Vetevendosje:Kamishi humbi 5 me 3

[G-2]

edhe sot u pa se antaret e shikut te kadri veselit bekim haxhiu dhe fadil demaku kane bashkepuntor serbin e quajtur boban todoroviq po si pakice qe jane humben nga mazhoranca shqiptare ne lidhje me votimin kunder florin krasniqit!

ketu shihet qarte se shiku ka qene eshte dhe do mbetet bashkpuntor i shkive
gallata qe beri bekim kamishi-haxhiu nuk i piu uj prandaj edhe doli i lagur bashk me shoket e vet serb e shikasin tjeter fadil demakun!

pseudopatriotave po u dalin broqkullat ne fushe dhe lidhjet me shki!

do te pesoni nga shqiptaret deri sa te mbeteni rrugve dhe te futeni ne burgje per aktivitetin e shikut antishqiptar dhe proserb te cilin edhe sot e kesaj dite e deshmoni si ne rastin e sotshem!


Lëvizja Vetëvendosje, përmes një komunikate për medie, ka reaguar pas deklaratës së deputetit nga radhët e PDK-së, Bekim Haxhiu (Kamishi), i cili të mërkurën, gjatë një konference për shtyp, ka kërkuar shkarkimin e kryetarit të Komisionit parlamentar për mbikëqyrjen e Agjencisë së Kosovës për Inteligjencë, Florin Krasniqi.

Sipas Vetëvendosjes, Bekim Haxhiu këtë kërkesë të tijën e mbështeti në “kinse shkeljen e deklaratës së konfidencialitetit nga ana e deputetit Florin Krasniqi”.

“Deputeti Florin Krasniqi na e paska shkelur konfidencialitetin duke u treguar qytetarëve të Kosovës në seancë të Kuvendit se 3 milionë euro janë ndarë për mbikëqyrjen e AKI-së”, thuhet në reagimin e Lëvizjes Vetëvendosje.

Vetëvendosje thekson se “meqenëse Bekim Haxhiu është mësuar në punët e tij që gjithçka ta mbajë sekrete e konfidenciale, ai mendon se qytetarët nuk kanë të drejtë të dinë se ku dhe si po shpenzohet paraja publike që është e qytetarëve”.

Megjithatë, kërkesa e Bekim Haxhiut nuk hasi në përkrahjen e shumicës së anëtarëve të komisionit. “Pesë anëtarë të komisionit votuan kundër kërkesës së Bekim Haxhiut ndërsa vetëm deputetët Fadil Demaku, Boban Todoroviq dhe vetë Bekim Haxhiu ishin pjesë e skenarit të këtij të fundit”, theksohet në komunikatë.

Kjo lëvizje kujton se rezultati i skenarit të Bekim Haxhiut për shkarkimin e Florin Krasniqit “doli të jetë 5 me 3 për Florinin”, rezultat ky, sipas kësaj lëvizjeje, “pro transparencës së shpenzimit të parasë publike dhe kundër lojërave të Bekim Haxhiut”.

[G-2]

Ramadani kërkon komision për hetimin e SHIK-ut
13-04-2011 16:45 CET

Deputeti i AAK-së Burim Ramadani ka bërë një deklaratë në lidhje me debatin e zhvilluar sot në Komisionin Parlamentar për Mbikëqyrje të Agjencisë Kosovare për Inteligjencë, duke thënë se ndjen përgjegjësi politike të sqarojë versionin e tij për debatin e zhvilluar brenda Komisionit në takimin e sotëm.

Sipas Ramadanit, deputeti i PDK së, Bekim Haxhiu, ka propozuar që Komisioni të miratojë kërkesën për Kryesinë e Kuvendit të Kosovës për të larguar nga detyra e kryetarit të Komisionit deputetin e Vetëvendosjes, Florin Krasniqi, me arsyetimin se ky i fundit ka shkelur konfidencialitetin e Komisionit kur ka akuzuar PDK-në sa i përket funksionimit të “Shërbimit Informativ të Kosovës” (SHIK).

Komisioni përmes votimit, shton Ramadani, nuk ka miratuar kërkesën e deputetit Haxhiu, pas një debati relativisht të ashpër që është zhvilluar. Dhe, më pas, kjo temë është ngritur në opinion publik krejtësisht për përfitime partiake të deputetit të PDK së, Haxhiu.

Ramadani shpreh bindjen e tij të thellë se në Kosovë ka shumë çështje që duhet të sqarohen para organeve institucionale politike dhe të drejtësisë.

“Funksionimi i SHIK-ut është një prej temave më të rëndësishme për Kosovën e pasluftës, për shkak të bindjes për përfshirjen e kësaj organizate ilegale në kriminalitet politik dhe ekonomik. SHIK-u ka qenë organizatë që i ka shërbyer një grupi të caktuar brenda Partisë Demokratike të Kosovës (PDK) dhe jam i bindur se njerëzit e kësaj strukture nuk duhet të ndihen mirë që kanë qenë pjesë e saj”, thekson Ramadani në deklaratën e tij me shkrim.

Më tej ai thekson se “Kosova ka nevojë të ketë qartësi për të gjitha të bëmat e kujtdo qoftë, dhe në këtë rast të një strukture të organizuar kriminale, që njihet me emrin SHIK”.

Ramadani konsideron se “ka ardhur koha kur Kuvendi i Republikës së Kosovës duhet të themelojë një Komision Hetues Parlamentar për hetimin e veprimtarisë së ‘SHIK’-ut që nga themelimi i kësaj organizate pas çlirimit të Kosovës”.