Problematika e Futbollit Shqiptar

[MaDaBeR]

Pershdetje te gjithe tifozeve te futbollit Shqiptar. Siç te gjithe po e shohim nga dita ne dite, futbolli Shqiptar po kalonj nje tranzicion me hapa teper te ngadalte. E njejte si rruga qe ndjek Shteti Shqiptar per reformat dhe integrimin Europian eshte edhe rruga qe ndjek futbolli Shqiptar per te penetruar ne futbollin profesionist europian. Rruga eshte shume e gjate dhe teper e mundimshme. Kjo ndikohet nga shume faktore, por faktoret kryesore, sipas mendimit tim, jane mosekzistenca e asnje lloj politike per zhvillimin e futbollit kombetar, nga asnje qeveri qe nga fillimi i pluralizmit e deri ne keto momente. Injektimi i disa njerezve nga jashte, pa lidhje me futbollin, ne organet vendimemarrese te ketij sporti kaq popullor, te cilet kane patur si pikesynim kryesor kthimin e ketij sporti ne biznes (ne te shumten e rasteve me manovra te neveritshme) si dhe kane zhvilluar ne menyre shume shume te shpejte korrupsionin ne kete sport kaq popullor, aq sa mund te them se korrupsioni ne futbollin Shqiptar ne teresi eshte i njejte me korrupsionin ne sistemin e drejtesise.

Shohim cdo dite te flitet per arbitra te korruptuar, trukime ndeshjesh, leshime, blerje e shitje e lloj lloj gjerash, por masat e mare jane 0. Gjithcka kalohet pa i kushtuar aspak rendesi. Shohim gjithashtu stadiume te dhunshme, arbitra qe plagosen (kjo dhe per faj te vete ketyre te fundit, qe behen pjese e pazareve dhe pale me dashakeqesit e ketij sporti), shohim disa pseudozyrtar qe pasketaj na dalin neper konferenca shtypi dhe tallen me tifozet ne mbare vendin duke na thene perralla te cfaredolloji. Ne vendin tone shikon gjykime, mendime e justifikime nga me te pallogjikshmet per fajtoret. Psh, me vjen ndermend nje rast, kur ne nje stadium ishte share ne kor arbitri kryesor i ndeshjes e loja nuk ishte nderprere (ashtu si e kerkon rregullorja e FSHF, UEFA apo FIFA), e ne fund nje nga zyrtaret pergjegjes doli e tha qe arbitri nuk na paskes moter?! Kjo ishte tej çdo imagjinate te mundeshme. Ne futbollin tone gjithashtu gjen paradokse te pafundme ne vendimet qe qeveria e futbollit mer. Po mar shkas nda ndeshja Skenderbeu-Flamurtari, ku pritesit, dhunojne e gjakosin zyrtarin e ndeshjes (arbitrin ne kete rast) dhe denohen me disa ndeshje jashte fushe si dhe me gjobe, ndersa Flamurtari denohet me -3 pike per pasivitet ne fushen e lojes. Nderkohe qe rregullorja thote qe duhet nderprere menjehere ndeshja. Atehere mua me lind e drejta te pyes, po Pasiviteti i FSHF per qindra raste ku ajo akuzohet nga klubet e ndryshme per nderhyrje te saj ne fiksim ndeshjesh, perse nuk denohet? A eshte kjo FSHF qe duhet tu pergjigjet sportdashesve, te cilet jane pjesa kryesore perse ky sport ekziston, per te gjitha akuzat qe ngrihen per ndeshje te caktuara? Ajo jo vetem qe nuk e ben kete per çdo ndeshje qe citohet si e trukuar, por nuk ben transparence as per ate qe shihet ne driten me diell dhe qe te gjithe e dine. Ajo madje nuk ben transparente as faktet qe UEFA dergon ne FSHF per ndeshjet ku ka dyshime te forta se jane te trukuara. Plot 3 raporte ka derguar deri me tani, por asnje hap nuk eshte ndermarre per hetimin e tyre nga FSHF. Por nuk eshte vetem FSHF fajtorja e madhe. Kur diçka shitet do te thote qe ka bleres. Atehere duhen identifikuar kush eshte i interesuar per te blere? Sepse ky lloj bleresi eshte nje konsumator i keq i ketij sporti kaq delirant per njerezit ne mbare boten. Ky lloj bleresi, eshte nje si nje virus ne nje trup te shendoshe, dhe nese kete virus nuk e lufton, ai atehere do te perhapet ne te gjithe trupin e madje mund te rrezikoje dhe vdekjen.

Perveç ketyre, nje problem tjeter tejet shqetesues jane marredheniet lojtar-klub si dhe trajnjer-staf teknik-klub. Ne Shqiperi ndodh qe lojtaret te mos paguhen per muaj te tere me rradhe, e kur ata ngrene zerin per kete gje, perjashtohen nga klubet, diskriminohen e hidhet balte mbi to vetem e vetem se ata kerkojne nje te drejte te tyre. Kontratat ne Shqiperi me futbollistet Shqiptare pothuajse nuk respektohen fare. Krejt e kunderta ndodh me lojtaret e huaj qe vijne ne Shqiperi, marrin rroga marramendese ne krahasim jo vetem me lojtaret Shqiptar por dhe me lojtaret e kampionateve si Maqedonia, Mali i Zi etj, pavaresisht se keta te fundit jane kampionate shume here me te forta e prestigjoze se kampionate yne. Pra, lojtaret Shqiptare jane te diskriminuar ne krahasim me te huajte qe vijne ketu. Krejt e kunderta ndodh ne te gjitha kampionatet e huaja. E per ta vertetuar kete, po sjell si shembull pagat e disa lojtareve tek Futboll Klub Vllaznia, ku nje 30 e ca vjecar Malazez, qe deri me tani sa e kam pare une nuk ben ndonje lloj diference ne loje me lojtaret vendas, perfiton 3.500 Euro ne muaj, ndersa nje i ri mjaft premtues, qe cilesohet talent dhe qe pritet shume prej tij, perfiton vetem 30.000 leke ne muaj. Madje nje tjeter akoma me i ri, konkretisht Abaz Karakaci, vetem 19 vjec, nuk mer pothuajse asgje, vetem ndonje shperblimi. Kjo eshte e papranueshme dhe e patolerueshme dhe nuk e ndihmon aspak futbollin Shqiptar. Permenda Vllaznine, por kjo gjendje eshte ne te gjitha klubet e tjera te kampionatit tone.

Ne te gjithe kete shkrim, nuk permenda asnjehere termin "Superliga Shqiptare", pasi nuk ma ben goja ta them e as gishtat ta shkruaj nje gje te tille, kur shoh gjithe keto probleme, qe ne 99% te tyre shkaktohen me dashje nga ata qe qendrojne ne krye te futbollit Shqiptar. Me duket shume paradoksale emri Superlige, per nje lige qe eshte pak te themi amatore, ku nuk respektohen futbollistet, rregullat e lojes e per me teper nuk respektohen ata per te cilet ekziston ky sport, TIFOZET.

Gjithashtu tashme kemi dhe nje problematike qe u shfaq gjate ketij sezoni te fundit. Kthimi i klubeve ne Shoqeri Aksionere. Kjo ndodhi me nje shpejtesi marramendese dhe pa asnje lloj konsultimi. Shume investitore qe kane investuar per vite me rradhe

Duke pare te gjithe kete problematike, mendova te hap kete teme te re, ku te sjellim analiza nga gazetare te ndryshem sportive, vendime nga komisione te ndryshme, dyshime apo fakte qe mund te disponoje secili nga ne. Pra, me pak fjale te meremi ne teresi ne kete teme me problematiken e shumellojshme te futbollit Shqiptar. Sa me shume jehone ti behet nje problemi te caktuar, aq me e madhe do te jete vemendja rreth ketij problemi.

[MaDaBeR]

Një ëndërr që t’i mban sytë hapur, miqësorja me Spanjën!

Nga GËZIM SINEMATI

Kur presidenti Duka shikon një ëndërr apo krijon një alibi, ajo që ndodh në mjedisin e zyrave të kujton efektin e një doze magjie. Pak kohë më parë, pikërisht nga Gjeorgjia, ku do të luanim një ndeshje miqësore, lindi ëndrra më ndjellëse, sipas së cilës nuk ishte e largët dita kur kampionia e botës, Spanja, dhe Kombëtarja jonë, Shqipëria, do të përballeshin. Ku? Në Zvicër. Kur? Në prag të kampionatit evropian. Me një fjalë, ne do të ishim “bileta” e fundit që kampionët e Evropës të fillonin betejën për të mbrojtur titullin. Por ëndrrat mbeten ëndrra dhe kur janë të bukura, jetohen edhe me sy hapur. Thonë se trajneri De Biazi ka festuar me miqtë e tij, që kjo miqësore u luajt vetëm në kokat tona. Edhe ndeshjen me Gjeorgjinë kishim frikë ta analizonim me të vërtetat e saj dhe pastaj vrit mendjen se çfarë mund të sajonim me spanjollët “vrastarë”. Ata që argëtohen me topin, duke ia nxirë jetën kundërshtarit. Por kjo ndeshje luksi, mjafton të bëhej dhe ajo që do të ndodhte, do të ishte një turp i ëmbël, në krahasim me suksesin drogues që shkakton përballja me Ksavi, Iniesta me shokë. Do të ishte një rast i bekuar që Federata të krenohej me pushtetin e shefit të saj, që edhe pse drejton një kombëtare që ka zbritur tej vendit te 70-të në klasifikimin e FIFA-s, ka shansin e madh të ndeshet me majën e piramidës botërore. Një ëndërr spektakolare futbolli, që të kujton edhe disa fjalë të presidentit tonë me rastin e prezantimit të trajnerit De Biazi: “Ne do të vazhdojmë të ëndërrojmë. Mjerë ai që nuk ëndërron!”. Sikur të ishte e vërtetë kjo ëndërr, ndeshja do të mund të pagëzohej “derbi i presidentëve më jetëgjatë”. Spanjolli Vilar ka më shumë se 20 vite në fronin e futbollit, kurse presidenti ynë… ka më shumë se 10 vite. Kështu, nuk ka qenë thjesht koincidencë, bekimi i Asamblesë pikërisht nga miku ynë, Vilar. Një mik, të cilit duhet t’i vjedhim formulën se si futbolli i vendit të tij pushtoi botën dhe jo moshën e gjatë në fronin e futbollit. Le të sjellim edhe një batutë, që ka ndodhur në Gjeorgji, këtë herë, kur delegacionet po “luanin” tek darka zyrtare. Sekretari i futbollit gjeorgjian, pak a shumë, ka thënë këto fjalë: “Bota ka ndryshuar shumë këto vitet e fundit, por në futboll vetëm dy gjëra nuk ndryshojnë… presidenti spanjoll, Vilar dhe presidenti i Shqipërisë, Duka”. Sikur ta kishte dëgjuar këtë batutë shefi i madh i futbollit, Blateri (shembulli tipik i përjetësisë), do të kishte qeshur dhe me siguri do të kishte ndihmuar që kjo ndeshja- ëndërr, Spanjë-Shqipëri, ka 100 arsye që një ditë të materializohet.

[MaDaBeR]

Gjyqtarët e futbollit, tre muaj pa u paguar

Gjyqtarët e të gjitha kategorive të kampionatit shqiptar të futbollit nuk paguhen prej gati tre muajsh. Në pak fjalë viti 2012, të paktën në bordero, për këta të fundit nuk ka nisur ende. Lajmi bëhet me dije nga vetë “bilbilat” shqiptarë, të cilët për arsye etike, por edhe për të shmangur ndonjë “rrëke inati” më pas nga ana e Federatës Shqiptare e Futbollit, kanë dashur që të mbeten anonimë. Faktikisht, arsyeja dhe shkaqet e mosdhënies së rrogave duhen kërkuar pikërisht në FSHF, e cila duhet ta kishte kryer këtë shërbim ndaj gjyqtarëve, njëlloj sikundër ka bërë me pagesat për nëpunësit e vetë për çdo fund muaji. Por, referuar faktit të mësipërm, si duket arbitrat nuk konsiderohen në një rang me zyrtarët e federatës.
Problematika – Gjyqtarët, nga ana e tyre, ndihen të fyer dhe të irrituar pasi, nga java në javë, borxhi që federata u ka atyre sa vjen dhe akumulohet. Por, më shumë se kjo gjë, është fakti se një pjesë e mirë e tyre arbitrimin nuk e kanë thjesht një profesion, pasion, por edhe një punë ose më mirë, një mjet jetese. Ndaj, në këtë prizëm, pagesa që duhet të marrin prej muajsh nga federata bëhet gjithnjë e më shumë e nevojshme. Nga ana tjetër, askush prej tyre, jo vetëm për faktin se me rregullore nuk mund të flasin për ndeshjet që gjykojnë, nuk tenton të ngrejë zërin në vetë të parë aq sa ta dëgjojnë edhe ata të federatës. Kjo, pasi askush nuk vë bast se karriera e “zotërisë” në fjalë nuk përfundon në atë çast. Kastrati – Ndërkohë, i pyetur nga “Panorama Sport”, disenjatori i arbitrave dhe njëkohësisht kryetari i Shoqatës së Arbitrave, Tahir Kastrati, ka pohuar se nuk ka marrë asnjë ankesë për vonesa rrogash. “Shkoni, realisht më vjen çudi, pasi nuk arrij ta kuptoj se përse një arbitër nuk vjen edhe të ankohet te ne për vonesa rroge. Unë ju bëj me dije se realisht nuk ka asnjë ankesë të tillë. Di që mund të ketë pasur ndonjë vonesë një mujore, por jo më shumë se kaq. Ndërkaq, në bazë të strukturës së ngritur, të gjithë këta paguhen nga federata dhe, përderisa janë paguar nëpunësit e tjerë, nuk besoj se janë anashkaluar arbritrat”, ka theksuar Kastrati.

Panorama Sport

[MaDaBeR]

Iniciativa për Ligën, pro dhe kundër!

Biem dakord që komisioni i Kategorisë Superiore, si pararendës i Ligës Profesioniste, ishte një dështim. i atyre që e ideuan – presidentëve të klubeve të Superiores -, por po kaq edhe i Federatës Shqiptare të Futbollit, ndonëse kjo e fundit mbrohet me argumentimin se i ka krijuar kushte logjistike, i ka dhënë asistencën fillestare organizative, madje edhe ka paguar rroga funksionarësh të këtij komisioni. Ata që e proklamuan fillimisht si një “heqje kapistre” dhanë shembullin më të keq, duke mos arritur thuajse asnjë akord për të qenë, përjashto disa ndryshime në rregullore e kode. Fakt është se gjërat erdhën duke u asfiksuar, aq sa ky organizëm mund të konsiderohet edhe “patologjikisht” i mbaruar. Në tërë këtë zallamahi, FSHF-ja, me ndonjë përpjekje sporadike (në një moment ka qenë zëvendëspresidenti Nuri që ka kërkuar të ulë palët e acaruara në tavolinë), qoftë edhe hir të pavarësisë që duhej të kishte ky komision, ka qëndruar mënjanë. Ndoshta edhe duke qesëndisur e duke pritur që presidentët, si simbolika e djalit plangprishës, të ktheheshin kokulur e të thoshnin: “Na e vini sërish kapistrën!”

Një hap prapa! Parë kështu, iniciativa më e fundit për krijimin e Ligës duhet përshëndetur. Ashtu sikurse duhet bërë thirrje për kujdes. Dështimi i parë falet, i dyti do të ishte fatal! “Sport Ekspres” sjell sot opinionin e një specialisti të fushës dhe të një gazetari për këtë çështje.

Liga për më mirë, jo për inat!

Nga Prof. As. Dr. Artan Shyti

Lajmi që përsëri iniciativa e krijimit të Ligës Superiore ka dalë në axhendën e klubeve të futbollit është një ngjarje positive, e cila duhet përshëndetur e analizuar.

Së pari, kjo iniciativë është reflektim i nevojës që futbolli ka për t’u ngritur në një stad më të lartë e modern organizimi të brendshëm, në shëmbullin e vendeve të tjera në të cilat ekzistenca dhe funksionimi i ligave është, në të nëjtën kohë, tregues dhe mekanizëm zhvillimi të mëtejshëm.

Së dytë, është demonstrim i faktit që përpjekja hibride e krijimit të strukturave të ndërmjetme, që nuk kanë as formë as funksion juridik si ai i Komisionit të Ligës Superiore, nuk mund të kishte dhe nuk ka perspektivë serioze. Për më tepër kur, qëllimi i kësaj strukture devijoi nga ndihma dhe mbështetja e klubeve në planin financiar, organizativ e sportive, në vetëm instrument masash më të rënda disiplinore në kurrizin ekskluziv të këtyre klubeve.

Megjithatë, në këtë refleksion duhen marrë parasysh disa aspekte të rëndësishme.

Liga Superiore është strukturë përbërëse e FSHF-së dhe në këtë kontekst, ajo nuk është mirë të krijohet në një situatë konfliktuale akute me organet drejtuese të FSHF-së. Dhe për më tepër, organizimi i saj nuk mund të jetë një motiv për thellimin e mëtejshëm të situatës konfliktuale.

Eshtë e çuditshme që, akoma edhe sot, pas gjithë këtyre viteve përpjekje apo shprehje dëshire nga ana e klubeve për të krijuar këtë organizim më vete të aktivitetit të Kategorisë Superiore, nuk ka një mbështetje efektive dhe institucionale që kjo kërkesë të bëhet realitet. A thua se po kërkohet një utopi, që duhet bërë vetëm në Shqipëri!? A thua se këto organe drejtuese të FSHF-së, që duhet të mbështesin dhe asistojnë këtë vullnet, nuk janë zgjedhur me votat e këtyre klubeve në Asamblene Zgjedhore për t’i shërbyer interesave dhe nevojave të tyre!?

Dhe ashtu siç nuk ka një mbështetje reale, ashtu nuk ka edhe një argumentim serioz se, përse nuk duhet të marrë jetë e funksionojë një strukturë më vete e Kategorisë Superiore, e Kategorisë së Parë dhe Ligës Amatore. Dhe çudia është se kemi (të paktën në letër) një Ligë Amatore dhe nuk kemi një Ligë Profesioniste, ndërkohë kur teorikisht është shumë më e thjeshtë të organizosh një Ligë “profesioniste” se sa një Ligë amatore…

Personalisht kam besuar dhe besoj që, krijimi i Ligës është një hap i rëndësishëm pozitiv në zhvillimin e mëtejshëm të futbollit shqiptar. Por, që ky organizim të jetë me të vërtetë i tillë, ai nuk mund të ndërtohet mbi themelet e ndarjes dhe konfliktit, nuk mund të motivohet nga kundërvënia dhe “lufta” me organet drejtuese të FSHF-së, nuk mund të frymëzohet edhe nga përkatësi, apo simpati partiake. Nëse këto do të ndodhnin, atëhere rrezikohet të ndërtohet një strukturë, që “do të luajë” mbi një “fushë të minuar”.

Dhe futbolli shqiptar, edhe siç është sot, ka plot “mina” që duhet të evitojë. Ndaj, nuk ka asnjë interes që të krijojë një Ligë që, në vend që të eleminojë “minat” ekzistuese, të shtojë të tjera.

Liga, nuk është tender bashkie!

Nga Agron KAJA

“Tallava” lidhur me Krijimin e Ligës Profesioniste në futbollin shqiptar! Që në fillim të kësaj lëvizjeje të fundit të duket se është një ide që e kanë për zemër kryebashkiakët, që drejtojnë skuadra futbolli. Pse duhet kaluar në këtë pozicion kaq “delikat” me postin që kanë këta qyetarë të parë… provizorë? Duket paksa qesharake dhe e pabesueshme që, njerëz të zgjedhur për të drejtuar një qytet, shfrytëzojnë postin dhe, nga djersa e taksapaguesve të tyre, kërkojnë të bëhen edhe liderë në organizimin e topkëmbës shqiptare. Nuk bëhet qameti që në këtë “truall të virgjër” sheh kryebashkiakë që nuk kanë haber nga futbolli, aq më shumë nga organizimi i tij; nuk ka asgjë të keqe që në këtë mes ka hyrë edhe mania e të qënurit NJËSH - pa prekur “zeron” në futboll -, sepse ky është tranzicioni dhe këta janë zgjedhur nga elektorati që përfaqësojnë. Por, zotërinjtë e parë të qyteteve, pasi i kanë mbushur mendjen vetes se “i kanë bërë mirë detyrat e shtëpisë” ndaj qytetarëve të tyre, kërkojnë një “thelë të madhe”, a thua se në Shqipëri nuk ka biznesmenë seriozë të futbollit, nuk paska specialistë të kësaj fushe, njerëz e burra që këtë Ligë ta formojnë më cilësore e reale, pa abuzuar me detyrën shtetërore.

“Sëmundja presidenciale”, si për paradoks, ka kapur dhe një ish-sportist e drejtues sporti, si Qazim Sejdini, kryebashkiak i Elbasanit (kjo sipas medias së shkruar), i cili, vetëm dy muaj më parë, u bënte një apel shumë serioz homologëve të tij në rolin e presidentit të klubit. Apeli kërkonte që, të gjithë kryebashkiakët të ishin larg abuzimit të tyre me detyrën, larg drejtimit të një klubi futbolli. Kujtoj një paragraf nga ai shkrim: “…Kur unë, tej modestisë, me një eksperiencë 10-vjeçare në drejtimin e një klubi shumësportësh, dështova, po Ju zotërinj Kryetarë të Bashkive, që nuk keni asnjë lloj ekperience mbi supe, si guxoni dhe merrni përsipër drejtimin e një klubi futbolli, duke e quajtur veten edhe Presidentë?” (janar 2012, “Sport Ekspres”), ndërsa sot, dy muaj më pas, kur nuk kemi parë e dëgjuar ndonjë përgjigje zyrtare ndaj këtij apeli, kur nuk kemi parë ndonjë sukses të jashtëzakonshëm në klubet me presidentë kryebashkiakët, na jepet e drejta të mendojmë se edhe zoti Sejdini (jashtë keqkuptimit), është prekur nga “sindromi” se Liga Profesioniste e Futbollit është “punë tenderash”, sikundër homologët e tij që po kërkojnë ta ngrejnë këtë Ligë. Sepse në këtë formë siç po dëgjojmë, duket se është hapur një tender i madh në mesin e futbollit tonë, të cilin duhet ta ndajnë në pjesë këta kryebashkiakë, si shpëtimtarë ndaj mangësive të tij. Le të shkojmë më tej. Përveç Flamurtarit që renditet në 6 vendet e para, skuadrat e tjera të këtyre kryebashkiakëve janë duke kërkuar mbijetesën dhe mundet që ky të jetë një fakt justifikues që kërkohet Liga, duke hedhur të keqen e gjendjes së tyre në dyert e FSHF-së. Është qesharake përsëri, kur kthehemi pak për kujtesë në dy vite më parë, kur shumë prej këtyre nismëtarëve të krijimit të Ligës Profesioniste në futbollin tonë, në prag të zgjedhjeve të Asamblesë së FSHF-së, jo vetëm që ishin në krah të Presidentit Duka, por e quanin atë njeriun e duhur për këtë post. Ndërsa tani, kur sulmet janë drejtuar drejpërdrejt ndaj Dukës, kur “karta Sejdini” do të ketë shkuar në ndonjë vend të fshehtë, çfarë lige kërkojnë këta të “përgjëruar” për një çikë futboll të kohës?! Duke menduar se erdhi koha që edhe këtu ata duhet të marrin pjesën e tyre te Liga, për futbollin kjo kastë realisht është e pabesueshme. Në këto situata, ndoshta do t’u duhet një “pit stop” për të marrë veten nga rezultatet e dobta, që kanë arritur deri më sot me skuadrat e tyre, për të menduar më kthjellët se kush janë dhe çfarë dinë të bëjnë më mirë në futboll. Fgurativisht, është më mirë të rrinë jashtë vijës anësore se sa të hyjnë brenda në fushë!

Natyrisht, Liga Profesioniste e Futbollit është një domosdoshmëri, por ajo nuk duhet të jetë “pronë” e njerëzve që përfitojnë nga statura politike. Ndryshe Liga mund t’I përqaset ndonjë dege partie politike. Për fat të keq, ende “foshnje”, Liga Profesioniste në futboll nuk mun t’I rezistojë manovrave të një tenderi ku domosdoshmërit duhet të jenë pjesë vetëm kryebashkiakët!

Sport Ekspres

[Qyfyre]

Kane 10 vjet me kete muhabetin e liges profesioniste. Llafe shume e pune hic.

[BlueBaron]

Problemi i futbollit shqiptar ka vetem nje emer - Armand Duka.

Ky personazh ekstravagant e ka kthyer futbollin ne Shqiperi ne nje loje pa rregulla, ku fiton kush paguan apo kush ka mik Duken. Rralle here ndeshjet mund te kene nje gjykim te drejte te pranueshem. Shkallet e stadiumeve po boshatisen akoma me shume dhe sharjet e ofendimet ne kor kundrejt skuadres mike apo arbitrit jane me shume se normale.


Duka IK !!!

[MaDaBeR]

Une mendoj se sherimi i vertete i futbollit do te vije ne momentin kur klubet te privatizohen dhe kreret e bashkive mos bejne aleanca votash ne kurriz te futbollit. Patjeter qe Duka eshte njeriu i cili ka qene ngadalesuesi i madh i zhvillimit te futbollit. Ai e ka shfrytezuar futbollin per tu pasuruar ne kurriz te tij dhe asnjehere nuk i ka interesuar qe klubet te privatizohen. Jo me kot edhe kthimi i klubeve ne Shoqeri Aksionere u kthye vetem me urdher te UEFA-s, e jo me dashamiresine e drejtuesve te ketij sporti ne vendin tone.

Futbolli do te filloje te zhvillohet ne momentin kur secili klub do te kete nje pronar apo nje bord drejtues, i cili eshte i interesuar drejt per se drejti per ecurine e klubit te vet dhe ne kete menyre nuk do te lejoje prishje te imazhit te klubit per te perfituar nga ane te tjera. Gjithashtu federata do te jete nen persionin e te gjithe presidenteve te klubeve dhe vetem kur kjo te ndodhe ate here do te mare jete Liga Profesioniste dhe do te jete me te vertete nje e tille. Ndersa po te krijohet sot nje lige e tille, jam i bindur e i sigurt qe do te jete nje lige e cila do te jete ana tjeter e medaljes se FSHF-se, pra nuk ka nje ide te qarte e te caktuar per zhvillimin e futbollit, por ka nje ide te qarte e te caktuar per t'u shfrytezuar si mbledhese votash.

[MaDaBeR]

Rubio: Aleancat në kampionat ju prishin edhe Kombëtaren

Hulian Rubio ka gati 9 muaj në Shqipëri, mirëpo i është dashur një kohë fort e shkurtër që të kuptojë problemet që ekzistojnë në futbollin tonë. Me shumë diplomaci ai mundohet të shpjegojë se këtu çalon thuajse gjithçka. Në një intervistë të dhënë për mediat një ditë më parë, trajneri spanjoll e ka ndier të nevojshme që të flasë, pse jo edhe të shprehë dufin që po e mundon. Vazhdon të këmbëngulë se Tirana e tij mund të fitojë titullin, por gjithnjë nëse do t’ia lejojnë. Ai nuk nguron të pohojë se në Shqipëri ka futbollistë tepër cilësorë, mirëpo janë pikërisht këto klane, që nuk e lejojnë këtë sport të përparojë. Madje, sipas teknikut, këto aleanca po ndikojnë në mënyrë të drejtpërdrejtë edhe në Kombëtaren kuqezi.

Një javë me probleme për Tiranën, shumë mungesa për shkak dëmtimesh, e vetmja e mirë është që nuk ka të pezulluar. Si ndihet Rubio në prag të transfertës së Ballshit?

Një e mirë, mes shumë të këqijave. Madje, teksa po flisja me lojtarët, po u thosha që dje (pardje) në një të përditshme spanjolle po lexoja, se pas 3000 minutash lojë, pra rreth 25-30 ndeshje, lojtarët s’mund të mbajnë më. Nëse nuk ka me regjim dhe kujdes fizik, e të tjera si këto, atëherë dëmtimet janë të pritshme. Kjo m’u kujtua, pasi po e vuajmë në kurriz.

Ndoshta po të kishit pasur një kontingjent më të gjerë, nuk do i vuanit këto probleme…

Patjetër që jo, por duhet t’ia dalim me kaq sa jemi. S’kemi opsione të tjera. Por po të kishim një përgatitës fizik gjatë këtij sezoni, po ashtu një mjek, si edhe kushtet ideale për të ruajtur formën e çdo lojtari çdo gjë do të ndryshonte. Jemi keq, kemi shumë halle. Për këtë po i motivoja lojtarët.

Me kaq shumë mungesa, çfarë ekipi do të shohim në Ballsh?

Pyetje e vështirë për vetë situatën që po kalojmë, por për momentin nuk do të mundesha të jepja një përgjigje se çfarë do të shihni ndaj Bylisit. Por di të them atë që kam parë në ndeshjet që kemi lënë pas, kam parë një ekip të mirë që është përballur me kundërshtarin dhe ka marrë maksimumin, me ose pa lojë të mirë, por në fund ia ka dalë. Nuk ka kursyer asnjë. Kemi dalë me kokën lart dhe jam krenar për këtë.

Pas ndeshjes me Vllanzinë, dolët hapur ndryshe nga çdo herë tjetër, duke thënë shprehimisht “Tirana ime është për titull, por gjithnjë nëse na lënë”. I qëndroni ende kësaj që keni deklaruar?

Sigurisht që po, e kam thënë dhe do ta rithem gjithnjë, pasi vazhdoj ta mendoj. Nëse ne do të jemi të aftë që të mblidhemi si grup, duke lënë pas dëmtimet, jemi të aftë që ta fitojmë titullin, në çdo fushë madje.

Aleancat a ju trembin ndopak?

Edhe nëse ekzistojnë, ajo që nuk kuptoj është që fakte nuk ka, askush nuk del hapur, ndaj as unë s’mund ta bëj një gjë të tillë. Kur nuk kanë mediat prova, si mund të kem unë!? Por nëse ndodhin realisht këto klane, ndodhin pasi i lejojnë. Me këto probleme, futbolli shqiptar nuk ka për të ecur kurrë përpara.

Pas 9 muajsh në Shqipëri, kjo është ideja që keni krijuar për kampionatin tonë?

Kur erdha, mendova se po të përqendrohesha në punën time dhe “mbillja” idetë e mia, që në fund të arrihej diçka. Në nivelin personal, këtu flas edhe për Tiranën, ekipi im i ka asimiluar të gjitha ato që unë i kam mësuar. Por pastaj përballem me pjesën tjetër, që nuk ka lidhje me këtë që fola më lart dhe në këtë moment, ndjej vetëm keqardhje, pasi këtu ka njerëz që nuk duan që futbolli shqiptar të evoluojë. Jemi në 2012-n dhe duhet të përparojmë, e jo të kthehemi vite mbrapa.

Të gjitha këto që përmendet, mund të ndikojnë në një largim më të shpejtë tuajin nga Shqipëria?

Kam kaluar një periudhë të ngjeshur me halle, por problemi nuk jam as unë dhe as ekipi im. Problemi qëndron te sistemi, ose rrethi që nuk ndryshon. Unë e kam thënë para disa muajsh dhe vazhdoj ta mendoj, se në Shqipëri ka lojtarë shumë cilësorë, por Kombëtarja shqiptare nuk është ende ekip i mirë. Pikërisht për të gjitha këto gjëra.

Më konkretisht, pse nuk ka ekip të mirë Kombëtarja?

Këta futbollistë cilësorë janë mjaft mirë në aspektin teknik dhe atë fizik, por mbesin në gjysmë të rrugës pikërisht atëherë kur duhet të konkurrojnë. Nuk japin maksimumin, pasi në fund është pranuar që kështu funksionon këtu, e kanë pranuar situatën.
Diçka të fundit keni për të shtuar?
Kam një mesazh në përgjithësi për të gjithë tifozët në mbarë vendin, të mos lejojnë askënd që të tallen me ta dhe me futbollin. Të kërkojnë respekt për mënyrën e të punuarit dhe të luajturit dhe jo gjithçka ta marrin ashtu siç është.

Panorama Sport

[Qyfyre]

Si mund ta shkaterroje futbollin nje njeri i vetem? Kush e ka vene aty? Kush e voton sa here ka zgjedhje FSHF? jane te gjithe bashke qe e shkatarrojne futbollin, Duka, presidente skuadrash, politikane, futbolliste dhe tifozet gjithashtu

[MaDaBeR]

Si mund ta shkaterroje futbollin nje njeri i vetem? Kush e ka vene aty? Kush e voton sa here ka zgjedhje FSHF? jane te gjithe bashke qe e shkatarrojne futbollin, Duka, presidente skuadrash, politikane, futbolliste dhe tifozet gjithashtu

Kete po them dhe une o Qyfyre. Futbolli po perdoret per vota politike. Perdoret nga kryetaret e bashkive sipas oreksit te tyre. Ndaj dhe ndodhin keto fenomene sot ne futbollin Shqiptar.

[goldian]

Si mund ta shkaterroje futbollin nje njeri i vetem? Kush e ka vene aty? Kush e voton sa here ka zgjedhje FSHF? jane te gjithe bashke qe e shkatarrojne futbollin, Duka, presidente skuadrash, politikane, futbolliste dhe tifozet gjithashtu

edhe une me mendimin tend jam
ne zgjedhjet e fundit nese mbani mend u zgjun nga gjumi gjithe presidenttet e klubeve kundra dukes e si perfundim rivali i tij rudi vata vec nje vote mori
sa kontradiktore

[MaDaBeR]

Dabulla: Skënderbeut po ia lënë ndeshjet

Skënderbeu ka fituar në mënyrë të padrejtë deri tani. Mbrojtësi i Tiranës hedh akuza të ashpra në adresë të kampionëve të Shqipërisë, duke thënë se ata i kanë blerë ndeshjet dhe se nëse vazhdojnë kështu, atëherë me siguri që do të fitojnë më shumë pikë se Tirana deri në fund dhe rrjedhimisht do të marrin titullin. “Skënderbeu në të vetmet ndeshje ku luajti futboll të pastër humbi. Luajti futboll të vërtetë me Flamurtarin dhe humbi. Luajti futboll të vërtetë me Teutën edhe humbi. Kohët e fundit ka fituar vetëm ato ndeshje që i ka pasur të lëna. Nëse ky quhet futboll dhe nëse kjo quhet garë, unë nuk e kuptoj se ku qëndron gëzimi dhe emocioni për të fituar ndeshje të tilla. Ky nuk është futbolli që duan njerëzit, ju siguroj. Shikoni se si do dalë ndeshja me Kastriotin në kampionat! Ka për ta fituar, është 100 për qind e sigurt”, – ka thënë futbollisti në emisionin “Rubrika Sportive” të Enkeleda Zekos në TVSH.
Frika - Rezart Dabulla ka pranuar se në fund të sezonit luhet shpesh edhe nën “rrogoz”, dhe një nga skuadrat sipas tij më të fuqishme në këtë aspekt është pikërisht Skënderbeu. “Unë mendoj se nëse luhet ndershëm, Tirana ka shumë shanse të fitojë titullin. Por kjo do të jetë e vështirë. Do të jetë e vështirë, sepse kemi parë shumë gjëra vitet e fundit dhe nuk mund të bëjmë sikur nuk i kemi parë. Kemi parë që të ‘luhet’ shumë edhe jashtë fushe”, ka vijuar më tej mbrojtësi i Tiranës. Dabulla ka komentuar edhe kalendarin e ndeshjeve të të dyja skuadrave, duke thënë se Teuta është më e favorizuara. “Teuta ka dukshëm një kalendar më të favorshëm se yni dhe i Skënderbeut. Unë mendoj se ata janë me meritë aty ku janë dhe se kanë shanse shumë të mira për titull”, – është shprehur ai.

Kapiteni Sina
Elvis Sina, kapiteni i Tiranës, gjatë një emisioni sportiv në një media, ka replikuar ashpër me kreun e klubit të Skënderbeut, ndonëse në distancë. I ftuar në studio, ai hodhi dyshime mbi ndeshjet e këtij kundërshtari. “Korçarët nuk kanë bërë ndeshje të vërteta. Edhe pse kanë një grup të mirë, atyre u mungon motivimi. Ky klub është i fortë financiarisht, por mbi të gjitha politikisht, gjë që Tirana dhe skuadra të tjera nuk e kanë”, – pat deklaruar mbrojtësi ndër të tjera.

Reagimi i Zeqos
Fjalët e Elvis Sinës, por edhe të të ftuarve të tjerë në “Skaner Kampionat”, e kanë ngacmuar ndjeshëm presidentin e Skënderbeut. E kësisoj, Agim Zeqo ka reaguar në distancë me anë të sms-ve. Ai iu përgjigj kapitenit të Tiranës duke i thënë se ekipi i tij ka financa të sigurta dhe se nuk vuan për të marrë rrogat. Ja çfarë shkruante konkretisht ai në mesazh: “Ne jemi të fortë financiarisht dhe jo si ju (i referohet Tiranës), që mblidheni vetëm kur keni për të marrë rroga të prapambetura!”.

Reagimi i Manos: Mos hidh baltë! Nxirr fakte ose hesht!
Prefekti i Qarkut të Korçës, Andrea Mano, njëherazi edhe anëtar i kryesisë së Skënderbeut, ka kritikuar Dabullën për qëndrimin e tij dhe e ka ftuar të vërë prova në dispozicion para se të flasë. “Më vjen keq kur dëgjoj një futbollist me kaq eksperiencë dhe që luan në një klub të nderuar si Tirana, që të shprehet në këtë mënyrë. Është krejtësisht e papranueshme që një lojtar të flasë me këtë gjuhë vetëm duke iu referuar fjalëve të kafeneve dhe thashethemeve lart e poshtë. Nëse ke fakte (duke iu referuar Dabullës) mund t’i depozitosh ato në organet përkatëse, në të kundërt nuk ke asnjë të drejtë që të hedhësh baltë mbi punën dhe djersën e të tjerëve. Është për të ardhur keq që dëgjojmë vazhdimisht të përfliten fitoret dhe sukseset e Skënderbeut dhe për asnjë moment nuk nxjerr askush ndonjë fakt konkret. Kjo nuk është aspak etike dhe profesionale nga futbollistët, por edhe nga mediat”, – ka thënë Mano gjatë emisionit “Rubrika Sportive”. Ai ka bërë edhe një koment të shkurtër për sa i përket pretendentëve për titull, duke thënë se Teuta me paraqitjen që bëri në Korçë nuk është skuadër për titull. “Pa diskutim që fitorja e Teutës ishte e drejtë dhe e meritoi, por për nivelin e lojës që shfaqi dhe për potencialin që ka, unë nuk mendoj se Teuta është pretendente për titull dhe nuk mund të krahasohet me Skënderbeun dhe Tiranën”, – ka deklaruar Mano.

Panorama Sport

[MaDaBeR]

Penallti? Korçarët “humbin” në moviolën e UEFA-s
Tonin Frroku dhe Gjergji Stefa 3/4/2012

Pesë rastet më të diskutueshme për moviolë të kampionatit shqiptar kanë “udhëtuar” në një seminar në Barcelonë ku për disa ditë një morri gjyqtarësh ndërkombëtarë kanë dhënë vlerësimet e tyre. Nga cdo kampionat ishin përzgjedhur pesë situate tipike (e rëndësishme është te theksohet jo flagrante) dhe përballë një skerme virtuale janë hedhur për diskutim. Qëllimi i seminarit ka qënë reagimi i gjyqtarëve ndaj episodeve të disktueshme që më së shumti kanë pasur të bëjnë me 11-metërshat apo pse jo dhe me intepretimet për pozicionin jashtë loje. i dërguar për Shqipërinë ka qënë ish gjyqtari Bujar Pregja.

Ajo që u konsiderua e vecantë në këtë seminar është fakti që një nga rastet e ofruara nga kampionati u konsiderua nga tëgjithë gabim i gjyqtarit. Ndeshja është Tirana-Skëndërbeu në kryeyqtet, rasti përkon me mesin e pjesës së parë. Duro i Tiranës futet në zonë dhe ka topin në kontroll. Në atë moment Radas i pret rrugën duke e penguar të vazhdojë më tej. Duro bie në tokë por për Jeminin, që gjithsesi pas asaj ndeshje ka marrë nota positive, nuk ka akorduar 11-metërsh. Pothuaj të gjithë në këtë rast kanë qënë në një mendje: gjyqtari ka gabuar dhe duhet të jepte 11-metërsh. Moviolë e bërë në rang të lartë!

Sport Ekspres

[MaDaBeR]

Dhe une u habita, se si pikerisht kjo gje i ndodhi Skenderbeut. Ata asnjehere nuk dine te perfitojne nga arbitrat. Me siguri keta te UEFA-s jane kot, nuk dine te bejne vleresime. Bujar Pregja ja kalon edhe Colines, eshte psikolog, arbiter, teolog si dhe eshte shume telepatik. Ai me siguri per çdo rast e di se cfare ka patur ne mendje lojtari qe nderhyn, lojtari te cilit i nderhyhet, arbitri kryesor, anesori, ku do shkonte topi e normalisht, e di edhe se si do te perfundoje takimi.

Mbaj mend, qe ky Pregja, pati thene gjate nje emisioni, se ky ishte nje pengim i lehte, lojtari nuk po shkonte ne drejtim te portes ndaj dhe nuk duhej dhene penallti.

[BlueBaron]

Para dhe gjate ndeshjes Kamza - Skenderbeu, tifozet e Kamzes kishin therritur ne kor "Skenderbe, Skenderbe, nxirri paret ku i ke".

Interesant eshte fakti i faullave ne ndeshjet e korçareve. Kunder Kamzes, albitri kishte fishkellyer vetem 10 faulla, ndersa ne ndeshjet e tjera te asaj dite, statistikat flasin per nje mesatare 45-48 faullash.

Zeqo nuk paguan vetem lojtaret e skuadres se vet, por edhe te skuadrave "kundershtare". Humbja e pare e korçareve erdhi ne fushen e vet kunder Teutes se Durresit, pas nje morie ndeshjesh "miqsore" ...

[puroshkodran]

arbitra bëthqima. kta po e shkatrrojne futbollin
ankohen kur i rrahin mandej...
shif çfare goli nuk ka dhane
ofsajt demek

[goldian]

puro te dy ata me te bardha jane ofsaijd
turp e faqja e zeze biles as ne moviola nuk u ba buje kjo pune
sdi keta te procesit a e permendne nej fije

[{A_N_G_E_L_69}]

Nuk eshte faji i albitrave per ate cka ndodh me futbollin Shqiptar.Albitrat drejtohen nga lart


dhe nga presidentet e klubeve duke filluar qe nga Vllaznia jote dhe te gjith presidentet e


klubeve te tjera.Nuk eshte zgjidhje ai gjykim qe ben ti me ate fjalor.

[puroshkodran]

Nuk eshte faji i albitrave per ate cka ndodh me futbollin Shqiptar.Albitrat drejtohen nga lart


dhe nga presidentet e klubeve duke filluar qe nga Vllaznia jote dhe te gjith presidentet e


klubeve te tjera.Nuk eshte zgjidhje ai gjykim qe ben ti me ate fjalor.

drejtohen nga ky drejtohen nga ai....
pra po thu qe jane te korruptum
njerez qe tallen me mundin, djersen e pasionin te tjereve meritojne shume ma teper se ofendime. ia bajn mire ne disa fusha qe i hypin n'dru

[puroshkodran]

puro te dy ata me te bardha jane ofsaijd
turp e faqja e zeze biles as ne moviola nuk u ba buje kjo pune
sdi keta te procesit a e permendne nej fije

asht permend pak ngaqe u lujt te premten. procesi asht diten e hane. mandej shkarkimi i vates e la ne hije ket skandal. rralle here m'ka rastis me pa nji turp te tlle.
kam pa favorizime po ne ket fare feje jo. edhe penalltia ishte qesharake