Behgjet Pacolli, President i ri i Kosovës

**guri79** · 25-02-2011, 17:49

Postuar më parë nga G-2

nje gazetari e shkelqyshme investiguese qe ka vlera kohore dhe hapsinore!
lexoje ti me shume ftyra(nofka) se te duhet nese e merr vesh!

Sekretet amerikane dhe sekretet ruse të Behgjet Pacollit

Nga Kastriot MYFTARAJ

Behgjet Pacolli është njeriu i sekreteve të mëdha, që kanë të bëjnë me qendrat relevante të pushtetit në botë, që prej Moskës, Beogradit e deri në Washington. Pacolli u bë i famshëm botërisht në vitin 1998, kur Prokurori i Përgjithshëm i Rusisë,

Yuri Skuratov filloi një hetim për një çështje të madhe korrupsioni, dhe e akuzoi Pacollin me emër se ishte pjesë e një skeme abuzimesh gjigande me fondet publike ruse, ashtu që Presidenti rus Jelcin influenconte që kompania e Pacollit Mabetex të fitonte tenderë në shuma tepër të mëdha. Si shpërblim, Pacolli bënte që një pjesë e madhe e parave të kanalizoheshin në llogaritë bankare private të familjarëve të Jelcin, në bankat e huaja. Hetimet siç dihet u zgjeruan dhe në Zvicër, ku e kishte qendrën kompania e Pacollit, me ç’ rast u bë e famshme botërisht Carla Del Ponte, e cila ishte prokurorja e ngarkuar me këto hetime.
Në botë, rëndom ndodh që aventurierët e llojit Pacolli, pasi përdoren në skema të tilla, vdesin papritur, për shkak se ata që i kanë përdorur e gjejnë krejt të papëlqyeshme vazhdimin e ekzistencës në këtë botë, të këtyre lloj njerëzve. Pacolli është gjallë sot, se ai nuk ka folur dhe as i kanë rrjedhur në ndonjëfarë mënyrë, sekretet që di për të fuqishmit e Kremlinit, në lidhje me këtë aferë dhe të tjera. Aq më tepër kur njeriu kryesor i ngarkuar nga Jelcin në atë kohë, për të ndërmarrë një operacion special për kompromentimin publik të Prokurorit të Përgjithshëm, Skuratov, ishte pikërisht Vladimir Putin, në atë kohë shef i FSB, pasardhëses së KGB. Për hir të Pacollit, Putin, në prill 1999, bëri një shfaqje televizive pa precedent në botë, ku ai shfaqi dhe komentoi një videoregjistrim, ku paraqitej Skuratov duke marrë pjesë në një orgji seksuale, me dy femra. Putin dha edhe informacione shtesë se këtë argëtim e kishin paguar kriminelë të cilëve Skuratov u kishte mbyllur problemet me drejtësinë. Definitivisht, ky veprim i Putin influencoi që Jelcin ta bënte atë trashëgimtarin e vet të pushtetit. Me këtë ngjarje Vladimir Putin, i cili pak muaj më pas u bë President i Rusisë, do të bëhej për herë të parë i njohur botërisht. Pra, ironikisht, ai që sot shihet si njeriu më i fuqishëm i Kremlinit, i cili pasi qëndroi për tetë vite president, aq sa ia lejonte kufizimi kushtetues, dhe që tash është kryeministër, në pritje që, pas ndryshimeve kushtetuese që bëri, të rikthehet në 2012 në postin e Presidentit, për një periudhë të pakufizuar, ia dedikon karrierën e vet një shërbimi që i ka bërë Pacollit, në interes të Jelcinit.
Pacolli i ruan shumë mirë sekretet e veta ruse. Dhe që Putin të jetë më i sigurt për këtë gjë, sidomos tash që Pacolli ka hyrë në politikë në Kosovë, dhe ka të bëjë me amerikanët, Putin, si një çekist i kujdesshëm, i ka vënë pranë Mashën, me të cilën Pacolli është martuar. Pacolli ka aq detyrime ndaj Mashës, sa ç’ ka Masha ndaj Putinit. Putini dhe Masha njihen qëkurse Putini ishte shef i FSB dhe Masha ishte njeriu-kyç i tij për organizimin e operacioneve speciale, të llojit të videoregjistrimit kompromentues për Skuratovin. Putini në detyrën që kishte ka fituar mirënjohjen e shumë femrave të këtij lloji, të cilat nëse nuk do të kishin qenë nën mbrojtjen e tij, në underworld ruse, do të kishin përfunduar të trafikuara nga mafia ruse në kryeqytetet perëndimore. Edhe Pacolli duhet t’ i jetë përjetë mirënjohës Mashës, se është falë saj që ai sot nuk gjendet në një burg rus, prej 12 vitesh, por është President i Kosovës.
Pacolli i ruan shumë mirë edhe sekretet e veta serbe. Kur Pacolli doli në emisionin “Opinion” të Blendi Fevziut, në Tv Klan, në maj 2000, kur Fevziu e pyeti për detaje të takimit me Millosheviçin, në kuadër të misionit që ndërmori Pacolli në 1998, për ndërmjetësim me proveniencë nga Moska, mes Millosheviçit dhe liderëve shqiptarë të Kosovës, Pacolli u përgjigj se nuk mund t’ i zbulonte këto detaje. Çudi, se tashmë kishte kaluar një vit nga çlirimi i Kosovës dhe Millosheviçi gjendej i izoluar në Beograd, në prag të rrëzimit nga pushteti. Por Pacolli duket se edhe këtu ruante, sa një sekret beogradas, aq një sekret moskovit.
Pacolli çuditërisht nuk qenka në gjendje që të ruajë vetëm sekretet amerikane të tij. Kështu që, ky njeri i sprovuar në ruajtjen e sekreteve të mëdha, bëri një “pakujdesi”, duke dekonspiruar për mediat, si padashje, komunikimin që bënte ai me ambasadorin amerikan Dell, nëpërmjet këshilltarit të tij, gjatë seancës për zgjedhjen e Presidentit në Kuvendin e Kosovës. Nga sms-të që Pacolli la të duken për median, tashmë është e qartë, jo vetëm se ambasadori amerikan në Kosovë Dell, ishte në krye të operacionit për zgjedhjen e Pacollit President, por se ambasadori Dell, me anë të aparaturave speciale kontrollonte mënyrën se si votonin deputetët e Kuvendit të Kosovës, në votimin e fshehtë për Presidentin. Ndryshe nuk ka si shpjegohet që Dell e informon Pacollin me anë të Pushkar se ata nga të pranishmit që votuan kundër në votimet e para nuk janë disa deputetë serbë, por janë pikërisht disa deputetë të PDK.
Ajo çka doli nga sms-të, nuk është një dhunim i privatësisë, siç u shpreh ambasadori Dell, por dhunim shumë i rëndë i Kushtetutës së Kosovës nga një ambasador dhe një politikan. Çka do të thotë tash Gjykata Kushtetuese e Kosovës, e cila ia zuri për të madhe, si shkelje të rëndë, ish-Presidentit Sejdiu, se ai kishte mbajtur dy poste? Komunikimi Dell-Pacolli kompromenton edhe akt-vendimin e Gjykatës Kushtetuese të shtatorit 2010, kundër Presidentit Sejdiu. Publikimi nga media i sms-ve të Pacollit, me kumte të ambasadorit amerikan në Kosovë, Dell, konfirmojnë faktin se Pacolli është njeriu i SHBA-ve. Ambasadori Dell para së gjithash krijoi realitetin politik në të cilin Pacolli bëhej njeriu-kyç i politikës kosovare. Në origjinë të kësaj është akt-vendimi i Gjykatës Kushtetuese të Kosovës, i shtatorit 2010, që shpalli se Presidenti Sejdiu kishte bërë shkelje të rëndë të Kushtetutës, duke mbajtur dy poste. Në arritjen e këtij akt-vendimi, rolin kryesor e ka pasur gjyqtari amerikan i kësaj Gjykate, Robert Carolan, i cili qëllimisht u caktua gjyqtar-raportues në këtë çështje, ashtu që të influenconte paraprakisht të tjerët. Detyrimi i Presidentit Sejdiu që të japë dorëheqjen dhe tërheqja e paevitueshme e LDK nga qeveria, që pasoi, çoi deri tek zgjedhjet e parakohshme, të cilat hapën rrugën për implementimin e skenarit për ngjitjen e Pacollit në postin e Presidentit. Marrëveshja Thaçi-Pacolli për ndarjen e posteve kryesore shtetërore, ishte një gjë e nevojshme në realitetin politik të krijuar nga ambasadori Dell.
Pacolli e dinte se në momentet që po lexonte sms-të ishte nën vëzhgimin e kamerave, se ai qe njeriu ku qe fokusuar vëmendja në sallë, dhe ai qëllimisht nuk veproi në mënyrë që ta pamundësonte kqyrjen e përmbajtjes së sms-ve nga kamerat. Pacolli lejoi qëllimisht që t’ i rrjedhin sekretet amerikane të tij, dhe këtë e bëri për disa arsye që kanë të bëjnë me interesat e veta dhe ato të Rusisë e Serbisë. Së pari, Pacolli e bëri këtë gjë që Serbia të mund t’ i thotë botës se ja se si veprojnë amerikanët në Kosovë. Së dyti, Pacolli e bëri këtë që Rusia të mund të thotë se SHBA-të që shtiren se janë të angazhuara për ndërtimin dhe funksionimin e institucioneve demokratike në botë, në fakt veprojnë në stil kolonial. Së treti, Pacolli e bëri këtë për t’ u thënë shqiptarëve të Kosovës se tashmë ai dhe jo Hashim Thaçi është njeriu i amerikanëve në Kosovë. Kështu, Pacolli llogarit që të fitojë më tepër mbështetës për vete dhe për partinë e vet.
Fakti që ditën kur Pacolli u zgjodh President, falë amerikanëve siç u duk qartë, ai i shpërbleu amerikanët duke i kompromentuar ashtu siç nuk ka ndodhur kurrë në historinë e diplomacisë amerikane në raste të ngjashme në botë, është shumë domethënës. Sikur Pacolli të ishte treguar aq i kujdesshëm kur lexonte sms-të e Dell, aq sa tregohet kur lexon sms-të e Mashës, e gjithë ajo që ndodhi nuk do të kishte ndodhur. Por amerikanët nuk mërziten me Pacollin, se ky i fundit nuk është njeriu i Amerikës që bombardoi Serbinë në 1999 për të çliruar Kosovën, por është njeriu i asaj Amerike që ishte kundër bombardimeve. Komandanti i forcave të NATO gjatë fushatës ajrore kundër Serbisë në 1999, Gjenerali Wesley Clark, në kujtimet e veta rrëfen një ndodhi gjatë fushatës: “M’u afrua mundësia që sërish të shprehem kundër intensifi¬kimit hap pas hapi të fushatës para sekretares së Shtetit, Made¬leine Albright, gjatë një takimi në katër sy, duke ngrënë mën¬gjes, më 12 prill. Kishin kaluar pak më shumë se katër javë nga takimi ynë i fundit para fillimit të luftës.
‘Pra, Wes, e tëra varet nga ti!’, tha ajo, në momentin kur u ul. ‘Kam bërë çdo gjë që ishte e mundur, por ata e kanë cilësuar këtë si luftë timen dhe janë kthyer kundër meje. Tash, ata do të kthehen në drejtim tëndin!’
Nuk dëshiroja të pyesja se kush ishin “ata”; kjo ishte një gjë tejet e dhimbshme”. (Wesley K. Clark, “Të bësh luftë moderne”, Botime “Zëri”, Prishtinë 2003, f. 295)
Kjo bisedë e çuditshme, e bërë në terma që janë versioni i të folmes orwelliane në Washington, mes dy prej njerëzve kryesore në hierarkinë amerikane të pushtetit, është sa konfonduese, aq edhe instruktive. Cilët qenë “ATA”, të cilëve u trembej sekre¬tarja e Departamentit të Shtetit, dhe që i përmendte në të folmen orwelliane të njeriut që të trembur, cilët qenë “ATA”, përme¬ndja e të cilëve e pezmatonte shumë komandantin e NATO? Derisa gjenerali Clark thotë se nuk dëshironte të pyeste se kush qenë “ata”, por njëkohësisht ndjehet shumë i pezmatuar, që “ata” janë vënë kundër tij, atëherë kuptohet se ata qenë një linjë shumë e fuqishme në Washington, një linjë kundër fushatës ajrore ndaj Serbisë. “Ata” kërkonin që trupat e NATO të mos dislokoheshin në Kosovë,
“Ata” e humbën luftën në 1999, e vazhduan atë në mënyra të tjera, dhe në 2011 bënë Pacollin President të Kosovës. Siç e ka pohuar vetë Pacolli, ndër të tjera edhe në emisionin e Blendi Fevziut, “Opinion”, në maj 2000, në mars 1998, kur kishte filluar lufta në Kosovë, Pacolli shkoi nga Moska në Beograd dhe Prishtinë në një mision kinse ndërmjetësimi midis Millosheviçit dhe liderëve shqiptarë të Kosovës. Në të vërtetë ky nuk ishte një mision ndërmjetësimi, se Pacolli në fakt bisedoi me liderët shqiptarë të Kosovës si një lobist i Millosheviçit, duke u kërkuar atyre që të pranonin ofertën e Millosheviçit që Kosova të ngrihej në statusin e republikës së tretë të Jugosllavisë së mbetur, ndryshe, siç thoshte Pacolli, në Kosovë do të ndodhte ajo që kishte ndodhur në Bosnjë-Herzegovinë.
Millosheviçi, kur e ndjeu rrezikun që lufta në Kosovë të çonte në ndërhyrjen e NATO, deshi që ta evitonte këtë, duke i dhënë Kosovës statusin e republikës. Por oferta e Millosheviçit, e cila mund të duket e ngjashme me atë që u bë një vit më pas në Konferencën e Rambouillet (Rambuje) kishte një ndryshim thelbësor se nuk përmbante dislokimin në Kosovë të trupave të NATO dhe as të drejtën e referendumit për shkëputje nga Jugosllavia, si dhe përjashtonte negocimin ndërkombëtar. Beogradi dhe Moska e dinin se nëse SHBA-të nuk do të mund të ndërhynte në Kosovë në vitet 1998-1999, atëherë nuk do të mund të ndërhynte më kurrë, për shkak se në vazhdim do të ndodhnin ngjarje në pjesë të tjera të botës, të cilat do të kërkonin ndërhyrjen amerikane, çka u verifikua si e vërtetë nga koha.
Pacolli është përpjekur që misionin e tij të vitit 1998 ta krahasojë me takimin që Rugova dhe liderë të tjerë shqiptarë të Kosovës patën me Millosheviçin, pak kohë më pas, në maj 1998. Por këto dy ngjarje nuk mund të krahasohen se Rugova në takimin me Millosheviçin kërkoi bisedime mes Kosovës dhe Serbisë me ndërmjetësinë ndërkombëtare, duke e kthyer takimin në dëm të Millosheviçit. Derisa Pacolli donte që negociatat mes Prishtinës dhe Beogradit të fillonin dhe mbaronin në Beograd, Rugova deklaroi se ato mund të fillonin në Beograd por duhet të vazhdonin në një vend të tretë përëndimor, çka për Millosheviçin ishte e papranueshme. Pikërisht Pacolli, njeriu që në 1998 erdhi nga Moska dhe loboi fort në 1998 që shqiptarët e Kosovës të pranonin ofertën e Millosheviçit, në 2011 u bë President i Kosovës, duke pasur në krah një grua ruse, apo shoqe siç thonë në Kosovë.
Nuk është rastësi që pikërisht me zgjedhjen e Pacollit në postin e Presidentit, ndodhi një zhvillim tepër interesant. Pacolli u zgjodh President me 62 vota, nga të cilat vetëm 37 qenë vota të deputetëve shqiptarë! Diferenca prej 25 votash i erdhi Pacollit nga deputetët e minoriteteve, duke përfshirë edhe 13 deputetët serbë. Pacolli është sot President i Kosovës, ku mbi 90% e popullsisë janë shqiptarë, dhe ai është zgjedhur nga një parlament prej 120 deputetësh, duke marrë votat e vetëm 37 deputetëve shqiptarë. Pra, Pacolli është sot President i Kosovës mbi 90% shqiptare, me votat e vetëm 30% të deputetëve shqiptarë. Kjo është Kosova e Re e Pacollit, është Kosova siç dëshiron që të jetë Serbia dhe Rusia, Kosova ku shqiptarët janë një minoritet. Shifrat e zgjedhjes së Pacollit President, zbulojnë planet e fshehta për genocid dhe spastrim etnik të ri ndaj shqiptarëve të Kosovës.
Është interesante se, shkarkimi i paraardhësit të Pacollit, Fatmir Sejdiu, i cili ishte zgjedhur me votat e pjesës më të madhe të deputetëve shqiptarë, i cili shkarkim i hapi rrugë ngjitjes së Pacollit në postin e Presidentit, u bë me votat e vetëm katër gjyqtarëve shqiptarë, nga nëntë gjyqtarë që ka Gjykata Kushtetuese e Kosovës! Në të dy rastet, shqiptarët janë minorancë! Në 23-24 mars të këtij viti kryeministri rus Putin do të jetë në Beograd, duke qenë kjo hera e parë që një shtetar rus i këtij niveli e viziton Beogradin në këtë ditë të fillimit të fushatës ajrore të NATO ndaj Serbisë. Putin po shkon në Beograd që të shprehë edhe një herë qortimin ndaj fushatës ajrore të NATO kundër Serbisë, e kryer për shkak të Kosovës. Nuk është rastësi që pikërisht në vitin që një shtetar rus i këtij niveli viziton Beogradin pikërisht në këtë ditë, në Prishtinë Pacolli zgjidhet President.
Por koincidenca të tjera i kanë paraprirë zgjedhjes së Pacollit. Në 14 nëntor 2010, në Kosovë hynë nga dy drejtime të ndryshme dy femra, shqiptarja Albana Vokshi, deputete e Kuvendit të Shqipërisë, dhe rusja Masha Pacolli, gruaja e Behgjet Pacollit. Të dyja këto zonja kanë një lidhje historike mes tyre. Albana Vokshi është stërmbesa e Sylejman Vokshit, komandantit të Ushtrisë së Lidhjes Shqiptare të Prizrenit, e cila u krijua për t’ i mbrojtur trojet shqiptare, nga coptimi që u bëri Rusia në Traktatin e Shën Stefanit, pasiqë fitoi Luftën Ruso-Turke në 1877-1878. Masha Pacolli ka ndodhur që të jetë stërmbesa e gjeneralit Mikhail Skobelev, i cili ka marrë pjesë në këtë luftë. Albana Vokshi, edhe pse me status diplomatik u keqtrajtua brutalisht në vendkalimin kufitar të Morinës nga policia e Hashim Thaçit. Masha Pacolli, e cila në 14 nëntor zbriti në aeroportin e Prishtinës, nuk kishte status diplomatik, e megjithatë ajo u trajtua nga personeli i aeroportit, i përbërë nga njerëz të Hashim Thaçit, se Pacolli ishte tashmë aleat i Thaçit. Ky është shteti ligjor i standardit të dyfishtë, i cili në fakt nuk e kishte me Albana Vokshin, por me Sylejman Vokshin, i cili i ndaloi shkijetë që të dilnin në Adriatik në 1878. Ajo që ndodhi në 14 nëntor në Morinë ishte paralajmërim i asaj që do të ndodhte në 22 shkurt në Kuvendin e Kosovës. Ajo çka ndodhi në 22 shkurt në Kuvendin e Kosovës, paralajmëron gjëra të këqija, paralajmëron 1998-1999, pa ndërhyrjen e NATO.

Artikull shumë interesant !

**kutje** · 25-02-2011, 19:43

Postuar më parë nga e panjohura

Nese jeni nga Kosova,vertet keni kendua mire!(Per vete)Mjere Kosova qe ka nje njeri si Ju qe nuk duani te formohen institucionet sa me pare!

Mjerra Kosove,oh E Mjera Kosove.
Kosove E Mjerra,jerra Kosove Oh.
Mjerra Kosove,oh E Mjera Kosove.
Kosove E Mjerra,jerra Kosove Oh.mjerra Kosove,oh E Mjera Kosove.
Kosove E Mjerra,jerra Kosove Oh.

Mjerra Kosove,oh E Mjera Kosove.
Kosove E Mjerra,jerra Kosove Oh.mjerra Kosove,oh E Mjera Kosove.
Kosove E Mjerra,jerra Kosove Oh.
Mjerra Kosove,oh E Mjera Kosove.
Kosove E Mjerra,jerra Kosove Oh.

Mjerra Kosove,oh E Mjera Kosove.
Kosove E Mjerra,jerra Kosove Oh.

**beni33** · 25-02-2011, 23:10

[QUOTE=e panjohura;3023373]LDK,AAK dhe VV-ja zgjodhen Z.Pacollin president!

[/QUOTE

votat kta nuk ja dhan pacovit oj e pa njohura
ata ishin jasht kuvendit votat ja dha pyyydykyyy
edhe pote ishin ne kvend LDK AAK L.V.V prap pacovi dote zgjidhej me kercnime siq e pa ter kosova live ne tv.
ju sigurisht keni deguar z.jakup krasniqin dhe z. fatmir limajn
no.. coment ju lumt ktyre dyve

**beni33** · 25-02-2011, 23:13

Postuar më parë nga Prishtina.C

Rifat Jashari më tha: Bëhu numri një i vërtetë i popullit të Kosovës!

Në intervistën ekskluzive për gazetën kombëtare “Bota sot”, presidenti Behjget Pacolli flet për synimin e tij që të jetë president i unitetit të popullit të Kosovës në mandatine tij presidencial.
I pyetur se a u është realizuar një nga qëllimet tuaja jetësore, mbase edhe njërën nga ëndrrat më të pambërrijtshme, për të qenë i pari i vendit, presidenti Pacolli ndër të tjerash u përgjigj:
“Mund të them se do të jem president i të gjithë Kosovës dhe i të gjithë qytetarëve të Kosovës, dhe të gjithë janë njësoj për mua, dhe do t’i trajtoj njësoj, do të punoj për të gjithë, pa marrë parasysh se çfarë etnie, çfarë përcaktimi politik kanë, çfarë shtrese të forcës blerëse i takojnë ata. Më bëri përshtypje porosia e bacës Rifat, kur vizitova familjen e Jasharajve. E kam konsideruar gjithmonë atë familje, një institucion real të shtetit tonë, ndaj kam kërkuar edhe para se të bëhesha president, që ajo familje së bashku me familjet e tjera të dëshmorëve të mëdhenj të lirisë dhe shtetësisë sonë, të kenë një përfaqësi në Prishtinë. E dini ç’më tha baca Rifat me një ndjenjë drejtësie që më preku shumë? Mundohu të bëhesh numri një i vërtetë i popullit të Kosovës! Shikoji të gjithë qytetarët e Kosovës në mënyrë të barabartë, pavarësisht etnisë, sepse asnjë vend nuk është i pastër etnikisht. Por, mos lësho asnjëherë pe, kur ta kërkojë e drejta! A nuk është kjo diçka fisnike, veçanërisht fisnike kur vjen nga përfaqësuesi i kësaj familjeje të madhe që ka përjetuar aq shumë dhimbje? Unë përkulem me respekt para kësaj familjeje, para të gjithë familjeve të heronjve të Kosovës, që i dhanë gjithçka të shtrenjtë popullit. Dhe do të punoj për amanetin e tyre.

mos rrej miletin baca rifat nuk beri as nje koment shum mir kuptohej paknaqesi e baces rifat per zgjedhjen e kti PRESEDNIKU PRO RUS

**Poeti** · 26-02-2011, 02:05

Ja pse Pacolli eshte zgjedhur kryetar me miratimin dhe ndihmen e pakursyer te ambassadorit Amerikan Christopher Dell:

Jeremic: Ndarja e Kosovës, opsion në qarqet ndërkombëtare

Shefi i diplomacisë serbe, Vuk Jeremic deklaroi se shumë personalitete nga komuniteti ndërkombëtar mendojnë se ndarja e Kosovës është një nga opsionet e mundshme.
“Ka gjithnjë e më shumë njerëz në qarqet ndërkombëtare të cilët e shohin se projekti i imponimit të pavarësisë së Kosovës ka rënë në vështirësi dhe se është e domosdoshme të gjendet ndonjë zgjidhje kompromisi. Shumë prej tyre konsiderojnë se ndarja mund të ishte një nga opsionet”, ka thënë Jeremic për shtypin serb, transmeton Gazeta Start. /Telegrafi/

Dhe kjo eshte dicka qe me politiken e tij pro serbe B. Pacolli do te ndihmoj te behet realitet.

**Poeti** · 26-02-2011, 02:11

Tahiri udhëheq bisedimet me Serbinë

Kryeministri i Republikës së Kosovës, Hashim Thaçi të enjten e ka emëruar zëvendëskryeministren Edita Tahiri udhëheqëse të delegacionit të Republikës së Kosovës për dialogun për çështje praktike me Republikën e Serbisë.
Në njoftimin për media thuhet se dialogu si shtete të pavarura dhe sovrane me të gjitha shtetet fqinje, përfshirë Republikën e Serbisë dhe zgjidhja e problemeve praktike në të mirë të të gjithë qytetarëve të rajonit është vlerë dhe standard evropian.

Ndërkaq, mediat më herët kanë raportuar se udhëheqës i ekipit serb në bisedimet me Prishtinën është emëruar zëvendësministri i Jashtëm i Serbisë, Borko Stefanovic.Ministri serb për Diasporën, Srdjan Sreckovic, është cituar të ketë thënë se Stevanovic do të jetë në krye të ekipit në dialogun e ndërmjetësuar nga Bashkimi Evropian.

Ndryshe, pas konstituimit të institucioneve të Kosovës, udhëheqësit vendor janë shprehur se janë të gatshëm për bisedimet e quajtura teknike me Serbinë, ndërsa kanë ritheksuar se nuk do të bisedojnë për çështjen e statusit dhe tërësisë territoriale.

Përfaqësuesja e lartë e Bashkimit Evropian, Catherine Ashton dhe komisioneri i BE-së për Zgjerim Stefan Fuele në deklaratën e përbashkët të një dite më parë mirëpritën përkushtimin e qeverisë së re ndaj dialogut mes Prishtinës e Beogradit.

“Këtu ne gjithashtu do të punojmë së afërmi me Kryeministrin dhe ekipin e tij të ri”, thuhej në deklaratë /Telegrafi/

**Brari** · 26-02-2011, 02:38

cfar eshte ky sulm kunder pacollit.

a eshte behxheti djal i kosoves..
po
a ka te drejte te punoje per kosove?
po
a i ka bo vec mire deri tash kosoves e rinise e puntorise kosovare?
po

cfar kini qe e sulmoni pa te drejte?

ta lejm te qete kte burr qe vec jep ne kosove..
tja shohim punen ne te ardhmen e pastaj me gjykue..

nuk eshte mire keshtu..

u ba president jo me dhun e pushk por me bisedime demokratike mes faktorit politik shqiptar i cili bazue ne votat qe ka marre e pa te arsyshme ta vendos behxhetin si president..

ne kto pak dit si president po tregon pjekuri e drejtesi e pa anshmeri..

mos demtoni kosoven..

..

**hajla** · 26-02-2011, 03:10

`~~~KOSOVE~~~~
"Kosove e mjera Kosov!
Kriminelat t'kan marr ne dore,
Kosove O lule Bozhur
(e veshur me te zez),
Te shkoi jeta gjithemon ne terr,
Ku i ke bijt o nan-kosove?
,,,,a mos gjumi ti ka nxan!
Ku i ke vashat shtat selvi
,,,,,trafikim tuj ba tregti
moralin shesin, per pasuri!
Po-kultura ku te mbeti?
...eshte bere mike, me peshqi n'deti!

A Harrove, qe je shqiptare
gjuhen,kombin,
Ilirin Dardane!!!
.....nder me shekuj u masakrove
Kurr LIRIN se fitove!
kesaj nan si thon liri,
demokraci,as pavaresi,
E kur Sot QEVERIA e venit
"Armikun,ta solli ne shpi"
...I ben nder ne kry te venit.

Sot LIRIS ia zhveshen kuroren!
Me 3 "gishta" ia çun doren
N'parlament rrin tuj kesh
Grue "shkina" po i shkel!
...ishte ky ni provokim,
Me qit n'kurth Liderin Albin.
Bravo Albin mbajte durimin..
Zavendsove Dr.Ibrahimin!
Dhe Ai shum mire e dinte,
...se kta jan vegel e serbise!
Mu per kte, si donte ne qeverisje,
nga i madh e i vogel, merrte kritik
Opozit e Pozit..
Ni dite pas shpinde,ia dhan thik!

Mire i ndjeri e kishte dite,
Se s'kan b....me qeveris,
e ky popull eshte hasdis,
Sa me i parti,sa me i parti..
Jepin voten pa mendua,
dikush per qefe, dikush per inat!
(filli penit eshte bere lamsh),lol,
shue e shu, shkoin tuj fole,
Si n'mulli bluhen fjale...
...neper rruge e dyqane
Nen forume virtuale

Kush se flet realitetin
veq per t'ia bere,QEVERISE qefin!
Qesaj pune qefe si thon,
Me fatin e Kosoves tu bere loje!
Kosove moj nan Dardane..
kush po te lendon plagen,
E kush shtofin po ta pret?!
Me t'ra shplak loti s'po t'del,
..me helem te zi, (po t'mbushin goten)
E vraft Zoti "Begjet Pacollin"
Nese shkel mbi gjak deshmorit!.

Se kjo tok me s'eshte serbi,
Eshte Kosove eshte Shqiperi..!!
Ai qe shkel mbi kete fat
Kurr prej "Zotit" dite mos paft
Ki kujdes o Pacoll,
Me fatin e KOSOVES mos bej loje!
"Gruan sllave,(le n'rusi)
E perzem ate,dhe Ty..!!

......autore
Hajla Rugovase
DARDANIS.....

**Poeti** · 26-02-2011, 04:57

Postuar më parë nga Brari

cfar eshte ky sulm kunder pacollit.

a eshte behxheti djal i kosoves..
po
a ka te drejte te punoje per kosove?
po
a i ka bo vec mire deri tash kosoves e rinise e puntorise kosovare?
po

cfar kini qe e sulmoni pa te drejte?

ta lejm te qete kte burr qe vec jep ne kosove..
tja shohim punen ne te ardhmen e pastaj me gjykue..

nuk eshte mire keshtu..

u ba president jo me dhun e pushk por me bisedime demokratike mes faktorit politik shqiptar i cili bazue ne votat qe ka marre e pa te arsyshme ta vendos behxhetin si president..

ne kto pak dit si president po tregon pjekuri e drejtesi e pa anshmeri..

mos demtoni kosoven..

..

O Brari, po ku na dole ti njohes me i mire i B. pacolit se ne qe jetojme ne Kosove dhe qe e dijme shume mire kujt sa dhe si i ka ndihmuar. Nese kete e ka bere (pjesreisht eshte e vertete), e ka bere per te mbushur xhepat e tij dhe per te shperlar parat e fituar ane menyre te paligjeshme- padia eshte e hapur, besoj edhe kete e di).
Ne ketu po flasim per B. Pacollin si kryetar shteti e jo si biznismen, mos i perzini konceptet qe nuk kan lidhje njera me tjetren.
Ne e njohim shume mire, s'ka pse te na tregoj dikush qe nuk do ti bart pasojat e vendimeve te tij! Dhe neser do te ndalesh dhe te besh sehir me ato qe do te ndodhin ne dhe me Kosoven...sikur nuk eshte pjete e trungut te perbashket Shqiperise Etnike....

**e panjohura** · 26-02-2011, 05:02

Poeti,sa shum Ju ka politizua Afganistani,shum rralle ose fare nuk Ju kam lexua tek temat e politikes!

**Poeti** · 26-02-2011, 06:48

Postuar më parë nga e panjohura

Poeti,sa shum Ju ka politizua Afganistani,shum rralle ose fare nuk Ju kam lexua tek temat e politikes!

Nuk me ka politizuar Afganistani, por situata politike ne vend.
Ti se paku e din shume mire qe kam qene aktivisht i kyqyr ne politike, derisa politiken nuk e moren ne dore POLITIKUAJT, atehere une mora rrigen e gurbetit ne te cilen po keta POLITIKUAJ me derguan... Nuk po e bej se po ma kanda te merrem me politike, por se me plasen barkun me keto makinacione dhe lojra te paskurpullta.

**laburist** · 26-02-2011, 07:08

Po ta perkthente dikush do vepronte mire ....!

**halla mine** · 26-02-2011, 08:47

Revista britanike “Ecomonist”, duke u marrë me miqtë e Gadafit nga hapësirat e ish-Jugosllavisë, përmend edhe emrin e presidentit aktual të Kosovës Behgjet Pacolli

Kjo revistë kujton episodin poshtërues të vitit të kaluar me rastin e vizitës së delegacionit të AKR-së në Libi. “Në Ballkan u diskutua gjatë kur Pacolli dërgoi një delegacion të madh të kosovarëve në Libi, si pjesë e përpjekjes për t’ia ndryshuar orientimin pro-serb, dhe për ta bërë atë që të njohë pavarësinë e Kosovës. Në një pikë të agjendës, i gjithë delegacioni u dërgua në mes të shkretëtirës për ta takuar liderin libian. Me të arritur, Gadafi urdhëroi ata që të këndonin dhe të kërcenin. Kur ata u lodhën dhe u ndalën, u qortuan nga një ndihmës. Më vonë koloneli i mirë u tha se mund të ndalonin, para se t’i linte për të shtuar se ai kurrë nuk do ta njohë pavarësinë e Kosovës derisa liderët e tyre vazhdojnë të mbesin kukulla të Amerikës. Me këtë kosovarët e poshtëruar u kthyen në shtëpi”, përfundon artikulli i “Economist”.

haaaaaaaaaa ha haaa.........

**ARIANI_TB** · 26-02-2011, 09:36

Pacolli loboi t’ia jepte PTK-në këshilltarit Pushkar
Publikuar: Sot, më 26 shkurt 2011

Prishtinë, 26 shkurt - Presidenti i vendit, Behgjet Pacolli në gushtin e vitit të kaluar kishte kundërshtuar mënyrën e privatizimit të Postë-Telekomit të Kosovës. Ai kishte ofruar si alternativë që PTK-ja t’i jepej nën menaxhim partnerit të tij të biznesit Esad Pushkar. Këshilltari i presidentit Pacolli, përveç që është pronar i firmës italiane “Mabco”, është përfaqësues në tregun ndërkombëtar i “London Capital Market”, një institucion financiar me bazë në Londër, të cilin vitin e kaluar presidenti aktual e kishte prezantuar si biznes të cilit duhej dhënë nën menaxhim PTK-në. Ideja e tij ishte kundërshtuar nga Qeveria e kaluar. Oferta alternative e Pacollit, sipas tyre, nuk ishte më e favorshme se sa mbledhja e 300 deri në 600 milionë eurove nga shitja e 75 për qind të aksioneve të VALA-s e Telekomit të PTK-së. Pacolli e kishte menduar si ofertë për Qeverinë që LCM-ja e partnerit të tij të biznesit dhe këshilltarit të tij Pushkar t’i jepte një kredi prej 400 milionë eurosh Qeverisë, në shkëmbim të menaxhimit të PTK-së për një periudhë prej gjashtë vjetësh. Për këtë i kishte dërguar letër Qeverisë, ndërsa publikisht mundësinë e marrjes nën menaxhim të PTK-së nga ky institucion financiar e kishte prezantuar zv.presidentja e AKR-së, Mimoza Kusari-Lila. Në foto shihet Pushkar me Thaçin, pastaj me Pacollin, si dhe gjatë seancës së Kuvendit të Kosovës afër ambasadorit Christopher Dell. Nuk dihet pse dhe nga kush, por në Google fotot e përbashkëta mes Pacollit dhe Pushkarit janë suspenduar.
Të plotë këtë shkrim mund ta lexoni në numrin e sotëm të Kohës Ditore.