Formula 1: Sezoni 2011-12

[Mexhi]

Anulohet gara e pare per shkak te trazirave ne Bahrain


Thashethemet per fillimin e sezonit 2011 perfunduan, gara ne Bahrain zyrtarisht eshte anuluar per shkak te trazirave qe kane perfshire kete vend. Kjo eshte gara e pare ne historine e Formula 1 qe anulohet per shkaqe politike. Vendimin per anulimin e gares e mori princi i Bahrainit, pasi nje pergjegjesi e till i ishte besuar nga shefi i Formula 1 Bernie Ecclestone.
Testet e parapare te zhvillohen ne Sakhir do te zhvillohen ne Barcelone, ndersa sezoni 2011 do te filloje me 27 Mars ne Melbourne-Australi.

[Mexhi]

RED BULL 2011

[Mexhi]

McLaren 2011

[Mexhi]

Ferrari 2011

[Mexhi]

Mercedes GP 2011

[Mexhi]

Renault 2011

[Mexhi]

Williams 2011

[Mexhi]

Force India 2011

[Mexhi]

Sauber 2011

[Mexhi]

Toro Rosso 2011

[Mexhi]

Lotus 2011

[Mexhi]

Hispania Racing F1 Team 2011

[Mexhi]

Virgin 2011

[{A_N_G_E_L_69}]

Skuadrat kanë humbur 40 milionë dollarë nga sponsorët, prej tyre vetëm Ferrari përllogarit 11 milionë dollarë humbje
Ditën e hënë, princi i Bahreinit anuloi zhvillimin e garës së Çmimit të Madh në vendin e tij për shkak të protestave dhe gjendjes së vështirë që po kalon Bahreini, në mënyrë të veçantë kryeqyteti Manama, që ndodhet vetëm pak minuta larg pistës.
Për këtë vendim edhe 12 skuadrat që marrin pjesë në këtë sezon janë penalizuar rëndë, pasi mungesa e një gare në kalendar i penalizon ato në kontratat e marrëveshjet që kanë me sponsorët. Sipas revistës “Formula Money”, skuadrat do të humbasin rreth 40 milionë dollarë për mosgarimin në pistën e Bahreinit.
Prej të gjitha skuadrave, më e dëmtuara është Ferrari që humbet 11 milionë dollarë. Italianët janë ata që fitojmë më shumë se të gjithë rivalët e tyre nga sponsorët dhe që padyshim do të humbasin edhe më shumë se të tjerët.
Sponsori më i madh në pistën e Bahreinit është kompania “Gulf Air”, e cila ka një kontratë prej 6 milionë dollarësh për t’i vënë edhe emrin këtij Çmimi të Madh. Mungesa e kësaj kompanie, duke i bashkuar edhe shumë sponsorë të tjerë, sjellin një humbje të madhe për oganizatorët e kësaj gare dhe në mënyrë të veçantë kompanisë që merret me të drejtat komerciale të këtij sporti, FOA.
Familja mbretërore e Bahreinit do të paguajë rreth 40 milionë dollarë për shefin e FOA-s, Berni Ekleston, pagesë të cilën ai e merr menjëherë pas vendimit për anulimin e garës. Nga ana tjetër, Ekleston është duke bërë maksimumin për të organizuar sërish këtë garë në ndonjë datë tjerë të këtij sezoni.
Në të vërtet do të priten zhvillimet politike në ditët në vazhdim, për të marrë më pas një vendim rreth spostimit të datës, nëse do të jetë e mundur, ndërkohë që ky sezon do të startojë me Çmimin e Madh të Australisë, më 27 mars.
Këtë sezon, përfshirë edhe Bahreinin, ishin parashikuar të zhvilloheshin 20 gara, numri më i madh në historinë e këtij sporti. Në sezonin e shkuar Çmimin e Madh të Bahreinit e ndoqën rreth 44.000 spektatorë, të cilët kishin paguar në total së bashku 14 milionë dollarë, ndërkohë që në këtë sezon pritej të kishte shumë më shumë se kaq interes, duke qenë se bëhej fjalë për garën që do të hapte sezonin.
Abu Dhabi, gati për të ndihmuar organizatorët e Bahreinit
Organizatorët e Çmimit të Madh të Abu Dhabit janë duke përgatitur garën e tyre në bashkëpunim me organizatorët e çmimit të Bahreinit. Presidenti i klubit automobilistik të Emirateve të Bashkuara, Mohamet ben Sulajem, ka deklaruar:
“Ne jemi duke u përgatitur dhe duke parë me kujdes në lidhje me organizimin e garës së Abu Dhabit, por edhe jemi në pritje të një vendimi të Federatës Ndërkombëtare të Automobilizmit. Ne do ta respektojmë atë, në çfarëdo date që do ta caktojnë garën e Bahreinit.
” Ben Sulajem, i cili është gjithashtu zv.president i Këshillit të Motor Sporit të FIA-s, shton: “Realisht, Abu Dhabi dhe Bahreini kanë rënë dakort në një bashkëpunim të madh, për të zhvilluar një garë të përbashkët, për të treguar më shumë se ç’mund të tregojë një Çmim i Madh.
Gjithsesi, kjo është një situatë emergjence dhe ne duhet të punojmë së bashku.” Çmimi i Madh i Abhu Dhabit është parashikuar të zhvillohet dy javë pas Çmimit të Madh të Indisë dhe dy javë përpara Çmimit të Madh të Brazilit. Në rast se do të vendoset që kjo garë e Bahreinit të organizohet pranë datës së garës së Abu Dhabit, atëherë do të jenë tri gara njëra pas tjetrës brenda pak ditësh.
Fotolajm
Skuadra Williams ka prezantuar në ditën e djeshme makinën e saj të re për sezonin 2011. Sponsori i ri i tyre PDVSA, një kompani lubrifikantësh nga Venezuela, ka zëvendësuar sponsorin kryesor legjendar të kësaj skuadre “Rothmans”, që mbështeste këtë skuadër që nga viti 1990.
Megjithatë ngjyrat e kësaj skuadre, blu me të bardhë, kanë mbetur të pandryshueshme. Kjo makinë ka zbritur në pistën e Valencias rreth 3 javë më parë, ku ka zhvilluar 3800 km, por vetëm dje është bërë zyrtarizimi i saj. Pilotët e kësaj skuadre do të jenë Pastor Maldonado dhe Rubens Barrikelo, ndërkohë që emri është “FW33”.

[{A_N_G_E_L_69}]

Numri 1 i skuadrës Red Bull kërkon të mbajë me çdo kusht Sebastianin për të mos kaluar kaq shpejt te Ferrari
Kampioni i botës në fuqi, gjermani Sebastian Fetel, ka deklaruar edhe një herë se bashkëkombasi i tij, Mikael Shumaker, vazhdon të mbetet një model për të dhe shpreson që të rikthehet sa më shpejt në formën e tij më të mirë.
“Unë gjithmonë e shoh atë si një model për veten dhe besoj që këtë sezon ai do të arrijë rezultate të rëndësishme,” ka deklaruar piloti i skuadrës Red Bull, Sebastian Fetel për një të përditshme gjermane.
“Nga ana tjetër shpresoj që të mos arrijë majën absolute, pasi edhe nëse do të renditej në vendin e dytë në klasifikimin e përgjithshëm për sezonin 2011, do të ishte në rregull për mua,” shton duke qeshur gjermani. Mikael Shumaker është rikthyer në aktivitetin e tij si pilot i Formulës 1 në sezonin 2010, pas rreth 3 vitesh e gjysmë pushim, por ende nuk ka arritur asnjë fitore.
Në sezonin e shkuar, shtatë herë kampioni i botës, u rendit në vendin e nëntë në klasifikimin e përgjithshëm për pilotë, duke garuar për skuadrën gjermane Mercedes GP. Shumaker ka mbushur 42 vjeç në janarin e shkuar dhe ende ndihet mirë fizikisht për garën e parë të këtij sezoni në Çmimin e Madh të Australisë, më 27 mars.
“Këtë sezon të ri do të shpresojmë për ndonjë vend në podium, pse jo edhe për ndonjë fitore të një Çmimi të Madh, – ka deklaruar Shumaker. – Por të flas për titullin kampion bote do të thotë të mos jem realist.”
Nga ana tjetër te skuadra Red Bull vazhdojnë të mos e kapërdijnë faktin se Sebastian Fetel mund të kalojë te Ferrari në të ardhmen.
Vetë piloti gjerman ka bërë të ditur në disa intervista se në një të ardhme ëndërron të drejtojë makinën e kuqe. “Të gjithë pilotët e ëndërrojnë një gjë të tillë,” ka deklaruar dikur edhe piloti aktual i Ferrarit, Fernando Alonso për “Gazzetta dello Sport.
– Disa janë ata që e thonë hapur dhe publikisht këtë dëshirë, disa të tjerë e mendojnë.” Ndërkohë, numri 1 i skuadrës Red Bull, Kristian Horner, shpreson që piloti gjerman 23-vjeçar të firmosë një kontratë afatgjatë me këtë skuadër, duke shpresuar se deklaratat e Fetel për të kaluar te Ferrari janë thjesht deklarata “romantike”.
“Jo thjesht për faktin se ai është romantik, por kjo do të thotë se do të heqë dorë nga të gjitha projektet që kemi filluar bashkë, – insiston britaniku. – Për sa kohë ne do t’i ofrojmë atij një makinë perfekte, ai do të qëndrojë me ne,” – shton Horner. Edhe vetë Sebastian Fetel e konfirmon këtë gjë që ka thënë numri 1 i skuadrës Red Bull:
“Jam shumë mirë te kjo skuadër, pasi po më vë në dispozicion një makinë të shpejtë.” Nga ana tjetër, Kristian Horner pranon se emri dhe historia që ka krijuar skuadra Ferrari është e pakrahasueshme me emrin e skuadrës Red Bull.
“Ne thjeshtë jemi një skuadër e re, nuk kemi të krahasuar me ta, por ku i dihet, ndoshta një ditë mund të bëhemi edhe ne legjendarë, falë Sebastianit,” – përfundon ai.

[{A_N_G_E_L_69}]

Fetel fiton në Bahrein


Formula 1, kampioni i botës kryesoi gjithë garën





Tregoi se nuk e kishte harruar instinktin e fitores, edhe pse në dy garat e para në Malajzi dhe Kinë nuk ia kishte ndjerë shijen. Kampioni i botës në Formula 1, Sebastian Fetel, triumfoi në Çmimin e Madh të Bahreinit në Gjirin Persik, duke u ngjitur edhe në krye të renditjes së pilotëve. Madje, ky sukses bëri që edhe Red Bulli të dilte në vendin e parë të klasifikimit të skuadrave.
Fetel u nis nga “pole position” dhe u shkëput shpejt, duke krijuar distancë me ndjekësit kryesorë, ndërsa Ljuis Hamilton me Meklaren Mercedesin e tij u pengua nga ndalesat në bokse, pasi mekanikët nuk ishin në ditën e tyre më të mirë. Po ashtu, piloti anglez bëri një parakalim të dyshimtë ndaj Rosbergut, gjë që nuk është se e ndihmoi shumë.
I shkëlqyer ishte Kimi Raikonen me Lotusin e tij. i nisur nga vendi i 11-të, shumë shpejt finlandezi mbërriti në vendin e tretë kur kishin kaluar vetëm 10 xhiro dhe e kapi Fetelin në gjysmën e garës.
Po ashtu, i jashtëzakonshëm ishte edhe shoku i tij i skuadrës, Roman Groszhan, cili doli në vendin e tretë në përfundim të garës.
Një paraqitje për t’u harruar për dy makinat Ferrari, ndërsa Alonso doli vetëm i 7-ti i lënë prapa nga suprirza Pol Di Resta, britaniku me makinën Fors India. Hamilton doli i 8-ti, ndërsa Felipe Masa, dy herë fitues në Bahrein, vetëm i 9-ti. Anglezi tjetër i Meklarenit, Xhenson Baton, u tërhoq në fund pas shpimit të një gome dhe një defekti në makinë.
Fetel kryeson me 53 pikë, Hamilton ka 49, Ueber 48, Baton dhe Alonso nga 43. Për skuadrat, Red Bull ka 101 pikë, Meklaren 92, Lotus 57, Ferrari 45 dhe Mercedes 37.

[ermela sweet]

nje brava per Fetel-in,por me i mire eshte Alonso

[toni54]

nje brava per Fetel-in,por me i mire eshte Alonso

e precjell ermela a hahahahahh

[Bel ami]

Domenicali ka qe ne garen e Australise qe thote se Ferrari duhet te permiresoje makinen,por se kur dreq do ta permiresojne nje zot e di.Flitet se ne garen e Spanjes do te sjellin nje "update",por te gjitha skuadrat do ta bejne kete gje.Thjesht Domenicali duhet te largohet!

[AnaH_M]

Masa-kur do ik ky pis qe sika dy lidhje me shoferllekun!