Rexhep Qose nga ushtarë i Enverit në shërbim të Edvinit...
Gert Duni 01/03/2011 13:15:00
Sa merre vesh Qosja nga politika? Një njeri që është provuar i dështuar në politikën e panshqiptare, kandidat që në zërat e tabelës së rezultateve të zgjedhjeve në Kosovë ka figuruar te “të tjerë”, pasi nuk ka siguruar kurrë më shumë se 0.5 për qind të votave, nuk mund të shesë mendime politike. Jo sepse nuk ia ndalojmë të botojë poshtë e përpjetë atë që ai mund ta quaj mendim të tijin “politik”, por se prova elektorale para së cilës një politikan në një vend demokratik vendos veten është edhe vlerësimi më i mirë për këtë mendim dhe ai i Qoses nuk ka marrë asnjëherë notë kaluese. Nga ana tjetër Qosja ndoshta nuk e ka vënë re, por Sali Berishën në Kosovë e kanë pritur si hero kombëtarë, në mirënjohje të rolit të tij në pavarësinë e Kosovës shumë më i madh se ai i Qoses.
Sa i njeh Qosja diktatorët? Ky njeri që për 30 vjet nuk e dalloi dot se Enver Hoxha ishte diktatori më i egër në Evropë pas Hitlerit. Që nuk pa, edhe pse ishte mik zyrtar i regjimit, kampet e përqendrimit dhe vuajtjen e shqiptarëve nën diktature, nuk mund të na tregojë sot t diktatorët. Qosja kishte shancin tu rrëfente shqiptarëve të Kosovës në vitet 80’ se Enveri nuk i donte as ata as shqiptarët e Shqipëris, por e humbi dhe madje e keq përdori, duke u bërë vegël e propagandës komuniste që i bëri prishtinalijtë të besonin se Tirana, që në fakt në atë kohë ishte kryeqyteti më i varfër në Evropë, ishte një parajsë e proletariatit.
Shkurt, Rexhep Qosja duhet t’i kërkojë të falur popullit shqiptar pasi mbrojti dhe glorifikoi figurën e diktatori të urryer nga shqiptarët për 30 vjet me rradhë sikur nuk e dinte se çfarë i kishte bërë Enver Hoxha shqiptarëve. Kjo e bën të pabesueshëm Rexhep Qosen që është vënë në shërbim të një padroni të ri, tek i cili duket se gjen ngjashmëri me të vjetrin. Por ai duhet ta mësojë nëse nuk e di, se nëse ka një ndryshim mes Edvinit dhe Enverit, pasi në ndihmë të të parit nuk mund të vijnë më Miladin Popoviçërat dhe ta sjellin në pushtet me luftë civile.
Ne do po ja “mirëkuptojmë” Rexhep Qoses zellin e “pakuptueshëm” për të dhënë mendimin e tij subjektiv për çështje dhe personalitete të politikës shqiptare, por thjeshtë po i vëmë në dukje se edhe më herët siç shkruam e ka pasur gabim.
http://www.standard.al/index.php/analiza/17611.html
Krijoni Kontakt