Lajmi për paraqitjen në skenë të kësaj organizate është po thuajse 1½ vit i vjetër. Ja edhe një nga net-faqet ku paraqitet ky lajm:
Del në skenë Armata për Çlirimin e Trojeve të Okupuara Shqiptare
01.01.2011, ora 10:30
Prishtina
Paraqitet edhe një armatë e re e cila "do të çlirojë" trojet shqiptare. Në një komunikatë për media me numër protokolili nr. 1 të dërguar sot, Armata për Çlirimin e Trojeve të Okupuara Shqiptare (AÇTOSH) njofton se është formuar për çlirimin e të gjitha trojeve të pushtuara shqiptare, të ndodhura nën sundimin serb, sllavo-maqedonas, malazez dhe grek: veriu i Kosovës, Kosova Lindore (Preshevë, Medvegje, Bujanoc), Lugina e Vardarit, trojet nën Malin e Zi (Ulqin, Tivar, Plavë, Guci etj.), Çamëri – Kostur – Konicë – Follorinë.
Komunikata e nënshkruar nga Shefi i Shtabit të Përgjithshëm të AÇTOSH, Kushtrim Mitrovica, vazhdon më tej duke thejsuar se Kosova është e kërcënuar nga formimi i një „Republike Srpska” të re në truallin shqiptar, me anë të „decentralizimit” - formimit të komunave me shumicë serbe, të lidhura në vije horizontale (mes tyre) dhe vertikale (me Beogradin).
"Kosova nuk është as e pavarur, as sovrane. Me bekimin e EULEX-it, Prishtina zyrtare jo vetëm se nuk interesohet për çka ndodhet në Veri të Kosovës, por inkurajon me sjelljen e saj, ndarjen e Kosovës. Ajo lëjon pjesëtarët e regjimit kolonial serb të depërtojnë në Kosovë sa herë u dashka qejfin.
Ne deklarojmë që do të marrim në mbrojtje veriun e Kosovës, duke mos toleruar më bandat kriminale paraushtarake serbe, policët e MUP-it dhe agjentët e shërbimit sekret serb në territorin e Kosovës kreshnike.
Sllavo-grekeve dhe Evropës Plake u bëjmë kështu definitivisht me dije se pazarllëqet në kurriz të Shqiptarëve kanë mbaruar", thuhet mes tjerash në Komunikatën numër 1 të Armata për Çlirimin e Trojeve të Okupuara Shqiptare (AÇTOSH).
huazuar nga albeu.com
Krijoni Kontakt