Rama në udhëkryq
05-03-2011 04:51 / Gazeta 55
http://www.gazeta55.al/fotolajm/1429...neudhekryq.jpg
Që nga bllokimi i regjistrimit të partisë në KQZ e shpallja e kandidaturave për qytetet e mëdha e deri tek vizita “për konsultime” e Edi Ramës në Greqi, e majta është futur në një udhëkryq që rrezikon ta bëjë kurban gjithë PS-në. 8 maji vijon të paraqitet si gijotinë politike, me të cilën kryesocialisti, s’po guxon të përballet, as për kryeqytetin, e as në rang kombëtar
Partitë politike të interesuara për punët e komunitetit, për mbarëvajtjen e bashkive apo për administrimin e qyteteve më të mëdha të vendit, prej ditësh kanë dalë para publikut me “kuajt” e tyre të betejës. Edhe Partia Demokratike, edhe Lëvizja Socialiste për Integrim, edhe partitë e tjera të përgjegjshme janë përfshirë në këtë aksion që imponon përgjegjësi politike, por edhe detyrim kombëtar. Vetëm Partia Socialiste e Edi Ramës s’është kandisur ende t’i përmbushë këto detyrime. Edi Rama ende s’e ka ndarë mendjen për dilemat e mëdha që ia tronditin ekzistencën. Bashkia e Tiranës, kryesimi i Partisë Socialiste, përzgjedhja e “padishahëve” në qytetet e mëdha të vendit apo çuarja e Shqipërisë në kolaps e destabilitet, nga bojkotimi i zgjedhjeve janë vendimet e rëndësishme, të cilave Edvini s’po di se si t’u japë dum. Përcaktimi i kandidaturave për qytetet e mëdha ka lidhje me procesin tagrambledhës, të cilin një kryetar partie ka katër vjet kohë që ta përfundojë, por që nga emergjenca e kutive të (pa)hapura dhe nga mungesa e legjitimitetit brenda partisë, Edvini s’po e bitis dot, dhe në vend që t’i nxjerrë përfitime, po i sjell veç andralla. Për njëfarë përvoje në këtë bizantinizëm politik, Edi Rama mendohet se ka vendosur dje të marrë rrugën për Greqi, ku e presin konsultime me tutorët e tij politikë. S’ka axhendë, por njoftohet jozyrtarisht, se bëhet fjalë për “shkëmbim përvoje” në prag të zgjedhjeve të ardhshme vendore. Se ç’shkëmbim bëhet fjalë, çdo shqiptar e ka të qartë, por kjo s’e zgjidh udhëkryqin e madh politik në të cilin gjendet Edi Rama. Tollovia që po shoqëron vendimin politik për t’u përfshirë në zgjedhjet vendore, s’po merr përgjigjen juridike, atë të regjistrimit në Komisionin Qendror të Zgjedhjeve si një subjekt zgjedhor. Prej këndej, vjen edhe kriza latente e marrëdhënieve të paqarta të Edi Ramës me aleatët e radhës në politikën e ditës. Të gjithë krerët e partive të vogla po presin të ndahet torta e zgjedhjeve lokale, por si gjithmonë Edvini është në udhëkryqin e mbledhjes së taksave, është në momentin kur duhet të vendosë se si do të merren taksat ndaj partive të vogla. Ky udhëkryq periferik, së bashku me paqartësinë e bashkisë së Tiranës po e shfaktorizon krejt opozitën, duke i dhënë profil një udhëkryqi, që do të duhej të ishte një udhëkryq personal i një njeriu, që tregon se s’ka shumë lidhje me politikën, por që po shndërrohet në udhëkryqin e Partisë Socialiste, një udhëkryq që rrezikon ta nxjerrë nga sistemi krejt të majtën tradicionale.
Përgjigju Duke Cituar
Postuar më parë nga drenicaku
Krijoni Kontakt