Shoqata Tirana: Rama, mos blloko Unazen
Koha Jone
Luljeta Ndoka
Shoqata "Tirana", perfaqesuese e qytetareve autoktone te Tiranes, ka reaguar kundrejt qendrimit qe po mban bashkia e Tiranes, per qellime elektorale. Sipas kreut te kesaj shoqate, Arben Tafaj, ndertimi i Unazes se Madhe do te permiresoje jeten tone, pasi do te na shpetoje nga ndotja akustike, e ajrit si dhe nga trafiku i renduar ne kryeqytet.
Rama
Sipas kreut te shoqates "Tirana", grumbullimet partiako-ambientaliste, po organizohen sipas avazit te varrmihesit te gjelberimit te kryeqytetit, qe eshte Edi Rama. "Duket sikur keta varrmihes tashme jane penduar dhe po ngrene zerin me force per ruajtjen e kesaj hapesire, qe ata kerkojne, sipas tyre, te mos ndeshkohet, pasi denuan me vdekje thuajse te gjitha hapesirat e tjera te gjelbra te Tiranes", tha Tafaj. Ai shtroi pyetjen perse ndodh kjo pendese e papritur nga ana e Bashkise se Tiranes, pas gjithe asaj masakre ndaj hapesirave publike dhe ambienteve te gjelberuara. "A mos eshte kjo demagogjia paraelektorale e radhes qe lidershipi i majte i bashkise se Tiranes, po e perdor gjate etheve te fushates elektorale, per te lare duart nga nderhyrjet makabre qe ky institucion ne drejtimin e tyre ka bere ne hapesirat publike te Tiranes?", shtroi pyetjen Tafaj. Ai solli ne vemendje se, vetem nje vit me pare, Shoqata "Tirana" u ngrit ne nje fushate sensibilizuese kunder betonizimit dhe nderhyrjeve ne sheshin "Skenderbej", ku hapesirat e gjelbra dhe ato publike, tentuan dhe po vazhdojne te konvertohen ne gratacela, te cilat sipas z.Tafaj, nuk i sherbejne asgjeje tjeter pervecse fitimeve marramendese qe siperfaqet e ndertimit ne kete zone sjellin per kumbaret e ketij konvertimi.
Botaniku
"Sot para nesh shtrohet nje tjeter panorame: Ajo e Kopshtit Botanik dhe e nje projekti infrastrukturor me rendesi jetike, sic eshte Unaza e Tiranes, e cila do te sherbeje per lehtesimin e levizjes dhe te trafikut te kryeqytetit, qe me ndotjen e llahtarshme te ajrit dhe ate akustike, po ndikon dukshem si ne shendetin fizik dhe mendor te banoreve te tij, ashtu edhe ne kufizimin e levizjes se tyre dhe ngadalesimin e ritmeve te zhvillimit", tha kreu i shoqates "Tirana", perfaqesuese e qytetareve autoktone te kryeqytetit. Sipas Tafajt, cdo nderhyrje ne permiresimin e ketyre parametrave infrastrukturore do te ishte e mirepritur, me kusht qe ajo te shoqerohet me masat paralele per permiresimin e ambienteve te gjelberuara ne dobi te qytetareve. "Si qytetare te Tiranes, por edhe si qytetare te Evropes, duam te jetojme nje kohe, kur projektet dhe investimet infrastrukturore t'i paraprijne atyre te ndertimeve. Ku para gratacelave te ndertohen rruge, te krijohen hapesira publike dhe te ofrohet i gjithe rrjeti infrastrukturor per furnizimin me uje, energji, komunikacione etj", - tha Tafaj. Sipas tij, pikerisht kjo eshte pritshmeria e qytetareve, interesat e te cileve duhet te jene udherrefyese te politikes shqiptare. "Prandaj i bejme thirrje politikes se re te lidershipit te majte qe te heqe dore nga filozofia e vjeter e ndertimit para urbanizimit, qe ka dominuar kryeqytetin tone gjate dy dekadave te fundit", vijoi ai.
Banoret e Tiranes, thirrje per me shume gjelberim
Qytetaret e Tiranes bejne thirrje qe interesat e tyre te vihen ne qender te politikave, pasi Tirana nuk mund te jete prone e askujt. "Tirana eshte kryeqyteti yne dhe kryeqender e shqiptareve dhe administrimi i ketij qyteti duhet t'u takoje atyre qe e trajtojne ate si te tille duke i dhene qytetareve te tij nje ambient dinjitoz jetese, si ai i te gjitha kryeqyteteve evropiane", - tha kreu i shoqates "Tirana", Arben Tafaj. Shoqata ka bere thirrje qe Tirana te mos vazhdoje te mbaje me, rekordet negative te ndotjes, kaosit urban, betonizimit, pushtimit te hapesirave publike, pasigurise se ndertimeve, kercenimit te jetes se qytetareve nga pamundesia e mberritjes se sherbimeve te emergjences per shkak te rrugeve te munguara etj., rekorde keto qe sipas "Tirana", e kane bere kryeqytetin tone gjithnje e me pak te banueshem. "Por, sidomos nuk mund te pranojme qe e gjitha kjo te na paraqitet si nje arritje dhe njekohesisht nje kosto e zhvillimit", deklaroi kreu i shoqates "Tirana".
Shkelja e "kurores se gjelber" te Tiranes
Kryetari i Shoqates "Tirana" solli dje ne kujtese te te gjithe qytetareve te hershem te ketij qyteti, se Kopshti Botanik ishte vetem nje pjese e vogel e kurores se gjelber qe rrethonte Tiranen. Sipas tij, vete parku i liqenit artificial pasohej nga nje varg kodrash dhe fushash te gjelberuara me ullishte e fidanishte, te cilat tani jane kthyer ne nje panair kaotik te gjetjeve ndertimore te gjithfare lloji. "Sigurisht qe kjo eshte per t'u vajtuar, por kjo situate behet groteske kur vajit tone duan t'i bashkohen varrmihesit e ketyre bukurive te rralla me te cilat Zoti e kishte pajisur Tiranen tone te dashur", tha kreu i shoqates, Arben Tafaj. "Si qytetare te Tiranes, duam te jetojme nje kohe ku nderhyrjet infrastrukturore t'i paraprijne atyre te ndertimeve. "Te krijohen hapesira publike dhe te permiresohet i gjithe rrjeti i furnizimit me uje", - ben thirrje Tafaj.
Krijoni Kontakt