Durrsaku qe shpiku skite "Made in Albania"

[fegi]

Mark Brunga

Pasioni e ka bërë që të projektojë dhe të prodhojë në vitin 1967 skitë e para në Shqipëri. Skitë e para janë prodhuar në Kantierin Detar, në kooperim me bazën mekanike të Shkolles se Mesme të Muzikës “Mujo Ulqinaku” në Durrës (sot “Jan Kukuzeli”). “Skitë e para, i prodhuam me makineritë dhe materialet që gjendeshin, thote ai. Janë prodhuar gjithsej 12 palë ski të cilat dolën mjaft cilësore. Me to ne skijonim në Dajt, Voskopojë dhe në liqenet e Lurës. Pas kësaj ky prodhim u institucionalizua në qytetin e Korçës për prodhim më të zgjeruar sipas nevojave të sportit në vend.

Pushka e parë “Made in Albania”

Ilia thotë se duke qenë pasionant pas zhytjeve dhe peshkimit nënujor, bashkë me nipin e vet, Thoma Berberin (i njohur per prodhimin e batiskafit të parë në Shqiperi në vitet 80) kishin organizuar ekspedita në rajonet bregdetare, por u mungonte një pushkë deti, si ato që kishin parë nëpër filma… Dhe bazuar mi ato filma, të dy “shpikin” pushkën e parë detare të cilën e skicojnë e më pas e prodhojnë me material inoksidabël në vitet 1976–1977. Është pushka e parë e ujit në Shqipëri Më pas filluan prodhimet individuale sipas skicave që kishte projektuar ai. Pushkën e parë pneumatike me presion ajri e ka ende në shtëpi. Pjesët e ndryshme, kujton, i prodhuam në ndërmarrje të ndryshme. Më pas e shpërndamë skicën në të gjithë vendin ku kishim shokë që ishin amatorë zhytjesh. Por, në fillim qe e rrezikshme të përdorej… Pushka e parë nënujore që e ruan në shtepi është funksionale akoma. Ai me të vetëm ka rritur sasinë e peshkut që gjuan nën det, si dhe cilësinë e aventurave nënujore të cilat jo rrallë i kanë rrezikuar jetën…

“Kanë qenë durrsakët të parët ata që e kthyen Dajtin të vizitueshëm në dimër. Jam i pari që kam filluar ta populloj atë që më 1965. Bëmë kursin e skive me durrsakët dhe që me deborën e parë, ata ngjiteshin në Dajt me shkolla të organizuara çdo fundjavë. Në ato vite ne e frekuentonim atë më shumë se Tiranasit…”

Ilia Berberi refuzoi në rininë e tij punën si Inspektor në Ministrinë e Arsimit të asaj kohe: “Nuk e pëlqeja burokracinë dhe nuk kam dashur ta humbas kurrë lirinë time individuale”
ILIA BERBERI

Eksplorator
Jeta ime
Mosha: 67

Vendlindja: Durrës


Arsimi: Instituti i Lartë i Fiskulturës “ Vojo Kushi “, Tiranë.

Jeta: Është marrë me të gjitha llojet e sporteve. Në vitin 1966 ka qënë kampion vendi në not për të rinj në garën 100–200 m stil i lirë si dhe në të tre stafetat dhe shumë-garëshin individual. Me te rriturit, kampion në stafetat. Më 1967 krijon “ Rrethin e Turizmit” pranë shtëpisë së Pionierëve në Durrës dhe në përbërje të këtij grupimi ai ka drejtuar edhe ekipin e Alpinistëve Durrsakëme të cilët “pushton” dimër e verë: Jezercën, Papllugën, Shkëlzenin, Korabin, Ostrovicën, etj. Ai ka eksploruar rreth 15 shpella, nga jugu në veri, dhe ka mbetur i dashuruar me shpellat e Permetit. Nuk ka lënë thellësi të nënujit shqiptar pa u zhytur. Ai ka qënë zhytesi që ka arritur thellësinë 15- 20 m pa bombola, diçka e pa-imagjinueshme për atë kohë.
Mark Brunga

[Brari]

Ilia Berberi eshte vertet nje "zhak kusto" shqiptar.

ska len gerxh e mal e shpell e nen uj te shqiperis pa vajtur e eksploruar..

shum trim e shum i gatshem tu mesoje femijve e rinise sekretet e zhytjes alpinizmit e natyralistit..

disa shok te mij kan bredhur gjith shqiperine me "presor" ilijan.

une kam pasur fatin vetem nje here te bej nje rrugetim ne kembe.. bashk me kalamaj tjer me udheheqes ilijen.
kemi ecur bregut detit nga plazhi durrsit deri ne vlore.
naten flinim neper cadra e diten ec e ec.. e ec.. e ec..
hanim cte gjenim..
kafshe shpeze e peshk..

gezohem qe eshte shkruar per kte njeri kaq interesant..

..