Close
Faqja 3 prej 24 FillimFillim 1234513 ... FunditFundit
Duke shfaqur rezultatin 41 deri 60 prej 480
  1. #41
    Evidenca Maska e RaPSouL
    Anëtarësuar
    09-03-2006
    Vendndodhja
    Gjermani
    Postime
    17,464
    Konferencë ndërkombëtare “MO drejt anëtarësimit të Maqedonisë në BE dhe NATO”


    Tetovë – Sot në Universitetin e Evropës Juglindore në Tetovë filloi konferenca ndërkombëtare dyditore e titulluar “Marrëveshja e Ohrit drejt anëtarësimit të Maqedonisë në BE dhe NATO”.
    Organizatorë të saj janë Universiteti i EJL-së, Universiteti Shtetëror i Tetovës, Universiteti “Shën Cirili dhe Metodi” nga Shkupi dhe Universiteti Kolumbia nga SHBA-ja.
    Nga përfaqësuesit ndërkombëtarë në konferencë morën pjesë ambasadori amerikan Filip Riker, ambasadori i Hungarisë e cila momentalisht kryeson me BE-në Ferenc Kekeshi, ambasadori suedez Lars Valhud, ambasadori i Mbretërisë së Bashkuar Kristofer Ivon dhe Aleksandros Janiz nga BE-ja.
    Sipas ambasadori amerikan Riker, në fillim të vitit 2001 Maqedonia ka qenë në prag të luftës civile, ndërsa dhjetë vite më vonë në pjesën më të madhe, siç thotë, falë Marrëveshjes së Ohrit ajo është shtet stabil, multikulturor, multietnik dhe multireligjioz.
    “Si partnerë në krijimin e saj SHBA-ja dhe aleatët tanë evropianë vazhdojnë të tregojnë interesim të ndikueshëm për sukses së marrëveshjes si shumë të rëndësishëm për paqe dhe përparim afatgjatë të Maqedonisë dhe më gjërë në Ballkan”, tha Riker.
    Për Xhejms Perdjun, i cili është njëri prej nënshkruesve të Marrëveshjes së Ohrit dhe lehtësues në negociatat e vitit 2001 zbatimi i marrëveshjes është çdoherë pjesa më e vështirë.
    “Ishte shumë e vështirë gjatë negociatave, por realizimi është ajo që kërkon më shumë kohë dhe energji. Jam i kënaqur nga përparimi që është bërë, por kuptohet se mundet edhe më mirë. Marrëveshja e Ohrit e parandaloi luftën që do të kishte pasoja të rënda për vendin. Shpëtoi jetën e mijëra njerëzve dhe i mundësoi shtetit të vazhdojë të ekzistojë në formën e tanishme. Pa këtë marrëveshje Maqedonia do të ishte shumë më ndryshe dhe me siguri vend shumë tragjik. Jam i kënaqur që isha pjesë e nënshkrimit të saj së bashku me kolegun tim nga BE-ja Fransoa Letoar”, tha Perdju.
    Sipas tij, Marrëveshja e Ohrit bazohet në dy parime – i pari është zhvillimi i demokracisë dhe respektimi i plotë i të drejtave të çdo qytetari, i dyti – njohje e traditave kulturore dhe etnike të njerëzve të ndryshëm që jetojnë këtu. Deri sa këto parime zbatohen në Maqedoni, gjegjësisht ka zhvillim të përhershëm të demokracisë dhe pranohen kontributi kulturor dhe etnik i grupeve të ndryshme Marrëveshja e Ohrit është e pranishme dhe e gjallë”, vlerëson Perdju.
    Të pranishmëve iu drejtua edhe zëvendëskryeministri i angazhuar për zbatimin e Marrëveshjes së Ohrit Abdilaqim Ademi, sipas të cilit marrëveshja e Ohrit është akt me të cilin sigurohet ardhmëria, demokracia e shtetit, u ndal lufta, u vendos zgjidhje paqesore e konfliktit ndëretnik dhe se mund të quhet edhe marrëveshje paqesore me të cilën u mbrojtën interesat dhe të drejtat e të gjithë qytetarëve.
    “Zbatimi i marrëveshjes është arritje e rëndësishme e të gjithë qytetarëve të Maqedonisë e arritur me ndihmën e bashkësisë ndërkombëtare dhe shembull se si të zgjidhen problemet ndëretnike”, tha Ademi.
    Në kuadër të panelit të titulluar “Historia diplomatike” me fjalime të tyre u prezantuan edhe nënshkruesit e atëhershëm lideri i atëhershëm i UÇK-së, ndërsa tani kryetar i BDI-së Ali Ahmeti, Lubço Georgievski dhe Branko Cërvenkovski.
    Sipas Ali Ahmetit, Marrëveshja e Ohrit e ka ndërprerë skenarin kosovar dhe boshnjak.
    “Kërkesat tona ishte publike në një komunikatë të UÇK-së ku kërkonim barazi të plotë midis dy bashkësive më të mëdha, se Maqedonia është vendi ynë dhe se nuk do të bëjmë kompromis rreth kësaj”, tha Ahmeti.
    Sipas Georgievskit, Marrëveshja e Ohrit i është nevojitur Maqedonisë edhe më parë, ndoshta jo nën këtë emër, por si pako e reformave dhe masave për përmirësim të pozitës dhe të drejtat e shqiptarëve në Maqedoni.
    “Marrëveshja e Ohrit është reforma më e madhe në Maqedoni për shkak se kaluam një konflikt lufte, bëmë shumë reforma dhe me të vërtetë është dëm të mos bëjmë edhe një hap drejt anëtarësimit të Maqedonisë në BE dhe NATO. Mendoj se raporti është pesë me një në peshën kur u nënshkruan Marrëveshja e Ohrit dhe mundësia për gjetje të kompromisit rreth emrit me Greqinë që duhet të bëhet gjatë periudhës së ardhshme”, tha Georgievski.
    Për Branko Cërvenkovskin, Marrëveshja e Ohrit është arritur me dy parakushte lidership politik që e ndërmori rrezikun për zgjidhje politike të konfliktit dhe reagim i koordinuar dhe me kohë i bashkësisë ndërkombëtare, gjegjësisht Brukselit dhe Uashingtonit. “Marrëveshjen e Ohrit e nënshkruam, e negociuam dhe e zbatuam ne në Maqedoni pa dallim të rolit të madh të bashkësisë ndërkombëtare. Kjo është një prej parakushteve kyçe për integrimin e Maqedonisë drejt BE-së dhe NATO-s”, tha Cërvenkovski.
    Konferenca vazhdon nesër në Universitetin “Shën Cirili dhe Metodi” në Shkup.

    Shqipmedia
    Sui generis

  2. #42
    Evidenca Maska e RaPSouL
    Anëtarësuar
    09-03-2006
    Vendndodhja
    Gjermani
    Postime
    17,464
    Aleksandri i Madh vendoset në bazament


    Në sheshin “Maqedonia” sot do të vendoset busti I Aleksandrit të madh në bazamentin e shatërvanit. Siç informojnë nga komuna Qendër, skulptura është punuar në bronz, ndërsa është e lartë pothuajse 13 metra. Do të vendoset në bazament prej betoni, të lartë 10 metra.
    Kjo skulpturë është punuar në fonderinë “Fernardo Marineli” në Firence, sipas zgjidhjes ideore të autores Valentina Stefanovska. Procedurat dhe aktivitetet teknike për vendosjen e skulpturës do të kryhen nga ana e ekipit profesionist nga fonderia “Ferdinando Marineli”, ku është punuar skulptura.
    Pas vendosjes së skulpturës pjesërisht do të rregullohet hapësira rreth shatërvanit dhe do të vendoset ndriçimi. “I tërë projekti për ndërtimin e shatërvanit, skulpturës dhe pjesët e tjera shoqëruese financohet në disa vite buxhetore, me respektim të plotë të normave dhe procedurave ligjore”, informuan nga komuna Qendër.
    Për ndërtimin e skulpturës janë harxhuar 5 milionë e 300 mijë euro, ndërsa për shatërvanin janë harxhuar 4 milionë e 100 mijë euro.

    Koha
    Sui generis

  3. #43
    Evidenca Maska e RaPSouL
    Anëtarësuar
    09-03-2006
    Vendndodhja
    Gjermani
    Postime
    17,464
    Shqiptarët japin dyfish më tepër, marrin dyfish më pak


    Dhjetë vjet pas nënshkrimit të Marrëveshjes së Ohrit, shqiptarët nuk marrin as dy për qind nga hisja që u takon në buxhet. Në një analizë të bërë nga Prof. Dr. Abdulmenaf Bexheti vërtetohet diskriminimi buxhetor që i bëhet shqiptarëve në Maqedoni. Mjetet që ndahen nga buxheti për një nxënës maqedonas janë 76 për qind më të larta sesa për një nxënës shqiptar, ndërkaq për kulturën shqiptare shkon vetëm 2 për qind e buxhetit të përgjithshëm të kulturës. Po ashtu edhe në pushtetin lokal, shëndetësi dhe sfera të tjera mjetet që ndahen për shqiptarët janë shumë larg asaj që duhet. “Ja si duket situata në dy segmentet më ekstreme të arsimit:Për analizë me zgjedhje të rastit është marrë shkolla fillore ’Dedo I.Maleshevski’-Berovë me gjithsej 1.058 nxënës në 66 paralele (4 parashkollore dhe nga 31 paralele në të dy nivelet fillore-klasat e ulëta dhe të larta). Buxheti i kësaj shkolle për vitin 2010 ka qenë 53.965.000 denar ose 51.000 denar për nxënës. Nga komuna e Bogovinës-fshati Pirok është marrë shkolla fillore ’Sami Frashri’ me gjithsej 525 nxënës në 23 paralele (14 në nivelin e parë dhe 9 paralele në nivelin e dytë) me një buxhet në vitin 2010 prej 15.168.614 ose 28.900 den. për nxënës. Pra në komunën e Berovës, kosto vjetore për një nxënës është për 76% më e lart se në komunën e Bogovinës”, sqarohet në këtë studim. Ndërkaq, kostoja për një student maqedonas është 110 për qind më e lartë sesa për një student shqiptarë. Nga të dhënat rezulton se edhe pse USHT ka gati dyfish më shumë student se Goce Delçev kurse realizon të ardhura nga buxheti i shtetit, bile më pak se ky i fundit. Për analizë më detale, të ardhurat vjetore për frymë studenti në USHT janë vetëm 22.873 denar (apo 372 euro) kurse në Goce Delçev janë 48.000 denar (apo 780 Euro), pra 110% më të larta. Sipas kësaj analize për kulturën shqiptare janë ndarë minimum mjete, p.sh. Për vitin 2010, shqiptarëve u është ndarë vetëm 2 për qind e buxhetit të planifikuar për muzikë dhe 0 për qind nga fondet e UNESKO-s.
    Ndërkaq, nëse analizohet Manastiri dhe Tetova shihet se shuma e gjeneruar e TVSH-së
    në Tetovë është 118 për qind më e lartë sesa në Manastir. “Në bazë të dhënave zyrtare të drejtorive përkatëse, drejtoria regjionale e Manastirit për vitin fiskal 2010 ka gjeneruar TVSh-gjithsej (përfshi edhe TVSH-në hyrëse, nga importi dhe prodhuesit vendor me 18% dhe 5%) në vlerë prej 2.079.000.000, 00 denar (apo 33,8 milion euro) kurse drejtoria regjionale e Tetovës ka gjenerua TVSh-gjithsej në vlerë prej 4.533.141.000,00 denar (apo 73,7 mil Euro). Pra edhe pse numri i popullatës nën juridiksionin fiskal të drejtorisë së Tetovës është vetëm për 9 % më i lart se ai i Manastirit, shuma e gjeneruar e TVSH-së është 118% më e lartë. Ngjashëm është përpjesëtimi i disfavorshëm edhe midis Shtipit me 6.000 denar për frymë të siguruar dhe Tetovës me 3.256 denar për frymë të siguruar ose 84% më shumë për Shtipin se për Tetovën.

    Lajm
    Sui generis

  4. #44
    Evidenca Maska e RaPSouL
    Anëtarësuar
    09-03-2006
    Vendndodhja
    Gjermani
    Postime
    17,464
    Pacolli për unifikimin e faktorit shqiptar në Maqedoni


    Behgjet Pacolli, zëvendëskryeministri aktual i Qeverisë së Kosovës në mënyrë krejtësisht informale është angazhuar për unifikimin e pozicionit të faktorit politik shqiptar në Maqedoni.

    Ish-presidenti i Kosovës, Pacolli së fundi në Shkup është takuar me krerët e partive kryesore shqiptare Ali Ahmeti dhe Menduh Thaçi, duke i kërkuar atyre bashkëpunim të gjerë në kuadër të formimit të qeverisë së re dhe jetësimit të kërkesave të shqiptarëve.

    Zoti Pacolli e kishte marrë këtë angazhim, thonë burime partiake shqiptare në Shkup, që nga koha kur vizitoi Maqedoninë në cilësinë e presidentit të Kosovës.

    Dy partitë shqiptare BDI dhe PDSH kanë vlerësuar dhe mirëpritur angazhimin e zotit Pacolli për përmirësimin e mëtejshëm të klimës midis faktorit shqiptar. Mes partive kryesore nuk ka patur prej kohësh sulme reciproke në publik. Megjithatë nga ana e stafit të zotit Pacolli nuk ka asnjë konfirmim për atë që ka ndodhur.

    Në përgjithësi faktori politik i Kosovës ka mbajtur qëndrime preferenciale ndaj partive politike në Maqedoni, ose me njerin, ose me tjetrën parti.

    Kohët e fundit madje, partitë opozitare shqiptare në Maqedoni kritikuan presidenten e Kosovës, Atifete Jahjaga, e cila gjatë ditëve të fushatës u takua në Tetovë vetëm me krerë të BDI-së, gjatë një vizite që u quajt private.

    (INA)
    Sui generis

  5. #45
    Evidenca Maska e RaPSouL
    Anëtarësuar
    09-03-2006
    Vendndodhja
    Gjermani
    Postime
    17,464
    Politikë në xhami, shkolla e kudo


    Në Maqedoni i tërë aspekti jetësor dhe përditshmëria është e ndërlidhur skajshmërisht me politikën. Ky kancer dita ditës po çon drejt rrënimit të të gjitha vlerave, atje ku sado pak janë krijuar apo edhe po kultivohen.

    Qytetarët dakordohen se politika si duket ka hyrë edhe nëpër muret e shtëpive, por ka depërtuar edhe atje ku nuk e ka vendin. Asgjë nuk mund të ndryshojë fjalën e saj, por duhet të jetë shqetësuese kur ajo përfshin edhe ato sfera të cilat nuk i përkasin asaj.

    Ekspertët thonë se shoqëria e Maqedonisë në mënyrë ekstreme është e politizuar dhe se kjo vjen si rezultat i mungesës së zhvillimin ekonomik, ku në sytë e qytetarëve partitë politike shikohen si ente të punësimit apo si zgjidhje e çështjeve qoftë në biznes, shëndetësi, komunikacion, universitete, burgje, e deri në ndonjë shkollë fshati. Zgjidhja e një vendi të punës, emërimet në poste të caktuara si dhe shumë e shumë lista të dëshirave, gjithashtu janë pjesë e monopoleve partiake.

    Izolimi i skajshëm dhe mungesa e alternativave të reja për punë apo lëvizje tjera, ka bërë që politika të jetë profesioni më i preferuar për çdo qytetarë, por edhe intelektualë në Maqedoni, sidomos kjo dukuri po shfaqë rrënjët më të thella tek shoqëria shqiptare.

    "Ne jemi të vetëdijshëm për këtë situatë të krijuar, e cila fatalisht po merr përmasa të zgjerimit dhe rrezikut.Politika ndërton shtetin, mirëpo nuk është e thënë që ajo të depërtojë aty ku ka vlera, apo aty ku nuk i takon politikës të ndërhyjë", ka theksuar ligjëruesi universitar, prof.dr. Nazmi Maliqi.

    Sipas tij, politikbërësit duhet të jenë shumëdimensional nëndërtimin e politikave në shtet, mirëpo duke i`u shmangur partizimieve apo politizimeve atje ku ekziston një kompetencë më vitale dhe më profesionale që bazohet në vlera dhe profesionalizëm.

    Analisti Mentor Nazarko ka vlerësuar se involvimi i skajshëm i politikës vjen për dy arsye, që mund të jenë të vërteta veç e veç , ose të dyja bashkë. "Arsyeja e parë, është se politika dëshiron të përfshihet apo të involvohet në këto sfera që përmenden.

    Dhe arsyeja e dytë është se involvimi bëhet për shkak se këto sfera si në arsim, kulturë apo diku tjetër, nuk kanë arritur të prodhojnë autoritete që mund të bllokojnë ndërhyrjet e politikës.

    Përndryshe, mund të thuhet se ekzistenca e këtyre arsyeve lidhet me shkallën e zhvillimit shoqëror të një vendi apo të demokratizimit të tij", ka theksuar analisti Mentor Nazarko. Ai vlerëson nevojën e shpejt të krijimit të autoriteteve në sferat shoqërore dhe kulturore, për t`i dhënë goditje politikës dhe politikbërësve.

    (N.Nuredini-INA)
    Sui generis

  6. #46
    Evidenca Maska e RaPSouL
    Anëtarësuar
    09-03-2006
    Vendndodhja
    Gjermani
    Postime
    17,464
    Bisedimet, VMRO i ‘mbyllë gojën’ BDI-së


    Bashkimi Demokratik për Integrim, gjatë bisedimeve për formimin e qeverisë së re ka vendosur të respektojë vullnetin e VMRO-DPMNE-së e cila preferon negocimin e fshehtë, larg syve të opinionit. Alsat mëson jo zyrtarisht nga BDI-ja, se heshtja dhe mos bërja publike e detajeve në bisedime, është dëshirë e palës tjetër. Ndërkohë, ndonëse e pyetur në mënyrë direkte, ministrja e brendshme Gordana Jankullovska, as sot nuk dha përgjigje konkrete. Jankullovska merr pjesë drejtpërdrejtë në këto bisedime, si anëtare e grupit negociator.
    “Lidhur me atë pyetje nuk mund të jap informacion” , tha Gordana Jankullovska, VMRO-DPMNE.
    Jo zyrtarisht ALSAT mëson gjithashtu se BDI-ja rrezikon postin e kryetarit të Parlamentit pasi Trajko Veljanovski, ka informuar shërbimet e parlamentit se do të vazhdojë të jetë në krye të institucionit ligjvënës. Po ashtu, burime brenda BDI-së pohojnë se në bisedime ka progres por pa saktësuar se në cilin drejtim është shënuar ky progres, në drejtim të ndarjes së posteve apo përfshirjes së programeve zgjedhore në platformën e qeverisë së re.
    Nesër deputetët e rinj do të marrin certifikatat nga KSHZ-ja. Të parët do të jenë deputetët e VMRO DPMNE-së, pastaj ata të LSDM-së, BDI-së, PDSH-së dhe dy deputetët e RDK-së. Seanca konstituive pritet të mbahet brenda të shtunës, dhe ajo do të drejtohet nga deputeti më i moshuar Lubisav Ivanov Xingo i partisë Socialiste. Nga konstituimi i Kuvendit, në afat prej 10 ditësh, presidenti duhet t’i jap mandatin për formimin e qeverisë së re, liderit të VMRO DPMNE Nikolla Gruevski si fitues i zgjedhjeve të 5 qershorit. Gruevski, në afat prej 20 ditësh duhet të paraqes përbërjen dhe platformën e qeverisë së re.


    Alsat-m
    Sui generis

  7. #47
    Evidenca Maska e RaPSouL
    Anëtarësuar
    09-03-2006
    Vendndodhja
    Gjermani
    Postime
    17,464
    PDSH analizon rezultatin e zgjedhjeve


    Tetovë – Kryesia qendrore e Partisë Demokratike Shqiptare sot ka analizuar rezultatin e zgjedhjeve të parakohshme të mbajtura më 5 qershor të këtij vitit. Para fillimit të mbledhjes së parë pas procesit zgjedhor partia do të analizojë rezultatin dhe procesin zgjedhor, ndërsa pas disa ditëve do të mblidhet edhe kuvendi qendror i partisë. Sekretari gjeneral i partisë Metin izeti, theksoi se në këtë mbledhje do të paraqitet raporti i zgjedhjeve. “Kryesia qendrore do të analizojë, raportin e përgatitur nga kryesia e Shtabit qendror dhe zgjedhor dhe do të bëhen diskutime në lidhje me zgjedhjet e kaluara. Brenda dy tre ditëve të ardhshme do të mbahet edhe Kuvendi Qendror i PDSH-së ku edhe para anëtarëve të KQ do të prezantohen analizat, rezultatet e zgjedhjeve dhe do të paraqiten, do të diskutohen çështje, segmentet në bazë të cilave do të veprojë me tutje PDSH”, tha Metin Izeti, sekretar i përgjithshëm i PDSH-së. Në zgjedhjet e parakohshme parlamentare të 5 qershorit, Partia Demokratike Shqiptare ka fituar mbi 70 mijë vota, ndërsa siguroi 8 mandate të deputetëve në parlament.
    I pyetur rreth mospjesëmarrjes së liderit të partisë, Menduh Thaçi, në Konferencën e së hënës në UEJL, kushtuar 10 vjetorit të Marrëveshjes së Ohrit, Izeti tha se kryetari Thaçi, ka qenë në udhëtim, kurse për pjesëmarrjen eventuale të kreut të PDSH-së në takimet tjera në lidhje me Marrëveshjen e Ohrit, do të vendosin organet e partisë.

    Shqipmedia
    Sui generis

  8. #48
    Evidenca Maska e RaPSouL
    Anëtarësuar
    09-03-2006
    Vendndodhja
    Gjermani
    Postime
    17,464
    Shoqëria maqedone e politizuar


    Në Maqedoni i tërë aspekti jetësor dhe përditshmëria është e ndërlidhur skajshmërisht me politikën. Ky kancer dita ditës po çon drejt rrënimit të të gjitha vlerave, atje ku sado pak janë krijuar apo edhe po kultivohen, shkruan Express.
    Qytetarët pajtohen se politika si duket ka hyrë edhe nëpër muret e shtëpive, por ka depërtuar edhe atje ku nuk e ka vendin. Asgjë nuk mund të ndryshojë fjalën e saj, por duhet të jetë shqetësuese kur ajo përfshin edhe ato sfera të cilat nuk i përkasin asaj.
    Ekspertët thonë se shoqëria e Maqedonisë në mënyrë ekstreme është e politizuar dhe se kjo vjen si rezultat i mungesës së zhvillimin ekonomik, ku në sytë e qytetarëve partitë politike shikohen si ente të punësimit apo si zgjidhje e çështjeve qoftë në biznes, shëndetësi, komunikacion, universitete, burgje, e deri në ndonjë shkollë fshati.
    Zgjidhja e një vendi të punës, emërimet në poste të caktuara si dhe shumë e shumë lista të dëshirave, gjithashtu janë pjesë e monopoleve partiake.
    Izolimi i skajshëm dhe mungesa e alternativave të reja për punë apo lëvizje tjera, ka bërë që politika të jetë profesioni më i preferuar për çdo qytetarë, por edhe intelektualë në Maqedoni, sidomos kjo dukuri po shfaqë rrënjët më të thella tek shoqëria shqiptare.

    Shqipmedia
    Sui generis

  9. #49
    Evidenca Maska e RaPSouL
    Anëtarësuar
    09-03-2006
    Vendndodhja
    Gjermani
    Postime
    17,464
    LSDM ofron kryeministrin për përkrahjen e shqiptarëve


    Lidhja Social Demokrate e Maqedonisë (LSDM) është e gatshme që t’ua lë shqiptarëve postin e kryeministrit, nëse dy partitë shqiptare, Bashkimi Demokratik për Integrim (BDI) dhe Partia Demokratike Shqiptare (PDSH) pranojnë që të hynë në koalicion me këtë parti dhe të formojnë qeverinë e re.
    Burime partiake thonë për “Lajm” se nëse dy partitë shqiptare do të arrinin kompromis për të formuar bashkë qeverinë, ata do t’i ofronin postin e kryeministrit shqiptarëve. “Duke ia lënë postin e kryeministrit shqiptarëve do të dëshmonim se në Maqedoni nuk ka probleme ndëretnike si dhe do t’i tregonim botës se edhe ne jemi të emancipuar. Kur mundet që Amerikën ta udhëheqë një person me ngjyrë, pse nuk do të mundej që Maqedoninë ta udhëhiqte një shqiptarë. Ndërkaq, nga ana tjetër do t’i jepnim fund qeverisjes së Nikolla Gruevskit, i cili po e çon Maqedoninë drejt humnerës”, tha i njëjti burim. Ai sqaron se në këtë mënyrë Maqedonia më shpejt do t’i afrohej Evropës.
    Partia e Branko Cërvenkovskit akoma nuk i ka bërë ofertë konkrete dy partive shqiptare, por u ka dërguar atyre vetëm sinjalet e para jozyrtare. Edhe pse oferta është mjaft joshëse, akoma nuk dihet se si do të vepronin dy liderët shqiptarë, Ali Ahmeti dhe Menduh Thaçi. Para zgjedhjeve parlamentare Ahmeti ka shprehur gatishmëri për të bashkëpunuar me të gjitha partitë shqiptare, ndërsa Thaçi në mënyrë indirekte ka përjashtuar bashkëpunimin me Ahmetin. Megjithatë “ndërhyrjet” e Tiranës dhe Prishtinës zyrtare kanë sjellë zbutjen e toneve mes Ahmetit dhe Thaçit.
    LSDM bashkë me koalicionin e partive të majta fitoi 42 mandate deputetësh në zgjedhjet e 5 qershorit, BDI fitoi 15 mandate, ndërsa PDSH 8 mandate deputetësh. Me 65 deputetë ata do të mund të kishin formuar qeverinë e re.

    Lajm
    Sui generis

  10. #50
    Evidenca Maska e RaPSouL
    Anëtarësuar
    09-03-2006
    Vendndodhja
    Gjermani
    Postime
    17,464
    Perdju: “Shovinizmi ekstrem paraqet dobësinë e një shteti”


    Shovinizmi ekstrem është karakteristikë e dobësisë dhe jo model i vetëbesimit dhe sigurisë të një shteti, kështu për Alsat M është shprehur diplomati amerikan Xhejms Perdju duke folur për politiken e autoriteteve te Maqedonisë sa i përket kontestit me Greqinë rreth emrit. Politikanet e vendit sipas tij nuk duhet lejuar qe historia dhe e kaluara te kufizoj te ardhmen e Maqedonisë dhe qytetareve te saj. Maqedonia duhet gjetur zgjidhje për çështjen e emrit pa u vonuar porosit diplomati amerikan Perjdu.
    “Shovinizmi ekstrem është karakteristikë e dobësisë, pasigurisë dhe jo model i vetëbesimit dhe sigurisë të një shteti. Historia asnjëherë nuk do të jetë bazë legjitime për diskriminim ndaj individëve të caktuar”. Cila duhet të jetë trashëgimia e liderëve të rinj të këtij shteti, demokracia e plotë dhe integrim në institucionet perëndimore evropiane, apo kjo trashëgimi duhet të jetë simbol i të kaluarës dhe për fat të keq rezistues për ndryshime?. Kontesti aktual diplomatik rreth emrit nuk është në interes të askujt, nuk është në interes të Greqisë e posaçërisht nuk është në interes të Maqedonisë. Jam i sigurt se Maqedonia nuk do të lejojë që kjo çështje ta kufizon të ardhmen e saj dhe për këtë qëllim Qeveria duhet të gjejë një zgjidhje pa u vonuar. Nuk besoj se populli në Maqedoni dëshiron që vendi i tyre të jetë shteti i fundit në Ballkan që do të anëtarësohet në Bashkimin Evropian dhe NATO”, tha Xhejms Perdju, lehtues amerikan në bisedimet e vitit 2001.
    Perdju e ka cilësuar si provokim të rënd ndaj Greqisë vendosjen e bustit të Aleksandrit të Madh në sheshin e Shkupit. Ku gjest i autoriteteve maqedonase sipas tij mund vetëm te vështirësoj procesin e zgjidhjes së kontestit rreth emrit.
    “Greqia apo të paktën disa njerëz në Greqi mund ta shohin këtë si një provokim. Sidoqoftë shpresoj se Greqia do ta pranon këtë me shumë pjekuri dhe nuk do të lejojë që kjo të ketë ndikim tek ta. Mendoj se gjithë ky provokim në ketë moment të ndijshëm për emrin është i panevojshëm”, tha Xhejms Perdju, lehtues amerikan në bisedimet e vitit 2001.
    Anëtarësimi i shpejtë i Maqedonisë në NATO por edhe ne BE sipas Xhejms Perdju shtetit do ti siguroj mekanizma mbrojtjes dhe standarde te domosdoshme për zhvillim ekonomik.

    Alsat-m
    Sui generis

  11. #51
    Evidenca Maska e RaPSouL
    Anëtarësuar
    09-03-2006
    Vendndodhja
    Gjermani
    Postime
    17,464
    PDSH-ja ndërpreu marrëdhëniet me televizionin Alsat-m


    Partia Demokratik Shqiptare përmes një komunikate reagoi ndaj televizionit Alsat-m duke theksuar se ky medium në vazhdimësi po shpif kundër tyre.

    “Alsati maqedonas sërish, në mënyrë sistematike vazhdon të merret me PDSH-në, me një parti politike shqiptare që ka vazhdimisht mbështetje të fuqishme nga elektorati shqiptar në Maqedoni.Ky televizion privat që nga themelimi i tij përpiqet ta përfundojë atë që nuk arritën institucionet e ndryshme maqedonase, gjyqësore, policore, informative: eliminimin e PDSH-së nga skena politike”, thuhet në reagimin e PDSH.

    Në reagim më tej theksohet se, “PDSH-ja ndërpreu marrëdhëniet me këtë televizion privat që i kishte dhënë vetes detyrën që të ndikojë në deformimin e opinionit politik të shqiptarëve të Maqedonisë për shumë shkaqe të përmendura më poshtë.

    1. Profesionale. Gazetarët e këtij televizioni ende nuk dallojnë lajmin prej komentit. Çdo informatë që japin për PDSH-në e shoqërojnë me bishta, përkatësisht me komentime konfuze, etiketime dashakeqe për ta rrënuar imazhin e PDSH-së. Si duket ata që lejuan themelimin e këtij televizioni privat kanë imponuar kërkesën që vazhdimisht të veprohet kundër PDSH-së. Drejtuesit multietnikë të këtij televizioni mendojnë se eksponimi në ekran është i barazvlefshëm me legjitimitetin për të dhënë vlerësime politike dhe morale për partitë politike shqiptare, madje edhe të atilla me intonacion gjyqësor;

    2. Morale. Ky televizion që është themeluar me qëllime dhe mjete të dyshimta, ky televizion që brenda natës mori licencën e televizionit publik nuk ka dilema morale për shpifje, etiketime nga më të neveritshmet. Spotet anti-PDSH që në vazhdimësi emetonte ky televizion sidomos ato gjatë zgjedhjeve të vitit 2008 dëshmojnë se ky institucion i informimit publik punon me urdhra të atyre që ia dhanë licencën. Gatishmëria e drejtuesve të këtij televizioni që të imputojë akuza të përbindshme dëshmon për mendjen e tyre kriminale. PDSH-ja është përpjekur që në rrugë legale gjyqësore t’i zgjidhë problemet që i krijon ky televizion, por procedurat ngecin në sirtarët e atyre që e dhanë licencën për veprim diversant të këtij televizioni në shoqërinë shqiptare;

    3. Politike. Themeluesit e këtij televizioni vazhdimisht kanë manifestuar interesat e tyre politike. Duke qenë të bindur se nuk kanë gjasa që me procedura demokratike të fitojnë legjitimitet politik, ata e përdorin këtë televizion si instrument për ndikim politik për të arritur atë që partitë maqedonase nuk arrinin dot: zëvendësimin e ligjërimit etnik me atë multietnik tipik për traditën jugosllave të bashkim-vëllazërimit;

    4. Psikologjik. Drejtuesit e këtij televizioni maqedonas sipas gjitha gjasave vuajnë nga sindroma e megalomanisë. Duke menduar se janë faktorë të rëndësishëm në politikë ata sillen si të ishin një institucion që duhet të vendosë kush në Maqedoni do të merret me politikë dhe kush jo. Me komentin e fundit ata rangimin e PDSH-së si parti e dytë shqiptare, përkundër gjitha manipulimeve e vlerësojnë si disfatë. Shumë parti shqiptare apo maqedonase do të parapëlqenin të pësojnë si PDSH-ja.

    Me këto marifetllëqe, ata fshehin motivet kryesore të themelimit të këtij televizioni: deformimin e opinionit politik përmes dezinformimit të vazhdueshëm paskrupullt si dhe interesat e tjera abuzive, siç janë pastrimi i parave, korrupsioni, shantazhi i partive politike etj.



    PDSH-ja theksonë se do të vazhdojë injorimin e këtij televizioni që është themeluar për ta afirmuar modelin e veprimit politik që vjen ndesh me mendësinë dhe përcaktimet shekullore të shqiptarëve, sidomos për shkak se është e bindur se misioni i këtij televizioni në shoqërinë shqiptare është i dështuar. Këto tendenca për ringjallje të së kaluarës janë gjithsesi reaksionare.

    (INA)
    Sui generis

  12. #52
    Evidenca Maska e RaPSouL
    Anëtarësuar
    09-03-2006
    Vendndodhja
    Gjermani
    Postime
    17,464
    Obama i vazhdoi masat e jashtëzakonshme për Maqedoninë


    Presidenti i SHBA-së Barak Obama e vazhdoi gjendjen e masave të jashtëzakonshme për edhe një vit për Ballkanin Perëndimor.

    Në kumtesën e Shtëpisë së Bardhë thuhet se akti është miratuar për shkak të kërcënimeve ndaj sigurisë kombëtare dhe interesave të jashtme politike të SHBA-së.

    "Këto kërcënime vijnë nga persona të përfshirë në mbështetjen e dhunës ekstreme në Republikën e Maqedonisë si dhe në Ballkan dhe e pengon zbatimin e Marrëveshjes Paqesore të Ohrit, Marrëveshjes së Dejtonit në Bosnjë e Hercegovinë dhe Rezolutën 1244 në Kosovë. Për shkak të aksioneve të këtyre personave të cilët janë kërcënim për paqen dhe përpjekjet ndërkombëtare për stabilizim të gjendjeve në Ballkan, presidenti amerikan Barak Obama e vazhdoi gjendjen e masave të jashtëzakonshme të miratuara më 26 qershor të vitit 2001", thuhet në kumtesë.

    (INA)
    Sui generis

  13. #53
    United States of Albania Maska e USA NR1
    Anëtarësuar
    18-01-2010
    Vendndodhja
    KU
    Postime
    5,430
    Citim Postuar më parë nga RaPSouL Lexo Postimin
    LSDM ofron kryeministrin për përkrahjen e shqiptarëve


    Lidhja Social Demokrate e Maqedonisë (LSDM) është e gatshme që t’ua lë shqiptarëve postin e kryeministrit, nëse dy partitë shqiptare, Bashkimi Demokratik për Integrim (BDI) dhe Partia Demokratike Shqiptare (PDSH) pranojnë që të hynë në koalicion me këtë parti dhe të formojnë qeverinë e re.
    Burime partiake thonë për “Lajm” se nëse dy partitë shqiptare do të arrinin kompromis për të formuar bashkë qeverinë, ata do t’i ofronin postin e kryeministrit shqiptarëve. “Duke ia lënë postin e kryeministrit shqiptarëve do të dëshmonim se në Maqedoni nuk ka probleme ndëretnike si dhe do t’i tregonim botës se edhe ne jemi të emancipuar. Kur mundet që Amerikën ta udhëheqë një person me ngjyrë, pse nuk do të mundej që Maqedoninë ta udhëhiqte një shqiptarë. Ndërkaq, nga ana tjetër do t’i jepnim fund qeverisjes së Nikolla Gruevskit, i cili po e çon Maqedoninë drejt humnerës”, tha i njëjti burim. Ai sqaron se në këtë mënyrë Maqedonia më shpejt do t’i afrohej Evropës.
    Partia e Branko Cërvenkovskit akoma nuk i ka bërë ofertë konkrete dy partive shqiptare, por u ka dërguar atyre vetëm sinjalet e para jozyrtare. Edhe pse oferta është mjaft joshëse, akoma nuk dihet se si do të vepronin dy liderët shqiptarë, Ali Ahmeti dhe Menduh Thaçi. Para zgjedhjeve parlamentare Ahmeti ka shprehur gatishmëri për të bashkëpunuar me të gjitha partitë shqiptare, ndërsa Thaçi në mënyrë indirekte ka përjashtuar bashkëpunimin me Ahmetin. Megjithatë “ndërhyrjet” e Tiranës dhe Prishtinës zyrtare kanë sjellë zbutjen e toneve mes Ahmetit dhe Thaçit.
    LSDM bashkë me koalicionin e partive të majta fitoi 42 mandate deputetësh në zgjedhjet e 5 qershorit, BDI fitoi 15 mandate, ndërsa PDSH 8 mandate deputetësh. Me 65 deputetë ata do të mund të kishin formuar qeverinë e re.

    Lajm
    kjo me pelqeu...nese postin per Kryeminister marrim ne,pse mos te bashkohen BDI ,PDSH

  14. #54
    Evidenca Maska e RaPSouL
    Anëtarësuar
    09-03-2006
    Vendndodhja
    Gjermani
    Postime
    17,464
    Veljanovski, rizgjidhet kryetar i Kuvendit


    Shkup – Me 70 vota pro, 47 kundër dhe 2 të përmbajtur, deputetët zgjodhën Trajko Veljanovskin për kryetar të ri të parlamentit. Gjatë fjalimit të tij, Veljanovski theksoi se parimi kryesor për të do të jetë Maqedonia dhe se do të punojë me përgjegjësi duke respektuar Kushtetutën dhe Rregulloren për punë të parlamentit. Kandidatura për Trajko Veljanovskin ishte bërë me propozim të VMRO-DPMNE-së.
    “Zgjedhjet kanë përfunduar por prej sot fillojmë me fushatën e re, e cila ka një qëllim për të gjithë, ajo është Maqedonia e qëndrueshme, demokratike dhe prosperuese. Dëshiroj t’ju bind se interesi im parimor do të vazhdoj të mbetet vetëm Maqedonia ndërsa mjetet për realizimin e këtij qëllimi do të vazhdojnë të mbeten kushtetuta, ligjet dhe rregullorja për punë të parlamentit”, deklaroi Trajko Veljanovski, kryetar i parlamentit.
    Në BDI e cila pritej të merrte postin e kryetarit të Kuvendit, konsiderojnë se më me rëndësi është pozicioni më i mirë në ekzekutiv në të cilin partia e Ahmetit, sipas tyre, do të përfaqësohet në raport 2 me 1 me VMRO-DPMNE. Sipas Ermira Mehmeti Devaja BDI për këtë ndarje të posteve është përcaktuar pas analizave objektive, interesit dhe pozicionit të shqiptarëve në organet shtetërore.
    “Ne nuk kemi qenë të interesuar për përfaqësim simbolik por kemi qenë të interesuar dhe jemi të interesuar për përfaqësim përmbajtjesor dhe konsiderojmë se kjo do të jetë një realitet i cili do të dëshmohet brenda disa ditëve. Sepse qëllimi jonë është të sigurojmë përfaqësim më të mirë, më të madh, më kualitativ në organin ekzekutiv që është qeveria”, tha Ermira M. Devaja, BDI.
    Gjatë debatit parlamentar partitë shqiptare nuk shprehën interes për të debatuar ndërsa PDSH qëndrimin e saj e kumtoi gjatë seancës së komisionit për çështje të zgjedhjeve dhe emërimeve ku theksoi se do të votojë ‘kundër’. Edhe opozita maqedonase u shpreh kundër kandidaturës së Veljanovskit për kryetar parlamenti. Sipas tyre shkak për këtë është përvoja nga mandati i kalua. LSDM kishte vërejtje edhe për mos informimin rreth procedurës për seancën e sotme konstituive. VMRO-DPMNE me kundërpërgjigje se një praktikë e tillë ka ndodhur edhe në mandatet e kaluara.
    “Që prej fillimit dua të theksoj se lojalitetin si veti të njeriut e respektojë shumë, megjithatë kryetari i kuvendit kur do të bëhet kryetar i kuvendit duhet të jetë lojal ndaj Kushtetutës dhe jo njeriut të partisë. Kuvendi është vend ku askush nuk mundë t’i ndryshojë rregullat të cilat tanimë më janë të përcaktuara. Ato ligje të shpejta të cilat votoheshin pa opozitën I dhanë një njollë kuvendit. Nuk mundë të bëhet shtet më i mirë me ambient më të mirë derisa Kuvendi pa opozitën i miraton ligjet”, deklaroi Andrej Petrov, LSDM.
    “Ne si VMRO-DPMNE aspak nuk ishim të konsultuar në vitin 1994 kur me 118 vota ‘PËR’ u vendos që kryetar I kuvendit të jete Stojan Andov. Nuk ishim të konsultuar as në vitin 1996 dhe askush nuk na ka pyetur për mendim kur Tito Petkovski u zgjodh kryetar I kuvendit ose Nikolla Popovski më 15 shtator 2002 dhe më vonë më 1 nëntor të vitit 2002. Në fund kisha edhe shumë për të thënë por dua të jap mbështetjen time sepse me kryetarin që kishim, kemi miratuar mbi 1200 ndryshime të ligjit dhe kemi treguar efikasitet”, u shpreh Vllatko Gjorcev, VMRO-DPMNE.
    Në seancën e sotme konstituive u verifikua mandati i 123 deputetëve të rinj. Për herë të parë në parlament janë ulur edhe tre deputet nga diaspora. Komisioni verifikues ka pranuar kërkesën e 7 kryetarëve të komunave të cilët kanë deklaruar se heqin dorë nga mandati i deputetit.

    Alsat-m
    Sui generis

  15. #55
    Evidenca Maska e RaPSouL
    Anëtarësuar
    09-03-2006
    Vendndodhja
    Gjermani
    Postime
    17,464
    U finalizua Qeveria e re VMRO-BDI


    Sot në Shkup u zhvillua seanca për konstituimin e Kuvendit të Maqedonisë, i dal nga zgjedhjet e parakohshme paramentare të 5 qershorit si dhe për zgjedhjet e kryeparlamentarit të ri.
    Jozyrtarisht nga BDI-ja, raportohet se Kryetari i Kuvendit nuk do të jetë shqiptar, ashtu siç kërkoi kjo parti në bisedimet me VMRO-DPMNE-në e Nikolla Gruevskit. BDI në qeverinë e re që pritet të formohet pas konstituimit të Kuvendit, do të udhëheqë me 5 ministri, do të këtë dy poste të zëvendëskryeministrave, 5 zv/ministra dhe po aq sekretar shtetëror.
    Kjo parti do të drejtoj ministrinë e mbrojtjes, të drejtësisë, ekonomisë, pushtetit lokal dhe të ekologjisë. Zv/ministra shqiptarë do të ketë në Ministrinë e Brendshme, të Financave, Arsimit dhe në Ministrinë e Transportit dhe Lidhjeve.
    Jo zyrtarisht mësohet se për zv/ kryeministra nga partia e Ahmetit janë nominuar Musa Xhaferi, zv/ kryeministër përgjegjës për implementimin e MO-së dhe Ermira Mehemti – Devaja Zv/ kryeministre për euro-integrime.
    Me ministritë do të udhëheqin: Adnan Jashari – Ministrinë e Drejtësisë, Abdylaqim Ademi – Ministrinë e Ekologjisë, Fatmir Besimi – Ministrinë e Ekonomisë, Hazbi Lika – Ministrinë e Mbrojtjes.
    Në zgjedhjet e parakohshme parlamentare, që u mbajtën më 5 qershor, më shumë deputetë fitoi koalicioni i kryesuar nga VMRO-DPMNE, gjithsejt 56 mandate, ndërsa tek shqiptarët fitoi Bashkimi Demokratik për Integrim me 15 mandate.

    Shqipmedia
    Sui generis

  16. #56
    Evidenca Maska e RaPSouL
    Anëtarësuar
    09-03-2006
    Vendndodhja
    Gjermani
    Postime
    17,464
    Gruevski mandatohet për formimin e Qeverisë së re



    Mandatari Nikolla Gruevski ka në dispozicion 20 ditë që të dorëzojë pranë Parlamentit, përbërjen dhe programin e Qeverisë së re.

    Presidenti i vendit Gjorgje Ivanov i dorëzoi sot mandatin liderit të VMRO-DPMNE, Nikolla Gruevski për formimin e Qeverisë së re. Sipas afateve kushtetuese, Gruevski ka në dispozicion 20 ditë që të dorëzojë pranë Parlamentit, përbërjen dhe programin e Qeverisë së re.

    Njëkohësisht po vijojnë negociatat për formimin e koalicionit qeveritar midis VMRO-DPMNE dhe BDI-së. Kryetari i Parlamentit në afat prej tre ditëve nga dita e pranimit të njoftimit nga presidenca për dhënien e mandatit, duhet të njoftojë deputetët për kandidatin për kryeministër.

    Mbledhja për zgjedhjen e Qeverisë së re mbahet në afat prej 15 ditëve nga dita e pranimit të propozimit për formimin e Qeverisë. Qeveria e re zgjidhet me shumicën e votave, gjithsejt 62 vota nga gjithsejt 123 deputetë në Parlamentin e Maqedonisë.

    (INA)
    Sui generis

  17. #57
    Evidenca Maska e RaPSouL
    Anëtarësuar
    09-03-2006
    Vendndodhja
    Gjermani
    Postime
    17,464
    PDSH dhe RDK në qetësi po ndjekin formimin e Qeverisë së re


    Partitë opozitare shqiptare po ndjekin me qetësi negociatat për formimin e koalicionit qeveritar midis VMRO-DPMNE dhe BDI.

    Dy partitë më të mëdha opozitare PDSH dhe RDK nuk dëshirojnë të komentojnë tani për tani formimin e Qeverisë së re dhe negociatat që zhvillohen. Zyrtarë të këtyre dy partive theksojnë se do të presin zyrtarizimin e koalicionit dhe marrëveshjes dhe se do të shprehin qëndrimet e tyre në seancën parlamentare ku do të votohet Qeveria e re, informon agjencia e lajmeve INA.

    PDSH kërkoi sqarime nga BDI në ditën kur u votua kryeparlamentari Trajko Veljanovski. Shefi i grupit parlamentar të kësaj partie, Imer Aliu kërkoi që BDI të sqarojë se cila është marrëveshja e arritur midis dy partive dhe cfarë kompromisi ka pranuar BDI për të rizgjedhur kryetarin e Parlamentit nga VMRO-DPMNE, Trajko Veljanovski.

    Nga ana tjetër, dy deputetët e RDK ishin të përmbajtur në ditën e votimit për kryeparlamentin Veljanovski.

    PDSH dhe RDK kanë paralajmëruar aktivitete aktive politike antiqeveritare, duke pasur në shënjestër cështjet që kanë të bëjnë me interesat e shqiptarëve.

    (INA)
    Sui generis

  18. #58
    Evidenca Maska e RaPSouL
    Anëtarësuar
    09-03-2006
    Vendndodhja
    Gjermani
    Postime
    17,464
    Opozita: BDI sërish dështoi para Gruevskit


    Subjektet opozitare shqiptare kanë kritikuar ashpër mënyrën se si ka ardhur deri tek formimi i Qeverisë së re midis BDI-së dhe VMRO-DPMNE-së. PDSH dhe RDK vlerësojnë se BDI jo vetëm që nuk e mori kryetarin e Parlamentit dhe disa ministri tjera por i humbi edhe ato resorë që i kishte, shkruan Koha e Re.
    Partitë opozitare shqiptare me reagime të ndryshme sa i përket negociatave për formimin e koalicionit qeveritar midis VMRO DPMNE-së dhe Bashkimit Demokratik për Integrim (BDI). Përderisa për Partinë Demokratike Shqiptare (PDSH), BDI-ja më e kushtëzuar se kurrë deri tash do të hyjë në Qeveri, nga Rilindja Demokratike Kombëtare (RDK), e Rufi Osmanit dëshirojnë të jenë të përmbajtur dhe të komentojnë kur të dhënat për përbërjen e Qeverisë së re të jenë zyrtare. Njëkohësisht, Presidenti i shtetit Gjorgje Ivanov i dorëzoi të martën, mandatin liderit të VMRO-DPMNE, Nikolla Gruevski për formimin e Qeverisë së re e cila jo më shumë se 20 ditë do të jetë e kompletuar. Zëdhënësi i PDH-së, Agon Ferati thotë se me këtë “pazar” politik që bëri BDI, nga partia e Thaçit konsiderojnë se BDI është “shitur” shumë lirë.”.”Edhe atë që kishin e humbën lehtësisht gjatë bisedimeve.
    Jo vetëm që nuk e morën Kryetarin e Parlamentit apo Ministri të tjera të rëndësishme, por ata e humbën edhe Ministrinë e Shëndetësisë dhe Punës e Politikës Sociale. Jemi të sigurt se edhe këto ministri që i ka marr BDI, VMRO-DPMNE ju ka përgatitur “mbikëqyrësit” e vet, nëpërmjet funksioneve të reja apo zëvendëskryeministrave. Me këtë marrëveshje shqiptarët humbën shumë”, deklaroi Ferati.
    Sipas tij, BDI tash më i ka mbyllur bisedimet 5 ditë përpara afatit të paraparë me Kushtetutë. “Është diskutabile edhe mënyra e fshehtë e negocimit, nën dyer të mbyllura dhe lëshimi i komunikatave të përbashkëta që iu imponoi VMRO-DPMNE-ja. Sipas kësaj që shohim konstatojmë se BDI më e kushtëzuar se kurrë deri tash do të hyjë në Qeveri”, është shprehur Ferati. Nga ana tjetër zëdhënësi i RDK-së, Armir Ramadani ka thënë se do të presin zyrtarizmin e koalicionit dhe marrëveshjes dhe më pas do të shprehin qëndrimet e tyre.
    ”Tani për tani nuk mund të prononcohemi në lidhje me zhvillimet e negociatave për qeverinë e re sepse realisht ata ende nuk kanë mbaruar dhe nuk është e drejtë që para kohe të konkludojmë. Edhe pse flitet se BDI ka marrë nën udhëheqje ministri si që është ajo e euro-integrimeve, sërish do të presim momentin kur këto të dhëna të jenë publike”, ka thënë zëdhënësi i RDK-së, Ramadani. Sa i përket reagimeve të opozitës shqiptare, në ditën kur u votua kryeparlamentari Trajko Veljanovski, PDSH kërkoi sqarime nga BDI për atë se çfarë kompromisi ka pranuar BDI për të rizgjedhur kryetarin e Parlamentit nga VMRO-DPMNE, Trajko Veljanovski, ndërsa deputetët e RDK ishin të përmbajtur në votimin e Veljanovskit. Sa i përket negociatave VMRO-BDI, pas ndarjes së posteve ministrore, zv/ ministrave dhe sekretarëve shtetërorë, partnerët e koalicionit VMRO e BDI po vazhdojnë negociatat për ndarjen e drejtorive.
    Shefi i grupit negociator të BDI-së Abdylaqim Ademi, është shprehur i kënaqur nga i tërë procesi duke theksuar se bisedimet kanë rrjedhur në frymë pozitive. “Ne vazhdojmë me bisedimet për drejtoritë dhe eshalonët tjerë, shumë shpejtë do të jeni të njoftuar, por ajo që mund ta them publikisht është që shqiptarët do të kenë drejtori dhe agjenci dhe fonde që deri më tani nuk i kanë patur, nuk i kanë patur edhe disa ministri që ne tani do ti kemi siç është zv/ kryeministri për Çështje evropiane dhe Ministri i Mbrojtjes”ka thënë Ademi.

    Shqipmedia
    Sui generis

  19. #59
    Evidenca Maska e RaPSouL
    Anëtarësuar
    09-03-2006
    Vendndodhja
    Gjermani
    Postime
    17,464
    AI: Gruevski po i heshtë mediat


    Organizata ndërkombëtare për të drejtat e njeriut, Amnesty International (AI), apelon deri te qeveria e Maqedonisë që të ndalojë tentativat për të heshtur mediat duke shkelur kështu lirinë e shprehjes si një e drejtë fundamentale.

    Reagimi vjen pasi javën e kaluar u shuan tri gazetat, Shpic, Vreme dhe Koha e Re, kurse fatin e njëjtë pritet ta ndajë edhe televizioni A1.

    Sipas Amnesty International, këto mbyllje të gazetave, si rezultat i kërkesave dhe kushteve për pagesën e tatimeve, janë politikisht të motivuara.

    “Ky nuk është një incident i izoluar, por ‘larje hesapesh’ me mediet të cilat kishin qasje kritike ndaj Qeverisë. Kjo larje hesapesh ka zgjatur pothuajse një vit. Mbyllja e gazetave më shumë i ngjanë një sulmi ndaj lirisë së shprehjes”, vlerëson AI.

    Nikolla Dakvort, drejtor i Amnesty International për Evropë dhe Azi Qendrore thotë se, pritet që shumë shpejtë të mbyllet edhe televizioni A1.

    “ Pohimet e autoriteteve janë se mediet e drejtuara nga Velija Ramkovski kanë fshehur rreth 10 milion euro tatime dhe se nëse shumën e njëjtë nuk e paguajnë do të mbyllen. Gjithashtu është hedhur poshtë kërkesa që parat apo borxhi të paguhet me këste. Ekziston shqetësimi se është e mundur që edhe televizioni A1 të mbyllet”, theksoi Dakvort.

    Lidhur me këtë rast ka reaguar edhe Përfaqësuesja e OSBE-së për lirinë e medieve, Dunja Mijatoviq. Ajo ka shprehur shqetësime në emër të organizatës lidhur me gjendjen e tre medieve që u mbyllën për shkak të mospagesës së tatimeve si dhe për shkak të largimeve të të punësuarve nga gazeta "Utrinski".

    Ajo bëri thirrje që vendi të zbatojë parimet e drejtësisë në zgjidhjen e këtyre rasteve. "Gazetat Vreme, Shpic, dhe Koha e Re nuk dolën nga shtypi. Ky është një zhvillim shumë shqetësues, që praktikisht brenda natës e eliminon pluralizmin dhe qasjet opozitare të shtypit. Përveç kësaj, edhe një media si Televizioni A1, që përballet me akuzë për tatime, mund të jetë i detyruar për të ndërperë punën gjatë javëve të ardhshme", ka theksuar Mijatoviq.

    Sipas saj, derisa medieve duhet patjetër të ndjekin rregullat sikur edhe bizneset e tjera, në këtë rast shihet se mediet janë caqe të pushtetit.

    (INA)
    Sui generis

  20. #60
    Evidenca Maska e RaPSouL
    Anëtarësuar
    09-03-2006
    Vendndodhja
    Gjermani
    Postime
    17,464
    Mini-samiti i vendeve të Ballkanit, në Ohër më 12 korrik


    Ivanov ka thënë se nga ky takim pritet të dilet me një deklaratë të përbashkët, me anë të të cilës do të shprehet rëndësia e lidhjes infrastrukturore në regjion.

    Presidenti i Maqedonisë, Gjorgje Ivanov, më 11 dhe 12 korrik në Ohër, do të jetë nikoqir i takimit të tretë rajonal të presidentëve, në të cilët do të marrin pjesë presidentët e Shqipërisë, Bamir Topi, i Malit të Zi, Filip Vujanoviq dhe i Republikës së Kosovës, Atifete Jahjaga.

    Temat të cilat do të diskutohen në këtë takim kanë të bëjnë me procesin eurointerues dhe euroatlantik të rajonit, reformat e domosdoshme të cilat duhet të realizohen për ti lehtësuar këto procese si : përforcimin e proceseve demokratike dhe reformuese, rritjen e bashkëpunimit rajonal, investimet rajonale, lidhjet infrastrukutore në rajon, etj, raporton agjencia e lajmeve INA.

    Ky takim, i njohur ndryshe si mini-samit i vendeve të Ballkanit, është mbajtur për herë të parë në Vlorë më 2009, vitin e kaluar është mbajtur në Prizren, ndërsa tash ai do të mbahet në Ohër.

    Ivanov ka thënë se nga ky takim pritet të dilet me një deklaratë të përbashkët, me anë të të cilës do të shprehet rëndësia e lidhjes infrastrukturore në regjion.

    Në mini-samitin e Ohrit nuk marrin pjesë presidenti i Serbisë dhe ai i Greqisë.

    (INA)
    Sui generis

Faqja 3 prej 24 FillimFillim 1234513 ... FunditFundit

Regullat e Postimit

  • Ju nuk mund të hapni tema të reja.
  • Ju nuk mund të postoni në tema.
  • Ju nuk mund të bashkëngjitni skedarë.
  • Ju nuk mund të ndryshoni postimet tuaja.
  •