Maqedoni, mafia trafikon reliket e shqiptarëve

[iliria e para]

Kohët e fundit në Maqedoni është zbuluar një grup kriminal që trafikonte vepra arti të trashëgimisë kulturore në këtë shtet, ndërkohë që specialistë shqiptarë konfirmojnë se shumë nga këto vepra të zhdukura i përkasin trashëgimisë kulturore të shqiptarëve që banojnë në Maqedoni. Ka qenë një aksion i policisë maqedonase i koduar "Falanga", që ka zbuluar grupin kriminal prej 29 anëtarësh në fund të vitit 2010, të cilët kanë grabitur vepra të trashëgimisë kulturore në zonat e njohura arkeologjike të Maqedonisë si në: Vallandovë, Negotinë, Prilep, Shkup, Velesh, Kërçovë, Demir Kapisë dhe në atë të Dorjanit. Zhdukja dhe trafikimi disa relikeve e objekteve të kulturës shqiptare, u mësua ditët e fundit nga hetimet në proces.
TRAFIKANTET
Burimet zyrtare kanë konfirmuar se grupi i "Mafies arkeologjike" përbëhet nga 29 persona. Mësohet se shumë nga këto objekte që ka trafikuar, kjo organizatë kriminale i ka zbuluar vetë në këto qendra arkeologjike me teknikë moderne kërkimi, si sonda dhe teknikën-bashkëkohore dhe më pas i kanë shitur në tregun e zi nëpër vende të ndryshme të botës. Vetëm dy prej të arrestuarve të grupit të trafikantëve iu është gjetur dhe u janë sekuestruar një pajton (karrocë) e bronztë, që është përdorur për ceremoni varrimi solem, që i përket shekullit të dytë të erës sonë. Gjithashtu, janë gjetur edhe shumë materiale të periudhës romake si dy ikona dhe një numër i madh monedhash… Ndërkohë që ndaj të arrestuarve do të nisi një proces i gjerë gjyqësor. Të dyshimtë në këtë grup kriminal janë edhe disa arkeologë.
RELIKET SHQIPTARE
Por e veçanta është se midis objekteve të shumta që janë sekuestruara në policia janë edhe shumë objekte që i takojnë trashëgimisë kulturore të shqiptarëve në Maqedoni si "menada tetovare", "kali mbretëror" si dhe shumë statuja dhe zbukurime në qeramikë. Kështu nga gërmimet që ky grup ka bërë në varrezat e lashta të Demir Kapisë, kanë zbuluar shumë objekte me vlerë. Në këto varreza është grabitur një krater i tërë i bronztë i gjatë 1m e 10 cm i grabitur dhe trafikuar nga kjo varrezë dhe i shitur në një ankand në Nju Jork nga trafikantët maqedonas dhe i blerë nga një familje e njohur hebrejsh Sheldi. Në Demir Kapi janë gjetur edhe shumë objekte me vlerë, të cilat janë dërguar në Serbi, Zvicër, Angli etj. Për zbulimin e këtyre objekteve është vënë në ndjekje të tyre edhe Interpoli, të cilët kanë zbuluar Kraterin e bronztë të grabitur në Demir Kapi. Ish-drejtori i monumenteve të Kulturës në Maqedoni, Jovan Ristov pas skandalit ka deklaruar se trafikimi i veprave të artit është kryer nga një mafia arkeologjike, e cila ka punuar me harta profesionale arkeologjike duke i zbuluar dhe më pas duke i trafikuar këto vepra me vlera arti. Lidhur me problemin, u prononcua dhe Pasko Kuzman, drejtori aktual i arkeologjisë në Maqedoni. "Është një ngjarje e rëndë. Unë personalisht nuk besojë që arkeologë profesionistë të jetë të përfshirë në këtë histori. Gjithsesi, pritet përfundimi i hetimeve", - pohoi ai për "Gazeta Shqiptare".
http://www.balkanweb.com/gazetav5/artikull.php?id=91897

[freiheit]

ata vjedhin, na poshterojne, na marrin neper kembe historine, dhe ne rrime, ata tallin b****n ne rrime, mortja qe s'na ha te gjithve.