Cassius Clay i kthyer ne Muhammad Ali, mbush 70 vjet

[DYDRINAS]

Boksieri më i madh i të gjitha kohërave mbush 70 vjet

17-01-2012

Në qytetin e lindjes, Luivil në shtetin federal Kentaki, Ali feston këtë të martë 70 vjetorin e tij. Fansat dhe ekspertët janë të një mendimi: Ali nuk e ka thënë më kot, ai ka qenë boksieri më i madh i të gjitha kohërave


Shumë janë përpjekur ta kopjojnë stilin e tij në boks. Asnjë kampion bote në peshën e rëndë nuk lëvizte kaq elegant në ring si Muhammad Ali.
"Hë, më kap, unë po vallëzoj, mundohu të më ndjekësh! Ai nuk i godiste kundërshtarët e tij, ai i përçmonte ata - para ndeshjes, në ring dhe më pas.

"Ali lufton kundër Green-it, Ali ka shpejtësi, ka rezistencë - po qe se del në ring kundër tij, duhet të rrisësh shumën e sigurimit."


Cassius Clay kthehet në Muhammad Ali


Batuta të tilla, si kjo i dhanë Alisë namin e një gjuhëgjati arrogant. Dhe Muhammad Ali mund t'ia lejonte vetes një luks të tillë, në fund të fund në ring për nga aftësitë atij nuk i afrohej askush. Me 18 vjeç Ali doli fitues në Lojërat Olimpike, me 22 vjeç u bë kampion bote.

Sapo mori titullin, boksieri përqafoi islamin, la emrin e deriatëhershëm Cassius Clay dhe u bë Muhammad Ali. I famshi Ali doli hapur kundër luftës në Vietnam, dhe refuzoi shërbimin ushtarak. Ky vendim i kushtoi atij titullin e kampionit të botës, dhe dënimin me kusht për dy vjet. “Nuk ka rëndësi se cili është dënimi apo akuza, unë i mbetem benik besimit tim. Edhe po të qëlloni me kallashnikovë, i mbetem besnik islamit. Jam gati të jap jetën për të.” Kështu u shpreh Ali asokohe.

Muhammad Ali distancohet nga terrorizmi

Tre vjet duhej të kalonin që të merrte fund pushimi i detyruar. Pastaj Ali u kthye në ring. Disa nga ndeshjet e tij hynë në histori. Humbja kundër Joe Frazierit në vitin 1971 në Madison Square Garden në Nju-Jork; fitorja K.O. ndaj George Foremanit në Kinshasë në vitin 1974; suksesi kundër Frazierit në vitin 1975 në “Thrilla im Manila”. Dy herë Ali theu rregullën e pashkruar në botën e boksit, që kampionë të shfronësuar nuk mund ta marrin më titullin e kampionit.

Më rreth 40 vjeç, Muhammad Ali u tërhoq nga boksi. Pak më vonë ai bëri të ditur se vuan nga sëmundja e Parkinsonit. Kur Ali ndezi në vitin 1996 me dorë të dridhur pishtarin e Lojërave Olimpike në Atlanta, shumë njerëz u prekën thellë. Deri më sot ai nuk ka hequr dorë nga pozicionimi publik ndaj temave të ndryshme politike. Kështu pas ngjarjeve të 11. Shtatorit Muhammad Ali u distancua me vendosmëri nga terrorizmi islamik. “Vrasja nuk është metoda e duhur për të përhapur islamin” u shpreh ai.

Autor: Stefan Nestler/Lindita Arapi

Redaktoi: Elert Ajazaj

dw

[DYDRINAS]

[Endri_]

Boksier te tille nuk do lindin kurre.
Une kam disa dvd te Muhamed ali dhe t'them drejten ne gjithe kto vite nuk kam pa boksier qe ti afrohet per nga menyra sesi ai boksonte. Eshte unik me plot kuptimin e fjales. Kishte nje mjeker qe perballonte grushte pa fund, sidomos te majten qe i dha frezier ne ndeshjen e pare shume boksier nuk do ishin ngrit me. Ndersa Ali u ngrit ne te qintat e sekondes. I madh ,legjendar ,i paarritcem. Nuk ishte vetem nje boksier ,por dhe nje njeri qe luftonte per te drejtat e njerezve me ngjyre qe sot i gezojne si gjithe tjerit.

Si Gjenerata e viteve 70 me Ali ,Frezier ,foreman , ken norton , homles ..ska per t'ardh kurre.

[MI CORAZON]

U befte 100 vjec!