Ndihme per nje ese!

[shela m]

kush mund te me ndihmoje ne nje ese me teme:NDIKIMET E PROFESIONIT NE ORGANIZIMIN E JETES TONE TE PERDITCME. JU LUTEM NDIHMOMNI

[Dar_di]

Përshëndetje shela m!

Provo së pari t`u përgjigjesh këtyre nënçështjeve për temën e esesë, sa më thjeshtë:

Me një paragraf prej 3 rreshtash shkruaj për profesionin që bën. Kur ke filluar të bësh atë punë?

Në paragrafin e dytë, rreth 7-8 rreshtash, shkruaj për njohuritë që ke mbi ndikimet e profesionit në organizimin e jetës së përditshme, pra për dijet që posedon deri në këtë kohë mbi këtë problem.

Në paragrafin e tretë, prej 7-10 rreshtash, shkruaj për momentet se si ndihesh gjatë punës që bën. Ndjen lodhje, sa kohë bën punë, sa kohë bën pushim... përgjithësisht shkruaj për ndjenjat gjatë punës që bën dhe si ndikojnë ato në organizimin e jetës tënde. Sa kohë i kushton argëtimit, mësimit, shëtitjeve etj..

Në paragrafin e katërt, prej 5-7 rreshtash, shkruaj për sukseset dhe vështirësitë që njerëzit arrijnë në profesionin e tyre dhe reflektimet që ato kanë në organizimin e jetës së tyre. Merr ndonjë shembull konkret, por ta përthekosh me një fjali.

Përmbylle esenë me një paragraf prej 3-5 rreshtash, i cili duhet të jetë përmbledhës dhe i fuqishëm.

Bëje këtë fillimisht në një fletë dhe mos u kujdes për gjuhën që shprehesh, sa më thjeshtë dhe mos u përpiq të përdorësh edhe rregullat e drejtshkrimit. Qëllimi është që idetë dhe frymëzimi të rrjedhin...

Pas kësaj, lexo disa herë atë që ke shkruar dhe kur të jesh gati e hedh në kopjimin përfundimtar. Me këtë rast duhet të shtosh, por edhe të heqësh fjalë, fjali të cilat korrespondojnë apo jo me paragrafin. Pra i bën redaktimin dhe korrektimin.

Suksese!

Dar_di