"Iniciativa per Tiranen". Basha me intelektualet, Rama shmang debatin

[mesuesi_1]

Basha me intelektualët, Rama shmang debatin

Gazeta Standart

Eduart Vlusha 07/04/2011 10:55:00

Dialogu për Tiranën, Basha u përgjigjet intelektualëve. “Angazhimi im për Tiranën, jo si luftë, por si kontribut”

Kandidati për kryetar Bashkie i Tiranës, Edi Rama, shmangu dje një bashkëbisedim me intelektualët, ku mori ftesë dhe rivali i së djathtës, Lulzim Basha. Grupimi i shoqërisë civile organizoi dje një dialog publik për Tiranën me temë “Iniciativa për Tiranën”. I pranishëm në këtë takim ishte kandidati i PD-së, Lulzim Basha, ndërsa kandidati tjetër, Edi Rama, nuk mori pjesë, për arsye të impenjimeve politike. Në këtë takim, në një panel me 31 intelektualë të fushave të ndryshme, kandidati i PD-së, Lulzim Basha, i ka falënderuar ata për këtë nismë. Forumi i intelektualëve u mblodh për një diskutim të hapur për Tiranën në mjediset e Akademisë së Arteve.

“Së pari ju falënderoj për këtë iniciativë për Tiranën, e cila ka qenë një ëndërr për mua. Energjitë e këtij qyteti janë zgjuar dhe po rrjedhin në drejtim të këtij qyteti. Shpreh vlerësimin për këtë panel dhe ajo që ju përfaqësoni, është i armatosur më së miri për në një këndvështrim të ri. Lufta për të vërtetën dhe interesi publik janë të pazëvendësueshëm”, - ka deklaruar kandidati për Bashkisë e Tiranës, Lulzim Basha. Ai bëri të ditur se angazhimi i tij është një kontribut për qytetin e Tiranës. “Unë përsëris angazhimin tim duke e parë këtë jo si një garë por si një kontribut. Në këtë kuadër angazhohem duke marrë preokupimet e shprehura nga ju, shpresoj që t’ju kthej përgjigje herën tjetër në takimin e radhës, ku do të angazhohem në një debat me ju. Angazhimi i im do të jetë në frymën e kontributit”, - tha Basha.

“Iniciativa për Tiranën” u mblodh për një dialog publik për kryeqytetin. Ky dialog përbëhej nga një panel me figurat më të njohura përfaqësuese të fushave të ndryshme të jetës në kryeqytet dhe jo vetëm. Paneli përbëhej nga Aleks Luarasi profesor; Adrian Civici ekonomist, financiar dhe pedagog në UET; Zhani Ciko drejtor i TOB; Valentina Kuka, pedagoge në UT; Halim Kosova mjek; Jera Kruja mjeke neurologe; Nevila Nika historiane; Bujar Kapexhiu pedagog në UET; Petraq Panajorgji pedagog; Irida Xhindi pedagoge; Sotiraq Goni shoqëria civile; Henri Çili gazetar; Artan Lame inxhinier; Dhori Kule rektori i UT; Ali Oseku profesor; Kozeta Servani pedagoge në UT; Zef Preçi ekonomist; Alush Shima piktor; Romeo Hanxhari pedagog; Kujtim Çashku pedagog; Besnik Aliaj inxhinier.

Këta përfaqësues i kanë drejtuar pyetje kandidatit për Bashkinë e Tiranës, Lulzim Basha, pyetje këto që do t’i drejtoheshin edhe kandidatit tjetër, Edi Rama, i cili nuk ka qenë i pranishëm, kurse kandidati i Partisë Demokratike për Tiranën, Lulzim Basha, deklaroi gjatë takimit me 31 intelektualët e kryeqytetit se fushata zgjedhore nuk është një luftë, por është një garë për të treguar se kush ka plane dhe dëshirë për të dhënë kontributin më të madh. “Unë e di realitetin politik të llogorizuar në diskursin publik. Unë mendoj se kjo nuk i shërben askujt, në këtë luftë nuk ka asnjë fitues, unë e shoh këtë garë jo si luftë, por si kontribut. Unë jam i gatshëm të jap kontributin tim në funksion të shqetësimeve dhe kurrsesi si një luftë”, - tha Basha.

Duke falënderuar intelektualët e pranishëm në takimin për Tiranën, Basha shprehu dëshirën që edhe kandidati Rama të shohë dhe të dëgjojë mendimin e njerëzve të njohur në fushat e ndryshme të shkencës. “Ju falënderoj personalisht. Sot kemi dëshminë më të mirë se energjitë e këtij qytetit janë zgjuar dhe po rrinë vrullshëm në një drejtim të duhur. Dua të shpreh vlerësimin për këtë panel. Ky panel edhe ajo që ju përfaqësoni është i armatosur më së mirë për çdo sfidë dhe armët tuaja janë lufta për të vërtetën dhe interesi publik”, - tha z. Lulzim Basha. “Në frymën e kontributit tim personal, - shtoi ai, - por dhe të peshës së përgjithësisë që unë marr përsipër në këtë garë për të përfaqësuar sa më mirë, sa më denjësisht, platformën për zgjidhjen e problemeve, halleve të qytetarëve të Tiranës dhe për shtrimin e rrugës drejt një Tirane, e cila ecën me një plan afatgjatë zhvillimi, dhe nuk zhvillohet me planin “pa plan”, se edhe plani “pa plan” është një plan, është një plan që nuk i shërben kësaj konstituence, nuk i shërben qytetarëve të Tiranës, i shërben vetëm një grushti shumë të ngushtë njerëzish. Dhe këtu qëndron kontradikta. Midis politikës dhe angazhimit intelektual, dhe e them këtë jo i pandërgjegjshëm për faktin që dhe unë sot përfaqësoj vizionin, vullnetin e një grupimi politik për Tiranën. Por politika fatkeqësisht ka nevojë, ka nevojë të ngutshme për digën e interesit qytetar, sot kërkon edhe kontributin tuaj, në mënyrë që në garat që shpeshherë shndërrohen në luftë, të mos sakrifikojmë interesat e momentit për vizionin afatgjatë të zhvillimit, të mos sakrifikojmë interesat e momentit për të ardhmen e fëmijëve tanë”, - u shpreh kandidati i PD-së, Lulzim Basha.

[mesuesi_1]

INICIATIVA PËR TIRANËN dhe keqkuptimet rreth saj

MAPO
Henri Çili
07-04-2011 12:11

Dje, bashkë me 30 kolegë, miq dhe ekspertë e njerëz të nderuar në profesionin e tyre dhe në angazhimin publik në qytet, promovuam tek Akademia e Arteve një iniciativë me emrin “INICIATIVA PËR TIRANËN”. Siç edhe kronika e medias e ka pasqyruar dje, 31 intelektualë dhe ekspertë të fushave të ndryshme, të shqetësuar për problemet e qytetit tonë, krijojnë këtë forum me qëllim që të ndikojmë, duke shfrytëzuar rastin e fushatës për zgjedhjet lokale të 8 majit, në programin e kandidatëve për Bashkinë e Tiranës. Për këtë u ftuan të dy kandidatët, Lulzim Basha dhe Edi Rama, për të ndjekur një gamë shqetësimesh dhe idesh që secili prej këtyre pjesëmarrësve kishte për të shprehur, duke i ftuar sërish një javë më vonë, në të njëjtën sallë, në të njëjtin vend, për të dialoguar me pjesëtarët e INICIATIVËS rreth shanseve të përfshirjes në programin e tyre të këtyre ideve, apo adresimin e këtyre shqetësimeve. Zoti Basha iu përgjigj ftesës, zoti Rama jo. Sërish ky forum mbetet i hapur për këtë komunikim në javët e ardhshme.


Ja, kaq e thjeshtë ishte e gjithë kjo. Dhe kaq e komplikuar njëkohësisht për një mjedis publik, i cili sheh pas çdo veprimi publik një qëllim të fshehtë, një dorë organizatore. Një qëllim të fshehtë përtej atyre që thuhen hapur, përtej atyre që thanë hapur në këtë komunikim publik këta individë të mbledhur në këtë grup “ad- hoc” me qëllimin për të influencuar në debatin e këtyre zgjedhjeve lokale.


Shqipëria ka nevojë për konceptim tjetër të angazhimit politik dhe atij qytetar, i cili është shumë më i shumëllojshëm sesa skema aktuale që ne kemi: ose parti politike, ose organizatë joqeveritare, ose biznes. Brenda këtij trekëndëshi ka një galaktikë të tërë organizimesh civile , jo politike, të cilat janë dhe mund të jenë shumë të dobishme për demokracinë. Sot, ne jo vetëm kemi një boshllëk në legjislacion dhe në praktikat e strukturimit të shoqërisë sipas këtyre modeleve që Perëndimi i ka elaburuar prej disa shekujsh, por mbi të gjitha kemi një boshllëk dhe keqkuptim të madh në mjedisin publik se çfarë përfaqësojnë këto tip iniciativash.


Njerëzit para se t’i mbledhë bashkë, ose partia, ose biznesi ose një organizatë joqeveritare, i mbledh bashkë në një mënyrë të lirshme dhe jo-impenjative, pa patur nevojë për statute apo regjistrime në gjykata e tatime, një shumëllojshmëri interesash të përkohshme, që nuk janë as politikë, as biznes, as një organizatë joqeveritare sipas konceptit dhe perceptimit që ne kemi sot për to.


Grupime të tilla “ad-hoc”, janë jo vetëm shumë të dobishme për shoqërinë dhe demokracinë, por ato janë thuajse domosdoshmëri në rastin e zgjedhjeve lokale. Zgjedhjet lokale për nga përcaktimi janë shumë më afër njerëzve, shumë më larg strukturave politike apo atyre ekonomike. Ato janë një formë identifikimi komunitar, dhe një përpjekje periodike për të zgjedhur krye-qytetarët për një kohë dhe me një mandat të caktuar.


Zgjedhjet lokale janë në gjenezën e tyre zgjedhje qytetare. Vetëm në shekullin e 20-të ose pak më parë zgjedhjet lokale ishin thjesht zgjedhje komunitare, ku nuk kishte kandidat partie, por kishte lista qytetare ku kandidonin njerëz që vinin nga komuniteti. Pasi kaluam një shekull e ca politizim të këtyre zgjedhjeve, në fakt Perëndimi është “bërë pishman”, ose më saktë “shteti unitar” është penduar për kompetencat e përqendruara në qendër dhe po përpiqet me shumë mundim të lëshojë kompetenca drejt lokaliteteve, drejt bashkësive. Ndaj organizime të tilla si INICIATIVA PËR TIRANËN janë jo thjesht një ndërmendje e disa njerëzve që ftojnë përreth një tryeze disa të tjerë, por janë manifestim i ndërgjegjes së opinionit publik kryeqytetas, që ka nevojë për diskutim dhe debat me themel për Tiranën, ka nevojë për “depolitizimin” 10-vjeçar të betejës për Tiranën, ka nevojë për një diskutim me themel për të tashmen dhe të ardhmen e qytetit tonë.

Ja, kaq është INICIATIVA PËR TIRANËN, e thjeshtë, publike, e hapur për të gjithë, në funksion të një debati për zgjedhjet lokale të 8 majit!

[juanito02]

haha
Luli qe qesh do e beka Tiranen?
Se dine keta sailistet qe e kan vene atje qe ta qerojne nga pd.
E kush flluske sapuni ka rrojtur aty me akcihanen e salise?
Vetem ca kane rrojtur qe iken u mallkuan dhe erdhi dita thene faleminederit qe na mallkove qe do vime te akcihanja prape. Si pollot xhaferret, ceket, imamet.
Llumi llumit shkurt ka ngel ke akcihanja Salise njeri me i mendrosur se tjetri.
Vec po si lane te vjedhin shqiptaret e bota se keta skane din e iman as fe as atdhe as moral as burreri, asgje skane vec bashkimin ne nje grup kriminelesh.

[Mike Oldfield]

Po normal qe Edveri do ta evitoje debatin me qytetaret e Tirones se cfare do ti thote atyre, qe me 21 Janar ja vura FLAKEN Tirones vetem pak, se e kam BETONIZUAR ate si ma do qejfi e se me votoni perseri qe tju DJEG edhe juve si pishtare.......ky eshte Edveri KRYEDJEGESI I TIRONES.

Por Tirona e ka zgjedh kryetarin e saj Lul Bashen cun fisnik!

[OPARI]

mua po me duket shume serioz ky basha dhe jep ca argumenta qe te mbush mendjen psh
nga pyetja e FEJZIUT se si do hapen vendet e punes na i nxorri qe punedhenesi do e kaloje nga bashkia vendin e punes dhe bashkia do i gjeje njeriun e pershtatshem d m th nuk do gjesh me pune ne tirane me anen e dajes halles apo dhe lekut



kjo vendosja e lulit per kryetare bashkie me duket se eshte manovra e sales per ta hequr qafe se po i afrohet shume karriges se vete

[mesuesi_1]

Po normal qe Edveri do ta evitoje debatin me qytetaret e Tirones se cfare do ti thote atyre, qe me 21 Janar ja vura FLAKEN Tirones vetem pak, se e kam BETONIZUAR ate si ma do qejfi e se me votoni perseri qe tju DJEG edhe juve si pishtare.......ky eshte Edveri KRYEDJEGESI I TIRONES.

Por Tirona e ka zgjedh kryetarin e saj Lul Bashen cun fisnik!

e vertete .... 21 janari eshte fushata me e mire qe ka bere PS me ne krye shokun Edver ne 20 vitet e demokracise ne Shqiperi ....

[Besoja]

Luli do fitojë dhe nuk u kandidua për tu hequr qafe.Natyrisht që është fushatë dhe fantazitë janë njëra pjesë e saj!Berisha e "hoqi qafe" si ministër për ta votuar si kryetar bashkie dhe ishte gjetja më e mirë.Tani disa thonë jo.Është e drejtë e tyre sepse edhe ne nuk duam fitore 100 përqind.

[mesuesi_1]

o Beso, kjo pune eshte si puna e bishtit qe kur ke duan te ta heqin dhe kur nuk e ke duan te ta vene .... nuk gjejne rehat raca e tipit koco-bollinose jo .... por 8 maji do ti coje me pushime te perjetshme dhe pastaj te shkojne ne te s.e.m.e.s ....

[Zoti Basha]

me komuniste nga c'jane keta intelektualet nuk gjen. uroj realisht qe bashes nga nje vesh ti hyne e nga tjetri ti dalin ato qe u thane aty

[mesuesi_1]

me komuniste nga c'jane keta intelektualet nuk gjen. uroj realisht qe bashes nga nje vesh ti hyne e nga tjetri ti dalin ato qe u thane aty

ku ishin keta komuniste o shoku mehmet-enver-hysni ..... ?! me cilin sy i pe ti, me ate me xham apo me ate pa xham .....??!!

mos e ke fjalen per Artanin e Lamajve zotrote se ate e pame te gjithe ..... ate e kishte derguar mafia ndertimit per te leshuar mesazhet e tyre ........

[smokkie]

Ku ka intelektuale ne shqiperi? Futja kot.

[Zoti Basha]

I kam mbushur mendjen vetes te krijoj nje zakon: postimeve fmeinore nuk do pergjigjem me, se nuk ia vlen.