Beteja per Tiranen: Lulzim Basha perballe Edi Rama

[mesuesi_1]

Lulzimja do jet tremb kur e ka pa ramen ne tv

une po te them se te gjithe e pane fytyren e nxire te Edverit nga frika kur mori vesh atentatin qe lepurushit te tij mbreme ju be .... larje hesapesh asgje me teper ...

[RAPTILOID]

une po te them se te gjithe e pane fytyren e nxire te Edverit nga frika kur mori vesh atentatin qe lepurushit te tij mbreme ju be .... larje hesapesh asgje me teper ...

Un flas per bashen ti flet per tan leprin
Eshte hap nje teme per tan leprin
Shko e jepi ngushellimet atje
Qenka hapur dhe ne fshatin tend lajmi se ishte larje hesapesh???

[mesuesi_1]

Qenka hapur dhe ne fshatin tend lajmi se ishte larje hesapesh???

po Shqiperia vend i vogel eshte dhe lajmet nuk vonojne te vijne edhe te fresketa nga Tirana ne fshatin im ....

[RAPTILOID]

Akullore me lesh
Nga Mero Baze
U përpoqa të gjej fjalën e duhur për një tip ëmbëlsire që shitej para do kohe në Tiranë, e cila ngjante një tufe leshi të përdredhur në një bosht që ishte shufër plastike. Nuk u gjet dot pasi në fakt nuk u gjet kurrë një emër i saktë për këtë ëmbëlsirë, e cila gënjente fëmijët si një gjë e madhe, por që zhdukej pas dy minutash në duart e tyre pa u ngelur asgjë në gojë dhe në shkopin plastik në dorë. Disa i thonë akullore me lesh, të tjerë i thonë pambuk sheqeri. Besoj të gjithë e sjellin në mendje çfarë është. Kjo ishte e vetmja gjë që mu kujtua pasi dëgjova fjalimin e Lulëzim Bashës dje si kandidat për kryetar bashkie të Tiranës. Në gjithë atë boshllëk ku humbiste teatraliteti i tij, dhe në gjithë atë ngutje për të prezantuar një portret artificial, pati një gjë racionale dhe ajo ishte linja politike e fjalimit të tij.
Për të gjithë ata që këshilluan Berishën të qëndronte larg fushatës së Lulëzim Bashës dhe këtë të fundit që të demonstronte një personalitet të pavarur në raport me të, pati një përgjigje. Lulëzim Basha u prezantua si kandidat për kryetar bashkie në Tiranë me një strategji tërësisht politike dhe duke e mbështetur luftën e tij tek motivimi i atyre që* mbështesin Berishën. E vetmja gjë me përmbajtje në fjalimin e tij që të ngelej nëpër dhëmbë, nga “pambuku i sheqerit” që ai ndante për publikun, ishte fakti se beteja e tij për Tiranën kishte rëndësi politike, pasi ishte betejë për të mbrojtur kryeministrin Berisha nga rreziku Edi Rama. Në thelb është lëvizje e zgjuar. Basha nuk me çfarë të motivojë strukturat e PD-së më shumë se sa me këtë përkushtim politik. Ata që i sugjerojnë distancë nga Berisha në të vërtetë i sugjerojnë nxjerrje nga fushata ende pa nisur. Lëvizja e vetme e Bashës është më radikale se kaq. Ai, jo vetëm që u prezantua me një familjaritet të pazakontë nga Berisha, i cili foli deri dhe për fëmijën e palindur të tij në bark të nënës, por u vetëprezantua më pas si një luftëtar i mbrojtjes së kauzës së Berishës, e cila rrezikohet sipas tij nëse Edi Rama rifiton Tiranën. Pra, e vetmja gjë racionale e fjalimit të Lulëzim Bashës, ishte fakti që ai duhet të fitonte Tiranën për të shpëtuar Berishën. Kjo në të vërtetë është dhe teza që i jep më shumë vota se çdo tezë tjetër Bashës brenda PD-së. Të gjitha luftërat e vogla që mund të bëhen kundër tij, dështojnë përballë kësaj teze, pasi ai ka vetëzgjedhur të jetë “luftëtar i Krishtit” në betejën për kryeqytetin. Pavarësisht se vëzhguesit e përciptë të politikës shqiptare dhe komentatorët stereotipistë do ta kritikojnë, ai ka bërë zgjedhjen e duhur në qëndrimin politik. Këtë e zhvilloi dhe në qëndrimin ndaj Edi Ramës. Ai vlerësoi Edi Ramën si kryetar bashkie për dy mandatet e para të tij, d.m.th injoroi kauzën e dy paraardhësve të tij Mustafaj dhe Ngjela, dhe kritikoi Ramën si kryebashkiak pas vitit 2005 kur ai u bë dhe kryetar partie. Pra, në gjithë boshllëkun e fjalimit të tij të parë elektoral, Basha ka zgjedhur të dëgjohet vetëm një jehonë në atë humnerë dhe ajo të jetë fjalia, “unë po sakrifikoj për Sali Berishën”. Ky qëndrim në dukje prej kamikazi, është në të vërtetë i vetmi qëndrim racional politik i tij. Debati tani qëndron nëse Basha fiton më shumë pikë nëse distancohet nga Berisha dhe e mban atë larg fushatës, apo nëse thotë votoni për mua nëse nuk doni të ikë dhe Berisha pas zgjedhjeve?! Mendoj se qëndrimi i dytë i jep më shumë pikë brenda PD-së, ndërkohë që ai ka pak shpresa të trondisë elektoratin gri të Tiranës me atë performacë politike që ka. Kështu, fushata e tij ka shanse të bëhet më politike, më entuziaste dhe më motivuese dhe për ndonjë manipulim. Rreziku kryesor që Basha ka nga luftërat e brendshme në PD kështu minimizohet dhe ai gjen arsye të fusë në betejë kastën e korruptuar të administratës që mund ta shikonte me indiferentizëm këtë betejë. Fjalimi i tij ishte bosh për nga idetë, bosh për nga programi, qesharak për nga premtimet, por serioz për nga motivimi politik. Akullorja me lesh, apo pambuku i sheqerit siç mund të quhej fjalimi i tij i parë elektoral, vërtitej pas një shufre plastike dhe kjo ishte beteja për të mbrojtur Berishën. Kjo betejë realisht e motivon më shumë se beteja për të mbrojtur kryeqytetin. Kjo rrit shanset për të gjitha rreziqet në fushatë, që nga tensionet politike, fizike, dhe deri tek motivimi për të prekur dhe votën në emër të një ndërtese më të madhe që rrëzohet nëse rrëzohet i dërguari i Zotit (Berisha) në betejën e Tiranës. Basha ka zgjedhur me vetëdije, të jetë “no face, no name, … but number” në betejën e Tiranës.* Ndaj ndjehej boshllëku dhe cektësia në fjalën e tij. Nuk ka bërë kujdes për to, edhe pse nuk është aq e lehtë të kesh përmbajtje. Ai ka zgjedhur të luftojë në emër të Berishës për të ndalur ikjen e tij nga pushteti. Ka zgjedhur të jetë një pararojë e betejës së tij. S’e ka menduar keq, pavarësisht sa mund t’ia arrijë.

Website gazeta tema

[mesuesi_1]

Zyrtare, “Aleanca për Qytetarin” mandaton Bashën për Tiranën!

Lulzim Basha: Bashkohuni me mua në këtë rrugë, të zgjedhim të ardhmen mbi të shkuarën


25-03-2011 / Gazeta 55


Mazhoranca çel fushatën elektorale për zgjedhjet vendore të 8 majit

Përmes një entuziazmi të jashtëzakonshëm në sallën e madhe të pallatit të sportit “Asllan Rusi”, kandidati zyrtar i “Aleancës për Qytetarin”, për bashkinë e Tiranës, Lulzim Basha prezantoi platformën për ndërtimin e qytetit të Tiranës; kthimin e qytetit te qytetarët; Tiranën Evropiane; Tiranën simotër të kryeqyteteve të vendeve të Bashkimit Evropian. “Tirana e para, Tirana e Evropiane”- është slogani i Bashës për kryeqytetin e pas 8 majit, i cili do ketë së shpejti një tramvai si çdo kryeqytet Evropian, me një park tjetër krahas Liqenit Artificial, me taksa të ulëta dhe transparencë për çdo fond publik. Premtim i Bashës ishte edhe ndërtimi i një plani urbanistik, për një perspektivë dhjetëra vjeçare të qytetit, për t’i dhënë fund kështu kasaphanës urbane në Kryeqytet; stop betonizimit të pakriter. E gjithë platforma e Bashës përmblidhet në togfjalëshin "Tirana e Para".



Kandidati Lulzim Basha

Këtë mbrëmje vij para jush, si një djalë i këtij qyteti. Unë jam fëmija i parë i dy prindërve të përkushtuar dhe të mrekullueshëm. Ata më rritën mua dhe vëllain tim mes vështirësish dhe rropatjesh të panumërta. Ata na falën gjithë dashurinë e tyre duke sakrifikuar gjithçka nga vetja. Edhe pse kohwt ishin të vështira ata ja dolën të na sigurojnë një fëmijëri të ëmbël, plot me kujtime të lumtura. Sepse për ta, ne fëmijët e tyre ishim gjithmonë të parët. Unë u rrita në atë Tiranë duke ëndërruar se si mund të bëhej ajo një ditë! Si mund te shndërrohej në një qytet me më shumë qytetërim, me më shumë drita të vërteta. Një qytet që të rrezatonte më shumë ngrohtësi dhe më shumë gëzim për banorët e tij. 20 vjet me parë ne, shqiptarët, e rrëzuam tavanin e hekurt që ndrynte ëndrrat tona, që mbyste shpresat tona dhe që burgoste mendjet dhe trupat tanë. Në këto 20 vjet e kemi parë si qyteti ynë u rrit, ndryshoi dhe u zmadhua. Por sot kur unë dhe Aurela shohim qytetin ku jetojmë bashkë me vajzën tonë Dafina, ashtu si shumëkush, nuk jam i kënaqur. Sepse ne të gjithë kërkojmë dhe po ashtu meritojmë më shumë nga ky qytet, nga kjo shtëpi e madhe e përbashkët. Tirana jonë dhe njerëzit e saj përballen me probleme reale dhe të përditshme, probleme të cilat nuk mund të zgjidhen as me gjuhë të egër, as me protesta te dhunshme dhe as me beteja politike, por vetëm me shumë pune, vizion krijues dhe duke u bashkuar të gjithë si qytetarë. Sepse ky qytet ka nevojë për një ajër të ri, të freskët, të ndryshëm, të pastër dhe më të gëzueshëm. Një ajër të ri, ku humanja (njerëzorja) të jetë shumë më e pranishme. Një ajër të ri, që do ta bëjë qytetin më mikpritës, më bujar dhe më të dashur për banorët e tij, fëmijët, prindërit, gjyshërit tanë! Realiteti i sotëm është përherë e më rraskapitës për banorët e Tiranës. Vendet e punës janë të pakta, çmimet e strehimit të larta, bllokimet e trafikut të përhershme, ndotja e gjithë pranishme, parqet dhe lulishtet të pamjaftueshme, shkollat te mbingarkuara, taksat bashkiake tepër të larta dhe korrupsioni mjaft i përhapur. Mund të çirremi sa te duam para këtyre sfidave. Mund t’i tundim grushtet në erë sa të duam para këtyre problemeve. Mund të bëjmë sikur i mbulojmë ato, duke u kaluar përsipër një dorë boje. Por asnjë nga këto nuk i zgjidh problemet e qytetit tonë! Klithja e sloganeve politike nuk hap asnjë vend të ri pune dhe kësisoj nuk ulet dot çmimi, qoftë edhe i një buke të vetme. Betejat politike nuk na e shkurtojnë kohën e kthimit në shtëpi, nuk e çajnë dot trafikun kaotik pas një dite të lodhshme pune. As nuk ndërtojnë dot, qoftë edhe një park të vetëm lojërash për fëmijët tanë. As gjuha e egër dhe as bëmat e dhunshme nuk do ta shndërrojnë Tiranën në një qytet më të mirë për fëmijët e mi dhe fëmijët tuaj. Asnjë nga këto nuk i ndihmon njerëzit të përmbushin shpresat e tyre. Jo. Qytetaret e Tiranës presin me shume se britma indinjate dhe beteja politike. Problemet e qytetit janë tepër të mëdha, sfidat e tyre tepër urgjente dhe bastet për të ardhmen tone tepër të larta për të lejuar teatrin politik të radhës të vazhdojë të shfryjë plot mllef dhe hipokrizi. Sot është koha për t’u ndarë nga këto shfaqje njëherë e mirë. Është koha për t’ju përveshur punës, për të vënë Tiranën të parën, njerëzit të parët. Por çfarë mund të bëjë një kryebashkiak për punësimin dhe çmimet, nëse nuk rropatet natë e ditë për këtë problem? Nëse nuk bën të vetin edhe problemet e të tjerëve? Nëse nuk e ndjen deri në palcë përgjegjësinë e kësaj detyre? Asgjë. Këtë e dëgjuam dhe mbrëmë nga Kryetari aktual i Bashkisë i cili tha se ka të tjera plane dhe preokupime në këto kohë: do që të kapë karrigen e kryeministrit. Ka dy lloj njerëzish, ata qe marrin seriozisht vetëm veten e tyre dhe ata qe i marrin seriozisht detyrimet e tyre. Unë u rrita, u shkollova dhe çava në jetë, falë kësaj te dytes. Është e vetmja rrugë që njoh. Është e vetmja rrugë që mësova nga prindërit e mi dhe ky qytet. Sepse, sipas meje sekreti është dashuria. Ne ndjejmë dhe e kuptojmë njëri - tjetrin përmes dashurisë. Dashuria është elementi më thelbësor për çdo njeri, ndriçimi më rrezatues dhe forca më e madhe, e aftë të kapërcejë gjithçka tjetër. Prandaj e di se të gjithë së bashku, me dashurinë për fëmijët tanë, për prindërit tanë, me dashurinë për këtë qytet dhe njeri - tjetrin nuk ka gjë që nuk mund të arrijmë. Prandaj sot nuk vij para jush për t’ju ndarë në një betejë tjetër politike. Përkundrazi, ju ftoj sonte nga kjo foltore te bashkohemi për ta vënë Tiranën të parën, për të ndërtuar se bashku të ardhmen europiane të këtij qyteti. Sepse betejat e vërteta në ketë qytet nuk zhvillohen në teatrin politik të radhës. Ato zhvillohen në çdo familje dhe në çdo shtëpi Tirane. Në çdo rrugë dhe në çdo lagje të saj. Në jetën e çdo banori të saj. Keto jane betejat e verteta. Betejat e njerezve te ketij qyteti. Betejat per nje jete me te mire. Betejat me papunsine dhe cmimet e larta. Betejat per me shume shkolla dhe shkolla me te medha e me te mira. Betejat kunder pamundesive te perditshme. Betejat per mundesi. Betejat tuaja të perditshme do jenë të vetmet beteja per mua. Une sot i futem sfides per ta kthyer qytetin tone ne qytetin e mundesive. Mundesive per punesim dhe jetë më të mire. Mundesive per rruge, sheshe, parqe, kende lojrash, ajer te paster, trafik normal, transport publik, arsim, kulture dhe sport. Dhe për këtë, qytetit i duhet një kryebashkiak për të cilin “E para është Tirana, të parët jeni ju”! E di se çdo politikan mund të premtoje gjëra, shpesh të bukura por të pamundura, por ajo për të cilën ka nevoje ky qytet është një njeri qe t’i futet punës dhe t’ja dalë asaj në krye. Në të folur njerëzit mund të jenë njëlloj, por veprat e tregojnë ndryshimin midis tyre. Në 6 vjet në shërbim të publikut unë kam folur me vepra dhe jo vetëm me fjalë. Kam mbajtur cdo premtim që kam dhënë, kam përmbushur cdo angazhim që kam marrë. Unë dua dhe di të punoj për Tiranën! Unë do të punoj për ju, për te gjithe ju sepse për mua “Ju jeni të parët, Tirana është e para.” Unë do punoj për të luftuar çmimet e larta në këtë qytet. Akti im i parë do jetë krijimi i nje Agjensie Bashkiake te Mbrojtjes se Konsumatorit, që do ketë detyrë parësore inspektimin, raportimin dhe turpërimin publik te çdokujt që spekullon me çmimet në Tiranë, nga buka dhe karburanti tek strehimi dhe shërbimet. Mbrojtja e konsumatorit nga çmimet abuzive dhe mallrat jocilësore si dhe mbrojtja e bizneseve nga konkurrenca e pandershme do të jetë një angazhim i plotë i Bashkise. Konkurenca e ndershme është çelësi i tregut të lirë, çmimeve të ulëta, dhe mundësive më të mëdha. Të gjithë nivelet e qeverisjes duhet të luajnë rolin e tyre duke filluar nga Bashkia. Bashkia gjithashtu do të punojë për përmirësimin e infrastrukutres, për të ulur koston e transportit që lidhet me mallrat dhe shërbimet në mënyrë që këto kursime t’i kalojnë konsumatorit. Akti im i dytë si Kryebashkiak do të jetë krijimi i TaskForces për Punësimin. Në qytetin tonë njerëzit e kualifikuar nuk mund të gjejnë vende pune dhe shpesh bizneset nuk mund të gjejnë njerëz të kualifikuar. Ngërci i zhvillimit ekonomik që ka mbërthyer Tiranen në këto vitet e fundit ka nxjerrë në pah problemin e punësimit dhe të papunësisë. Potenciali ekonomik i qytetit të Tiranës dhe ai i punenxenies janë dobësuar ndjeshëm këto 3-4 vitet e fundit. Ndërkohë që popullsia e qytetit vazhdon te rritet. Dhe do të rritet edhe në të ardhmen. Ne themel te arsyes qëndron performanca e dobët e Bashkise në të gjitha drejtimet. Rritja e kostove dhe pasigurisë mbi bizneset si rezultat i politikave të gabuara të Bashkisë të tilla si rritja shumëfish e barrës fiskale lokale, shtimi i kostos së burokracisë bashkiake, zhvillimi territorial pa plan dhe kaotik, mos-angazhimi i Bashkisë në krijimin e lehtësirave për biznesin shqiptar apo të huaj, e deri tek radikalizmi dhe konfliktualiteti i lartë, kanë shkaktuar frenimin e investimeve private, shqiptare e të huaja e për pasojë edhe frenimin e mundësive për punësim e vetëpunësim. Unë do të punoj fort për këtë. Bashkia do të angazhohet në zbatimin e politikave direkte për nxitjen e punësimit dhe reduktimin e papunësisë përmes ngritjes së një sistemi bashkiak të informacionit mbi tregun e punës, lehtësimit të kontakteve mes punëdhënësve dhe punëmarrësve, afrimin e shkollës dhe universiteteve me biznesin, hapjen e mundësive për praktika mësimore pranë Bashkisë dhe gjithe rrjetit institucional apo partnerëve privatë të saj, si dhe përmes trajnimit profesional. Për këtë qëllim Bashkia do të punojë ngushtë me komunitetin e biznesit, shkollat, universitetet, median, shoqërinë civile si dhe me strukturat e specializuara të qeverisë dhe bashkive e komunave fqinje. Shumë të rinj që mbarojnë studimet e kanë të vështirë të gjejnë një punë në profesionin e tyre. Bashkia do ti ndihmojë këta të rinj duke financuar një program stazhi që do ti afrojë ata me sektorin privat dhe do ti pajisë me përvojë pune në profesionin e tyre. 70% e atyre që kryejnë stazhe të tilla iu ofrohet punësim i përhershëm në sektorin privat, dhe ne e kemi për detyrë të bëjmë gjithshka për punësimin e brezit të ri. Por kjo nuk mjafton. Ne do të krijojmë më shumë vende pune dhe punësim me paga më të mira. Sot Bashkia nuk bën asgjë për punësimin. Dhe ndonëse Bashkia nuk mund të bëjë gjithçka për punësimin, ajo mund të bëjë diçka dhe me mjaft rëndësi. Misioni im është hapja e 30 mijë vendeve të punës në dy vitet e ardhshme. Vetëm unaza e madhe dhe projektet e tjera të nënkalimeve dhe parkingjeve nentokesore do të krijojnë mbi 5800 vende pune. Por sektori publik nuk mund të arrijë gjithcka. Për të krijuar më shumë punësim dhe punësim me pagë më të mirë ne duhet të nxisim ekonominë duke ndihmuar hapjen e bizneseve të reja dhe zgjerimin e atyre ekzistuese. Por sot Bashkia jo vetëm që nuk po ndihmon, por ajo po pengon. Tirana është qyteti me numrin dhe nivelin më të lartë të taksave dhe tarifave vendore. Jo vetëm numërohen mbi 80 lloje taksash dhe tarifash vendore, por niveli i tyre është rritur me disa here gjate dekadës se fundit. Nuk ka nevoje të jesh ekonomist për të kuptuar që me taksa kaq te larta më mirë të ulësh qepenat, t’i vesh kyçin derës dhe ta mbyllësh biznesin. Une sot deklaroh para jush objektivni: TIRANA ,VENDI I DUHUR PËR TE BERE BIZNES. Si Kryebashkiaku juaj, unë do të heq rreth 60 taksa dhe tarifa vendore dhe do të ul 2 deri në 5 herë taksat dhe tarifat që mbesin. Unë angazhohem gjithashtu që nëpërmjet thjeshtëzimit të procedurave administrative dhe përdorimit të teknologjisë së informacionit, krijimit të parqeve industriale, përdorimit të formave të ndryshme të partneritetit publik-privat për zhvillimin ekonomik dhe masave të tjera do ti japim një implus të ri zhvillimit të biznesit të vogël, të mesëm dhe të madh duke rritur mundësitë e punësimit dhe reduktimin e papunësisë. Bashkia do të ndihmojë këdo që do të sjellë biznesin e tij në qytet duke thjeshtësuar në maksimum burokracinë bashkiake. Bashkia do të lehtësojë në maksimum lëvizjen e çdo biznesi që dëshiron të vijë në Tiranë nga Roma apo Milano, nga Berlini apo Madridi: ne do t’i ndihmojmë. Tirana do jetë qendra e biznesit dhe unë do bëj çdo gjë që të sjell punësim dhe investime në Tiranë sepse për mua e para eshtë Tirana dhe ajo duhet dhe do të jetë krah për krah kryeqyteteve të tjera të Europës. Po për këtë na duhet të ndërtojmë një Tiranë moderne Europiane. Ne duhet të ndërtojmë më shumë shkolla që fëmijët tanë të mos rrijnë në klasa me nga 40 nxënës, duhet të krijojmë kushte më të mira që mësuesit të japin mësim në mënyrë dinjitoze dhe nxënësit të mësojnë normalisht. Ne duhet të eliminojme mësimin me dy turne dhe të kemi klasa me më pak se 30 nxënës, shkolla te hapura e të mirëpaisura, ku zhvillohet mësim por edhe jete sociale për nxenesit dhe komunitetin; internet falas për te rinj, nxënës e studente, jo vetëm ne shkolla por ne te gjithë territorin e qytetit. Shkollat do te shndërrohen ne qendra te jetës komunitare duke u pajisur me mjetet dhe mjediset e përshtatshme ndërsa Bashkia do te organizoje dhe financoje aktivitete te larmishme ndërshkollore Tirana eshte qyteti i pare universitar i Shqiperise. Bashkia do të krijojë mundesitë që Tirana të presë dhe të mbajë në gjirin e saj, me të gjitha kushtet dhe infrastrukturat, më shumë se 100.000 studente. Një Bibliotekë Universitare e Tiranës, është premtimi im konkret, për Tiranen, kryeqytet universitar. Ne kemi nevojë të investojmë në infrastrukturë, çka do të hapë fronte pune të menjëhershme dhe do të ndërtojë themelin e një rritje ekonomike afatsgjatë. Unaza e madhe që do të qarkojë Tiranën do të rrisë efiçencen e biznesit dhe qytetarëve duke shkurtuar ndjeshëm kohën e transportit. Ajo do të ndihmojë edhe zhvillimin e lagjeve të Tiranës duke i lidhuar ato me një sistem modern trasporti. Duke filluar nga Unaza e Madhe, nënkalimet dhe parkingjet nentokesore do ta zgjidhin përfundimisht problemin e trafikut në Tiranë. Unë do angazhohem edhe për për një system transporti publik cilësor, të shtrirë në të gjithë qytetin dhe të pakushtueshëm, falas për të moshuarit, fëmijët dhe personat në ndihmë sociale. Tirana ashtu si çdo kryeqytet Europian do te kete tramvajin e saj. Ne kemi nevojë për më shumë parqe dhe lulishte, për rrugë dhe trotuare cilësore. Ne kemi nevojë për një plan për qytetin tonë dhe jo të vazhdojmë të hedhim beton dhe të ndërtojmë kuturu. Ky plan do të ketë në vëmendje jo vetëm qendrën e qytetit por edhe lagjet tona, kudo ku jetojnë banorët e këtij qyteti. Tirana duhet të përfundojë odisenë e mungesës së pafundme të planit rregullues, që gjithmonë është afër përfundimit por asnjeherë nuk përfundon, duke mbetur kështu i hapur ai bark që pjell të gjitha abuzimet, korrupsionin me lejet e ndërtimit dhe perspektivën e paqartë të vlerës së çdo ndërtimi. Kjo do të marrë fund njëherë e mirë. Dhe këtu, unë si kryetar i bashkisë nuk do të hezitoj të kundërshtoj madje as vendime të marra nga Këshilli Kombëtar i Rregullimit të Territorit, kur ato bien ndesh me interesat afatgjatë të qytetarëve të Tiranës. Unë e di se ka mes jush që pyesin se cfarë raporti do të ndërtoj unë nesër si Kryebashkiak me qeverinë qëndrore. Për të gjitha ata që pyesin, kjo është përgjigjia ime: Unë do të punoj me qeverinë qëndrore sa herë e lyp interesi më i mirë i Tiranës, por nuk do të ngurroj kurrë të përballem me të nëse ky interes vihet në pikëpyetje. Qeveria qëndrore mund, duhet dhe do të bëjë shumë për Tiranën, dhe unë si Kryebashkiak do të punoj me të dhe do ti jem mirënjohëse per cdo ndihme kesaj mysafire te perhershme te qytetit tone. Lagjet tona, aty ku njerëzit bëjnë jetën e përditshme, jo vetëm qendra, kanë nevojë t’i nënshtrohen një zhvillimi dinamik në respekt të plotë për pronën private dhe një harmoni të drejtë të zhvillimit të saj në favor të familjeve që e zotërojnë atë. Ne duhet të sjellim shërbime thelbësore dhe të krijojmë një qytet policentrik me hapësira të gjelbra dhe ambjente çlodhëse dhe argëtuese ku njerëzit të jetojnë, të punojnë dhe të çlodhen. Bashkia do te angazhohet për një program qe synon shpëtimin e sipërfaqeve te gjelberta nga prishja dhe rehabilitimin e shpejte te tyre. Gjithashtu, Bashkia do te ndërtojë parqe te vogla dhe zona apo qendra argëtuese ne shume nga zonat e qytetit ku ekzistojnë ende hapësira te lira. Përmes investimeve publike por edhe partneritetit publik-privat ne do të rrisim cilësinë dhe kapacitetet çlodhëse dhe argëtuese te Parkut te Madh te Liqenit, te Parkut te Dajtit si dhe do të investiojmë për zona te mëdha te gjelberta, çlodhëse dhe argëtuese ne territoret e bashkive e komunave fqinje. Unë angazhohem sot para jush për ndërtimin e një Parku tjetër të Madh të Tiranës si dhe ndërtimin e Korridorit Rekreativ të Lumit të Tiranës si pjesë e një plani të ri te zhvillimit që Bashkia do të vërë në jetë ne bashkëpunim dhe harmonizim me bashkitë dhe komunat fqinje. Ky plan duhet t’i kthejë qytetarit zërin e tij për të vendosur mbi të ardhmen dhe zhvillimin e komunitetit. Për këtë qëllim, mbledhjet ku shqyrtohet cdo plan ndërtimi për qytetin tonë do jenë të hapura për publikun. Ju dhe fqinjët tuaj do të keni mundësinë të jepni mendimin tuaj dhe të zgjidhni të ardhmen e lagjes tuaj. Unë do të kërkoj gjithashtu që çdo ndryshim destinacioni për biznesin të jetë i hapur për komentet e publikut. Nëse dikush do të hapë një diskotekë te pragu i banesës tuaj, ju do të keni të drejtën të kundërshtoni. Unë do të jem një Kryebashkiak i hapur për të dëgjuar nga ju. Çdo të premte unë do të kem orar zyrtar pritjeje ku çdo qytetar me problem të cfarëdollojshëm do mund të vijë dhe të flasë vetë me Kryetarin e Bashkisë dhe unë do bëj gjithçka për të zgjidhur problemin tuaj. Sepse ne kemi nevojë për një Kryebashkiak që kujdeset për hallet dhe shpresat e njerëzve. Një Kryebashkiak që do t’i përkushtohet Tiranës dhe qytetarëve të saj me mish e me shpirt. Një Kryebashkiak për të cilin të parët janë njerëzit, e para është Tirana. Nëse duam që Tirana të jetë një qytet modern dhe Europian, ne na duhet nje plan modern urban, që jo vetëm zgjidh problemet e sotme, por që i krijon metropolit tonë perspektivën dhjetëra vjecare të zhvillimi. Por Tirana nuk mundet kurrë të realizojë potencialin e saj të plotë kur korrupsioni zhbiron jetët tona. Kur Bashkia harxhon 8300 lekë për frymë për pagat dhe vetëm 2500 lekë për shërbimet ndaj qytetarit. Kur duhen plot 336 ditë për një leje ndërtimi, dhjetëra herë më shumë se në cdo qytet tjetër Europës, disa herë më shumë se në cdo qytet tjetër të vendit. Celësi është transaparenca. Çdo lek që bashkia shpenzon, duke përfshirë rrogat e punonjësve dhe çdo kontrate që lidhet do të publikohet ne faqen zyrtare të internetit. Bashkia duhet të jetë solidare, ajo duhet të çlirojë dhe inkurajojë energjitë bamirëse në qytet. Ne duhet tu gjendemi neë krah njerëzve në nevojë. Bashkia do t’i vijë në ndihmë nënave kryefamiljare që mbajnë të vetme familjet. Nuk do te kete femije qe braktisin shkollen per arsye ekonomike, ne do t’i heqim nga rruga fëmijët që lypin dhe do ti ulim në bankat e shkollës bashkë me moshatorët e tyre për tju dhene edhe atyre shansin që u jep shkolla për një jetë më të mirë. Tirana është zemra kulturore e vendit dhe kombit tonë. Këtu jeton elita e vendit dhe një komunitet i mrekullueshëm njerëzish të artit dhe të kulturës. Bashkia do të vendoset në qendër të një mekanizmi dinanamik që ndjell ardhjen në Tiranë të shumë aktiviteteve kulturore. Konkurset dhe Çmimit Bashkiake për shumë fusha të kulturës, artit dhe letërsisë do të ngjallin garën për krijim, art dhe kulturë në qytet. Tirana, një destinacion turistik do të plotësohet me disa destinacione turistike përreth saj si Dajti, Petrela, Preza apo Kruja, ndaj krijimi i një Rrjeti i Destinacioneve të Intregruara Turistike të zonës së Tiranës, në bashkëpunim me kolegët e komunave apo bashkive përreth kryeqytetit do të propozojë për turistët një Tiranë të vizitueshme gjithë vitin. Dhe tani më lejoni të them dy fjalë për Edi Ramën. Ai nuk është armiku ynë. Dhe ndoshta në krye të herës edhe ka arritur diçka për qytetin. Por që kur erdhi në krye të Partisë Socialiste interesi i tij i vetëm është lufta me Kryeministrin Berisha dhe jo puna për Tiranën dhe qytetarët e saj. Qyteti ynë ka mbetur në vendnumëro, sepse ai eshte obsesuar me kolltukun e kryeministrit dhe i është futur një betejë politike për hesap te vet, por që nuk na ndihmon te ndërtojme asnjë shkollë të vetme, nuk na shtron asnjë rrugë të vetme, nuk na krijon asnjë vend të vetëm pune. Degjova se dje tha qe do te kandidionte per Bashkine e Tiranes per t’u bere kryeminister. Pune e paqme! Por a është kjo ajo që kërkojnë qytetaret e Tiranes kur i drejtohen dhomes se votimit per te zgjedhur njeriun qe duhet te zgjidhe hallet e tyre te perditshme ne kete qytet? Unë ju ftoj ta refuzojmë me votë qyetatare këtë betejë të re politike që ai na propozon për interesat e tij dhe aspak të qytetit tonë dhe të zgjidhni alternativën qe ju vendos ju te paret, Tiranen te paren! Dje unë dhashë dorëheqjen si Ministër i Brendshem sepse besoj se Tirana meriton një Kryebashkiak me kohë të plotë që do t’i vërë veshin njerëzve dhe do të punojë gjithë kohën për t’i kthyer shpresat e tyre në realitet dhe jo të merret me beteja politike. Sepse këtu dicka shumë e rëndësishme ka humbur rrugës : arsyeja pse çdo burrë apo grua garon për t’u zgjedhur është të ndihmojë dhe tu shërbejë njerëzve. Në cdo hap të kohës time në shërbim publik kjo ka qenë motoja ime. Gëzimi im dhe brenga ime është se për çdo person që kam mundur të ndihmoj e di që ka patur të tjerë që nuk kam mundur t’i ndihmoj. Por unë dua çdokënd që më dëgjon sot ta dijë se jam në anën tuaj, se do punoj për ju, se do e degjoj zërin tuaj. Në këtë qytet cdokush has pengesa të ndryshme dhe ka qëllime të ndryshme, sipas moshës, punës, lagjes ku jeton etj. Po kur flas me qytetarët e Tiranës ajo që më impresionon nuk është shumëllojshmëria por ngjashmëria e dëshirave, kërkesave dhe shpresave të tyre për Tiranën. Njerëzit e këtij qyteti duan hapësira të gjelbërta, parqe dhe kënde lojërash. Ata duan t’u mblidhen rregullisht plehrat, njerëzit duan trotuare dhe rrugë të shtruara, njerëzit duan një qytet ku ajri që ata dhe fëmijët e tyre thithin është i pastër dhe ku mbeturinat pastrohen, një qytet me më pak trafik, më shumë parkingje dhe një qytet me një transport publik që funskionon. Njerëzit duan një qytet ku lagjet të jenë të ndriçuara, ku kujdesi shëndetësor të jetë më pranë tyre dhe ku zëri i tyre të dëgjohet. Njerëzit duan një Bashki që punon për ta, dhe jo për të çuar më tej axhendën politike personale të Kryetarit. Njerëzit duan një qytet më të mirë, dhe ajo që ia ka zënë rrugën është lufta politike. Unë ju premtoj sonte se cfarëdo që të ndodhë, unë nuk do ta harroj kurrë se arsyeja pse jam në zyrë publike është që tju shërbej ju te dashur bashkqytetarët e mij. Packa nëse jeni demokratë apo socialsitë, LSI apo PDU, Republikanë apo LZHK. Nuk ka rëndësi nëse jeni të moshuar apo të rinj, burra po gra, të punësuar apo të papunë, apo pensionistë. Ne të gjithë jemi qytetarë të Tiranës dhe unë do punoj cdo ditë për të ardhmen e cdo qytetari. Sepse per mua te paret jeni ju! e para eshte Tirana! Nesër unë do ta nis fushatën time me njerëzit, duke i takuar dhe duke i dëgjuar ata. Unë mezi pres te jem mes jush ne cdo lagje te Tiranes t’ju shtrëngoj duart, të ulem bashkë me ju dhe të degji shqetesimet, qëllimet dhe shpresat tuaja. Bashkë me ju do të ndaj platformat e mija per zgjidhjen e problemeve, vizionin tim per Tiranen moderne Europiane. Të dashur bashkëqytetarët e mi, Ne gjendemi tani në një udhëkryq. Para nesh ka dy rrugë, dhe ne duhet të zgjedhim. Njëra rrugë na kthen tek politika e vjetër e ndasive, akuzave, konfliktit dhe pesimizmit dhe kjo rrugë na len ne vend. Rruga tjetër udhëheq drejt mundësisë, bashkimit, shpresës, progresit dhe optimizimit ku në qendër jeni ju dhe zgjidhjet e problemeve tuaja, dhe kjo rrugë na con drejt mundesive te reja per secilin, drejt zgjidhjeve te medha per Tiranen. Unë dua të luftoj betejën e të ardhmes tonë: një të ardhme më të mirë për të gjithë ne. Për Tiranën, qytetin që ne duam dhe që meriton më shumë. Prandaj ju ftoj: bashkohuni me mua në këtë rrugë, ta lëmë pas konfliktin shterpë të akuzave politike, të zgjedhim të ardhmen mbi të shkuarën, të zgjedhim mundësinë shpresën dhe ëndrrat tuaja. Le ta shtrimë vështrimin tonë drejt mundesive të reja dhe zgjidhjeve të mëdha, të bindur se se bashku do tja dalim. Të cohemi dhe të fillojmë punën për qytetin e ëndrrave tona, të bashkohemi me një zë të vetëm dhe ta lëmë atë zë të dëgjohet fort e më fort nga besimi që ne kemi se ne mund të ndërtojmë një Tiranë më të mirë, se ne do ta ndërtojmë një Tiranë më të mirë dhe do te mposhtim cdo sfidë dhe asgjë nuk do na ndalë në rrugën tonë. Faleminderit!



Kryeministri Sali Berisha: Lulzim Basha, personalitet i ndritur i Partisë Demokratike

Jemi mbledhur sot për t’i shprehur mbështetjen tonë kandidatit të PD-së, të “Aleancës për Qytetarin”, një prej personaliteteve më të shquara të sukseseve të Partisë Demokratike. Njërit prej qytetarëve më të shquar të kryeqytetit, intelektualit të talentuar zotit Lulzim Basha. Sot ne së bashku jemi këtu, për të mbështetur qytetarin e parë të ardhshëm të Tiranës, birin e këtij qyteti që 20 vjet më parë. Ti shkëlqeve zoti Basha si student shqiptar në Universitetin e Utrehtit, si studenti më i shkëlqyer, në një universitet të niveleve më të larta të Universiteteve të Evropës. Ne të mbështesim ty jo vetëm për studimet e shkëlqyera, ti fitove vendin e parë në botë në një nga konkurset. Ne mbështesim sot Lulzim Bashën, bashkëshortin shembullor, prindin shembullor. Ti je njeriu i vlerave familjare që Shqipëria i ka hyjnore. Ne mbështesim Lulzim Bashën sepse në vitin 2005, së bashku me një grup intelektualësh, të rinjsh, do riktheheshin në gjirin e Partisë dhe do ktheheshin në uraganin e fitores. Vitet tona nuk kanë qenë të lehta. Vitet tona kanë njohur vështirësi. Kombi ynë kishte njohur copëtime, ndarje, pushtime, diktatura, ndarje të mëdha nga malet dhe gjeografia. Ne jemi sot këtu burrat dhe gratë që vendosëm një tullë në bashkimin kombëtar, bashkimin kombëtar të Lirisë. Çështja kombëtare çështja e parë, çështja e dinjitetit të shqiptarëve. Ndaj dhe ne bëmë të pamundurën të mundur, vendosëm të shembim malet, të bashkonim kombin. Në këtë detyrë, ne mandatuam ministrin, zyrtarin që me përkushtimin e tij do të kapërcente çdo pengesë, do të bënte që projekti i rrugës së kombit të shndërrohej në realitet. U përpoqën të hedhin baltë mbi rrugën, mbi kombin, menduan se mund të të kryqëzojnë për fajin e vetëm se shndërrove në realitet një nga ëndrrat e shqiptarëve. Atyre iu mbetet e shkuara, kurse ju, vizioni i ardhshëm për Tiranën e qytetarit, për Tiranën e shekullit, për Tiranën kryeqytet Evropian. Gjimnazisti, Lulzim Basha, bashkë me qindra e mijëra studentë dhe studente të kryeqytetit, do të thërrisnin 19 vjet më parë në rrugët e Tiranës; “Shqipëria në NATO”, “Shqipëria si Evropa”. Partia Demokratike dhe Qeveria do t’i besonte atij diplomacinë e integrimit të Shqipërisë në NATO. Sot, Shqipëria është vend anëtarë i NATO-s, qytetari i saj i parë i ardhshëm bëri gjithçka, çdo gjë që kjo ëndërr fisnike të bëhej realitet dhe Tirana kryeqyteti ynë të jetë sot kryeqyteti i një vendi anëtar të NATO-s. E duam Shqipërinë si gjithë Evropa, ishte kushtrimi dhe thirrja që buronte nga zemra e tij dhe e të rinjve shqiptarë 210 vjet më parë. Sot, qytetari i parë i Tiranës del para jush, pasi me përkushtimin e tij, talentin e tij, vendosmëri e tij, ia doli të bëjë të mundur që shqiptarët të lëvizin të lirë në mbarë Evropën, të fluturojë në Bruksel, duke realizuar ëndrrën e shqiptarëve për të lëvizur të lirë. Por ne, çfarë do që të bëjmë, kurrë ndonjëherë nuk ia shlyejmë, ndaj Tiranës ne kemi borxhe dhe detyrime. Jam përpjekur me dashurinë më të madhe që të bëjmë çdo gjë për një Tirana tjetër. Pavarësisht se këto 6 vite Tirana qeverisej nga kundërshtarët tanë, qeveria ime 3- fishoi fondet, në mënyrë që qytetarët e Tiranës të përjetonin standardet e një Tirane tjetër, por kjo u bë pamundur sepse Tirana e ëndrrës u zëvendësua me Tiranën e Betonit, Tirana e vizionit, me Tiranën e mbyllur, Tirana e parqeve me Tiranën e ferrave. Tirana, çdo ditë, çdo muaj largohej nga qytetarët e saj. Z.Basha, sot për qytetarët e Tiranës, një nga ëndrrat e qytetarëve, është ëndrra e Tiranës Evropiane, ëndrra e Tiranës së qytetarëve, ëndrra e Tiranës së Bukur. Jam këtu për të dhënë fjalën para qytetarëve të Tiranës dhe mbarë Shqipërisë se qeveria që unë drejtoj do të mbështesë fuqishëm çdo projekt, çdo zhvillim të këtij kryeqyteti. Zoti kryetar i ardhshëm i Bashkisë, ne të japim ty në 8 maj ditën e fitores, të ëndrrës së qytetarëve të Tiranës dhe Shqipërisë. Fitore!



Rajmonda Bulku: Lulzim Basha, e ardhmja e Tiranës


Deputetja e Partisë Demokratike, Rajmonda Bulku, çeli mitingun e PD-së në pallatin e sporteve “Asllan Rusi”, duke vlerësuar kandidaturën e Lulzim Bashës për bashkinë e Tiranës. Bulku tha se Basha është personaliteti që i duhet qytetit të Tiranës. "Janë të shumtë ata që duan të dëgjojnë Bashën"- tha znj.Bulku.


Ish-mësuesja e Bashës, Merita Xoxa


Kam patur fatin që të kem nxënësin Lulzim Basha në klasën time kujdestare. Tipari kryesor i Lulzim Bashës, është serioziteti. Luli zë një vend të veçantë. "Lulzim Basha është një personalitet i respektuar dhe i dashur për qytetarët e Tiranës. Luli, jam e bindur që do t’ia dalësh".



Doktor Ndroqi dhe nipi i kryetarit të parë të Bashkisë së Tiranës


Kam një shqetësim për të sjellë mes jush, dhe po ashtu dhe një kujtim. Shqetësimi është se s’mund të jetojmë më në një qytet të tej ndotur. Ne nuk mund të jetojmë në Tiranën e betonit. Lulzim Basha mund dhe do të bëjë diçka për Tiranën. Lulzim Basha duhet ta kthejë Tiranën te qytetarët, te njerëzit. Lulzim Basha, fitore!


Erjon Bogdani


Të gjithë ju e dini se futbolli është pasioni im, por para jush më ka sjellë një dashuri tjetër e madhe, dashuria për qytetin tim ku jam lindur. Vij me dëshirë në Tiranë sepse me merr malli për njerëzit e mi. Ndjehem jo mirë kur shoh Tiranën në gjendjen aktuale. Tirana meriton më shumë. Ne duam një kryetar bashkie që punon për sportin, shëndetin dhe qytetarët e tij. Për të fituar në futboll duhet një skuadër e fortë dhe një kapiten i mirë. Unë sot jam me skuadrën e Lulzim Bashës. Ju faleminderit!



Mitingu

Partia Demokratike dhe koalicioni “Aleanca për Qytetarin”, zhvilluan sot një miting madhështor në pallatin e sportit “Asllan Rusi” në kryeqytet. Mazhoranca çeli fushatën elektorale për zgjedhjet vendore të 8 majit dhe njëherazi prezantoi zyrtarisht kandidatin e “Aleancës për Qytetarin”, për bashkinë e Tiranës, zotin Lulzim Basha. Pas mbledhjes së Këshillit Kombëtar të Partisë Demokratike, ku u miratuan kandidatët e mazhorancës për zgjedhjet vendore, “Aleanca për Qytetarin”, hap kështu fushatën elektorale, duke i paraprirë përgatitjeve për zgjedhjet vendore të 8 majit.

...

[martini1984]

Un flas per bashen ti flet per tan leprin
Eshte hap nje teme per tan leprin
Shko e jepi ngushellimet atje
Qenka hapur dhe ne fshatin tend lajmi se ishte larje hesapesh???

hahahahahaha

[flor1]

Zyrtare, “Aleanca për Qytetarin” mandaton Bashën për Tiranën!

Lulzim Basha: Bashkohuni me mua në këtë rrugë, të zgjedhim të ardhmen mbi të shkuarën


25-03-2011 / Gazeta 55


Mazhoranca çel fushatën elektorale për zgjedhjet vendore të 8 majit

Përmes një entuziazmi të jashtëzakonshëm në sallën e madhe të pallatit të sportit “Asllan Rusi”, kandidati zyrtar i “Aleancës për Qytetarin”, për bashkinë e Tiranës, Lulzim Basha prezantoi platformën për ndërtimin e qytetit të Tiranës; kthimin e qytetit te qytetarët; Tiranën Evropiane; Tiranën simotër të kryeqyteteve të vendeve të Bashkimit Evropian. “Tirana e para, Tirana e Evropiane”- është slogani i Bashës për kryeqytetin e pas 8 majit, i cili do ketë së shpejti një tramvai si çdo kryeqytet Evropian, me një park tjetër krahas Liqenit Artificial, me taksa të ulëta dhe transparencë për çdo fond publik. Premtim i Bashës ishte edhe ndërtimi i një plani urbanistik, për një perspektivë dhjetëra vjeçare të qytetit, për t’i dhënë fund kështu kasaphanës urbane në Kryeqytet; stop betonizimit të pakriter. E gjithë platforma e Bashës përmblidhet në togfjalëshin "Tirana e Para".



Kandidati Lulzim Basha

Këtë mbrëmje vij para jush, si një djalë i këtij qyteti. Unë jam fëmija i parë i dy prindërve të përkushtuar dhe të mrekullueshëm. Ata më rritën mua dhe vëllain tim mes vështirësish dhe rropatjesh të panumërta. Ata na falën gjithë dashurinë e tyre duke sakrifikuar gjithçka nga vetja. Edhe pse kohwt ishin të vështira ata ja dolën të na sigurojnë një fëmijëri të ëmbël, plot me kujtime të lumtura. Sepse për ta, ne fëmijët e tyre ishim gjithmonë të parët. Unë u rrita në atë Tiranë duke ëndërruar se si mund të bëhej ajo një ditë! Si mund te shndërrohej në një qytet me më shumë qytetërim, me më shumë drita të vërteta. Një qytet që të rrezatonte më shumë ngrohtësi dhe më shumë gëzim për banorët e tij. 20 vjet me parë ne, shqiptarët, e rrëzuam tavanin e hekurt që ndrynte ëndrrat tona, që mbyste shpresat tona dhe që burgoste mendjet dhe trupat tanë. Në këto 20 vjet e kemi parë si qyteti ynë u rrit, ndryshoi dhe u zmadhua. Por sot kur unë dhe Aurela shohim qytetin ku jetojmë bashkë me vajzën tonë Dafina, ashtu si shumëkush, nuk jam i kënaqur. Sepse ne të gjithë kërkojmë dhe po ashtu meritojmë më shumë nga ky qytet, nga kjo shtëpi e madhe e përbashkët. Tirana jonë dhe njerëzit e saj përballen me probleme reale dhe të përditshme, probleme të cilat nuk mund të zgjidhen as me gjuhë të egër, as me protesta te dhunshme dhe as me beteja politike, por vetëm me shumë pune, vizion krijues dhe duke u bashkuar të gjithë si qytetarë. Sepse ky qytet ka nevojë për një ajër të ri, të freskët, të ndryshëm, të pastër dhe më të gëzueshëm. Një ajër të ri, ku humanja (njerëzorja) të jetë shumë më e pranishme. Një ajër të ri, që do ta bëjë qytetin më mikpritës, më bujar dhe më të dashur për banorët e tij, fëmijët, prindërit, gjyshërit tanë! Realiteti i sotëm është përherë e më rraskapitës për banorët e Tiranës. Vendet e punës janë të pakta, çmimet e strehimit të larta, bllokimet e trafikut të përhershme, ndotja e gjithë pranishme, parqet dhe lulishtet të pamjaftueshme, shkollat te mbingarkuara, taksat bashkiake tepër të larta dhe korrupsioni mjaft i përhapur. Mund të çirremi sa te duam para këtyre sfidave. Mund t’i tundim grushtet në erë sa të duam para këtyre problemeve. Mund të bëjmë sikur i mbulojmë ato, duke u kaluar përsipër një dorë boje. Por asnjë nga këto nuk i zgjidh problemet e qytetit tonë! Klithja e sloganeve politike nuk hap asnjë vend të ri pune dhe kësisoj nuk ulet dot çmimi, qoftë edhe i një buke të vetme. Betejat politike nuk na e shkurtojnë kohën e kthimit në shtëpi, nuk e çajnë dot trafikun kaotik pas një dite të lodhshme pune. As nuk ndërtojnë dot, qoftë edhe një park të vetëm lojërash për fëmijët tanë. As gjuha e egër dhe as bëmat e dhunshme nuk do ta shndërrojnë Tiranën në një qytet më të mirë për fëmijët e mi dhe fëmijët tuaj. Asnjë nga këto nuk i ndihmon njerëzit të përmbushin shpresat e tyre. Jo. Qytetaret e Tiranës presin me shume se britma indinjate dhe beteja politike. Problemet e qytetit janë tepër të mëdha, sfidat e tyre tepër urgjente dhe bastet për të ardhmen tone tepër të larta për të lejuar teatrin politik të radhës të vazhdojë të shfryjë plot mllef dhe hipokrizi. Sot është koha për t’u ndarë nga këto shfaqje njëherë e mirë. Është koha për t’ju përveshur punës, për të vënë Tiranën të parën, njerëzit të parët. Por çfarë mund të bëjë një kryebashkiak për punësimin dhe çmimet, nëse nuk rropatet natë e ditë për këtë problem? Nëse nuk bën të vetin edhe problemet e të tjerëve? Nëse nuk e ndjen deri në palcë përgjegjësinë e kësaj detyre? Asgjë. Këtë e dëgjuam dhe mbrëmë nga Kryetari aktual i Bashkisë i cili tha se ka të tjera plane dhe preokupime në këto kohë: do që të kapë karrigen e kryeministrit. Ka dy lloj njerëzish, ata qe marrin seriozisht vetëm veten e tyre dhe ata qe i marrin seriozisht detyrimet e tyre. Unë u rrita, u shkollova dhe çava në jetë, falë kësaj te dytes. Është e vetmja rrugë që njoh. Është e vetmja rrugë që mësova nga prindërit e mi dhe ky qytet. Sepse, sipas meje sekreti është dashuria. Ne ndjejmë dhe e kuptojmë njëri - tjetrin përmes dashurisë. Dashuria është elementi më thelbësor për çdo njeri, ndriçimi më rrezatues dhe forca më e madhe, e aftë të kapërcejë gjithçka tjetër. Prandaj e di se të gjithë së bashku, me dashurinë për fëmijët tanë, për prindërit tanë, me dashurinë për këtë qytet dhe njeri - tjetrin nuk ka gjë që nuk mund të arrijmë. Prandaj sot nuk vij para jush për t’ju ndarë në një betejë tjetër politike. Përkundrazi, ju ftoj sonte nga kjo foltore te bashkohemi për ta vënë Tiranën të parën, për të ndërtuar se bashku të ardhmen europiane të këtij qyteti. Sepse betejat e vërteta në ketë qytet nuk zhvillohen në teatrin politik të radhës. Ato zhvillohen në çdo familje dhe në çdo shtëpi Tirane. Në çdo rrugë dhe në çdo lagje të saj. Në jetën e çdo banori të saj. Keto jane betejat e verteta. Betejat e njerezve te ketij qyteti. Betejat per nje jete me te mire. Betejat me papunsine dhe cmimet e larta. Betejat per me shume shkolla dhe shkolla me te medha e me te mira. Betejat kunder pamundesive te perditshme. Betejat per mundesi. Betejat tuaja të perditshme do jenë të vetmet beteja per mua. Une sot i futem sfides per ta kthyer qytetin tone ne qytetin e mundesive. Mundesive per punesim dhe jetë më të mire. Mundesive per rruge, sheshe, parqe, kende lojrash, ajer te paster, trafik normal, transport publik, arsim, kulture dhe sport. Dhe për këtë, qytetit i duhet një kryebashkiak për të cilin “E para është Tirana, të parët jeni ju”! E di se çdo politikan mund të premtoje gjëra, shpesh të bukura por të pamundura, por ajo për të cilën ka nevoje ky qytet është një njeri qe t’i futet punës dhe t’ja dalë asaj në krye. Në të folur njerëzit mund të jenë njëlloj, por veprat e tregojnë ndryshimin midis tyre. Në 6 vjet në shërbim të publikut unë kam folur me vepra dhe jo vetëm me fjalë. Kam mbajtur cdo premtim që kam dhënë, kam përmbushur cdo angazhim që kam marrë. Unë dua dhe di të punoj për Tiranën! Unë do të punoj për ju, për te gjithe ju sepse për mua “Ju jeni të parët, Tirana është e para.” Unë do punoj për të luftuar çmimet e larta në këtë qytet. Akti im i parë do jetë krijimi i nje Agjensie Bashkiake te Mbrojtjes se Konsumatorit, që do ketë detyrë parësore inspektimin, raportimin dhe turpërimin publik te çdokujt që spekullon me çmimet në Tiranë, nga buka dhe karburanti tek strehimi dhe shërbimet. Mbrojtja e konsumatorit nga çmimet abuzive dhe mallrat jocilësore si dhe mbrojtja e bizneseve nga konkurrenca e pandershme do të jetë një angazhim i plotë i Bashkise. Konkurenca e ndershme është çelësi i tregut të lirë, çmimeve të ulëta, dhe mundësive më të mëdha. Të gjithë nivelet e qeverisjes duhet të luajnë rolin e tyre duke filluar nga Bashkia. Bashkia gjithashtu do të punojë për përmirësimin e infrastrukutres, për të ulur koston e transportit që lidhet me mallrat dhe shërbimet në mënyrë që këto kursime t’i kalojnë konsumatorit. Akti im i dytë si Kryebashkiak do të jetë krijimi i TaskForces për Punësimin. Në qytetin tonë njerëzit e kualifikuar nuk mund të gjejnë vende pune dhe shpesh bizneset nuk mund të gjejnë njerëz të kualifikuar. Ngërci i zhvillimit ekonomik që ka mbërthyer Tiranen në këto vitet e fundit ka nxjerrë në pah problemin e punësimit dhe të papunësisë. Potenciali ekonomik i qytetit të Tiranës dhe ai i punenxenies janë dobësuar ndjeshëm këto 3-4 vitet e fundit. Ndërkohë që popullsia e qytetit vazhdon te rritet. Dhe do të rritet edhe në të ardhmen. Ne themel te arsyes qëndron performanca e dobët e Bashkise në të gjitha drejtimet. Rritja e kostove dhe pasigurisë mbi bizneset si rezultat i politikave të gabuara të Bashkisë të tilla si rritja shumëfish e barrës fiskale lokale, shtimi i kostos së burokracisë bashkiake, zhvillimi territorial pa plan dhe kaotik, mos-angazhimi i Bashkisë në krijimin e lehtësirave për biznesin shqiptar apo të huaj, e deri tek radikalizmi dhe konfliktualiteti i lartë, kanë shkaktuar frenimin e investimeve private, shqiptare e të huaja e për pasojë edhe frenimin e mundësive për punësim e vetëpunësim. Unë do të punoj fort për këtë. Bashkia do të angazhohet në zbatimin e politikave direkte për nxitjen e punësimit dhe reduktimin e papunësisë përmes ngritjes së një sistemi bashkiak të informacionit mbi tregun e punës, lehtësimit të kontakteve mes punëdhënësve dhe punëmarrësve, afrimin e shkollës dhe universiteteve me biznesin, hapjen e mundësive për praktika mësimore pranë Bashkisë dhe gjithe rrjetit institucional apo partnerëve privatë të saj, si dhe përmes trajnimit profesional. Për këtë qëllim Bashkia do të punojë ngushtë me komunitetin e biznesit, shkollat, universitetet, median, shoqërinë civile si dhe me strukturat e specializuara të qeverisë dhe bashkive e komunave fqinje. Shumë të rinj që mbarojnë studimet e kanë të vështirë të gjejnë një punë në profesionin e tyre. Bashkia do ti ndihmojë këta të rinj duke financuar një program stazhi që do ti afrojë ata me sektorin privat dhe do ti pajisë me përvojë pune në profesionin e tyre. 70% e atyre që kryejnë stazhe të tilla iu ofrohet punësim i përhershëm në sektorin privat, dhe ne e kemi për detyrë të bëjmë gjithshka për punësimin e brezit të ri. Por kjo nuk mjafton. Ne do të krijojmë më shumë vende pune dhe punësim me paga më të mira. Sot Bashkia nuk bën asgjë për punësimin. Dhe ndonëse Bashkia nuk mund të bëjë gjithçka për punësimin, ajo mund të bëjë diçka dhe me mjaft rëndësi. Misioni im është hapja e 30 mijë vendeve të punës në dy vitet e ardhshme. Vetëm unaza e madhe dhe projektet e tjera të nënkalimeve dhe parkingjeve nentokesore do të krijojnë mbi 5800 vende pune. Por sektori publik nuk mund të arrijë gjithcka. Për të krijuar më shumë punësim dhe punësim me pagë më të mirë ne duhet të nxisim ekonominë duke ndihmuar hapjen e bizneseve të reja dhe zgjerimin e atyre ekzistuese. Por sot Bashkia jo vetëm që nuk po ndihmon, por ajo po pengon. Tirana është qyteti me numrin dhe nivelin më të lartë të taksave dhe tarifave vendore. Jo vetëm numërohen mbi 80 lloje taksash dhe tarifash vendore, por niveli i tyre është rritur me disa here gjate dekadës se fundit. Nuk ka nevoje të jesh ekonomist për të kuptuar që me taksa kaq te larta më mirë të ulësh qepenat, t’i vesh kyçin derës dhe ta mbyllësh biznesin. Une sot deklaroh para jush objektivni: TIRANA ,VENDI I DUHUR PËR TE BERE BIZNES. Si Kryebashkiaku juaj, unë do të heq rreth 60 taksa dhe tarifa vendore dhe do të ul 2 deri në 5 herë taksat dhe tarifat që mbesin. Unë angazhohem gjithashtu që nëpërmjet thjeshtëzimit të procedurave administrative dhe përdorimit të teknologjisë së informacionit, krijimit të parqeve industriale, përdorimit të formave të ndryshme të partneritetit publik-privat për zhvillimin ekonomik dhe masave të tjera do ti japim një implus të ri zhvillimit të biznesit të vogël, të mesëm dhe të madh duke rritur mundësitë e punësimit dhe reduktimin e papunësisë. Bashkia do të ndihmojë këdo që do të sjellë biznesin e tij në qytet duke thjeshtësuar në maksimum burokracinë bashkiake. Bashkia do të lehtësojë në maksimum lëvizjen e çdo biznesi që dëshiron të vijë në Tiranë nga Roma apo Milano, nga Berlini apo Madridi: ne do t’i ndihmojmë. Tirana do jetë qendra e biznesit dhe unë do bëj çdo gjë që të sjell punësim dhe investime në Tiranë sepse për mua e para eshtë Tirana dhe ajo duhet dhe do të jetë krah për krah kryeqyteteve të tjera të Europës. Po për këtë na duhet të ndërtojmë një Tiranë moderne Europiane. Ne duhet të ndërtojmë më shumë shkolla që fëmijët tanë të mos rrijnë në klasa me nga 40 nxënës, duhet të krijojmë kushte më të mira që mësuesit të japin mësim në mënyrë dinjitoze dhe nxënësit të mësojnë normalisht. Ne duhet të eliminojme mësimin me dy turne dhe të kemi klasa me më pak se 30 nxënës, shkolla te hapura e të mirëpaisura, ku zhvillohet mësim por edhe jete sociale për nxenesit dhe komunitetin; internet falas për te rinj, nxënës e studente, jo vetëm ne shkolla por ne te gjithë territorin e qytetit. Shkollat do te shndërrohen ne qendra te jetës komunitare duke u pajisur me mjetet dhe mjediset e përshtatshme ndërsa Bashkia do te organizoje dhe financoje aktivitete te larmishme ndërshkollore Tirana eshte qyteti i pare universitar i Shqiperise. Bashkia do të krijojë mundesitë që Tirana të presë dhe të mbajë në gjirin e saj, me të gjitha kushtet dhe infrastrukturat, më shumë se 100.000 studente. Një Bibliotekë Universitare e Tiranës, është premtimi im konkret, për Tiranen, kryeqytet universitar. Ne kemi nevojë të investojmë në infrastrukturë, çka do të hapë fronte pune të menjëhershme dhe do të ndërtojë themelin e një rritje ekonomike afatsgjatë. Unaza e madhe që do të qarkojë Tiranën do të rrisë efiçencen e biznesit dhe qytetarëve duke shkurtuar ndjeshëm kohën e transportit. Ajo do të ndihmojë edhe zhvillimin e lagjeve të Tiranës duke i lidhuar ato me një sistem modern trasporti. Duke filluar nga Unaza e Madhe, nënkalimet dhe parkingjet nentokesore do ta zgjidhin përfundimisht problemin e trafikut në Tiranë. Unë do angazhohem edhe për për një system transporti publik cilësor, të shtrirë në të gjithë qytetin dhe të pakushtueshëm, falas për të moshuarit, fëmijët dhe personat në ndihmë sociale. Tirana ashtu si çdo kryeqytet Europian do te kete tramvajin e saj. Ne kemi nevojë për më shumë parqe dhe lulishte, për rrugë dhe trotuare cilësore. Ne kemi nevojë për një plan për qytetin tonë dhe jo të vazhdojmë të hedhim beton dhe të ndërtojmë kuturu. Ky plan do të ketë në vëmendje jo vetëm qendrën e qytetit por edhe lagjet tona, kudo ku jetojnë banorët e këtij qyteti. Tirana duhet të përfundojë odisenë e mungesës së pafundme të planit rregullues, që gjithmonë është afër përfundimit por asnjeherë nuk përfundon, duke mbetur kështu i hapur ai bark që pjell të gjitha abuzimet, korrupsionin me lejet e ndërtimit dhe perspektivën e paqartë të vlerës së çdo ndërtimi. Kjo do të marrë fund njëherë e mirë. Dhe këtu, unë si kryetar i bashkisë nuk do të hezitoj të kundërshtoj madje as vendime të marra nga Këshilli Kombëtar i Rregullimit të Territorit, kur ato bien ndesh me interesat afatgjatë të qytetarëve të Tiranës. Unë e di se ka mes jush që pyesin se cfarë raporti do të ndërtoj unë nesër si Kryebashkiak me qeverinë qëndrore. Për të gjitha ata që pyesin, kjo është përgjigjia ime: Unë do të punoj me qeverinë qëndrore sa herë e lyp interesi më i mirë i Tiranës, por nuk do të ngurroj kurrë të përballem me të nëse ky interes vihet në pikëpyetje. Qeveria qëndrore mund, duhet dhe do të bëjë shumë për Tiranën, dhe unë si Kryebashkiak do të punoj me të dhe do ti jem mirënjohëse per cdo ndihme kesaj mysafire te perhershme te qytetit tone. Lagjet tona, aty ku njerëzit bëjnë jetën e përditshme, jo vetëm qendra, kanë nevojë t’i nënshtrohen një zhvillimi dinamik në respekt të plotë për pronën private dhe një harmoni të drejtë të zhvillimit të saj në favor të familjeve që e zotërojnë atë. Ne duhet të sjellim shërbime thelbësore dhe të krijojmë një qytet policentrik me hapësira të gjelbra dhe ambjente çlodhëse dhe argëtuese ku njerëzit të jetojnë, të punojnë dhe të çlodhen. Bashkia do te angazhohet për një program qe synon shpëtimin e sipërfaqeve te gjelberta nga prishja dhe rehabilitimin e shpejte te tyre. Gjithashtu, Bashkia do te ndërtojë parqe te vogla dhe zona apo qendra argëtuese ne shume nga zonat e qytetit ku ekzistojnë ende hapësira te lira. Përmes investimeve publike por edhe partneritetit publik-privat ne do të rrisim cilësinë dhe kapacitetet çlodhëse dhe argëtuese te Parkut te Madh te Liqenit, te Parkut te Dajtit si dhe do të investiojmë për zona te mëdha te gjelberta, çlodhëse dhe argëtuese ne territoret e bashkive e komunave fqinje. Unë angazhohem sot para jush për ndërtimin e një Parku tjetër të Madh të Tiranës si dhe ndërtimin e Korridorit Rekreativ të Lumit të Tiranës si pjesë e një plani të ri te zhvillimit që Bashkia do të vërë në jetë ne bashkëpunim dhe harmonizim me bashkitë dhe komunat fqinje. Ky plan duhet t’i kthejë qytetarit zërin e tij për të vendosur mbi të ardhmen dhe zhvillimin e komunitetit. Për këtë qëllim, mbledhjet ku shqyrtohet cdo plan ndërtimi për qytetin tonë do jenë të hapura për publikun. Ju dhe fqinjët tuaj do të keni mundësinë të jepni mendimin tuaj dhe të zgjidhni të ardhmen e lagjes tuaj. Unë do të kërkoj gjithashtu që çdo ndryshim destinacioni për biznesin të jetë i hapur për komentet e publikut. Nëse dikush do të hapë një diskotekë te pragu i banesës tuaj, ju do të keni të drejtën të kundërshtoni. Unë do të jem një Kryebashkiak i hapur për të dëgjuar nga ju. Çdo të premte unë do të kem orar zyrtar pritjeje ku çdo qytetar me problem të cfarëdollojshëm do mund të vijë dhe të flasë vetë me Kryetarin e Bashkisë dhe unë do bëj gjithçka për të zgjidhur problemin tuaj. Sepse ne kemi nevojë për një Kryebashkiak që kujdeset për hallet dhe shpresat e njerëzve. Një Kryebashkiak që do t’i përkushtohet Tiranës dhe qytetarëve të saj me mish e me shpirt. Një Kryebashkiak për të cilin të parët janë njerëzit, e para është Tirana. Nëse duam që Tirana të jetë një qytet modern dhe Europian, ne na duhet nje plan modern urban, që jo vetëm zgjidh problemet e sotme, por që i krijon metropolit tonë perspektivën dhjetëra vjecare të zhvillimi. Por Tirana nuk mundet kurrë të realizojë potencialin e saj të plotë kur korrupsioni zhbiron jetët tona. Kur Bashkia harxhon 8300 lekë për frymë për pagat dhe vetëm 2500 lekë për shërbimet ndaj qytetarit. Kur duhen plot 336 ditë për një leje ndërtimi, dhjetëra herë më shumë se në cdo qytet tjetër Europës, disa herë më shumë se në cdo qytet tjetër të vendit. Celësi është transaparenca. Çdo lek që bashkia shpenzon, duke përfshirë rrogat e punonjësve dhe çdo kontrate që lidhet do të publikohet ne faqen zyrtare të internetit. Bashkia duhet të jetë solidare, ajo duhet të çlirojë dhe inkurajojë energjitë bamirëse në qytet. Ne duhet tu gjendemi neë krah njerëzve në nevojë. Bashkia do t’i vijë në ndihmë nënave kryefamiljare që mbajnë të vetme familjet. Nuk do te kete femije qe braktisin shkollen per arsye ekonomike, ne do t’i heqim nga rruga fëmijët që lypin dhe do ti ulim në bankat e shkollës bashkë me moshatorët e tyre për tju dhene edhe atyre shansin që u jep shkolla për një jetë më të mirë. Tirana është zemra kulturore e vendit dhe kombit tonë. Këtu jeton elita e vendit dhe një komunitet i mrekullueshëm njerëzish të artit dhe të kulturës. Bashkia do të vendoset në qendër të një mekanizmi dinanamik që ndjell ardhjen në Tiranë të shumë aktiviteteve kulturore. Konkurset dhe Çmimit Bashkiake për shumë fusha të kulturës, artit dhe letërsisë do të ngjallin garën për krijim, art dhe kulturë në qytet. Tirana, një destinacion turistik do të plotësohet me disa destinacione turistike përreth saj si Dajti, Petrela, Preza apo Kruja, ndaj krijimi i një Rrjeti i Destinacioneve të Intregruara Turistike të zonës së Tiranës, në bashkëpunim me kolegët e komunave apo bashkive përreth kryeqytetit do të propozojë për turistët një Tiranë të vizitueshme gjithë vitin. Dhe tani më lejoni të them dy fjalë për Edi Ramën. Ai nuk është armiku ynë. Dhe ndoshta në krye të herës edhe ka arritur diçka për qytetin. Por që kur erdhi në krye të Partisë Socialiste interesi i tij i vetëm është lufta me Kryeministrin Berisha dhe jo puna për Tiranën dhe qytetarët e saj. Qyteti ynë ka mbetur në vendnumëro, sepse ai eshte obsesuar me kolltukun e kryeministrit dhe i është futur një betejë politike për hesap te vet, por që nuk na ndihmon te ndërtojme asnjë shkollë të vetme, nuk na shtron asnjë rrugë të vetme, nuk na krijon asnjë vend të vetëm pune. Degjova se dje tha qe do te kandidionte per Bashkine e Tiranes per t’u bere kryeminister. Pune e paqme! Por a është kjo ajo që kërkojnë qytetaret e Tiranes kur i drejtohen dhomes se votimit per te zgjedhur njeriun qe duhet te zgjidhe hallet e tyre te perditshme ne kete qytet? Unë ju ftoj ta refuzojmë me votë qyetatare këtë betejë të re politike që ai na propozon për interesat e tij dhe aspak të qytetit tonë dhe të zgjidhni alternativën qe ju vendos ju te paret, Tiranen te paren! Dje unë dhashë dorëheqjen si Ministër i Brendshem sepse besoj se Tirana meriton një Kryebashkiak me kohë të plotë që do t’i vërë veshin njerëzve dhe do të punojë gjithë kohën për t’i kthyer shpresat e tyre në realitet dhe jo të merret me beteja politike. Sepse këtu dicka shumë e rëndësishme ka humbur rrugës : arsyeja pse çdo burrë apo grua garon për t’u zgjedhur është të ndihmojë dhe tu shërbejë njerëzve. Në cdo hap të kohës time në shërbim publik kjo ka qenë motoja ime. Gëzimi im dhe brenga ime është se për çdo person që kam mundur të ndihmoj e di që ka patur të tjerë që nuk kam mundur t’i ndihmoj. Por unë dua çdokënd që më dëgjon sot ta dijë se jam në anën tuaj, se do punoj për ju, se do e degjoj zërin tuaj. Në këtë qytet cdokush has pengesa të ndryshme dhe ka qëllime të ndryshme, sipas moshës, punës, lagjes ku jeton etj. Po kur flas me qytetarët e Tiranës ajo që më impresionon nuk është shumëllojshmëria por ngjashmëria e dëshirave, kërkesave dhe shpresave të tyre për Tiranën. Njerëzit e këtij qyteti duan hapësira të gjelbërta, parqe dhe kënde lojërash. Ata duan t’u mblidhen rregullisht plehrat, njerëzit duan trotuare dhe rrugë të shtruara, njerëzit duan një qytet ku ajri që ata dhe fëmijët e tyre thithin është i pastër dhe ku mbeturinat pastrohen, një qytet me më pak trafik, më shumë parkingje dhe një qytet me një transport publik që funskionon. Njerëzit duan një qytet ku lagjet të jenë të ndriçuara, ku kujdesi shëndetësor të jetë më pranë tyre dhe ku zëri i tyre të dëgjohet. Njerëzit duan një Bashki që punon për ta, dhe jo për të çuar më tej axhendën politike personale të Kryetarit. Njerëzit duan një qytet më të mirë, dhe ajo që ia ka zënë rrugën është lufta politike. Unë ju premtoj sonte se cfarëdo që të ndodhë, unë nuk do ta harroj kurrë se arsyeja pse jam në zyrë publike është që tju shërbej ju te dashur bashkqytetarët e mij. Packa nëse jeni demokratë apo socialsitë, LSI apo PDU, Republikanë apo LZHK. Nuk ka rëndësi nëse jeni të moshuar apo të rinj, burra po gra, të punësuar apo të papunë, apo pensionistë. Ne të gjithë jemi qytetarë të Tiranës dhe unë do punoj cdo ditë për të ardhmen e cdo qytetari. Sepse per mua te paret jeni ju! e para eshte Tirana! Nesër unë do ta nis fushatën time me njerëzit, duke i takuar dhe duke i dëgjuar ata. Unë mezi pres te jem mes jush ne cdo lagje te Tiranes t’ju shtrëngoj duart, të ulem bashkë me ju dhe të degji shqetesimet, qëllimet dhe shpresat tuaja. Bashkë me ju do të ndaj platformat e mija per zgjidhjen e problemeve, vizionin tim per Tiranen moderne Europiane. Të dashur bashkëqytetarët e mi, Ne gjendemi tani në një udhëkryq. Para nesh ka dy rrugë, dhe ne duhet të zgjedhim. Njëra rrugë na kthen tek politika e vjetër e ndasive, akuzave, konfliktit dhe pesimizmit dhe kjo rrugë na len ne vend. Rruga tjetër udhëheq drejt mundësisë, bashkimit, shpresës, progresit dhe optimizimit ku në qendër jeni ju dhe zgjidhjet e problemeve tuaja, dhe kjo rrugë na con drejt mundesive te reja per secilin, drejt zgjidhjeve te medha per Tiranen. Unë dua të luftoj betejën e të ardhmes tonë: një të ardhme më të mirë për të gjithë ne. Për Tiranën, qytetin që ne duam dhe që meriton më shumë. Prandaj ju ftoj: bashkohuni me mua në këtë rrugë, ta lëmë pas konfliktin shterpë të akuzave politike, të zgjedhim të ardhmen mbi të shkuarën, të zgjedhim mundësinë shpresën dhe ëndrrat tuaja. Le ta shtrimë vështrimin tonë drejt mundesive të reja dhe zgjidhjeve të mëdha, të bindur se se bashku do tja dalim. Të cohemi dhe të fillojmë punën për qytetin e ëndrrave tona, të bashkohemi me një zë të vetëm dhe ta lëmë atë zë të dëgjohet fort e më fort nga besimi që ne kemi se ne mund të ndërtojmë një Tiranë më të mirë, se ne do ta ndërtojmë një Tiranë më të mirë dhe do te mposhtim cdo sfidë dhe asgjë nuk do na ndalë në rrugën tonë. Faleminderit!



Kryeministri Sali Berisha: Lulzim Basha, personalitet i ndritur i Partisë Demokratike

Jemi mbledhur sot për t’i shprehur mbështetjen tonë kandidatit të PD-së, të “Aleancës për Qytetarin”, një prej personaliteteve më të shquara të sukseseve të Partisë Demokratike. Njërit prej qytetarëve më të shquar të kryeqytetit, intelektualit të talentuar zotit Lulzim Basha. Sot ne së bashku jemi këtu, për të mbështetur qytetarin e parë të ardhshëm të Tiranës, birin e këtij qyteti që 20 vjet më parë. Ti shkëlqeve zoti Basha si student shqiptar në Universitetin e Utrehtit, si studenti më i shkëlqyer, në një universitet të niveleve më të larta të Universiteteve të Evropës. Ne të mbështesim ty jo vetëm për studimet e shkëlqyera, ti fitove vendin e parë në botë në një nga konkurset. Ne mbështesim sot Lulzim Bashën, bashkëshortin shembullor, prindin shembullor. Ti je njeriu i vlerave familjare që Shqipëria i ka hyjnore. Ne mbështesim Lulzim Bashën sepse në vitin 2005, së bashku me një grup intelektualësh, të rinjsh, do riktheheshin në gjirin e Partisë dhe do ktheheshin në uraganin e fitores. Vitet tona nuk kanë qenë të lehta. Vitet tona kanë njohur vështirësi. Kombi ynë kishte njohur copëtime, ndarje, pushtime, diktatura, ndarje të mëdha nga malet dhe gjeografia. Ne jemi sot këtu burrat dhe gratë që vendosëm një tullë në bashkimin kombëtar, bashkimin kombëtar të Lirisë. Çështja kombëtare çështja e parë, çështja e dinjitetit të shqiptarëve. Ndaj dhe ne bëmë të pamundurën të mundur, vendosëm të shembim malet, të bashkonim kombin. Në këtë detyrë, ne mandatuam ministrin, zyrtarin që me përkushtimin e tij do të kapërcente çdo pengesë, do të bënte që projekti i rrugës së kombit të shndërrohej në realitet. U përpoqën të hedhin baltë mbi rrugën, mbi kombin, menduan se mund të të kryqëzojnë për fajin e vetëm se shndërrove në realitet një nga ëndrrat e shqiptarëve. Atyre iu mbetet e shkuara, kurse ju, vizioni i ardhshëm për Tiranën e qytetarit, për Tiranën e shekullit, për Tiranën kryeqytet Evropian. Gjimnazisti, Lulzim Basha, bashkë me qindra e mijëra studentë dhe studente të kryeqytetit, do të thërrisnin 19 vjet më parë në rrugët e Tiranës; “Shqipëria në NATO”, “Shqipëria si Evropa”. Partia Demokratike dhe Qeveria do t’i besonte atij diplomacinë e integrimit të Shqipërisë në NATO. Sot, Shqipëria është vend anëtarë i NATO-s, qytetari i saj i parë i ardhshëm bëri gjithçka, çdo gjë që kjo ëndërr fisnike të bëhej realitet dhe Tirana kryeqyteti ynë të jetë sot kryeqyteti i një vendi anëtar të NATO-s. E duam Shqipërinë si gjithë Evropa, ishte kushtrimi dhe thirrja që buronte nga zemra e tij dhe e të rinjve shqiptarë 210 vjet më parë. Sot, qytetari i parë i Tiranës del para jush, pasi me përkushtimin e tij, talentin e tij, vendosmëri e tij, ia doli të bëjë të mundur që shqiptarët të lëvizin të lirë në mbarë Evropën, të fluturojë në Bruksel, duke realizuar ëndrrën e shqiptarëve për të lëvizur të lirë. Por ne, çfarë do që të bëjmë, kurrë ndonjëherë nuk ia shlyejmë, ndaj Tiranës ne kemi borxhe dhe detyrime. Jam përpjekur me dashurinë më të madhe që të bëjmë çdo gjë për një Tirana tjetër. Pavarësisht se këto 6 vite Tirana qeverisej nga kundërshtarët tanë, qeveria ime 3- fishoi fondet, në mënyrë që qytetarët e Tiranës të përjetonin standardet e një Tirane tjetër, por kjo u bë pamundur sepse Tirana e ëndrrës u zëvendësua me Tiranën e Betonit, Tirana e vizionit, me Tiranën e mbyllur, Tirana e parqeve me Tiranën e ferrave. Tirana, çdo ditë, çdo muaj largohej nga qytetarët e saj. Z.Basha, sot për qytetarët e Tiranës, një nga ëndrrat e qytetarëve, është ëndrra e Tiranës Evropiane, ëndrra e Tiranës së qytetarëve, ëndrra e Tiranës së Bukur. Jam këtu për të dhënë fjalën para qytetarëve të Tiranës dhe mbarë Shqipërisë se qeveria që unë drejtoj do të mbështesë fuqishëm çdo projekt, çdo zhvillim të këtij kryeqyteti. Zoti kryetar i ardhshëm i Bashkisë, ne të japim ty në 8 maj ditën e fitores, të ëndrrës së qytetarëve të Tiranës dhe Shqipërisë. Fitore!



Rajmonda Bulku: Lulzim Basha, e ardhmja e Tiranës


Deputetja e Partisë Demokratike, Rajmonda Bulku, çeli mitingun e PD-së në pallatin e sporteve “Asllan Rusi”, duke vlerësuar kandidaturën e Lulzim Bashës për bashkinë e Tiranës. Bulku tha se Basha është personaliteti që i duhet qytetit të Tiranës. "Janë të shumtë ata që duan të dëgjojnë Bashën"- tha znj.Bulku.


Ish-mësuesja e Bashës, Merita Xoxa


Kam patur fatin që të kem nxënësin Lulzim Basha në klasën time kujdestare. Tipari kryesor i Lulzim Bashës, është serioziteti. Luli zë një vend të veçantë. "Lulzim Basha është një personalitet i respektuar dhe i dashur për qytetarët e Tiranës. Luli, jam e bindur që do t’ia dalësh".



Doktor Ndroqi dhe nipi i kryetarit të parë të Bashkisë së Tiranës


Kam një shqetësim për të sjellë mes jush, dhe po ashtu dhe një kujtim. Shqetësimi është se s’mund të jetojmë më në një qytet të tej ndotur. Ne nuk mund të jetojmë në Tiranën e betonit. Lulzim Basha mund dhe do të bëjë diçka për Tiranën. Lulzim Basha duhet ta kthejë Tiranën te qytetarët, te njerëzit. Lulzim Basha, fitore!


Erjon Bogdani


Të gjithë ju e dini se futbolli është pasioni im, por para jush më ka sjellë një dashuri tjetër e madhe, dashuria për qytetin tim ku jam lindur. Vij me dëshirë në Tiranë sepse me merr malli për njerëzit e mi. Ndjehem jo mirë kur shoh Tiranën në gjendjen aktuale. Tirana meriton më shumë. Ne duam një kryetar bashkie që punon për sportin, shëndetin dhe qytetarët e tij. Për të fituar në futboll duhet një skuadër e fortë dhe një kapiten i mirë. Unë sot jam me skuadrën e Lulzim Bashës. Ju faleminderit!



Mitingu

Partia Demokratike dhe koalicioni “Aleanca për Qytetarin”, zhvilluan sot një miting madhështor në pallatin e sportit “Asllan Rusi” në kryeqytet. Mazhoranca çeli fushatën elektorale për zgjedhjet vendore të 8 majit dhe njëherazi prezantoi zyrtarisht kandidatin e “Aleancës për Qytetarin”, për bashkinë e Tiranës, zotin Lulzim Basha. Pas mbledhjes së Këshillit Kombëtar të Partisë Demokratike, ku u miratuan kandidatët e mazhorancës për zgjedhjet vendore, “Aleanca për Qytetarin”, hap kështu fushatën elektorale, duke i paraprirë përgatitjeve për zgjedhjet vendore të 8 majit.

...

bravo luli ,sot i ke fut friken kundershtarve me prezantimin tend te jashtezakonshem ...

[martini1984]

bravo luli ,sot i ke fut friken kundershtarve me prezantimin tend te jashtezakonshem ...

Gazeta: zeri i popullit me edukatoren e kopshtit.
Keta udheheqin kombin.phhhhhhhhhhhhhh.
PS.po rezervat kur do i hidhni ne sulm.
Fiton Edi Rama,bindshem.

[Brari]

Eshte kenaqsi e detyre qytetare te votosh nje njeri kaq te mir e kaq te thjeshte e kaq te kulturuar e mbi te gjitha kaq rezultativ si Luli.

Lum Tirana qe do ta ket me ne fund nje djal zotni kryetar te bashkise.

E kini ne dore me nji cop leter qe quhet vote ti thoni ..pirdhu.. nji her e mire shtazes qe po ja nxin jeten shqiptareve.. edvin 21 -shit.

----------


''E vjetra'' dhe ''e reja'' tek e majta jonë

Hamit TAKA


Ndërkombëtarët po tregojnë një qëndrim më të drejtpërdrejtë dhe më të qartë ndaj së majtës shqiptare, bile shumë më të prerë edhe se në vitet e para pas fitores së demokracisë me zgjedhje të lira dhe plebishitare të 22 marsit 1992. Kjo ishte pak e papritur për "opozitën e bashkuar" dhe ua dogji në duar "çekun" e shpresuar të kapitalit politik për zgjedhje të parakohshme me anë të anarshisë, se për ta marrë pushtetin me dhunë nuk kishin shans as për 1000 vjet. Kjo vonesë, mbase diplomatike dhe ky qartësim i profilit makiavelist i së majtës sonë tek ndërkombëtarët ndodhi sepse fillimisht nuk mund ta perceptonin socializmin shqiptar në tërë origjinalitetin e tij, i cili ishte më shumë një tip sulltanati në mes të Europës se një shoqëri e formatit sllavo-komunist. Pavarësisht se Partia e Punës dhe diktatori e trumbetonin me të madhe çdo ditë se ne po ndërtonim një shoqëri origjinale, nga do të merrte shembull gjithë bota, kush i vinte veshin se ç'ndodhte në një vend të përmasave imëcake e të vetizoluar si Shqipëria. Aq më tepër roli i papërfillshëm i saj në gjeopolitikën rajonale dhe atë botërore. Vetëpërjashtimi nga të gjitha strukturat politike, ekonomike dhe të sigurisë, perëndimore apo lindore, e bënte atë inekzistente edhe si hapësirë tregu. Veçanërisht izolimi total pas miratimit të Kushtetutës së vitit 1976 na la në harresë të plotë ose, siç shpreheshin me ironi disa udhëheqës perëndimorë, e mbanin për muze të komunizmit të shartuar me format diktatoriale bizantine apo ato të Lindjes së Mesme. Shkurt, ata menduan se ne do të kishim një tranzicion si gjithë vendet ish-socialiste të Lindjes.

Po aq ndikuan në vonesën e njohjes edhe deklaratat bombastike dhe "entuziaste" të krerëve të rinj të dalë në krye të PS-së së sapoformuar për një rinovim dhe përqafimin e programeve eurosocialiste. E majta shqiptare vërtet bëri disa ndryshime formale, trukime dhe retushime me anë të ndryshimit të emrave, strukturave dhe statuteve, duke tentuar të promovohej si një e majtë progresiste europiane, por kjo ishte sa për të maskuar mërinë ndaj shtresave të reja që po krijoheshin, për të fshehur urrejtjen ndaj vendeve demokratike perëndimore, të cilat inspiruan dhe mbështetën përmbysjen e regjimit despotik dhe instalimin e demokracisë, për të maskuar etjen për revansh dhe babëzinë për të shtënë në dorë pasurinë kombëtare e më pas pushtetin politik. Dy dekada u mjaftuan europianëve t'i shohin ndodhitë dhe bëmat e së majtës shqiptare jo ashtu siç u prezantohen, por ashtu siç janë në realitet. Me gjithë atë përmbajtja e së majtës sonë nuk mund të kuptohet plotësisht nga ndërkombëtarët, nëqoftëse nuk do të njohin e nuk do të mbajnë vazhdimisht parasysh ato sjellje tipike komunisto-enveriste "të panjohura për ta", nëqoftëse nuk do ta shohin të majtën shqiptare si një forcë politike që u takon kohëve moderne, por në të cilën e vjetra dhe e reja ndërthuren dhe mpleksen në çdo hap të veprimtarisë së saj.

"E vjetra" është tek egërsia, te mjetet dhe metodat, me të cilat e kërkon pushtetin e majta shqiptare, bile jo me rrotacion, por të përhershëm. Qëndron te mizoria ndaj institucioneve dhe pronave publike e private, sa herë tenton të marrë pushtetin me dhunë, sipas ideologjisë dhe psikologjisë së vjetër, për të cilat "gjithçka, përtej kufijve të interesave të tyre, është e lejueshme". "Të vijmë në pushtet, e pastaj le të bëhet kiameti", kjo është maksima e përhershme e të majtës sonë. "E reja" lidhet me krijimin gjatë dy dekadave të tranzicionit të borgjezisë komuniste, të një shtrese të papërmbajtshme në grumbullimin e pasurisë, të identifikuar me shtresën më reaksionare të shoqërisë së sotme shqiptare. Pra, kemi kalimin nga anatemimi i pronës dhe pronarëve te ekzaltimi dhe adhurimi për ta, domethënë te mohimi total i atyre që kishin propaganduar gjatë 45 viteve të pushtetit të diktaturës së proletariatit. Duke shfrytëzuar përvojën, lidhjet me jashtë, pozicionet në kupolën dhe administratën e shtetit gjatë proceseve të vrullshme demokratike, ata arritën të kapin nyjat e marrëdhënieve të reja ekonomike dhe të krijonin premisat e krijimit të tregjeve dhe monopoleve kapitaliste. Gjë që e arritën me anë të grabitjes së pamëshirshme të pasurive kombëtare gjatë 8 vjetëve të qeverisjes socialiste, me anë të korrupsionit të pakontrollueshëm dhe me kartelet e ndërtimit në Bashkinë e Tiranës. Janë pikërisht mbivlerat e këtyre kapitaleve marramendëse, të luajtshme dhe të paluajtshme, pra, vlerat e shtuara, të cilat dje i mallkonin, që shkojnë në sponsorizimin e institucionit të protestave, me anë të të cilave bëjnë ç'mund të bëjnë për të penguar avancimin e demokracisë, për të penguar integrimin e plotë të Shqipërisë në strukturat euroatlantike, të cilat do të ishin garanci e konsolidimit të rregullave e ligjeve demokratike.

"E vjetra" nxjerr kokë në ndjenjën, që i bën të lumtur fanatikët, nostalgjikët, socialistët e thjeshtë dhe simpatizantët e verbuar nga propaganda mashtruese e lidershipit të majtë "të vdesin për liderin". Egocentrizmi dhe deliri i tij pompohet jo vetëm nga shërbëtorët hipokritë e servilë dhe mediat në shërbim të tij si një perëndi tokësore. Mbase asnjë socialist apo gazetar nuk e merrte dot me mend se sa fort e me çfarë egërsie do ta zaptonte zoti Rama perandorinë e vet partiake dhe mediatike. "E reja" qëndron se të majtët tani luftojnë duke pasur në përdorim kapitale më të shumta dhe mjete më moderne të propagandës e të manipulimit të opinionit publik, si dhe një mafie më të egër, të ngjizur që në kohën e socializmit shtetëror dhe të përforcuar gjatë tranzicionit me ushtrinë e shpartalluar të organeve zbuluese dhe ndëshkimore. Mjaft politikanë, sado modernë, në aspektin politik, në marrëdhëniet me botën bëjnë trukimin e realitetit, ndërsa opozita jonë bën të kundërtën, inverstrukimin, domethënë nxirjen e realitetit.

"E vjetra" ka të bëjë edhe me luftën e përditshme të fraksioneve rivale brenda saj, e cila historikisht e ka brejtur nga brenda të majtën që në kohën e diktaturës, por që atëherë partia ishte në komandë dhe ligji ndëshkonte këdo që do të kundërshtonte udhëheqësin, duke e damkosur publikisht si tradhtar. Brenda së majtës dhe kur themi "brenda së majtës", kemi parasysh kryesisht Partinë Socialiste, kemi një anarki, që fermetohet nën guaskën e një demokracie të brendshme. Mendimi oponent apo "mendimi ndryshe" shpërthejnë dhe shuhen si flakë kashte nën trysninë e autoritetit të njëshit. Dhe të gjithë lidhen së bashku me gjerdanin e doktrinës majtiste kur vazhdojnë akoma t'i propagandojnë protestat e demonstratat e dhunshme të opozitës si rebelim i të varfërve, kur ato janë komplote konspirative të milionerëve socialistë për marrjen e pushtetit me mjete e metoda jo demokratike.

"E reja" qëndron në faktin se fraksionet e ndryshme, falë disa principeve demokratike që nuk mund dot t'u kundërvihet askush, shpesh nuk janë asimiluar dot nga kasta e partisë mëmë, ato janë kthyer në partiza dhe partiçka, pastaj disa syresh, me statusin e një subjekti politik, u janë bashkuar koalicioneve parazgjedhore, për të lëpirë ndonjë kockë, kurse ndonjë i ka mbijetuar gllabërimit të PS-së. E reja, realisht e re, e cila përkon edhe me prirjet e sotme të së majtës europiane, është afrimi i së majtës progresiste me të djathtën e qendrës dhe bashkëqeverisja e tyre. E tillë ishte LSI, e cila, duke kuptuar nevojat e vendit për integrimin në strukturat euroatlantike, bëri marrëveshje mirëkuptuese me të djathtën, duke dhënë një koalicion nga më të suksesshmit dhe mesa duket, nga më jetëgjatët.

"E vjetra" qëndron te provokimi i ndërgjegjes qytetare, pavarësisht se ajo përbën një parallogari për një dënim edhe më të madh në të ardhmen; qëndron tek likuidimi i inteligjencës së vjetër socialiste, për të krijuar atë "të renë", buzëqumështoren, duke ua shtrënguar trurin me normat ideologjike, që kufizon çdo krijimtari. "E reja" qëndron në faktin se kasta sunduese në të majtën shqiptare, e përbërë nga bllokmenë të vjetër dhe bllokmenët e rinj është diçka e ndërmjetme midis klanit familjar e nepotist dhe karteleve ekonomike, e cila ruan dhe forcon me këmbëngulje privilegjet e saj brenda partisë dhe në pushtet atje ku e kur e zotëron. Pyetja shtrohet se, përse ndodh që një çetë intelektualësh, sidomos nga ata të mediave, janë kthyer në vasalë të vasalëve të kësaj kaste, në marioneta dhe prostituta intelektuale. Problemi për ta është se, përballë koalicionit të djathtë dhe barrierës së ndërkombëtarëve, e majta nuk gjeti dot mjedis e rast për të "shkëlqyer" para elektoratit të vet në synimet për marrjen e pushtetit apo për të përsëritur "suksesin e famshëm" të vitit '97.

Në mbyllje, duke i vënë kapak asaj që evidentuam në fillim, mjafton "leximi" i qëndrimit të ndërkombëtarëve ndaj qëndrimeve dhe veprimeve destruktive të opozitës pas 21 janarit, për t'u futur në një botë tjetër, e ndryshme nga e jona, e djeshme dhe e sotme, botë e cila nuk mund të vlerësohet duke u nisur nga "dimensionet tona ballkanase".

[RAPTILOID]

Tirana, tre humbjet e Berishës përballë Ramës
website gazeta tema

humbjet e PD-së, si u zgjodhën kandidatët për të mundur Ramën dhe detaje të fushatës elektorale të vitit 2000, 2003, 2007
Nga Luljeta Progni
Për të katërtën herë Berisha përballet me Ramën në garën për bashkinë e Tiranës. Lulëzim Basha është kandidatura e radhës e zgjedhur prej kryeministrit Berisha për tu përballur me kryetarin e PS-ë, Edi Rama. Kësaj here Rama do të garojë me një prej figurave më të mbështetura nga Berisha në PD e qeveri, i zgjedhur nga vetë Berisha, pa marrë miratimin e asnjë forumi drejtues të PD-së. Siç ka ndodhur në tre garat pararendëse, edhe kësaj radhe, beteja për bashkinë e kryeqytetit është tërësisht politike dhe jo administrative.
Në zgjedhjet e vitit 2000, Edi Rama fitoi përballë Besnik Mustafajt, kandidaturë e përzgjedhur nga forumet drejtuese të PD-së. Rama vinte në këtë garë, nga posti i Ministrit të Kulturës, Rinisë dhe Sporteve, një prej figurave politike më radikalë në qëndrime kundër Berishës. Rama zhvilloi një fushatë elektorale moderne, praktikë e panjohur më parë në Shqipëri. Shumë shpejt Rama ndryshoi fytyrën e Tiranës duke nisur me prishjen e kioskave që kishin uzurpuar të gjithë hapësirën e kryeqytetit. Në zgjedhjet e vitit 2003, përballë Ramës në garën për postin e kryetarit të bashkisë u zgjodh nga Berisha, Spartak Ngjela, i cili sot gjendet në krah të Ramës, në koalicionin opozitar. Edhe pse njihej si një politikan i paqëndrueshëm, pasi kishte ndryshuar më shumë se dy parti deri atëherë, Ngjela ishte një prej figurave të rëndësishme në PD-në e vitit 2003. Ai hyri në garë me Ramën duke zhvilluar një fushatë civile, e cila u vlerësua si e tillë në analizat e kohës. Rama e fitoi këtë garë me mundim, pasi gara zhvillohej në një situatë specifike në PS. Rama ishte pozicionuar kundër kryetarit të PS Fatos Nano, i cili ishte në garë për të rifituar postin e kryetarit të partisë, por në këtë garë kishte hyrë edhe ish-presidenti Meidani dhe vetë Edi Rama. Meidani e Rama kishin shpallur kandidaturën për kreun e PS, dhe për koincidencë, gjykata pranoi kërkesën e opozitës për të përsëritur votimet në një pjesë të konsiderueshme të njësive bashkiake në Tiarnë. Shpallja e fituesit të postit të kryetarit të bashkisë në vitin 2003, u mbajt peng deri sa në PS u sqarua situata konfliktuale, sa u miratua në parlament qeveria, që do të thoshte se nuk kishte më mundësi që Rama të jepte ndikimin e tij në votat e deputetëve në parlament për rrëzuar apo mbështetur ministrat e qeverisë “Nano”. Vetëm në fillim të janarit 2004 Rama u shpall fitues i postit të kryetarit të bashkisë së Tiranës.
Në zgjedhjet e 18 shkurtit të vitit 2007, përballë Edi Ramës në garën për postin e kryetarit të bashkisë së kryeqytetit u vendos Sokol Olldashi, njëri prej figurave politike më të suksesshme në PD, pasi kishte fituar garën e vështirë për mandatin e deputetit në Shijak, ishte emëruar ministër i Brendshëm dhe përgjatë dy viteve të qeverisë, 2005-2007 kishte spikatur me rezultate të rëndësishme në luftën kundër krimit. Konsiderohej një prej figurave më të suksesshme në qeverinë Berisha si dhe në kupolën e PD. Ndërsa vetë Rama kishte vendosur të rikandidonte për postin e kryebashkiakut, ndërkohë që kishte dy vite që kishte fituar postin e kryetarit të PS, por në të vërtetë i duhej edhe pak kohë për të fituar të gjithë Partinë Socialiste. Pozitat e tij në krye të PS ishin ende të pakonsoliduara. U zhvillua një garë mjaft e fortë, një fushatë e egër, kryesisht midis Ramës e Berishës, që u finalizua me fitoren e Edi Ramës. Kjo fitore ia forcoi pozitat edhe në parti.
Ndërsa në zgjedhjet e ardhshme të 8 majit, Edi Rama përballet me Lulëzim Bashën një prej figurave më të rëndësishme në PD aktuale. Rama sërish vendosi të rikandidojë duke i konsideruar zgjedhjet si një sfidë politike dhe jo si zgjedhje administrative. Rama ka synimin tek zgjedhjet e parakohshme politike pas 8 majit, ndërsa Basha pretendon se me votat e LSI-së që për herë të parë është në aleancë me PD-në dhe jo me PS, do t’i afrohet shumë shifrave të Ramës, i cili vetëm zgjedhjet e fundit në Tiranë ishte 20 mijë vota para kandidatit demokrat. Pritet një garë e fortë, pasi Basha duket se ka lënë postin e ministrit të brendshëm dhe mandatin e deputetit, duke tentuar të ritkthejë demokratët në qeverisjen e Tiranës pas 10 vitesh.
1 tetor 2000- Edi Rama përballë Besnik Mustafajt
Kishte filluar viti elektoral. Në tetor të vitit 2000 ishin përcaktuar për t’u zhvilluar zgjedhjet lokale. Më 30 qershor 2000 u mblodh kongresi i PS-së për platformën elektorale të zgjedhjeve vendore të tetorit. Pas një beteje të ashpër në deklarata publike kundër njëri-tjetrit, Nano e Meta u shfaqën para publikut të bashkuar për të fituar zgjedhjet lokale. Edi Rama u zgjodh kandidat i PS-së për kryetar bashkie në Tiranë. Përballë tij kandidoi Besnik Mustafaj, një ndër figurat kryesore politike të PD-së. Në fillim të gushtit nisi fushata elektorale dhe Nano me Kryeministrin Meta dolën së bashkë në tur elektoral. Më 1 tetor u zhvilluan zgjedhjet lokale, në të cilat PS doli fituese që në raundin e parë, duke përfshirë edhe Bashkinë e Tiranës, kryetari i ri i Tiranës u zgjodh Edi Rama. Opozita kontestoi procesin zgjedhor si të papranueshëm dhe të manipuluar, duke pretenduar për probleme me listat e zgjedhësve. Ndërsa ndërkombëtarët kishin pothuajse të gjithë qëndrim të njëjtë ndaj procesit, duke e cilësuar si të rregullt: “edhe pse kishte disa parregullsi, por që nuk ndikuan në rezultat”. Edi Rama zhvilloi një fushatë model, përvojë e panjohur më parë në Shqipëri. Ai përdori fort imazhin e tij në fushatën elektorale. Ndërsa Mustafaj u përpoq të bëjë një fushatë të qetë, në takime të drejtpërdrejta me publikun.
Ne zgjedhjet lokale të vitit 2000 Partia Demokratike zhvilloi një fushatë shumë të ashpër politike. Motoja e fushatës se Berishës ishte ‘ruspa dhe tritol për pronat e krimit’. Në Tiranë kandidatura u përcaktua nga aktivi i Partisë Demokratike. Anëtarët e PD votuan në një mbledhje të gjatë në Pallatin e Sportit për kandidatin. Seksionet kishin propozuar pesë emra: Emin Riza, Besnik Konçi, Bamir Topi, Buron Kaceli dhe Besnik Mustafaj. Në votimin e parë dolën të parat kandidaturat e Besnik Mustafajt dhe Bamir Topit, por askush nuk mori më shumë se gjysmën dhe kështu që u zhvillua një balotazh mes tyre disa ditë më vonë. Në raundin e dytë fitoi Besnik Mustafaj. Fushata e Besnik Mustafajt nuk ishte radikale si ajo e kryetarit Berisha, por gjithsesi pati ngjyra të tilla. Përgjithësisht Mustafaj zhvilloi një fushate të qetë, me takime të përditshme me votuesit. Motoja e tij e fushatës ishte: “unë jam një njeri normal”, duke dashur te bënte diferencën me kandidatin kundërshtar. Z Mustafaj ftonte t’i takonte të gjithë mbështetësit e tij çdo mëngjes tek një lokal në Tiranë në zonën e bllokut ku kafeja ofrohej falas. Z. Mustafaj zhvilloi një debat televiziv me Z. Rama, debat që u transmetua në TV Klan dhe që u zhvillua ne ambientet e Teatrit Kombëtar. Z. Mustafaj humbi thellë, megjithatë natën kur po dilnin rezultatet para selisë së Partisë Demokratike për orë të tëra u zhvillua një tubim festiv për gjoja fitoren që po korrte Besnik Mustafaj. Askush nga PD për tre dite rresht nuk doli në publik ose komunikime publike për tu shprehur për zgjedhjet deri sa ditën e tretë Berisha shpalli se zgjedhjet ishin manipuluar dhe se në dhjetëra bashki e komuna ku kishte balotazh PD do të bojkotonte. Në këtë mënyrë, Berisha pësoi humbjen e parë kundër Edi Ramës në Tiranë.
Zgjedhje lokale- 12 tetor 2003
Në PS zhvillohej luftë politike brenda grupeve të kësaj partie, kjo ndikoi edhe te kandidimi i Ramës. Ish-presidenti socialist Rexhep Meidani dhe kryetari socialist i Bashkisë së Tiranës, Edi Rama, shpallën kandidimin për postin e kryetarit të PS-së, përballë kandidaturës së Nanos. Ndërkohë PD zgjedh një nga njerëzit më të fortë të saj në garë, Spartak Ngjelën. U lakuan si kandidatë shumë emra jashtë PD si Mentor Petrela, Halim Kosova, Hysen Heta, Edmond Leka, etj. Në fund u zgjodh Ngjela, ku vendimmarrja formale u bë nga kryesia. Fushata u zhvillua thellësisht politike. Në këtë fushate PD pati si slogan “Eja me ne”. Ngjela e fokusoi fushatën tek punët e qytetit, ndotja atmosferike, urbanistika etj. Fushata e Ngjelës ishte më e gjallë se sa ajo e 3 viteve më parë. Ai shoqërohej gjithmonë nga Preç Zogaj dhe nga një grup të rinj të veshur me uniforma të bardha dhe blu dhe që mbanin flamuj të PD-së në duar. Ngjela i kushtoi një rëndësi jo të vogël edhe mekanizmave të tregut. Spartak Ngjela humbi po ashtu me rezultat të ndjeshëm ndonëse zgjedhjet patën problem dhe gjykata vendosi të votohej në mbi 100 qendra votimi sërish d.m.th të përsëritej votimi. Kjo ishte humbja e dytë e Berishës përballë Ramës.
Zgjedhje lokale- 18 shkurt 2007
Kandidimi i tretë i Ramës për bashkinë e Tiranës. Tani në kushte të reja, Rama prej dy vitesh drejtonte PS-në pas largimit të Nanos me dorëheqje si pasojë e humbjes së zgjedhjeve në vitin 2005. Pas negociatash të gjata midis PS dhe LSI u vendos që opozita të shkojë e bashkuar në zgjedhjet vendore të vitit 2007. LSI mori si zona të lira shumë komuna e bashki. Rama pranoi kushtet e Metës. Në fund të vitit 2006, Edi Rama nisi një betejë për bllokimin e zgjedhjeve, të parashikuara për t’u zhvilluar në 20 dhjetor. U krijua një krizë institucionale. Tërë konturet e një partie të re të reformuar dhe me qasje plotësisht demokratike, që kërkon të çojë para vendin u rrëzuan. Presidenti duhet të dekretonte datën e zgjedhjeve dhe Rama duhet të hapte rrugë. Fatos Nano mbërriti në një takim me Berishën, nga ku u bëri thirrje socialistëve të zhbllokojnë situatën. Edi Rama pas pak javësh, pranoi të hyjë në zgjedhje. Zgjedhjet u shtynë sipas kërkesës së Ramës, për t’u zhvilluar më 18 shkurt 2007. Përballë Ramës, në Tiranë, kandidoi Sokol Olldashi i PD-së, i cili pozicionohej si një prej figurave më të forta të kësaj partie. Ai i kishte fituar të gjitha betejat elektorale, madje në terrenet më të vështira për PD-në. Kryeministri Sali Berisha shprehu mbështetjen e tij për Sokol Olldashin duke e cilësuar atë një prej politikaneve me te shkëlqyer ne radhët e PD-se. Ai e vlerësoi Ministrin e Brendshëm si të suksesshëm në punën e tij, falë së cilës ai ka bere te mundur çlirimin e vendit nga bandat kriminale. Fillimisht për garën e vitit 2007 u përfol si kandidat i mundshëm Lulzim Basha duke qene se ai ishte ministër i Transporteve ishte angazhuar ne një betejë me z. Rama për nënkalimin e Zogut te Zi qe u prish nga qeveria. Muajin e fundit kandidat u caktua z. Olldashi për shkak të imazhit të mirë të tij si ministër i Brendshëm. Votimi ‘një anëtar- një votë’ ishte harruar, por edhe kryesia nuk kishte nevojë të miratonte kandidaturën e tij. Olldashi zhvilloi një betejë të fortë të bazuar kryesisht mbi akuzat mbi Ramën për mosarritje, për shkatërrim të urbanistikës dhe hapësirave publike te qytetit. Z.Rama ç’do denoncimi të Olldashit i përgjigjej me përgënjeshtrime që i bënte Eduart Shalsi. Gjithashtu gjatë fushatës u publikuan disa foto nudo të Ramës, dhe PD pretendoi se kjo do të shkatërronte imazhin e tij, por në të vërtetë rezultoi pa efekt. Humbja ishte e thellë me afro 20 mijë vota. Olldashi pranoi humbjen publikisht. Ne strukturat e PD u ndje një çarje e fortë mes mbështetësve të Lulzim Bashës ose ndryshe KOP dhe PD tradicionale. Shihej qartë që Basha kishte punuar kundër Olldashit. Në zonën e tij në minibashkinë nr.10, fitoi PD dhe humbi Olldashi. Në rang kombëtar socialistët fituan në shumicën e bashkive kryesore, ndërsa në shkallë vendi fitoi PD. Gjithsesi kjo u konsiderua fitore për Edi Ramën, i cili forcoi pozitat e tij në krye të partisë. Kundërshtarët e tij në PS ishin duke pritur pikërisht humbjen e tij në këto zgjedhje.

[RAPTILOID]

Pa vizion për Tiranën
Nga Enton Palushi
Duhet të ketë qenë e lodhshme për Bashën të lexonte gjithë atë fjalim në Pallatin e Sporteve. Ndalonte, ngatërronte fjalët, ngecte, më pas ngrinte zërin, çirrej më shumë se bërtiste. Një gjë ishte e qartë. Nuk ia kishte idenë se çfarë po lexonte. Ia kishin shkruar dhe ai po lexonte kuturu. Njëherë të dukej sikur ishte kandidat për kryeministër ndërsa premtonte ulje çmimesh e dhjetëra mijëra të punësuar, më pas dukej si kandidat minibashkie kur fliste për skuta ku do mbilleshin lule. Nuk kishte thelb ky fjalim i Bashës. Është e qartë që nuk ka asnjë vizion për Tiranën si metropol e kryeqytet i shqiptarëve. Të ishte ndryshe, do mbante një fjalim të përqendruar, me pak fjalë, ku të shpaloste atë që mendonte për Tiranën metropol.
Merrni për shembull çështjen e punësimit. Nuk ka tallje më të madhe në fushata se kjo që bëhet me punësimin, që duket se është plaga më e madhe e shqiptarëve. Ndonjëherë të duket si një garë ku kandidatët duhet të thonë nga një shifër, sa më të lartë, sa më hiperbolike. Po si mendon kandidati demokrat se do punësohen ata njerëz? Duke hapur zyra informimi e duke i drejtuar studentët tek biznesi se kanë humbur rrugën? Nuk ka institucion tjetër në Shqipëri që e bën më mirë se bashkia e Tiranës këtë punën e zyrave dhe marifeteve me rrënjë nga seminarët e OJQ-ve. Por kjo nuk është zgjidhje. E shumta Basha mund të punësojë ata votuesit- banues në universitetin privat, po për ata 100 mijë studentët e tjerë, ta harrojë.
Problemet e Tiranës nuk zgjidhen me premtime për tramvaj e për shtim parkingjesh. Tirana kërkon vizion dhe Basha nuk ua jep dot këtë. Tirana është si një vullkan që është gati për të shpërthyer.
Ky qytet vjen gjithmonë e më shumë duke u mbledhur rreth qendrës. Një metropol që vjen në mënyrë rrethore dhe të gjitha rrugët e hallet të çojnë në një qendër të superngarkuar. Një vend i rrethuar dhe mbytur nga presioni i disa komunave barbare, që po i marrin shpirtin dhe nuk e lënë të shtrijë krahët e trupin. Tirana ka nevojë të shtrihet, nuk ka nevojë për grim e as për korrigjime milimetrike. Nuk zgjidhen çështjet e Tiranës siç bëhet me urën tek Shkolla Teknologjike duke marrë disa centimetra rrugë nga ajo pak tokë e ngelur e lirë. Tirana kërkon të ketë kufij më të largët, kërkon një kryebashkiak që merr hartën e heq vija, që ka guximin ta bëjë atë qytet me disa qendra.
Po si mund ta bëjë Basha një gjë të tillë? Shihni për një moment se si duan të fusin në bulevard një godinë tjetër, atë të parlamentit, një oktapod që do zërë gjithë atë hapësirë. Shihni maketin e prezantuar ku spikasin nja dy- tre pemë. Pastaj mendoni për stadiumin e ri të Tiranës, që do bëhet aty ku është, por më i madh e më pompoz. Po a nuk mund të bëheshin këto godina më larg, në një vend më të hapur e me më shumë gjelbërim? Po sikur Basha të vijë në pushtet, mendoni çdo bëhet me atë qyqarin Parku Rinia, apo me ato pak pemë tek Kodrat e Liqenit.
Vizioni i Tiranës ka nevojë të përputhet me atë të qeverisë dhe kjo e fundit ta ndihmojë fuqishëm atë. Po mendojeni për një moment se sa vuan ky qytet për një terminal autobusësh, të cilët, së bashku me një ushtri të frikshme furgonësh, vërdallosen nëpër qytet. Cila qeveri në botë pengon ndërtimin e terminalit siç bën qeveria shqiptare?
Tirana ka nevojë të zgjerohet, të ketë disa qendra. Tirana ka nevojë për një laps që e hap vijën e verdhë edhe më shumë dhe na zhduk nga harta disa komuna bajate, me kryetarë të babëzitur, që po shkatërrojnë ato pak mundësi që ka Tirana- metropol.
Tirana ka nevojë për një kryebashkiak, por më shumë për një kryeministër që e do. Dhe deri më tani kryeministri ynë ka treguar se nuk e do këtë qytet. Pa vizion e dashuri nuk mund të drejtosh kryeqendrën e shqiptarëve.


website gazeta tema

[RAPTILOID]

Zyrtare, “Aleanca për Qytetarin” mandaton Bashën për Tiranën!

Lulzim Basha: Bashkohuni me mua në këtë rrugë, të zgjedhim të ardhmen mbi të shkuarën


25-03-2011 / Gazeta 55


Mazhoranca çel fushatën elektorale për zgjedhjet vendore të 8 majit

Përmes një entuziazmi të jashtëzakonshëm në sallën e madhe të pallatit të sportit “Asllan Rusi”, kandidati zyrtar i “Aleancës për Qytetarin”, për bashkinë e Tiranës, Lulzim Basha prezantoi platformën për ndërtimin e qytetit të Tiranës; kthimin e qytetit te qytetarët; Tiranën Evropiane; Tiranën simotër të kryeqyteteve të vendeve të Bashkimit Evropian. “Tirana e para, Tirana e Evropiane”- është slogani i Bashës për kryeqytetin e pas 8 majit, i cili do ketë së shpejti një tramvai si çdo kryeqytet Evropian, me një park tjetër krahas Liqenit Artificial, me taksa të ulëta dhe transparencë për çdo fond publik. Premtim i Bashës ishte edhe ndërtimi i një plani urbanistik, për një perspektivë dhjetëra vjeçare të qytetit, për t’i dhënë fund kështu kasaphanës urbane në Kryeqytet; stop betonizimit të pakriter. E gjithë platforma e Bashës përmblidhet në togfjalëshin "Tirana e Para".



Kandidati Lulzim Basha

Këtë mbrëmje vij para jush, si një djalë i këtij qyteti. Unë jam fëmija i parë i dy prindërve të përkushtuar dhe të mrekullueshëm. Ata më rritën mua dhe vëllain tim mes vështirësish dhe rropatjesh të panumërta. Ata na falën gjithë dashurinë e tyre duke sakrifikuar gjithçka nga vetja. Edhe pse kohwt ishin të vështira ata ja dolën të na sigurojnë një fëmijëri të ëmbël, plot me kujtime të lumtura. Sepse për ta, ne fëmijët e tyre ishim gjithmonë të parët. Unë u rrita në atë Tiranë duke ëndërruar se si mund të bëhej ajo një ditë! Si mund te shndërrohej në një qytet me më shumë qytetërim, me më shumë drita të vërteta. Një qytet që të rrezatonte më shumë ngrohtësi dhe më shumë gëzim për banorët e tij. 20 vjet me parë ne, shqiptarët, e rrëzuam tavanin e hekurt që ndrynte ëndrrat tona, që mbyste shpresat tona dhe që burgoste mendjet dhe trupat tanë. Në këto 20 vjet e kemi parë si qyteti ynë u rrit, ndryshoi dhe u zmadhua. Por sot kur unë dhe Aurela shohim qytetin ku jetojmë bashkë me vajzën tonë Dafina, ashtu si shumëkush, nuk jam i kënaqur. Sepse ne të gjithë kërkojmë dhe po ashtu meritojmë më shumë nga ky qytet, nga kjo shtëpi e madhe e përbashkët. Tirana jonë dhe njerëzit e saj përballen me probleme reale dhe të përditshme, probleme të cilat nuk mund të zgjidhen as me gjuhë të egër, as me protesta te dhunshme dhe as me beteja politike, por vetëm me shumë pune, vizion krijues dhe duke u bashkuar të gjithë si qytetarë. Sepse ky qytet ka nevojë për një ajër të ri, të freskët, të ndryshëm, të pastër dhe më të gëzueshëm. Një ajër të ri, ku humanja (njerëzorja) të jetë shumë më e pranishme. Një ajër të ri, që do ta bëjë qytetin më mikpritës, më bujar dhe më të dashur për banorët e tij, fëmijët, prindërit, gjyshërit tanë! Realiteti i sotëm është përherë e më rraskapitës për banorët e Tiranës. Vendet e punës janë të pakta, çmimet e strehimit të larta, bllokimet e trafikut të përhershme, ndotja e gjithë pranishme, parqet dhe lulishtet të pamjaftueshme, shkollat te mbingarkuara, taksat bashkiake tepër të larta dhe korrupsioni mjaft i përhapur. Mund të çirremi sa te duam para këtyre sfidave. Mund t’i tundim grushtet në erë sa të duam para këtyre problemeve. Mund të bëjmë sikur i mbulojmë ato, duke u kaluar përsipër një dorë boje. Por asnjë nga këto nuk i zgjidh problemet e qytetit tonë! Klithja e sloganeve politike nuk hap asnjë vend të ri pune dhe kësisoj nuk ulet dot çmimi, qoftë edhe i një buke të vetme. Betejat politike nuk na e shkurtojnë kohën e kthimit në shtëpi, nuk e çajnë dot trafikun kaotik pas një dite të lodhshme pune. As nuk ndërtojnë dot, qoftë edhe një park të vetëm lojërash për fëmijët tanë. As gjuha e egër dhe as bëmat e dhunshme nuk do ta shndërrojnë Tiranën në një qytet më të mirë për fëmijët e mi dhe fëmijët tuaj. Asnjë nga këto nuk i ndihmon njerëzit të përmbushin shpresat e tyre. Jo. Qytetaret e Tiranës presin me shume se britma indinjate dhe beteja politike. Problemet e qytetit janë tepër të mëdha, sfidat e tyre tepër urgjente dhe bastet për të ardhmen tone tepër të larta për të lejuar teatrin politik të radhës të vazhdojë të shfryjë plot mllef dhe hipokrizi. Sot është koha për t’u ndarë nga këto shfaqje njëherë e mirë. Është koha për t’ju përveshur punës, për të vënë Tiranën të parën, njerëzit të parët. Por çfarë mund të bëjë një kryebashkiak për punësimin dhe çmimet, nëse nuk rropatet natë e ditë për këtë problem? Nëse nuk bën të vetin edhe problemet e të tjerëve? Nëse nuk e ndjen deri në palcë përgjegjësinë e kësaj detyre? Asgjë. Këtë e dëgjuam dhe mbrëmë nga Kryetari aktual i Bashkisë i cili tha se ka të tjera plane dhe preokupime në këto kohë: do që të kapë karrigen e kryeministrit. Ka dy lloj njerëzish, ata qe marrin seriozisht vetëm veten e tyre dhe ata qe i marrin seriozisht detyrimet e tyre. Unë u rrita, u shkollova dhe çava në jetë, falë kësaj te dytes. Është e vetmja rrugë që njoh. Është e vetmja rrugë që mësova nga prindërit e mi dhe ky qytet. Sepse, sipas meje sekreti është dashuria. Ne ndjejmë dhe e kuptojmë njëri - tjetrin përmes dashurisë. Dashuria është elementi më thelbësor për çdo njeri, ndriçimi më rrezatues dhe forca më e madhe, e aftë të kapërcejë gjithçka tjetër. Prandaj e di se të gjithë së bashku, me dashurinë për fëmijët tanë, për prindërit tanë, me dashurinë për këtë qytet dhe njeri - tjetrin nuk ka gjë që nuk mund të arrijmë. Prandaj sot nuk vij para jush për t’ju ndarë në një betejë tjetër politike. Përkundrazi, ju ftoj sonte nga kjo foltore te bashkohemi për ta vënë Tiranën të parën, për të ndërtuar se bashku të ardhmen europiane të këtij qyteti. Sepse betejat e vërteta në ketë qytet nuk zhvillohen në teatrin politik të radhës. Ato zhvillohen në çdo familje dhe në çdo shtëpi Tirane. Në çdo rrugë dhe në çdo lagje të saj. Në jetën e çdo banori të saj. Keto jane betejat e verteta. Betejat e njerezve te ketij qyteti. Betejat per nje jete me te mire. Betejat me papunsine dhe cmimet e larta. Betejat per me shume shkolla dhe shkolla me te medha e me te mira. Betejat kunder pamundesive te perditshme. Betejat per mundesi. Betejat tuaja të perditshme do jenë të vetmet beteja per mua. Une sot i futem sfides per ta kthyer qytetin tone ne qytetin e mundesive. Mundesive per punesim dhe jetë më të mire. Mundesive per rruge, sheshe, parqe, kende lojrash, ajer te paster, trafik normal, transport publik, arsim, kulture dhe sport. Dhe për këtë, qytetit i duhet një kryebashkiak për të cilin “E para është Tirana, të parët jeni ju”! E di se çdo politikan mund të premtoje gjëra, shpesh të bukura por të pamundura, por ajo për të cilën ka nevoje ky qytet është një njeri qe t’i futet punës dhe t’ja dalë asaj në krye. Në të folur njerëzit mund të jenë njëlloj, por veprat e tregojnë ndryshimin midis tyre. Në 6 vjet në shërbim të publikut unë kam folur me vepra dhe jo vetëm me fjalë. Kam mbajtur cdo premtim që kam dhënë, kam përmbushur cdo angazhim që kam marrë. Unë dua dhe di të punoj për Tiranën! Unë do të punoj për ju, për te gjithe ju sepse për mua “Ju jeni të parët, Tirana është e para.” Unë do punoj për të luftuar çmimet e larta në këtë qytet. Akti im i parë do jetë krijimi i nje Agjensie Bashkiake te Mbrojtjes se Konsumatorit, që do ketë detyrë parësore inspektimin, raportimin dhe turpërimin publik te çdokujt që spekullon me çmimet në Tiranë, nga buka dhe karburanti tek strehimi dhe shërbimet. Mbrojtja e konsumatorit nga çmimet abuzive dhe mallrat jocilësore si dhe mbrojtja e bizneseve nga konkurrenca e pandershme do të jetë një angazhim i plotë i Bashkise. Konkurenca e ndershme është çelësi i tregut të lirë, çmimeve të ulëta, dhe mundësive më të mëdha. Të gjithë nivelet e qeverisjes duhet të luajnë rolin e tyre duke filluar nga Bashkia. Bashkia gjithashtu do të punojë për përmirësimin e infrastrukutres, për të ulur koston e transportit që lidhet me mallrat dhe shërbimet në mënyrë që këto kursime t’i kalojnë konsumatorit. Akti im i dytë si Kryebashkiak do të jetë krijimi i TaskForces për Punësimin. Në qytetin tonë njerëzit e kualifikuar nuk mund të gjejnë vende pune dhe shpesh bizneset nuk mund të gjejnë njerëz të kualifikuar. Ngërci i zhvillimit ekonomik që ka mbërthyer Tiranen në këto vitet e fundit ka nxjerrë në pah problemin e punësimit dhe të papunësisë. Potenciali ekonomik i qytetit të Tiranës dhe ai i punenxenies janë dobësuar ndjeshëm këto 3-4 vitet e fundit. Ndërkohë që popullsia e qytetit vazhdon te rritet. Dhe do të rritet edhe në të ardhmen. Ne themel te arsyes qëndron performanca e dobët e Bashkise në të gjitha drejtimet. Rritja e kostove dhe pasigurisë mbi bizneset si rezultat i politikave të gabuara të Bashkisë të tilla si rritja shumëfish e barrës fiskale lokale, shtimi i kostos së burokracisë bashkiake, zhvillimi territorial pa plan dhe kaotik, mos-angazhimi i Bashkisë në krijimin e lehtësirave për biznesin shqiptar apo të huaj, e deri tek radikalizmi dhe konfliktualiteti i lartë, kanë shkaktuar frenimin e investimeve private, shqiptare e të huaja e për pasojë edhe frenimin e mundësive për punësim e vetëpunësim. Unë do të punoj fort për këtë. Bashkia do të angazhohet në zbatimin e politikave direkte për nxitjen e punësimit dhe reduktimin e papunësisë përmes ngritjes së një sistemi bashkiak të informacionit mbi tregun e punës, lehtësimit të kontakteve mes punëdhënësve dhe punëmarrësve, afrimin e shkollës dhe universiteteve me biznesin, hapjen e mundësive për praktika mësimore pranë Bashkisë dhe gjithe rrjetit institucional apo partnerëve privatë të saj, si dhe përmes trajnimit profesional. Për këtë qëllim Bashkia do të punojë ngushtë me komunitetin e biznesit, shkollat, universitetet, median, shoqërinë civile si dhe me strukturat e specializuara të qeverisë dhe bashkive e komunave fqinje. Shumë të rinj që mbarojnë studimet e kanë të vështirë të gjejnë një punë në profesionin e tyre. Bashkia do ti ndihmojë këta të rinj duke financuar një program stazhi që do ti afrojë ata me sektorin privat dhe do ti pajisë me përvojë pune në profesionin e tyre. 70% e atyre që kryejnë stazhe të tilla iu ofrohet punësim i përhershëm në sektorin privat, dhe ne e kemi për detyrë të bëjmë gjithshka për punësimin e brezit të ri. Por kjo nuk mjafton. Ne do të krijojmë më shumë vende pune dhe punësim me paga më të mira. Sot Bashkia nuk bën asgjë për punësimin. Dhe ndonëse Bashkia nuk mund të bëjë gjithçka për punësimin, ajo mund të bëjë diçka dhe me mjaft rëndësi. Misioni im është hapja e 30 mijë vendeve të punës në dy vitet e ardhshme. Vetëm unaza e madhe dhe projektet e tjera të nënkalimeve dhe parkingjeve nentokesore do të krijojnë mbi 5800 vende pune. Por sektori publik nuk mund të arrijë gjithcka. Për të krijuar më shumë punësim dhe punësim me pagë më të mirë ne duhet të nxisim ekonominë duke ndihmuar hapjen e bizneseve të reja dhe zgjerimin e atyre ekzistuese. Por sot Bashkia jo vetëm që nuk po ndihmon, por ajo po pengon. Tirana është qyteti me numrin dhe nivelin më të lartë të taksave dhe tarifave vendore. Jo vetëm numërohen mbi 80 lloje taksash dhe tarifash vendore, por niveli i tyre është rritur me disa here gjate dekadës se fundit. Nuk ka nevoje të jesh ekonomist për të kuptuar që me taksa kaq te larta më mirë të ulësh qepenat, t’i vesh kyçin derës dhe ta mbyllësh biznesin. Une sot deklaroh para jush objektivni: TIRANA ,VENDI I DUHUR PËR TE BERE BIZNES. Si Kryebashkiaku juaj, unë do të heq rreth 60 taksa dhe tarifa vendore dhe do të ul 2 deri në 5 herë taksat dhe tarifat që mbesin. Unë angazhohem gjithashtu që nëpërmjet thjeshtëzimit të procedurave administrative dhe përdorimit të teknologjisë së informacionit, krijimit të parqeve industriale, përdorimit të formave të ndryshme të partneritetit publik-privat për zhvillimin ekonomik dhe masave të tjera do ti japim një implus të ri zhvillimit të biznesit të vogël, të mesëm dhe të madh duke rritur mundësitë e punësimit dhe reduktimin e papunësisë. Bashkia do të ndihmojë këdo që do të sjellë biznesin e tij në qytet duke thjeshtësuar në maksimum burokracinë bashkiake. Bashkia do të lehtësojë në maksimum lëvizjen e çdo biznesi që dëshiron të vijë në Tiranë nga Roma apo Milano, nga Berlini apo Madridi: ne do t’i ndihmojmë. Tirana do jetë qendra e biznesit dhe unë do bëj çdo gjë që të sjell punësim dhe investime në Tiranë sepse për mua e para eshtë Tirana dhe ajo duhet dhe do të jetë krah për krah kryeqyteteve të tjera të Europës. Po për këtë na duhet të ndërtojmë një Tiranë moderne Europiane. Ne duhet të ndërtojmë më shumë shkolla që fëmijët tanë të mos rrijnë në klasa me nga 40 nxënës, duhet të krijojmë kushte më të mira që mësuesit të japin mësim në mënyrë dinjitoze dhe nxënësit të mësojnë normalisht. Ne duhet të eliminojme mësimin me dy turne dhe të kemi klasa me më pak se 30 nxënës, shkolla te hapura e të mirëpaisura, ku zhvillohet mësim por edhe jete sociale për nxenesit dhe komunitetin; internet falas për te rinj, nxënës e studente, jo vetëm ne shkolla por ne te gjithë territorin e qytetit. Shkollat do te shndërrohen ne qendra te jetës komunitare duke u pajisur me mjetet dhe mjediset e përshtatshme ndërsa Bashkia do te organizoje dhe financoje aktivitete te larmishme ndërshkollore Tirana eshte qyteti i pare universitar i Shqiperise. Bashkia do të krijojë mundesitë që Tirana të presë dhe të mbajë në gjirin e saj, me të gjitha kushtet dhe infrastrukturat, më shumë se 100.000 studente. Një Bibliotekë Universitare e Tiranës, është premtimi im konkret, për Tiranen, kryeqytet universitar. Ne kemi nevojë të investojmë në infrastrukturë, çka do të hapë fronte pune të menjëhershme dhe do të ndërtojë themelin e një rritje ekonomike afatsgjatë. Unaza e madhe që do të qarkojë Tiranën do të rrisë efiçencen e biznesit dhe qytetarëve duke shkurtuar ndjeshëm kohën e transportit. Ajo do të ndihmojë edhe zhvillimin e lagjeve të Tiranës duke i lidhuar ato me një sistem modern trasporti. Duke filluar nga Unaza e Madhe, nënkalimet dhe parkingjet nentokesore do ta zgjidhin përfundimisht problemin e trafikut në Tiranë. Unë do angazhohem edhe për për një system transporti publik cilësor, të shtrirë në të gjithë qytetin dhe të pakushtueshëm, falas për të moshuarit, fëmijët dhe personat në ndihmë sociale. Tirana ashtu si çdo kryeqytet Europian do te kete tramvajin e saj. Ne kemi nevojë për më shumë parqe dhe lulishte, për rrugë dhe trotuare cilësore. Ne kemi nevojë për një plan për qytetin tonë dhe jo të vazhdojmë të hedhim beton dhe të ndërtojmë kuturu. Ky plan do të ketë në vëmendje jo vetëm qendrën e qytetit por edhe lagjet tona, kudo ku jetojnë banorët e këtij qyteti. Tirana duhet të përfundojë odisenë e mungesës së pafundme të planit rregullues, që gjithmonë është afër përfundimit por asnjeherë nuk përfundon, duke mbetur kështu i hapur ai bark që pjell të gjitha abuzimet, korrupsionin me lejet e ndërtimit dhe perspektivën e paqartë të vlerës së çdo ndërtimi. Kjo do të marrë fund njëherë e mirë. Dhe këtu, unë si kryetar i bashkisë nuk do të hezitoj të kundërshtoj madje as vendime të marra nga Këshilli Kombëtar i Rregullimit të Territorit, kur ato bien ndesh me interesat afatgjatë të qytetarëve të Tiranës. Unë e di se ka mes jush që pyesin se cfarë raporti do të ndërtoj unë nesër si Kryebashkiak me qeverinë qëndrore. Për të gjitha ata që pyesin, kjo është përgjigjia ime: Unë do të punoj me qeverinë qëndrore sa herë e lyp interesi më i mirë i Tiranës, por nuk do të ngurroj kurrë të përballem me të nëse ky interes vihet në pikëpyetje. Qeveria qëndrore mund, duhet dhe do të bëjë shumë për Tiranën, dhe unë si Kryebashkiak do të punoj me të dhe do ti jem mirënjohëse per cdo ndihme kesaj mysafire te perhershme te qytetit tone. Lagjet tona, aty ku njerëzit bëjnë jetën e përditshme, jo vetëm qendra, kanë nevojë t’i nënshtrohen një zhvillimi dinamik në respekt të plotë për pronën private dhe një harmoni të drejtë të zhvillimit të saj në favor të familjeve që e zotërojnë atë. Ne duhet të sjellim shërbime thelbësore dhe të krijojmë një qytet policentrik me hapësira të gjelbra dhe ambjente çlodhëse dhe argëtuese ku njerëzit të jetojnë, të punojnë dhe të çlodhen. Bashkia do te angazhohet për një program qe synon shpëtimin e sipërfaqeve te gjelberta nga prishja dhe rehabilitimin e shpejte te tyre. Gjithashtu, Bashkia do te ndërtojë parqe te vogla dhe zona apo qendra argëtuese ne shume nga zonat e qytetit ku ekzistojnë ende hapësira te lira. Përmes investimeve publike por edhe partneritetit publik-privat ne do të rrisim cilësinë dhe kapacitetet çlodhëse dhe argëtuese te Parkut te Madh te Liqenit, te Parkut te Dajtit si dhe do të investiojmë për zona te mëdha te gjelberta, çlodhëse dhe argëtuese ne territoret e bashkive e komunave fqinje. Unë angazhohem sot para jush për ndërtimin e një Parku tjetër të Madh të Tiranës si dhe ndërtimin e Korridorit Rekreativ të Lumit të Tiranës si pjesë e një plani të ri te zhvillimit që Bashkia do të vërë në jetë ne bashkëpunim dhe harmonizim me bashkitë dhe komunat fqinje. Ky plan duhet t’i kthejë qytetarit zërin e tij për të vendosur mbi të ardhmen dhe zhvillimin e komunitetit. Për këtë qëllim, mbledhjet ku shqyrtohet cdo plan ndërtimi për qytetin tonë do jenë të hapura për publikun. Ju dhe fqinjët tuaj do të keni mundësinë të jepni mendimin tuaj dhe të zgjidhni të ardhmen e lagjes tuaj. Unë do të kërkoj gjithashtu që çdo ndryshim destinacioni për biznesin të jetë i hapur për komentet e publikut. Nëse dikush do të hapë një diskotekë te pragu i banesës tuaj, ju do të keni të drejtën të kundërshtoni. Unë do të jem një Kryebashkiak i hapur për të dëgjuar nga ju. Çdo të premte unë do të kem orar zyrtar pritjeje ku çdo qytetar me problem të cfarëdollojshëm do mund të vijë dhe të flasë vetë me Kryetarin e Bashkisë dhe unë do bëj gjithçka për të zgjidhur problemin tuaj. Sepse ne kemi nevojë për një Kryebashkiak që kujdeset për hallet dhe shpresat e njerëzve. Një Kryebashkiak që do t’i përkushtohet Tiranës dhe qytetarëve të saj me mish e me shpirt. Një Kryebashkiak për të cilin të parët janë njerëzit, e para është Tirana. Nëse duam që Tirana të jetë një qytet modern dhe Europian, ne na duhet nje plan modern urban, që jo vetëm zgjidh problemet e sotme, por që i krijon metropolit tonë perspektivën dhjetëra vjecare të zhvillimi. Por Tirana nuk mundet kurrë të realizojë potencialin e saj të plotë kur korrupsioni zhbiron jetët tona. Kur Bashkia harxhon 8300 lekë për frymë për pagat dhe vetëm 2500 lekë për shërbimet ndaj qytetarit. Kur duhen plot 336 ditë për një leje ndërtimi, dhjetëra herë më shumë se në cdo qytet tjetër Europës, disa herë më shumë se në cdo qytet tjetër të vendit. Celësi është transaparenca. Çdo lek që bashkia shpenzon, duke përfshirë rrogat e punonjësve dhe çdo kontrate që lidhet do të publikohet ne faqen zyrtare të internetit. Bashkia duhet të jetë solidare, ajo duhet të çlirojë dhe inkurajojë energjitë bamirëse në qytet. Ne duhet tu gjendemi neë krah njerëzve në nevojë. Bashkia do t’i vijë në ndihmë nënave kryefamiljare që mbajnë të vetme familjet. Nuk do te kete femije qe braktisin shkollen per arsye ekonomike, ne do t’i heqim nga rruga fëmijët që lypin dhe do ti ulim në bankat e shkollës bashkë me moshatorët e tyre për tju dhene edhe atyre shansin që u jep shkolla për një jetë më të mirë. Tirana është zemra kulturore e vendit dhe kombit tonë. Këtu jeton elita e vendit dhe një komunitet i mrekullueshëm njerëzish të artit dhe të kulturës. Bashkia do të vendoset në qendër të një mekanizmi dinanamik që ndjell ardhjen në Tiranë të shumë aktiviteteve kulturore. Konkurset dhe Çmimit Bashkiake për shumë fusha të kulturës, artit dhe letërsisë do të ngjallin garën për krijim, art dhe kulturë në qytet. Tirana, një destinacion turistik do të plotësohet me disa destinacione turistike përreth saj si Dajti, Petrela, Preza apo Kruja, ndaj krijimi i një Rrjeti i Destinacioneve të Intregruara Turistike të zonës së Tiranës, në bashkëpunim me kolegët e komunave apo bashkive përreth kryeqytetit do të propozojë për turistët një Tiranë të vizitueshme gjithë vitin. Dhe tani më lejoni të them dy fjalë për Edi Ramën. Ai nuk është armiku ynë. Dhe ndoshta në krye të herës edhe ka arritur diçka për qytetin. Por që kur erdhi në krye të Partisë Socialiste interesi i tij i vetëm është lufta me Kryeministrin Berisha dhe jo puna për Tiranën dhe qytetarët e saj. Qyteti ynë ka mbetur në vendnumëro, sepse ai eshte obsesuar me kolltukun e kryeministrit dhe i është futur një betejë politike për hesap te vet, por që nuk na ndihmon te ndërtojme asnjë shkollë të vetme, nuk na shtron asnjë rrugë të vetme, nuk na krijon asnjë vend të vetëm pune. Degjova se dje tha qe do te kandidionte per Bashkine e Tiranes per t’u bere kryeminister. Pune e paqme! Por a është kjo ajo që kërkojnë qytetaret e Tiranes kur i drejtohen dhomes se votimit per te zgjedhur njeriun qe duhet te zgjidhe hallet e tyre te perditshme ne kete qytet? Unë ju ftoj ta refuzojmë me votë qyetatare këtë betejë të re politike që ai na propozon për interesat e tij dhe aspak të qytetit tonë dhe të zgjidhni alternativën qe ju vendos ju te paret, Tiranen te paren! Dje unë dhashë dorëheqjen si Ministër i Brendshem sepse besoj se Tirana meriton një Kryebashkiak me kohë të plotë që do t’i vërë veshin njerëzve dhe do të punojë gjithë kohën për t’i kthyer shpresat e tyre në realitet dhe jo të merret me beteja politike. Sepse këtu dicka shumë e rëndësishme ka humbur rrugës : arsyeja pse çdo burrë apo grua garon për t’u zgjedhur është të ndihmojë dhe tu shërbejë njerëzve. Në cdo hap të kohës time në shërbim publik kjo ka qenë motoja ime. Gëzimi im dhe brenga ime është se për çdo person që kam mundur të ndihmoj e di që ka patur të tjerë që nuk kam mundur t’i ndihmoj. Por unë dua çdokënd që më dëgjon sot ta dijë se jam në anën tuaj, se do punoj për ju, se do e degjoj zërin tuaj. Në këtë qytet cdokush has pengesa të ndryshme dhe ka qëllime të ndryshme, sipas moshës, punës, lagjes ku jeton etj. Po kur flas me qytetarët e Tiranës ajo që më impresionon nuk është shumëllojshmëria por ngjashmëria e dëshirave, kërkesave dhe shpresave të tyre për Tiranën. Njerëzit e këtij qyteti duan hapësira të gjelbërta, parqe dhe kënde lojërash. Ata duan t’u mblidhen rregullisht plehrat, njerëzit duan trotuare dhe rrugë të shtruara, njerëzit duan një qytet ku ajri që ata dhe fëmijët e tyre thithin është i pastër dhe ku mbeturinat pastrohen, një qytet me më pak trafik, më shumë parkingje dhe një qytet me një transport publik që funskionon. Njerëzit duan një qytet ku lagjet të jenë të ndriçuara, ku kujdesi shëndetësor të jetë më pranë tyre dhe ku zëri i tyre të dëgjohet. Njerëzit duan një Bashki që punon për ta, dhe jo për të çuar më tej axhendën politike personale të Kryetarit. Njerëzit duan një qytet më të mirë, dhe ajo që ia ka zënë rrugën është lufta politike. Unë ju premtoj sonte se cfarëdo që të ndodhë, unë nuk do ta harroj kurrë se arsyeja pse jam në zyrë publike është që tju shërbej ju te dashur bashkqytetarët e mij. Packa nëse jeni demokratë apo socialsitë, LSI apo PDU, Republikanë apo LZHK. Nuk ka rëndësi nëse jeni të moshuar apo të rinj, burra po gra, të punësuar apo të papunë, apo pensionistë. Ne të gjithë jemi qytetarë të Tiranës dhe unë do punoj cdo ditë për të ardhmen e cdo qytetari. Sepse per mua te paret jeni ju! e para eshte Tirana! Nesër unë do ta nis fushatën time me njerëzit, duke i takuar dhe duke i dëgjuar ata. Unë mezi pres te jem mes jush ne cdo lagje te Tiranes t’ju shtrëngoj duart, të ulem bashkë me ju dhe të degji shqetesimet, qëllimet dhe shpresat tuaja. Bashkë me ju do të ndaj platformat e mija per zgjidhjen e problemeve, vizionin tim per Tiranen moderne Europiane. Të dashur bashkëqytetarët e mi, Ne gjendemi tani në një udhëkryq. Para nesh ka dy rrugë, dhe ne duhet të zgjedhim. Njëra rrugë na kthen tek politika e vjetër e ndasive, akuzave, konfliktit dhe pesimizmit dhe kjo rrugë na len ne vend. Rruga tjetër udhëheq drejt mundësisë, bashkimit, shpresës, progresit dhe optimizimit ku në qendër jeni ju dhe zgjidhjet e problemeve tuaja, dhe kjo rrugë na con drejt mundesive te reja per secilin, drejt zgjidhjeve te medha per Tiranen. Unë dua të luftoj betejën e të ardhmes tonë: një të ardhme më të mirë për të gjithë ne. Për Tiranën, qytetin që ne duam dhe që meriton më shumë. Prandaj ju ftoj: bashkohuni me mua në këtë rrugë, ta lëmë pas konfliktin shterpë të akuzave politike, të zgjedhim të ardhmen mbi të shkuarën, të zgjedhim mundësinë shpresën dhe ëndrrat tuaja. Le ta shtrimë vështrimin tonë drejt mundesive të reja dhe zgjidhjeve të mëdha, të bindur se se bashku do tja dalim. Të cohemi dhe të fillojmë punën për qytetin e ëndrrave tona, të bashkohemi me një zë të vetëm dhe ta lëmë atë zë të dëgjohet fort e më fort nga besimi që ne kemi se ne mund të ndërtojmë një Tiranë më të mirë, se ne do ta ndërtojmë një Tiranë më të mirë dhe do te mposhtim cdo sfidë dhe asgjë nuk do na ndalë në rrugën tonë. Faleminderit!



Kryeministri Sali Berisha: Lulzim Basha, personalitet i ndritur i Partisë Demokratike

Jemi mbledhur sot për t’i shprehur mbështetjen tonë kandidatit të PD-së, të “Aleancës për Qytetarin”, një prej personaliteteve më të shquara të sukseseve të Partisë Demokratike. Njërit prej qytetarëve më të shquar të kryeqytetit, intelektualit të talentuar zotit Lulzim Basha. Sot ne së bashku jemi këtu, për të mbështetur qytetarin e parë të ardhshëm të Tiranës, birin e këtij qyteti që 20 vjet më parë. Ti shkëlqeve zoti Basha si student shqiptar në Universitetin e Utrehtit, si studenti më i shkëlqyer, në një universitet të niveleve më të larta të Universiteteve të Evropës. Ne të mbështesim ty jo vetëm për studimet e shkëlqyera, ti fitove vendin e parë në botë në një nga konkurset. Ne mbështesim sot Lulzim Bashën, bashkëshortin shembullor, prindin shembullor. Ti je njeriu i vlerave familjare që Shqipëria i ka hyjnore. Ne mbështesim Lulzim Bashën sepse në vitin 2005, së bashku me një grup intelektualësh, të rinjsh, do riktheheshin në gjirin e Partisë dhe do ktheheshin në uraganin e fitores. Vitet tona nuk kanë qenë të lehta. Vitet tona kanë njohur vështirësi. Kombi ynë kishte njohur copëtime, ndarje, pushtime, diktatura, ndarje të mëdha nga malet dhe gjeografia. Ne jemi sot këtu burrat dhe gratë që vendosëm një tullë në bashkimin kombëtar, bashkimin kombëtar të Lirisë. Çështja kombëtare çështja e parë, çështja e dinjitetit të shqiptarëve. Ndaj dhe ne bëmë të pamundurën të mundur, vendosëm të shembim malet, të bashkonim kombin. Në këtë detyrë, ne mandatuam ministrin, zyrtarin që me përkushtimin e tij do të kapërcente çdo pengesë, do të bënte që projekti i rrugës së kombit të shndërrohej në realitet. U përpoqën të hedhin baltë mbi rrugën, mbi kombin, menduan se mund të të kryqëzojnë për fajin e vetëm se shndërrove në realitet një nga ëndrrat e shqiptarëve. Atyre iu mbetet e shkuara, kurse ju, vizioni i ardhshëm për Tiranën e qytetarit, për Tiranën e shekullit, për Tiranën kryeqytet Evropian. Gjimnazisti, Lulzim Basha, bashkë me qindra e mijëra studentë dhe studente të kryeqytetit, do të thërrisnin 19 vjet më parë në rrugët e Tiranës; “Shqipëria në NATO”, “Shqipëria si Evropa”. Partia Demokratike dhe Qeveria do t’i besonte atij diplomacinë e integrimit të Shqipërisë në NATO. Sot, Shqipëria është vend anëtarë i NATO-s, qytetari i saj i parë i ardhshëm bëri gjithçka, çdo gjë që kjo ëndërr fisnike të bëhej realitet dhe Tirana kryeqyteti ynë të jetë sot kryeqyteti i një vendi anëtar të NATO-s. E duam Shqipërinë si gjithë Evropa, ishte kushtrimi dhe thirrja që buronte nga zemra e tij dhe e të rinjve shqiptarë 210 vjet më parë. Sot, qytetari i parë i Tiranës del para jush, pasi me përkushtimin e tij, talentin e tij, vendosmëri e tij, ia doli të bëjë të mundur që shqiptarët të lëvizin të lirë në mbarë Evropën, të fluturojë në Bruksel, duke realizuar ëndrrën e shqiptarëve për të lëvizur të lirë. Por ne, çfarë do që të bëjmë, kurrë ndonjëherë nuk ia shlyejmë, ndaj Tiranës ne kemi borxhe dhe detyrime. Jam përpjekur me dashurinë më të madhe që të bëjmë çdo gjë për një Tirana tjetër. Pavarësisht se këto 6 vite Tirana qeverisej nga kundërshtarët tanë, qeveria ime 3- fishoi fondet, në mënyrë që qytetarët e Tiranës të përjetonin standardet e një Tirane tjetër, por kjo u bë pamundur sepse Tirana e ëndrrës u zëvendësua me Tiranën e Betonit, Tirana e vizionit, me Tiranën e mbyllur, Tirana e parqeve me Tiranën e ferrave. Tirana, çdo ditë, çdo muaj largohej nga qytetarët e saj. Z.Basha, sot për qytetarët e Tiranës, një nga ëndrrat e qytetarëve, është ëndrra e Tiranës Evropiane, ëndrra e Tiranës së qytetarëve, ëndrra e Tiranës së Bukur. Jam këtu për të dhënë fjalën para qytetarëve të Tiranës dhe mbarë Shqipërisë se qeveria që unë drejtoj do të mbështesë fuqishëm çdo projekt, çdo zhvillim të këtij kryeqyteti. Zoti kryetar i ardhshëm i Bashkisë, ne të japim ty në 8 maj ditën e fitores, të ëndrrës së qytetarëve të Tiranës dhe Shqipërisë. Fitore!



Rajmonda Bulku: Lulzim Basha, e ardhmja e Tiranës


Deputetja e Partisë Demokratike, Rajmonda Bulku, çeli mitingun e PD-së në pallatin e sporteve “Asllan Rusi”, duke vlerësuar kandidaturën e Lulzim Bashës për bashkinë e Tiranës. Bulku tha se Basha është personaliteti që i duhet qytetit të Tiranës. "Janë të shumtë ata që duan të dëgjojnë Bashën"- tha znj.Bulku.


Ish-mësuesja e Bashës, Merita Xoxa


Kam patur fatin që të kem nxënësin Lulzim Basha në klasën time kujdestare. Tipari kryesor i Lulzim Bashës, është serioziteti. Luli zë një vend të veçantë. "Lulzim Basha është një personalitet i respektuar dhe i dashur për qytetarët e Tiranës. Luli, jam e bindur që do t’ia dalësh".



Doktor Ndroqi dhe nipi i kryetarit të parë të Bashkisë së Tiranës


Kam një shqetësim për të sjellë mes jush, dhe po ashtu dhe një kujtim. Shqetësimi është se s’mund të jetojmë më në një qytet të tej ndotur. Ne nuk mund të jetojmë në Tiranën e betonit. Lulzim Basha mund dhe do të bëjë diçka për Tiranën. Lulzim Basha duhet ta kthejë Tiranën te qytetarët, te njerëzit. Lulzim Basha, fitore!


Erjon Bogdani


Të gjithë ju e dini se futbolli është pasioni im, por para jush më ka sjellë një dashuri tjetër e madhe, dashuria për qytetin tim ku jam lindur. Vij me dëshirë në Tiranë sepse me merr malli për njerëzit e mi. Ndjehem jo mirë kur shoh Tiranën në gjendjen aktuale. Tirana meriton më shumë. Ne duam një kryetar bashkie që punon për sportin, shëndetin dhe qytetarët e tij. Për të fituar në futboll duhet një skuadër e fortë dhe një kapiten i mirë. Unë sot jam me skuadrën e Lulzim Bashës. Ju faleminderit!



Mitingu

Partia Demokratike dhe koalicioni “Aleanca për Qytetarin”, zhvilluan sot një miting madhështor në pallatin e sportit “Asllan Rusi” në kryeqytet. Mazhoranca çeli fushatën elektorale për zgjedhjet vendore të 8 majit dhe njëherazi prezantoi zyrtarisht kandidatin e “Aleancës për Qytetarin”, për bashkinë e Tiranës, zotin Lulzim Basha. Pas mbledhjes së Këshillit Kombëtar të Partisë Demokratike, ku u miratuan kandidatët e mazhorancës për zgjedhjet vendore, “Aleanca për Qytetarin”, hap kështu fushatën elektorale, duke i paraprirë përgatitjeve për zgjedhjet vendore të 8 majit.

...

Masha Basha
Nga Elisa Spiropali
Masha Basha në duart e Berishës ! Ky produkt metalo-njerezor do jetë kandidati i Partisë Demokratike për kryetar bashkie të Tiranës. Kandidati në fjalë pra, nuk do jetë as Lulzimi, as Luli, as Basha, por vetëm Berisha që e gënjen mendja se do t’ja dalë ta komandojë Bashkinë e Tiranës me dorën e tij të zgjatur dhe të hekurt përmes kandidatit Masha Basha. S’është parë as
është dëgjuar kurrë dhe kurrkund që për kryetar bashkie të garojë një mashë metalike. Për kryetar bashkie garojnë njerëz prej mishi, kockash dhe gjaku. Por ja që gjyshi Berisha kështu vendosi, dhe kështu do bëhet. Kjo qasje kaq e tersët ndaj nje gjëje kaq njerëzore siç është qeverisja lokale e një komuniteti, i ka spjegimet e veta, madje fare të qarta. Sepse gjyshi Berisha, ky luftëtar me nam për bilancin aq të lavdishëm në luftrat me mullinjtë e erës, duke qenë tashmë i plakur, është rrjedhimisht edhe i lodhur, dhe punët që ka përpara s’mund t’i bëjë dot si deri më sot të gjitha vetë, por vetëm me masha dhe basha. Ka te drejte gjyshi Berisha. S’mund të ndodhte ndryshe me gjyshin e plakur dhe të lodhur. Mendja e tij, krejt njësoj si ajo e Makbethit, nuk i gjen rehat nga pellgjet e gjakut që ka lënë pas. Se gjyshi nga vendi mezi ngrihet. Duart i dridhen, gishtat mezi i lëviz. Sytë kanë nisur të mos i shohin. Veshët të mos i dëgjojnë. Prandaj, për këto dhe shumë e shumë të tjera arsye, tash’ e tutje ky gjysh për kryetar bashkie të Tiranës nuk ëndërron një njeri por një mashë të pashpirt që t’i bindet vetëm atij për ta përdorur si të dojë. Dhe mes atyre që e rrethojnë, i vetmi që ja plotëson më së miri këtë kusht është ai i mirnjohuri i qeshuri i përjetshëm, Masha Basha. Me fjalë të tjera, përballë Edi Ramës këtë herë nuk do qëndrojë një kandidat normal si e duan dhe si e meritojnë qytetarët e Tiranës, pra prej mishi dhe kockash, por një mashë metalike e zeze në duart e zhubravitura dhe të thara nga pleqëria të gjyshit Berisha pranë vartrës ku është strukur, Masha Basha është mëse i përshtashëm dhe i nevojshëm si një instrument polifunksional i dobishëm. Gjyshi Berisha pret, dhe Masha Basha ëndërron, që gjyshit Berisha t’i shërbejë. Së pari për të nxjerrë nga zjarri gështenjat e nxehta dhe të shijshme të punëve të shumta të kryeqytetit, thënë ndryshe përfitimet kolosale klienteliste, listën e të cilave, e ka sigurisht gati që tani ende gara pa filluar. Ku ka më mirë për gjyshin se ato gështenja përvëluese t’i nxjerri jo vet gjyshi me duart e lodhura, por Masha Basha tashmë i regjur nëpër dallavera dhe rreziqe? Por jo vetëm kaq ! Kaq është pak. Gjyshit Berisha Masha Basha i duhet edhe për punë të tjera. Për shembull për të goditur me mashë, pa luajtur vendit dhe pa e lëshuar mashën nga dora, qenër e mace të pabindur që gjyshin e lodhur e bezdisin duke u sjellë rreth vatrës. Por edhe për të goditur me mashë minj që duken e zhduken qosheve në distancë që masha nuk i arrin. E bën këtë gjyshi, pra hedh mashën gjyshi, sepse gjyshi ka plot shërbëtorë rrotull që t’ja sjellin përsëri në duar mashën.
Po dëgjojmë e shohim të thuhet e të shkruhet, edhe nga analiste e komentatorë me nam të cilët kandidatit Masha Basha j’a njohin fort mirë cilësitë inekzistente, të çuditen pse po kandidon Edi Rama?! E tjerrin e tjerrin pafund kandidaturën e Ramës para Mashës, duke e ngatërruar e duke e bërë lëmsh me pse-ra dhe sepse-ra të pafundme sikur po duan të zgjidhin ndonjë ekuacion të pa përfunduar të Ainshtainit mbi relativitetin e pushtetit. “Faktorët mediatikë” hileqarë e dritëshkurtër në fjalë, ata që hiqen sikur i qajnë hallin kandidaturës Rama, në fakt, në thelb, në analizë të fundit, duke i bërë hesapet gabim, i tremben, për turp të vetes në nivel individual, fitores eventuale së kandidaturës Masha, të papriturave që ajo fitore hipotetike më e largët se galaktika më e largët e universit, mund të sjellë. Nuk ka absolutisht asnjë shpjegim tjetër fakti pse ata, për turp të tyre merren gjithë kohën me Ramën që është prej mishi dhe kockash dhe jo me një vegël metalike si Masha Basha. Të marrurit me Ramën dhe jo me Mashën, i kompromenton keqas. Nuk e dinë ata kush është Masha?! A ka mbetur njeri në Shqipëri që nuk e di se Masha Basha kur ishte ministër i transporteve, jo vetëm është akuzuar, por edhe imuniteti parlamentar i është hequr për shpërdorimin e 250 milionë dollarëve të rrugës Durrës – Kukës. Por Masha Basha asnjëherë nuk u gjykua për shkak të manipulimit të drejtësisë përmes vonimit të të afateve të gjykimit. A ka ndonjë gjë për të mos u besuar në këtë mes? Absolutisht asgjë, kur dihet se çfarë mund të bëhet, jo me 250, por edhe me vetëm 50, ose edhe vetëm 5 milionë dollarë të vjedhur. Masha Basha ministër i brendshëm është akuzuar edhe si urdhërues direkt i vrasjes së 4 protestuesve më 21 janar. A thua të ketë mbetur shqiptar që nuk i di këto tmerre?! Analistat që analizojnë kandidaturat, duhet, por është në të drejtën e tyre që varet nga aftësitë e tyre, të mos u futen çështjeve me karakter subjektiv të kandidaturave. Ta zemë, faktit se, në pikëpamje të vlerave njerëzore, para gjigandit Rama, Masha Basha është një kokrrizë rëre. Këto gjëra pra ata mund të mos i thonë, por s’mundet kurrsesi të mos konsiderojnë vjedhjet multimilionere dhe vrasjet e 21janarit që mban mbi kurriz Masha Basha, bëma dhe gjëma këto që e automatikisht e ç’vlerësojnë kandidaturën Masha Basha. Nuk ekziston efektivisht Basha. Efektivisht ekistojnë vetëm Rama, Berisha, dhe natyrisht hileja e fundit e Berishës, Masha Basha. Prandaj themi se është brenda logjikës më të thjeshtë që Edi Rama të kandidojë për kryetar të Bashkisë së Tiranës sa herë të dojë, jo 4, por edhe 400 herë, edhe 4000 herë, edhe 400 mijë herë, dhe të gjitha herët të fitojë.

[RAPTILOID]

Lulzim Basha s’ka lidhje me këtë histori
Nga Mustafa Nano
Të shkruash për Lul Bashën nuk është se të ndodh shpesh. Po, është e vërtetë, emrin ia ka përmendur shumëkush prej kolegëve të mij, por kjo gjë ka ndodhur prej bëmash, që nuk e nderojnë atë, siç është ajo e abuzimeve në rrugën Durrës-Kukës (e mbani mend, besoj, sa sa i lumtur doli nga ajo porta prapa ndërtesës së Telekomit, ku dy minuta më parë anëtarët e gjykatës supreme nuk është se kishin rrëzuar akuzat kolosale në ngarkim të tij, por thjesht kishin mbyllur hetimin për shkaqe e vonesa proceduriale), apo ajo e vrasjeve të kryera më datë 21 janar. Dhe nuk është se për këto dy momente Lul Basha fajësohet me tahmin, apo me spond. Jo, ai akuzohet drejtëpërdrejtë për vepra e krime që janë kryer. Abuzimi me fondet publike është një gjë e njohur dhe e pranuar; vetë Berisha ka thënë se “vendimet janë marrë kolektivçe, dhe nuk ka dënim kolektivçe!!!!, duke lënë të kuptohet se abuzimi egziston, por fajtorët jo. Ndërsa vrasja e katër qytetarëve në bulevard është një krim spektakolar; hetimi po vazhdon, por Basha ka qënë ministër i brendshëm, dhe ka gisht se s’bën në këtë krim. Në rastin më të favorshëm për atë vetë, ai ka gisht në fshehjen e krimit.
Kjo ish sa për hyrje. Do duhej ta bëja se s’bën këtë hyrje. Tani po eci më tej. Pse nuk kanë shkruar për Lul Bashën? Në këtë pikë ai nuk është një dukuri më vete, e afërmendsh nuk ka pse të dallohet; është si të tjerët, dmth si të gjithë ata që punojnë me e për Berishën. E pse u dashka t’i përmendësh emrin një ministri? Dini ju ndonjë ministër që ka bëma të vetat, që ka nisma të vetat, që ka pasur ide të vetat, të cilat janë shprehur e mbrojtur prej tij në radhë të parë? Jo, të gjitha idetë, nismat, bëmat kanë qënë të Berishës. Me fjalë të tjera, shkruaj për Berishën dhe ke shkruar për të gjithë. Kjo është arsyeja që për Bashën ka pasur arsye të flitet rrallë.
Mirëpo dje, për herë të parë në jetën e vet, ai mbajti një fjalim; e di, ka folur dhe herë të tjera, por kanë qënë fjalime të shkurtëra të mbyllura me esklamacionin “Na udhëhiq o prijësi ynë, Sali Berisha!” (mos më thoni që s’e mbani mend këtë shpërthim të tij në skenën e pallatit të Kongreseve?). Ndërsa dje mbajti një fjalim të plotë. Ia lexova sot në gazetën Mapo. Të tërin. Kam përshtypjen që duhet ta ketë bërë vetë atë fjalim (dikush mund t’i ketë bërë një korrektim stilistik në fund, por idetë duhet të jenë të tijat). Edhe? Edhe hiç. Në atë fjalim, si në të gjitha fjalimet e politikanëve të Tiranës, kish pak ide; e në vend të këtyre kish shumë ujë, kish llokoçitje në një llucë fjalësh e premtimesh, kish lënie e rimarrje argumentash, kish një listë premtimesh (në të shumtën e kohës, premtimet ishin të tilla, saqë të krijohej ideja se i kish menduar një natë më parë), dhe foli shumë gjatë. Ose ndoshta m’u duk mua gjatë, ngaqë ato pak argumenta mund të trajtoheshin në më pak kohë. Po të isha në sallë do isha tërbuar prej asaj litanie, aq sa me siguri do dilja jashtë të pija cigare me Genc Rulin e Ridvan Boden.
Po çfarë tha konkretisht? Bëri mirë që s’u mor shumë me kundërshtarin, por edhe kjo që mund t’i merrej si meritë, paska qëlluar të mos jetë zgjedhja e tij. Para tij foli i çmenduri gojëprishur par excellence, dmth padroni, mentori, tutori e inventori i Lul Bashës, dhe nuk lëshoi asnjë ndyrësi në adresë të Ramës. Lul Basha s’mund të bënte ndryshe nga ai. Tha diçka tjetër, që mund t’i merrej për mirë: “si kryetar i bashkisë nuk do të hezitoj të kundërshtoj madje as vendime të marra nga Këshilli Kombëtar i Rregullimit të Territorit, kur ato bjenë ndesh me interesat afatgjatë të qytetarëve të Tiranës”. Mirëpo, sa e dëgjon, të vjen t’i thuash: “Shih, shih, edhe këtë do ta bësh? Do t’i kundërvihesh Berishës? Mos Lul, të gjitha t’i besojmë, por jo këtë. Nuk duhej ta kishe thënë këtë. Kjo është rrenë për Guinness. Të paktën, mos e përsërit më!
Pati dhe disa momente, të cilat, po të merren të shkëputura nga konteksti, do të mund të bëheshin pjesë e ndonjë quiz-i të ngritur mbi pyetjen: të kujt janë këto fraza? Dhe këto fraza do t’i atribuoheshin kujtdo, por jo një berishiani. Shpresoj që t’mos u kenë shpëtuar as të tjerëve fraza të tilla, si “problemet nuk zgjidhen me dhunë”, ose “as gjuha e dhunshme e as dhuna nuk na e zbukurojnë Tiranën”, ose “s’mund të ecim më në rrugën e ndasive, akuzave, konfliktit”. Po të mos e dinim se kush i ka thënë këto fraza, të gjithëve do t’u shkonte mendja se kanë dalë nga goja e, fjala vjen, Rexhep Qoses për të denoncuar qasjen mujshare të Berishës e të berishianëve. Mirëpo, na e thotë Lul Basha. Mund t’na e kursente këtë gjë. Leksionet e edukatës nga një berishian (dhe Basha është berishian përpara se të jetë ‘human’) janë me të vërtetë të tepërta.
Po më? Më duhet të them, se do premtime janë korrekte, pasi edhe hahen nga logjika, edhe ngrihen mbi dobësi të kryebashkiakut Rama. Çfarë? Po ja, ndërtimi i parqeve të vogla, lulishteve, qëndrave argëtuese, normalizimi i transportit, ndërtimi i parkingjeve, hartimi i një plani rregullues, e ndonjë tjetër. Por të tjerat ishin llogje të llojit “unë do punoj për të luftuar çmimet e larta në këtë qytet” (dhe e shpjegoi se si do ta realizojë këtë, por ia futi kot; kreu i bashkisë nuk ka asnjë lidhje me çmimet), “do të punësoj 30 mijë vetë, do mbështes njerëzit me kualifikim, do ul taksat, do rris investimet, do jem pranë biznesit, do kem orar pritjeje, do punoj 25 orë, etj, etj”.
E dini? Përtej të gjitha vërejtjeve që bëra për fjalimin e tij të djeshëm (nuk është se ia vlen të ndalesh shumë në këtë mes; nuk na falet të merremi më shumë se sa duhet me një fjalim), sikur Basha të mos kish të regjistruara në karrierën e vet politike ato dy momentet që përmenda në krye të shkrimit, ai do duhej të merrej seriozisht si kandidat. Madje, për të do të votoja dhe unë; do ta votoja edhe në këtë garë me Ramën. Por ai ka një cen tjetër, që nuk e shpëton dot. Ai nuk është ai; ai është Saliu. Nëse fiton Rama, fiton Rama; nëse fiton Basha, fiton Berisha. Me këtë dua të them se Rama mund të jetë një kandidat i keq dhe i papërshtatshëm për Tiranën, por gara për kreun e bashkisë së metropolit, ashtu si e gjithë gara elektorale e 8 majit, është një garë politike. Është për të ardhur keq që është kështu, por ja që kështu është pas 21 janarit 2011. Lulzim Basha nuk hyn fare në këtë mes; ai nuk ka të bëjë fare me këtë histori as dje, as sot, as nesër deri në momentin e votimit, as po humbi, as po fitoi.

website gazeta tema

[Brari]

jan mobilizuar tere mantenutat e mantenutet e ed rucit kunder lul bashes.

nuk e ka te lehte lul basha.

ed ruci ka shum "ane pozitive".

ka nomenklaturen staliniste mbas vehtes. ate llum qe me aq perkujdes e solli dhe e kultivoj ne tirane shtabi stalinist khmer ruzh i enver ramizit te hysni kapos se nexhit nga 4 anet e shqiperise duke flakur jasht tirane mijra familje e figura te ndershme e atdhetare duke i cuar ata gulageve pushkatimeve e birucave.
kjo nomenklature kriminele sot eshte 10-20 fishuar me kulishet e vet e ata sot jane ajo qe quhet ps e seli roze.
mbas edvinit jane dhe armata e prokuroreve e gjykatesve te cilet marrin detyra tash kaq vite te persekutojne lul bashen..
mbas edvinit jan mijra gazetare e gazetaresha mjeshtra te shpifjes e manipulimit.. qe ne kto vite skan len gur pa luajtur kunder lul bashes..
mbas edvinit jan mija e mijra bathorexhij te pa cipe qe jan psonisur nga militantet seli roze me liste..e paguhen e votojne ed rucin e dokle veliun..

pra luli yne luli i popullit nuk e ka te lehte ta munde shtazen edvin sepse rreth edvinit jan grusht celiku gjithe plehrat e shqiperise e plehrat me te qelbura jan ne tirane.. qe un i quajta nomenklatura staliniste.. e zhytyra ne krime 50 vjecare plus e farketuar me krimin e 97 e 21 janarit..

le te shpresojme se luli do ja dale kunder gjith ketyre maskarenjve e kanibaleve 4 brezash..

'
-----------


OPINION

Fjala e mësueses për Lulzim Bashën
26-03-2011 /

Nga Merita Xoxa


Në stadiumin “Asllan Rusi”



Unë kam një vajzë në Gjermani. E kam vizituar disa herë. Por, kur shkova këtë radhë, ndjeva një lehtësi dhe një gëzim të jashtëzakonshëm. Shkoja si qytetare europiane. Ato radhët e gjata para ambasadave, ankthi se do ta marr apo nuk do ta marr vizën, - i përkisnin një kohe të shkuar. Në aeroport më priti vajza. Ajo punon në aeroportin e Frankfurtit. Më tregoi se aty ajo kishte takuar shumë nëna dhe baballarë shqiptarë që shkonin të shihnin fëmijët e tyre. Por, njëkohësisht, ishte e entuziazmuar se asnjë nga vizitorët nuk kishte shkelur rregullat e vendosura për liberalizimin e vizave. E gjitha kjo u realizua falë përpjekjeve tepër të frytshme të qeverisë Berisha por, sidomos, të ministrit Basha, i cili bëri një punë të madhe mbi rregullat e vendosura. Ai doli në ekran para auditorit. Me fjalën e tij të qetë dhe, i përzemërt prej natyre, na shpjegoi neve, dëgjuesve, se përse duhej të ishim të përpiktë në respektimin e këtij akti të merituar për shqiptarët, që ishin bunkerizuar për një gjysmë shekulli nga një diktaturë rrënimtare. Fjalët e tij, të shqiptuara me sinqeritet dhe urtësisht, krijuan bindje te dëgjuesit dhe u mirëpritën prej tyre. Do të thosha edhe se, duke respektuar kriteret e BE-së, të cilat ministri Basha na i përcolli me ndjenjë, bindje dhe dashurí, ato këshilla të qarta në të mirë të vendit u përvetësuan aq mirë në masën e dëgjuesve, sa Shqipëria doli e nderuar në korrektesën ndaj faktorit ndërkombëtar. Ndërsa dy vende, njëri prej të cilëve ishte Serbia, u kritikuan nga ky faktor për abuzimin e kushteve, vendi ynë doli i paqortueshëm në respektimin e afateve kohore. Nder për vendin tonë, për qeverinë e tij, për Lulzim Bashën. Por ky nuk është i vetmi sukses i punës së kryer nga z. Basha. Unë nuk dua të flas për sukseset e tij, se ato dihen nga të gjithë dhe shihen përditë. Ai është ministri i suksesshëm i tri dikastereve që ka pas drejtuar. Këto nuk mund të mohohen. Unë sot dua të flas për formimin e tij qysh në fëmijëri, si mësuese kujdestare, madje. Pa një formim të shëndoshë në rini nuk mund të priten rezultate të mira në vijim të jetës. Fëmijëria dhe rinia janë si themeli i një shtëpie. Në Gjermani kam dëgjuar se ofendimi më i rëndë për një njeri ishte: -Ty të mungojnë vitet e fëmijërisë! Po si ka qenë fëmijëria dhe rinia e Lulit? Unë e kam pasur në klasën kujdestare. Tipari kryesor që e karakterizonte ishte vullneti dhe thjeshtësia. Ishte e pamundur të mos e kryente një detyrë, cilado të ishte kjo. Korrektesa dhe respekti për mësuesit dhe bashkëmoshatarët ishin tipare të tjera të tij. Ai ishte altruist dhe detyrat që mësuesja kujdestare, - unë në këtë rast, - i ngarkoja për të ndihmuar disa nga nxënësit që nuk ecnin si duhet në mësimet, ai i merrte me seriozitet dhe ishte një ndihmës i vërtetë e i përkushtuar. Ai ishte dashamirës dhe nxënësit pranonin me qejf të mësonin me të. Unë mbaj mend shumë episode që i tregojnë këto cilësi; por nuk është as koha as vendi që të zgjatem këtu. Zakonisht në kujtesën e mësuesve mbeten ose nxënësit shumë arrakatë, ose ata që shkëlqejnë si në sjellje, ashtu edhe në mësime. Dhe Luli ishte ndër ata që shkëlqente. Nuk ka kënaqësi më të madhe për një mësues kur sheh nxënësit e tij të përparojnë dhe të japin, më vonë, kontribute të shquara për shoqërinë dhe për vendin. Dhe s’kishte si të ndodhte ndryshe. I edukuar në një familje të thjeshtë, me kërkesa të forta morale dhe studimore dhe i rritur pa privilegjet e pakicës së asaj kohë, duke shkëlqyer me aftësinë e vet pa përkrahjen e askujt, siç ndodhte - përkundrazi, - me mjaft nga ata që quheshin “të Bllokut”, apo që ishin në lidhje me të. *** Kisha vite pa e takuar Lulin nga afër. E takova në rrethana të hidhura. Para gjashtë muajsh u nda nga jeta një kolegia jonë, mësuese e fillores së Lulit. Sigurisht ne, shoqet e saj, u mblodhëm për t’i dhënë lamtumirën e fundit. Në çastin që shoqja jonë po varrosej, ndalon një makinë. Dhe, prej saj, zbret Luli. Erdhi që t’i jepte lamtumirën e fundit mësueses së tij të fillores, me gjithë punët e shumta që kishte. Ishte një e papritur që na mallëngjeu. Nuk gjendeshin gazetarë, se ai nuk erdhi për shou. Erdhi thjesht si një njeri që kishte dashuri për mësuesen, që në hapat e parë të jetës së tij. Ne kemi të drejtë ta çmojmë gjestin njerëzor dhe të jemi krenare që e kemi pas nxënës. Duke qenë njeri në kuptimin e vërtetë të fjalës, mund të punosh me dashuri për njerëzit dhe të jesh i suksesshëm në punën me ta. Nëse respekton prindërit, gruan, mësuesit, njerëzit në përgjithësi, mund të punosh denjësisht dhe në mënyrë të frytshme për shoqërinë. Prandaj unë jam e bindur që, edhe si kryetar bashkie, puna e tij do të spikasë. Ne, që e njohim në thellësi të shpirtit dhe që kemi besim absolut në intelektin dhe në aftësinë e tij, jemi tërësisht të bindur se Lulzim Basha mund të japë një kontribut të paharruar, ashtu si në Autostradën e mahnitshme të Kombit, edhe në transformimin e kryeqytetit tonë, në përmasa të papara. Tirana mund të jetë kryeqendra moderne me planimetri të respektuar, me frymëmarrje aspak asfiksuese, me një ekologji krejt të ndryshme nga ajo e sotmja, me të gjitha rrugët e rrugicat e asfaltuara, ku makinat të ecin normalisht, ku çdo qytetar të jetë i dëgjueshëm në bashki dhe ta gjejë portën gjithmonë hapur për zgjidhjen e problemeve të tij. Dhe jo të gjendet përpara një ndërtese njeri pa njeri! Suksese, Luli, në detyrën e re. Unë, si gjithnjë, do të krenohem me ty. Banorët e Tiranës do të krenohen me punën tënde

[martini1984]

Nuk ecet tere jeten me biografira dhe historira.
Se kush do fitoje do ta kqyrim me pas,natyrisht votoj per asnjerin por jame me Edi Ramen

[POKO]

Nuk ecet tere jeten me biografira dhe historira.
Se kush do fitoje do ta kqyrim me pas,natyrisht votoj per asnjerin por jame me Edi Ramen

Keta kelyshat e bllokut,pjella e ideologjise komuniste sllave,na thone qe per cdo gje qe fajin na e paska Saliu!

Salihu do ju bej keshtu juve,opaaa opaaa opaaa do palloheni keq me 8 Maj!

[Mike Oldfield]

8 Maji do ti sjelle Tirones nje djale xhanon si kryetar bashkie Lul Bashen........Edverin pas 10 vitesh rrumpalle ne kryeqytet do ta cojme tek parku i liqenit te ajroset mire cdo mengjes me eren e fekaleve qe derdhin cdo dite ne ujerat e liqenit artificial pallatet me lejet e tij te ndertimit.

[RAPTILOID]

une po te them se te gjithe e pane fytyren e nxire te Edverit nga frika kur mori vesh atentatin qe lepurushit te tij mbreme ju be .... larje hesapesh asgje me teper ...

ja se i kujt eshte lepurushi ti mesues se keshtu ju dalin te palarat juve
ja dhe se pse u terhoq albana vokshi nga akuzat
lexoje lexoje se na hapet dhe teme per tan leprin
shife kush e mbron tani
heheh



Berisha-Avllaj-Sejdia dhe Xhamia e re
DASHAMIR BIÇAKU

TIRANË - Hetuesit janë treguar të rezervuar në lidhje me komunikimin e pistave të mundshme të atentatit ndaj Avllajt, duke mos dhënë detaje rreth dyshimeve të tyre.
Dritan Avllaj, 40 vjeç, banues në Tiranë, u qëllua me armë zjarri të enjten në mbrëmje rreth orës 22:00, në rrugën "Mihal Grameno".


Avllaj udhëtonte me një automjet "Mercedez- Benz", me targa gjermane El 412 S, i drejtuar nga shoferi i tij. Në drejtim të Avllajt, dy persona të panjohur që udhëtonin me motor qëlluan dy herë dhe e plagosën atë në shpatull, ndërsa në këtë kohë shoferi shtoi shpejtësinë e veturës së tij duke shmangur përsëritjen e të shtënave ndaj tij, të cilat mund të rezultonin fatale.


Ditën e ngjarjes, Dritan Avllaj ka komunikuar edhe me kreun e Partisë Demokratike, njëkohësisht kreu i qeverisë, Sali Berisha. Nuk dihet se cila ka qenë tema e bisedës mes tyre, por burimet thonë se ajo ka zgjatur disa minuta, dhe se komunikimi telefonik figuronte në telefonin celular të Avllajt. Sipas gazetave afër qeverisë, z.Avllaj në dëshmitë e tij për policinë, ka thënë mes të tjerash edhe që "armiqtë e tij janë njerëz publikë".

Berisha-Avllaj-Hajdin Sejdia
Në blogun e tij online Mustafa Nano citonte dje lajmin e djeshëm të Shekullit për telefonatën Avllaj-Berisha dhe shprehte habi, duke e përfunduar një nga nanonjuzet e tij me shprehjen: "Hë, nuk është e pabesueshme? Apo kur flitet për Berishën nuk ka asgjë të pabesueshme?!"


M.Nano ka të drejtë që habitet, pavarësisht se është një njohës i mirë i mënyrës si funksionon dhe si i ndërton lidhjet e tij Berisha. Por, për ata që e dinë se cili është një nga shqetësimet më të mëdha të kohëve të fundit të Berishës, lajmi nuk është surprizë, përkundrazi, ishte një konfirmim i asaj që në qarqe biznesi në Tiranë përflitet prej disa kohësh.


Telefonata e nxjerrë padashur nga një rrjedhje informacioni në dëshmitë e dhëna në polici pas atentatit, nuk është as e para, as e fundit. Lidhja direkte mes Berishës dhe z.Avllaj ka të bëjë me projektin bashkiak për ndërtimin e Xhamisë së re të Tiranës. Kjo lidhje është burimi i rishfaqjes në Tiranë kohët e fundit të një personazhi të hershëm, emri i të cilit në memorien e kryeqytetasve lidhet pikërisht me truallin ku do ndërtohet Xhamia, që njihet edhe si e famshmja "gropë e Hajdin Sejdisë".


Përgjigjen për pyetjet "pse Avllaj" dhe "cila është lidhja e tij me Hajdin Sejdinë", e dinë thuajse të gjithë: Z.Avllaj ka qenë shofer i Hajdin Sejdisë gjatë kohës që ky emër ishte aktiv në Tiranë.

Fushata kundër Xhamisë
Njerëz afër Berishës mjafton ti ngacmosh pak, për të kuptuar që kjo puna e xhamisë është një nga idetë e Ramës që e ka nervozuar pa masë Berishën. Është gati të bëjë çdo gjë për të arritur rezultatin e mbikalimit të Zogut të Zi. Me një ndryshim: Projekti i xhamisë duhet mbytur që në lindje.


Sinjalin e parë e dhanë mediat proqeveritare, me sulmet e njëkohshme ndaj projektit të bashkisë së Tiranës për ngritjen e një xhamie të re në kryeqytet. Hajdin Sejdia u riaktivizua pikërisht në kulmin e fushatës së tyre. Nëse lexohet reagimi i tij, i botuar (për habinë e organizatorëve të fushatës) pikërisht në "Shekulli" disa ditë më parë, qëllimi kuptohet lehtë: pështjellim me shkak-sherrin e përhershëm të pronave për të penguar me çdo mënyrë avancimin e idesë së ndërtimit të Xhamisë së re, sipas projektit bashkiak.


Në një reagim për gazetën "Shekulli", një javë më parë, përmes përfaqësuesit të shoqërisë "Iliria Holding", Sejdia ishte shprehur kundër projektit, duke thënë mes të tjerash që bashkia duhej ti drejtohej qeverisë për praktikat e shpronësimit dhe duke përmendur një numër enorm pronarësh pretedentë.


Reagimi më pas përmendte sipërfaqen, investimet e mëparshme dhe praktikat ligjore, duke lënë në heshtje pyetjen kryesore: Pse pikërisht tani, dilet me këto pretendime dhe në gjithë këto vite është heshtur? Në reagim, shoqëria "Iliria Holding" është shprehur skeptike për zgjidhjen e problemit të pronësisë së tokës, pasi aty ku është menduar të jetë xhamia dhe objekti muzeal, ka pronarë të tjerë, ndërkohë që prona që zotëron Komuniteti Mysliman Shqiptar është e shpërndarë në tërë sipërfaqen prej 18400 metër katrorë, në rreth 30 ngastra të vogla që fillojnë nga 18 metra e lart, sipas vendimeve të Komisionit të Pronave.


Me të gjitha bataretë
Siç e ka zakon, edhe mbi këtë projekt, kreu i qeverisë është lëshuar me të gjitha bataretë. Kryetitujt e mediave të shtuara proqeveritare dhe riaktivizimi i Sejdisë nëpërmjet Avllajt duke u premtuar rikthimin në truallin në fjalë të "projektit të madh për qendër tregtare" që flinte në sirtaret e tyre, nuk janë konsideruar të mjaftueshme.


Është kërkuar me ngulm mbështetja e Komunitetit Mysliman dhe për këtë ka patur si gjithmonë goditje poshtë mesit, duke shfrytëzuar edhe qenien e djalit të kreut të këtij Komuniteti Selim Muçës në postin e Sekretarit të Dytë të Konsullatës së Përgjithshme në Stamboll. Z.Ermal Muça figuron në listën e emërimeve që u është dhënë si përgjigje një grupi deputetësh nga Ministria e Jashtme. Shkresa ka numrin e protokollit 567 Indeksi 1 - Kthim Përgjigje dhe bashkëngjitur është një listë emërimesh për periudhën 2005-2010.


website gazeta shekulli

[tias]

O mer cun ,mer cun,ne sondazh qendron 73.85%,por une besoj se nuk do te jete mbi 55%.

[RAPTILOID]

O mer cun ,mer cun,ne sondazh qendron 73.85%,por une besoj se nuk do te jete mbi 55%.

ti me verte mendo se ky sondazhi eshte i sakte???
jo per gje po per ket sondazh kan votu shum veta qe nuk jan me banim ne tirane
kam votu dhe une qe nuk do jem ne 8 maj ne tirane
ka votu dhe mesje brari qe jeton ne suedi