Shqipëria dy vjet në NATO

[PLAKU]

Shqipëria dy vjet në NATO
Publikuar: Sot, më 04 prill 2011

http://www.kohaditore.com/repository...,shqiperi5.jpg

Shqipëria dy vjet në NATO
Publikuar: Sot, më 04 prill 2011


Shqipëria dy vjet në NATO
Tiranë, 4 prill - Shqipëria nëpërmjet krerëve më të lartë të shtetit ka kujtuar të hënën dyvjetorin e hyrjes së vendit në NATO. Hyrja e Kroacisë dhe Shqipërisë, dy vjet më parë në Aleancën e Atlantikut, u ka hapur dimensione të reja integruese këtyre dy vendeve. Me rastin e kësaj dite presidenti Bamir Topi në një vizitë pranë Batalionit të Forcës Speciale Tokësore në Zall-Herr, tha se kjo është padyshim ngjarje e shënuar. Sipas Topit, përkujtimi për ditën e themelimit të Aleancës më të madhe politiko-ushtarake, Aleancës më të madhe për paqen dhe sigurinë në botë, është emocionuese, sikur që është edhe kremtimi i dyvjetorit të pranimit të Shqipërisë si vend me të drejta të plota, anëtar i NATO-s.
“Kjo ditë ka qenë e mirëpritur dhe e bazuar në një aspiratë të thellë dhe të gjerë të popullit shqiptar, në një rast gati unikat, ku afro 96% e popullsisë e kanë mbështetur këtë vendim politik të institucioneve të Shqipërisë. Ne jemi krenarë sot që jemi pjesë e NATO-s. Jemi krenarë që jemi kontribuues për paqen dhe sigurinë në botë”, ka thënë presidenti Topi.
Ndërsa kryeministri Sali Berisha e quajti anëtarësimin e vendit në NATO një arritje madhore për shqiptarët dhe për sigurinë e tyre.
"Me anëtarësimin në NATO shqiptarët kanë garantuar mundësinë e ndërtimit të së ardhmes së tyre në liri", tha kryeministri. Sipas tij, Shqipëria mbetet e vendosur të përmbushë çdo detyrim që rrjedh nga anëtarësia në NATO, si në zonat operative ku është e angazhuar Aleanca, ashtu edhe në konsolidimin e shtetit ligjor, të rendit kushtetues, garantimit të të drejtave të qytetarëve shqiptarë dhe në reformat e thella të Forcave të Armatosura dhe përshtatjen e tyre me standardet kësaj Aleance.
"Aleanca e Atlantikut të Veriut është shndërruar në mburojën e patjetërsueshme të lirisë së kombeve dhe
qytetarëve të botës së lirë. Për çdo komb anëtarësia në këtë Aleancë përbën një arritje madhore, por për kombin shqiptar, që ka pasur një histori dhe të shkuar shumë të dhimbshme, kjo përbën një arritje të jashtëzakonshme", tha kryeministri Berisha.
k.ditore

[PLAKU]

Berisha: Shqipëria në NATO, rezultat i reformave
Lajmi i Fundit e Hënë, Prill 4th, 2011



http://www.panorama.com.al/wp-conten...11/04/nato.jpg


Berisha: Shqipëria në NATO, rezultat i reformave
Lajmi i Fundit e Hënë, Prill 4th, 2011
TIRANË- Vullnet të plotë për përmbushjen e cdo obligimi që vjen nga anëtarësimi në NATO, zgjedhje të standardeve të NATO-s dhe garantim i lirive e të drejtave të qytetarëve. Me këto fjalë, kreu i qeverisë, Sali Berisha ka përshëndetur dy vjetorin e anëtarësimit të vendit tonë në NATO, duke dekalruar se para dhe mbi të gjitha, kjo erdhi si rezultat i suksesit të reformave të qeverisë.

Berisha e cilësoi këtë datë, si një nga ngjarjet më kryesore në historinë e lirisë së shqiptarëve. “Me anëtarësimin në këtë aleancë, shqiptarët kanë të garantuar mundësinë e së ardhmes së tyre. Anëtarësimi ynë erdhi para së gjithash e mbi të gjitha si rrjedhojë e reformave të thella që qeveria ndërmori”- tha Berisha, duke shtuar se anëtarësimi ishte rezultat i suksesit të padiskutueshëm të këtyre reformave që shndërruan vendin në një nga më të sigurtët në rajon, ekonominë dhe demokracinë në demokraci funksionale, reformat e FA, kontributit të padiskutueshëm të ushtarakëve shqiptarë dhe rezultat i mbështetjes së fuqishme të qeverisë dhe presidentit Obama, ndihmës të udhëheqësve të aleancës dhe vendeve anëtare.

Berisha ka garantuar se vendi ynë do të plotësojë cdo obligim që vjen nga anëtarësia në këtë aleancë, si në misionet e saj në zonat operative ku aleanca është e do angazhohet, ashtu edhe në garantimin e rendit kushtetues dhe vazhdimit të reformave dhe përshtatjen e tyre me standardet e aleancës.
panorama

[PLAKU]

Kryeministri Berisha përshëndet dy vjetorin e anëtarësimit të Shqipërisë në NATO
04-04-2011 / Gazeta 55



http://www.gazeta55.al/fotolajm/7978...konference.jpg







Shqipëria, 2 vjet anëtare e Aleancës më të fuqishme politiko-ushtarake



Kryeministri Berisha ka përshëndetur sot në një konference të posaçme për shtyp, dy vjetorin e anëtarësimit të Shqipërisë në Aleancën e Atlantikut të Veriut, NATO.

Duke e cilësuar këtë ditë si një nga ngjarjet më historike të vendit tonë kryeministri Berisha tha:

“Sot është dy vjetori i një prej ngjarjeve, datave më kryesore në historinë e lirisë së shqiptarëve, është anëtarësimi i Shqipërisë në Aleancën e Atlantikut të Veriut. Anëtarësimi i Shqipërisë në aleancën më të madhe të lirisë, që kohërat kanë njohur ndonjëherë përbën edhe arritjen më madhore të shqiptarëve në fushën e sigurisë dhe lirisë së tyre. Aleanca e Atlantikut të Veriut, që nga themelimi i saj deri në ditët e sotme u shndërrua në mburojë të pa depërtueshme të lirisë së kombeve të qytetëruara, të botës së lirë.

Me anëtarësimin në këtë aleancë, shqiptarët kanë të garantuar mundësinë e ndërtimit të së ardhmes së tyre në liri. Për çdo komb, anëtarësia në këtë aleancë përbën një arritje madhore, për kombin shqiptarë, i cili ka patur një histori të shkuar shumë të dhimbshme, kjo përbën një arritje të jashtëzakonshme.

Anëtarësimi i Shqipërisë në NATO, erdhi para së gjithash dhe mbi të gjitha si rrjedhojë e atyre reformave të thella dhe të gjithanshme, që qeveria shqiptare ndërmori pas vitit 2005. Ajo ishte rezultat i suksesit të padiskutueshëm të këtyre reformave, që shndërruan Shqipërinë në një nga vendet më të sigurta në rajon, demokracinë shqiptare dhe ekonominë e tregut, në një demokraci funksionale dhe ekonomi tregu funksionale. Reformave të thella të forcave të armatosura, kontributit të pa diskutueshme të ushtarakeve shqiptarë në të gjitha frontet dhe zonat, ku NATO kërkoi mbështetjen e këtij vendi.

Anëtarësimi i Shqipërisë në NATO, ishte pa diskutim rezultat i mbështetjes së fuqishme të qeverisë dhe Presidentit të Shteteve të Bashkuara të Amerikës, ndihmës së gjithanshme të vendit udhëheqës, të Aleancës së Atlantikut të Veriut dhe të gjitha vendeve të tjera anëtare.

Duke përshëndetur në këtë datë, më e madhja në historinë e sigurisë së lirisë së shqiptarëve, çdo shqiptarë, duke përshëndetur në mënyrën më të përzemërt të gjitha vendet anëtare të aleancës së Atlantikut të Veriut, qeveritë e të cilave mbështetën anëtarësimin e plotë të Shqipërisë, në këtë aleancë dy vjet më parë. Ne i shprehëm mirënjohjen më të thelle qeverisë së Shteteve të Bashkuara, për ndihmën e madhe që na dha në këtë drejtim dhe mbështetjen e fuqishme.

Dua të përshëndes sot çdo qytetar shqiptarë për këtë arritje historike. Dua të garantoj Aleancën e Atlantikut të Veriut, se Shqipëria dhe shqiptarët mbeten plotësisht të vendosur, të bëjnë të gjitha përpjekjet për të përmbushur me dinjitet të plotë, çdo obligim që rrjedh nga anëtarësia e vendit në këtë aleancë, si në misionet e saj në zonat operative ku aleanca është e angazhuar dhe do angazhohet, ashtu edhe në konsolidimin në Shqipëri të shteti ligjor, rendit kushtetues, garantimit të lirive dhe te drejtave të qytetarëve shqiptare , reformave të thella të forcave tona të armatosura për përshtatjen e tyre gjithnjë e më të mirë me standardet e kësaj aleancë.

Dhe njëherë urimet më të përzemërta për çdo shqiptarë.

Pyetje: A do të bëjnë me 8 maj shqiptarët zgjedhje sipas standardeve të NATO-s, duke pasur parasysh që kemi tre incidente pa nisur ende fushata?

Kryeministri Berisha: Shqiptarët kanë bërë dhe do të bëjnë zgjedhjet e standardeve të NATO-s dhe standardeve më të mira

G55

[mesuesi_1]

kjo eshte fitorja me e madhe qe shqiptaret kane arritur ndonjehere ne historine e tyre per faktin se per here te pare Shqiperia ben pjese ne nje aleance politiko-ushtarake ku marrin pjese te gjitha vendet me te zhvilluara perendimore me te drejta te barabarta .....

urime ...!!!

[gjema]

urime shqiperi arritje kolosale, ne nje nen te regullave te natos thuhet nese nje vend antar i natos sulmohet nga dikush ateher e gjith nato eshte sulmuar, qe do thot ndryshe 1per te gjith, te gjithe per 1.

[{A_N_G_E_L_69}]

Urime Shqiperise per kto arritje.