Dosti i Presidentit

[Kosovelli]

Isa Mustafa ia bëri një argat të mirë Behgjet Pacollit kur nuk u pajtua me AAK’në që Gjykata Kushtetuese të deklarohet rreth votës së Presidentit për Qeverinë. Në anën tjetër, AAK’ja rikonfirmoi varësinë nga LDK’ja dhe shënoi dështimin e radhës në përpjekjet për të qenë zë serioz opozitar. Tash, Behgjet Pacolli mund të ndihet më rehat në karrigen e Presidentit.

Nga Shpend Limoni më 23 mars 2011 në ora 09:18
Behgjet Pacolli mund ta vazhdojë i qetë rrugëtimin e tij në krye të shtetit të Kosovës.

Kreu i Lidhjes Demokratike, Isa Mustafa, të martën ka shpalosur vendimin përfundimtar për të mos iu bashkuar një nisme të Aleancës për Ardhmërinë e Kosovës për ta çuar në Gjykatën Kushtetuese votimin e Pacollit për Qeverinë e Kosovës.

Presidenti i vendit kishte votuar për Qeverinë Thaçi vetëm disa minuta pasi ishte zgjedhur Shef Shteti.

Gjykata Kushtetuese e Kosovës tashmë është duke e shqyrtuar një lëndë që ka të bëjë me zgjedhjen e Presidentit të vendit në seancën e 22 shkurtit.

Lidhja Demokratike e Kosovës në bashkëpunim me AAK’në kanë pyetur gjykatën më të lartë nëse procedurat për zgjedhjen e kreut të shtetit kanë qenë në përputhje me Kushtetutën.

Lënda tashmë ka disa javë që është dërguar në Gjykatë, e cila duhet të japë një përgjigje brenda dy muajsh nga data e pranimit të ankesës.

Me këtë veprim, dy partitë opozitare, LDK dhe AAK synojnë të shpallet jovalid votimi për Presidentin.

Sido që të jetë, pretendimi për shkelje të Kushtetutës nga Presidenti me rastin e votimit për Qeverinë nuk arriti të deponohet në Gjykatë, edhe pse kjo është konsideruar si bazë më e fortë për lëkundjen e karriges së Behgjet Pacollit.

Shkrimin e plotë mund ta lexoni në gazetën Express...