Fiks Fare: Foto te familjes Berisha me femijet e Enver Hoxhes

[bamatat]

E "verteta" e Liljanes dhe e verteta e mashtruesve qe qendrojne pas saj !

Jane artista si Nexhmija dhe Ramizi ! Ta shtrin kabllin dhe s'e merr vesh nga te vjen korrenti ! Ha....ha...ha...

[Xhuxhumaku]

E mer Kat;ta pyesim edhe Liljanen,nuk i dihet,mbase na e shpegon se kush ka qene Nexhmia,Ramizi,e Saliu..etj etj....(edhe gjyqet per kafe).

u the me mire te pjesim rajersonin, o serafim,...



gjyqet per kafe u bene per ti bo marketing lori kafes dhe illi kafes, mendoj se do thote busavata

[Duaje Siveten]

kryeministri shqiptar pritet te mare çmimin Nobel per misionin humanitar te shpetimit te femijeve te liljana hoxhes, "derguar" peng tek fideli ne havana ...

ramizit duhet ti jete kerkuar te dorezoje çmimin e kampionit per ushqimin e Shqiperise, per tia kaluar kryeministrit sali berisha, i cili i veshi, i mbathi, i ushqeu, i ngrohu, i ujiti, votoi per shumicen e Shqiptareve edhe ne zgjedhjet e fundit, i la ne dere duke trokitur per kandidat te BE, u dha levizjen e lire ne Schengen (ua rrembeu europian-perendimoreve) ...

oh sa mire me ken ...

[juanito02]

Mir i tha komunisti Ruci ne parlament Salise.
Dy veta ke ne bote si veten tende Kastron, Hugo Chavez.
Ka tre ne fakt se ka harruar Ruci Kim Jong Il te Korese se Veriut.

Di luane Sot ka bota
Nje Azia nje Evropa
Kim Jong Ili ne Kore
Dhe Saliu eshte te ne
Jan dhe di ne Amerike
Po luanet i kan frike
Dhe nuk dalin dot ne gare
Se luanet jane barbare

[Albo]

te pjesim liljanen e hoxhajve thom u ;)

Liliana Hoxha: Fotot me Berishën, në datëlindjen e dytë të tim biri

Intervistoi: Habjon Hasani

Tiranë- Liliana Hoxha, e njohur tashmë mediatikisht për frymën kritike ndaj pjesës tjetër të familjes, ka pohuar mbrëmë për MAPO-n rrethanat në të cilat u bënë fotot që kanë zënë faqet e para të gazetave. Në këtë intervistë ajo tregon se fotot janë bërë në Pogradec, kur ajo vetë ka ftuar Sali Berishën dhe bashkëshorten e tij në datëlindjen e dytë të djalit të saj Shpatit.

Zonja Hoxha, ju keni dërguar një deklaratë publike në media, ku pretendoni se fotot tuaja familjare së bashku me familjen Berisha janë përdorur, ose më saktë keqpërdorur politikisht. Jemi të interesuar të dimë diçka më shumë. Pse mendoni se janë keqpërdorur?

Shpesh dalin në shtyp të dhëna mbi personazhe, por unë, kur jam njohur me daljen e këtyre fotove, jam ndjerë e befasuar dhe e lënduar.

Cila është arsyeja e këtij lëndimi?

Sepse ata, për të arritur qëllimet e tyre politike, nuk duhet të na përdorin ne.

Gjithsesi, duhet thënë se këto foto kanë tërhequr së tepërmi interesin e publikut znj. Hoxha...

Padyshim, padyshim. Por është edhe një gjë. Kjo marrëdhënie jona nuk është fshehur ndonjëherë. S’e kam fshehur kurrë unë, e kam thënë edhe më përpara. Unë i kam thënë me kohë këto gjëra dhe fakti që bëjnë sikur nuk i kanë dëgjuar, nuk më pëlqen. Unë e kam thënë me kohë që për ata që më kanë ngacmuar drejtpërdrejt, kam reaguar duke shfaqur dhe anën familjare apo personale të miqësisë. Domethënë, kohën kur miqësia ishte shumë e ngushtë.

Zonja Hoxha, na e shpjegoni më qartë këtë thënie tuajën, mbi kohën kur miqësia ishte shumë e ngushtë?

E kam fjalën për personazhet e sotëm. Në rastet kur shoqëria në të kaluarën, me këta personazhe ka qenë shumë e ngushtë dhe ata pas ‘90-ës kanë ngacmuar politikisht dhe bëhen më të egër, pas revanshit, atyre që kanë atakuar, u jam përgjigjur. Duke u bërë të qartë se ne njihemi dhe nuk është mirë që bëni kështu. Në këtë sens, kam folur edhe për Kryeministrin, kam thënë që Kryeministri nuk më ka ngacmuar personalisht. Domethënë është çështje parimi, kufiri që nuk e kam shkelur ndonjëherë, të ngatërroj miqësinë në rang personal me politikën.

Zonja Hoxha në ç’vit janë bërë ato foto?

Ato duhet të jenë bërë kur kam festuar dyvjetorin e djalit, të Shpatit. Ne rrinim në Pogradec zakonisht në atë kohë. Në Pogradec ka ardhur, mesa duket, të pushojë dhe Berisha. Dhe unë, shumë e prirur drejt miqësive dhe për të festuar me miq, ata ishin me fëmijët e tyre, thashë pse jo. E kam ftuar Sali Berishën me të shoqen dhe fëmijët.

Keni qenë ju që e keni ftuar Kryeministrin e sotëm aty?

Po, e kam ftuar unë.

Keni patur raste të tjera takimesh familjare përveç këtij, zonjë?

Ne kemi patur miqësi pra, unë këtë po them, nuk jam duke fshehur që kam patur miqësi. Por nuk kam patur rastin më parë ta shpalos këtë miqësi.

Zonja Hoxha, çfarë keni menduar gjatë këtyre viteve, kur Berisha sulmonte në mënyrë të përsëritur Bllokun?

Atëherë unë po të them se kjo është një çështje për t’u ulur e për të folur gjatë. Jo për të folur vetëm për Berishën, po për gjithçka që ka ndodhur. Kjo është çështja. Por Berisha për mua nuk përfaqëson asnjë gjë përveç se është një i njohuri im, një nga të njohurit e vjetër. Kur të gjithë më kthyen shpinën dhe janë sjellë mizorisht, Berisha hipi në krye të partisë, mori kontrollin e së djathtës, e djathta dihej që do ishte revanshiste dhe vetëm kaq. I kam parë shumë politikisht gjërat dhe privatisht nuk më kanë interesuar.

Megjithatë, si e vlerësoni Berishën e sotëm, në krahasim me Berishën që keni pasur dikur mik?

Me atë merruni ju. Mua po më habit se përse kohët e fundit ka një vëmendje të madhe ndaj meje dhe tim shoqi. Unë kam 10 vite që dal në shtyp dhe që them që ka pushtim të brendshëm dhe janë po ata që kanë qenë dikur në pushtet, kam kundërshtuar këtu edhe Berishën, por duke filluar nga Ramiz Alia, i pari. Ndërsa sot ju më bëni një pyetje të tillë. Nuk ka ç’më duhet Berisha mua, për mua ka rëndësi Ramiz Alia dhe të tjerët, pse dolën ata kundër Enverit dhe kundër Shqipërisë në atë kohë? Kjo është ajo që unë kam. Unë jam e majtë dhe Berisha është i djathtë, është në krye të të djathtëve.

Zonja Hoxha, përgjatë këtyre viteve është folur shumë mbi sponsorizimin e klasës së sotme politike nga nomenklatura komuniste? Pas publikimit të këtyre fotove, a mendoni se mund të thuhet edhe për Berishën kjo gjë?

Absolutisht jo. Nga kjo jo, se, nëse ai lundronte në liqenin e Pogradecit, nuk lundronte me dëshirë të Nexhmie Hoxhës apo Enver Hoxhës. Ai lundronte aty vetëm me dëshirën time dhe të Sokolit. Por unë e kam thënë, Blloku është politika sot, në të majtë dhe në të djathtë. Nuk jemi vetëm unë edhe Sokoli, ne jemi delja e zezë e Bllokut dhe e socialistëve. Quhemi tradhtarë. Në këtë rast mua nuk më intereson fare Kryeministri, mua më intereson çështja. Më intereson imazhi im dhe nuk dua të më përdorin mua, kur duan të luftojnë Kryeministrin. Se unë Kryeministrin e luftoj vetë.

Në këndvështrimin tuaj, cilat kanë qenë marrëdhëniet e Berishës me Bllokun?

Unë besoj që gjatë diktaturës ai për mbijetesë ka patur pozicion të spikatur në marrëdhënie me Bllokun. Sepse është karizmatik, është natyrë e tillë, është realisht i zoti. Kështu që, me aq sa mundet, ka një integritet, një energji të vetën, një kundërshti të vetën. Është nga këta njerëz.

Po ju vetë, si e mbani mend Berishën në atë kohë?

Shumë i përgatitur, shumë i gjallë, shumë energjik. Unë po flas për të si individ, por politika pastaj dihet si është.

mapo e madhe,...;)

Shoqja Liljana, mos u tall me socialistet e rruges, leri te gezohen e lepihen me fotot. Eshte e vetmja gje qe mund te gezojne ne keto momente, te na e nxjerrin Berishen komunist si vetja.

Dhe eshte interesante ne fakt: ngadhenjimi i socialisteve te sotem shqiptare me fotot me lart, nuk vjen nga fakti qe po e anatemojne Berishen me elektoratin e tyre te djathte, perkundrazi. Ngadhenjehen, pasi ne ato mendjet e tyre, fotot e tilla si keto me lart, e nxjerrin Berishen "komunist si ne".

Dhe ajo qe me dhuron mua buzeqeshje, eshte fakti qe keta capacule socialiste qe terhiqen prej hunde nga mediat e Edvin Rames, kujtojne se keto fotot me lart do te rrenojne elektoratin e djathte te Berishes pasi ky eshte komunist e demokrat. Harrojne qe ne te njejten kohe, fotot me lart e bejne Berishen "te pranueshem" per ate elektoratin e majte socialist, qe vuan nga nostalgjia per figurat e byrose komuniste. Ne mendjet e tyre, "Berisha eshte nje prej tyre...".

Kur e moren ne telefon nje pensionist te thekur socialist, qe kish votuar per PS ne te gjitha zgjedhjet, se per ke do te votonte ne zgjedhjet e fundit parlamentare, ky u pergjigje per habine e njerezve te PS qe e moren ne telefon:

- Do votoj per Berishen!
- Xhaxha, po Berisha eshte djalli me brire, .... (i numeruan 100 te keqija).
- E di, po ai ma rriti pensionin!

Edhe xhaxhai, edhe pse u lind e thinj nen komunizem, e kuptoi me fund politiken. Ajo nuk eshte e ngritur mbi propaganden boshe te fotografive e llafollogjise, ajo eshte e ngritur mbi interesa. Interesi i xhaxhait ishte pensioni.

Po interesi i atyre qe sulmojne Berishen cili eshte?

Ta perdorin pushtetin jo per tu ardhur ne ndihme njerezve, por per tu pasuruar sa me shume. E sulmojne Berishen, pasi ai po shkaterron simbiozen e frikshme te politikes me krimin e organizuar ne vend. Per keta njerez, Berisha duhet rrezuar, para se ligji te na hedhi hekurat e te na nxjerri ne drite te gjitha aferat kriminale.

Albo

[brooklyn2007]

BOOMERANGU MBI GJOL


Këto ditë mediat opozitare kanë bërë publike dy foto të kryeministrit të Shqipërisë Sali Berisha, në shoqëri intime të familjes së djalit të Enver Hoxhës, Sokolit.

Që mjeku kardiolog Berisha ka qenë një courtier i bllokut në ato vite, këtë gjithkush e di, me përjashtim të militantëve të PD-së; prandaj nuk them dot se fotot, të paktën mua, më habitën.

Shto këtu edhe që, në parim, unë jam kundër botimit të fotove private kundër dëshirës së pronarëve të tyre; por si gjithnjë në raste të tilla për mediat e Tiranës, burimi mbetet i panjohur.

Megjithatë, tani që fotot qarkullojnë dhe komentohen, besoj se ka vend edhe për një analizë, sado të pjesshme, të përmbajtjes dhe të efektit të tyre, përtej bllok-manisë që i ka kapur politikanët tiranas.

Para së gjithash, Berisha spikat në rolin e vet, tashmë të diskutuar në këtë blog, të një oborrtari të bllokut; njeri që do të jetë gjykuar si absolutisht i sigurt, për t’u lejuar – në barkë – me të birin e Enverit (nga pozitat e të sotmes, më tepër se i sigurt do të gjykohej si absolutisht i padëmshëm).

Nga ana tjetër, mes bllokmenëve të atij vakti, Sokol Hoxha ka qenë nga më padëmshmit vetë; i papërzier e i papërlyer politikisht, i lidhur me kupolën për shkak të gjakut, jo zellit militant as frikës. Që është shoqëruar me të birin e Enverit nuk është se ia cenon, sado pak, résumé-në tonit, po ta krahasosh me ca të tjerë, që në atë kohë rrinin me gjithfarë hetuesish e qelbësirash të tjera të policisë sekrete.

Fotot mbështetin, në mënyrën e tyre, një mendim që kam shprehur më parë, se një ambicioz pa mbështetje nepotike në kryeqytet, si Berisha, nuk kishte rrugë tjetër për t’u afirmuar në elitat tiranase të viteve tetëdhjetë, përveçse duke iu bashkëlidhur princave si Sokol Hoxha. Për këtë arsye, edhe pozicionimi i tij i sotëm kundër bllokut është fund e krye qesharak.

Vëreni pozimin e tij në fotot, intensitetin e heshtur të vështrimit, shtangien e supeve, këmishën me mëngë të gjata, flokët e skulpturuara; më tepër se sa pjesë e shoqërisë së lartë, ai njeri ka qenë një statujë në sfond si ato nimfat prej gipsi që hijeshojnë hauzet në parqet e pallateve mbretërore, ose element praktikisht anonim i dekorit të përgjithshëm.

Asnjë e keqe deri këtu; madje të qenët oborrtar as përjashton mundësinë që Berisha, që në atë kohë, të jetë ndier krejt i zhgënjyer nga propaganda totalitare e regjimit. (Nuk besoj të ketë pasur njeri me shkollë dhe të mençur, në Shqipërinë e asaj kohe, që të mos i ishte përzier tashmë nga kutërbimi i gënjeshtrës që vinte prej kupolës.)

Çfarë ndodhte, në rrethana të tilla, ishte tipikisht dyzimi midis privates dhe publikes, madje më keq akoma, normalizimi i kësaj ndarjeje më dysh, ose shumëzimi të personalitetit. Pakënaqësitë, zhgënjimet, neveritë ndaj regjimit i përkisnin një dimensioni; veprimtaria publike një dimensioni tjetër.

Që mjeku Berisha kishte zgjedhur të përdorte miqësinë me pinjollë të kupolës si Ilir Hoxha, kjo nuk na thotë asgjë, absolutisht asgjë, për çfarë kishte ai njeri në mendje aso kohe.

Të kthehemi tani te fotot, ose më mirë, te efekti i botimit të tyre të tanishëm. M’u duk se pikasa një lidhje, jo vetëm kohore, midis deklaratës së deputetit të PS-së Braçe, për një CD me kërcënime që i paskësh mbërritur nga një farë Kadriovski (po ku i gjejnë këta emra xhanëm?), dhe fotove të publikuara një ditë më pas.

Çfarë lidhjeje? Pikërisht që këto goditje dhe kundërgoditje ndjekin njëra-tjetrën, si në një lojë shahu. Logjika ta do që Fiks Fare (emisioni që i bëri fotot publike i pari) t’i ketë pasur fotot prej kohësh; prandaj ka vend të pyetet pse u zgjodh pikërisht momenti i tanishëm për t’ua treguar njerëzve.

Teoricienët e komploteve do të nxirrnin përfundimin se një shantazh sapo ka dështuar; por ky përfundim është fund e krye spekulativ.

Mbrëmë, në Kuvend, Berisha tha gjëra të çuditshme, të denja për monolog në një pjesë teatri absurd; për testamente, varrime dhe vdekje. Nëse ka pasur ndonjë shantazh pas atyre fotove, që ka dështuar këtë s’e dimë; por dimë me siguri që komunikimi mes forcave politike ka mbërritur një kuotë të re nën zero; loja në Kuvend mund të cilësohet tashmë si me shumë negative – siç e tha mirë Piftoja në një koment këtu, Kuvendi është katandisur në një “pjesë të hapësirës publike ku realizohet faktikisht moskomunikimi i palëve politike gjatë procesit të qeverisjes.”

Po çfarë i kumtojnë publikut ato foto, përtej informacionit, tashmë redundant, për Berishën ish oborrtar të Bllokut? Tek e fundit, për brezin e ri, Sokol Hoxha nuk është veçse një relike kurioze e komunizmit si ballo me maska, ose karneval i Shqipërisë së vjetër; edhe vetë pamja e varkës në gjol nuk konoton luks, as arrogancë pushteti, por më tepër një relaksim pothuajse viktorian, prej aristokratësh që duan t’i largohen qytetit, politikës dhe faqes 2 të gazetës “Zëri i Popullit”.

Siç e kam vënë re edhe në një koment dikur, për një foto të ngjashme të kryeministrit të sotëm me Hysni Kapon të bërë publike para zgjedhjeve të fundit parlamentare, dokumente të tilla kanë për efekt kryesor të dëshmojnë sa i vjetër është Berisha; jo aq në moshë sesa si produkt që i ka kaluar tashmë data e skadimit; madje aq i vjetër, sa t’u krijojë të rinjve përshtypjen se kanë një dinosaur mbi krye, qoftë edhe vetëm në kuptimin e mirë të fjalës.

Paradoksalisht, kjo mund të jetë edhe pikërisht çfarë duan nostalgjikët e së djeshmes, që përndryshe votojnë mekanikisht PS-në në çdo zgjedhje.

http://xhaxhai.wordpress.com/2010/12...angu-mbi-gjol/

[juanito02]

Shoqja Liljana, mos u tall me socialistet e rruges, leri te gezohen e lepihen me fotot. Eshte e vetmja gje qe mund te gezojne ne keto momente, te na e nxjerrin Berishen komunist si vetja.

Dhe eshte interesante ne fakt: ngadhenjimi i socialisteve te sotem shqiptare me fotot me lart, nuk vjen nga fakti qe po e anatemojne Berishen me elektoratin e tyre te djathte, perkundrazi. Ngadhenjehen, pasi ne ato mendjet e tyre, fotot e tilla si keto me lart, e nxjerrin Berishen "komunist si ne".

Dhe ajo qe me dhuron mua buzeqeshje, eshte fakti qe keta capacule socialiste qe terhiqen prej hunde nga mediat e Edvin Rames, kujtojne se keto fotot me lart do te rrenojne elektoratin e djathte te Berishes pasi ky eshte komunist e demokrat. Harrojne qe ne te njejten kohe, fotot me lart e bejne Berishen "te pranueshem" per ate elektoratin e majte socialist, qe vuan nga nostalgjia per figurat e byrose komuniste. Ne mendjet e tyre, "Berisha eshte nje prej tyre...".

Kur e moren ne telefon nje pensionist te thekur socialist, qe kish votuar per PS ne te gjitha zgjedhjet, se per ke do te votonte ne zgjedhjet e fundit parlamentare, ky u pergjigje per habine e njerezve te PS qe e moren ne telefon:

- Do votoj per Berishen!
- Xhaxha, po Berisha eshte djalli me brire, .... (i numeruan 100 te keqija).
- E di, po ai ma rriti pensionin!

Edhe xhaxhai, edhe pse u lind e thinj nen komunizem, e kuptoi me fund politiken. Ajo nuk eshte e ngritur mbi propaganden boshe te fotografive e llafollogjise, ajo eshte e ngritur mbi interesa. Interesi i xhaxhait ishte pensioni.

Po interesi i atyre qe sulmojne Berishen cili eshte?

Ta perdorin pushtetin jo per tu ardhur ne ndihme njerezve, por per tu pasuruar sa me shume. E sulmojne Berishen, pasi ai po shkaterron simbiozen e frikshme te politikes me krimin e organizuar ne vend. Per keta njerez, Berisha duhet rrezuar, para se ligji te na hedhi hekurat e te na nxjerri ne drite te gjitha aferat kriminale.

Albo

A i ziu ti o albo
Tani qe i erdhi fundi Salise te doli dhe ty boja qe smarrke vesh nga dynjaja
Pavaresisht gjuhes tende te moderuar qenke dhe ti me zyze kali qe i dalloke shqiptaret ne demokrate e socialiste.
Akoma se ke mare vesh qe ne Shqiperi ska as demokrate as socialiste.
Akoma se ke mare vesh qe jane zogjte e Alise qe gjoja kane nderruar sistemin.

[bamatat]

Kete vit Shqiperia kaloi dhe Gjermanine per rritjen e prodhimit kombetar dhe te ardhurave !

Keshtu qe te na rroje Partia e Punes qe na ka pergatitur udheheqes kaq rezultativ dhe te mencur Si Sala & co ! Hallall Sokolit dhe Liljanes qe benin kuplara me Saliun dhe Lirien (Sllobodanken) etj. dhe i kane stervitur se si rritet mireqenia e popullit ! Ha...ha...ha...


Kur do ta bejme kongresin e fitorjeve mo ? ha....ha....ha.

Te na rroje Partia dhe te na leje pas !

Kesaj i thone fshati digjet dhe Sala krihet !

[drague]

Kete vit Shqiperia kaloi dhe Gjermanine per rritjen e prodhimit kombetar dhe te ardhurave !

Keshtu qe te na rroje Partia e Punes qe na ka pergatitur udheheqes kaq rezultativ dhe te mencur Si Sala & co ! Hallall Sokolit dhe Liljanes qe benin kuplara me Saliun dhe Lirien (Sllobodanken) etj. dhe i kane stervitur se si rritet mireqenia e popullit ! Ha...ha...ha...


Kur do ta bejme kongresin e fitorjeve mo ? ha....ha....ha.

Te na rroje Partia dhe te na leje pas !

Kesaj i thone fshati digjet dhe Sala krihet !

nuku u lodhe bre bamke?

po vdiq ky miku ?? ça leshin do na serviresh???""

"operacioni zjarri"

[shoku_tanku]

N.q.f.s. do vazhdojmë akoma me biografitë...nuk e kuptoj pse ata që mbrojnë kauzën socialiste,i kanë kaq qef biografitë.
Na paska dalë me Enverin!E çë pastaj?Edhe Enveri ishte një shqiptar që ka pozuar me qindra e me mijra njerëz.
Nuk besoj se del gjëkundi pasi të kapesh pas një fotoje.Është kohë e harxhuar keq dhe me inat të pakuptimtë!

Ne fakt edhe kryeministri yne nuk mbetet mbrapa per qendisma biografish megjithese nuk eshte nje mbrojtes i kauzes socialiste,ose te pakten keshtu thote.Eshte shume e drejte ajo qe thua ti se politikanet tane nuk duhet te humbin kohe me te tilla idiotesira duke lene detyrat e tyre pas dore.Megjithese ata punen e tyre"zhvatjen"nuk e lene per asnje moment pas dore nderkohe qe per te "punuar" te qete,hedhin fishekzjarre te tilla per konsum popullor.Nje opozitar ideal nuk servir thiatro te tilla per te nxire imazhin e kryeministrit te tij por ama edhe nje kryeminister ideal nuk genjen popullin e tij si ne rastin kur Berisha i cilesoi keto foto si te montuara pasi te gjithe e dime se retushuesit e bllokut qene te specializuar per te fshire njerez nga fotot dhe jo per te shtuar...

[bamatat]

nuku u lodhe bre bamke?

po vdiq ky miku ?? ça leshin do na serviresh???""

"operacioni zjarri"

Hajt mo burre mos u merzit se per gallate po i themi (pavaresisht se eshte per te qare dhe jo per te qeshur ) ! As une prej kendej nga jam kurbetosur nuk e heq dot Salen dhe, tamam , tamam, kjo histori nuk eshte thjesht e Sales , por e dukurise saliste ! Dukuria si te mbahet peng nje komb i tere !

Te te bej nje pyetje : Pse valle ti je dakort me menyren si ndertohet demokracia ne Shqiperi ? Me kete "konfliktualitet" te sajuar , vetem per te mbajtur te percare njerezit , per te vjedhur me kollaj vendin ? Ca jane "shqiptare te ndershem" , ndersa pjesa tjeter 3/4 nuk na qenkan shqiptare ????? Nuk eshte ngulur asnje gozhde per vendin , jane prere pyje te tera dhe nje fije shkrepse nuk u prodhua ne Shqiperi , por vijne nga Bullgaria ????!!!! Shqipetaret nuk ndertokan dot shtet dhe institucione qe te mundet t'i sherbejne vendit dhe gjithe popullates ??? etj.etj. , madje shume gjera te mira qe mund te behen , nuk duan as para , por vetem vullnet !

E cfare te them se nuk kane te mbaruar gjerat negative dhe do behem vertet i besdisshem !

Po e mbyll duke te pershendetur .

[fotoni]

Kur e moren ne telefon nje pensionist te thekur socialist, qe kish votuar per PS ne te gjitha zgjedhjet, se per ke do te votonte ne zgjedhjet e fundit parlamentare, ky u pergjigje per habine e njerezve te PS qe e moren ne telefon:

- Do votoj per Berishen!
- Xhaxha, po Berisha eshte djalli me brire, .... (i numeruan 100 te keqija).
- E di, po ai ma rriti pensionin!


Albo

une e di ndryshe kete tregimin me xhaxha.
e moren ne telefon nje dite nje xhaxha dhe e pyeten:- kush ta fuste me shume enveri apo saliu-?
xhaxhai u pergjigj:- te dy sa krahu ta fusin por te pakten enveri e lyente me vaj ne fillim-.

[bamatat]

Kur e moren ne telefon nje pensionist te thekur socialist, qe kish votuar per PS ne te gjitha zgjedhjet, se per ke do te votonte ne zgjedhjet e fundit parlamentare, ky u pergjigje per habine e njerezve te PS qe e moren ne telefon:

- Do votoj per Berishen!
- Xhaxha, po Berisha eshte djalli me brire, .... (i numeruan 100 te keqija).
- E di, po ai ma rriti pensionin!

Albo

Epo nuk hoqen dore nga pensionet keta greket ! Ha.......ha.....ha..... Po pse mo me pensione do te vjedhi Saliu pasurite e vendit ? Pse mo sa vlera e pensioneve ben jugu dhe deti mo qe do tu fali grekeve , apo greket duan te marrin ?

Hajde njerez dy leksha hajde ! Kaq lire e paskeni shitur ju vehten , sa mendoni se te gjithe kaq lire shiten ?

[Station]

E bukura është se shkruajnë: "pse kapeni pas dy fotografive, gabim të kapesh pas tyre".
Unë shtroj pyetjen: po ju pse u kapët aq gjatë (dhe vazhdoni të kapeni) pas fotos së E.Ramës nudo në plazh??
Ah po, tani u kujtova atje kishit se ku të kapeshit dhe të mbaheshit fortë.

[Antimafia]

Nexhmije Hoxha, "Jeta ime me Enverin 2", Tiranë, 2004
... Enveri e mbështeti Kadarenë, e inkurajoi dhe kur e deshi rasti edhe e mbrojti nga dashakeqët a ziliqarët, në rrugën e tij të ngjitjes. Pas përmbysjeve, që ngjanë në Shqipëri, ai ndërmori një fushatë të padenjë për emrin e tij kundër Enver Hoxhës..."

Ndërsa z. Kadare i kundërpërgjigjet të vejes së diktatorit:

"Unë do i thosha që nuk ishim aq budallenj sa të ishim të sinqertë me ju. Natyrisht, shkrimtari ka detyrë të jetë i sinqertë me homologun e vet - njeriun, por jo me bishën e egër. Kur përpara i del bisha, shkrimtari ka të drejtë të mbrohet. Ata ishin bisha të egra, ishin vrasës, ishin tjetër racë nga neve. Ne nuk kishim asgjë të përbashkët. Prandaj unë mundohesha vetëm të jem i kujdeshëm sa të mos më zhdukin, asgjë tjetër."

-------------------------------------------------
-------------------------------------------------

Dr. Berisha, djali i dy bujqve nga një fshat i humbur në skaijin më të largët të Shqipërisë, nuk kishte asnjë lidhje gjaku apo shpirtërore me Bllokun.
Ai, ashtu si 2,5 milion shqiptarë të tjerë të burgosur në kampin e përqëndrimit "Shqip-Hausen", vetëm sa i bindej instiktit më të fuqishëm që ka çdo frymor, atij të MBIJETESES.



Blloku dhe lidhjet e gjakut me të, lidhje kjo që nuk mund ta zhbëhet kurrë, ishte ky :

- Edi Rama, i biri i Kristaq Ramës, anëtar i Komitetit Qendror dhe anëtar i presidiumit të Kuvendit Popullor.
Nipi i Spiro Kolekës, antar i Byrosë Politike.

- Dashamir Peza, i biri i Myslym Pezës, mbante disa poste të larta në shtetin komunist

- Ilir Gjoni, i biri i Xhelil Gjonit, sekretar i parë i partisë për Tiranën, anëtar i Komitetit Qendror të PPSH-së

- Ditmir Bushati, i biri i Sulejman Bushatit, sekretarit të Komitetit të Partisë në Shkodër, anëtar i Komitetit Qendror të PPSH-së

- Ledi Shamku (Enkelejda Shkreli), mbesa e Hamit Shamkut, anëtar i Komitetit Qendror

- Ilir Beqja, i biri i Hamdi Beqës anëtar i Komitetit Qendror

- Fidel Ylli, nipi i Karaman Yllit, ministër Arsimi

- Alfred Dalipi, dhëndri i Llambi Gegpriftit, kandidat i Byrosë Politike

- Qemal Minxhozi, i biri i sekretarit të parë të partisë në rrethin Mat

-Gramoz Ruci, sekretar i parë i Tepelenës, Ministri (i fundit) i Brëndshëm i diktaturës komuniste (i PPSH-së).


- Namik Dokle, anëtar i Komitetit Qendror të Partisë.

[Qyfyre]

Nuk ka nevoje as per foto e as per lista per te mesuar se kush ka pasur lidhje me bllokun atere. Te gjitha dihen. Prandaj eshte qesharake kur shahen me njeri tjetrin per keto gjera.

[Duaje Siveten]

ky Albani thote se eshte tejkaluar koha e ikjes se sali berishes, por nuk jep ndonje opcion se ku do te shkonin valle zarat e tij ... nejse ...
SHEKULLI ONLINE, 07/01/2011

Më i vjetri i Ballkanit

Alban Daci

Shqipëria dhe shqiptarët përjetuan, për rreth 50 vjet, që nga mbarimi i Luftës së Dytë deri në fillim të viteve '90, një ndër diktaturat më të egra që kishte njohur bota. Më në fund, Shqipëria, si pasojë e kalbjes së brendshme të regjimit enverist, si dhe për shkak të faktorëve ndërkombëtarë, ku regjime të ngjashme po binin një e nga një, sikur të ishin gurë shahu, arriti të çlirohet nga ai regjim mizor dhe t'ia nisë nga para me një formë të re të menduari, qeverisuri dhe të bërit shtet.

Në Shqipëri nuk ndodhi ashtu siç ka ndodhur gjithmonë gjatë historisë, sepse u përmbys regjimi, por jo elita politike ekzistuese, e cila thellë-thellë mbeti po e njëjta dhe nuk u zëvendësua me një elitë të re politike.

Zakonisht, në vendet e tjera dhe në histori, përmbysja e regjimeve, kur ndodh nga poshtë, pra nga lëvizjet popullore, bën të mundur që edhe figurat e reja të elitës politike të jenë krejtësisht të reja dhe vijnë po nga populli. Në Shqipëri nuk ndodhi kështu.

Edhe pse populli shqiptar pati një rol mjaft të rëndësishëm në përmbysjen e sistemit, ai mbeti po jashtë pektis së pushtetit. Elita e re ishte përsëri e maskuar me pektën e vjetër të regjimit mizor.

Në fillim të viteve '90 të gjithë besuan dhe menduan se, më në fund, Shqipëria do të bëhej demokratike dhe perëndimore (këtu e kam fjalën për nga forma e qeverisjes).

Shumë liderë të rinj, që dolën në sheshe në këtë kohë ju premtuan qytetarëve liri-demokraci. Këto liderë të rinj, edhe pse po dilnin për herë të parë në skenën politike, nuk ishin aq të rinj në formë të menduari dhe të reaguari, sepse ato kishin frekuentuar "oborrin mbretëror" të asaj kohe. Ato jo vetëm i kishin frekuentuar ato mjedise, por për vite me radhë kishin qenë plotësisht dakord me idealet dhe qëllimet e oborrtarëve të asaj kohe.

Askush nuk e kishte menduar se, edhe pas 20 vitesh, një ndër liderët më të rëndësishëm të së djathtës shqiptare, i cili ishte edhe presidenti i pari i pluralizmit politik, do të ishte përsëri një ndër drejtuesit kryesor, si dhe lideri i shumicës në vend.

Ky lider, i cili me dorën e tij të hekurt të stilit despotik ballkanas, si dhe duke shfrytëzuar emocionet e pashëruara të qytetarëve për nevojën për të pasur gjithmonë një faraon prirës, shkon dhe merr pjesë edhe në mbledhjet e Asamblesë së Kombeve të Bashkuara dhe me krenari shprehet se me kaq dashamirësi me pritën në këtë sallë edhe para 20 vitesh.

Liderët botërorë, që qenë të pranishëm, shikuan të habitur në sy njëri-tjetrin, duke belbëzitur, se edhe pas një vitesh qenka e përfaqësuar Shqipëria përsëri nga i një i njëjti lider politik.

Liderët më të mëdhenj, që kishte njohur bota perëndimore në 20 vitet e fundit, si: Tony Blair, Bill Clinton, George W. Bush dhe shumë të tjerë, jo vetëm që nuk ishin më liderë të rëndësishëm politikë, por kishin shkruar edhe biografitë e tyre (ky akt shënon fillimin e pensionit për një lider në botën perëndimore) dhe kishin shitur miliona kopje.

Edhe pse Shqipëria vazhdon të kalojë një periudhë të vështirë tranzicioni politik dhe ekonomik, ajo vazhdon të përfaqësohet, si jashtë ashtu edhe brenda, nga i njëjti lider, i cili doli për herë të parë në skenën politike në fillimin të viteve '90 dhe vazhdon të qëndrojë duke shpresuar se Zoti do ta ndihmojë shumë për të jetuar gjatë për të garantuar edhe shumë vite të tjera si lider i padiskutueshëm i shqiptarëve.

Edhe vendet e tjera europiane kanë probleme të ngjashme, kur për më shumë se dy dekada vazhdojnë të qeverisen dhe të përfaqësohen nga të njëjtat personazhe.

Në lidhje me këtë fenomen aspak demokratik, që do ta konsideroja unë, ka disa opinione. Njëri dhe ndoshta më kryesori që qarkullon është: Nëse një lider vazhdon të votohet nga populli i tij, ai ka të drejtë të qeveris. Unë, nuk jam aspak dakord me këtë ide, për faktin se janë një serë faktorësh që ndikojnë për konfirmimin e një lideri.

Së pari, zgjedhjet, të cilat zhvillohen në një vend, që presupozohet demokratik, janë të lira, apo jo. Duke pasur parasysh rastin e Shqipërisë, nuk besoj se në Shqipëri janë realizuar në kuptimin e plotë të fjalës zgjedhjet krejtësisht të lira. Së dyti, duhet të merret parasysh fakti, nëse qytetarët kanë një kulturë të lartë politike, apo jo. Shqiptarët nuk mendoj se kanë pasur dhe kanë një kulturë të lartë politike.

Perse ka ndodhur kjo? Duke qenë se Shqipëria ka kaluar në 20 vitet e fundit një periudhë të vështirë ekonomike, sociale, qytetarët kanë menduar gjithmonë për të plotësuar nevojat elementare të jetesës dhe për pasojë nuk kanë qenë të qetë dhe nuk kanë pasur kohë të mjaftueshme për të bërë angazhim të plotë politik, si dhe për të reflektuar për situatën politike në vend.

Pjesa më e madhe e qytetarëve shqiptarë është krejtësisht indiferente kundrejt politikës dhe pasojave që ajo sjell në shoqëri.

Një ndër shprehjet më të zakonshme për qytetarët shqiptarë mbi politikën është, se ajo nuk na intereson, sepse politikanët shikojnë vetëm interesat e tyre. Ata harrojnë se, pikërisht, fati dhe jeta e tyre varet nga aksionet kryesore që liderët politikë ndërmarrin në kurriz të qytetarëve.

Duke shfrytëzuar këtë terren mjaft pjellor për të, lideri i mazhorancës shqiptare jo vetëm që vazhdon me dekada të tëra të qeveris i patrazuar, por në shumë konferenca shtypi shprehet se edhe në vitin 2017 përsëri unë do të jem këtë në këtë sallë (në sallën e konferencave të Këshillit të Ministrave) duke ju qeverisur. Kjo lloj shprehje ka dy domethënie.

Së pari, ndoshta shqiptarët pëlqejnë të kenë gjithmonë një faraon që qeveris me dorë të hekurt, duke iu shkelur demokracinë dhe të drejtat. Së dyti, ndoshta qytetarët shqiptarë akoma nuk i bëjnë pyetje vetës, se si ka mundësi që edhe pas 20 vitesh që rrëzuan regjimin mizor të simbolizuar me Enver Hoxhën, vazhdojnë të qeverisen me një person tjetër të ngjashëm si ai që rrëzuan, i cili ka krijuar një sistem të ngjashëm me atë të Rusisë, Bjellorusisë, të vendeve të Azisë Qendrore.

Udhëheqësi aktual i Shqipërisë është i fundit dhe më i vjetri në Ballkan. Të gjithë liderët e tjerë të vendeve Ballkanike, që dolën në skenën politike në fillim të viteve '90, tashmë, kanë dalë në pension politik. Kështu, për shembull, më mizori, Sllobodan Milloshevic, jo vetëm që nuk është më lider politik, por ai, ndoshta, prehet në ferr për bëmat që ka bërë.

Po ashtu edhe lideri historik i Kroacisë, i cili i siguroi pavarësinë, Franjo Tuđman, nuk është më lider politik dhe prehet në botën tjetër. Gjithashtu, edhe lideri historik i Rumanisë, Ion Iliescu, që zëvendësoi diktatorin mizor Nicu Ceauşescu, pasi bëri tre mandate si president, tashmë, ka dalë në pension politik.

Edhe në Mali të Zi, ku lider i saj i padiskutueshëm për një vitet e fundit, Djukanovic, dha dorëheqjen nga jeta politike.

I vetmi në Ballkanin Perëndimor edhe Lindor, që edhe pse ka më shumë se 20 vjet në politik dhe që pretendon krejt gëzim se do të jetë edhe për 20 vite të tjera, është ky i yni, i cili vazhdon me metodat e tija autoritare dhe tiranike të qeveris vendin.

Ndoshta, ka ardhur momenti të mendojmë, se pas kësaj periudhe të gjatë që lideri jonë ka në politikë, ai nuk ka më vizione të reja për të për të na qeverisur për një të ardhme me më shumë progres dhe mirëqenie.

Ndoshta, ai thjesht mendon të qëndrojë në politikë për të mbrojtur interesat e tij dhe të persona që e ndihmojnë për të qëndruar krejt i sigurt në pozicionin e tij komod të një udhëheqësi absolut. Edhe pse koha kalon, ai mendon se është i pazëvendësueshëm. Në botën njerëzore asgjë nuk është e pazëvendësueshme.

Lideri i mazhorancës aktuale me të vërtetë është më i vjetri i Ballkanit, por ne, shqiptarët, jemi më të rinjtë në Europë. Prandaj, ne duhet të kërkojmë një model të ri, një lider të ri që ka energji, ide dhe vizione për të na qeverisur me metoda demokratike.

Mendoj se ka ardhur momenti që në Shqipëri të ndodhë një alternim i vërtetë demokratik pushteti, i cili jo vetëm rrit shpresën për një demokraci të shëndoshë në vend, por do të sjellë edhe një formë të re qeverisje duke vënë në qendër të vëmendjes qytetarët, hallet e tyre dhe jetën e tyre të përditshme.

[Brari]

rd

-


Në 5 vite në Fier janë ndërtuar 410 km rrugë, ndërtuar e rindërtuar 72 shkolla, 68 sisteme kanalizimesh


Fier, inaugurohen dy projekte infrastrukturore, me vlerë 436 milionë lekë


Kryeministri Berisha inauguroi dje përfundimin e punimeve për rikonstruksionin e rrugëve Strum-Qafa e Marinzës dhe Sheq-Marinëz, në qarkun e Fierit, një investim që kap vlerën e 436 milion lekë. Këto dy segmente rrugore, gjatësia e të cilave është 28,3 km, shërbejnë për të lidhur komunat Strum, Zharrëz, Kuman, me akset kombëtare të rrugëve Fier-Berat dhe me qytetin e Fierit. Në fjalën e tij Berisha u ndal në investimet që qeveria ka realizuar në 5 vitet e fundit në qarkun e Fierit, janë ndërtuar dhe asfaltuar 410 kilometra rrugë janë ndërtuar dhe rindërtuar 72 shkolla, 68 sisteme kanalizimesh, janë ndërtuar me dhjetëra qendra shëndetësore. "Për ju të dashur qytetarë dhe qytetare të mbarë vendit, sigurisht që korrupsioni përbën një të keqe të vërtetë. Por në këtë vend dhe kjo mazhorancë ka zhvilluar dhe zhvillon një luftë të vendosur ndër më të suksesshmet , kundër kësaj sëmundje, kundër këtij kanceri social. Kjo luftë ka bërë të mundur që ne sot të jemi i vetmi vend që në harkun kohor katër vjeçar, kemi dyfishuar të ardhurat buxhetore. 97 milion lekë kanë inkasuar në vitin e fundit paraardhësit tanë, 188 milion lekë kemi inkasuar ne në vitin 2009 dhe nuk po marr dy vitet e fundit 2010 dhe 2011, sepse janë shumë më të mëdha. Duke përfunduar ju bëj një apel vëllazëror, një thirrje vëllazërore. Le të bëjmë ne, gjithçka që këto zgjedhje të jenë të lira dhe të ndershme . Të shndërrisin para nesh para botës si drita e diellit sot. Të respektojmë ne vullnetin e njeri -tjetrit, të votojmë të gjithë së bashku alternativën e vlerave , të ndjekim ne politikën e vlerave, politikën e interesave tona fisnike,të fëmijëve tanë të komunitetit ku jetojmë" u shpreh Berisha. Në arritjet e suksesshme të qeverisë, kryeministri përmendi edhe anëtarësimin Shqipërisë në NATO, një vlerësim për luftën e vendosur të maxhorancës kundër korrupsionit. Një sukses tjetër sipas kryeministrit ishte vendosja e sistemit elektronik në prokurime, ishte krijimi i sistemit të sportelit të vetëm për regjistrimin e biznesit, i Qendrës Kombëtarë te Investimeve, të cilat bënë të mundur që Shqipëria të behët një ndër vendet më tërheqëse për investimet e huaja."Ishin këto përpjekje ato që bënë të mundur, që Shqipëria dhe shqiptarët të ndërmarrin projektet ndërtimore më të mëdhatë në historinë e tyre, ndër më të mëdhatë në rajon. Ishin këto përpjekje dhe suksesi i tyre, ato që bënë të mundur që Shqipëria të rrisë pesë herë në pesë vite investimet e huaja në mbarë vendin. Ishin këto suksese, ato të cilat bënë të mundur që ju sot qytetarët dhe qytetaret e Fierit dhe të mbarë Shqipërisë , të lëvizni të lirë pa viza në mbarë Evropën" theksoi Berisha.


Projektet, brenda 3 viteve do ndërtohen 13 mijë km rrugë


Qeveria do të ndërtojë rreth 13 mijë kilometra rrugë brenda 3 viteve të ardhshme. Duke dhënë këtë premtim kryeministri Berisha kërkoi nga qytetarët shqiptarë që në 8 maj të shkojnë drejt zgjedhjeve të lira dhe të votojnë të gjithë sëbashku alternativën e vlerave të tyre. Në përshëndetjen e tij për banorët e qarkut të Fierit kryeministri u ndal në premtimet e realizuar nga kjo mazhorancë si ndërtimi i 7 mijë km rrugë,dyfishimi i të ardhurave buxhetore, dyfishimi i rrogave të mësuesve, mjekëve dhe infermiereve, dyfishimi i pensioneve të ulta në fshat dhe të qytet të cilat sipas tij erdhën si rezultat i luftës ndaj Korrupsionit. "Ky është rezultat i reformave të thella të qeverisë i ndryshimeve të mëdha të arritura gjatë këtyre viteve. Vetëm në infrastrukturë janë ndërtuar dhe rindërtuar mbi 7 mijë kilometra rrugë dhe 13 mijë do të finalizohen brenda tre viteve që vijnë. Ne ia kemi dalë të shndërrojmë në realitet ëndrrat tona të mëdha dhe të fëmijëve tanë. Por në qoftë se ne kemi arritur sot të transformojmë infrastrukturën e këtij vendi, të dyfishojmë dhe mbi dyfishojmë rrogat e mësuesve, mjekëve dhe infermiereve, të dyfishojmë pensionet e ulta të fshatit dhe të qytetit, në rast se ne, Ky është faktori më vendimtarë i sukseseve të kësaj qeverie. Gjithashtu, nga Fieri, Kryeministri siguroi shqiptarët se qeveria e tij do të investojë 2 herë më shumë në mbarë komunat dhe fshatrat e këtij vendi nga sa ka investuar në 4 vitet e fundit. "Ju siguroj ju banorëve të fshatrave të këtyre komunave, se në çdo fshat, në çdo lagje tuajën, ne do të ndërtojmë atë infrastrukturë që ekziston në qytetin e Fierit dhe në çdo qytet tjetër. Vendosmëria jonë është e madhe, sikundër garantoj fermerët e Fierit dhe të mbarë Shqipërisë se qeveria do të shumëfishojë mbështetjen dhe investimet në bujqësi, se fillimi i qëndrueshëm rural, përbën një nga përparësitë më madhor të kësaj qeverie. Në konceptin tonë nuk ka dhe nuk mund të ketë Shqipëri të zhvilluar pa fshat të zhvilluar, ndaj dhe ne jemi të vendosur të investojmë dy herë më shumë se katër vitet që shkuan në mbarë komunat dhe fshatrat e këtij vendi. Ne jemi të vendosur të subvencionojmë tu mbështesim në prodhimet tuaja dhe të krijojmë tregje në të cilat ju ti shisni ato, por në rast se ju vitin e kaluar fermerët e Fierit dhe të mbarë Shqipërisë keni dyfishuar eksportet tuaja, mos harroni se vitin e kaluar për herë të parë në historinë e këtij vendi popullata juaj u dyfishua, ne kemi marrë vitin e kaluar 3.5 milion turistë, kemi dyfishuar dhe mbi dyfishuar tregun e vendit" theksoi kreu i qeverisë.


20 vjet nga diktatura, në NATO e pa viza në Europë

Kryeministri Berisha vlerësoi kontributin e qytetarëve shqiptarë të cilët në 20 vite arritën ta shndërrojnë Shqipërinë nga një vend diktatorial në një vend demokratik. Gjatë inaugurimit të dy akseve rrugore në qarkun e Fierit, Berisha shprehu kënaqësinë e tij për simbolikën e këtij viti i cili shënon 20 vjetorin e rrëzimit të diktaturës së egër Komuniste. "Kam gjithashtu kënaqësi të madhe, sepse ne inaugurojmë këtë rrugë në një vit në të cilin ne sëbashku me guxim, me vendosmëri ia dolëm të përmbysim në Shqipëri, diktaturën më të egër që Evropa kishte njohur pas lufte. Ia dolëm me vendosmërinë tonë, mençurinë dhe guximin, të përmbysim Gedafët, Ben Alitë dhe Mubarakët, që po përmbysin sot popujt arabë. Ia dolëm në 20 vjet me mund, me djersë, me sakrificë, të ndryshojmë këtë vend më shumë se në 20 mijë vite të marra sëbashku. Ne jemi të vetëdijshëm se ku e nisëm, në çfarë rrethanash e nisëm ne rrugëtimin e lirisë dhe të demokracisë. Vendi i vetëm i triskave dhe tollonave, i urisë dhe mjerimit, vendi që kishte më shumë kampe dhe burgje përqendrimi, se stadiume dhe spitale. Vend, i cili ishte i rrethuar nga tela me gjemba dhe përjetonte izolimin më të thellë të të gjitha kohërave. Sot ne shohim njëri -tjetrin drejt e në sy me krenari, sepse ne ia dolëm këto 20 vite ti dëshmojmë njëri -tjetrit, fëmijëve tanë, miqve tanë kudo në botë, se jemi të zotë se jemi të aftë, se jemi të vendosur, se jemi të sakrificës, për të ecur më shpejt se kushdo tjetër në rrugën e lirisë" theksoi Berisha. Në këtë kontekst, Berisha e cilësoi si rrugën e të ardhmes lirinë e shqiptarëve e cila dallon shumë nga 20 vite më parë. "Rruga e lirisë, është rruga e vlerave, është rruga e të ardhmes. Në këtë kontekst, ne arritëm të ndërtojmë në Shqipëri një ekonomi solide tregu, ekonomi e cila prej 3 vitesh qëndron në krye të rritjes ekonomike në Evropë dhe në Botë. Në këto vite ne ia dolëm të mbi dyfishojmë rrogat dhe pensionet e ulta. Në këto vite ne ia dolëm të anëtarësojmë Shqipërinë në NATO, ta bëjmë atë më të sigurtë se në të gjitha kohërat. Në këto vite, ne ia dolëm të ndryshojmë në mënyrën më rrënjësore infrastrukturën e prapambetur që trashëguam" u shpreh Berisha.

[Duaje Siveten]

pata bere nje koment lidhur shkrimin e sjellur nga ky me siper, se nuk ka lidhje fare me ate qe eshte titulluar tema. Administratori kushdoqofte mos te veproje kaq flagrant, qofte edhe sikur te jete Saliu me emrin brar!