Close
Duke shfaqur rezultatin -19 deri 0 prej 11
  1. #1
    i/e regjistruar Maska e fegi
    Anëtarësuar
    29-05-2009
    Postime
    5,767

    Serbët e grekët shtrembërojnë historinë dhe të sotmen shqiptare

    Arif Mati
    Demonët e vjetër trazojnë edhe në ditët e sotme (1)
    Për Serbët, si dhe për Grekët, të gjitha mjetet janë të pranueshme për të manipuluar mendjet, me qellim që e tërë bota të besojë në vërtetësinë e pretendimeve të tyre. Nëpërmjet besimit fetar, grekët duan të përforcojnë praninë e Kishës ortodokse në Shqipëri (veçanërisht në jug) dhe me kalimin e kohës, të penetrojnë pabesisht, për të arritur si përfundim pushtimin paqësor të jugut shqiptar (çfarë utopie!). Serbët (të mbështetur në zellin e fesë ortodokse) dëshirojnë të bindin botën mbarë, dhe veçanërisht Bashkimin Evropian, se Kosova qenka djepi i Serbisë.
    Disa shqiptarë marrin stafetën e armiqve të Shqipërisë e të shqiptarizmës
    Kjo goditje kundra Skënderbeut, figurës madhore kombëtare shqiptare, nuk është e paqëllimte, ajo dëshmon se demonët e vjetër trazojnë edhe në ditët e sotme, disa shpirtra hakmarrës dhe një dogmatizëm fetar që është ende gjallë. Për të sqaruar më mirë këtë çështje, po bëj një shqyrtim shumë të përmbledhur (ndonëse do të duhej të shkruhej një libër i tërë) të këtij debati steril dhe shumë të rrezikshëm, të krijuar nga dy vende fqinjë të Shqipërisë, mëmëdheut të të gjithë Shqiptarëve kudo në botë. Fatkeqësisht, këto lloj pohimesh, të dëmshme dhe të pavërteta, ideologjish dhe analizash boshe si dhe veprime keqdashëse, që kryhen nga armiqtë e huaj, janë përqafuar dhe po përsëriten përsosmërisht, pa asnjë pjekuri e ndershmëri nga ca shqiptarë : gazetarë të mediave të ndryshme, shkrimtarë të doktrinuar, analistë e komentues të tjerë. Është vërtet për të ardhur keq, që disa shqiptarë, marrin stafetën e armiqve të Shqipërisë e të shqiptarizmës. Përveç tentativave të tyre manipuluese e të gënjeshtërta, Grekët ashtu si dhe Serbët (një aleancë fetare, një bashkim i shenjtëruar apo luftë e shenjtë?) kanë hapur këto kohët e fundit një shteg të ri për pretendimet e tyre: të sulmojnë historinë e Shqipërisë dhe tërësinë e saj tokësore, po kështu dhe figurat e mëdha të shqiptarizmës e në mënyrë të veçantë atë të Skënderbeut.
    Të gjitha këto sulme, këto manipulime e vullgaritete historike janë jo vetëm të palogjikshme dhe të pabazuara, por njëkohësisht të ulëta e shpifëse. Ato nuk mbështeten mbi asnjë themel, asnjë argument vërtetues dhe provë historike.
    Sulltan Murati u vra nga një shqiptar
    Qëllimi i tyre është i qartë. Serbët gjithmonë kanë pretenduar se Kosovarët (territori i të cilëve s’është gjë tjetër veçse ai i Dardanisë së lashtë, emër që shpjegohet bukur nga shqipja si “vendi i dardhave”) nuk qenkan “autoktonë” por një popullsi e ardhur nga Shqipëria, Turqia apo gjetiu! Ndërkohë që historia e shkruar dhe e mirënjohur pohon se Sllavët e jugut janë shfaqur në Ballkan veçse andej nga fundi i shk. VI-të apo të VII-të erës sonë dhe ata pushtuan hapësirën tokësore (nga dy anët e Danubit deri në Greqi, e nga Adriatiku deri në Detin e Zi) që u përkisnin Ilirëve (Panonëve, Istrianëve, Venetëve, Liburnëve, Dalmatëve, Dardanëve, Tribalëve etj) dhe Trakëve (Dakëve, Gjetëve, Brigëve, Mesianëve, etj) që, në pjesën më të madhe i asimiluan duke marrë një pjesë të kulturës e traditave të tyre (fjalë, kostume popullore, rapsodi, etj). Të gjitha tribut e para sllave (serbe, sllovene, kroate) dhe bullgare u kristjanizuan vetëm në shek. IX të erës sonë pas Krishtit, nga dy prifterinj grekë sllavofone: Cirili dhe Metodi. Që nga kjo kohë ata filluan të ndërtojnë disa kisha nëpër Ballkan dhe veçanerisht në zonën shumë të bukur të liqeneve të Ohrit e të Prespës. Deri në ditët e sotme, fanatizmi dhe nacionalizmi i kishës ortodokse nuk kanë rreshtur. Madje, në mënyrë të çuditshme, sërbët transformuan një dështim (fusha e Mëllënjave – Kosovë – 1389) në një fitore, në një simbol kombëtar, dhe bëjnë të besohet se kjo qe një luftë vetëm midis Serbëve dhe Otomanëve, ndërkohë që ishte një luftë shumë-etnike kundër trupave turke e zhvilluar nga hungarezët, shqiptarët, serbët, bullgarët, etj.! Pa harruar se në këtë beteje u vra sulltani otoman Murati i I-rë, pikërisht nga një Shqiptar! Ja pra si qëndron Historia, ajo e vërteta! Për sa u përket grekëve, këta pretendojnë, pa të drejtë, Jugun e Shqipërisë d.m.th. Veriun e Epirit të lashtë.
    Pse gekët pretendojnë Jugun e Shqipërisë, apo Epirin e Veriut
    1) Pikësëpari, ata mendojnë se Epiri ishte një provincë greke. Dhe shkojnë deri aty sa pohojnë se etnia greke vjen nga veriu i Greqisë, d.m.th. Epiri, ndërkohë që kjo zonë s’ka qenë kurrë pjese e Greqisë. Qenë Romakët, që pas pushtimit të mirëfilltë të Greqisë, sajuan një “Greqi të re” duke përfshirë aty Maqedoninë, Thrakën dhe Epirin. Straboni, (fillimi i erës së krishterë: vitit 58 para Krishtit – 21 apo 25 pas Krishtit), pohonte se në kohën e tij Epiri ndodhej jashtë Greqisë. Të gjithë autorët e lashtë (shek. VI dhe V para Krishtit), pa përjashtim, e trajtonin Thesprotine (emri i lashtë i Epirit) si një vend të populluar nga “barbarët” që do të thotë “ata që s’flasin greqisht”. Zanafilla e kësaj legjende, qe një gabim i Aristotelit (cituar në librin tim të fundit “Mikenët = Pellazgët” – përkthyer në shqip në vitin 2008 nga shtëpia botuese Plejad). Duhet të shtoj se tekstet e para të shkruara në greqisht (të Homerit dhe Hesiodit) nuk kanë përmëndur as Helenët, as Dorët dhe as Ionët. Në raste të rralla kur këto emra janë përmëndur, bëhet fjalë për ndërfutje (shtojsa) të mëvonshme të bëra nga disa logografe (shkrues) helenofilë: kjo vërtetohet prej “kritikëve të Aleksandrisë”. Nga ana tjetër duhet shënuar fakti që shumica e heronjve të pavarësisë greke të shek. XIX-të ishin me origjinë epiro-shqiptare apo Arvanitë (si dhe shumë burra të politikës, si Papandreu): Boçari, Tsavallas, Bubulina, Kanaris, etj. Ç’u mbeti grekëve? Skënderbeu?!
    2) Në vazhdim meqenëse jugu i Shqipërisë (i quajtur prej Grekëve “Epiri i Veriut”) u konvertua në fenë ortodokse, Grekët kanë bërë të besohet (dhe vazhdojnë ta bëjnë) se Shqiptarët ortodoksë paskan qenë dhe janë grekë, ndërkohë që në Shqipëri janë gjithsej 40 mijë grekë të mirëfilltë. (vijon)

  2. #2
    i/e regjistruar Maska e landi45
    Anëtarësuar
    10-04-2008
    Postime
    1,711
    po kur macja fle minjte hedhin valle,,,,,,,kur sjemi te zotet te shkruajme apo studiojme historine tone,,,,

  3. #3
    Perjashtuar
    Anëtarësuar
    12-03-2008
    Vendndodhja
    itejdukshem, gjithka
    Postime
    1,536
    kem mi shkru histori ne interes te tyre, si per skenderbeun dhe te gjith heronjet,

    jemi mundu me rrejt popullin ton me histori te rrejshme , tash priteni se kuna po i ngulet.

    shkijet dhe grekt ,jan ka shtet para shqiptarve, edhe pse jan shkijet ,shum von ne ballkan.

  4. #4
    i/e regjistruar Maska e fegi
    Anëtarësuar
    29-05-2009
    Postime
    5,767
    Serbet e kane fituar shtetin nga turqit para 150 vjetesh duke i dhene turqve dhurata(bakshishe) e turqite,serbet gjithmone jone munduar mi asimilu shqiptaret?
    Ishte nje kohe kur e pyta Sherif Ahmetin pse turqit kane perdorur dhune daj shqiptarve? Aje mu pergjigj se turqit jane munduar mi asimilu shqiptaret?
    Ndryshuar për herë të fundit nga fegi : 15-11-2010 më 06:58

  5. #5
    Perjashtuar
    Anëtarësuar
    12-03-2008
    Vendndodhja
    itejdukshem, gjithka
    Postime
    1,536
    Nejse spokom deshir me humb koh per ket histori te turqve, se mos me te rrejt nuk po muj mi nxan bes kerkuj.

    Ne shkoll kem mesu se si kater bura e kan bajt shpaten e skenderbeut se shum e rand asht kan at vetem aj e ka perdor, sod mundemi ta shiqojm ne muzeun e vjenes se sa e madhe asht.

    tek turqit skenderbeun nuk e bojn hesap per kundershtar , dhe vetem e emrojn me emrin cub, ka plaqkit karavane me ushqim te ushtarve turq, se nuk ka guxu mena dal perpara aj me nje ushtri te vogel.

    un shum deshir kom qe ta gjejm te verteten, por spo kom nga kush

    ne mburem, me figuren e skenderbeut , ne ROM,TIRAN,PRISHTIN,

    ku edhe i takon tek populli vet,

    po pse ne ROM, apo edhe ne BEOGRADA, thiret nje rrug skenderbeu, edhe BULLGARET thojn asht nga ne, kur ne e dim mir se aj asht shqiptar.

    qellimi im asht ta di se pse tjeret e qesin figuren e tij kurr ndoshta nuk ju takon,

    apo ndoshta ju takon ma shum se neve ?

  6. #6
    Perjashtuar
    Anëtarësuar
    07-09-2010
    Vendndodhja
    www.arberiaonline.com
    Postime
    1,187
    Citim Postuar më parë nga injejti Lexo Postimin
    Nejse spokom deshir me humb koh per ket histori te turqve, se mos me te rrejt nuk po muj mi nxan bes kerkuj.

    Ne shkoll kem mesu se si kater bura e kan bajt shpaten e skenderbeut se shum e rand asht kan at vetem aj e ka perdor, sod mundemi ta shiqojm ne muzeun e vjenes se sa e madhe asht.

    tek turqit skenderbeun nuk e bojn hesap per kundershtar , dhe vetem e emrojn me emrin cub, ka plaqkit karavane me ushqim te ushtarve turq, se nuk ka guxu mena dal perpara aj me nje ushtri te vogel.

    un shum deshir kom qe ta gjejm te verteten, por spo kom nga kush

    ne mburem, me figuren e skenderbeut , ne ROM,TIRAN,PRISHTIN,

    ku edhe i takon tek populli vet,

    po pse ne ROM, apo edhe ne BEOGRADA, thiret nje rrug skenderbeu, edhe BULLGARET thojn asht nga ne, kur ne e dim mir se aj asht shqiptar.

    qellimi im asht ta di se pse tjeret e qesin figuren e tij kurr ndoshta nuk ju takon,

    apo ndoshta ju takon ma shum se neve ?
    Nuk quhet vetem ne Beograd a ne Bulgari rruga Skenderbeu por ne te gjithe boten ka buste dhe emra te Skenderbeut sepse eshte figura me e njohur ne mesjete .. Dhe pas asaj qe te mos behesh merak , edhe Serbet e -edhe Bulgaret kane shkruar qe ne ate kohe , qe ishte Shqiptar .
    Nese interesohesh i gjen librat te tyre dhe shef qe edhe ata thuan qe ishte Arber .

  7. #7
    Qente lehin,karvane ecen perpara.Kosova republik dhe shtet i pavarur,ndersa Shqiperia po ben arritjet me te medha qe nga historia e lashte,me futjen ne NATO dhe liberalizimin e vizave.Fqinjet natyrisht qe do jen xheloz dhe do te meren me te tilla probleme.Nuk e pranojn dot kte realitet qe i po ndodh Kosoves e Shqiperis bashke.Fuckkkkkkkkkk Grecee & Serbia!
    ”Ti, Shqipëri, Më Jep Nder, Më Jep Emrin Shqiptar”

  8. #8
    Musliman Shqiptar Maska e pejani34
    Anëtarësuar
    18-04-2005
    Postime
    887
    I NJEJTI

    Ne Rom e Beograt etj etj.e qesin se per krishterizem ka luftu,

    sikur te kish luftu per shqiptarizem kerkush nuk ta kish desht

    Kurr mos mendo se ta qesin ADEM JASHARIN apo ndonje njeri tjeter qe ka luftu per shqiptarizem.

    edhe sot evropa kurrv nuk u don ushtart shqiptar, edhe kurr ska me di dasht, ket mos e harro,

    pos vetem nese ju shkon per shtati.

  9. #9
    i/e regjistruar Maska e fegi
    Anëtarësuar
    29-05-2009
    Postime
    5,767
    Grekët dhe serbët e konsiderojnë “fenë” si “kombësi”!?!
    Arif Mati
    Demonët e vjetër trazojnë edhe në ditët e sotme (2)
    Është për tu vënë në dukje gjithashtu se kisha ortodokse shqiptare drejtohet nga një klerik i ardhur prej Greqisë si duket për një nënshtrim grek të radhës, mbi asamblenë e episkopatit ortodoks shqiptar. A janë kaq naivë autoritetet shqiptare, për t’iu lënë dorë të lirë grekëve?
    Ishin organet e Bashkimit Europian që ju imponuan grekëve heqjen nga pasaporta, përkatësinë fetare. Ashtu siç serbët kërkojnë “copëtimin” e Kosovës, grekët duan një copë të Shqipërisë : strategjia e tyre ka kohë që ka nisur duke formuar një “bashki separatiste” (shqiptare të nënshtruar fanatizmit të kishës ortodokse!) në Himarë në Jug të Shqipërisë.
    Greqia ka ndërmarrë pastrimin e parë etnik
    Po kjo Kishë ortodokse, e mbështetur nga shteti grek, kërkon ngritjen e “monumenteve për të rënët” të ushtarëve grekë në jug të Shqipërisë, etj. etj. Është për tu vënë në dukje gjithashtu se kisha ortodokse shqiptare drejtohet nga një klerik i ardhur prej Greqisë si duket për një nënshtrim grek të radhës, mbi asamblenë e episkopatit ortodoks shqiptar. A janë kaq naivë autoritetet shqiptare, për t’iu lënë dorë të lirë grekëve?
    Nuk duhet të harrojmë se ndërmjet viteve 1920 dhe 1924 Greqia ka ndërmarrë pastrimin e parë etnik dhe etnocid [shkatërrimin e identitetit kulturor dhe shpirtëror të një populli - shënim i përkthyesit] në Evrope : shpërnguljen e më shumë se 450 000 Shqiptarëve të Epirit të jugut (nën dominimin grek) drejt Turqisë kundrejt kthimit të 1 500 000 grekëve të Turqisë drejt Epirit. Ata donin të na bënin të besojmë se këta Shqiptarë “myslimanë” ishin Turq (pikërisht siç bënë serbët me kosovarët)! Kështu ata i zëvendësuan shqiptarët e përzënë nga Epiri, me Grekë të ardhur nga Anatolia . Por nuk flitet aq sa duhet për këtë problem të rëndë që duhet ta denoncojmë njëzëri dhe në mënyrë zyrtare tek organet e “Amnistie Internacional”.
    Një tjetër marrëzi është duke u bërë në ditët e sotme në Greqi : autoritetet greke i shtyjnë emigrantët shqiptarë të “greqizojnë” emrin dhe mbiemrin, madje të ndërrojnë edhe fenë. U japin madje edhe kombësinë greke!
    Çfarë bëjnë organizmat europiane për të ndaluar këtë veprim të turpshëm të shkombëtarizimit masiv, dhe të manipulimeve të papërgjegjshme, shqetësuese, çnjerëzore dhe të turpshme?
    Tashmë, për ta përforcuar më mirë këtë fushatë antishqiptare, ata sulmojnë pa u hyrë gjembi në këmbë, identitetin shqiptar e sidomos heroin e tij kombëtar “Skënderbeun”.
    Ata dëshirojnë të ç’kombëtarizojnë Shqiptaret duke u mohuar çdo lidhje me të kaluarën e tyre të famshme.
    A nuk shkelen “ë Drejtat e Njeriut” në Greqi, anëtar i BE-së?
    Grekët duan edhe një herë të vjedhin Historinë e tyre, ashtu siç bënë me paraardhësit e tyre Pellazgë, të cilëve, ata ju përvetësuan një pjesë të madhe të kulturës, traditave dhe mitologjisë së tyre. Gjergj Kastrioti (1405-1468), i mbiquajtur “Skënderbe” (“Zot Aleksandër” d.m.th. i denjë për bëmat e Aleksandërit të Madh) prej Otomanëve, është hero kombëtar shqiptar i njohur nga të gjithë historianët e të gjitha vendeve mbarë, siç e vërtetojnë arkivat otomane, të Vatikanit, spanjolle, italiane, franceze, ato të lindjes, etj. Kjo është e shkruar e zezë mbi të bardhë . Për rrjedhojë, të gjithë këta shpirtzinj nuk do të mundin kurrë të ndryshojnë historinë e shkruar dhe të pranuar njëzëri. Duhet shënuar se për nder të Skënderbeut shqiptar, shumë biografë (nga të cilët më i rëndësishmi është Barleti në shek. XVI), shkrime historike (si ai i Jacques de Lavardin, Paganelit, Hammer-purgstall), shumë tragjedi dhe drama nga të cilat një gjysmë_duzinë në Francë e të tjera në Spanjë, ku ai qe një figure e madhe e Teatrit spanjoll, në poema si ajo e shkruar nga Ronsardi dhe një opera e kompozitorit të madh Vivaldi etj. qenë shkruar gjithandej në Europë e më gjerë. Së fundi, me që Skënderbeu ishte i krishterë dhe mbret i Arbërisë (Shqipërisë) dhe i Epirit (i populluar në atë kohë kryesisht nga shqiptare) u dashka me ia vesh atij nënshtetësinë greke ose serbe etj. Skënderbeu është vlerësuar si një hero autentik shqiptar. Deri më sot asnjëri nuk ka vërtetuar të kundërtën. Pra sot nuk kërkohet veçse të njolloset kujtimi i tij, të turbullohen shpirtrat dhe të mbillet përçarja jo vetëm mes Shqiptarëve por edhe ndërmjet popujve e shteteve të tjera të botës. Grekët dhe Serbët e përshkruajnë, me shumë këmbëngulje, figurën e Skënderbeut si një lloj “miti” që shqiptarët e paskan përvetësuar ! Fjala ” mit ” e përdorur nga armiqtë e historisë heroike të Shqiptarëve, merret këtu në kuptimin negativ të saj. Historia e Skënderbeut nuk është as mit e as legjendë por një histori e vërtetë e njohur nga të gjitha Shtetet e shek. të XV-të si dhe Vatikani, e nga të gjitha arkivat historike të Shteteve të kësaj epoke. Kjo egërsi anti-shqiptare, ky denigrim pa shkak, këto manipulime të ulëta e kjo fushatë shpifëse nuk nderon askënd. Përkundrazi, kjo rrezikon t’i vihet zjarri barutit, në këtë zonë të Ballkanit që është populluar prej pushtuesve të ndryshëm dhe që përmbledh një shumëllojshmëri të tillë etnike, gjuhësore, kulturore, politike (mozaik etnik, dhe Kullë Babeli) që jo më kot është quajtur “fuçi baruti”. Veprimet me paramendim dhe provokimi nga ana e serbo-grekëve janë më se të dukshëm: ata dëshirojnë të prishin imazhin e Shqiptarëve dhe të heronjve të tyre. Shpresoj qe t’iu vijë mëndja (arsyeja) dhe të hedhin tutje këtë armiqësi të kotë e këtë urrejtje të gjatë shekullore.
    U kërkoj sidomos autoriteteve shqiptare të jenë vigjilent, të mos dorëzohen ndaj sirenave serbo-greke : mos u bëni naive. Duhet qëndruar syhapur kundrejt çdo prekje të integritetit tokësor te Shqipërisë e Kosovës e të dinjitetit të tyre si shtete sovrane. A duhet shitur shpirti e dinjiteti thjesht për të hyrë në Bashkimin Evropian? Historia dhe e ardhmja do të jenë gjykatësit e vetëm.

  10. #10
    Perjashtuar
    Anëtarësuar
    12-03-2008
    Vendndodhja
    itejdukshem, gjithka
    Postime
    1,536
    Skan qeveritaret faj ketu dihet qart, por ata jan vllezer te fes, nje trung.

  11. #11
    i/e regjistruar Maska e fegi
    Anëtarësuar
    29-05-2009
    Postime
    5,767
    Pellazgët zotëronin një alfabet, që është zhdukur si me magji
    Arif Mati
    Lidhjet pellazge-shqiptare (3)
    Ky punim i dytë sjell prova të padiskutueshme, se grekët nuk kanë ekzistuar para shk. VIII p.K. dhe se ata, që Schlimanni i ka quajtur gabimisht “Mikenë”, nuk kanë ekzistuar kurrë me këtë emër. Këta të fundit nuk ishin gjë tjetër veçse Pellazgët që përmendnin autorët antikë grekë (Homeri, Hekati i Miletit, Helenikosi i Mitilenit, Herodoti, Tuqididi, etj) ekzistenca e të cilëve ngjitet deri në kohët më të hershme.
    Fatkeqësisht, organizmat botërore të gjuhësisë, bazohen tek themeli i quajtur “indo-evropian”.
    Ky popull është «homo pelasgus-i» im, emërtim që e kam krijuar, e që ndoshta do të shqetësojë shumë specialistë të fushave të ndryshme shkencore, që fatkeqësisht, nuk kanë bërë të njëjtën punë koherente dhe studime e kërkime shumëdisiplinore. Po e mbyll me një shprehje të Napoleonit: «Historia është një genjeshter që asnjëri nuk e kundërshton». Jam krenar që pata guximin ta vë (historinë)në diskutim. Studiuesit shqiptar, qofshin arkeologe, historianë, gjuhëtarë apo të kulturës së traditës, duke pasur njohuri mbi trashëgiminë historike shqiptare në fushat që mbulojnë, a gëzojnë përparësi në punën e tyre mbi lashtësinë ballkanike, në krahasim me koleget e tyre evropianë dhe shtrohet pyetja, sa e kanë shfrytëzuar atë? Kësaj pyetje i jam përgjigjur pjesërisht. Po shtoj se në planin gjuhësor, sigurisht që një shqiptar ka përparësi ndaj specialistëve të huaj. Por nuk është e mjaftueshme të jesh vetëm shqiptar, sepse duhen njohur të dy dialektet (gegërishten dhe toskërishten) si dhe semantika, filologjia, antropologjia gjuhësore, veçoritë e gjuhës shqipe.
    Njëkohësisht duhen zotëruar njohuri të shumë fushave shkencore. Problemi që kanë shumë gjuhëtarë shqiptarë është se janë formuar jashtë vendit, por edhe ata që janë formuar brenda vendit, janë bazuar mbi atë që e kam luftuar gjithnjë d.m.th. pohimin «të pranuar nga të gjithë».
    Fatkeqësisht, organizmat botërore të gjuhësisë, bazohen tek themeli i quajtur “indo-europian”. Dhe gjithçka që s’arrijnë ta kuptojnë apo ta shpjegojnë me anën e principeve të tyre të parapërcaktuara, e deklarojnë “gjuhë para-indoevropiane, gjuhë jo indo-evropiane, gjuhë
    parahelenike e zhdukur pa lënë gjurmën më të vogël”, etj etj!
    Latinishtja ka pësuar një ndikim të dyfishtë prej gjuhës etruske dhe asaj greke
    Që nga fundi i shk. 19 gjuhëtarët e parë (një shkencë më se e vonshme) vendosën të krijojnë një lloj gjuhe virtuale (pemë gjuhësore), të formuar duke përmbledhur gjuhë e dialekte të ndryshme por pa pasur fare parasysh kronologjinë e shfaqjes të secilës prej tyre ose më saktë atë të folësve të tyre të parë.
    Për rrjedhojë janë përzier të tera: krahasohen gjuhë të vonshme si ajo sllave (e shfaqur në Evropë në shekullin VI e VII pas Krishtit, por e shkruar vetëm në shekullin XI dhe X pas Krishtit – sllavët zunë një pjesë të madhe të tokave trako-ilire nga të cilët përvetësuan një pjesë të madhe të kulturës së tyre), me greqishten (shkrimet e para të së cilës u shfaqën vetëm në shekullin VII, madje të VI-të para Krishtit) dhe sanskritishten (gjuhë e shkruar në shekullin VI para Krishtit) ose latinishten ( gjuhë e shkruar vetëm në shekullin III para Krishtit), etj.
    Nga njëra anë, përveç greqishtes që është ndikuar prej pellazgjishtes së vjetër, duhet nënvizuar se, latinishtja ka pësuar një ndikim të dyfishtë prej gjuhës etruske dhe asaj greke.
    Nga ana tjetër gjuha sanskrite, udhëkryq aziatik i pushtimeve të mëdha, ka pësuar ndikimin e migracioneve të para ballkano-danubo-egjane të mijëvjeçareve të V-të e të IV-t para Krishtit, si dhe të ushtrive të Aleksandrit të Madh, ushtarët e të cilëve (shumica trako-iire e një pakicë greke sipas Arrienit, biografit të Aleksandrit), u vendosën në këtë trevë të madhe të Azisë pas vdekjes së heroit të famshëm. Pra s’ka dyshim, që sanskritishtja ka trashëguar fjalë që kanë migruar nga Evropa në drejtim të Azisë (bosht evro-indian dhe jo e kundërta).
    Për më tepër, është dekretuar arbitrarisht, se një gjuhë të vjetër e të pashkruar, nuk mund të përcaktohet në kohë dhe nuk mund të përfshihet në studimet dhe kërkimet gjuhësore ! Kjo është arsyeja që nuk është marrë parasysh pellazgjishtja e vjetër, me pretekstin se nuk ekziston asnjë shkrim i deshifruar.
    E njëjta gjë ndodh edhe me shqipen, të cilën shumë gjuhëtare e quajnë si një gjuhë “të vonshme” të nisur nga fakti që është shkruar shumë vonë. Kulmi është se ka edhe nga ata, që e vlerësojnë si një gjuhe bastarde: përzierje të greqishtes, latinishtes, gjuhës sllave e turke! Të gjithë këta gjuhëtarë, nuk kanë bërë asnjë përqasje ndërmjet gjuhës së mbiquajtur mikeniane (të deshifruar para pak kohësh, më 1952, prej Ventris dhe Chadëick!) dhe asaj pellazge të vjetër (gjuhë “fantazmë” meqenëse s’ka qenë e shkruar!).
    Kuptohet që po të nisemi nga ky përcaktim, këta gjuhëtare nuk kanë bërë përqasje, as ndërmjet pellazgjishtes së vjetër – gjuhë mrekullisht e mbetur e folur (simbas poemave të para epike: e vetmja “trashëgimi” e folur) dhe gjuhës së sotme shqipe. S’duhet harruar, se pellazgët zotëronin një alfabet, që fatkeqësisht është zhdukur si me magji!
    Qortimin më të madh, që u bej këtyre gjuhëtarëve, është se nuk i janë drejtuar shkrimeve të lashta, të cilat pohojnë se para mbërritjes së grekëve, vendi që më vonë do të bëhesh Greqi, ishte i populluar nga Pellazget barbarë (Homeri shton se ata ishin hyjnorë dhe gjuha e tyre hyjnore: d.m.th. jo greqishtja).
    Ndërkohe, sipas Herodotit dhe shumë autoreve të tjerë të lashtë, dihet se Pellazgët u kanë dhënë Helenëve mitologjinë e tyre (një pjesë e madhe e antroponimeve, eponimeve, toponimeve të së cilës shpjegohen vetëm me gjuhën e sotme shqipe), ritet dhe kulturën e tyre dhe se Ionët, ishin pellazgë që u bënë grekë, mbasi mësuan greqisht, në periudhën e pushtimit të vendeve të tyre prej helenëve (Herodoti shton që “mbretërit dorianë”, mburreshin se ishin egjiptianë!).(vijon)

Regullat e Postimit

  • Ju nuk mund të hapni tema të reja.
  • Ju nuk mund të postoni në tema.
  • Ju nuk mund të bashkëngjitni skedarë.
  • Ju nuk mund të ndryshoni postimet tuaja.
  •