Duke kapur hajnat e makinave, zbulohet e mitura e zhdukur

[fegi]

Publikuar: 20.07.2011 -
Istog, 20 korrik - Gjatë aksionit për kapjen e dy hajnave të makinave në komunën e Istogut, mesnatën e kaluar, policia ka gjetur edhe një vajzë të mitur, e cila para tri ditë ishte raportuar në polici nga prindërit e saj si person i zhdukur, raporton KosovaLive.

Në momentin e gjetjes së saj, siç konfirmoi policia të mërkurën, vajza ka qenë në një makinë të vjedhur bashkë me personat e arrestuar, ndërkohë që ende nuk dihet se ajo ka qenë në shoqërimin e tyre me dëshirë apo me dhunë.

Gjetjes së rastësishme të saj, në kërkim të së cilës ishte njësiti për persona të zhdukur, i ka paraprirë raportimi në polici mbrëmë pas mesnatës i një 59 vjeçarit nga Istogu, të cilit i ishte vjedhur xhipi me targa të Kosovës, i parkuar para një kafe-bari në afërsi të parkut në Istog.

Makinën e vjedhur policia e kishte gjetur pak më vonë të braktisur në vendbanimin Istogu i Poshtëm, kurse gjatë kërkimit të personave të dyshuar, patrulla policore kishte ndaluar në fshatin Shushicë një veturë “FORD” më targa të Kosovës, të cilët dy hajnat e kishin vjedhur gjithashtu më parë në Istog.

Sipas njoftimit të policisë, gjatë kontrollimit të personave në makinë janë gjetur edhe dokumentacioni i xhipit të vjedhur, si dhe është zbuluar se me dy personat e dyshuar ishte në shoqërim edhe vajza e mitur, e cila ishte raportuar në polici me 17 korrik nga prindërit si person i zhdukur.

Dy hajnat e makinave, njëri 22 vjeç nga fshati Rakosh dhe tjetri 21 vjeç nga fshati Dobrushë të Istogut, janë arrestuar, kurse vajza, për të cilën organet e rendin nuk dhanë informata nga cili vendbanim është, ende gjendet në polici duke u marrë në pyetje, për të sqaruar se a iu ka bashkangjitur me dëshirë dy të rinjve të arrestuar, apo është marr me dhunë nga ata në shoqërimin e tyre.

[Brari]

pergezime Policise..

ja pra.. se nga kontrollet nuk vjen gje e keqe..

cdo lahper duhet kontrolluar kur e sheh polici ne kerr..

o ka kallasha te fshehur o droge e vajza o tritol..

ne se do kosova te behet shtet..

Zoti i ka cu policet.. te kontrollojn dhe ja ..doli vajza e rrembyer..

Bravo Rexhepi..