-
YJTë E QESHUR
T'gëzuar janë
sot yjtë e ri,
fytyra u qeshet
plot hieshi!
Vallja e gjërë
e pa anë,
udhëhiqet bukur
gëzim kanë!
-E pse?
-E pse?
Pyetën n'zë
nja dy re!
Sepse yjtë
e ngatërruar,
n'agim heret
janë pajtuar!
-
-
RETë E STOLISURA
Retë prore
në kohë shiu
si gjithëherë,
enden qiellit
stolisur mbi krye
nga një ylber!
Dielli me to
lot fshehuriçka
hiç pa nda',
të gjitha lule
e ata zogjtë
larë i ka!
Dy kodrave
me barë e pemë
të mbuluar,
kurorë të bukur
shumëngjyrëshe
u ka dhuruar!
-
-
YLLI I KUQ
Një yll i kuq
skaj qiellit
rri i brengosur,
sepse n'agim
me yllin e verdhë
është fjalosur!
Mbanin inat
që të dytë
pe s'lëshojnë,
kur nga rruga
u kthye hëna
e befasojnë!
Hëna saora
urtë veproi
aty për aty:
-Merruni n'grykë!
ajo urdhëroi,
o yjtë e mi?!
-
-
RETë ZILIQARE
Reja e bardhë
sikur bora
u duk mbi shtëpi,
i ndritënin rrobat
porsi rosakut
tonë të ri.
E një tjetër
afro saj
futë e zez,
shaminë bojëplumbi
të mbështjellë
sipër kresë.
Dhe mes tyre
seç na lindi
e madhja zili,
shkrepi vetima
u dëgjua bubullima
ia nisi shi'!
-
-
PISHTAR KOMBI
(Kushtuar Ali Ibër-Nezaj në përvjetorin e ramjes për liri)
Plotë mendje urtë
e zemër graniti,
kudo futej n'luftë
kudo zërin ngriti.
Armikut s'i lejoi
t'sundojë n'pafundësi,
s'deshi të jetoj
nën thundër,robëri!
Nëpër kreshta gjaku
kudo derdhej rrëke,
n'çdo skutë bajraku
valëvitej për jetë t're..
Sot kënga kreshnike
me mall i këndohet,
vepra e tij heroike
anekënd kujtohet
Të bukurën shtatore
n'qytet ia ngrenë,
rrokur dorë për dore
rreth saj valle vejnë.
Po kujtojnë përvjetorin
Presheva,Tirana,Dibra...
heroizmi dhenë mori
madhërohet Ali Ibra!
Tetor-2o12
-
-
KALI I REJëS
Reja hipur
mbi kalë
po krenohet,
qiellit t'gjërë
kah shetit
zemra i gëzohet!
Ecën e veshur
në t'bardhë
si mbretëreshë,
Shikon me sytë
rreth e rrotull
dhe buz'qeshë!
Të habitur
nja dy fëmijë
m'veti thanë:
-Në ç'kalë shetit
kjo re lazdrane-
Dori apo Vranë?!
-
-
GAZMENDI I YJëVE
Gazmend t'madh
sot yjtë
kanë pregatitë.
Stoliset qielli
si më parë,
veç shndërritë!
Hëna e bukur
veshur fare
qiellit hapëron,
në anën tjetër
t'gjitha yjtë
i viziton!
Yjtë e qeshur
porosi dhanë:
-Na i përshëndet
gjithkah n'botë
vëllezër tanë!
-
-
YLLI LëVDAç
Lëvdohej ylli
para shokëve
për çdo ditë,
se nuk ka
vend në qiell
që s'ka shetit!
E kur shokët
i bënë py'tje
një nga një!..
U hutua
u bë lëmsh,
s'foli më!
Sillej,mb'shtillej
majtas,djathtas
veç po hesht...
Një yll i urtë
në vesh i tha:
-Të lëvdohesh
ç'tu desht?!
-
-
DY SHTëPI
Në mëhallë
dy shtëpi,
rrinë përballë
sy më sy.
Në kokë kanë
t'njejtën kapelë,
në supe kanë
t'njejtën këmishë!
të qeshur janë
si kurdoherë,
miqësia e fortë
shumë i grishë!
Si vocërrakë
nuk kanë rritë,
por si plak
mendojnë përditë!
Të ngjyrosura
në të bardhë,
janë më t'bukura
në mëhallë!
Në çdo kohë
fytyra u ndritë,
shikohen në sy
natë e ditë:
Gjatë ditës
n'dritë dielli,
gjatë natës
n'dritë hëne,
si vëlla e motër
të një nëne!
-
-
RROBAT E FUSHëS
Fusha vë plisin
veshur si zotri,
kudo po ndrisin
rrobat si inxhi!
Nga çdo anë vilet
n'hare ky bereqet,
bujku heret ngrihet
që t'shkoj n'vresht!
Rrugës duke shkuar
qerret kërcëllojnë,
gjithë janë t'gëzuar
n'vresht kur punojnë!
Traktorët nxitojnë
për n'bodrum shpejt,
rrushin ta dorëzojnë
t'ëmbël si sherbet!
-
-
T'IU THEMI STOP
Armatimit nuklear
në botën mbarë,
t'iu themi:
Stop!
Ngatërresave n'kufij
mes vendeve fqinj,
t'iu themi:
Stop!
Luftrave të ashpra-
n'qytete e fshatra,
t'iu themi :
Stop!
Pasurimit të madh-
pa u djersitur n'ballë,
t'iu themi:
Stop!
Mashtrimit,dredhimit
dhe dukurive tjera
të dëmshme për njerëzimin,
t'iu themi
gjithë tok
në këtë botë:
-Stop!
-Stop!
-Stop!
-
-
FTONJëT E VERDHë
Pema me ftonjë
degët rëndon,
Arta si zonjë
nën të pushon!
Shikon me kureshtje
me ata dy sytë,
fare në heshtje
vehten e pyet:
-Kush u dha vallë
trupin si top,
ngjyrën porsi ar
e me erë plot?!
-T'vallëzojnë t'lumtur
kush i mësoi,
këmishën e bukur
kush ua dhuroi?!
Veten e ndali
py'tje duke shtruar,
kur era nga mali
zbriti e hidhëruar!
Era lazdrohej
s'pushonte dot,
pema lëkundej
gjer në tokë!..
-Tik!-n'tokë ranë
kokrat si qelibar,
Arta aty pranë
i kishte parë!
Verdhushet saora
i vuri n'shportë,
i miklonte dora
s'i pritej dot!
Rrugës vrapon
sa me shpejtësi,
t'i kënaqi me aromë
gjithë në shtëpi!
-
-
KAPELAT
Vogëlushët rresht
mbanë në krye,
kapela t'leshtë
llojlloj ngjyre!
Gjithë shtëpitë
t'larta,galuçe,
mbanë kapelat
t'rënda,truçe!
Mali i dendur
që prek retë,
ka të endur
kapelë t'sedeftë!
Por fëmijë të lumtur
me sy dielli,
kapelë më t'bukur
e ka qielli:
- Natën stolisur
me hënë e yje,
ditën qëndisur
me diell n'krye!
-
-
Në mëhallë
dy shtëpi,
rrinë përballë
sy më sy.
Në kokë kanë
t'njejtën kapelë,
në supe kanë
t'njejtën këmishë!
të qeshur janë
si kurdoherë,
miqësia e fortë
shumë i grishë!
Si vocërrakë
nuk kanë rritë,
por si plak
mendojnë përditë!
Të ngjyrosura
në të bardhë,
janë më t'bukura
në mëhallë!
Në çdo kohë
fytyra u ndritë,
shikohen në sy
natë e ditë:
Gjatë ditës
n'dritë dielli,
gjatë natës
n'dritë hëne,
si vëlla e motër
të një nëne!
-
-
RADIOJA DHE VALBONA
Radioja kur këndon
kënaqet çupëza Valbonë!
Babai nga kanapja e çoi
nëpër dhomë që t'vallëzojë!
Nis Valbona duart t'i lëviz
prore kështu bënë n'shtëpizë!
Prindërit t'buzëqeshur e shikojnë
duarve ngapak u mëshojnë!
Radioja:këndon,këndon,këndon...
Valbona:Vallëzon,vallëzon,vallëzon!...
Kur radioja u ndalë së kënduari
u ndalë dhe Valbona së vallëzuari!
-
-
VJERSHA U SHKRUA
Vogëlush i dashur
që prore buzëqeshë,
vendosa për ty
t'shkruaj një vjershë.
Por u mendova
dhe thash më veti:
-Bënë e hidhërohet
vogëlush i shkreti!
Më mirë ta pyesi
e le t'deklarohet:
-A ka dëshirë
vjersha t'i kushtohet?
Anë e mbanë
e kërkova n'shtëpi...
Vogëlushin s'e gjeta
diku ia kish mësy'.
Prita në dhomë
një kohë të gjatë,
vjersha u shkrua
dashtë e pa dashtë!
-
-
IKËN DALLËNDYSHET
Ikën dallëndyshet
këta bishtgërshërë,
më veti thanë gjyshet:
-Natyra mbeti e mjerë!
Nuk ka fluturime
të shkathta n'ajri,
as t'ëmb'la cicërrime:
-Ciu,ciu,ci!
Do t'na mungojnë
gjer në pranverë,
sepse do t'shkojnë
atje ku është verë!
Kur ditët e ftohta
te ne marrin fund,
nga vende t'ngrohta
kthehen gjithkund!
Prap do t'zotëroj
gëzimi pa kufi,
kënga do t'jehoj
kudo me ëmbëlsi!
-
-
VAZOJA POROSITë
-Jam vazo e re
e jo shportë,
jam për lule
e jo bërllok!
-S'dua me thes
letra,kanaqe...
dua kujdes
t'pastra faqe!
-Në trotuare
prore qëndroj,
lule gjithfare
të kultivojë!
Dua t'shpërndajë
aromë të mirë,
t'i kënaqi,haj
gjithë mysafirë!
Pa u hamendur
ju o kalimtarë:
-Bëhuni të urtë
e jo m'u tall !
-
-
LULEDREDHA
+
Luledredha bojëblertë
ngritet murit si shigjetë!
E freskët natë e ditë
tërë njomësi trupin rritë!
Për bukuroshen shtatlartë
shumë kujdest upëza Artë!
Përherë n'mbrëmje dhe agim
luledredhën e ujit shqim!
Me duart si bora e ledhaton
faqet e njoma ia pastron!
Sa i qeshet fytyra shtëpisë
luledredha që e stolisë!
Kur n'oborr gjyshja doli
upëzën e vyer e lëvdoi:
-T'lumshin duart moj ti Artë
shtëpisë i dhe t'buk'rën kravatë!
Shih sa mirë në trup i rri
i ndrisin lulkat plot kaltëri!
- çdo fëmijë si ti Artë, moj
duhet lule t'kultivojë!
-Më e bukur do t'dukej kjo botë
kur të mbushet me lulka plot!
-
-
LOTëT E VAZOS
Skaj rrugës
në trotuar,
lotët vazos
i rridhnin valë!
Vajton ditën
vajton natën...
ia ndalën rritën
dhe e ngulfatën!
-N'vend se lulet
të rrisi unë,
bërlloku m'hudhet:
-Shkllum e shkllum!
-Kësaj i thonë:
Jo kulturë!
Të keqen tregon
të mirën kurr!
Kalimtarët tok
i lutë mirë:
-Mos hudhëni bërllok
keni pak mëshirë!
-
Regullat e Postimit
- Ju nuk mund të hapni tema të reja.
- Ju nuk mund të postoni në tema.
- Ju nuk mund të bashkëngjitni skedarë.
- Ju nuk mund të ndryshoni postimet tuaja.
-
Rregullat e Forumit
Krijoni Kontakt