Shqipëria dje dhe sot - Çfarë prodhon sot Shqipëria?

[Izadora]

Projekt athere ashtu ishte propaganta , qe ne jemi populli me i lumtur ne bote.
Prandaj i mbylli kufijt xhaxhi , qe njerzve mos t'ju hapeshin syte dhe normal qe nuk do dish te besh krahasimin.
Po koha e tallonave c'fare tregonte athere , qe kishim prodhime vendase me bollek ?
Athere u prodhonin psh. pantallono seri , te gjithe si shtepia e femijes ect ect , kurse sot rrefugjat me shumic lol


Natyra na ka falur klimen e ngrohte dhe kemi nje bregdet te mrekullueshem qe fatkeqesisht po e keqmanaxhojme.

[EDLIN]

përshëndetje puro shkodran, jo unë nuk po ju mësoj, por po ju pyes për ato që po i shoh. Ju ne¨se keni kundërargumete demantojeni këto. Prandja mos u merrni me mua e me njer¨z të tjerë që flasin me fakte.
Ja ta zëmë:
demantojeni:

A mbillej pambuku dikur në Shqipëri,
A u rindërtua dibra brenda 5-6 javësh pas termetit
a kisht eshkritore kromi dikur dhe a shkrihej krom e metale tjera në shqipëri. ( Besoj të kujtohet "Çeliku i Partisë")
është e vërtetë se prodhoheshin traktorë në shqipëri

nëse po, pranojeni këtë të dhënë dhe mbi të gjitha sa është shtuar rendimenti krahasur me ato vite ( kupto vitet e 50-60)
ose
demantojeni, ta zëmë: "jo ato që ke parë në TV për mledhjen e pambukut kanë qenë të Maqedonisë, a Bullgarisë, pra janë montazhe....

Nje ndihme te vogel..
-Mbillej grure,grure me mijra hektare... e haej miser(perzier me krunde)
-Milej lopa,komplekset e blektorise ishin moderne.. e s'pihej qumeshti s'gjendej djath e gjalpe...
-Frutoret lulezonin me rendimente nga me te lartat... por fruta s'gjeje ne dyqan..
Mos te flasim per shtepi banimi ku kishte banesa qe jetonin edhe 2-3 familje se bashku..
etj,etj...
Ti kerkon rendiment... si e do me grafik apo thjesht me shifra..
Nuk me hyn ne pune ai rendiment kur mund te gjej ne mes te nates "ç'thote gjuhe e zogut" ..
Ate qe beri dora e privatit per 20-vjet nuk e beri per 50-vjet socializmi..
Keto jane jo se i them une.. po ec e bej nje xhiro vete e shihe me syte e tu.. nuk eshte parajse.. por edhe ferri i dikurshem nuk eshte

[Lady Oscar]

Mua nganjehere me merr malli per ato kohe, po edhe fushe me lule sic tregonin filmimet nuk ka qene, jo!

Po regjistronim tek studiot e televizionit nje emision per femije me teta Ketin, ajo bjondja e lezetshme... nejse, une isha pjese e kalamajve, jo e regjise. lol
Se c'beme nje loje nje studio, a quiz, s'e mbaj mend me thene te drejten, dhe fituesi fitonte nje liber per femije. Nejse, e fitoi nje vajze dhe ia jep teta Keti... pritet regjistrimi dhe nga pulti i regjise vjen nje ze "shiko goce, se mos e marresh me te vertete ate librin!". Ne ia plasem te qeshurit... po asnje s'u zhgenjye, ishim mesuar me ate lloj loje ku cdo gje behej sa per sy e faqe.

Edhe femrave ua kane marre shpirtin atehere; nje 40 ditesh per lehoni e fishek ne pune e kerthia direkt ne cerdhe... te forta ato e te forte ne! lol Mos flasim pastaj per ato palo kushte...
Kur bej biseda me prinderit e mi, e kuptoj qe vertet kane punuar e jane munduar ne punen e tyre, por c'e do, kur i jep nje biciklete te prishur, sado te mundohesh, makinat qe te kalojne perbri ta kane marre me qindra here.

Kurse sot... i kemi hipur kalit se prapthi! lol
Nejse, sot njerezit jane te lire te marrin ne dore fatet e tyre, dhe nuk eshte pak.

[Lady Oscar]

ah, dhe nje gje: fytyra e fshatareve te atyre koheve ish dicka qe te pikte ne zemer, dukej 40vjecari si me qene 60 vjec... dhe e tille ish 70% e popullsise qe jetonte ne nje vend te "industrializuar".
eshte shtresa me te cilen historikisht eshte abuzuar paturpesisht ne te tera "revolucionet" shqiptare dhe qe s'i ka pare nje dite te bardhe cfaredolloj sistemi...

[projekti21_dk]

Ky nuk është vendi për të rinjtë

* Shqipëria nuk është vend për të rinjtë. Sa për ta nisur me këmbën e mbarë këtë shkrim; ata që si unë po plaken me ritmin që nuk paska gjë që e ndaluaka, nuk do të kenë as pension për të pasur shansin të plaken pa ankth. Unë kam ankth.

Nga Andi Kananaj

*Ky nuk është vend për të rinjtë. Dhe ata që do të gjejnë një punë, shpesh, do të jenë të paguar keq. Pa sigurime, rrjedhimisht të pasiguruar në kohën kur sigurimi t’u duhet me të vërtetë. Kur të jenë të sëmurë, apo akoma më keq kur koha të ketë kaluar dhe ta shohin veten të moshuar dhe pa gazin e viteve të para.

* I kërkohet shpesh dhe patetikisht, atyre që ikën me vrap për të fituar dije në perëndim që të kthehen për atdheun e tyre. Që do të përkthehej: lini punët ku vlerësoheni për profesionalizmin tuaj dhe kthehuni. Gjeni mik që t’ju çojë afër Berishës, Ilir Metës apo Mediut, pastaj lutuni shumë. Dhe kur të bindni që jeni militantë, ata do t’ju pranojnë në punë. Jo se jeni të aftë, por se u aftësuat në humbjen e personalitetin tuaj.

shkrimi i plotë

--------------------------------------------------------------------------------
Shqipëria nuk është vend për të rinjtë. Sa për ta nisur me këmbën e mbarë këtë shkrim; ata që si unë po plaken me ritmin që nuk paska gjë që e ndaluaka, nuk do të kenë as pension për të pasur shansin të plaken pa ankth. Unë kam ankth. Mendoj se dhe të tjerët duhet të mendohen. Brezi i atyre që në masë të madhe po mbarojnë shkollat si juristë apo ekonomistë do të kuptojnë se realisht nuk ka vende pune për të gjithë. Emocioni i të mbaruarit të shkollës (shpesh të paguar dhe shtrenjtë) do të kthehet një emocion më të fortë dhe shumë shpesh negativ. Ky nuk është vend për të rinjtë. Dhe ata që do të gjejnë një punë, shpesh, do të jenë të paguar keq. Pa sigurime, rrjedhimisht të pasiguruar në kohën kur sigurimi t’u duhet me të vërtetë. Kur të jenë të sëmurë, apo akoma më keq kur koha të ketë kaluar dhe ta shohin veten të moshuar dhe pa gazin e viteve të para. Dhe ata që sot kanë një punë, shohin se ajo punë nuk u siguron mundësinë që të kenë një familje. Kredia që do të marrin për të blerë një shtëpi, në rastin më të mirë do t’i shoqërojë deri në kohën e largët, pafund të largët, atëherë kur nuk do ta kujtojnë më se përse e morën këtë dreq kredie: E në rastin më të keq një bankë me shpejtësinë e zërit të një përmbaruesi privat do t’u konfiskojë çdo gjë, për të cilën po punonin me zell. Një vend ku të fusnin kokën.
Ky nuk është vend për të rinj. Ky është vendi për 100-150 servilë “gjenialë” që shpesh janë ata arsyeja e gjithçkaje të keqe. Ky nuk është vend ku të rinjtë të kenë shansin të konkurrojnë normalisht. Në Shqipëri nuk ka garë.

Në njërën anë vendet në administratë janë të numëruara për militantë dhe organizatorë mitingjesh, në tjetrën, tek sektori qesharak privat të punësuar më së shumti janë kushërinj fodull. Sigurisht që biznesi ka ardhur si pasojë e lidhjeve me politikën dhe vetëm në pak raste do të ketë mundësinë që të eci në rrugën e menduar. Pjesa më e madhe e “pronarëve”, do të konsumojnë deri në zhdukje të pasurisë që i kanë privatizuar për pak gjë.

Ky nuk mund të jetë vend për të rinj, kur politikanët gjenerohen dhe vetëgjenerohen ciklikisht të njëjtët për 20 vjet po kaq të përsëritshëm. Politikanët, në vendin tonë, nuk kanë frikë nga e panjohura e të nesërmes, se janë vetë e ardhmja (ajo e zymta si kanë treguar faktet). Vitet në vazhdim, për fatin e zi tonin, vetëm sa do ta përforcojnë këtë tezë parashikuese. Nuk duhet kalendarë, mjafton televizioni “Abc” për ta kuptuar.
Ky nuk mund të jetë vend për të rinjtë, kur plani i vetëm për të mbijetuar politikani si specie e kamur, është importimi i mbetjeve urbane nga çdo vend që i ka të tepërta. Ky vend nuk ka si të jetë për të rinjtë kur Mafia vendos dhe për sëmundjet e të ardhmes. Nuk mund të jetë vendi për të rinjtë, atje ku turizmi i vetëm të siguron kancer në mushkëri dhe mëlçi. Mazokistët e gjithë botës mund të bashkohen këtu, për pak kohë cilësore. Pas tyre nuk do të ketë më asgjë.

I kërkohet shpesh dhe patetikisht, atyre që ikën me vrap për të fituar dije në perëndim që të kthehen për atdheun e tyre. Që do të përkthehej: lini punët ku vlerësoheni për profesionalizmin tuaj dhe kthehuni. Gjeni mik që t’ju çojë afër Berishës, Ilir Metës apo Mediut, pastaj lutuni shumë. Dhe kur të bindni që jeni militantë, ata do t’ju pranojnë në punë. Jo se jeni të aftë, por se u aftësuat në humbjen e personalitetin tuaj. Kjo aftësi e re do t’ju bëjë më të durueshme faktin se shefi juaj nuk di të përdori e-mailin. Kjo aftësi e re do të bëjë që koha në mitingje t’ju konsiderohet punë efektive. Kaq lehtë do të jetë, nëse plotëson kushtin e parë dhe të dytë. Përndryshe papunësia do të mundësojë me sukses uljen e autostimës suaj. Do të ktheheni andej nga erdhët, me besimin që kjo ishte hera e fundit që besuat. Një vend i tillë nuk mund të jetë vend për të rinjtë. Një vend të kërkon të sakrifikosh sa për sy e faqe. E vërteta është se vendi nuk të kërkon aspak. Nga larg je më simpatik.

Për fat të keq, nuk është as batutë. Ju të gjithë e dini ku jetoni. Flitet për të rinjtë, dhe për të larë ndërgjegjen i kalohen disa konferenca për shtyp deputetëve si Gerd Bogdani. Po Gerd B., vetëm i ri nuk mund të jetë. Tipa të tillë kanë siluetën e një të 25-vjeçari, po vetëm kaq. Zëri, fjalët, gjithçka thuhet ka kaluar në mendjen e një 70-vjeçari. Telefoni i ka bashkuar për pak sekonda. Pastaj leximi i keq, ka qenë pjesë e argëtimit të dyfishtë të burrit plak që vendosi për gjithçka. Ndoshta edhe që të quhesh Gerd B. Ky nuk është vend për të rinjtë. Kjo nuk do të thotë që është vend për pleqtë. Ndoshta vetëm për një të tillë. Për të tjerët nuk ka ilaçe. Janë në fijen e jetës dhe shtrëngojnë fort atë. Përtej saj nuk ka mjeke, nuk ka vëmendje, ka vetëm diabet dhe dhimbje. Dhimbje dhe për të rinjtë që po lënë pas.

Ky nuk është më vend, ky është si faturë për t’u paguar në emër të një atdheu joreal. Ky nuk është me vend, por një lajmërim i madh për t’u arratisur.

Gazeta “Shekulli”

Marrë nga: http://www.noa.al/2011/11/ky-nuk-esh...per-te-rinjte

[TetovaMas]

Pse nuk ia ban vetes ket pyetje: "Ku shkonin keta ne foto me qe paska qene kaq mire ne Shqipni?"
Megjithese e di edhe pergjigjen: "Bukeshkalet, i bien te mires me shkelm"

Keta majmune eshte dashur te hudhen qe te gjithe ne detin adriatik.

Rumania ishte edhe me keqe se Shqiperia ne vitet e 90 ,pore populli rumune e vrau Caushevskin dhe vazhduane jeten , me ata mundesi qe kishin .

Kjo qe po shohim ne fotografi nuk eshte asgje tjeter pore vetem se nje lakmi dhe tradite e shqipetareve pesimiste ,qe mendojne se e ardhmja e shqipetareve eshte vetem valixhet ne shpine.

Injejti filme ishte edhe me shqipetaret e Kosves , lufta filloi ne Kroaci ,shqipetaret e Kosoves e leshuane vendin , pore ne kete raste shqipetaret e Kosoves kishin nje arsye politike dhe gjenocidit qe ushtronte serbia mby ta.

[DYDRINAS]

Se çfarë prodhohej atëherë,ne që kemi jetuar të flasim se si e sa ushqeheshim,se si e sa visheshim.Një palë mbathje të reja qarkullonin në gjithë shtëpinë!Nuk di a keni dëgjuar për mbathjet me arna!Unë personalisht,me një këmishë poliestër,e shtyva 12 vjet!Ju betohem.Nuk dua t'i hyj ushqimit se përbën njollën më të zezë të vëndit tonë socialist.
Tani mendojeni e kuptojeni vetë se çfarë prodhohesh në mëmëdheun tonë të dashur!
Autori i postimit bën thirrje që të mos i japim ngjyra pçolitike!!!Por pa na thuaj zotëri,a ishte politika ajo që drejtonte çdo gjë dhe çdo sekondë të jetës tonë?Pra,si mund të mos ta trajtojmë politikisht?!
Por më e çuditshmja është se po shkruajnë për Shqipërinë,ata që nuk e jetuan as edhe një sekondë!!!

Autori i shkrimit eshte nje prej atyre qe e njihnin Shqiperine permes informacioneve te Sigurimit te Shtetit dhe permes filmave te politizuar, qe shperndaheshin nga ambasadat shqiptare kudo ku jetonin shqiptare nga ish-Jugosllavia ne vendet perendimore.

"Zeri i Shqiperise, zeri i se vertetes" - ulerinte Zeri i Popullit!

Indoktrinim i gjalle!

[DYDRINAS]

Dikur prodhonim fruta dhe perime, sot nuk kemi nevoje ti prodhojme se na i sjell Saliu nga Maqedonia, Bullgaria etj... Por ne sot jemi modernizuar dhe meremi me prodhimin e Hashashit, Kanabis, Maroanes etj prodhime bashkohore

Frutat dhe perimet shqiptare ekspozoheshin vetem tek ish-ekspozita Shqiperia Sot.

Ne vitet '70-'80 vinin shume vizitore shqiptare nga Kosova ne Shqiperi. Diten qe vinin ata, mbusheshin dyqanet me konjak Skenderbeg, me vaj ulliri, me kafe etj dhe bleres ishin vetem keta vizitore, sepse i duheshin regjimit per propagande.

Po ne e kemi jetu jeten shqiptare o Adem "danezi" i projektit 21!

[derjansi]

frutat e perimet shqiptare qe gjendeshin neper shitore ishin vec prasi


mos i harorni rradhat e qumshtit o popull vetem 30 familje kishin fatin te kishin qumsht em i fjal ato qe kishin zan rradh qysh ne dy te mgjesit

[Besoja]

E kisha harruar këtë që do tju tregoj pasi ma kujtoi një shoku im,ish oficer.Por unë nuk kam qënë oficer.
Kur shkova një ditë në një kioskë,siç i themi sot,ku shiteshin fruta perime,shoh aty këtë shokun dhe dy tre qytetarë të tjerë.Në atë dyqan,kishte vetëm hurma.Pasi e përshëndeta shitësen,i thashë.Çfarë gjelle mund të gatuhet me hurma?!"Ata qeshën.
Një gjë nuk kam arritur ta kuptoj!
Pse hapen këto tema tani dhe kujt i shërbejnë?!Sikur ta zëmë se ato që shkruan autori i temës,janë të vërteta,ku kërkon të dalë!Po të ishte bahçe me lule Shqipëria,këta zotërinjtë nuk do merrnin arrratinë nëpër shtetet perëndimore, por do nguleshin në atë bahçe.
E di autori i këtij shkrimi se të bleje një pulovër do të të duhej gjithë paga e 15 ditëshit!Se të bëje një kostum duhej paga e dy muajve!Lernani aman me atë kohë e mos na u bëni kaq të dhëmshur për Shqipërinë se edhe ajo nuk jua di për nder kur gënjeni!

[projekti21_dk]

Nga: drague

vetem ti nuk duhet te hapesh tema te tilla Adem.

thon nje shprehje nga ne"PO NUK U POQE NE RINI NUK PIQESH NE PLEQERI"

Përshëndetje drague
Është për t’i besuar shumë kësaj fjale të urtë popullore… dhe kjo fjalë pastaj ma kujtoi një ngjarje të goxha do viteve më përpara.

Kam pasur një mikun tim, veteran të arsimit dhe kemi ndenjur shpesh bashkë. Ai ka çmuar shumë punën time, sepse vërtet detyrën e mësuesisë jam munduar ta kryej me zell. Shkurt nuk kam kursyer asgjë. Por kjo nuk është e rëndësishme…

Ishim një ditë duke pirë çaj në njërën nga çajtoret e qytezës sonë. Në ndërkohë para çajtores parakaloi një plak. Plak i keq ka qenë. Mbase kjo e nxiti bacën Bajrë të më pyeste:

- Adem, a ke nie ( dëgjuar) që thonë për dikë: ”plak i keq”
- Po,- i thashë indiferent,
- Hë, si i thua ti kësaj? – më pyeti
- Po si të them… është naromal baci Bajrë se njeriu kur plaket mbase pak rrokatet ( matufepset) dhe normal që duket i keq dhe bën gafe! ( Faktikisht mua më shpëtoi fjala ”rrokatet”, sot nuk do ta kisha thënë, sepse nuk u kujtova që edhe ai ishte plak, por u shtira sikur asgjë nuk thashë, gjithashtu edhe ai nuk reagoi…)
- Jo po ta tham ( them) unë edhe mbaje në mend mire. Kur dikush thotë për dike “plak i keq”, dije që ai person edhe si bebe – bebe e keqe ka qenë, edhe si fëmijë ( 5-6 vjeçar) – fëmijë i keq ka qenë, djalë kur është bërë ( 15-16 vjecar) – djalë i keq ka qenë, po edhe si burrë-burrë i keq ka qenë, prandaj edhe në pleqëri është plak i keq!

Dhe kjo thënie e tij më është kujtuar shpesh, madje edhe e kam përdorur në disa raste, herë hapur e herë në mënyrë të kamufluar, si mesele, sidomos pas ndërrimit të sistemit. Ndaj e kam përdorur bukur shpesh këtë dhe hapur e kam thënë:”Vallahi ai që ka qenë i poshtër në atë sistem ai është i poshtër edhe sot ( në këtë sistem) – se me të lindur e ka të jetë i poshtër”. ( Prandaj mos u mashtroni në njerëz pse e ka ndërruar emërtimin, sepse në shpirt është ai i moçmi – e ka me të lindur )

Tash po kthehem te vetja ime. Mbase, sipas teje jam i pjekur keq- pse e dua Shqipërinë, pse shahem për Shqipërinë, por unë nuk jam fajtor. Fajtori i parë është babagjyshi im, ndjesë pastë, pastaj vijnë mësuesit e shkollës së Tërstenikut ( kjo shkollë ka qenë e njohur për këto dhe ka pasur mësues shumë përparimtarë e revolucionarë. Këtë atdhedashuri më nuk e kam gjetur në shkollë të mesme, ndërkaq në studime ka qenë profesor Ahmet Kelmendi) dhe pastaj shokët e mi atdhetarë.

Kështu jam i pjekur, o drague dhe mos të mundohet askush të ma shuajë këtë dashuri për Shqipërinë se nuk do të mundet!

[DI_ANA]

Ju lutem permbajuni temes dhe mos kaloni ne ofendime.Te gjitha postimet me karakter ofendues,politik dhe chit chate u fshine! Shume flm per mirekuptimin!

[projekti21_dk]

Ju lutem permbajuni temes dhe mos kaloni ne ofendime.Te gjitha postimet me karakter ofendues,politik dhe chit chate u fshine! Shume flm per mirekuptimin!

Të faleminderit, DI_ANA.
Hyra me shumë droje ta shikoja temën, se vërtet le që dolëm nga tema, por u përdor fjalor rruge që s'u kishte hije intelektualëve!

Edhe një herë shumë të faleminderit!

[Rina_87]

Ti z.mesues kur e ke dashte aq shume Shqiperine e Enverit, pse sje shku me jetu atje. Ta them une. Sepse tkish shpall agjent te Jugosllavise e ishe kalb ne burg! Me e cmueshme eshte liria se buka per njeriun normal!

Prodhuan apo nuk prodhuan po shihet qe jane me te lumtur pa Enverin dhe prodhimtarine e tij! Edhe turp nga Danimarka tu tregosh atyre qe e kane perjetuar ate regjim se sa i mire ka qene, kur ti i pari nuk e kishe pa Danimarken me sy tkishe jetu atje as nuk kishe shit mend!

Nese regjimet komuniste qenkan aq te mira, madje po flet per regjimin me diktatorial komunist, atehere shko jeto ne Kube!

[projekti21_dk]

Të dashur miq, ( puroshkodran, BOKE,drague e Rina_87)
Pas fshirjes së postimeve nga DIANA e që ia di shumë për nder, nuk përgjigjem më në pyetje politike, sepse tema që prej fillimit nuk ka karakter politik. Po të ishte e tillë do ta postoja në një forum tjetër.
Po i përgjigjem drague-s: qëllimi i hapjes së temës ishte shkrepje e rastit, duke parë filmat pra, të cilë i kisha parë edhe herë të tjera. Dhe pyetja është - tash po e bëj pak më të thjeshtësuar:

Kah po shkon Shqipëria sot, sa ka ecur përpara?

Ju po deshët mos bëni krahasime me të kaluarën, se për mua kjo nuk ka rëndësi, por më jepni ´shpjegime sa vende të lira të punës po hapen, si është perspektiva e rinisë, sa është i kënaqur populli, sa ka mirëqenie, sepse lajmet e këqija që po postohen cdo ditë, ne që e duam Shqipërinë po na bëjnë verem.

P.S. Desha edhe Rinës t'i përgjigjem, por ajo cdo dy minuta po e shton nga një fjalë, të shoh kur po përfundon. Përgjigjen do ta ketë pa politikë.

Edhe ju shkruani pa politikë!

[puroshkodran]

Lexoje fjalinë, analizoje, kuptoje dhe do të shohësh se aty nuk e kam përmendur veten si inetlektual.

Për mua halla mine është intelektuale dhe mos fillo me fyerje, por merru me temën nëse ke për të shtuar dicka!

lexoje edhe ti prap pyetjen teme edhe e kupton ma mire.
morali asht: ata qi fyen ishit ti me halla minen. ti nuk le gja pa i than malesorit e halla mine fyu komplet shqiptaret e shqipnis kur tha mire ia ka ba enveri se jane me te meta mendore

Të dashur miq, ( puroshkodran, BOKE,drague e Rina_87)
Pas fshirjes së postimeve nga DIANA e që ia di shumë për nder, nuk përgjigjem më në pyetje politike, sepse tema që prej fillimit nuk ka karakter politik. Po të ishte e tillë do ta postoja në një forum tjetër.j

tema ka vetem karakter politik. thelbi asht: keni kene ma mire me enverin.

[projekti21_dk]

tema ka vetem karakter politik. thelbi asht: keni kene ma mire me enverin.

pa politikë. thelbi nuk është ky. thelbi është: për atë kohë, dmth para vitetve të 90 ( mos e lidh me enverin ), ka fakte të filmuara ( qoftë edhe të kallaitura ) se kishte dicka ( profitabile a jo profitabile ). Sot çka ka?

[puroshkodran]

Jo. në fakt për temën nuk kemi folur gjë. unë kur dola me arguementet e mia, ju nuk dolët me argumente por nisët me të shara. Ju flisnit jashtë temës - flisnit jo kemi ngrënë bukë me ujë me me petulla. S'ishte temë e bisde¨s si ushqeheshim diku dhe si sot. Unë kurrë nuk kisha hyrë në dialog me ju, sikur mos ta kishit sharë hallën mine. Mirë, unë kur hyj në lojë i pranoj edhe sharjet, po halla mine c'ju bëri, vetëm pse e tha një të vërtetë!

pergjigja te asht dhane 100 here po nuk te pelqen. populli nuk kishte buk me hanger. pike. kjo i shumzon me zero shifrat e zp

kush e shau hallen mine o adem? minja tha mire ua ka ba enveri se shqiptaret jane me te meta mendore. qe po ta thote prap te postimi siper. kjo asht e verteta simas tejet?
ty mandej kush te shau? ma thuj nji rast? ti malsorin po.
se ti the edhe qi kur te thone enverist e merr per kompliment, se kush don enverin don shqipnin. ku u ofendove pra?

[projekti21_dk]

pergjigja te asht dhane 100 here po nuk te pelqen. populli nuk kishte buk me hanger. pike. kjo i shumzon me zero shifrat e zp

kush e shau hallen mine o adem? minja tha mire ua ka ba enveri se shqiptaret jane me te meta mendore. qe po ta thote prap te postimi siper. kjo asht e verteta simas tejet?
ty mandej kush te shau? ma thuj nji rast? ti malsorin po.
se ti the edhe qi kur te thone enverist e merr per kompliment, se kush don enverin don shqipnin. ku u ofendove pra?

nëse nuk gaboj e kam përmendur enverist kosovar. kjo ka shumë domethënie. e kam shpjeguar shumë herë ( mbase do ta hap temë të re këtë për ta sqaruar vecan edhe një herë ). Po. Enveristi kosovar ( se fola në shumës këtu. flas për vete në këtë rats dhe për shokët e mi, disa prej të cilëve fatkeqëisht për t'iu ikur sharjeve dhe duke parë si po shkon puna në Shqipëri kanë hequr dorë edhe nga Enveri edhe nga Shqipëria) është shqiptari ( atdhetari ) që e do shumë Shqipërinë dhe nuk vë gjë tjetër mbi të.

Unë shumë, shumë e dua Shqipërinë dhe s'ka për të dalë askush për të ma vrarë këtë dashuri!

[projekti21_dk]

Prandaj duhet të na kuptoni drejtë

Nga një postim tjetër:

Sali Mani: Zani i Shqipnisë asht zani i vërtetë
--------------------------------------------------------------------------------
Të dashur forumistë, unë nuk do të jap asnjë koment. Luteni së pari dëgjojeni këngën, të cilën e kam postuar unë në yuotube, dje dhe pastaj gjykoni se si është ndezur zemra e një kosovari dhe pastaj gjykoni pse kosovarët e duan shumë, shumë Shqipërinë. Besoj së shpejti do të hap një temë direkte në lidhje me këtë, sepse shumë vëllëzër tanë nga Shqipëria nuk na kuptojnë dashurinë që kemi pasur për ”atë” kohë dhe nuk e kuptojnë se rëndë na fyejnë duke na e fyer ”idealin”.
Ja tufëza/linku:



Respekt për ju,
Adem Gashi, Danimarkë