatësi është e pamundur, andaj edhe do të ishte e arsyeshme pse këto tregime nga veprat religjioze deri më sot janë konsideruar si mitologjike. Por, sot, me udhëtimet e njeriut në kozmos dhe vërtetimit të një rrethane të re se, kozmonautët gjatë qëndrimeve të tyre jashtë veprimit të forcës së gravitetit arrijnë një rritje trupore dhe për disa centimetra, më bindshëm e pasurojnë hipotezën e ndikimit të gravitetit në rritje dhe plakje të organizmit si reagim ndaj këtij ndikimi. Pse jo, edhe të dëshmimit të mundshëm të tregimeve biblike se njerëzit dikur kanë qenë trupgjatë dhe kanë jetuar edhe disa qindra vjet?!!

Shqipmedia

[Toffee]

Ne mengjes njeriu eshte 1-2 cm me i gjate sesa ne mbremje nga mungesa e forces te gravitetit mbi disqet ne shtyllen kurrizore gjate nates. Kshu qe jam cikez skeptik sesa realishte jane zgjatur astronautet ne hapsire. Nje nga efektet e tjera qe ka mungesa e gravitetit eshte edhe osteoporoza e parakohshme.

Ndersa per punen e gjenetikes..me aq sa kam lexuar kuptohet qe genet jane te rendesishem por sjane absolut ne vendosjen e gjatesise se nje personi.
Gjithmon ambienti (ku perfshihet edhe ushqimi) ka rolin e vete edhe kjo vihet re ne studimet e binjakve.
Spo flas per tipare si ngjyra e syve..por per karakteristika/semundje ku shume grupe genesh ndikojne.

[Tipiku]

Jemi të vetëm në univers?

Sa gjatë do të jetojmë?

A ekziston Zoti?

Këto dhe shumë pyetje të tjera i janë shtuar çështjeve të pazgjidhura të shkencës
Janë pyetjet klasike universale ato që bëjmë të gjithë,por për të cilat askush nuk mund të japë një përgjigje të saktë, sepse presupozojnë një akt besimi të pamundur për t’u regjistruar në një fushë shkencore (A ekziston Zoti?); janë shprehje të një dëshire, që për momentin mund të jenë të realizueshme vetëm në kinematografi, (A mund të udhëtohet në kohë?), ose frikë që buron nga skenarët e parashikimit të Majave (Kur do të jetë fundi i botës?). Jo rastësisht këto shqetësime janë bërë pjesë e një klasifikimi të quajtur “misteret e pazgjidhura”, të listuara nga kanali televiziv anglez “Eden”, në bazë të një sondazhi të ideuar për prezantimin e muajit të shkencës.
“Kush ka lindur e para, veza apo pula?”

Ndër pyetjet e mbetura jashtë klasifikimit janë edhe ato që i kemi dëgjuar të bëhen zakonisht, por që vazhdojnë të mbeten pa përgjigje (Kush ka lindur e para, veza apo pula?) ose janë dyshime të përditshme banale (A fiket vërtet drita e frigoriferit kur mbyllet dera?). Gjithsesi, pjesa më e madhe e çështjeve, që kanë nxitur më shumë kureshtjen janë ato shkencore. Jo më kot, ¾ e 2 mijë të rriturve britanikë, të cilët kanë marrë pjesë në studim, në lidhje për këtë gjë janë shprehur se i tërheq jashtëzakonisht shkenca, ndërsa një përqindje më e vogël thotë se kanë shumë informacione rreth çështjeve shkencore. “Informimi ynë ndaj shkencës lëviz me një shpejtësi marramendëse dhe të mendosh që kanë kaluar mbi 500 vjet, kur shumica e njerëzve besonte se Toka ishte e sheshtë. Muaji i shkencës do të shërbejë pikërisht për të zgjidhur disa prej këtyre dyshimeve universale, edhe pse kemi ende shumë për të mësuar.”, ka shpjeguar menaxheri i përgjithshëm i kanalit televiziv për “Daily Mail”.
Kështu, mes 54% të njerëzve, që pyesin “A jemi vetëm në univers?” dhe 46% që shpresojnë në gjetjen e një kure përfundimtare për kancerin, ka edhe 39% që pyesin për ekzistencën e Zotit, ndërsa 27% duan të dinë nëse do ta pushtojmë ndonjëherë hapësirën. Por për të gjithë ata që duan të dinë listën e plotë të çështjeve të pazgjidhura, për të cilat janë dhënë vetëm disa shpjegime të thjeshta shkencore, mund të lexoni klasifikimin e mëposhtëm.

“Top-ten” i mistereve të pazgjidhura shkencore

Jemi të vetmit në univers? – 54%

Sipas shkencëtarëve, universi mund të ketë shumë sisteme planetare, ku mund të zhvillohen forma të ndryshme jete, por ne nuk kemi ende në dispozicion mjetet e duhura teknologjike për të parë miliona vjet dritë larg për t’u lidhur me ta.

A do të gjendet ndonjëherë kura për kancerin? – 46% Statistikat e mbijetesës së formave të ndryshme të kancerit janë përmirësuar. Këtu kanë ndikuar edhe trajtimet e reja kundër sëmundjes dhe shpresohet që në të ardhmen të gjendet një kurë e saktë, që pacientët të jetojnë më gjatë.

3 – A ekziston Zoti? – 39%

Nuk ka ende ndonjë konfirmim empirik dhe shkencor për ekzistencën e Zotit.

4 – Sa e madhe është hapësira? – 33%

Disa astronomë janë të bindur se nuk ka kufij, të tjerë thonë se nga Big Bengu hapësira është zgjeruar me një diametër rreth 150 miliardë vjet dritë.

Si dhe kur ka nisur jeta në Tokë? – 30%

Ka pasur shumë teori nga bakteret që kanë hyrë në marrëdhënie simbiotike, te rrymat e ndryshme që kanë kaluar përmes kores së tokës.

A është e mundur të udhëtohet në kohë? – 29%

Teorikisht mund të udhëtohet falë vrimave depërtuese, por këto janë të paqëndrueshme dhe për të mbajtur hapur një të tillë do të nevojitej gravitet i madh.

A do ta pushtojmë ndonjëherë hapësirën? – 27%

Ndoshta. Disa theksojnë se duhet të marrim në konsideratë idenë e krijimit të kolonive në një pjesë tjetër të sistemit diellor, në rast se Toka do të bëhej e pabanueshme.

Me çfarë mund të zëvendësohet nafta dhe kur? – 27%

Burimet e energjisë alternative tashmë janë në dispozicion, por duhen mbajtur nën kontroll kostot nëse duhet zëvendësuar nafta. Megjithatë janë bërë përparime në nanoteknologji, ku mund të gjejmë edhe një përgjigje rreth asaj që kërkojmë.

Kur do të përfundojë bota? – 24%

Teoritë thonë se një ditë universi do ta përfundojë ciklin e zgjerimit të tij dhe gjithçka do të jetë në kolaps; temperatura do të arrijë në 0ºC dhe “energjia e zezë” do të mbizotërojë mbi forcën e gravitetit.

Me sa vite jetë mund të zgjatet jeta e njeriut? – 20% Eksperimentet e kryera te kaviet i kanë bindur shkencëtarët se njeriu mund të jetojë mbi 100 vjet.

[klajdi wolf]

Astronomet gjeten menjehere pese planete te reja, midis tyre dhe nje potencialisht te banueshem prane yllit te njohur Tau Ceti, ku shkencetaret qe gjysme shekulli me pare kane kerkuar sinjale te qyteterimeve jashtetokesore, thuhet ne nje artikull te botuar ne revisten “Astronomy & Astrophysics”.

Ylli Tau Ceti ne konstelacionin Cetus (HD 10700) ndodhet 11.9 vjet drite larg nga Toka dhe eshte shume i ngjashem per nga parametrat e veta me Diellin. Shkencetaret gjeten deshmi te pranise se nje sistemi planetar te yllit.
Pervec kesaj, nje nga planetet e Tau Ceti, periudha e rrotullimit e te cilit eshte 168 dite, ndersa masa sa 4.3 e asaj te Tokes – u ndodh ne “zonen e jetes” – fushes ku ka kushte per ekzistencen e organizmave te gjalla.

[klajdi wolf]

Në një ditë kur parashikimet për fundin e botës u hodhën poshtë, NASA solli lajme më të mira për Tokën. Një asteroid, i cili mendohej se do të përplasej me planetin tonë, nuk përbën më rrezik. NASA u shpreh se pasiguritë e mëparshme për orbitën e asteroidit, i njohur si 2011 AG5, tashmë tregojnë se nuk ekziston një mundësi e tillë e goditjes së Tokës në shkurt të vitit 2040.

Për tu siguruar se çfarë mund të ndodhë me asteroidin në të ardhmen, NASA bëri thirrje që të bëheshin më shumë vëzhgime. Astronomë nga Universiteti i Hawait, në Manoa, ndërmorën një përgjegjësi të tillë dhe u përpoqën ta vështronin asteroidin disa ditë në tetor. Sipas studimeve të NASA-s, rreziku i përplasjes në vitin 2040 u eliminua. Si transmeton BW, në bazë të studimeve të reja, pozicioni i Tokës në shkurt të vitit 2040 nuk bën pjesë në rrugët e ardhshme të asteroidit.

[klajdi wolf]

Karikimi me wireless i telefonave celulareve ne makina do te behet i disponueshem qe ne fillim te vitit te ardhshem.

Sic njoftoi Korporata radiotelevizive britanike BBC (BBC Broadcasting Corporation), pajisja e re karikuese paraqet ne vetvete nje qilim te vogel. Per te kryer karikimin do te jete e mjaftueshme vendosja mbi te e telefonit celular.
Kompania japoneze e prodhimit te automobilave “Toyota” do ta prezantoje kete pajisje (angl. in-car wireless phone charging capability) ne sedanin e ri “Toyota Avalon”. Ajo do te kushtoje rreth 2.000 $.

[Ke-ler]

C'do dite planeti Toke ngadalesohet 0,0000007 sekonda me shume nga dita e meparshme.

[Timianonimi]

Univerzi Elektrik

Nje film dokumentar ne lidhje me astronomine por nga nje perspektive krejt tjeter, bazat themelore dhe principet e Univerzit elektriki! Vrojtimi I fenomeneve kosmologjike nga perspektiva e rrymave elektrike ne kosmos dhe pasojat e rrymave (fusha magnetike prezente ne kosmos mund te gjenerohet vetem prej rrymes elektrike).

Sqarimet e fenomeneve kosmologjike qe nuk kane sqarim ne teorine standarde me fenomene elektrike:

-Plazma dhe fenomenet e saj qe verehen ne kosmos, pulsaret (levizja e yjeve neutronike rreth njeri tjerit deri ne 300 here ne sekond sipas teorise standarde dhe sqarimi nga kendveshtrimi i univerzit elektrik ),

- Spekulimi i formimit te galaktikes spirale si pasoje e interaksionit te dy reve te ngarkuara elektrike dhe simulimi ne superkompjuter.

- Rrymat elektrike qe rrjedhin ndermjet yjeve ne kosmos si dhe ndermejet galaktikave, duke i verejtur fushat magnetike qe jane si pasoje e ketyre rrjedhjeve elektrike!

-Vrimat e zeza si burime elektrike te energjise

-Shendritja e kometave dhe anomalite kur sonda zbrit ne komete (levizja e grimces se elektrizuar ne nje fushe potenciale ),

- Pikat e diellit ("sun spots") qe jane me te ftohta se siperfaqja diellit. Temperatura e diellit me e larte ne siperfaqe se sa ne brendesi te diellit etj

- Sqarimi i mitologjive te lashta boterore si fenomene te Univerzit elektrik etj

Per me teper shih filmin per detaje:

http://www.disclose.tv/action/viewvi...fficial_Movie/

[klajdi wolf]

Kush do e provonte kete?

[[Asteroid]]

Ura më e gjatë në botë është hapur zyrtarisht për trafik në bregdetin kinez në qytetin Qingdao.

[CRI]

Aeroxheli plotësisht prej karboni është lënda e ngurtë më e lehtë në botë, me një dendësi vetëm 0.16 miligram për centimetër katror, sa një e gjashta e dendësisë së ajrit. Kjo lëndë është përpunuar ditët e fundit nga shkencëtarët e Universitetit të Zhejiang-ut të Kinës.

Ky lloj aeroxheli mund të përdoret në shumë fusha, si p. sh., në rastet e derdhjes e naftës në det, në pastrimin e ujit dhe të ajrit etj. Ai gjithashtu mund të shërbejë edhe ruajtjen e energjisë e të temperaturës, si katalizator dhe thithës zhurmash etj.

http://albanian.cri.cn/321/2013/03/19/183s121495.htm

[Mr-Bledi]

Duhet ta them, teknologjia po rritet me hapa viganë. Kësaj here bëhet fjalë për një material të quajtur grafin (Graphene) i bazuar në karbon, biodegradues, kushton pak për tu prodhuar dhe është materiali më rezistent i planetit.
Shkencëtarët e kanë studiuar grafini që nga viti 1840. Grafini përbëhet nga grafiti, i njëjti material që gjendet në përbërjen e lapsit.
Të gjithë e dijmë se pilat e baterisë janë shumë bezdisëse, janë tëmëdha, mbarohen shpejtë, tejnxehen, të rrezikshme... etj.

Po sikur të zëvëndësonim batëritë e zakonshme me super kapacitorët prej grafini. Super kapacitorët ndryshe nga bateria nuk kanë mbushje kimike për të prodhuar elektrone. Këto super kapacitorët përqëndrohen vetëm tek grumbullimi i elektroneve. Vetëm pas disa sekondash karikim, shkencëtarët nga departamanti i UCLA zbuluan që këto super kapacitorë janë në gjendje të mbajnë një llambë LED ndezur për disa orë.
Nëse shkencëtarët do ta hidhnin në treg këtë shpikje, kjo do të thotë se bateria e celularit do të karikohej vetëm në disa minuta dhe baterinë rezerve mund ta bënim tubë dhe ta mbanim në xhep. Rezerva më të mëdha energjie në madhësi më të vogla.
Edhe pasi të jenë mbaruar ky super kapacitor nuk është as i dëmshëm për mjedisin, sepse meqë është i përbërë prej grafiti, ai mund të kthehet në humus dhe ta përdorni për rritjen e bimëve.
Pergatiti: Mr-Bledi / Revista Shkencore - http://revistashkencore.blogspot.com

[shigjeta]

Tani është e mundur të mashtrosh përmes GPS-it

Testi, i zhvilluar gjatë muajit të kaluar në brigjet italiane, është një ndër më të sofistikuarit që është realizuar me GPS dhe është fryt i një pune disa vjeçare të grupit nga Universiteti i Teksasit. Kërkuesit amerikanë ia kanë dalë të modifikojnë sinjalet GPS (Global Positioning System) duke dërguar një jaht qindra metra larg itinerarit e duke “mashtruar” ekuipazhin se ai po i përmbahej rrugës së duhur. Një marrës i zakonshëm GPS bazohet në sinjale nga të paktën katër satelitë, por saktësia përmirësohet me rritjen e numrit të satelitë. Në oqean mund të arrihet të merren sinjale nga mbi 10 satelitë në të njëjtën kohë. Duke njohur vendndodhjen e secilit satelit dhe kohën e saktë kur arrin sinjali, është e mundur të përcaktohet vendndodhja e marrësit me një saktësi që matet me metra. GPS punon duke matur sinjalet e marra nga satelitët që gjenden në orbitë rreth 20 000 km mbi Tokë. Nëse sinjali i një sateliti të vetëm do të ishte i rreme, atëherë sistemi mund ta përjashtonte duke qenë se nuk përputhej me sinjalet që vijnë nga satelitët e tjerë. Nëse gjysma e tyre nuk janë të sakta, atëherë sistemi fillon “të dyshoj”’ për një hakim të mundshëm. “Ne kemi imituar gjithë grupin e GPS-ëve. Për të ngatërruar sistemin GPS të jahtit, kërkuesit duhet të gjeneronin sinjale të rreme që ishin të ndryshme nga ato të vërtetat. Teorikisht, sistemi i navigimit do t’i pranonte sinjalet, por vendndodhja nuk do të ishte ajo e sakta. Todd Humphreys, një nga kërkuesit u shpreh: “Kishim vendosur një pjesë të kundërt qëllimi që ishte përgjegjëse për çdo sinjal që vinte nga satelitët. Kur takoheshin me sinjalet e vërteta në marrës, ato tonat ishin më të fort”.

UTV

[Bestwall]

Raportet e fundit mediale thonë se Google është në bisedime me gjigantët e prodhimit të automobilave, për të parë mundësinë e projektimit dhe prezantimit të makinave të reja, pa vozitës.
Lajmi vjen nga ish gazetari i Wall Street Journal, Amir Efrati, i cili aktualisht raporton për jessicalessin.com

Sipas Efratit, Google ka mbajtur bisedime me Magna International dhe Continental AG, një nga furnizuesit më të mëdhenj në botë për auto pjesë, për ndërtimin e makinave pa shoferë, të cilat do të dizajnohen nga Google.

Gazeta gjermane Frankfurter Allgemeine Zeitung kishte raportuar më parë se Google është afër mbylljes së marrëveshjes me Continental.

Gjithashtu është thënë se Google është duke menduar ta krijojë flotën e saj të makinave "Robo-Taksi", edhe pse ende është e paqartë nëse ajo ka në plan që ta menaxhojë vetë njësinë e biznesit të automobilave, apo do t’ia shesë atë palëve të treta.||Burimi Http://njoftime.co

[Bestwall]

Nëse jeni nervoz si tip, një kërkim i ri nga Georga Tech një ditë mund të ua shfrytëzoj energjinë tuaj negative për të pasur një celular plot bateri.
Shkencëtarët të cilët në kërkimet e kaluara kanë përdorur energjinë piezo-elektrike nga ecja, kanë krijuar energji statike nga lëvizja mes plastikës dhe metalit, ngjashëm me procesin e elektrizimit të balonit kur preket me flokë.

Pjesa mbushëse ishte rritur me një sasi të pëlqyeshme duke ndjekur rrugën e sipërfaqes në nivelin "nanoscale", duke lejuar “efektin triboelektrik” të shumëfishohet dhe konvertohet deri në 15 për qind nga energjia mekanike në elektricitet.

Rreth 50 materiale të ngjashme janë bashkuar nga kompania për të krijuar materialin e nevojshëm - pjesën prej 2 inç e cila mund të vendosej si shirit në krah dhe të përdorej për mbushje të baterisë së telefonit.

Deri tani, teknologjia funksionon shumë mirë në laborator por mbetet të shihet nëse vibracionet e jetës reale mund të gjenerojnë energji të mjaftueshme për t’a bërë këtë pajisje praktike.

Derisa prisni të shihni se si do të vazhdoj gjenerimi i kësaj teknologjike, jini të relaksuar të pini edhe një kafe.//Njoftime.co//

[ATMAN]

10 fakte te pabesueshme per trurin

- Impulset nervore nga dhe drejt trurit lëvizin me një shpejtësi prej 274 km/orë. E keni pyetur ndonjëherë vetën se si mundeni të reagoni kaq shpejt ndaj ngacmimeve rreth jush? E gjithë kjo realizohet falë super-shpejtësisë së impulseve nervore që kalojnë nga truri te pjesa tjetër e trupit dhe anasjelltas. Këto reagime janë po aq të shpejta sa një makinë luksoze sportive.

- Truri funksionon me të njëjtën sasi energjie sa një llambë 10 vat. Madje edhe kur jeni në gjumë.

- Qeliza e trurit të njeriut mund të mbajnë 5 herë më shumë informacion sesa “Encyclopedia Britannica”. Shkencëtarët ende nuk e kanë përcaktuar përfundimisht, por mendohet se kapaciteti i magazinimit të trurit në terma elektronikë mendohet të jetë mes 3 dhe 1000 terabajt. Arkivat Kombëtare të Britanisë, të cilat mbajnë mbi 900 vjet histori, zënë vetëm 70 terabajt, çka tregon fuqinë mbresëlënëse të trurit tuaj.

- Truri përdor 20% të oksigjenit që hyn në gjak. Truri përbën vetëm rreth 2% të masës sonë trupore, por konsumon oksigjen më shumë se çdo organ tjetër, çka e bën jashtëzakonisht të ndjeshëm ndaj mungesës së oksigjenit. Ndaj merrni frymë thellë për ta mbajtur trurin “të lumtur” e duke “notuar” në qeliza të oksigjenuara.

- Truri është shumë më aktiv gjatë natës sesa ditën. Logjikisht mund të mendoni se hallakatja, llogaritë e vështira dhe marrëdhëniet e ngarkuara çdo ditë gjatë orëve të punës duan më shumë energji se, fjala vjen, të shtrirët në krevat. Megjithatë, e kundërta është e vërtetë. Kur ju pushoni, truri “ndizet”. Shkencëtarët ende nuk dinë ta shpjegojnë këtë, por mund t’i faleni punës së palodhur të trurit tuaj gjatë gjumit, për ato ëndrrat e këndshme që shikoni.

- Sa më të lartë ta keni koeficientin e inteligjencës, aq më shumë ëndërroni. Ndërsa kjo mund të jetë e vërtetë, mos e merrni si mungesë inteligjence faktin që ndonjëherë nuk arrini t’i kujtoni ëndrrat. Shumica prej nesh nuk i mban mend, pasi kohëzgjatja mesatare e një ëndrre është 2-3 sekonda, e pamjaftueshme për t’u regjistruar në tru.

- Neuronet vazhdojnë të rriten përgjatë jetës. Për vite me radhë shkencëtarët dhe mjekët mendonin se truri dhe indet nervore nuk mund të rriteshin apo përtëriheshin. Ndryshe nga indet e shumë prej organeve të tjera të trupit, neuronet rriten përgjatë gjithë jetës suaj. Ky zbulim hap një dritare të re në studimin e trurit dhe sëmundjeve që e prekin atë.

- Informacioni lëviz me shpejtësi të ndryshme në lloje të ndryshme neuronesh. Jo të gjithë neuronet janë njëlloj. Disa mund të transmetojnë impulset me rreth 0.5 metra/sekondë, disa të tjerë me 120 metra/sekondë.

- Truri në vetvete nuk mund të ndiejë dhimbje. Ndërsa truri mund të jetë qendra e dhimbjes kur prisni gishtin apo digjeni, në vetvete ai nuk ka receptorë dhimbjeje dhe nuk mund ta ndiejë atë. Por kjo nuk do të thotë se nuk mund t’ju dhembë koka. Truri është i mbështjellë nga shumë inde, nerva dhe enë gjaku, shumë të ndjeshme ndaj dhimbjes e që mund t’ju bëjnë t’ju buçasë koka nga dhimbja.

- 80% e trurit është ujë. Truri nuk është ajo masa e ngurtë gri që keni parë në televizor. Indi i gjallë nervor është një organ i squllët, si xhel ngjyrë rozë, falë përqendrimit të madh të gjakut dhe ujit. Ndaj, herën tjetër kur ndiheni të dehidratuar, pini diçka që ta ndihmoni trurin.

/Start/