FMN-Qeverise: 6 kushte te reja per 2004
Ministri i Financave Kastriot Isalmi, zbardhi nje dite pas nenshkrimit te marreveshjes me FMN, gjashte kushtet qe qeveria shqiptare duhet te plotesoje per riperteritjen e marreveshjes me institucionin financiar nderkombetar. FMN: Zgjidhja e krizes energjitike, lufta ndaj korrupsionit, reformat ne privatizim, sfidat e qeverise per kete vit
Blerina Hoxha
Jane me shume se tete kushte te reja qe Shqiperia duhet te permbushe per riperteritjen e marreveshjes se ardhshme me Fondin Monetar Nderkombetar. Reformat ne administrimin e te ardhurave, lufta ndaj korrupsionit, ulja e kufizimeve energjitike, reformat per procesin e privatizimit, dhe te tjera kushte qe kane te bejne uljen e ekonomise informale, duket se do te jene sfida per nenshkrimin e marreveshjes per vitin 2004 me Fondin Monetar Nderkombetar. Kushtet u shpallen dje gjate nje konference te perbashket per shtyp te Ministrit te Financave, Kastriot Islami dhe perfaqesuesit te Perhershem te FMN ne Shqiperi, Jan Peter Olters, nje dite pas nenshkrimit te Memorandumit te Mirekuptimit ndermjet Shqiperise dhe Fondit. "Arritja dhe ruajtja e nje rritje ekonomike te larte do te mbeshteteshin ne implementimin me perpikmeri te nje sere reformash strukturore per te permiresuar klimen e biznesit. Ne kete kontekst, lufta kunder korrupsionit dhe permiresimi i qeverisjes jane te nje rendesie te padiskutueshme, dhe ne nxisim autoritetet per te intensifikuar perpjekjet e tyre ne keto fusha. Gjithashtu autoritetet duhet te vazhdojne perpjekjet per eleminimin e nderprerjeve te energjise elektrike, me reforma dhe formula ne bashkepunim te ngushte me Banken Boterore", thuhet ne deklaraten e Bordit te Drejtoreve te FMN-se. Ndersa deri ne janarin e vitit tjeter, periudhe ne te cilen riperterihet marreveshja me FMN, qeveria shqiptare duhet te kete rezultate konkrete ne luften per parandalimin e pastrimit te parave, konkretizim me reformat e privatizimit te Bankes se Kurimeve, INSIG dhe Albtelekom. Po keshtu Fondi Monetar Nderkombetar ka vlersuar gjate mbledhjes se posacme per Shqiperine, se duhet te permiresohet ndertimi te dhenave per llogarite kombetare. FMN ka keshilluar se te gjitha keto reforma qe te realizohen duhet te shoqerohen me nje program aktiv masash. Keshtu fill pas marreveshjes se nenshkruar dje, qeveria shqiptare mund te disbursoje rreth 5 milione dollare per financimin e bilancit te pagesave qe FMN i jep ne kuadrin vjetor te nenshkrimit te marreveshjes. Kete vit marreveshja me institucionin financiar nderkombetar u firmos me nje muaj vonese, pasi qeveria nuk arriti te plotesoje nje nga tre kushtet themelore, qe kishte te bente me mbylljen e dyqaneve te tregtimit pa taksa Duty Free Shoops. Prania e FMN-se ne Shqiperi pervec asistences teknike dhe vlerave simbolike monetare eshte nje pasaporte sigurie per kompanite e huaja qe interesohen per tregun shqiptar.
Krijoni Kontakt