Kandidati për deputet nga radhët e Lëvizjes “Vetëvendosje”, Florin Krasniqi ka deponuar në Gjykatën Komunale në Prishtinë padinë kundër kryetarit të PDK-së, Hashim Thaçit, duke e akuzuar atë për shpifje.
Padia sipas tij ka të bëjë me një komunikatë të lëshuar nga kjo parti me 5 nëntor të këtij viti e në të cilës sipas Krasniqit PDK ka shpifur rëndë kundër familjes së tij, atij vetë dhe punës së tij. Për këto shpifje Krasniqi mbanë përgjegjës Hashim Thaçin si kryetar i partisë dhe bandën e tij.
Ai ka thënë se e di që Hashim Thaçi është mbi ligjin në Kosovë, por shpreson që kjo padi është një rast që gjyqësori të dëshmojë se është i pavarur.
Krasniqi ka mohuar që padia e deponuar në këtë kohë ka të bëjë me fushatën zgjedhore.
PDK-ja e ka akuzuar Florin Krasniqin, të njohur si “Pullazxhiu i Amerikës” që ka ndihmuar me armë dhe para luftën e UÇK-së, për shumë vepra që fillojnë nga pastërtia e moralit të tij dhe familjes, e deri te akuzat për vrasje e përvetësim të pasurive të Kosovës.
Krijoni Kontakt