Tmerr në det, rikthehen gomonet

[Beqari002]

Si duket edhe ky eshte edhe nje deshtim i madh i Qeverise Shqipetare e cila me te madhe trumpetoi ne kete drejtim se eshte stabilizuar deti.Por....???


Tmerr në det, rikthehen gomonet


TIRANE (14 Mars) - Shpëtojnë mrekullisht nga mbytja 24 veta që gjendeshin në bordin e një gomoneje. Kjo ka ndodhur dje në mbrëmje, kur forcat e kufitare të Durrësit, grupi 28 Naval dhe një helikopter i Guardia di Finanza kanë nxjerrë nga deti 24 udhëtarët, 23 meshkuj e një femër, të cilët ndodheshin në borgin e gomones me 2 motorë. Që në shtatorin e vitit të kaluar, kur u dogjën publikisht disa gomone dhe u bllokuan shumë të tjera, nuk është folur më për nisje klandestinësh drejt brigjeve italiane. Nga përtej detit nuk është dëgjuar më që të kenë mbërritur klandestinë nga Shqipëri. Kështu, u duk sikur nuk do të ketë njerëz, të cilët kalojnë ilegalisht detin me gomone apo skafe. Në muajin tetor të vitit të kaluar, Shqipërinë e vizitoi edhe kryeministri italian, Berluskoni, i cili përgëzoi qeverinë shqiptare për luftën kundër trafikut të klandestinëve. Kjo hipotezë është rrëzuar dje, kur nga deti u dha sinjali SOS, se një gomone me 24 klandestinë ishte duke u mbytur rreth 5 milje larg bregut të detit. Në orën 08:40 të ditës së djeshme, policia e Vlorës ka sinjalizuar atë të Durrësit, pasi kjo e fundit ka mjete lundruese, se diku afër bregdetit të Divjakës ndodhej një gomone duke u mbytur. Burime nga policia e Durrësit kanë bërë të ditur se menjëherë janë marrë të gjtiha masat dhe janë nxjerrë në det dy mjete lundruese të policisë dhe një motovedetë e Guardias me efektiv italo-shqiptar, të cilat janë nisur në drejtim të grykëderdhjes së Semanit. Në fakt, nuk ka qenë e lehtë, pasi aksioni i policisë është ndërprerë dy herë. Deri në orën 14:30, është kontrolluar e gjithë zona dhe më pas është ndërprerë, pasi dallgët e detit arrinin në 6.2 ballë. Më vonë, në orën 16:10 u dhanë disa detyra për marrjen e masave të mënjehershme, me të gjitha forcat që dispononte policia e Durrësit, si dhe u urdhërua dalja e dy mjeteve të kufirit e Guardias. Por patrullimi u ndërpre pas 20 minutash, pasi dallgët arrinin deri në 7 ballë. Sipas të njëjtave burime, ishte i domosdoshëm bashkëpunimi me forcat e NATO-s në Durrës. Pas takimit, komandanti i këtyre forcave, Xhuzepe Ilia, urdhëroi nisjen e një helikopteri. Në këtë kohë, pranë policisë së Durrësit ndodheshin edhe disa të afërm të atyre që ndodheshin në gomone, të cilët kishin shkuar për të kërkuar ndihmë. Këta të fundit kishin edhe numrin e celularit të një të afërmi që ndodhej në det. Numri iu dha shefit të rajonit të Portit të Durrësit, Edmond Dule, i cili u nis me helikopterin e NATO-s, pasi është nga Fieri dhe dihej që e njihte mirë atë zonë. Kur nisi të errësohej, ekuipazhi i helikopterit është lidhur me komandën e tij dhe kjo e fundit me mjetin lundrues të grupit 28 Naval, i vili ndodhej në det. Pas disa kontakteve telefonike të kolonel Dules me skafistin, i cili i kishte marrë telefonin klandestinëve, janë mësuar edhe koordinatat. Kështu, rreth orës 19:20 është është parë gomonja, pranë së cilës ka shkuar mjeti lundrues i 28 Naval. Sipas të njëjtave burime policore, ajo ishte gjysëm e mbytur dhe njerëzit që ndodheshin në të mundoheshin të hiqnin ujin me dorë. Pasi janë evakuar 23 meshkujt dhe një femër, nga rrethe të ndryshme të vendit, për arsye distance dhe kohës së keqe, ata janë nisur për në Vlorë. Në Portin e Radhimës ata kanë mbërritur rreth orës 22:20 dhe kur kanë zbritur kanë treguar se kishin qëndruar rreth 24 orë në gomone dhe ishin nisur nga pylli i Divjakës. anjo/mr (GazetaShqiptare/BalkanWeb

-------------------------------------
---------------------------------------------
Oj sharki e lehte si era , a ka aedhur ne Shqiperi pranvera?