Dhëndrri i kryetarit të Bashkisë kërcënon me pistoletë 3 policë
RD
Dhëndrri i kryetarit të Bashkisë së Elbasanit, Qazim Sejdini ka kërcënuar me armë tre punonjës policie, në momentin që këta të fundit i kanë kërkuar që të dorëzonte armën që mbante pa leje. Ngjarja e pazakontë ka ndodhur në një lokal të qytetit të Elbasanit nga tre persona që kërkoheshin nga Policia. Sipas një informacioni të marrë në rrugë operative, Policia ka pasur dijeni se në lokalin ku ndodheshin Sokol Sanxhaktari, Suel Çela dhe Andri Kurti, ka shkuar Policia, e cila kishte dijeni se kishin armë me vete. Në kohën kur Policia dhe një nga pjesëtarët e sektorit të krimeve i ka kërkuar armën, Sokol Sanxhaktarit, ai ka nxjerrë armën dhe ia ka drejtuar punonjësve të policisë. Ngjarja ka ndodhur rreth mesditës në afërsi të vendit që njihet si "Shtëpia e Artë" në lagjen "Visarion Xhuvani". Në këtë ngjarje, për fat të mirë, nuk ka pasur plagosje, por kanosje, ndërsa pistoleta është sekuestruar nga Policia.
Dy personat e sipërpërmendur njihen për vepra penale, armëmbajtje pa leje dhe plagosje. Sokol Sanxhaktari është dhëndrri i kryebashkiakut të Elbasanit, Qazim Sejdini, ndërsa Suel Çela i akuzuar nga Prokuroria dhe familja e Asllan Mustës për vrasjen e djalit të tyre disa vjet më parë dhe i liruar në sallën e gjyqit nga ish-kryetari i Gjykatës së Elbasanit, Bujar Musta. Po të premten, pas kësaj ngjarje Prokuroria e Rrethit Gjyqësor Elbasan, ka lëshuar urdhërin e ndalimit për shtetasin Andri Kurti, vjeç 25, banues në lagjen "Kongresi i Elbasanit" në Elbasan që ka qenë shoqërues bashkë me shtetasit Sokol Sanxhaktari dhe Suel Çela. Policia njofton se ndalimi ndaj tij u bë pasi, më datë 10.02.2011, në orët e mbrëmjes së kësaj date, ky shtetas ka kundërshtuar dhe kanosur punonjësit e Komisariatit të Policisë së Elbasanit. Shërbimet e Parandalimit dhe të Hetimit të Krimit, pranë Komisariatit të Policisë Elbasan, në vendin e quajtur "Shtëpia e Artë", e cila ndodhet në lagjen "Visarion Xhuvani" Elbasan, bënë të mundur lokalizimin e personit të shpallur në kërkim nga ana e plicisë, për veprën penale të "Plagosjes', shtetasin Sokol Sanxhaktari, me qëllim kapjen e tij.
Në momentin e finalizimit të këtij operacioni, personi i shpallur në kërkim, Sokol Sanxhakatari, në bashkëpunim me shtetasin Andri Kurti (i ndaluar) si dhe Suel Çela, kanë kundërshtuar dhe kanosur me armë zjarri pistoletë, punonjësit e Komisaritit të Policisë së Elbasanit. Nga ana e policisë po punohet intensivisht, për kapjen e personit të kërkuar, Sokol Sanxhaktari, si dhe bashkëpunëtorit të tij, shtetasin Suel Çela, vjeç 23, banues në lagjen "5 Maji" në Elbasan. Po kështu në cilësinë e provës materiale u sekuestrua arma e zjarrit pistoletë, si dhe 2 telefona celularë, të cilët i përkisnin autorëve. Ndaj shtetasve të mësipërm rëndon akuza e "Armëmbajtjes pa leje", "Kundërshtim i punonjësit të policisë", dhe "Kanosje".
Përgjigju Duke Cituar
:Po ky qeka dhonder socialist......
Postuar më parë nga Station
Krijoni Kontakt