Emri i presidentit Stjepan Mesiq ka qenë një referencë për zhvillimet në ish-Jugosllavi, ndërsa dhe libri i tij do të mbetët po ashtu një referencë për breza të tërë, është thënë në promovimin e librit “Si u shkatërruar Jugosllavia” të ish-presidentit Kroat Stjepan Mesiq.
Hapësira ishte shumë e vogël për t’i zënë tërë ato personalitete, të cilat kishin ardhur ta nderonin promovimin e librit të një miku të madh të shqiptarëve, siç është Stjepan Mesiq.
Ish-presidenti i Shqipërisë, Alfred Mojsiu ka thënë se presidenti Mesiq është njeri që më së shumti ka përkrahur popullin shqiptar dhe ka dhënë një kontribut të madh për stabilitet në tërë Ballkanin.
Mojsiu: Presidenti Mesiq është njeriu më pro shqiptar
(Video)
“Presidenti Stjean Mesiq është njeriu më pro shqiptar, më pro kosovar, që unë kamë njohur nga udhëheqësit e rajonit dhe këtë ai e ka treguar jo thjeshtë me dëshirat e tija, por e ka treguar në vazhdimësi me planin e drejtë për zgjidhjen e problemeve që ka pasur Kosova, që kanë pasur shqiptarët, por jo vetëm kaq president Mesiq ka dhënë një kontribut të madh për rritjen dhe forcimin e stabilitetit në rajonin e Ballkanit”, ka thënë ai.
Ndërsa ish-presidenti i Kosovës, Fatmir Sejdiu ka thënë se presidenti Mesiq ka qenë një referencë për të gjitha zhvillimet e kohës së ish-Jugosllavisë, ndërsa sipas tij libri i tij për shkatërrimin e saj e tregon, mesë miri përkushtimin e tij shpirtëror dhe të saktë për atë kohë.
Sejdiu: Emri i tij ka qenë referencë
(Video)
“Nga faqja e parë deri në të fundit e gjejmë përkushtimin shpirtëror të dëshmisë së gjallë, të analizës së thellë dhe të saktë të Stjepan Mesiqit. E kemi ndjekë dhe e kemi përcjellë atë kohë dhe ka qenë kohë që emri i tij ka qenë referencë dhe them sa ka qenë referencë Stjepan Mesiqi për zhvillimet e atëhershme për aq për breza të tërë do të jetë edhe pas nesh referencë ky libër me një përmbajtje të thellë”, ka thënë ish-presidenti Sejdiu.
Për ta dëshmuar se sa është pro shqiptarëve, vet autori i librit “Si u shkatërrua Jugosllavia”, Stjepan Mesiq ka përmendur disa fakte të shkatërrimit të ish-federatës, ndërsa sipas tij bota në atë kohë shqiptarët i shikonte si një pakicë kombëtare.
Mesiq: Bota nuk e ka kuptuar mjaft mirë çështjen e Kosovës
(Video)
“Bota nuk e ka kuptuar mjaft mirë çështjen e Kosovës, mendohej dhe niseshin nga mendimi se shqiptarët janë pakice kombëtare, por unë kamë thënë se në Kosovë shqiptarët gjithnjë ishin shumicë, ne sllavët vijmë në këtë pjesë në shekullin e 7 dhe Shqiptarët﴾ Ilirët﴿ ishin këtu”, ka theksuar ai.
Këtë promovim të librit e kanë përshëndetur edhe zëvendës kryeministri i parë i Kosovës, Behxhet Pacolli si dhe kryetari i Kuvendit të Kosovës, Jakup Krasniqi, të cilët kanë thënë se është kënaqësi të nderohet një mik i madh i shqiptarëve, i cili ka kontribuar në drejtësi, liri dhe demokraci të shteteve./M.Lakna/
Krijoni Kontakt