Milloshi: Une perballe Rames, PS do tentoje te na demtoje
Rozeta Rapushi
Lulezim Basha dhe Edi Rama, nuk do te jene te vetmit kandidate qe do te konkurrojne per postin e kryetarit te Bashkise se Tiranes. Dje, Komisioni Qendror i Zgjedhjeve, pranoi edhe kerkesen e kryetarit te Partise Komuniste Shqiptare, Hysni Milloshi, si kandidat i PKSH, per postin e kryetarit te bashkise me te madhe ne vend. Pas kundershtimeve gjate ketyre diteve te kandidatures se Milloshit nga KQZ, per shkak te mungeses se dokumentacionit, ne mbledhjen e djeshme ky institucion vendosi te regjistroje si kandidat per kryetar te bashkise se Tiranes, edhe propozimin e bere nga Partia Komuniste. Vete Milloshi, tha se ne emer te PKSH-se do te kerkoje votat per bashkine me te madhe te vendit. Madje u shpreh edhe optimist, per nje elektorat te kesaj force politike ne kryeqytet, Tirane. Ne nje prononcim per Gazeten "Koha Jone", Milloshi tha se partia qe ai perfaqeson ka elektoratin e saj. "Ne kandidojme si nje parti e vetme perballe koalicioneve. Do ta cojme zerin e partise tone tek cdo qytetar", pohoi Milloshi. Sipas tij, pengese ndaj PKSH, ne keto zgjedhje do te jete Partia Socialiste, qe Milloshi tha se do te tentoje qe me propagande te demtoje imazhin e forces politike qe ai perfaqeson. "Ne e dime se kemi te bejme me dy forca politike te medha, po une respektoj partine time dhe ndaj kandidoj. Do te kerkojme votat ne Tirane. Kemi elektoratin tone, ndonese Partia Socialiste do te tentoje te na demtoje, duke na kundershtuar. Por ne do vijojme", u shpreh dje Milloshi, duke shtuar se forca politike qe ai perfaqeson, nuk do te beje kurre koalicion me Partine Socialiste, ndonese vijon te merret neper goje. Keshtu, ne garen elektorale per bashkine e Tiranes, me te madhen ne vend, ne 8 Maj, do te jene tre kandidate, Lulezim Basha i Partise Demokratike dhe "Aleances per Qytetarin", Edi Rama per Partine Socialiste "Aleanca per te Ardhmen" dhe Hysni Milloshi, kandidat i Partise Komuniste te Shqiperise. Po ne mbledhjen e djeshme, Komisioni Qendror i Zgjedhjeve, pas kundershtimeve te bera me pare, miratoi gjithashtu edhe listen shumemerore te kandidateve per anetar ne keshillin e Bashkise Tirane, te paraqitur nga Partia Komuniste Shqiptare, per zgjedhjet e organeve te qeverisjes vendore te dates 8 maj 2011. Nderkohe qe miratoi gjithashtu edhe listen shumemerore te kandidateve per anetar ne keshillin e Bashkise Tirane, te paraqitur nga Partia Ligj dhe Drejtesi, pjesetare e koalicionit Aleanca per te Ardhmen per zgjedhjet e organeve te qeverisjes vendore te dates 8 maj 2011.
koha jone
Krijoni Kontakt