Close
Faqja 2 prej 4 FillimFillim 1234 FunditFundit
Duke shfaqur rezultatin 21 deri 40 prej 73
  1. #21
    i/e regjistruar Maska e Antiproanti
    Anëtarësuar
    28-07-2011
    Postime
    6,033

    Post

    Zyrtari i PDK-së ndërton bazën e AKI-së

    Shtetet e Bashkuara të Amerikës kur lidhin një kontratë sekrete, bëjnë marrëveshje me njërën nga kompanitë që gjenden në “listën e bardhë”, ku hyjnë ndërmarrjet e përgjegjshme që kontraktohen vazhdimisht nga administrata amerikane. Kosova nuk e ka një listë të tillë të kompanive, sikurse nuk ka as ligj për prokurime speciale.

    Në kundërshtim me modelin amerikan, Qeveria e Kosovës ia ka besuar ndërtimin e bazës së Agjencisë Kosovare të Inteligjencës (AKI) një kompanie private, për të cilën edhe vetë kreu i AKI-së e pranon se nuk ka shumë kontrata me institucionet shtetërore.

    Kompania “Ing Engineering”, nga Suhareka, në gusht të vitit të kaluar ka lidhur me Ministrinë e Administratës Publike një kontratë 5 milionë euroshe për ndërtimin e bazës së Agjencisë Kosovare të Inteligjencës. Për, këtë nuk ka pasur një procedurë të hapur të prokurimit publik, por është përdorur procedura e negociuar.

    Ministria e Administratës Publike, sipas tij, ua ka dërguar ftesat pesë kompanive nga të cilat është përzgjedhur “Ing Engineering” nga Suhareka.

    “Kompanisë i është bërë verifikimi dhe ka dalë në rregull”, ka deklaruar Smakaj.

    ...

    AKI s’e vërejti afërsinë e “Ing Engineering” me PDK-në

    Hazir Hajdari, i cili e mban pozitën e zëvendësdrejtorit gjeneral të “Ing Engineering”, në vitin 2007 ka qenë kandidat për deputet në Kuvendin e Kosovës nga radhët e Partisë Demokratike të Kosovës (PDK), që udhëhiqet nga kryeministri i vendit Hashim Thaçi.

    Hajdari, aktualisht është këshilltar komunal në Suharekë, po nga radhët e partisë së kryeministrit Thaçi. Ai kur është kontaktuar nga Gazeta Jeta në Kosovë nuk ka dashur të flasë për kontratën “sekrete” me Qeverinë e Kosovës, me arsyetimin se vëllai i tij, Rexhepi, i di më mirë punët që lidhen me tenderë.

    ...

    MAP-i nuk jep arsyetim për përzgjedhjen e kontraktorit besnik

    Zyra e Prokurimit e Ministrisë së Administratës Publike (MAP) nuk ka dhënë një përgjigje se çfarë kriteresh janë marrë për bazë për të klasifikuar si të besueshme kompaninë “Ing Engineering”. Arton Berisha, drejtor i prokurimit, ka zbuluar vetëm shumën e kontratës që, sipas tij, kap vlerën e 5 milionë eurove.

    E për sa i përket kritereve, sipas MAP-it, ato i di vetëm Agjencia Kosovare e Inteligjencës.

    “Në këtë rast ne kemi vepruar sipas kërkesës AKI-së, dhe sipas dispozitave ligjore. Për kërkesë ma shumë drejtoheni AKI-së”, ka deklaruar Birsen Shufta, zëdhënëse e Ministrisë së Administratës Publike.
    ...
    http://www.zeri.info/artikulli/2/8/4...azen-e-aki-se/

  2. #22
    i/e regjistruar Maska e alem_de
    Anëtarësuar
    02-10-2009
    Vendndodhja
    Gjermani
    Postime
    6,745
    Kam ndigjuar se politikane e Kosoves diten jane politikane e nate biznismen.
    Da steh' ich nun, ich armer Tor,
    Und bin so klug als wie zuvor!

  3. #23
    he he hee... Maska e halla mine
    Anëtarësuar
    05-01-2011
    Vendndodhja
    brojë
    Postime
    1,466
    Citim Postuar më parë nga alem_de Lexo Postimin
    Kam ndigjuar se politikane e Kosoves diten jane politikane e nate biznismen.
    Diten jane sherbetor servil te planeve te serbise, naten krim i organizuar qe bashkepunon me koleget e tyre serb!
    Asnjë kompromis, kurr asnjëher.. deri n'apokalips!

  4. #24
    Perjashtuar
    Anëtarësuar
    15-12-2010
    Vendndodhja
    ....Europe...
    Postime
    1,155
    ....thojn , Mos kofsh i Fort ......

  5. #25
    i/e regjistruar Maska e dijetari
    Anëtarësuar
    30-03-2009
    Postime
    1,189
    ......se e sill bote....e ...
    [COLOR="Blue"][/COLO

    Duart e plakes, jan duar te arta.

  6. #26
    i/e regjistruar Maska e Antiproanti
    Anëtarësuar
    28-07-2011
    Postime
    6,033

    Post

    Baballarët” e tenderëve në Kosovë

    Janë forcuar financiarisht, e kanë krahun e fortë, nuk çajnë kokën se kush çfarë flet, me rëndësi është që ata fituan tenderët milionësh, tashmë kanë krijuar kapital dhe nuk guxon askush t’uu prish tymin. Janë këta pronarët e kompanive të afërta me njërzit në pushtet, të cilët i kanë financuar gjatë fushatave elektorale, por që vazhdojnë të jenë financues të rregullt të tyre.

    Shumë prej tyre e pranojnë se janë financues të partisë më të madhe në pushtet, por deklarojnë se tenderët i fitojnë “pa krah”. Miliona euro janë në pyetje, derisa me buxhetin e Kosovës, janë duke u kryer shumë shërbime mes partisë në pushtet dhe kompanive private të afërta me ta.

    Misioni i EULEX-it në Kosovë, ka bërë gati një listë, ku janë të futura kompanitë më të mëdha që kanë fituar tenderë milionësh dhe janë duke i hetuar lidhjet e tyre me zyrtarët e lartë politikë.

    Disa nga kompanitë më të mëdha që janë fituese të tenderëve dhe financuese të partisë më të madhe në pushtet janë; vëllezërit “Zhugolli”, kompanitë e të cilëve janë tre kompani “Pejton”, “Eco-Trade” dhe “ACDS-Kos”e të tre vëllezërve, Ilmi, Bejtush edhe Mehdi Zhugolli, të cilët në Korporatën Energjetike të Kosovës, (KEK) kanë fituar tendërë në vlerë prej 70 milionë eurosh.

    Për lidhjet e afërta me politikën dhe financimin e tyre në listë është edhe kompania “Devolli” sikurse edhe dhjetëra kompani të tjera që kanë fituar tenderë në nivelin qëndror dhe atë komunal siç janë; “Rukolli”, “Compact group”, “Clirimi”, “Ndërtimi”,”Tali”, “Magjistralja” etj.

    Shumë prej tyre e pranojnë se e kanë financuar PDK-në dhe se janë anëtarë të kësaj partije, por thonë se tenderët i kanë fituar pa intervenim. Por jo vetëm kompanitë e afërta me kryeministrin Hashim Thaçi fitojnë tenderë, edhe opozita në pushtetin lokal LDK-ja i ka kompanitë që i favorizon vazhdimisht në tenderët e saj me qindra mijëra euro.


    Më i forti në Skënderaj

    E pranon se ka financuar PDK-në, por nuk ka shumë qejf të flasë për financa edhe pse ato i ka rritur nga buxheti i Kosovës. Rrustem Rukolli, pronar i kompanisë “Rukolli” nga Skënderaj, mik shumë i mirë i kryetarit të kësaj komune Sami Lushtakut, ka fituar disa tenderë ne vlerë prej miliona eurosh. Ai ka ndërtuar shkolla, rrugë, fabika…

    Zyrtarisht ai ka dhënë vetëm 5 mijë euro për fushatën zgjedhore të PDK-së në Skënderaj, por është kjo kompani e cila ka fituar tenderin për ndërtimin e Qendres së Banimit Social në Skënderaj, ka fituar tender për ndërtimin e shkollës në Prekaz, “Rukolli”, ka fituar edhe tenderin për ndërtimin e fabrikës së ujit në Vushtri, në vlerë prej tetë millionë euro.

    Edhe në Ministrinë e Transportit kjo kompani ka fituar tender për ndërtimin e rrugëve në vlerë prej qindra mijëra eurosh. I pyetur se a po i ndihmon fakti që ka financuar PDK-në të fitojë tender, ai ka thënë se “këto janë financat e mia nuk kam qejf të flas për to”, duke i sugjeruar gazetës që të kërkojë te Komisioni Regullativ i Prokurimit Publik (KRPP) për të gjetur sesa tenderë i ka fituar ai.

    “Kqyrni në KRPP edhe e merrni vesh sesa tender i kam fitu”, ka thënë Rukolli. Sikurse Rukolli në Skënderaj gati në secilën komunë të Kosovës janë kompanitë e “forta”, të cilat kanë lidhje me politikën.

    Shoku i Bujës ia kërkon paratë

    Ali Stublla, pronar i kompanisë “Stublla” në komunën e Lipjanit, ka thënë për gazetën “Zeri” se ai është anëtar i PDK-së dhe se nuk e fsheh këtë fakt. “Unë jam anëtar edhe normalisht që i ndihmoj partisë s’ka asgjë të keqe, por tenderët nuk i fitoj me të njofshëm”,, ka thënë Stublla.

    Ndërkohë që kryetari i kësaj komune Shukri Buja ka bërë biznes me këtë kompani. Ai kishte zgjedhur mullirin e kompanisë “Stublla”, në mesin e shumë të tjerëve që merren me këtë lloj biznesi për të deponuar grurin. Kurse Ali Stublla, pronar i kompanisë “Stublla”, mohon të ketë ndonjë ndikim nga kryetari i kësaj komune, i cili ka të deponuar grurin në mullirin e tij.

    Kompania private “Stublla”, që merret edhe me kryerjen e punëve ndërtimore kishte fituar të drejtën nga Komuna e Lipjanit për të ndërtuar me koncesion objektin për familjet e dëshmorëve, veteranët e luftës, familjet e martirëve dhe fëmijët bonjakë.

    Kjo kompani ishte shpallur fituese më 16 prill të vitit 2008, ndërsa Komunës i kishte ofruar 39.64 për qind të objektit. Në një tender tjetër më 29 tetor 2010, kjo kompani ishte shpallur fituese për ndërtimin e objektit shkollor në fshatin Banullë të Lipjanit. Oferta e kësaj kompanie ishte 483 mijë e 684 euro.

    E njëjta kompani kishte fituar në tenderin e datës 14 tetor të vitit 2009, në tenderin “Projektimi dhe zbatimi i rrjetit të kanalizimit –Livaxhe”. Në këtë tender ishte vetëm një ofertues, ndërsa vlera e kontratës nuk ishte bërë publike në njoftimin për dhënie kontrate të publikuar në uebfaqen e Komisionit Rregullativ të Prokurimit Publik.

    Po ashtu kjo kompani është përfituese e tenderit edhe për “Suvatimin e mureve”, në vlerë prej mbi 437 mijë euro.

    Edhe për ndërtimin e një shkolle të mesme në Lipjan “Stubllës” i ishte dhënë tenderi më datën 15.01.2010, ku vlera e përgjithshme e kontratës ishte 1.682.533 euro, ku këtë tender e kishte marrë nga Ministria e Arsimit. Ndërkaq, sipas deklarimit të pasurisë së Bujës në Agjencinë Kundër Korrupsion del se 15 hektarë tokë bujqësore në Bujanë e Graskë të komunës së Lipjanit janë blerë përmes procesit të privatizimit.

    Sipas Bujës, shuma prej 48 mijë eurosh për të blerë këtë tokë ishte siguruar nga të ardhurat e tij përmes tregtisë me material ndërtimor si dhe marrja e një kredie në NLB.

    Gjilani “krenar” me PDK-në

    Kryetari i Komunës së Gjilanit, Qemajl Mustafa, e ka pranuar se u jep tenderë aktivistëve të PDK-së, por duke thënë se nuk shkel ligjin. Ditë më parë është mësuar se Mustafa i ka dhënë tender në vlerë gjysmë milioni euro kompanisë së bashkortakur të tij dhe kompanisë që i ka bërë fushatën elektorale.

    Gjatë vitit 2011, kryetari i Komunës së Gjilanti i ka dhënë këta tender Mustafë Shalës, me të cilin janë ortakë në kompaninë “Fruta Viva”, derisa tenderi në komunë është marrë përmes kompanisë “Compact Group”, në vlerë 257 mijë euro.

    Kompania tjetër “Viva Print”, e cila ishte e kontraktuar që t’i bënte fushatën PDK-së në zgjedhjet lokale në Gjilan, gjatë vitit 2011, ka marrë punë nga komuna në vlerë 255 mijë euro. Mustafa ka mohuar të ketë ndikuar direkt në dhënien e tenderëve për këto kompani, duke thënë se kompanitë në fjalë kanë marrë punë bazuar në ligj.

    “Kompanitë në fjalë i kanë fituar punët bazuar në ligj dhe 100 për qind ndershëm. Ato kompani kanë bërë punët ndërshëm skajshmërisht”, ka thënë Mustafa.

    Ai e ka përsëritur qëndrimin e tij, për sa i përket përkrahjes së aktivistëve të PDK-së.

    E kam thënë gjatë pesë fushatave zgjedhore dhe po e përsëris edhe tani, që për kushte të barabarta do t’u japim punë dhe punësim me ligj aktivistëve të mirë të PDK-së”, ka thënë Mustafa, duke shtuar se këta aktivistë u kanë mundësuar që kjo parti të vijë në pushtet.

    Qe dy sezone tenderët milionësh të “Termokosit” për furnizon me mazut i ka fituar kompania “Compact Group”, po në këto dy sezone, “Termokos” ka pasur vazhdimisht telashe me mazut, me procedura të prokurimit deri në përzgjedhjen e kompanisë, dhe mbi të gjitha, në këto dy sezone Zyra e Auditorit ët Përgjithshëm (ZAP) gjen shkelje në këta tenderë.

    “Asnjëherë në asnjë rast nuk jam i involvuar në punët e pronarit të “Compact Group”. Kam dëgjuar nga mjetet e informimit në një prononcim të drejtoreshës Pula të ‘Termokosit”, se kompania ‘Coompact Group” të kishte kinse mirëkuptim, edhe pse borxhet ndaj saj ishin rreth 2 milionë euro. Pra, kjo nuk ka të bëjë absolutisht asgjë me mua”, pati thënë për ‘Zërin”, Qemajl Mustafa, kryetar i Komunës së Gjilanit.


    LDK me pastrimin e rrugëve

    Tenderët për mirëmbajtjen e rrugëve dhe të trotuarëve janë fituar disa herë nga e njëjta kompani në Komunën e Prishtinës. Kompania “Toifor”, e ortakut të djalit të ish-presidentit, Fatmir Sejdiu, Bardhylit, kompania “Zahiri” dhe Kompania Rajonale e Mbeturinave “Pastrimi” kanë fituar tendertë 300 mijë euro në vititn 2010 për pastrimin dimëror të rrugëve.

    Njëri nga pronarët e kompanisë “Toifor”, është bashkaksionar në kompaninë “Empair” i Bardhyl Sejdiut, i cili ka marrë edhe 150 mijë euro tender nga Komuna e Prishtinës, dy vjet më parë për riparimin e rrugëve rurale të katër fshatrave të Prishtinës.

    E njëjta kompani, në vititn 2010, ka marrë edhe dy nga tri pjesët tenderit për pastrimin e rrugëve të Prishtinës, apo mbi 100 mijë euro tender, punë që është dashur ta ndajë me kompaninë publike rajonale për menaxhimin e mbeturinave “Pastrimi”.

    Kjo kompamni ka fituar tender edhe pse Drejtoria e Infrastrukturës Lokale e kishte futur në listën prej 9 kompanive që nuk i kanë përmbushur kontratat për vitin 2008 dhe 2009.

    Vëllai i Arben Gashit e ka ndërtuar sheshin në Pejë

    Sheshin “Skënderbeu: në Pejë e ka ndërtuar firma e vëllait të deputetit të LDK-së, Arben Gashi, kompania “Vraga” e Asdren Gashit. Gashi ka thënë për gazetën se tash dy vjet familja e tij nuk është pronare e kësaj firme dhe se tjetërkush tash e ka në pronësi atë firmë.

    Tenderi i fituar në Pejë ka kapur shumën prej 250 mijë euro. Auditori Gjeneral pati gjetur shkelje në këtë tender.

    EULEX- heton kompanitë e afërta me Thaçin

    Misioni i EULEX-it është në dijeni për shumë prej kompanive private dhe cilët politikanë qëndrojnë prapa kompanive që janë fituese të rregullat të tenderëve publikë.

    Zyrtarisht nuk pranojnë që të japin detaje për shkak të hetimeve që janë duke i bërë, por jozyrtarisht për gazetën ata kanë bërë me dije se i kanë të gjitha dokumentet dhe se ka kohë që janë duke i hetuar ato.

    Sa i përket KEK-ut dhe tendervë më shuma rreth 70 milionë euro të fituar nga kompania e afërt e kryeministrit Thaçi, zyrtarisht është thënë se “nuk mund të flasim asgjë përshkak të hetimeve”.



    Financuesit e PDK-së, përfitues të tenderëve

    Disa nga ata që fituan tenderë me të madhe pas financimit të PDK-së zyrtarisht mësohet të jenë; kompania “Ndërtimi” nga Malisheva, e cila ka ndërtuar urat në rrugën Sllatinë-Gjurgjicë. Florim Zuka pronar i kompanisë “Tali”, i cili ia ka dhënë PDK-së 8 mijë euro, dhe ka fituar tenderin prej 2 milionë euro për zgjerimin e magjistrales Prishtinë-Lipjan. “Çlirimi” nga Gjilani i ka dhënë 2 mijë euro PDK-së sikurse edhe “Compact Group” 7 mijë euro. “Magjistralja” nga Gjilani ka financuar PDK-së për të fituar më pas tender prej 700 mijë euro nga Ministria e Transportit.

    Kompania “AHN Group” sikurse edhe “Timi Krsko” kanë fituar tender prej 5 milionë eurosh në Ministri të Transportit, “Bejta Comerce” e cila është fituese e tenderit prej 1.6 milion euro për rrugën Polac – Vushtrri ka dhënë PDK-së 10 mijë euro.

    (Artikulli është mbështetur nga Fondacioni Danez për Gazetari Hulumtuese “Scoop”)
    http://www.zeri.info/artikulli/2/8/4...eve-ne-kosove/

  7. #27
    Per nje pjes kogja te madhe keti forumi ,,jane shume te pasur me fjalet e tyre a ne zemer jane sikur milloshi dhe klyshet e ti gjate vitev 89/90 e pas..
    se per keta shpirte zi gjithe qka eshte keq,,per ta vetem shkinija ka punuar mbare,,,o te mjer jeni shume te farfer nga mendja

  8. #28
    i/e regjistruar Maska e beni33
    Anëtarësuar
    27-04-2008
    Postime
    4,230
    luja bac luja tash edhe dellin deshmor te gjall

  9. #29
    i/e regjistruar Maska e beni33
    Anëtarësuar
    27-04-2008
    Postime
    4,230

    Hard

    Citim Postuar më parë nga Hard Lexo Postimin
    ....thojn , Mos kofsh i Fort ......
    po ama thojn edhe mos kofsh edhe ikorroptuar

  10. #30
    i/e regjistruar Maska e Antiproanti
    Anëtarësuar
    28-07-2011
    Postime
    6,033

    Post

    Bosi i antikorrupsionit në burg

    Shefit të Task-forcës kundër korrupsioni në Prokurorinë Speciale të Kosovës, Nazmi Mustafit i mbeti birra në gjysmë. Derisa ai ishte në njërin nga restorantet e kryeqytetit, një thirrje telefonike nga sekretaria ia prish “rahatllëkun”, ku e njofton prokurorin Mustafi se në zyrën e tij po e prisnin disa policë, të cilët e arrestojnë atë me të arritur në zyrën e tij.

    Udhëheqësi i Task-forcës së themeluar nga kryeministri i Kosovës, Hashim Thaçi për luftimin e korrupsioni është arrestuar të hënën pasdite në lidhje me një hetim për korrupsion, të cilin po e zhvillojnë prokurorë të EULEX-it që veprojnë në Prizren dhe Pejë.

    Në ditën e arrestimit të prokurorit Mustafi, i cili në Prokurorinë Speciale ka hetuar krimet ekonomike, është arrestuar edhe Reshat Zherka, nga Gjakova, i cili së bashku me vëllanë e tij, Xhelalin, janë miq të shefit të Task-forcës, të cilët dyshohen se janë deleguar nga prokurori Mustafi tek persona të ndryshëm që po hetonte prokurori, për të kërkuar dhe marrë shuma të majme parash në këmbim të mosakuzimit të tyre.

    Lajmi për arrestimin e tyre është konfirmuar nga burime të “Zërit” brenda EULEX-it. Po ashtu edhe zyra për informim e këtij misioni ka raportuar për arrestimin e dy personave nën dyshimin për korrupsion, por pa dhënë detaje të mëtutjeshme... (Shkrimin e plotë mund të lexoni në numrin e sotëm të gazetës Zëri)
    http://www.zeri.info/artikulli/1/1/4...ionit-ne-burg/

    Mafia e Hashim Thacit.

  11. #31
    i/e regjistruar Maska e Antiproanti
    Anëtarësuar
    28-07-2011
    Postime
    6,033

    Post

    Shefi i Task Forcës kundër korrupsionit arrestohet për korrupsion

    Prishtinë, 2 prill – Pashk Mirashi nga Gjakova ka arritur ta dërgojë prapa grilave prokurorin special, Nazmi Mustafin, i cili një vit më parë e kishte arrestuar atë për korrupsion.

    Mirashi, ish-likuidator i Bankës Kreditore të Prishtinës, ka ofruar dëshmi për prokurorë të EULEX-it se i ka dhënë një shumë të majme parash ryshfet, shefit të Task Forcës kundër korrupsionit të themeluar me vendim të Hashim Thaçit, Nazmi Mustafi. Si pasojë e këtyre dëshmive ai është arrestuar në Prizren derisa policia e ka arrestuar edhe sekserin e tij nga Gjakova, Reshat Zherkën. Në kërkim ka shpallur vëllanë e tij, Xhelal Zerka, po kështu i dyshuar si ndërmjetësues për mbledhjen e parave për Mustafin.

    ...

    Mustafi prej vitit 2010 drejton njësinë kundër korrupsionit që kishte formuar kryeministri Hashim Thaçi. Ai ka pasur rastet më të mëdha të korrupsionit, shumica nga të cilat kanë dështuar ose kanë përfunduar me dënime me kusht siç ishte rasti i Jahja Llukës.

    ...

    Mustafi ka punuar prokuror edhe në kohën e UNMIK-ut. Gjatë viteve të 90-ta deri në kohën kur nga Kosova ishin larguar forcat serbe, Mustafi ka qenë aktiv si polic (më gjerësisht në “Kohën Ditore”).
    http://www.kohaditore.com/?page=1,13,94035


  12. #32
    i/e regjistruar Maska e Antiproanti
    Anëtarësuar
    28-07-2011
    Postime
    6,033

    Post

    Kuçi: Kosova imiton Perëndimin, jo Serbinë
    ...
    http://www.zeri.info/artikulli/1/1/4...in-jo-serbine/


    Po shihet!

  13. #33
    i/e regjistruar Maska e Antiproanti
    Anëtarësuar
    28-07-2011
    Postime
    6,033

    Post

    Shuhen shpresat tek “supermekanizmat” antikorrupsion

    Instituti Demokratik i Kosovës (KDI)/Transparency International Kosova (TIK), reagon në lidhje me arrestimin nga Policia nën dyshimin për korrupsion të shefit të Task Forcës kundër korrupsionit (të themeluar nga Kryeministri), prokurorin Nazmi Mustafi dhe të një personi të dytë. Kjo ngjarje ka rritur dyshimet e publikut se vetë politika është e përfshirë në afera korruptive si dhe ka krijuar zhgënjim dhe humbje te shpresave te qytetarët e Kosovës se korrupsioni mund të luftohet në këtë vend.

    Duke respektuar tërësisht parimin e prezumimit të pafajësisë derisa gjykata të vendosë ndryshe, përmes një reagimi KDI vlerëson se arrestimi i shefit të Task Forcës kundër korrupsionit, nën dyshime për korrupsion vetëm si AKT dëmton rëndë përpjekjet dhe shpresat për sundimin e shtetit të së drejtës në Kosovë.

    Gjithashtu, ky rast dëshmon edhe njëherë për dështimin e mekanizmave të shumëfishtë të krijuara nga Institucionet politike në Kosovë (Presidenca, Qeveria dhe Parlamenti), për luftimin me efikasitet të korrupsionit duke e vënë seriozisht në pikëpyetje nevojën për ekzistencën e mëtutjeshme të tyre. Sepse këto “supermekanizma” janë krijuar vetëm për efekte mediatike për konsum të brendshëm politik.

    ...

    http://www.zeri.info/artikulli/1/1/4...ntikorrupsion/

  14. #34
    i/e regjistruar Maska e Antiproanti
    Anëtarësuar
    28-07-2011
    Postime
    6,033

    Post

    Nisin hetimet ndaj Behgjet Pacollit

    Publikuar: 06.04.2012 - 08:50

    Prishtinë, 5 prill – Agjencia Kundër Korrupsionit ka nisur procedurën ligjore ndaj zëvendëskryeministrit Behgjet Pacolli, për konflikt interesi me rastin e nënshkrimit të memorandumeve në Nigeri, si përfaqësues i kompanisë “Seagas”. Procedura është bazuar në raportet e “Kohës Ditore”, të publikuara javën e shkuar.

    Hasan Preteni, drejtor i Agjencisë, i ka thënë gazetës të enjten se tek pasi të përfundojë e gjithë procedura, do të mund të flasë publikisht për rastin. Kjo, për shkak se me ligj zyrtarëve të Agjencisë u imponohet të mbajnë të fshehura informacionet gjatë procedurës së hetimit. Megjithëqë ka premtuar publikimin e rezultateve, kur të jepet fjala e fundit në këtë rast.

    Ne i kemi përcjellë të gjitha shkrimet. Në bazë të Ligjit Nr.04/L-051 (Ligji për Parandalimin e Konfliktit të Interesit në Ushtrimin e Funksionit Publik), e gjithë procedura është e mbyllur për publikun”, ka thënë Preteni. “Publik do të bëhet vetëm vendimi final”.
    http://www.kohaditore.com/?page=1,13,94475

  15. #35
    i/e regjistruar Maska e Sharri-Liburna
    Anëtarësuar
    13-09-2009
    Vendndodhja
    ne toke
    Postime
    2,171
    Polici kapet duke vjedhur derivate në qeveri

    Publikuar: 06.04.2012 - 21:05

    Prishtinë, 6 prill – Një pjesëtar i Policisë së Kosovës dhe një punëtor i kompanisë “Delfini”, përgjegjës për t’i ruajtur rezervat e derivateve në ndërtesën e qeverisë janë arrestuar të enjten. Ata janë kapur në flagrancë, duke vjedhur derivate dhe tashmë është caktuar masa e paraburgimit prej 72 orësh.

    Dyshohet se ata kanë vjedhur një kohë të gjatë, edhe pse vetëm dje janë zënë në flagrancë. TV Klan Kosova raportoi se kompania Delfini, e cila është përgjegjëse për mirëmbajtjen e disa institucioneve, shprehu indinjatën për këtë rast, por drejtori i saj pohoi se punëtori ka qenë i shtyrë për vjedhje nga polici. K.D

    Ne kosov gjith rrjeti i thacit ,vetem vjedhin ,nuk ka aty pun ma te menqur.
    Zhduku nga tokat Arbrore, qelbesira Aziatike

  16. #36
    i/e regjistruar Maska e Antiproanti
    Anëtarësuar
    28-07-2011
    Postime
    6,033

    Post

    Drejtësia aksidentale

    Dush Gashi

    Përkundër titullit bombastik që mbante, e postit prej të cilit do të duhej të dridhej shumëkush në këtë vend, emri i Nazmi Mustafit, i cili ende pa e kaluar shokun nga arrestimi i policëve, na e dha edhe një tronditje të re këtë javë - besoj ta ketë ditur pakkush. E dini pse? Për shkak se as që është lodhur kush t’ia mbajë mend emrin, derisa ende askush në këtë vend nuk beson në sinqeritetin e asnjërit prej atyre që thonë se do ta luftojnë korrupsionin.


    Se për këtë edhe kanë të drejtë, mund të dëshmojë edhe vetë biografia e prokurorit në Prokurorinë Speciale, përkatësisht kreut të Task-Forcës kundër korrupsionit, tashmë të arrestuar. Pa pasur asnjë paragjykim për përkatësinë e tij kombëtare e, le të themi, edhe për faktin se paska punuar në policinë serbe deri në vitin 1999, megjithatë, pyetja që duhet të shtrohet është: si u vu ai në atë detyrë, përgjegjësia e lartë e të cilës kërkon integritet të pacenuar me asgjë, qoftë edhe nga të dhënat formale biografike?

    Përgjigjja, për fat të keq, është e thjeshtë:
    kushdo që ta ketë vënë aty, më e fundmja gjë që ka menduar me atë rast është që ai vërtet edhe ta kryejë punën e tij. Prandaj, edhe arrestimi i tij - ndonëse nga përvoja tashmë e dimë se gjykimeve në Kosovë edhe nuk dihet kah u del tymi – pos trazimit, publikut të etur për drejtësi nuk i sjell asnjë shfrim.

    Po pati faj, atëherë satisfaksioni i dënimit të tij do të jetë shumë i vogël në krahasim me pabesinë e madhe:
    kush e vuri në atë vend aq të rëndësishëm një njeri me cilësi morale aq të dyshimta?
    Në të kundërtën, edhe më keq:
    kush mund ta vërë aq lehtësisht në kurth një njeri aq të pushtetshëm, prej të cilit është dashur të pritet ta luftojë kuçedrën-korrupsion të kësaj shoqërie?

    Më e keqja është se edhe ky rast dëshmon se drejtësia në Kosovë del në skenë vetëm aksidentalisht, kur dikujt zullumi i tepërt i del mbi kapuç, e kurrsesi të bëhet rregull e përditshmëri. Po ashtu, çfarëdo rrjedhe që të marrë gjykimi i tij, ai vetëm sa në njëfarë mënyre do të mbajë peng edhe Qeverinë e Kosovës, edhe Prokurorinë e shtetit, në qoftë se edhe ka mbetur kush a çka pa qenë peng në këtë vend.

    ...
    http://www.zeri.info/artikulli/3/19/...a-aksidentale/

  17. #37
    i/e regjistruar Maska e Antiproanti
    Anëtarësuar
    28-07-2011
    Postime
    6,033

    Post

    Agani nënshkruan specializimin e ‘dhëndrit’

    I dashuri i vajzës së Ministrit të Shëndetësisë së Kosovës Feri Agani, Vullnet (Destan) Destani, bashkë me të vëllain e tij Zeqiria (Destan) Destanin si dhe Yll e Vlera Halimi, dy fëmijët e deputetit të vetëm shqiptar nga Lugina e Preshevës në Parlamentin serb në Beograd, kanë vetëm edhe një hap për të kaluar për të fituar fituar specializime të ndara nga Bordi Qendror për Shkollim Specilistik i Ministrisë së Shëndetësisë në Kosovë.


    Një ditë më parë, në ueb faqen zyrtare të Ministrisë së Shëndetësisë janë publikuar listat finale të kandidateve të cilët kanë konkurruar për konkursin e fundit për specializime në QKUK, pas testeve.

    Në këtë listë në kuotën e ndarë për shqiptarët e Preshevës, Malit të Zi dhe vendeve tjera kanë gjetur “strehë” dy njerëz që kanë lidhje me ministrin Agani dhe dy fëmijët e deputetit shqiptar nga Presheva, që të dy nga i njëjti rajon me origjinë. Më datën 18 prill shpallen listat finale, dhe nga kjo kuotë do të zgjidhen vetëm dhjetë kandidatë.

    Ndërkohë në vendet normale për kandidatët kosovarë kanë konkurruar 150 veta dhe do të pranohen vetëm 20.

    Kjo listë i është dërguar ministrit të shëndetësisë Ferid Agani dhe është nënshkruar nga ai, nga Muharrem Bajrami kryesues i Bordit Qendror për Shkollim Specialistik si dhe firmën e tij e ka vënë edhe u.d. i sekretarit të përhershëm të Ministrisë së Shëndetësisë, Gani Shabani.

    Muharrem Bajrami, ka pohuar se procesi i përzgjedhjes se kandidatëve ka qenë në rregull.

    Çdo gjë ka qenë në rregull. Ata iu kanë nënshtruar provimit pranues. Nuk ka lidhje se kush janë ata...” , tha përmes telefonit profesor Bajrami.

    Faik Hoti, drejtor i Departamentit për Komunikim nga Ministria e Shëndetësisë, thotë se listat për kandidatet nga Presheva, Mitrovica dhe nga Mali i Zi nuk hartohen nga Ministria mirëpo vijnë nga vetë këto rajone.

    Listat e kandidatëve nga Presheva, nga Mitrovica dhe nga Mali i Zi hartohen nga institucionet atje, e jo nga ministria”, tha Hoti.

    Ne listën e Preshevës janë gjithsej 18 persona. Dy prej tyre janë Vullnet Destani dhe vëllai i tij Zeqiria Destani. Vullnet Destani sipas faqes se tij te Facebook-ut është në një lidhje me Natyra Aganin, vajzën e ministrit të shëndetësisë Ferid Agani.

    Vet ministri Agani ka qenë e pamundur të kontaktohet. Në anën tjetër kemi kontaktuar Riza Halimin, deputet në Parlamentin e Serbisë dhe kryetar i Partisë për Veprim Demokratik (PVD), dy fëmijët e të cilit gjenden në listën e të pranuarve për specializim.

    Halimi gjatë bisedës tha se nuk e di se ata janë pranuar mirëpo vetëm se kanë konkurruar për këto pozita.

    Unë e di se ata kanë konkurruar, mirëpo nga ju po e marr vesh që janë pranuar. Ministria ka caktuar një kuotë për studentët e Preshevës dhe këta kanë konkurruar”, tha Halimi.

    Ata kanë konkurruar edhe disa herë me parë mirëpo nuk janë pranuar dhe kësaj radhe kanë konkurruar prapë. Problemi qëndron tek njohja e diplomave. Ata nuk kanë pasur rastin asnjëherë të punësohen në Serbi për shkak se nuk i njohin diplomat e Tiranës, ku ata kanë studiuar. Për ketë arsye Ministria e Shëndetësisë e Kosovës ka vendosur një kuotë të veçantë për studentët nga Presheva”, tha Halimi.

    Lista e specializimeve ishte publikuar dje ne faqen zyrtare te qeverisë, ndërsa në listën e studentëve nga rajonet e përfshira në kuotë mund te shihet lehtë se poenët e “dhëndrit” të ministrit dhe të vëllait të tij janë dukshëm nën mesatare të poenëve nga kandidatët tjerë. /gazetajnk/
    http://www.zeri.info/artikulli/1/1/4...in-e-dhendrit/

  18. #38
    i/e regjistruar Maska e Antiproanti
    Anëtarësuar
    28-07-2011
    Postime
    6,033

    Post

    VV-ja: Ligji për bankat u votua pa kuorum

    Prishtinë, 12 prill - Ligji për bankat dhe për institucionet mikrofinanciare u votua sot pa praninë e deputetëve të opozitës, dhe, çka është më e rëndësishme, pa numrin e domosdoshëm të deputetëve për ta arritur kuorumin për të mbajtur seancë. Në seancën e sotme kanë votuar 54 deputetë për ligjin, 4 kanë abstenuar, dhe një tjetër u lajmërua që në mungesë të kartelës votoi me dorë. Pra 55 për, 4 abstenim, gjithsej 59 deputetë. Ky votim pa kuorum është në kundërshtim me rregulloren dhe në kundërshtim me të gjitha ligjet që e rregullojnë këtë çështje. Pra ky votim i këtij ligji është bërë pa e siguruar kuorumin e nevojshëm, thanë Albin Kurti dhe Visar Ymeri në një konferencë për shtyp pas seancës së Kuvendit të Kosovës.
    ...
    http://www.kohaditore.com/?page=1,13,95380

  19. #39
    i/e regjistruar Maska e Sharri-Liburna
    Anëtarësuar
    13-09-2009
    Vendndodhja
    ne toke
    Postime
    2,171
    Nuk ka deshtuar UNMIK-EULEX-i por Kosova dhe shqiptaret
    Xhevat Bislimi

    Pash nje proteste te studenteve shqiptare me moton: EULEX beje punen ose shko! Sot lexova edhe nje koment ku thuheje se ka deshtuar UNMIK-u, KFOR-i, EULEX-i ne Mitrovice... Shkrime, prononcime dhe deklarata te këtilla nga gazetaret, analistet, politikanet... degjojme me shumicve tash e trembedhjete vite!! UNMIK-u, EULEX-i dhe KFOR-i po bejne punen e tyre, po bejne me sukses ate pune per te cilen edhe kane ardhur... Ata nuk kane deshtuar fare deri me sot... Ata po zbatojne dhe realizojne projektin e tryre ne menyre te perpikte... Fatkeqesia dhe tragjedia jone eshte se ky projekt i tyre antishqiptar po zbatohet dhe realizohet edhe me ndihmen e "shqiptareve"... Ky projekt, thelbi i tij, mund te permblidhet me pak fjlae: Kosova nuk duhet te shkeputet, te ndahet teresisht nga Serbia, ajo duhet te mbetet ne njefare menyre e lidhur pas qerres serbe... Serbia nuk duhet te perzihet, largohet teresisht nga Kosova, ajo duhet te mbetet brenda saj... Mund te me pyesni pse? Arsyeja e vetme eshte: frika nga mundesia reale dhe e pashmangshme e bashkimit te kesaj pak Kosove qe ka mbetur me shtetin shqiptar (bashkimi i dy shteteve shqiptare), qe nje dite do te finalizoheje edhe me bashkimin e "Maqedonise" dhe te krahinave tjera shqiptare... Prandaj, them qe keta "miqte" tane nderkombetare kane hartuar ose perpiluar kete projekt dhe keto politika per Ilirine (Ballkanin) dhe posaçerisht per shqiptaret... Padrejtesia historike gjate shekujve dhe veçmas gjate shekujve XIX dhe XX nuk i lene keta "miqte" tane ta bejne gjumin rehat, ua prish gjumin vazhdimisht... Po dua te them qe mos te merret si ndonje "armiqesi" e nderkombetareve ndaj nesh, por si nje perpjekje e tyre per ta shtyre sa te jete e mundur DITEN e Madhe te (ri)bashkimit te Shqiperise... Evropianet e ri nuk i kane as interesat dhe as "armiqesine" qe kishin evropianet e vjeter (eterit dhe gjysherit e tyre), por per arsye "makropolitike" dhe konjukturale nuk jane te pergatitur ta njohin, pranojne, respektojne dhe ndihmojne kete realitet ne krijim, kete (ri)bashkim te kombit shqiptar dhe te Shqiperise... Edhe ata e kuptojne dhe e pranojne se kjo eshte zgjidhja e vetme e qendrueshme, e drejte, e arsyeshme dhe, tashme, e papengueshme... Eshte nje proces, eshte nje rruge, eshte nje çeshtje qe duhet bere ose me sakte duhet permbyllur... Ky eshte edhe interes jetike i popujve fqinje, qe mbajne te pushtuara tokat e Shqiperise... Çlirimi i ketyre krahinave te Shqiperise perben dhe eshte edhe çlirim i popujve tane fqinje nga nje barre, qe tashme eshte bere teper e rende dhe e paperballueshme per shpinen e tyre te lodhur nga “barra” shqiptare... Kjo zgjidhje perben gurin dhe themelin e lirise, paqese, demokracise, zhvillimit, qendrueshmerise, perparimit dhe lulezimit te popujve te Ilirise (Ballkanit)... Kjo zgjidhje eshte edhe interes i perhershem i Bashkimit Evropian dhe Evropes e me gjere... Prandaj, them qe "miqte" tane nderkombetare do te benin mire qe sa me pare ta kuptonin kete zgjidhje fatlume per Ilirine dhe çeshtjen shqiptare dhe te hiqnin dore nga projekti qe po perpiqen ta zbatojne, sepse ky projekt shpie ne ngatrresa, konflikte dhe, shume lehte, edhe ne ndonje lufte te re te permasave rajonale... Ne kete drejtim duhet te shkojne edhe protestat, angzhimet politike, diplomatike, shtetrore... Te pengohet zbatimi i ketij projekti ogurzi per Kosoven dhe shqiptaret, te ndihmohen “miqte” tane nderkombetare, te mos i leme te (ri)futen ne qorrsokak, por te ecin ne rrugen e lirise, demokracise, zhvillimit, paqese... dhe harmonise midis popujve...
    Bota Sot
    Zhduku nga tokat Arbrore, qelbesira Aziatike

  20. #40
    i/e regjistruar Maska e Antiproanti
    Anëtarësuar
    28-07-2011
    Postime
    6,033

    Post

    Në Dubai me paratë e taksapaguesve

    Prishtinë, 19 prill - Ekskursioni i dhjetëra zyrtarëve të institucioneve të ndryshme kosovare në Dubai ka nxjerrë në pah gënjeshtrën e Qeverisë së Kosovës, sipas së cilës, nga buxheti i vendit nuk është ndarë asnjë cent për këtë “trip”.

    Gazeta “Zëri” ka siguruar një faturë që kompania private “Ekspertiza” ia ka dërguar për pagesë një institucioni publik, e në të cilën figurojnë detaje të shumta rreth udhëtimit pesëditor në kryeqytetin e Emirateve të Bashkuara Arabe.

    Në këtë dokument shihet se si Autoriteti Rregullativ i Telekomunikacionit (ART), për të cilën nga buxheti i vendit për çdo vit ndahen nga rreth dy milionë euro, ka paguar 7.497 euro për t’i “shëtitur” tre zyrtarë të saj.

    Pagesa prej 2.499 eurove për një person, ose 7.497 euro për tre anëtarët e bordit të ART-së, Nijazi Ademaj, Besnik Berisha dhe Ruzhdi Jusufaj, i cili është edhe shef i Administratës, është bërë në xhirollogarinë bankare të kompanisë “Ekspertiza”.

    Në emër të ART-së kjo faturë është nënshkruar nga shefi i Administratës, Ruzhdi Jusufaj, i cili ka qenë edhe njëri nga përfituesit e “tripit”, ndërsa në emër të “Ekspertizës” është nënshkruar nga menaxheri i kësaj kompanie, Besnik Sopi.
    http://www.kohaditore.com/?page=1,13,96239

Faqja 2 prej 4 FillimFillim 1234 FunditFundit

Regullat e Postimit

  • Ju nuk mund të hapni tema të reja.
  • Ju nuk mund të postoni në tema.
  • Ju nuk mund të bashkëngjitni skedarë.
  • Ju nuk mund të ndryshoni postimet tuaja.
  •