Tritoli dhe "demokracia"

[Brari]

GSH

---

INTERVISTE


Flet deputeti i PD:

-Tritoli në të njëjtin vend ku u vendos në vitin 1996.
Presion ndaj demokratëve

"SHIK hodhi në erë lokalin tonë"
Dajçi: Policia u tregua indiferente për ngjarjen


-------------------------------------------------------------

LAÇ

LAJMI

Policia ende nuk ka ndaluar asnjë person të dyshuar për hedhjen në erë të lokalit të vëllezërve Pal dhe Albert Dajçi. Ndërkohë, deputeti demokrat Dajçi pohon se vendosja e tritolit lokalit të tij në Laç është vepër e SHISH-it, një akt i turpshëm terrorist.

Pozicioni i vendosjes së tritolit, vetëm një metër larg vendit ku u vendos për herë të parë eksplozivi në lokalin tonë (me 26 maj të vitit 1996) dhe mosinteresimi i policisë, tregon qartë se autor i kësaj ngjarje është shërbimi informativ". Kështu ka deklaruar dje në një intervistë për Gazetën Shqiptare deputeti Pal Dajçi.

Si e morët vesh lajmin për vendosjen e tritolit në lokalin tuaj?
Më njoftoi me telefon vëllai im, Alberti. Ai më mori rreth orës 21:20 të së premtes. U nisa menjëherë nga Tirana në Laç dhe gjatë gjithë rrugës mendoja se mos kishte viktima në njerëz, pasi për të afërmit e mi e dija se ishin mirë. E kishin mbyllur lokalin në orën 20:30.

Çfarë konstatuat kur arritët në Laç?
Fillimisht pyeta vëllezërit mos kishin pasë ndonjë konflikt. Më thanë jo. Pashë dëmet që kishte pësuar lokali dhe më erdhi keq, pasi çdo gjë e kemi vënë me djersë. Ndërkohë shkova në polici dhe pyeta se pse ishin vonuar për të shkuar në vendngjarje. U justifikuan me faktin se kishin qenë diku tjetër.

A keni pasur kontradikta si familje me ndonjë person?
Jo. Lokali ynë është vendi ku mblidhen demokratët. Ai përgjohet nga mëngjesi në darkë nga njerëzit e SHISH-it dhe e them me bindje se kjo është një vepër e tyre jo ndaj meje, por opozitës.

Flet vëllai i deputetit, Alberti

"Ndërtimorja s'do na e prishte kioskën"


--------------------------------------------------------

Lokali i deputetit demokrat Pal Dajçi, i cili u dëmtua rëndë nga një shpërthim i fuqishëm tritoli mbrëmjen e së premtes, nuk do të prishej nga fadromat e Policisë Ndërtimore. Sipas vëllait të deputetit Dajçi, Albertit (ky është dhe bashkëpronar) aksioni që pritej të ndërmerrej nga ndërtimorët nuk do të shkatërronte lokalin e tij, pasi ai e kishte atë me dokumentacion të rregullt, me leje të KRT-së së Laçit dhe ndërkohë kishte paguar të gjitha detyrimet ndaj shtetit. Sipas këtij të fundit, të gjithë pronarëve laçianë që do t'u shembeshin lokalet apo kioskat e ndërtuara pa leje e kishin marrë njoftimin yshë disa ditë më parë. "Lokali jonë nuk do të shembej, pasi ne nuk kemi marrë njoftim paraprak nga Policia Ndërtimore. Tashmë janë pëcaktuar dhe dihen se cilët objekte do të prishen në Laç", thotë Albert Dajçi.
Ndërkohë, aksioni për prishjen e ndërtimeve të paligjshme, i planifikuar të bëhej dje në qytetin në fjalë, ka dështuar. Fadromat nuk kanë mbërritur në Laç, pasi aksioni është shtyrë për shkak të shpërthimit në lokalin e deputetit Dajçi. Sipas burimeve nga drejtuesit lokalë, nuk është parë e arsyeshme që të niste dje aksioni për prishjen e ndërtimeve të paligjshme për shkak të ndonjë reagimi të mundshëm në lidhje me ngjarjen e dy ditëve më parë.


-----------