Agim Behluli del nga burgu pas 6 vjetësh vuajtje

[ximi_abedini]

Shkup, 25 shkurt - Pas 6 vjet e 15 ditë vuajtje dënimi, sot u lirua nga burgu i Idrizovës Agim Behluli nga Kumanova, i cili ishte dënuar me 7 vjet burg për vepra penale terrorizëm, që lidheshin me dy shpërthime në Kumanovë dhe një tjetër në vijën hekurudhore ndërkombëtare Shkup-Beograd, që kalon afër fshatit Vaksincë, gjatë vitit 2003 . Me kërkesë të bashkëshortes dhe fëmijëve të tij, Gjykata Supreme solli vendim për zbutjen e dënimit. Me këtë vendim Gjykata i uli Behlulit dënimin për 9 muaj, ndërsa për sjellje të mirë, edhe burgu i Idrizovës i ka falur 2 muaj e gjysmë.
“Ja këto çaste e lash prapa shpine burgun e Idrizovës dhe muret e larta. E lash terrin e zi dhe pres që prej sot të më zbardh drita. Me gëzim dhe dëshirë do të nisem rrugës së shtëpisë, me padurim pres t’i takoj fëmijët e mi, bashkëshorten time, familjen time, farefisin tim, por më e keqja është se nuk do t’i takoj prindërit e mi, të cilët kanë vdekur në ndërkohë”, tha Agim Behluli pas lirimit.
Familjarët dhe vet Agim Behluli gjatë tërë kohës procesin e tij e kishin vlerësuar si të montuar politik, sikurse rasti i Sopotit. Agim Behluli ishte arsimtar, gazetar dhe aktivist i njohur i sektorit joqeveritar në vend, i cili vazhdimisht ka tërhequr vërejtjen për procesin e montuar ndaj tij, por gjithnjë kishte hasur në veshë të shurdhër të institucioneve kompetente, raporton Alsat-M.

[ximi_abedini]

Ka vuajtur 6 vite burg pa asnje faji, valle veq te ne kush te denohet per "terrorrizem" lirohet para kohe nga burgu per shkak te sjelljeve te mira, si mujte me ndodh kjo nga terrorristet ??? deri kur do te na manipulojne keshtu sllavo maqedonet ,pse po flejn Shqiptaret vall kur do zgjohen nga gjumi