MENDUH THACI IK se koha yte ka mbaruar

[Rosa e qetesise]

Zgjedhjet janë proces demokratik ku dikush fiton e dikush humb . Shqiptaret si asnjëherë deri me tani dëshmuan kapacitetin e tyre demokratik dhe kulturën e votimit ne Maqedoni. Koha është këtë ta dëshmojnë edhe liderët partiak. Koha është qe ata te marrin përgjegjësinë e tyre si për fitoret ashtu edhe për dështimet dhe disfata.
Deri kur politikanet shqiptare do ti ikin përgjegjësisë . Deri kur krerët e partisë për humbjet dhe disfatat e tyre do te mbajnë vetëm përgjegjësi të pjesërishme por jo edhe te plote. Kjo është dyfytyrësi dhe nënçmim i elektoratit dhe popullit te nderuar. Një parti e cila ne skenën politike figuron nga 1994 edhe pse ne asnjë cikël zgjedhor nuk ka arritur te fitoj mandatin e popullit dhe te fitoj ne zgjedhje liderët e saj qofte Arben Xhaferi apo Menduh Thaci përgjegjësinë nuk e kane marr mbi vete gjithmonë e kane kërkuar në oborrin e huaj por pse jo edhe ne eshalonët me te ulëta te partisë . Menduh Thaçi i cili fatkeqësisht qëndrimet e tij i ndërron sikur çorapet çdo mëngjes, edhe pse nga 2008 e këndej pothuajse ne çdo interviste theksonte se përfundimisht do të tërhiqet nga politika nëse edhe ne këto zgjedhje nuk fiton tani sillet sikur asnjëherë te mos ketë deklaruar një gjë të tille dhe sikur të mos ketë ndodhur asgjë edhe pse PDSH-ja serish humbi. Populli nuk harron atë që ke deklaruar z.Thaçi.
Tenton të paraqitet në opinion si njeri apo lider i moderuar dhe i urte e jo siç gjithmonë kemi patur rastin ta shohim arrogant e cinik. Z. Thaçi një fjalë popullore thotë Ujku qimen e ndërron por zanatin nuk e harron. Se jeni te etur për pushtet dhe vetëm për pushtet e jo për te mbrojtur interesat e popullit dhe partisë tuaj dëshmi me e mire se WIKILIKSKi nuk ka. A jeni pikërisht ju ai i cili ambasadorit amerikan i keni deklaruar se marrëveshjen e re që promovoni si parti e bëni vetëm e vetëm për të rritur rejtingun e partisë tuaj e se me të vërtet nuk keni qellim qe e njëjta te realizohet? z . Thaçi shume herë në karrierën politike dhe shpesh ndryshoni qëndrimet për çështje vitale të popullit shqiptarë. Gjate fushatës u bëtë prijës i fesë dhe hoxhë më i madh edhe se Sulejman Rexhepi kreu i BFI-së . z. Thaçi a jeni ju ai i cili me çdo kusht kërkonit që shqiptarët të mos identifikohen me islamin ? Mitingun e fundit ne Shkup e përfunduat me tekbir duke bërtitur Allahu ekber.
Ik o Menduh se koha jote mbaroi. PDSH-ja i nevojitet shqiptareve te Maqedonisë po pa Menduh Thaçin . Ne këtë parti ka vajza dhe djem te ri, intelektual koha është ata ta marrin ne duart e tyre fatin e PDSH-së. Shqiptarëve iu nevojitet parti e fuqishme në pushtet por edhe në opozite, e jo parti satelite siç ishte deri me tani.
BDI mos mendoni se ju kemi harruar edhe juve . Kur jemi tek përgjegjësia populli nuk mund t’ju amnistojmë as juve si subjekt për faktin se shqiptaret humben 4 deputet dhe nuk fituan asnjë ne diaspore. Ju ishit ata qe votuat ne këtë përbërje parlamentare te rritet numri i deputeteve për 3. Por nuk besoj se votuat qe të tre deputetet tu takojnë VMRO DPMNE-së. Jeni Ju si subjekt qe më së miri njihni mërgatën shqiptare pasi që pjesa me e madhe e juve edhe vete keni vepruar dhe jetuar atje. Për këtë dështim z. Ahmeti përgjegjësia duhet detektuar ne BDI dhe dikush duhet shkuar kurban . E bëtë atë që nuk e beri askush nga subjektet tjera politike me listat për kandidat larguat njerëz shume të afërt nga listat , nuk dyshojmë se do te keni guxim ta bëni edhe me ata qe janë përgjegjës për këtë dështim me diasporën . Populli e tha fjalën e vete me 5 qershor por mos harroni se mbi 50 për qind e tyre nuk dolën të votojnë për asnjë parti. Por edhe ata që dolën edhe ata që nuk dolën të nderuar politikanë shqiptarë tani ndjehen të zvogëluar në 25 , kështu tha një miku im kur i pa rezultate e zgjedhjeve dhe mandatet e fituara nga shqiptarët.

Muhamed Zeqiri, kryeredaktor i ALSAT-M

[AnaH_M]

Thaci nuk lejon te ik Arbeni i shkret duke qen i paralizum,epo hjeket vet asnjehere,menduh thaci do jet ne pdsh derisa te ket fryme

[Sovrani]

Po doli Thaci nga PDSH ajo me nuk do egzistoje si parti sepse ajo eshte partia te cilen e ka krijuar ai, me mire thene ajo eshte prone e tij personale, dhe me e keqja eshte se ai duke qendruar ne opozite shume me shume pasurohet sepse askush nuk ja pengone bizneset shkaku se i ka te gjitha lidhjet e duhura.
Per veten e tij dhe nje grupi te vogel mafioz ai eshte perkujdesur mire, sot ai posedon thuajse te gjita objektet ne qender te Tetoves, si dhe shume biznese tjera. Nga asgje nga corapegrisur ne miliarder nuk do te thote se nuk di gje ky njeri, di shume edhe ate, fshihet pas partise dhe perfitone per vete.
Po ta terhjekin zvare nga Partia ai perseri doreheqje nuk jep.